سودانيز اولاين دا ( عقدة ) ...... بس ما عايز اقول لعنة ......

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وحاولت اتخارج منه وما قدرت

...............................................
انا يا سادتى الافاضل عضو مراقب فى هذا البورد سنين عددا
وعقدت صداقات( داخلية) مع عدد من رواده دون ان يرونى او اكاتبهم
ولم يكن لى وقتها حق المشاركة اوالمداخلة ....

تحايلت على بكرى للاشتراك بمختلف الطرق ..... وغيرت حتى اسمى دون جدوى
ولم اسعى لاى تزكية من اى شخص

ولكنها فى النهايه فعلا حدثت من غير اى تزكية

...........................

سوانيز اونلاين فيه كل شئ
مناكفات اهل الكورة لا تنتهى ....... (وهى فى غاية الظرف واللباقة )..... والاخبار عندهم اول باول
يا اخى ديل بشكلوا اكبر حزب حقيقى فى السودان
واكبر موجه للراى العام ..... وتلقاهم منتشرين فى بيوت البكاء .... وعكسها بيوت الافراح .... والعمل الطوعى
ومتغلغلين فى حشايا المجتمع واحسب عددهم فى هذا المنبر ..........
( كدى بالله احسب عندنا كم جريدة رياضية يومية )

.

.................................................
ولكن المخيف فى الموضوع ان يشنق طفل عمره 11 سنه نفسه لوفاة لاعبه المفضل الذى كان يحلم بلقاء معه


...........................
.............................
نجى لناس ساس يسوس
وهم فى هذا المنبر كانهم فى هايدبارك ...... تقول ما تشاء ..... وتنشر صور من تشاء
وتشتم من تشاء
وتتهم بالعمالة من تشاء
وتؤمن كما تشاء
وتكفر كما تشاء

......و ديل كمان مناكفاتهم لا تنتهى ...... وكأن بينهم حوار الطرشان
ما فى واحد مستعد اتزحزح من قناعاته حتى لو اتوا له من الادلة ولبن الطيور والعصافير

والله مرات اجيك احساس انو المنبر دا حا يجيب خبر السودان


ولنا عودة

الاخ د امام منبر سودانيز اون لاين يعنى بالنسه لى الكثير عبره عملت صداقات ناجحه
فهو حزبى وهو سودانى الصغير زى ات ماقلت الفكه منو صعبه جدا

..........................
............................

غايتو يا سادة المنبر دا مليان بلاوى ...... واكيد فى ناس ما قاعدين اشربوا شامبيون فقط
........
الخلانى اقول كدا ..... قبل شوية مشيت اقرأ فى بوست (لاخونا )
وقعدت اضحك مع نفسى حتى لفت نظر ناس بيتنا ......
..... وتداركا للموقف قلت ليهم انا بضحك مع ناس فى النت ....

ربك يلطف ما نطش برة الشبكة


..... وبهذه المناسبة اى واحد سودانيز اونلاين عامل ليه مشكلة اجتماعية فى اسرته ... فهى فرصة للفضفضة واستفراغ الما بتقال

.............
الاخ خالد المحرب
(((((((الاخ د امام منبر سودانيز اون لاين يعنى بالنسه لى الكثير عبره عملت صداقات ناجحه
فهو حزبى وهو سودانى الصغير زى ات ماقلت الفكه منو صعبه جدا )))))))))



شكرا على المرور وانا اشاطرك نفس المشاعر
واصدقك القول انه عندما تم اغلاقه لفترة فى السودان شعرت بفراغ ......وانى افتقد شيئا ما

................


..... وبهذه المناسبة اى واحد سودانيز اونلاين عامل ليه مشكلة اجتماعية فى اسرته او عمله...
فهى فرصة للفضفضة واستفراغ الما بتقال

..............
احيانا كنت احاول الهروب الى مواقع جديدة
ولكنى فشلت فى المتابعة
و فى احدى المرات وجدت موضوعا كتبته هنا فى سودانيز اولاين وجدته منقول نقل مسطرة فى موقع اخر

.............
طبعا فى ناس كتيرين مشاركين فى اكثر من موقع
ولكننى تعودت على طريقة هذا المنبر واخراجه و رواده ....
ولذلك لم استطع المتابعة فى منابر اخرى

د.امام
التحايا والود

.........................

نجى لناس الذكريات واولاد الدفعة
.... طبعا ناس الزقازيق ابدعوا فى ذلك حتى فرزوا عيشتهم داخل المنتدى
وحفظنا ناس د. طراوة ودفعته ..... ويا لها من ذكريات فى مرحلة الطلب

وطبعا خريجو بحرى الحكومية وناس دفعتى ما قصروا ....فى ذكرياتهم

.حتى الملتقى هاكم الرابط دا


الرجل ... الذى احببت

هو ما لعنة تعرف ليه ؟
لانه دا السودان
عارف مرات بحس انى قاعدة تحت شجرة الزهاجة
ومرات قاعدة فى دار اتحاد الكتاب السودانيين فى المقرن
ومرات بحس انى قاعدة فى القصر الجمهورى
ومرات فى شارع الله دا فى المواصلات والدنيا حر كافر
وتلاقى اصحابك وصاحباتك وبدون ميعاد تمشو وتقعدو فى الحدايق الزمان ما الهسى
ونتفرج فى جماعة من الناس بلعبو كورة
وتجينا الكورة ونجدعا راجعة
نقوم من هناك نمشى الجندول ونلاقى محمد مدنى وعادل عبد الرحمن ومنعم رحمة
ونقعد نسمع شعر من قدال وحميد ويجى عميرى يغنى ويمشى
ويجى مصطفى سيد احمد ويقول لينا "يا شباب البلد دى لازم تقوم فيها ثورة حمرا لازم "
بصوته الغليد داك
ونختلف حول قصيدة الكتبها منو ؟
يحل المشكلة عمنا جيلى عبدالرحمن ويتفق معاهو عمنا مبارك حسن خليفة
بعد شوية يجيك ناطى كمال الجزولى عامل جوطة فى مقال كتبه محمد سعيدالقدال
ياخ مش كان السودان لذيذ قبل الانقلاب وقبل عشرين سنة ؟
بشبه المنبر دا شنو ليك ؟

على سبيل التحية

......................
سلمى الشيخ سلامة


كم سعدت بمرورك ............
ولم يزل مقالك حول الرجل الذى احببت يجول فى الخاطر
تحس فيه الصدق داخل عظامك ..... وانا متاكد فى ناس كتيرين غالبتهم الدموع وانسالت على حروف المقال
بس عاملين فيها رجال ... والبوح عندهم حرام .

دمتى (يا ام عزة ) ولمثلك نحن هنا فى سودانيز اونلاين

>>>>>>>>>>>

رابط ذو صلة بالموضوع



ماذا لو تم بيع سودانيز أونلاين دوت وكوم

.................
طارق جبريل

(على سبيل التحية )


لك الف تحية


امام