|
Re: يا شباب مساعدة..بورداب الامارات.. (Re: عبد الحكيم نصر)
|
Quote: في منو فيكم جاي امريكا؟؟
او بيعرف واحد جاي امريكا؟؟ |
جارى البحث قف اذا تم العثور عليه قف سوف يحضر لكم وبمعيته الدواء قف وايضا ام رقيقة قف نرجو التعامل بالمثل عند العوده قف تبديل ام رقيقة بام اربعة واربعين قف نتمنى ان تكونى انت ساره وليس الهكر قف نرجو ارسال نوع الدواء و الكمية المطلوبة فى الخاص قف فى الخدمة كججج قف والسلام
| |
|
|
|
|
|
|
Re: يا شباب مساعدة..بورداب الامارات.. (Re: سارة علي)
|
نحن في الإمارات يا سارة.. أجيبوا ليك من آخرو حتى لو لقينا زول ماشي ليكم برضو ماراح يشيلو؟؟؟!!!! لأنو بأمانة الناس بقت تخاف؟؟؟؟؟ أي حاجة ممكن يأولوها حاجة تانية خالص خالص .............. يبدو أنك عايزة دواء سعرورخيص في الإمارات وغالي في أمريكا..مجموعة من البورداب هنا.. عندهم صندوق خيري صغيير كدة على قدر الحال معمول للبورداب... قالوا ممكن يساهموا في سعر الدواء حتى يخلوهو كأنوا في الإمارات.. ......... هذا إذا كان فعلا هو دواء.. أما دواء تاني مثلاً زي حرجل..محريب.. حمريب.. عطرونة.. جردقة.. قرض.. حلفا بر.. حاجات زي دي صعب زول يشيلا. برضو الناس تخاف ............ أما إذا كان دواء آخر من محب لحبيب برضو الناس تخاف .......... وبخاف أكتر كمان يا غالي من أيديا إنت تضيع.. المهم اجتماع البورداب المصغر ده قال كدة ......... نحن نأخذ الحاجات الجاية في سودانييز أون لاين مأخذ الجد.. ونتعامل مع الناس جد جد ونتناقش فيما يكتب وطلبات الناس واحتياجاتهم لنكمل بها دنيانا وديننا ..
| |
|
|
|
|
|
|
Re: يا شباب مساعدة..بورداب الامارات.. (Re: سارة علي)
|
Quote: يمكن أن يصلك الدواء عن طريق DHL
بشرط وجود نسخة عن الوصفة الطبية صادرة من ( إنديكم ) فى امريكا!!!
تحياتى... |
الدواء لشخص ما عندو تأمين صحي لسه... فقصة البريسكربشن دي ممكن لو اصلا كان الدواء ما موجود..او اذا يمكن نفس دواء الروشتة يتلقي هناك.. بس الدواء اصلا موجود جااااهز ومشترينو..بس يصل كيف..
شكرا مكاوي
| |
|
|
|
|
|
|
Re: يا شباب مساعدة..بورداب الامارات.. (Re: Hassan Makkawi)
|
سلامات يا سارة يا رقيقة ربنا يكتب سلامتها و يطمئنكـ عليهاQuote: الدواء لشخص ما عندو تأمين صحي لسه... فقصة البريسكربشن دي ممكن لو اصلا كان الدواء ما موجود.. |
يعني الزول لو ما عندو تأمين صحي في أمريكا و ما عندو قروش يموت ولا علي كيفو ؟
| |
|
|
|
|
|
|
Re: يا شباب مساعدة..بورداب الامارات.. (Re: فيصل نوبي)
|
لكن يا نوبي البلد دي فقر خلاص..العلاج غاااااااالي نار لو ما عندك تأمين صحي.. قدر ما احكي ليك غالي كيف مقارنة بالسودان والخليج ما بتتخيل.. هسه انا بحاول احل موضوع التأمين الصحي دة للوالدة وشغالة في الموضوع دة.. هي من زمان عندها علاجات بتجيب طوالي معاها ..المرة دي حصلت ظروف.. اخدنا ليها جزء من العلاج هنا قبل ما يكمل دايرة الحق الباقي..
الحمد لله هي ما تعبانة ..بس محتاجة للدواء..
| |
|
|
|
|
|
|
|