Post: #1
Title: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-13-2010, 05:41 PM
.
.
.
انضمت فضائية الامل السودانية
الى ركب القنوات السودانية العاملة على القمر نال سات
وهي على التردد 11595 والاستقطاب 27500
ملاحظه لابد منها
الاسم لايخلو من الهتافيه ( مشاهده اولى )
البصاص
|
Post: #2
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-13-2010, 06:25 PM
Parent: #1
.
.
.
قيل عنها انها قناه عامه تقدم البرامج بشكل جديد
موجهه للشباب او هكذا قيل
موقعها الجغرافي شمال قناة النيل الازرق بمباني شركة هنا امدرمان السابقه
مكان البث من القاهره وقريبا من الخرطوم
ومازلنا في انتظار معلومات جديده عنها
ومازلنا في اعتقادنا بان الاسم لايخلو من هتافيه عاليه
البصاص
|
Post: #3
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: abdulhalim altilib
Date: 03-13-2010, 09:32 PM
Parent: #2
أخي العزيز / البصاص
تحياتي ،
Quote: انضمت فضائية الامل السودانية
الى ركب القنوات السودانية العاملة على القمر نال سات
وهي على التردد 11595 والاستقطاب 27500 |
شكراً لك أخي أبو عبيدة ، ونأمل أن تكون شايلة إسمها وأن تكون
إضافة حقيقية ومتميزة عن القنوات العاملة ، وأن تخلو من
التطبيل أو التهريج أو البرامج المكررة والمستنسخة من مثيلاتها
(مع تغيير الاسم فقط؟!) ، وأن تختط لها طريقاً جديداً يمكن أن يحتذى
و.. أن تكون باختصار قناة ( غير ) ؟!
فهل هذا كثيرٌ علينا أم ترانا نحلم .. و الأمل بعيد ؟!!
مودتي ،
( ليمو )
|
Post: #4
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-14-2010, 04:17 AM
Parent: #3
Quote: فهل هذا كثيرٌ علينا أم ترانا نحلم .. و الأمل بعيد ؟!!
|
انه حلم ومشروع وبعد الشقه في أمل معافى
تجعلنا نبحث في اجنة المشاريع الواعده عن بذور الفشل فيها حتى قبل ان تولد
بحثاً يؤدي الى قتلها في ارحام الافكار الندية والمتردده ..
اخي ان انصاف المواهب سدوا علينا الافق
وأهل العشم تواروا في مخادع اختياريه وهم يخدعون انفسهم تبريراً
بأهم لم يساهموا في تشويه الحاضر لانهم ليس فيه وهم يغيابهم الاختياري
قرروا ان يسود القبح وأصحاب الافكار الفطيرة وجهنا ولساننا
احلم اخي لكن لاتنتظر جنيناً معافا لفكرة ندية وواعده
في بلد اصبح أهله يقتاتون على البغضاء والكراهية
لبعضهم بعضاً ..
هو مناخ لايولد الابداع
هو مناخ لايولد الابداع
هو مناخ لايولد الابداع
هو مناخ لايولد الابداع
البصاص
|
Post: #5
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: مصطفى توفيق
Date: 03-14-2010, 05:36 AM
Parent: #4
القناة حقت منو من الأحزاب ولا حقت واحد مليونير ؟؟؟؟
|
Post: #6
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: abdulhalim altilib
Date: 03-14-2010, 06:02 AM
Parent: #5
| Quote: القناة حقت منو من الأحزاب ولا حقت واحد مليونير ؟؟؟؟ |
يعني لازم تحرجونا يا مصطفى ؟!!
الواحد ما يجمع ليهو قرشين ويستثمرها في
الهواء ساكت إلا تقعدوا تنقوا فيها ؟!
( واحد مليونير مع وقف التنفيذ) ؟!
إنها حلم حياتي وأمل عمري الذي تحقق
بعد مخاضٍ عسير استمر عقدين ونيف
في بلاط صاحبة الجلالة الغربة اللعينة ؟!!
شريكي البصاص .. لا تبص لي بعين رديَّة ؟!
بص لشقا العمر الذي دفعناه في ذاك الأمل ؟!
معليش .. دي خطرفات واحد حليم وبحاول يحلم ؟!!
مودتي ،
( ليمو )
|
Post: #7
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-14-2010, 08:26 AM
Parent: #6
Quote: شريكي البصاص .. لا تبص لي بعين رديَّة ؟!
بص لشقا العمر الذي دفعناه في ذاك الأمل ؟! |
حبيبنا المليونير مع وقف التنفيذ
ياخي والله لك العتبى حتى ترضى
لم نكن نعلم ولم نفهم من مداخلتكم انها كما قلت
Quote: إنها حلم حياتي وأمل عمري الذي تحقق
بعد مخاضٍ عسير استمر عقدين ونيف
في بلاط صاحبة الجلالة الغربة اللعينة ؟!! |
لكن هو شكوى نسوقها الى من يحمل الهم
ومن هذا الباب ولجنا لكن تعال معاً لنتفأل بك بها
واذكر تمام وزي مابتقول حبوبتي ( ختها حلقه في اضانك)
ان المشاهد السوداني شفيف وذكي فانتبه لذلك
ياريت الادارة تغير لينا العنوانليكون
عضو سودانيزاولاين عبد الحميد الطيب يطلق قناه فضائية جديده ( الامل )
البصاص
|
Post: #8
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: فايزودالقاضي
Date: 03-14-2010, 08:43 AM
Parent: #7
سلام ابوعبيدة ...
نتمنى ان نرى قنوات فضائية متنوعة تجد فيها كل الاتجاهات الفكرية مجالاً متساوياً وتكون تعبيراً حراً لكل اشكال الثقافات السودانية والسياسات الحزبية المختلفة تعويضاً عن التغييب في الفضائيات الحكومية ...
| Quote: عضو سودانيزاولاين عبد الحميد الطيب يطلق قناه فضائية جديده ( الامل ) |
سمعنا بالسرقات الفكرية لكن ماسمعنا بسرقات قنوات وكمان وهي يرقة لم يكتمل تكوينها ..
فايزالقاضي المالك الاصلي لهذه القناة ...
|
Post: #9
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: محمد الأمين موسى
Date: 03-14-2010, 09:27 AM
Parent: #8
يا جماعة القناة دي بتاعت الدكتور عوض إبراهيم عوض الإعلامي المعروف، وهو يتخطط لها منذ فترة، ويبدو أنها توشك أن ترى النور... مبروك للإعلامي عوض إبراهيم عوض، ونتمنى ألا تواجه المشاكل التمويلية نفسها التي واجهتها قناة هارموني.
|
Post: #10
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-14-2010, 09:39 AM
Parent: #9
لمن ترى اعزف اغنيتي
ويبقى الامل حلماً مشروعاً ويتعدد آباء النجاح
ياناس واحد يقول لينا المالك للقناه دي منو ؟
عبد الحميد الطيب ولا فائز ود القاضي ولا الاعلامي الدكتور عوض
لمن ترى اعزف اغنيتي
ومازلنا نحس في اسمها هتافية صارخه
أميطوا اللثام عنها اكثر ايها المالكين
حتى لايذهب بنا التأويل
البصاص
|
Post: #11
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: محمد الأمين موسى
Date: 03-14-2010, 10:12 AM
Parent: #10
أخي البصاص حسب علمي قناة الأمل صاحبها الإعلامي عوض إبراهيم عوض، ولكني لا أدري من هو الممول؟
|
Post: #12
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: SHIBKA
Date: 03-14-2010, 11:01 AM
Parent: #11
شفتها امس القناة دي
وممكن يكون عوض ابراهيم عوض مالك للقناة
لانو اول وجه شفتو لما فتحت القناة
والشي التاني لعملي المسبق انو بخطط لفتح قناة من فترة في القاهرة
انشا الله شايلة اسمها
|
Post: #13
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-14-2010, 11:15 AM
Parent: #12
| Quote: انشا الله شايلة اسمها |
ان شاء الله !!!
شبكه
لكن الا تتفقين معي انه حتى فترة الانطلاقة للبث التجريبي
لم يملك الاعلام اي معلومات عنها وأن قوقل المخضرم لم يأتي
الا بمعلومات مختصره عنها في منتديات الاذاعه التلفزيون السودانية
شبكه هذه القناة في الاصل هي مأعون اعلامي
ويوم بتغييب الاعلام !!!!
ومازلنا في انتظار المالكين / الممولين / الجهات الراعيه/...
البصاص
|
Post: #14
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: ashraf mukhtar
Date: 03-14-2010, 12:05 PM
Parent: #13
Quote: الخرطوم :الرأي العام
انطلق صباح امس البث التجريبي للفضائية السودانية الخاصة (الأمل) التي تضم كوكبة من الاعلاميين والمثقفين السودانييين يعدون ويقدمون برامج شاملة للشاهد السوداني والعربي .
وقال لـ(الرأي العام ) صاحب القناة الاعلامي د.عوض ابراهيم عوض ان القناة الجديدة تحمل توجها وطنيا سودانيا، وتحمل رسالة للامة الاسلامية كافة الترتيبات قد اكتملت لتقديم خدمة اعلامية متكاملة للمشاهد السوداني الذي سيجد تنوعا واضحا في برامجها من الاخبار والبرامج سياسية وبرامج المنوعات والثقافة والرياضة والاطفال وغيرها، ويشارك في اعداد وتقديم البرامج نخبة من الاعلاميين من بينهم مدير البرامج بالقناة المخرج بدرالدين حسني وابوبكر الشيخ مسؤولا عن (الدراما) ويشارك بالتقديم عوض ابراهيم عوض في سهرة(مراحب)، وسهرة منوعات يقدمها جعفر سعيد الريح بعنوان (المنصة) وعثمان حسن مكي (الرياضة) و(رياضة عالمية) يقدمها احمد ابراهيم، آمال سراج برنامج (الاسرة)، عوض بابكر (الحقيبة) بالاضافة لبرامج اخري يقدمها عبد المطلب الفحل وسماح علي الريح، وتقدم القناة وجوها لمذيعين جدد تم تدريبهم لمدة شهر. وتبدأ انطلاقتها الحقيقية في الحادي عشر من ابريل المقبل، على القمر الصناعي (نايل سات) بتردد (11595) وهو نفس التردد الذي تبث عليه قناتا (هارموني وزول).
|
|
Post: #15
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-14-2010, 03:55 PM
Parent: #14
| Quote: انطلق صباح امس البث التجريبي للفضائية السودانية الخاصة (الأمل) |
شكراً شرف مختار للتوثيق المطلوب
وان جاء الخبر المؤكد متأخراً بيوم كامل
في عالم أصبحت مادته الرئيسية هي الاخبار
وهذه تحسب على الدكتور عوض ابراهيم عوض
الذي عليه ان ان يجيب على الكثير من الاستفهامات
من النوع الذي يجيب عليه المالك والمنتج والممول
لا الاذاعي
الدكتورعوض ابراهيم عوض شهادتنا فيه مجروحه مجروحه
وهو على قدر التحدي تماماً وننتظر منه المزيد لنوثق له الاشادات
لكن بذات العين سنتابع (الأمل)
البصاص
|
Post: #16
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: هاشم محمد الحسن عبدالله
Date: 03-15-2010, 05:21 AM
Parent: #15
شكرا أخى أوعبيدة على البوست ، ونأمل ان تكون القناة الجديدة متميزة ، بس عندى ملاحظة عن صاحبها دكتور عوض ابراهيم عوض وهو اعلامى متميز بدأ مذيعا وتسلح بالعلم حتى أصبح أستاذا جامعيا ، لكن مشكلته يحب الشخصنة والظهور بطريقة مزعجة ، أتمنى ان لايكون ذلك فى طلاته على القناة الجديدة، ولقد سعدت جدا بوجود الأستاذ عوض بابكر كمسئول عن الحقيبة فى القناة فهو سيكون اضافة حقيقية لها وسيجذب لها عشاق هذا الفن الأصيل الرفيع ، لاحظت فى البث التجريبى فنانين جدد لم أسمعهم بهم فى حياتى ، ان شاء الله خير ، مودتى .
|
Post: #17
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: محمد عبد الماجد الصايم
Date: 03-15-2010, 06:21 AM
Parent: #16
فتشتها أمس ما لقيتا!
عبد الحليم التلب يا عمكـ!
|
Post: #18
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-15-2010, 09:23 AM
Parent: #17
| Quote: عبد الحليم التلب يا عمكـ! |
مش قالوا المنبر ده بقى مسكون
وتييييب
مدخل للخروج :
كامل اعتذارنا لصالح الاسم الصحيح
عبد الحليم التلب
البصاص
|
Post: #19
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-15-2010, 09:24 AM
Parent: #16
| Quote: شكرا لمروان على البوست |
؟؟؟؟؟؟؟؟؟؟؟؟؟؟؟؟؟؟؟؟؟
|
Post: #20
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: محمد عبد الماجد الصايم
Date: 03-15-2010, 09:43 AM
Parent: #19
عمكـ هاشم دا الظاهر عليهو بشجع الاتحاد السعودي
مروان البصاص لاعب سابق في فريق الاتحاد السعودي
شايفكـ جيت ماشي فيني ساي
قلنا ليكـ ما لقيناها!
أكتب لينا الاسم بالانجليزي هنا!
|
Post: #21
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-15-2010, 11:39 AM
Parent: #20
Quote: شايفكـ جيت ماشي فيني ساي
قلنا ليكـ ما لقيناها! |
يابا اعمل اعادة بحث من جديد لكل الترددات بنتزل معاك
او اعمل بحث يدوي واكتب التردد الفوق ده وسويلو اوكي
او ابدا ماني عارف طوالي بتنزل معاك ودربك اخضر
لكن النصيحه لي الله الفنانيين الفيها زي الامجادات ماتعرف
فيهم ولا واحد بس ممكن تعرف بالفنانين الزي الامجادات
وامتي يا امة الامجاد
البصاص
|
Post: #22
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: هاشم محمد الحسن عبدالله
Date: 03-15-2010, 12:56 PM
Parent: #20
ياعمك كلامك صاح حنا من جدة ولازن نشجع الآتى ، وأعتذارى للحبيب أبوعبيدة ، امبارح غالبين واحد صفر بعد معاناة مودتى
|
Post: #23
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: motaz
Date: 03-15-2010, 02:34 PM
Parent: #22
شكرا أبو عبيدة
ولبقية الشباب
ود الصايم وللذين لا يستطيعو مشاهدة القناة
إسمها كدا
Al-amal
واحتمال تكون موجودة من الأول
أنا عملت بحث ما ظهرت لي مع القنوات الجديدة
واكتشفت أنها موجودة من البداية
شكرا أبو عبيدة مرة ثانية
|
Post: #24
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-15-2010, 06:17 PM
Parent: #23
الحبيب معتز
زي ما بتقول حبوبتي
خشمك فيهو اللبن
لانك على مقولة ود الصايم (جبت النجيضه)
البصاص
|
Post: #25
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: abdulhalim altilib
Date: 03-16-2010, 06:10 AM
Parent: #24
عزيزي البصاص
تحياتي ،
| Quote: عضو سودانيزاولاين عبد الحميد الطيب يطلق قناه فضائية جديده ( الامل ) |
يعني حتى في الحلم وذاك الأمل السراب عاوزين تخمونا فيهو ؟!!
هسع بكرة يجيك واحد ناطي إسمه عبدالحميد الطيب ، يقول ليك
أنا سيد القناة وأنا المليونير (الما مزيف) وأن عضو سودانيزأون لاين ؟!!
أظنك بصيت لإسمي (عبدالحليم التلب ) وعينك على ملاييني التي أنفقتها
في قناة الأمل الحلم ذاك ؟! ونقشت الاسم غلط .. عشان كده راحت عليك وعلي ؟!!
إذن لنحلم في قناة غيرها .. حتى ولو قناة تبع تفسير الأحلام أو طرد الشياطين ؟!
واللا شن قولك يا ود الصايم ؟!
مودتي ،
( ليمو )
|
Post: #26
Title: Re: انطلاق البث التجريبي لفضائية ( الامل) السودانية على القمر الصناعي نايلسات
Author: أبو عبيدة البصاص
Date: 03-16-2010, 07:01 PM
Parent: #22
Quote: وأعتذارى للحبيب أبوعبيدة ،
امبارح غالبين واحد صفر بعد معاناة مودتى |
بعد الشفتو بالجد القون جا بعد معاناه
ياخي ولا يهمك ما شايف اخوك جاط ليهو اسم كامل
لكن عزانا بانه يبقى الود مابقي اللحاء انت الغالي ود التلب
بنقول ليهو احلم يابا وابقى مليونير على كيفك
لكن سمى لينا اسم ما نقعد نفلفل فيهو !!!
البصاص
|
|