للاسف الخارجية لم تسمع بوفاة الطالب انس الفاتح ( انفجار بونا الهندية)

الخارجية لم تسمع بوفاة الطالب أنس..!
الخرطوم:الوطن
قال المواطن الفاتح مدني والد الشهيد أنس الذي توفى بالهند الشهر الماضي إنه التقى أمس بالسفير يسن عوض اسماعيل بوزارة الخارجية السودانية بالخرطوم مستفسراًَ عن عدم إهتمام الوزارة بابنه الطالب أنس الذي توفى بالهند .
وقال المواطن المذكور إنه فوجئ بقول السفير بأن وزارة الخارجية لاعلم لها بوفاة الطالب المذكور ، بل إن الوزارة تعتقد بأنه لايزال تحت العلاج بالمستشفى..

سبحان الله الوزارة تعتقد ، اللهم ارحمه و احسن نزله مع رفيقه الذى توفى ايضا ، اللهم ابدلهم عن شبابهم بالجنة يا ارحم الراحمين .

أخي العزيز :

جات من ( بوأّك ) على قول المصريين .. و تعد نعمة ..
خارجية شنو يا زول تسمع بموضوع زي دا ؟؟ ما مهم أبدا تسمع أو ترى ..

هم فاضين من البزنس و الفسحة و لملة السحت ؟
يمين لو حيا و مات تاني ما يجيبو ليه خبر ..

و سفارة السجم و الرماد الهناك دي كان دورا شنو .. ؟

لو الخارجية ما سمعت رب العالمين سمع ..

اللهم أرحمه ..
هذا كل ما نملك ..

و نسيت اقول ليك حاجة :

يمين لو كان السفارة سمعت كانت طالبت الهنود بحرق الجثمان ..

( نزولا لاتباع و تقدير التقاليد الهندوسية و دعما لأواصر الصداقة بين الشعبين ) ..

بالله لو بتعرف الفاتح الأمين دا قول ليه : الحمد لله الما سمعوا ..
كان شيلوك جثمان ولدك في كتفك ..
و قالوا ليك : قوم لف ..

Quote: بالله لو بتعرف الفاتح الأمين دا قول ليه : الحمد لله الما سمعوا .. كان شيلوك جثمان ولدك في كتفك .. و قالوا ليك : قوم لف ..

فعلآ ، قد نقل الفاتح مدني سليمان جثمان إبنه الحبيب وفقدنا الكبير أنس الفاتح
من الهند إلى الخرطوم مرورآ بالدوحة
وتوقف قصير ريثما تمت الصلاة عليه في الجامع المجاور للمنزل
ودفن في مقابر الصحافة جوار شقيقه الراحل أيمن الفاتح
الذي رحل قبل 3 سنوات بسبب صقعة كهرباء في منزلهم

الفاتح صبر وهو يمتحن للمرة الثانية في إبنه
ولكنه لم يقبل الضيم والإهمال

الفاتح مدني والده مدني سليمان إبن عمي
و والدته فاطمة إبراهيم إبنة عمتي حاجة آمنة العسلة
ف الراحل العزيز أنس الفاتح حفيدي
ولطالما نادني ب ( يا جدو ) مداعبآ

اسأل الله ان يرحم أنس وايمن وأن يعوضهما عن شبابهما الغض الجنة
وان يصبر والديه العزاء الفاتح مدني وآمال حماد
واشقائه سلافة وسوسن وأياد ومحمد ويجعل البركة فيهم

الله يرحمه ويغفر ليهو...ويلهم أهله الصبر وحُسن العزاء...

____

الغريبة يا هجو الأقرع...الطالب الماشي لطلب العلم، يُحسب شهيداً...لم لم تسمه شهيداً...وقمت بتأكيد شهادة إبراهيم شمس الدين في بوست
مجاور؟؟؟!!!

فعلاً على قول أحد الأصدقاء...عندما تمت تسمية قاعة الزبير محمد صالح...بقاعة سيد الشهداء أو نحو ذلك...قال أنو حتى شهداء الجبهة
درجات من هنا!!!

فما بالكم بالنار والداخلنها تووووش؟؟؟؟!! باذن الله

أنور

والله احنا الذل والهوان ده ما بعرف حدّه وين... ياخ السعودية دي، لو حصلت مشكلة في اي بلد، تقع وتقوم لحدي ما تجيب رعاياها، والجرايد تطمّن الناس على اهلهم.. ولو الموضوع اتأزم، يرسلوا يجيبوهم بي طيارة خاصة....


وينك يا علاء الدين يوسف، تجي تشوف العزّة والكرامة الإحنا فيها....!!!!!!

الرحمه والمغفرة للشهيد أنس الفاتح، وحار التعازي مرّه أخرى لأهله ... ولك يا عم أبو ساندرا....

هجو الاقرع، تحية، وشكرا لنقل الخبر
والله استغرته انك تجيبه، قلت يمكن حسابك اتهكّر....

اخي الاقرع

سلامي

ساعود لاروي لكم صحة ما حصل فانا شاهد على كل الاحداث وعلى المواقف الطيبة للسفارة السودانية إبان تلك المحنة .

تحياتي

يا انور يا شيخنا الخبر انا نقلته فقط و ترحمت على الشباب ، وهؤلاء الشباب باذن الله شهداء ، غير انهم قتلوا بدون سبب ، فان اشرف الخلق قال من سلك طريقا يلتمس فيه علما سهل الله له طريقا الى الجنة .
عليك الله يا انور اسع الفرق بينى وبينك شنو ؟ انا قلت شهيد ، ثم تاتى انت و تقول جهنم توشششششششششش ، اوعك تقول لى انك قلت باذن الله ، اوصيك بمراجعة او البحث عن حديث معاذ بن جبل ، فى من مات و هو يشهد بان الله لا اله إلا هو وان محمد عبده و رسوله .

غايتو الناس الكل يوم فى حال ديل منهم جفلة ، يا انور انت لا تمنع او تقسم رحمة الله .

هجو الاقرع، تحية، وشكرا لنقل الخبر
والله استغرته انك تجيبه، قلت يمكن حسابك اتهكّر.... الاخت بنت الحسين سلام من الله ورحمة ، اذا كنت انا مقصود بهذا الكلام ( فقد ظلمتنى ) ، فحقوتتحقيقى مما اكتب هنا. وربما انتى مهكرة لطريقة الكتابة و والغلط الظاهر فى كلمة(استغرته) ومن باقى صياغة الجملة المهم انا فى انتظار توضيحك .

شيخنا الطيب سلام من الله ورحمة ، عساك مرتاح اخى الكريم ، انا فى انتظارك ، وبرضو تلقيت اتصالا من احد الاخوان من سفارتنا بالهند ، ووعد بكتابة التفاصيل ، المهم انا احتفظ بالاسم الشخص المتصل وهاتفة ، وكان فى غاية الادب و التهذيب .

استاذنا الفاضل هجو الاقرع


ربي يرحم الطالب ويغفر له

وربي يرحم وزارة الخارجية ويغفر لها ويوسدها الباردة

كان اخوك دخل السفارة دي علا اعدمها ليك طافي النار


كلهم بلطجية ماعندهم شغل

بعد اذنك ببقي سيد البوست ده

التجاهل التجاهل

لهما الرحمه ياخي....
السفير السابق للسودان بسلطنة عمان اسمو الشفيع جا شركتنا مره وعرفت انو جاي يشوف امكانية يعمل بزنس هاهاها .. المهم استقبلتو كويس مع ادارة شركتي بوصوفو سفير لبلدي وانا مقهور وحاسي اني مجبور لانو هو بمثل السودان لمن جا للأسف

ود عوج الدرب سلام كيفك و بقية الاسرة الكريمة ، يا حبوب احتلال عديل ، المهم مبروك عليك.

الاخ عبدالليطف كيفك اخى الكريم ، للاسف لم اتشرف بمعرفة الرجل ، ولكن سوف ندعو له كلنا بان يلزمه الله الصبر هو و اسرته على فقدهم الجلل.

الاخ ود الاقرع

تحياتي

Quote: شيخنا الطيب سلام من الله ورحمة ، عساك مرتاح اخى الكريم ، انا فى انتظارك ، وبرضو تلقيت اتصالا من احد الاخوان من سفارتنا بالهند ، ووعد بكتابة التفاصيل ، المهم انا احتفظ بالاسم الشخص المتصل وهاتفة ، وكان فى غاية الادب و التهذيب .

يا اخي للامانة والتاريخ دعوني اروي دور السفارة السودانية ابان تلك المحنة
الشاهد انني وبعد سماع النبأ المحزن سافرت من مسقط الى بونا بمعية والدة المرحوم امجد امال سليمان وعمته سعاد بركة على -

وصلنا بونا في نفس اليوم وفورا تحركنا الى المستشفى حيث يعالج المرحوم امجد . استقبلنا عدد كبير جدا من طلاب جامعات بونا وكانوا وقتها مرابطين في المستشفى يتناوبون المهام . كان الطلاب موزعين في اتيام بحيث يبيت تيم اليوم وغدا التيم الاخر . للامانة وجدت شاب حزين ومتحمس جدا ومتفاعل جدا مع الاحداث رحب بي وابان لي ان اسمه عاصم وانه يعمل قنصلا في السفارة الهندية بنيودلهي على بعد الاف الكيلو مترات من بونا وانه مكلف من سعادة السفير خضر هارون لمؤازرة المصابين ولمراقبة الخدمات الطبية لهم ونقل لي اسف السفير من الحضور لتزامن الاحداث مع جولة له في شبه القارة الهندية سيريلانكا بالتحديد . القنصل عاصم حسب علمى الشخصي كان ينام مع الطلاب في الداخليات ويعود كل صباح راكبا الموتر للمستشفيات مع اى من الطلاب ليقف على الحالة الصحية للمصابين . على الطلاق شوف عيني القنصل راكب موتر خلف احد الطلاب

في اثناء تواجده معنا حدث حادث حركة اصيب فيه سوداني اخر في مدينة تبعد مئات الكيلو مترات من بونا فهرع هذا العاصم ليقف على حال السوداني المصاب . المهم وهو هناك اتصل بي شخصيا قال لي يا الطيب لو محتاجين لاي حاجة بلغوني وانا اودعت مبلغ لدى الطالب حسنين لحاجاتكم من الاكل وغيره من اللوازم وقد كان فقد اصبح الطلاب والطالبات الافاضل ( حفظهم الله من كل شر) يذهبون الى السوق لشراء لوازم الطبيخ من الفلوس المودعة لدى حسنين من قبل السفارة ويقومون هم بعمل الوجبات وياتوننا به في المستشفى .

في يوم الوفاة لم يكن الاخ عاصم موجودا في بونا ولكنه ظل متصلا بنا - معزيا وحزنيا- كل لحظة لترتيب اجراءات نقل الجثمان الى السودان كما اتصل بنا الوزير المفوض معزيا ومتابعا ترتيبات نقل الجثمان كما اتصل بي الاخ السفير خضر هارون معزيا ومستفسرا عن احتياجاتنا - ايضا لا بد ان اذكر ان السفارة قد قامت باعداد كامل الاوراق الرسمية المكملة للاجراءات الادارية الهندية لنقل الجثمان فاوراق السفارة بجدها امامي انى تحركت لعمل اجراء اداري هندي يتعلق بنقل الجثمان .

فيما يتعلق بالمرحوم الشهيد انس الفاتح فهو لم يكن مع المرحوم امجد في مستشفى واحد وانما تبعد مستشفاه بضع كيلو مترات من مستشفى امجد فكنا جميعنا نذهب للمرحوم انس ونعود للمرحوم امجد ولا اعتقد ان الاخ عاصم كان بعيدا من المرحوم انس ولكنى لست على يقين من مستوى تواصله مع اسرة الاخ انس غير اني ارجح انه لم يميز بين الشهيدين في تعامله واهتماماته طالما كانت التحركات جماعية من المرحوم امجد الى المرحوم انس الفاتح .

رحم الله الشهيدين واسكنهما فسيح جناته والهم آلهما الصبر وحسن العزاء

الشكر لسعادة السفير خضر هارون وللاخ القنصل عاصم ولجميع العاملين بالسفارة السودانية

شكرا شيخ العرب اخى الطيب شيقوق ، فهذه شهادة حق من شخص كانا قريبا من الواقع ، لحالة ابنكم الشهيد الفقيد ، وبدوره فقد اتصل بى الاخ عاصم ووعد بارسال كل الاتفاصيل، على بريدى الخاص . لك الشكر على هذا التوضيح الهام .

الاخ هجو...

يبدو إني بالغلط، خلطت بينك وبين شخص آخر..... لك اعتذاري... والغلطانه انا ما الهكر :)....
متأسفه جداً.... واتمنى تقبل اعتذاري

الاخت الكريمه مريم بنت الحسين ، يا ستى حصل خير ، و لايهمك و حاشاك الغلط .

فوق ،، حتى أجهز ما كتبه الأستاذ سيد احمد خليفة في جريدته الوطن

مريم بت الحسين:

Quote: الرحمه والمغفرة للشهيد أنس الفاتح، وحار التعازي مرّه أخرى لأهله ... ولك يا عم أبو ساندرا....

شكرآ يا مريم ولا ارانا الله مكروهآ في عزيز لديكم

Quote: للاسف الخارجية لم تسمع بوفاة الطالب انس الفاتح ( انفجار بونا الهندية)

معقولة بس

*