Post: #1
Title: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: jini
Date: 03-12-2010, 09:28 AM
نقبل وين ! نقع وين!
دى مصيبة شنو!
واحد بعد عشرين سنة يقول ليك انا الرئيس الشرعى!
يا اخى انت برضو يتيم لان والدك الصديق المهدى عليه رحمة الله اتوفى قبل خمسين سنة!!!
يا اخى لقد مرت مياه كثيرة تحت الجسر!
يا أخى الفترة الرئلسية حقتك بفرض عدم حدوث انقلاب كانت انتهت خمسة مرات دو لو كانوا برشحوك تانى بعد كل فترة فشل لك!
يا اخى قلنا البشير خلواليهو الرئاسة الزفت دى لانه اهوج وارعن وحيهد المعبد على الجميع لانه العدو امامه ولاهاى خلفه!
يا اخى لازم تكونوا رؤساء وأسياد للشعب المنكوب دا!
يا اخى اتحالفوا فى انتخابات البرلمان والولاة مرشح وحيد للاحزاب ضد مرشح المؤتمر الوطنى فى كل دائرة على ان يكون تنسيق للمرشح الاكثر حظا مع التنسيق للتمثيل لكل الاحزاب باعطاء الفرصة لها باسماع صوتها ن داخل البرلمان وبذلك يتم عزل البشير عن بطانته وتحجيمه بواسطة برلمان يمثل الشعب بحق وحقيقة!
يا اخى ارحمونا يرحمكم من فى السماء!
جنى
|
Post: #2
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: وليد محمد المبارك
Date: 03-12-2010, 09:33 AM
Parent: #1
|
Post: #3
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: jini
Date: 03-12-2010, 09:46 AM
Parent: #1
يا اخى التغيير والثورة ممكن يجى من الريف والمدن والقرى عبر البرلمان يعنى اترشح فى ابا وخلى مبارك يترشح فى الدويم وناس المرغنى يترشحوا فى كسلا وسنكات وجبيت!
يعنى شنو تفوز وتبقى رئيس وكل مفاصل السلطة والحكم تحت قبضة المؤتمر الوطنى!
دا لو البشير سلمها ليك زى ماسلمها بوش لى اوباما ودا النجم اقرب بالتزوير بالانقلاب بى هد المعبد بالجن الاحمر!
جنى
|
Post: #4
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: مريم بنت الحسين
Date: 03-12-2010, 04:25 PM
Parent: #3
يا ريت لو بقروا كلامك ده يا جنّي!
|
Post: #5
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: Dr. Salah Albashier
Date: 03-12-2010, 06:17 PM
Parent: #4
الأخ العزيز جني
لك التحية والود ووافر الإحترام
أعجبني هذا الكلام وهذه السخرية اللاذعة، لكن ماذا نفعل في الذين يفترضون أن السودان "بلاهم ولا شي"
شكراً اخي الكريم
مع خالص تحياتي
د. صلاح البشير
|
Post: #6
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: jini
Date: 03-12-2010, 11:24 PM
Parent: #5
إعدام سائق سوداني قتل صاحب العمل في السعودية!!!!!!!!!بي بي سي
الأعزاء وليد ومريم وصلاح
شكرا للمرور البهى
هل تعتقدون ان برلمانا يمثل الشعب يمكن ان يمرر قوانين تسلم مواطنا سودانيا لدولة لا تتوفر له فرصة الدفاع عن نفسه بصورة عادلة ليواجه عقوبة الاعدام بشطب راسه بالسيف!
هل يمكن لنافع وامثاله الفوز اذا قدمت الاحزاب مرشحين يلتزمون بالدفاع عن عن مجانية التعليم ومجانية العلاج وصيانة الحقوق والتزام الشفافية والعدل فى المحاسبة للكبير قبل الصغير!
جنى
|
Post: #7
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: فايزودالقاضي
Date: 03-12-2010, 11:41 PM
Parent: #6
جنى ..ٍسلامات ..
حاجة تحير والله ...
الشي المؤسف والمحبط بقى مافي خيارات غير المؤتمر الوطني وبين هؤلاء ...مرات كده بجيني احساس انو ناس الميرغني والصادق المهدى وبقية المعارضة مؤتمر وطني بس احتياطي ...
غيتو الله لينا ...
|
Post: #8
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: Adil Osman
Date: 03-12-2010, 11:57 PM
Parent: #1
جنى
هل تقارن 3 سنوات من حكم الصادق المهدي المنتخب ب 21 سنة من حكم البشير الانقلابى؟
يبدو انك جني(ت) فعلآ!!
|
Post: #9
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: jini
Date: 03-13-2010, 00:19 AM
Parent: #8
Quote: جنى
هل تقارن 3 سنوات من حكم الصادق المهدي المنتخب ب 21 سنة من حكم البشير الانقلابى؟
يبدو انك جني(ت) فعلآ!! |
فعلا جنيت يا عادل!
لا موت الا لحى ولا طلاق دون زواج ولا انقلاب الا بعد حكم للصادق المهدى!
فشل الصادق بعد حكم 3 سنوات فحكمنا نميرى 16 سنة ثم حكم الصادق 3 سنوات فحكمنا البشير 20 عاما!
واذا قدر للصادق ان يحكمنا 3 سنوات اخرى فسيحكمنا معتوه آخر 24 سنة!
3 سنوات لكن ما جمرة!
3 سنوات الصادق دى سرها باتع يا عادل اخوى!
ود القاضى شرفت كتير
جنى
|
Post: #10
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: عاطف مكاوى
Date: 03-13-2010, 00:24 AM
Parent: #9
للأسف يا جني
وحتي لو كان كلامك صحيحا 100%
فقولها في هذا الوقت وبعد انتهاء فترة سحب الترشيحات
سيكون دعاية انتخابية مجانية للكيزان من شخص هو عدو فكرى لهم.
|
Post: #11
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: saif massad ali
Date: 03-13-2010, 00:28 AM
Parent: #10
المشكلة ياجني قبل نميري الصادق كان عندو 65 مقعدا في البرلمان وبعد نميري الصادق دخل البرلمان بي 101 مقعدا
المرة دي الله يستر ما تقوم الحرابة في الانتخابات
|
Post: #12
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: jini
Date: 03-13-2010, 00:36 AM
Parent: #11
Quote: للأسف يا جني
وحتي لو كان كلامك صحيحا 100%
فقولها في هذا الوقت وبعد انتهاء فترة سحب الترشيحات
سيكون دعاية انتخابية مجانية للكيزان من شخص هو عدو فكرى لهم. |
يا عاطف
المطلوب تنسيق فى انتخابات البرلمان هاذا ما قصدته !
تحالف فى انتخابات عليه!
الرئاسة سيدخل البلاد فى امر ضيق!
بالله بعد عشرين سنة من حكم البشير نحتاج لنتحالف للفوز على البشير!
المنطق يقول ان البشير يجب ان لا يصمد امام اقل المرشحين شانا!
جنى
|
Post: #13
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: Adil Osman
Date: 03-13-2010, 00:43 AM
Parent: #11
جنى
يدافع عن نظام الانقاذ بوعى لا بأس به. وخفة دم.
ملاسي الجوكى ربط مصيره بهذا النظام.
هل تربط مصيرك ومصير اولادك وبناتك الجميلات، وانت متزوج من اكبر بيت جلابى فى نيالا، بهذا النظام؟
عاين كويس يا جنى. شوف الافق البعيد. لا الافق العبيد.
|
Post: #14
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: jini
Date: 03-13-2010, 00:54 AM
Parent: #13
| Quote: يدافع عن نظام الانقاذ بوعى لا بأس به. وخفة دم. |
يا عادل انا اتحدث عن برلمان وولاة يمثلون الشعب السودانى وبتنسيق بواسطة الاحزاب!
اين الانقاذ واين دفاعى عنها!
تعرف قصة الحرامى الذى تسور منزل عزابة ووجدهم نائمين فى الحوش فاطمئن ودخل غرفتهم وجمع ما خف وزنه وغلا ثمنه وعندما تاهب للخروج وجد الاسرة قد خلت من اصحابها فالقى المسروقات واخذ يصرخ فى هيستريا الحرامى!
البشير عندما يجد البرلمان يمثل الشعب بحق وحقيقة سيصرخ اوكامبو!
جنى
|
Post: #15
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: فايزودالقاضي
Date: 03-13-2010, 01:00 AM
Parent: #14
عادل ...سلامات ..
ده كلام زول بناصر الانقاذ ؟!!
Quote: يا اخى اتحالفوا فى انتخابات البرلمان والولاة مرشح وحيد للاحزاب ضد مرشح المؤتمر الوطنى فى كل دائرة على ان يكون تنسيق للمرشح الاكثر حظا مع التنسيق للتمثيل لكل الاحزاب باعطاء الفرصة لها باسماع صوتها ن داخل البرلمان وبذلك يتم عزل البشير عن بطانته وتحجيمه بواسطة برلمان يمثل الشعب بحق وحقيقة!
يا اخى ارحمونا يرحمكم من فى السماء! |
دي دعوة توجيهيه ان اردنا اسقاط نظام الانقاذ ..
|
Post: #16
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: عاطف عمر
Date: 03-13-2010, 04:02 AM
Parent: #1
سمعت يا جني النكتة القالها الرئيس البشير في قناة النيل الأزرق أمس ؟؟
بدأ إمام أحد المساجد يدعو بعد الفراغ من صلاته الدعاء الشهير " اللهم لا تسلط علينا بذنوبنا من لا يخافك ولا يرحمنا " قاطعه أحد المصلين المكتوين بالنار
" ياشيخنا هو سلطهم وخلص إنت بس أسألوا التخفيف "
دحين ياخوي
ما بين الحكومة والمعارضة
خلينا بس ندعو ربنا أن يلطف بنا في قضائه
|
Post: #17
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: نيازي مصطفى
Date: 03-13-2010, 06:32 AM
Parent: #16
| Quote: فشل الصادق بعد حكم 3 سنوات فحكمنا نميرى 16 سنة |
بقدرة جني صارت ال 7 اشهر 3 سنوات !
ياخي بطلوا دعايات فارغة وتكلموا بالمنطق والعقل بدلا عن هذه المحاكاة والمماحكات.
حكم الصادق المهدي ديمقراطيا ولم يأتي عبر انقلاب عسكري ..
الثلاثة سنوات اعقبت خراب 16 عام واذا قارنتها من كل النواحي باي ثلاثة
سنوات انتقائية من حكم (الانغاز) ستجدها افضل .
المهدي رشحه حزبه فلماذا لا تحترمون ذلك بدلا عن النفخ في قربة
البعض وهي حقيقة مقدودة .
|
Post: #18
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: jini
Date: 03-13-2010, 09:34 AM
Parent: #17
Quote: بقدرة جني صارت ال 7 اشهر 3 سنوات !
ياخي بطلوا دعايات فارغة وتكلموا بالمنطق والعقل بدلا عن هذه المحاكاة والمماحكات.
حكم الصادق المهدي ديمقراطيا ولم يأتي عبر انقلاب عسكري ..
الثلاثة سنوات اعقبت خراب 16 عام واذا قارنتها من كل النواحي باي ثلاثة
سنوات انتقائية من حكم (الانغاز) ستجدها افضل .
المهدي رشحه حزبه فلماذا لا تحترمون ذلك بدلا عن النفخ في قربة
البعض وهي حقيقة مقدودة . |
ود عوج الدرب وطارق بجيكم بعد ان ارد على الحبيب نيازى
السبعة شهور هى من ضمن تلاتة سنوات اذاق فيها الصادق العملاق القامة المحجوب اكؤوس العلقم بعنى فترةالحكم كلها حزب امة!
وهسة دا خراب 20 سنة الصادق الذى ناهز الثمانين عاوز يحلو فى كم سنة!
بعد ين انشاءالله دكتور جيكل اند مستر هايد دا العاوز يعمل فيها خاتمى ورفسنجائى فى نفس الوقت فى بلد متعدد الثقافات والاديان حيطلع من الجبة والعمامة كيف !نحن عولنا على ان يكون بعقلية اكسفورد التى تخرج منها ولكنه ابى الا ان يكون بعقلية خلوة جزيرة ابا التى تعلم فيها قبل اكسفورد بعشرين عاما!
صدقنى الصادق قضى على حزب الامة وقضى على السودان !
رجل لا يفرق بين الهداية والفلاح والتراضى دمر التجمع الوطنى وتراضى مع الانقاذ ودعم حليفه مبارك كوكادام الانقاذ ثم عادا مرة اخرى قبل الانتخابات بهنيهة عبر الاتحاد فهلوة!
انا ما عارف ناس الحزب ليه ما بتحملوا النقد واقل شئ يرفعوا شعار الانتى امية زى الانتسامية زى اليهود يعنى لسة بعقلية البلد بلدنا ونحن اسيادها!
يا اخى الصادق دا الخواجات والزعامات الاقليمية والدولية كلها قنعت منو بقت ما بتشاوروا لانها عرفت انه لا بحل لابربط!
الصادق بعدا يشيل ليهو خرطوش ويرش الشجر حق البيت لحدى ما سيد الامانة يشيل امانتو!
اما ان توقعتم ان يحكم فستكون الطامة الكبرى!
انا ما عارف اليساريين بعولوا على الصادق ليه!
الراجل عمل فيه الكناس الاعظم وقال حيكنس آثار مايو وشال المكنسة بالقلبة وكنس القوى الحديثة الجابتو بعد الانتفاضة وتحالف مع الترابى والانتفاضة لم يبرد حرها!
الصادق الذى يتحدث عن ديمقراطية وستمنستر وفصل السلطات وبالرغم من ذلك قام بحل الحزب الشيوعى بالرغم من قرار القضاء الذى لم يوافق على قرار البرلمان!
والغريب العودة للرهان عليه والاحتجاج على نقده ووصم من ينتقده بالانقاذية!
جنى
|
Post: #19
Title: Re: كان الله فى عون السودان والسودانيين! البشير جوة الميدان والصادق المهدى بسخن على الخط!!
Author: Basheer abusalif
Date: 03-13-2010, 11:17 AM
Parent: #18
العودة الي الرهان علي الصادق المهدي أعتقد أنه حق مشروع..
بل حق مستحق
مستحق بمواقفه الدائمة الداعمة للديمقراطية
لا يستطيع عاقل أن يحاكم الديمقراطية في سنواتها الثلاثة بأنها فاشلة..
بل و يذهب الي أكثر من ذلك ليعلق كل فشلها في رقبة رئيس وزاء(وحده) وهو لم يحكم لوحده
و الدليل علي ذلك دعوتك الأن الاحزاب لترك الرئاسة للبشير؟! و التركيز علي إنتخابات البرلمان لتكبيله بها
لماذا يستطيع البرلمان هنا أن يحكم و يكبل (مع أن الجمهورية الرئاسية) للرئيس فيها سلطات أعلي من (رئيس الوزراء) في الجمهورية البرلمانية
وفي حالة الصادق المهدي عفيت البرلمان (ولحزب الأمة فيه أقل من 50%) لتضع كل ما أسميته فشلا في رقبة المهدي!!
أهو كيل بمكيالين، أم سعي لإلصاق ما تراه فشلا بالصادق المهدي و السلام؟
ليس من الديمقراطية في شئ أن نطالب أحدا أن يفسح المجال لغيره طال ما أنه سيأتي باصوات الناخبين
إلي أن نغير هذا النوع من التفكير سنحتاج الي مزيد من الجهد للتوعية بحقيقة الديمقراطية، بالأخص لدي من يظنون أنهم يدركون معناها.
أما دعوتك للإهتمام بالبرلمان، فهي دعوة ليس بالضرورة أن تأتي علي حساب الإهتمام بالرئاسة، و أظن أن هناك تباشير بها في أكثر من دائرة و ولاية حتي الأن تم الإتفاق فيها علي مرشح واحد للقوي الوطنية، و أتقع أن تزداد هذه الرقعة بشدة في الأيام القادمة.
_____________
دكتور صلاح البشير:
ليس صحيحا بأن من تحدثت عنهم يرون في الديمقراطية (يا فيها يا بلاها)
ذلك لأن مواقفهم كانت دائمة و بإستمرار مع الديمقراطية، يوم كانوا فيها أو كانوا خارجها
الذين قالوا (يا بلاها) إنقلبوا عليها يوم لم تأتي بهم.
|
|