نادى السينما يقدم فيلم (الخائن) .

Post: #1
Title: نادى السينما يقدم فيلم (الخائن) .
Author: مركز الخاتم عدلان
Date: 03-10-2010, 11:03 AM
Parent: #0

نادي السينما
بمركز الخاتم عدلان للإستنارة والتنمية البشرية
يقدم فيلم
Traitor
الخـــــــــائن
الفيلم الدرامي الأمريكي Traitor تم إنتاجه في العام 2008م وهو من إخراج جيفري ناشمانوف يتناول الفيلم قضية الأرهاب ويحكي قصة سمير المولود من أم أمريكية وأب سوداني مسلم يموت أمامه في حادث تفجير سيارة .
مدة الفيلم: 114دقيقة .
الزمان: الخميس 11/3/2010م الساعة السابعة والنصف مساءً .
المكان: مقر المركز بالعمارات ش 57 من جهة شارع محمد نجيب جوار السفارة التشادية.
يعقب الفيلم نقاش .
مرحباً بكم .

Post: #2
Title: Re: نادى السينما يقدم فيلم (الخائن) .
Author: مريم بنت الحسين
Date: 03-10-2010, 11:27 AM

اختيار موفق جداً جداً... الفليم ممتاز، وقصته جميلة، واخراجه رائع....

ذكرتني ترجمة الفليم للعربية، فلم هندي كان مثار نكته عند الوالد، وكان اسمه "الخائن" برضه ههههههههه

Post: #3
Title: Re: نادى السينما يقدم فيلم (الخائن) .
Author: محمد عبد الماجد الصايم
Date: 03-10-2010, 11:34 AM
Parent: #2

غايتو توقيت البوست دا كان غريب خلاس!
طوالي قلت: صحي صحي خائن!

Post: #4
Title: Re: نادى السينما يقدم فيلم (الخائن) .
Author: فيصل نوبي
Date: 03-10-2010, 11:55 AM
Parent: #3

نادي السينما بتاع مركز الخاتم عدلان ده قاعد ياخد إذن بعرض الأفلام دي ولا شغال كيري ساي ؟

Post: #5
Title: Re: نادى السينما يقدم فيلم (الخائن) .
Author: مركز الخاتم عدلان
Date: 03-11-2010, 08:42 AM
Parent: #4

مريم بنت الحسين تحيات .

Post: #6
Title: Re: نادى السينما يقدم فيلم (الخائن) .
Author: فيصل نوبي
Date: 03-13-2010, 08:23 PM
Parent: #5

Quote: مريم بنت الحسين تحيات .
دي من مركز الخاتم عدلان ؟
طيب مركز الخاتم عدلان ده بيرسل تحيات للبعض و يتجاوز الغالبية ؟
و سؤالنا ده عملتو منو مطنشين مالكم ؟
ده ياهو اللي بتعلموهو للناس في المركز ؟
طنش اللي ما يعجبكـ ولا الغلبكـ ترد ليهو !

Post: #7
Title: Re: نادى السينما يقدم فيلم (الخائن) .
Author: مريم بنت الحسين
Date: 03-13-2010, 09:25 PM
Parent: #6

Quote: دي من مركز الخاتم عدلان ؟

والله يا فيصل نوبي اتلوّمت معاي..... "دي" ... انا تقول لي دي!!... ياخ انا انسان وعندي كيان ... زول طول بعرض... ما ظريفة منّك والله

انا ذنبي شنو.. ناس المركز ديل لا بعرفهم ولا شي.... هم يمكن اتكيّفوا للصورة...!

انا بطالب بإعتذار... في بوست منفصل بالله، وبإسمي... وياريت تكتبه بي الiPhone.......

وشكرا مقدّماً....

Post: #8
Title: Re: نادى السينما يقدم فيلم (الخائن) .
Author: فيصل نوبي
Date: 03-14-2010, 07:58 AM
Parent: #7

يا مريم سلامات
ياخ مركز الخاتم عدلان إتلوم معانا
يعني مركز بحالو يقول لي بت الحسين سلامات و انا و أخوي الكاشف ود الصايم ده يجلينا ؟
مفروض مركز الخاتم عدلان ده مركز ثقافي
هسي هو بينشر ثقافة الإنتقاء و لا الطناش
و ليه
عشان سألناهو اذا الفيلم ده مرخص للنشر عندهم ولا بدون ترخيص ؟
يعني سؤال لي مصلحتو
يا زول ولا تزعلي و حقكـ علي مركز الخاتم عدلان الجاب ليكـ اللوم

Post: #9
Title: Re: نادى السينما يقدم فيلم (الخائن) .
Author: مريم بنت الحسين
Date: 03-14-2010, 11:42 AM
Parent: #8

Quote: يعني مركز بحالو يقول لي بت الحسين سلامات و انا و أخوي الكاشف ود الصايم ده يجلينا ؟

عليك الله عان ديل، وبت الحسين هينه ولا لينه....
بركه الطنشوكم، وان شاء الله ما يردوا عليكم كله كله....