Post: #1
Title: نقد في كوستي : بث مباشر
Author: عبدالله محمد احمد بلة
Date: 03-11-2010, 01:47 PM
مساء اليوم .. ندوة سياسية لنقد بميدان الحرية بكوستي ..
والي ذلك الحين .. ساعدونا برفع البوست
|
Post: #2
Title: Re: نقد في كوستي : بث مباشر
Author: محمد هشام
Date: 03-11-2010, 01:53 PM
Parent: #1
شكرا يا عبد الله ....
انت شيوعيين كوستي ديل قدروك ولا شنو ؟!
|
Post: #3
Title: Re: نقد في كوستي : بث مباشر
Author: عمر ادريس محمد
Date: 03-11-2010, 02:31 PM
Parent: #2
|
Post: #4
Title: Re: نقد في كوستي : بث مباشر
Author: ibrahim alnimma
Date: 03-11-2010, 02:50 PM
Parent: #3
وثقو 000وثقو 0000
فان فيه للصديق يقين 000وللعدو تكشيرة وخلعة000
فوثقوا يرحمكم الله
فصبراً ال عبدالخالق
ومزيدا من الصبر ال نقد
|
Post: #5
Title: Re: نقد في كوستي : بث مباشر
Author: سناء عبد السيد
Date: 03-11-2010, 03:12 PM
Parent: #4
فوق
|
Post: #6
Title: Re: نقد في كوستي : بث مباشر
Author: باسط المكي
Date: 03-11-2010, 04:47 PM
Parent: #5
فوووووووووق
|
Post: #7
Title: Re: نقد في كوستي : بث مباشر
Author: الواثق تاج السر عبدالله
Date: 03-11-2010, 05:55 PM
Parent: #6
|
Post: #8
Title: Re: نقد في كوستي : بث مباشر
Author: عبدالله محمد احمد بلة
Date: 03-11-2010, 06:35 PM
Parent: #7
وصلت الان الي مكان الندوة .. ميدان الحرية امتلأ عن اخره ووجدت صعوبة في العثور علي مكان اجلس عليه ..
تتحدث الان ممثلة مرشحات الحزب الشيوعي السوداني عن معاناة المرأة السودانية .. وضرورة وجود قانون للاحوال الشخصية ينصف المرأة .. واصدار قوانين رادعة للاغتصاب .. وطالبت بمساوة المرأة مع الرجل في اتخاذ القرار
|
Post: #9
Title: Re: نقد في كوستي : بث مباشر
Author: عاطف مكاوى
Date: 03-11-2010, 06:40 PM
Parent: #8
العزيز عبدالله
شكرا لك
ونرجو أن لا تخذلنا كما خذلنا في الفعاليات السابقة بالعاصمة نحن المتواجدون بالخارج
فبعد السرد من جانبك يجب أن تجد لنا تسجيلا وانزاله هنا...... فالعمل السياسي بمدينة كوستي
له نكهة خاصة .
|
Post: #10
Title: Re: نقد في كوستي : بث مباشر
Author: عاطف مكاوى
Date: 03-11-2010, 06:44 PM
Parent: #9
Quote:
ميدان الحرية امتلأ عن اخره ووجدت صعوبة في العثور علي مكان اجلس عليه .. |
أين علاءالدين يوسف ؟
|
Post: #11
Title: Re: نقد في كوستي : بث مباشر
Author: عبدالله محمد احمد بلة
Date: 03-11-2010, 06:58 PM
Parent: #8
أغاني وردي الاكتوبرية ومقاطع شعرية
وديل انحنا القالو متنا
وقالو فتنا وقالو للناس انتهينا
احنا جينا
الان كلمة احمد حسن ممثل مرشحي الحزب بجنوب النيل الابيض :
برنامج الحزب بولاية النيل الابيض :
*اصلاح الخراب الذي احدثته الانقاذ بالولاية
*ولاية النيل الابيض غنية بمواردها وفقيرة في خدماتها فلابد من مراجعة النظام الاقتصادي للانقاذ حتي تتوقف الفوضي
*مراجعة ما تم من خصخصة لمشاريع النيل الابيض وما تم من استيلاء علي اراضي الولاية .. مشاريع النيل الابيض هي مشاريع اعاشة كانت تكفي الولاية بس الان اصبحت الولاية مستوردة للمحاصيل
* الغاء خصخصة النقل النهري " تصفيق داوي*
* تخصيص 2% من عائد مصانع السكر والاسمنت للولاية
*تطبيق مجانية والزامية التعليم الاساسي
*انشاء كليات زارعية وبيطرية حسب واقع الولاية
*معالجة موضوع الرسوم الدراسية وتأهيل الداخليات
*الخريجين سايقين ركشات وكارو فلابد من وضع ميزانية خاصة لاستيعاب الخريجين
* تأهيل البنية التحتية للمستشفيات وقطاع التعليم وقطاع الطرق
* تكوين جهاز قومي مستقل لمعالجة امر المفصولين
*تكوين هئية قومية لاصلاح الخدمة المدنية ومحاربة الفساد المالي والاداري
|
Post: #12
Title: Re: نقد في كوستي : بث مباشر
Author: عبدالله محمد احمد بلة
Date: 03-11-2010, 07:24 PM
Parent: #11
كلمة المرشح المستقل الكامل حمد الذي يدعمه الحزب لمنصب الوالي :
مشكلة اساسية هي مشكلة المياة .. موية كوستي دي موية صالحة للشرب ولابد من معالجتها .. (الحديث مصحوب بصور ورسوم بيانية لمعالجة المشكلة .، جد اسلوب راقي)
مشيت لفاتحة في قرية ،. وسيد الفراش قال لي ماف دبلوسيهات لقضاء الحاجة .. ومشينا خمسة لقضاء الخاجة واكتشفنا ان الابريق فاضي ..
ومشينا لمرة والدة عشان نحمدل ليها السلامة ولقينا في القطية .. جداد .. وعجين . وغنم _ وكدايس .. الناس في ولايتنا تعبانة تعبانة خالص
مصانع السكر والاسمنت خربت البئية وجابت الامراض والولاية ما لاقية منها عائد ..
توزيع الخدمات غير عادل .. خاصة مناطق التماس مع الجنوب
مشيت قرية اسمها روضة المختار عشان اطرح برنامجي الانتخابي ولقينا واحد ولدو مات عشان ماف طريق يوصلو المستشفي
ودخلت مدرسة لقيت فيها كراسي فريم حديد بس بدون بلاستيك والمعلمين ما فطرو لانو التموين ما وصل وضع مأساوي جد جد
فيكم زول عارف حاجة عن بترول النيل الابيض
النيل في ولايتنا 380 كلم وزراعتنا منتهية
بس داير اقول ليكم كلمة اخيرة الزول البتكم قدامكم ده اسمو الكامل ود حمد ود الباسط ود ابقرجة وامي زهرة بت النور وقريتي اسمها العجاير هسع غيرو اسمها للمقام بس انا مصر علي العجاير وابوي تربالي بسيط
|
Post: #13
Title: Re: نقد في كوستي : بث مباشر
Author: محجوب حسن حماد
Date: 03-11-2010, 07:36 PM
Parent: #12
|
Post: #14
Title: Re: نقد في كوستي : بث مباشر
Author: السيد المسلمي
Date: 03-11-2010, 07:43 PM
Parent: #12
وصلت الان الي مكان الندوة .. ميدان الحرية امتلأ عن اخره ووجدت صعوبة في العثور علي مكان اجلس عليه ..
ــــــــــــــــــــــــــــــــــــ
الصور .. الصور يارفاق .
... ..
تقصير الخط حتي لا يفتل البوست
|
Post: #15
Title: Re: نقد في كوستي : بث مباشر
Author: عاطف مكاوى
Date: 03-11-2010, 07:54 PM
Parent: #14
الأخ السيد المسلمي
الرجاء تعديل مداخلتك بحذف (الخط) حتي لا يحدث خللا بالبوست .
|
Post: #16
Title: Re: نقد في كوستي : بث مباشر
Author: خدر
Date: 03-11-2010, 07:59 PM
Parent: #15
| Quote: الصور .. الصور يارفاق . |
لوكو الصبر يا رفاق
علاء الدين في كوستي لتغطية الفعالية
|
Post: #17
Title: Re: نقد في كوستي : بث مباشر
Author: عبدالله محمد احمد بلة
Date: 03-11-2010, 08:16 PM
Parent: #12
الاستاذ محمد ابراهيم نقد يتقدم الان نحو المنصة وسط هتافات اعضاء الحزب :
اهم شئ نرد به الجميل لمن نحضر الندوة ان نكون صادقين بدون استهبال
اتمسك بانتمائي للقطينة ولهذه الولاية_
زرت كوستي بعد ثورة اكتوبر ودايما بعمل حساب وانا بخاطب في ناس كوستي لانهم واعين جدا
قضية دارفور بقت محور اهتمام عالمي ويجب حلها بسرعة بدون مناورات بعيدا عن عقلية الجلابي .. عقلية الجلابي ما بتنفع في السياسة _ السلام بالقطاعي ما بنفع _ مناوي قال انا زي مساعد الحلة _ الله يهدي ناس الحكومة وما يستهبلو في مفاوضات الدوحة ويسيبو المناورات _السودان ده ما حق قبيلة واحدة ولا حق دين واحد _الحاجة الخطيرة بقي في عنصر اجنبي لحل مشاكلنا طيب احنا استقلينا ليه _زمان اي مشكلة يقول ليك دي الشيوعيين بس هسع خلونا _التدخل الاجنبي يمس سيادتنا الوطنية_قعدنا مع لجنة امبيكي وقالو كلام جميل عن برنامج سياسي لحل مشاكل السودان _لابد من مصالحة ومحاسبة مش عن طريق عما الله عما سلف _قلت لعرمان لازم تشركو الجميع في حل مشاكل السودان _ سرد عن تجارب المصالحة والحقيقة في شيلي والمغرب وجنوب افريقيا _ الناس ديل ما بقدر انكرو انهم عذبو وشردو وقتلو _ليه تشردني ياخ دي ما دولة ابوك ياخ _ انتو عارفين النضال ده زي البطان لو ثبت للسوط الاول حتستمر في الثبات _ اهم شئ ما نفاوض ناس دارفور بطريقة الجلابة_ الضائقة المعيشية : في الاربعينات اضربنا عن الطعام في المدرسة الثانوية لانو الاكل كعب فأبوي قال ده شغل زول بطيني ساكت ساحنا عندنا موية وارض وبترول فلابد من الشفافية في البترول واستثماره لمصلحة الشعب _ ابل الرحيل الشايل السقا وعطشانة ديل ما انحنا ذاتنا _ كوستي بموقع الجغرافي ومصانعها من حقها ان تنعم بالخدمات _ زمان كان في وباء اسمو الملاريا بس هسع في وباء اسمو الدهب . والله يا جماعة انا لو ما زول معروف كنت مشيت للدهب ده _طناش الحكومة من الدهب ده حيجيب مشاكل _ لابد من حملة قومية للقضاء علي الايدز _اخيرا لازم نتكلم عن الاضرابات زمان يقول ليك اي اضراب يقول ليك وراهو الشيوعيين اصابع موسكو _هسع موسكو انتهت رايكم شنو _ اعطو العاملين حقهم ياخ وما تستهبلو _ كترة الشكية والنقة بتجيب الفقر كان في البيت ولا في الدولة _ واضح من تاريخ الشعب السوداني عندو مقدرة عالية علي العصيان علي الحكام _ انا بفتخر اني من النيل الابيض فلابد من وجود مجمعات زراعية صناعية بالولاية ولابد من الاهتمام بخدمات كوستي لانها حقت الجميع وما حقت ناس بكوستي _كوستي قدمت خالص طرقها قدمت ومستشفياتها قدمت بس انسان كوستي هو الوحيد الما قدم ولسع قيافة _تطوير كوستي مشروع قومي لابد منه
|
Post: #18
Title: Re: نقد في كوستي : بث مباشر
Author: عبدالحافظ سعد الطيب
Date: 03-11-2010, 08:34 PM
Parent: #17
|
Post: #19
Title: Re: نقد في كوستي : بث مباشر
Author: عبدالله محمد احمد بلة
Date: 03-11-2010, 08:55 PM
Parent: #18
تشاهد غدا بوست :
البشير في كوستي : سرد مباشر
فترقبوه
|
Post: #20
Title: Re: نقد في كوستي : بث مباشر
Author: عاطف مكاوى
Date: 03-11-2010, 09:00 PM
Parent: #18
Quote:
الأخ السيد المسلمي
الرجاء تعديل مداخلتك بحذف (الخط) حتي لا يحدث خللا بالبوست . |
------------
شكرا عبدالله علي هذا السرد الجميل
وفي انتظار المذيد .............
|
Post: #21
Title: Re: نقد في كوستي : بث مباشر
Author: عمر ادريس محمد
Date: 03-11-2010, 09:10 PM
Parent: #20
ياسلام
صُد لى ملامحك ياحراز
ريح العوارض غربت
فرتك ضفايرك فى الرزاز
جية العصافير قربت
وياسلام على كوستى وناسها ..وبينهم الرفاق
وعليك ياعبد الله
|
Post: #23
Title: Re: نقد في كوستي : بث مباشر
Author: حبيب نورة
Date: 03-11-2010, 09:24 PM
Parent: #22
عساهُ يكون نقد هادف وبناء!
|
Post: #24
Title: Re: نقد في كوستي : بث مباشر
Author: عبدالحافظ سعد الطيب
Date: 03-11-2010, 09:28 PM
Parent: #22
|
Post: #25
Title: Re: نقد في كوستي : بث مباشر
Author: أحمد طراوه
Date: 03-11-2010, 10:02 PM
Parent: #24
اول زعيم حزبي يطرح موضوع الأيدز بوصفو هم إنتخابي
الأيدز (جائحة - و غول) و سرطان زاحف في قاع و خلايا المجتمع
السبب الرئيسى ( بجانب غياب بنوك الدم الآمنة ) هي الفوضى الجنسية
الفوضى الجنسية سببا الازمة الإقتصادية، و الازمة الإقتصادية العاتية الجبارة جابت الأيدز
وزواج المسيار، و الزواج العرفي، و زواج العلاقات العابرة في دولة الشريعة
الحل : هو المواجهة الشجاعة الصريحة لواقع الايدز، لوقف معدل الإصابة !
الخطورة ليس في معدل الإنتشار، بل معدل الإصابة
معدل الإنتشار عالي في الهند ، و المصابين في الهند اكتر من السودان، لكن خطر الأيدز في السودان اكبر من خطرو في الهند و امريكا
لانو معدل الإصابة عالي في كل ولايات السودان
الحل : ليس في الزواج الجماعي، بل في الزواج المدخلو توفير وظائف للعاطلين، و رفع القوة الشرائية للمواطنين
نقد لا يطالب بأخذ اموال الأغنياء و توزيعا على الفقراء، بل يطالب بإعادة التحكم في مصادر الدخل القومي و إعادة توزيع الدخل
القومي وفقا لسياسات إجتماعية تنحاز لاغلبية الكادحين
|
Post: #26
Title: Re: نقد في كوستي : بث مباشر
Author: الامين عباس احمد
Date: 03-11-2010, 10:32 PM
Parent: #25
حبيب نورة ازيك
ما دايرين نحرف البوست عن مسارو ونحقق رغبتك لكن السؤال نورة دي حبت فيك شنو ؟؟؟؟
|
Post: #27
Title: Re: نقد في كوستي : بث مباشر
Author: محجوب حسن حماد
Date: 03-11-2010, 10:55 PM
Parent: #26
|
Post: #28
Title: Re: نقد في كوستي : بث مباشر
Author: خالد العبيد
Date: 03-11-2010, 11:25 PM
Parent: #27
|
Post: #29
Title: Re: نقد في كوستي : بث مباشر
Author: محمد هشام
Date: 03-11-2010, 11:30 PM
Parent: #28
أرى خوازيقاً صنعن على مقاييس الملوك
|
Post: #31
Title: Re: نقد في كوستي : بث مباشر
Author: السيد المسلمي
Date: 03-12-2010, 07:07 AM
Parent: #30
ما دايرين نحرف البوست عن مسارو ونحقق رغبتك لكن السؤال نورة دي حبت فيك شنو ؟؟؟؟
ـــــــــــــــــ
هاهاهاهاهاهاهاهاهاهاهاهاها
حبيب نورة بالله ماتزعل ..
لكن ماقادر أمسك نفسي من الضحك
هاهاهاهاهاهاهاهاهاهاهاهاهاهاهاهاها ( الوشوش ما شغالة )
|
Post: #32
Title: Re: نقد في كوستي : بث مباشر
Author: معتز القريش
Date: 03-12-2010, 07:50 AM
Parent: #31
الصور الصور يا رفاق
ولا يكون الفيلم حرق 
|
Post: #33
Title: Re: نقد في كوستي : بث مباشر
Author: معتز القريش
Date: 03-13-2010, 09:17 AM
Parent: #32
ما في صورة يا جماعة
الحاصل شنو الرفاق مشو وين
|
Post: #34
Title: Re: نقد في كوستي : بث مباشر
Author: عاطف مكاوى
Date: 03-13-2010, 09:21 AM
Parent: #33
اللقب: عبدالله محمد احمد بلة
: .
عدد البوستات: 74
تاريخ التسجيل: 21-01-2010
محل الاقامة: كوستي
:
عنوان مكتبتى بسودانيزاونلاين دوت كم :
اكلات مفضلة:
الاسم الحقيقى: عبدالله محمد احمد بلة
التلفون:
الجامعة/المعهد: جامعة السودان للعلوم والتكنولجيا
الحالة الاجتماعية: Married
العنوان الدائم:
الفنان المفضل:
اللون السياسى: غير ملون
النوع: Male
الهوايات المفضلة: القراءة
الوظيفة: مراجع
تاريخ الميلاد: 16 مايو 1971
درست المرحلة الابتدائية فى ......و سنة....: مدرسة نمرة"3" كوستي
درست المرحلة الثانوية فى ......و سنة....: كوستي الشعبية
درست المرحلة المتوسطة فى ......و سنة....: كوستي الاميرية
شاعرك المفضل: احمد مطر
عدد الاطفال: 1 بحمدلله
معلومات اضافية:
مكان العمل:
مكان الميلاد فى السودان: كوستي
Quote:
اللون السياسى: غير ملون |
|
Post: #35
Title: Re: نقد في كوستي : بث مباشر
Author: محمد هشام
Date: 03-13-2010, 01:01 PM
Parent: #34
فعلا يا استاذ عاطف
فعبد الله ليس عضوا في الحزب الشيوعي
ولكن هو مواطن قريب جدا من ما يحدث في الساحة السياسية ومتاعب جيد لها
ومن أكثر الناس الذين يحلو النقاش معهم في السياسة
|
Post: #36
Title: Re: نقد في كوستي : بث مباشر
Author: السيد المسلمي
Date: 03-13-2010, 01:33 PM
Parent: #35
ياجماعة لو مافي صور كلمونا !!
|
Post: #37
Title: Re: نقد في كوستي : بث مباشر
Author: بشير أحمد
Date: 03-13-2010, 01:51 PM
Parent: #36
**
الي حين ورود الصور.
|
|
