مجهر سونا .. مع محمد ابراهيم نقد .. عملتها ظاهرة يا بابكر حنين

.....

مجهر سونا علي النيل الازرق ...
برنامج يومي يستضيف الاحزاب السياسية لعرض برامجها الانتخابية وتقدم الاسئلة من الاحزاب الاخري والاعلاميين لمرشح الرئاسة للحزب المستضاف يقدم البرنامج بابكر حنين ..
هذا البرنامج لا ادري كيف وافقت عليه هذه الاحزاب ...
هو عبارة عن محاكمة للحزب المستضاف فقط ليس الا
قبل ما اعرج علي العملية (الظاهرة) العملها مقدم البرنامج مع مرشح الحزب الشيوعي محمد ابراهيم نقد وبثينة خرساني ويوسف حسين
في واحدة من مهازل هذا البرنامج ..
واحد من المرشحين لاحد المناصب والغريبة قال صحفي اتخيلوا
سال محمد ابراهيم نقد من شنو؟؟؟
(انت قعد تصلي؟؟؟)
وعجبتني جدا اجابة محمد ابراهيم نقد علي المرشح للسائل بعد ان وصف سؤاله بأسئلة محاكم التفتيش قال ليهو (حاليا وانا قاعد قدامك انا ما قعد اصلي انشاء الله تكون فهمت )...
المهم ما فعله هذا (الحنين) واحرج الجميع بما فيهم (نفسه) ان لم ابالغ
قال لي نقد (انت كنت بتتونس معاي قبل البرنامج وقلت لي عرمان ما ممكن يفوز والبشير ح يفوز باغلبية ساحقة وقلت لي البشير دا احسن للجنوبيين من اي زول تاني ...)
اتفاجأ طبعا نقد والمعاه وقال ليهو (انا قلت ليك كدة متين ؟؟؟) قال ليهو (قبل البرنامج..)
يعني مجرد كلام وونسه وهو يمكن حتي ما اتأكد من كلام مرشح الحزب الشيوعي كويس
المهم نقد قال ليهو( انا عندي حزب وعندي مرشحين وما ممكن اقول كلام زي دا) ..
ومن الحاجات (السخيفة) في البرنامج دا ( ح اديك نص ثانية ) اتخيلوا هذا (الحنين) يريد من انسان ان يوصل وجهة نظر في نص ثانية
قال لي واحد اظن من حزب الامة لما قاليهوا داير فرصة تانية انا ما خلصت كلامي .. قال ليهو (ح اديك نص ) الراجل قال ليهو (نص ثانية ؟؟؟؟) حنين اظنو خجل قال ليهو (لا نص الفرصة التانية دي)
اليوم يستضيف البرنامج
عبد العزيز خالد
ومزيد من السخافات من مقدم البرنامج في الانتظار

إذا كان المرشحون للبرلمان بمستوي عبد الباقي الظافر .. فيا دنيا عليك السلام

نقد ..
يستاهل . المهزلة..
انا تصضدمت اتصدمت امس .
تلعثم في الكلام .وهشساشة في الطرح
وين اللغة الجهورة ..والكلام الصريح
يوسف حسين وبثينة كان
اكتر ثابتا ولباقة
يا اسفي علي..ماكنت عليه يا اسفي
مفروض حنين يتثبت من البداية
مش كل شي في يده
....مفروض يتحزم من البداية او لايشاركو.

شكرا باسط علي المرور ...
الغريبة كلهمموافقين علي الحاجات البيعمل فيها حنين وضيوفه في مجهر سونا وزول فيهم راضي يقول حاجة مافي
عموما ديل ناس ادمنوا السكوت والتهاون بحقوقهم
الله يكون في العون

!!