ريال مدريد:وداع مبكر في دوري الأبطال

ريال مدريد:وداع مبكر في دوري الأبطال


03-10-2010, 09:41 PM


  » http://sudaneseonline.com/cgi-bin/sdb/2bb.cgi?seq=msg&board=260&msg=1268257316&rn=0

Post: #1
Title: ريال مدريد:وداع مبكر في دوري الأبطال
Author: GamarBoBa
Date: 03-10-2010, 09:41 PM





في زول بطلع كاكا وينزل الحج راؤول



ركزوا في الليقا يرضي عليكم لانو الكاس برضو طرتوا منه
Post: #2
Title: Re: ريال مدريد:وداع مبكر في دوري الأبطال
Author: GamarBoBa
Date: 03-10-2010, 09:43 PM
Parent: #1

بالله يا هكر بطل الحركات النص كم البتسويها ما تجي تعمل اعادة توجيه للبوست ده
Post: #3
Title: Re: ريال مدريد:وداع مبكر في دوري الأبطال
Author: حامد محمد حامد
Date: 03-10-2010, 09:53 PM
Parent: #2

يا قمرنا الريال بحتاج ومنذ زمن بعيد اللى اشياء اخرى غير الفلوس ولمة النجوم وعدم التوفيق مع المدربين

وعشان اغيظك كمان اقترح حسام حسن المصرى لتدريب الريال الموسم القادم....

كن بخير
Post: #4
Title: Re: ريال مدريد:وداع مبكر في دوري الأبطال
Author: GamarBoBa
Date: 03-10-2010, 09:58 PM
Parent: #3

يا حامد 600 مليون يورو مديونية
اشتروا لعيبة جاهزين

سوء الادارة ظاهر جدا
كاكا لحاله في ميلان كان بعمل العجب بالله يجي يغيره بالحج راؤول؟؟لاحظ انو كاكا حاسم في لحظة
انا اقترح نرسل ليهم مازدا






___
انتو الهكر ده نام ولا شنو؟
Post: #5
Title: Re: ريال مدريد:وداع مبكر في دوري الأبطال
Author: ABDELMAGID ABDELMAGID
Date: 03-10-2010, 09:58 PM
Parent: #2

: ON THE OTHER HAND
مانشستر يونانيتد DEMOLISHED AC MILAN
أربعه صفر مع الرأفة بملعب OLD TRAFFORD
أحرز الأهداف المتألق دائما وين رونى هدفان , ثم جي سونق بارك و دارين فلتشرهدف لكل منهما ...
GO UNITED
GO RED DEVILS
قال أخدنا رونالدو و كاكا قال ...
Post: #6
Title: Re: ريال مدريد:وداع مبكر في دوري الأبطال
Author: GamarBoBa
Date: 03-10-2010, 10:03 PM
Parent: #5

عبدالماجد تحياتي
انا كنت مركز مع الريال شديد
لدرجة انو كنت عايز المباريات

المان يوناتيد زي ما بعرفوا الناس كلهم قوي جدا تكتيكيا
لكن انافي انجلترا مدفعجي وشلساوي حسب اللعيبة



والله رونالدو بعد المباراة وهو طالع ذكرني اليتيم الراجع بعد دفنوا ابوه
Post: #7
Title: Re: ريال مدريد:وداع مبكر في دوري الأبطال
Author: Dalal Ezzaldin
Date: 03-15-2010, 03:48 PM
Parent: #6

Quote: في زول بطلع كاكا وينزل الحج راؤول


يا بوبا شايفاااك متحامل على رؤول دا .. دا الخبره
Post: #8
Title: Re: ريال مدريد:وداع مبكر في دوري الأبطال
Author: عبدالمجيد الكونت
Date: 03-15-2010, 04:08 PM
Parent: #7

قمر بوبا ازيك ياخي
Post: #9
Title: Re: ريال مدريد:وداع مبكر في دوري الأبطال
Author: GamarBoBa
Date: 03-15-2010, 04:48 PM
Parent: #8

دلال راؤول ده والله المفروض يحترم نفسه ويعتزل



الكونت كيفنك..لينا زمن ما اتلاقينا في زقاق اتمناك طيب
Post: #10
Title: Re: ريال مدريد:وداع مبكر في دوري الأبطال
Author: Dalal Ezzaldin
Date: 03-15-2010, 05:40 PM
Parent: #9

دي مناسبه كويسه اني اقشر باكتشاف عرفتو من شافع صغير متربي في بريطانيا
- انت بتشجع يا تو فريق يا شاطر
- MAN UNI
وانا ما طقش اضاني الاسم دا قبلها
- قلت ( ميونخ )
- noooo مان يوني يعني مانشستر يونايتد
( اختصار بالحروف الاولى )




تحيه للثري مان يوني
Post: #11
Title: Re: ريال مدريد:وداع مبكر في دوري الأبطال
Author: GamarBoBa
Date: 03-15-2010, 06:00 PM
Parent: #10

مساء الخير دلال
كنت جاييك بهناك لكن كدي نواصل برضو بجاي

المان يوناتيد هو مانشستر يوناتيد فريق انجليزي بشعبيه عالية جدا يلقب بالشياطيين الحمر
عندهم مدرب كدة لا حولا ولا قوة الا بالله اسمه السير اليكس فيرجسون التقولي ضابط اداري اربعة وعشرين سنه من انجاز لانجاز ادوه لقب السير
ميونخ تحديدا القلتيها ليهم الفريق ده عنده حادث احتراق طائرة اتوفوا ليهم 23 لاعب ..يعني الشافع ده لو ركز معاك كان شاكلك ذاتو
ده موقع المان يوناتيدhttp://www.arabic.manutd.com/ar-SA/Club.aspx موسسة لها اكتر من مية سنة
وكتير من الفرق الانجليزية زي ليفربول والارسنال وتتنهام وشيلسي


في انجلترا بشجع الارسنال دايما مع انو لعيبة صغار وخبرتهم بسيطة لكن بقيادة الاسباني فابريقاس ،عندهم كورة ممتعة جدا ما بتشبه كورة الانجليز ذات الطابع التكتيكي العالي البجمد اللعبة الحلوة.
لما ما القي الارسنال بتضامن شيلسي طوالي
تحياتي

عموما الدوري الانجليزي هو الدوري الاول علي مستوي العالم ويليه الدوري الاسباني


__
بالمناسبة انا مدرب الهلال السوداني اسمه والله مابعرف..
Post: #12
Title: Re: ريال مدريد:وداع مبكر في دوري الأبطال
Author: Amany Elamin
Date: 03-15-2010, 06:23 PM
Parent: #11

Quote: بالمناسبة انا مدرب الهلال السوداني اسمه والله مابعرف..

البرازيلي باولو كامبوس,
Post: #13
Title: Re: ريال مدريد:وداع مبكر في دوري الأبطال
Author: Amany Elamin
Date: 03-15-2010, 06:27 PM
Parent: #12

ياجماعه لو سمحتو,
روقو شويه خلونا ندخل في الموود ده,
لسه تلاته شهور علي كأس العالم,
وراسي اليومين ديل ما عارفاهو يشيل شنو وللا شنو :(

ممكن تصبروا شويه لغاية ما ندخل في الموود,
بالجد حرقتو لي روحي




---
دلال صحبتي, خاته صورة بت بيضاء في بروفايلك ليه؟
Post: #14
Title: Re: ريال مدريد:وداع مبكر في دوري الأبطال
Author: GamarBoBa
Date: 03-15-2010, 06:27 PM
Parent: #12

والله اتشرفنا يا اماني
برازيلي برايلي يعني ما تقليد؟؟



انتي مالك ما ظاهرة ورخيتي بوست بحري داك؟؟غايتو مارست فيه شغب فسامحونا غايتو
Post: #15
Title: Re: ريال مدريد:وداع مبكر في دوري الأبطال
Author: GamarBoBa
Date: 03-15-2010, 06:32 PM
Parent: #14

أماني القراية شكلها كبست
ده دوري الابطال في اوروبا

البوست التاني بتاع دلال داك العن كاس العالم ياخ
Post: #17
Title: Re: ريال مدريد:وداع مبكر في دوري الأبطال
Author: Amany Elamin
Date: 03-15-2010, 06:49 PM
Parent: #15

Quote: أماني القراية شكلها كبست
ده دوري الابطال في اوروبا

البوست التاني بتاع دلال داك العن كاس العالم ياخ

لووووووول
أنا عارفه؟

بوست دلال داك محرّق لي روحي,
وجيت لقيتكم قاعدين هنا تنظروا في الكوره,
قلت أهرشكم بالمره, هههههههه

استنوني أفضي ماتقعدوا تغيظوني,
يا أمشوا سجلوا دراسات عليا عشان تلخبطوا كاس العالم مع أبطال أروبا زيي لووووول
Post: #18
Title: Re: ريال مدريد:وداع مبكر في دوري الأبطال
Author: وليد عبد اللطيف
Date: 03-15-2010, 07:10 PM
Parent: #15

Quote: والله اتشرفنا يا اماني
برازيلي برايلي يعني ما تقليد؟؟


انتي مالك ما ظاهرة ورخيتي بوست بحري داك؟؟غايتو مارست فيه شغب فسامحونا غايتو

الشعب الطيب انسان
الشعب الطب والدية
المنو بناضل واتعلم
تلميذ في مدرسة الشعب
المدرسة فاتحة على الشارع
والشارع فاتح في قلبي
والقلب مساكن شعبية
-------
قمر ياخوي شغب الملاعب متعودين عليهو
وقلنا نختصر فقط اشياء كثيرة
وماعايزين نمسك في مواضيع فارغة ونجيب تاريخ بحري القديم والجديد
وامكن كلامنا ما يعجب لان هذه المواضيع وانا بعرف ناس بحري كويس
لايحبون التنقيص من منطقتهم ياقريبي
ولا تنسى احترمنا كلام اختنا اماني فوق كل شيء
وعلى شان خاطرها ممكن نعمل الكثير
ولاتنسي انها بحراوية اصيلة
قمر في بحري البيت بيتك
----------
قمربوبا مشكلة الريال ادارية والدليل للمره السادسة على التوالي يخرج من دوري الابطال
Post: #20
Title: Re: ريال مدريد:وداع مبكر في دوري الأبطال
Author: GamarBoBa
Date: 03-15-2010, 09:51 PM
Parent: #18

وليد يا حبوب
اكيد بحري بحريكم ونحن ضيوف
وتاني زي ما قلت لاماني
ياخي واصلوا بوستيكم عادي وانا ذاتي معاكم
والشغب كان نيران صديقة من الدناقلة جنوب




___
بالله مسألة الريـال الادارية بتفصيل اكتر لو سمحت
Post: #16
Title: Re: ريال مدريد:وداع مبكر في دوري الأبطال
Author: Amany Elamin
Date: 03-15-2010, 06:44 PM
Parent: #14

قمربوبا كيفك؟
Quote: انتي مالك ما ظاهرة ورخيتي بوست بحري داك؟؟غايتو مارست فيه شغب فسامحونا غايتو

أنا تمام بس مزحومه شويه,
ال Supervisor قاعد يرمقني شذرا لأنه في كم حاجه مفروض أسلمها ليهو كالعاده,
وماخلصتهم لسه,

شكلي حأرجع لبوست الدراسات السفلي لووووول




موضوع بوست بحري لاعليك, نحن ذاتنا بتاعين شغب, وبنلقي فيك فرصه
Post: #19
Title: Re: ريال مدريد:وداع مبكر في دوري الأبطال
Author: مرتضى احمد عبد القادر
Date: 03-15-2010, 08:42 PM
Parent: #16

عقبال وداع الإنتر و وداع الشيلساوية في دور الثمانية
Post: #21
Title: Re: ريال مدريد:وداع مبكر في دوري الأبطال
Author: GamarBoBa
Date: 03-15-2010, 10:03 PM
Parent: #19

مرتضي
الانتر قد يودع قريبا(مع تضامني الاكيد مع ايتو) لكن الشلساوية ما ظنيت بالساهل ديل برضو حبايبنا بعد المدفعجية في انجلترا

قالوا مورينو رشحوه يدرب الريـال يا مرتضي فحدد اربعة في الريال قال عايزهم
كاسياس وراموس واتنين كدة تاني ما مشهورين يعني النجوم الجابوهم ب 600 مليون يورو يمشو يضربوا ورنيش في ارصفة المدن التانية بلا CR9 بلا بتزيما الضيع مستقبله ساي
كاااامل تضامني مع كاكا لانو ود ناس وما بشبه الريـال فكاه برسلكوني عشان القروش






__
رديت ليك في بوست غريبة كنت شايفك مستغرب ياخ
Post: #22
Title: Re: ريال مدريد:وداع مبكر في دوري الأبطال
Author: مرتضى احمد عبد القادر
Date: 03-15-2010, 10:18 PM
Parent: #21

سلامات يا قمر
الإنتر بيودع ضمااااااااان والحمد لله لكن المشكله في الشيلساوية السنه دي يمرقهم الله غايتو، تيمهم مكرب طبعا كان بريدهم الحس المكوة
الريال والله وداعو عجبنا وسره بالنا وما عجبنا لولدنا زمان كاكا طبعا انا بشجع ميلان في إيطاليا وبيرلسكوني مارضنا ليهو سنين ما داير يدفع والمدام دايره تشيل نص ثروتو وفي إنجلترا أرسنالاوي زعلان لانو فينغر قلب لينا التيم روضه وكل ما نربي كتكوت يكبر ويفوت وفي أسبانيا بموت البلوغرانا الفيس وشافي وانيستا وميسي والمزازيك البيعزفوها




ــــــــــ
والله إستغربته جنس غراب في البوست داك قلته النفهم الزول دا مالو ما أنا زول جديد وكدا لكن لمن زهجني شديد لصقته ليهو
Post: #23
Title: Re: ريال مدريد:وداع مبكر في دوري الأبطال
Author: معتصم ود الجمام
Date: 03-15-2010, 10:32 PM
Parent: #22

قمر بوبا والله حاسدك
لكن يا ود الذينا انتا لو عملت ليك منخب محلي مدام واطفال وحفاظات
وحليب واكياس خدار والله تاني فريق العشرة ما تقدر تشجعوا اتجدع اتجدع
ليك يوم يا ابوصلعة عندك هرم كبير سقط قبل يومين قدامك ليك يوم بيك يوم
( وش مغيوز منك الف)
Post: #25
Title: Re: ريال مدريد:وداع مبكر في دوري الأبطال
Author: مرتضى احمد عبد القادر
Date: 03-15-2010, 10:43 PM
Parent: #23

التعديل لأنو مورتا طلع شايت ضفاري
Post: #24
Title: Re: ريال مدريد:وداع مبكر في دوري الأبطال
Author: GamarBoBa
Date: 03-15-2010, 10:38 PM
Parent: #22

مرتضي تحياتي
ياخي انت زولي عديل

المقام الاول بارسا
المقام التاني مدفعجية بس يجيبوا ليهم ناس خبرة انشاء يرجعوا ليهم تيري اونري
المقام التالت شيلسي بدل فاقد
المقام الرابع اختلفنا انا زول انتر ما ميلان

لكن حرم ما بيناتنا





....
بالنسبة للاستغراب ما تستغرب لانو غريبة ببدع في بلد غريبة اسمها: غربة من لا غربة له....وده شعار المنبر اقراه فوق
Post: #26
Title: Re: ريال مدريد:وداع مبكر في دوري الأبطال
Author: GamarBoBa
Date: 03-15-2010, 10:47 PM
Parent: #24

يا ود الجمام
ياخي حتي الودعناه انا وكريم وبعض اصدقاء مشوا في سكتك
هو في سكة اجمل من ان يكون مرهف يكون ولدك
دي فرفرة ساي
تحسدونا ساي كدة ونحن الحاسدنكم عديل


تحياتي ابو مرهف
Post: #27
Title: Re: ريال مدريد:وداع مبكر في دوري الأبطال
Author: مرتضى احمد عبد القادر
Date: 03-15-2010, 10:51 PM
Parent: #24

قمر
Quote: لكن حرم ما بيناتنا

حرم ما بيناتنا مش الإنتر دا كورتو مع عيال شيلسي أنا بشجعو ليك عدييييييييييل
بس كان طقطقوكم كتير ما تقول كجيتكم
Post: #28
Title: Re: ريال مدريد:وداع مبكر في دوري الأبطال
Author: Dalal Ezzaldin
Date: 03-16-2010, 08:46 AM
Parent: #27

Quote: اسمه السير اليكس فيرجسون

Quote: عموما الدوري الانجليزي هو الدوري الاول علي مستوي العالم ويليه الدوري الاسباني



انترناشونال بس انت

دخلت على الويب سايد وعاينت للعيبه الفريق .. مافيهم واحد مشهور كدا يقولوا عليه
عرفت روني الغياظ ومايكل اوين .. مش صح كان بلعب في ليفربول زمان ؟




اب ديت تمام يديك العافيه
Post: #29
Title: Re: ريال مدريد:وداع مبكر في دوري الأبطال
Author: Dalal Ezzaldin
Date: 03-16-2010, 08:56 AM
Parent: #28

Quote: استنوني أفضي ماتقعدوا تغيظوني,

منو الامين
* موتي غيظاً

انت بتذاكري من ورانا ودايرنا ننتظرك .. شوقك
امشي شوفي عمك السوبرفايزر داير شنو لووووووووول

( واحده مبسوطه انو ما عندها قرايه )















* ياخ بوعد الشر عليك
Post: #30
Title: Re: ريال مدريد:وداع مبكر في دوري الأبطال
Author: مرتضى احمد عبد القادر
Date: 03-16-2010, 10:18 PM
Parent: #29

Quote: حرم ما بيناتنا مش الإنتر دا كورتو مع عيال شيلسي أنا بشجعو ليك عدييييييييييل

عليك الله ياقمر قصرته معاك؟؟
يا سلاااااااام الريال باي باي
ياخ أنا مبسوط جنس بسطه الشلساويه باي باي
عقبال ما تكتمل الأفراح ونجي نقول باي باي إنتر
Post: #31
Title: Re: ريال مدريد:وداع مبكر في دوري الأبطال
Author: GamarBoBa
Date: 03-16-2010, 10:29 PM
Parent: #30

مرتضي من هسة خلينا نتفق
كورة برشلونة بكرة البوست عليك

بالنسبة للانتر وشيلسي انا وريت حامد انا حشجع شيلسي ضد الانتر وحشجع ايتو ضد شيلسي
وقد كان

انا معاك تاني اي زول باي باي
الا الارسنال وبرشلونة


تعرف الباقي بس مان يوناتد ديل لو طاروا حتكون السكة سالكة علي قول عادل امام

تحياتي مورتا
Post: #32
Title: Re: ريال مدريد:وداع مبكر في دوري الأبطال
Author: GamarBoBa
Date: 03-16-2010, 10:34 PM
Parent: #31

اماني الامين دراسات عليا دي زمان 2005 طقطقناها وتكلنا بعد الماستر
تاني انا الجرايد في الورق ما بقراها
القراية دي مملة ياخ

اقول ليك حاجة ارخي موضوع القراية







___
تمنياتي بالتوفيق ..اصبري شوية وبطلي حقد علي الناس القاعدة ساي زينا
Post: #33
Title: Re: ريال مدريد:وداع مبكر في دوري الأبطال
Author: البدري عبد الله
Date: 03-16-2010, 10:40 PM
Parent: #32

يا قمر لك التحايا

اخوك اول مرة يشجع فريق ايطالي ..والسبب الود المظلوم (ايتو) وقد فعلها ..
كل امنياتي ان يفعلها مجددا لو قدر للبارسا التاهل غدا ..وسمحت الظروف بلقاء الانتر والبارسا مجددا حتى لو في النهائي ..

عموما انا تبع المدفعجية والداهين ارسين فنجر (بالرغم من جلدنته ونشافه الشديد فيما يختص بالصفقات السوبر )
Post: #34
Title: Re: ريال مدريد:وداع مبكر في دوري الأبطال
Author: GamarBoBa
Date: 03-16-2010, 10:42 PM
Parent: #32

يا دلال
تحياتي
ياخي روني ده الوحيد الجا خاشي الكورة من برة الاكاديميات
يعني بتاع ازقة وحواري..او بلغتنا ود شوارع
زول بالجد مبدع،وقلبه حار ياخي ده في مباراة مصر الوديه عمل حركة في وشه وكورك ليك في اللعيبة لامن اتكيفت وانجزوا ليك مصر
بعجبني فيه(مع كرهي لفريقه) انه مشي بخطي ثابته بعد ما مشي كرستايانو رونالدو للريـال وبقي يستلم شارة عظماء الانجليز بعد استيفن جيرراد عادي كدة
الود ده معلم كبير


باقي ليك غايتو ابيع ليك كرت الجزيرة الرياضية بعد ده..بعد شوية تشجعي معانا الارسنال وبرشولة ياخ
Post: #35
Title: Re: ريال مدريد:وداع مبكر في دوري الأبطال
Author: GamarBoBa
Date: 03-16-2010, 10:51 PM
Parent: #34

حبيبنا Taha الزمان
ياخي كيفنك يالبقيت البدري

ده هو الحصل معاي ذاتو ويمكن انت قريت كلامي
Quote: اخوك اول مرة يشجع فريق ايطالي ..والسبب الود المظلوم (ايتو) وقد فعلها ..
كل امنياتي ان يفعلها مجددا لو قدر للبارسا التاهل غدا ..وسمحت الظروف بلقاء الانتر والبارسا مجددا حتى لو في النهائي ..

عموما انا تبع المدفعجية والداهين ارسين فنجر (بالرغم من جلدنته ونشافه الشديد فيما يختص بالصفقات السوبر )

يا مان
كورة الفرق الجميلة بتلقاها عند المدفعجية او البارسا
سأكون في قمة السعادة لو التقي الارسنال مع برشلونة في النهائي -أو- الانتر بفضل ايتو فقط لما قدمه مع اي من الفريقين

تحياتي يا البدري
Post: #36
Title: Re: ريال مدريد:وداع مبكر في دوري الأبطال
Author: مرتضى احمد عبد القادر
Date: 03-16-2010, 11:49 PM
Parent: #35

قمر بوبا ياخ أنت زول عميق وعميق جدا
Quote: انا معاك تاني اي زول باي باي
الا الارسنال وبرشلونة


تعرف الباقي بس مان يوناتد ديل لو طاروا حتكون السكة سالكة علي قول عادل امام

كمان ربك رب الخير كان وقع إنتر ضد المان يو في دور التمانيه تكون إحلوت خالص البفوز بيجينا مدروخ نديهو الجرعه بسرعه

Quote: مرتضي من هسة خلينا نتفق
كورة برشلونة بكرة البوست عليك

يا قمر خليك عميق ياخ برسا في المانيا درن معاهم دايره ليها بوست دي

لك ودي يا قمر

البدري ما عرفتك بالنضارة انا قايلك زول بتاع شبك وفتن إسفيريه ساي طلعت بتاع كورة وكمان بتحب الأرسنال البشوف شنكتك في البورد دي يقول بتشجع رينجرز الأسكتلندي

تحياتي يالبدري
Post: #37
Title: Re: ريال مدريد:وداع مبكر في دوري الأبطال
Author: ABDELMAGID ABDELMAGID
Date: 03-17-2010, 02:55 PM
Parent: #36

Quote: تعرف الباقي بس مان يوناتد ديل لو طاروا حتكون السكة سالكة علي قول عادل امام

تشموا قدحه !!!
يا قمر بوبا ...
إنتر شنو !!!
ميلان شنو !!
شيلسى شنو !!!
و أرسينال شنو !!
كلها إتقعت ( بالتلاته ) من ال RED DEVILS !!!
GO MAN UNITED
GO CHAMPIONS







ROOOOOOONEY
IS
NUMBER ONE

.............
Quote: عندهم مدرب كدة لا حولا ولا قوة الا بالله اسمه السير اليكس فيرجسون التقولي ضابط اداري

هرشك !!!
Post: #38
Title: Re: ريال مدريد:وداع مبكر في دوري الأبطال
Author: مرتضى احمد عبد القادر
Date: 03-17-2010, 04:16 PM
Parent: #37

عبد الماجد سلامات
والله المان فريق كبير ومحترم وكورتو حلوة ومدربو من افضل المدربين حاليا لكن حدو يلاقي برسا وبنقول ليهو باي باي ونهائي العام الماضي ليس ببعيد عن ذاكرتك يوم بطح فيدتش وأزل كرستيانو رونالدو
Post: #39
Title: Re: ريال مدريد:وداع مبكر في دوري الأبطال
Author: ABDELMAGID ABDELMAGID
Date: 03-17-2010, 05:13 PM
Parent: #38

Quote: والله المان فريق كبير ومحترم وكورتو حلوة ومدربو من افضل المدربين حاليا لكن حدو يلاقي برسا وبنقول ليهو باي باي ونهائي العام الماضي ليس ببعيد عن ذاكرتك يوم بطح فيدتش وأزل كرستيانو رونالدو

سلام يا مرتضى ...
نهائى العام الماضى كان رونالدو مرض و لعب بأنانية مما تسبب فى عدم تمكن الشياطين الحمر بالإحتفاظ
( لاحظ الإحتفاظ ) بكاس البطولة و كانت من أسوأ مباريات رونالدو و مان يونايتد عموما , و منذ تلك المباراة
إقتنع الجميع بذهابه و خاصة سير أليكس فيرجسون ...
ما دايرين نرجع للقديم يا مرتضى أخوى و كان راجعنا فهو نفسه برشلونه الذى أقصاه المان العام قبل الماضى
فى ال SEMI FINAL 2008 بصاروخ باول سكولز الشهير ..
ران كثيرون أن مان يونايتدهذا الموسم سوف يكون صفرا كبيرا بعد ذهاب كل من رونالدو و كارلوس تافيز فكان
تونى فالنسيا و نانى و رونى و عبقرية فيرجى و كل زمن ليهو رجالة ...
تحياتى AGAIN يا مرتضى و يبقى الدورى الإنجليزى هو الأقوى و الأمتع و الأكثر ندية و إثارة ...

كسرة :
لماذا لا يلعب كل من ديدايير داروقبا و صمويل إيتو بمستواهم الحقيقى عندما يلعبون مع منتخبات بلادهم !!؟؟!!!؟؟
عشان كدى لا أحترمهم ...
عبدالماجد
Post: #40
Title: Re: ريال مدريد:وداع مبكر في دوري الأبطال
Author: Dalal Ezzaldin
Date: 03-17-2010, 05:21 PM
Parent: #38

Quote: باقي ليك غايتو ابيع ليك كرت الجزيرة الرياضية بعد ده..بعد شوية تشجعي معانا الارسنال وبرشولة ياخ




كرهتك البلي مش .... طيب مع انك ما وريتني ناس الريال مالهم ..
وانا كان عاجباني قصه انهم مشتريين اغلي اللعيبه وتشكيلتهم يعزي العين شو رهيبه .. بس على ضمان كرتك بتاع الجزيره ح اشجع البرشلونه
Post: #41
Title: Re: ريال مدريد:وداع مبكر في دوري الأبطال
Author: GamarBoBa
Date: 03-17-2010, 09:54 PM
Parent: #40

Quote: يا قمر خليك عميق ياخ برسا في المانيا درن معاهم دايره ليها بوست دي

والله يا مورتا كلامك صاح
رباعية زي الورد شباب زي الورد

طيب يا عبد الماجد بسيركم وبي روني لو لاقيتو البارسا بقلب ليكم شطتكم فلفل وانشاء الله يكون اللقاء القادم عشان البارسا يلاقي المان و تتنفضوا ويلاقوا المدفعجية بعد داك

ابراهموفتش ده مالو بقي اشتر كدة..اللهم لا شماتة علي عنصربة قوارديولا

ليونيل ميسي ده بقي ببالغ عديل والله

__
يا دلال الريـال ده زي المؤتمر الوطني يبدد الثروات بلا طائل،بعتمدا علي التسويق الرياضي وهم شطار علي فكرة فيه لكن في الميدان تعبانين تعب الموت،يخزن لعيبة لهم القيمة زي بنزيما ويطفي نجومية للاعب مثل كاكا وكل سنة عندهم مدرب محترم بجيبوه وببقي عاطل.

اي تعالي شجعي برشلونة..عليك الله اقري تاريخ النادي وأهدافه ووقفته الانسانية ودعمهم لليونسيف بتلقي انك بتشجعي في مؤسسة ذات رسالة مش كورة وبس.

تصبحوا علي خير
Post: #42
Title: Re: ريال مدريد:وداع مبكر في دوري الأبطال
Author: GamarBoBa
Date: 03-19-2010, 11:28 AM
Parent: #41

نتائج القرعة لدوري الثمانية أحبطتني تماما

برشلونة مع الارسينال هسة الزول يشجع منو

انتر مع سيسكا موسكو مرة اخري الحظ يبتسم لمورينو

المان يونايتد ضد البايرن ...لو الارسينال غلب برشلونة نتمني خروج المان وغلبه من البايرن ولو الارسنال خرج المان يوناتد برشلونة كفيل به
Post: #43
Title: Re: ريال مدريد:وداع مبكر في دوري الأبطال
Author: حامد محمد حامد
Date: 03-19-2010, 01:33 PM
Parent: #42

Quote: المان يونايتد ضد البايرن ...لو الارسينال غلب برشلونة نتمني خروج المان وغلبه من البايرن ولو الارسنال خرج المان يوناتد برشلونة كفيل به


قمرنا...كيفك

اتوقع خروج الانجليز من البطولة لان البايرن فريق صعب المراس وقوى الاداء واما صغار الارسنال سوف يتلقون صفعة قوية من البرشا

البطولة للبرشا او للانتر والله اعلم
Post: #44
Title: Re: ريال مدريد:وداع مبكر في دوري الأبطال
Author: GamarBoBa
Date: 03-19-2010, 07:11 PM
Parent: #43

للبرشا طبعا يا حامد
انتر شنو وميرينو شنو لما الاكلام يسخن
Post: #45
Title: Re: ريال مدريد:وداع مبكر في دوري الأبطال
Author: Dalal Ezzaldin
Date: 03-19-2010, 09:10 PM
Parent: #44

Quote: برشلونة مع الارسينال هسة الزول يشجع منو


اول لعبه للبرشلونه بعد انضماني كمشجعه .. ان شاء الله ما اتخزل

مواعيدها بتين
Post: #46
Title: Re: ريال مدريد:وداع مبكر في دوري الأبطال
Author: GamarBoBa
Date: 03-19-2010, 09:27 PM
Parent: #45

دلال
مساء الخيرات
ياخي انضمامك لبرشلونة انجاز كبير
كأنو دخلت زول الاسلام كدة مع الفارق
المباراة دي يوم واحد 31مارس في ملعب الامارات التابع للارسنال
Quote: وسوف تجرى مباريات الذهاب يومي الثلاثين والحادي والثلاثين من مارس آذار أما مباريات الإياب فتقام يومي السادس والسابع من إبريل /نيسان المقبل.

وبعدين مع برشلونة مافي حاجة اسمها خزلان...شجعتي كورة تشجعي برشلونة علي وزن كان سرقتي اسرقي جمل مش هلال ومريخ
Post: #47
Title: Re: ريال مدريد:وداع مبكر في دوري الأبطال
Author: Dalal Ezzaldin
Date: 03-19-2010, 11:14 PM
Parent: #46

يسعد مساءك
Quote: كأنو دخلت زول الاسلام كدة مع الفارق

هذا لان حنكك حاد .. فرحت بدخول ملة البرشلونه مع معشر المشجعين والانصار
Quote: المباراة دي يوم واحد 31مارس في ملعب الامارات التابع للارسنال

شكرا وان شاء الله تتسهل واحضرها



تحيه طيبه
Post: #48
Title: Re: ريال مدريد:وداع مبكر في دوري الأبطال
Author: ABDELMAGID ABDELMAGID
Date: 03-20-2010, 05:56 AM
Parent: #47

مقدما ..
و حسب القرعة :
مبروك ال RED DEVILS النهائى ...
و عقبال الكاس ...
الما غريب عليهم ..
....
حامد محمد حامد سلامات :
ياخى ! بايرن ميونيخ بتاعك ده ( ضايق ! ) طعمنا من سنة 99 ...
و كان ل ( برشلونه ! ) العاجب الناس ده متل ما طيرناو
من ال SEMI FINAL و بنفس لعيبتم الحاليين PLUS صامويل إيتو
قبال سنتين ( APRIL 2008 ) , بس أتمنى أن يلاقى ( الكتالونيون ) ال MAN U تانى و فى أى STAGE من المنافسةعشان الناس ( تانى ! ) تفهم و تأمن
بفلسفة و ضبط و إنضباط ال RED ARMY ...
كسرة :
أتمنى من البعض إركز على تشجيع فريق واحد بدلا من النطيط كل يوم مع فريق ..
و الحمد لله نحن مع المان يونايتد غالب أو مغلوب و لا ولاء لسواه LOSE OR WIN ..
و الباقى كلو:
عندنا صابون ...
كان شيلسى او ارسينال !!
و البقية تأتى ..
ليفربول !
أم إسبورتنق ليسبون !!
....
و بنحب المان U ..
GO RED DEVILS
GO MAN UNITED
THERE IS
ONLY
ONE
UNITED
عبدالماجد
Post: #49
Title: Re: ريال مدريد:وداع مبكر في دوري الأبطال
Author: حامد محمد حامد
Date: 03-20-2010, 10:09 AM
Parent: #48

Quote: و الباقى كلو:
عندنا صابون ...
كان شيلسى او ارسينال !!


عبد الماجد اخوى

اولا لا تعيش على امجاد الماضى ....وبالرغم من ان فريقى الاول وهو شيلسى اللندنى اللى حيهزمكم فى الدورى الا وان عقبة البايرن نبقى كبيرة عليكم ليس لان البايرن فريق كامل واحسن من المان بل لان المان فريق اللاعب الواحد وصدقنى يوم ما تفقدوا خدمات رونى لاى سبب او اخر فانتم فى الباى باى واستعدوا لسرادق العزاء فى مانشيستر.

ثانيا ...نجى على الكل صابون لا تنسى يااخى ان هناك مواجهة لك مع البلوز فى الدورى واذا نسيت افكرك بنتيجة الدور الاول وهدف جون تيرى اللى حالف يجيب مناخير السير وقارى نيفيل المتغطرس الارض.

بالرغم من دة كله واعترافا بان الكورة دوارة والتحكيم نص كم فاذا ما تخطى الرديفيلز عقبة البايرن فمبروك الفوز عندها اتمناها للانجليز حبا فى الدورى والفرق الانجليزية.

تحياتى وموعدنا فى الدورى قريب وابقوا اطلعوا من اللى بيهزمكطم كل مرة فريق ليفربول وان غدا لناظره قريب.

كن بخير
Post: #50
Title: Re: ريال مدريد:وداع مبكر في دوري الأبطال
Author: حامد محمد حامد
Date: 03-20-2010, 11:26 AM
Parent: #49

اما انت يا صديقى ...قمر بوبا فأقرأ الكلام ادناه واعطنى رائك يبدو لى انه من شخص واقعى وعلى حسب مجريات او ما جرت عليه الاحداث


فور إسدال الستارة على حفل قرعة الدورين ربع ونصف نهائي دوري ابطال اوروبا لكرة القدم امس، شرع العارفون ومدعو المعرفة برسم خط مستقيم يشير «بثقة» إلى إعادة لسيناريو العام الماضي عندما تواجه برشلونة ومانشستر يونايتد (2 - صفر) في المباراة النهائية.
القرعة تحتمل هكذا سيناريو بيد ان هؤلاء ممن حملوا راية ذاك التوجه اغفلوا ان ثمة اندية اخرى تستنشق هواء العظمة في اوروبا، ذاك الهواء نفسه الذي يبقي برشلونة حياً.
نسي هؤلاء بايرن ميونيخ وارسنال وانترميلان، واصابتهم بالتأكيد «حمّى منتخب البرازيل» التي تجعل من خسارة «راقصي السامبا» ضربا من جنون او حتى نتيجة تواطؤ سافر... أبدي.
مهلا تمهّل يا أيها الكاتالوني «المتعالي»، فالتاريخ لا يشير سوى إلى انك توجت بطلا لـ«القارة العجوز» في ثلاث مناسبات فقط لا غير منذ انطلاق المسابقة في الموسم 1955/1956.
مهلا تمهل... فأمامك حنكة المدرب الفرنسي فينغر (ارسنال)، وبعدها ربما، فطنة المدرب البرتغالي مورينيو (انترميلان) في نصف النهائي.
برشلونة ليس بطلا «واقعيا» لأوروبا (2009) سوى على الورق لانه استعان بأخطاء حكم «غبي» لتجاوز تشلسي في اياب نصف نهائي الموسم الماضي.
برشلونة لا يستحق بالتالي لقب «الفريق الذي لا يهزم» لانه هزم بالفعل في «ستانفورد بريدج» باعتراف الواقعيين من انصاره.
مهلا تمهّل يا كاتالوني الهوى، ففي كرة القدم فوز وخسارة، وفي الحياة «يوم لك ويوم عليك».
برشلونة حتى الساعة خسر كأس اسبانيا ولا يتصدر الدوري المحلي وليس ضامنا الكأس الاوروبية والعالمية والسوبر بشقيها الاسباني والاوروبي.
مهلا تمهّل يا عاشق الـ«بلاوغرانا»، ففي التأني السلامة وفي العجلة الندامة.
مهلا فكُتب التاريخ تعلم كم من عظيم هوى وكم من متعال هبط وكم من بطل سقط.

سهيل الحويك
Post: #51
Title: Re: ريال مدريد:وداع مبكر في دوري الأبطال
Author: عبد اللطيف بكري أحمد
Date: 03-20-2010, 11:41 AM
Parent: #50

ريال مدريد فريق القرن الماضي

وسيكون بإذن الله فريق القرن الحالي،،


الفريق الأول في الدوري الأسباني الآن برصيد أهداف أعلى من بارشا،،

1 ريال 26 21 2 3 12 71 21 50 65
2 برشلونة 26 20 5 1 12 64 16 48 65

هزيمة ليون عارض إستثنائي جعل أهل ليون في ذهول ،،

سيحقق الليغا بإذن الله وبأرقام قياسية تهز العالم هذه السنة،،

لا ينقصه كاسات البطولة الأكبر للأندية : 9 مقابل 3 للبارشا التي تحتاج 120 سنة لتلحق يالريال،،



==


أشجع اليوم آرسنال حتى الثمالة ،
وإن سقط سيرفع الراية إنتر ،،
ولن يكون البرنابيو مسرحا للتويج الأمة الحاقدة بكأس رابعة!!!
Post: #52
Title: Re: ريال مدريد:وداع مبكر في دوري الأبطال
Author: abuguta
Date: 03-20-2010, 11:47 AM
Parent: #50

Quote: يا مان
كورة الفرق الجميلة بتلقاها عند المدفعجية او البارسا
سأكون في قمة السعادة لو التقي الارسنال مع برشلونة في النهائي -أو- الانتر بفضل ايتو فقط لما قدمه مع اي من الفريقين



ياقمر

بوستك عسل

بس امنيتك ما بتتحقق,,فريق الاولاد(ارسنال) سيقابل فريق الكبار,,فى السمى فاينال
على حسب القرعة

http://www.kooora.com/default.aspx?c=4723&stage=7

الفاينال,,مان وبرشا
وانا برشح البرشا للمرة الثانية,,مع انو رونى مسخن مسخن مسخن
Post: #53
Title: Re: ريال مدريد:وداع مبكر في دوري الأبطال
Author: ABUHUSSEIN
Date: 03-20-2010, 04:13 PM
Parent: #52

#