أبو اليتامي

بشوف
في زحمة الخرطوم
سماح إنسان
حِدا بحري
ومعلّق قلبو
بي امدرمان
دُغش داقِش
لظي الأسواق
أكيد في بالو
كوم (دلميت)
خدار البيت
وباقة الزيت
فواتير الجن اللخبيت
ديون التاجر (العِكليت)
وباقي الرصّه
والعولاق
قصادو الشُفّع القُصّر
عصافيراً جفاها الريش
فراق أم زين حرق قلبو
يعافر في حلال العيش
يدارق بالصبر غلبو
وماضي الزكري
في المُعلاق
شقاوة زول فقد خِلو
حراق الروح هوا يقِلو
يفِنو في آخر الأصقاع
برغم مرارة الأوجاع
صبر صبراً كما أيوب
ركز شامخ طويل الباع
برغم الحاضر المقلوب
وموت الفرحه
في الأحداق
وإن قلت البال
مالبال باللخمه معبا
قد طال الليل قد طال
إن طال ببقالو مسبّه
كم ليلاً مشي يدبّي
في نهاراً يقلي الحبه
قد باع مايملك
عِدِم الحبه
لو حاجاتهُم يوم تتلبي
ساق للسوق (البَهَم) التبّ
وكوم (حِِملاناً) ليهن ربّي
سته (بَطَطَن) ليهُن حبّ
إلا القدر الشاين خبّ
شال الوالده بعيداً خبّا
سب وتبّ
تبّ وسبّ
السوق الكبّ
زيت فوق لهباً شبّ
يا هبابه أديهُن هبّه
إنتي ضميرك ودّر وغبّي
ديل يتامي
وشوف
ومحبه
وحاتكم يا عباد الله
يكابس من حَمَار الله
عشان أرزاقو ما انذلّ
ينوم مهموم بهم بلدو
خبارو بدِس رغيف ولدو
يقوم في حلقو خنجر هم
يعافر العبره تندلّ
يصاقِر لي روادي الجن
إمكن كواريكًن تَصِن
وإمكن ترخص الغله
ويروح مجروح
مفارقه الجِتّه حيل الروح
فلا قِدرت (نصايبو) تروح
ولا غرقت سفينة نوح
يتمتم في دعاه يقول:
متين
ننحلّّ
يالله ؟
ويرجع في عقَاب اليوم
وجع فوق قلبو
كوم مردوم
(مغس) من قسوةَ الحالة
ومن أسيادنا وانجالا
صبرنا نكابد أفعالا
غصب خلونا عتّاله
عشان يتعدلو نرتَاله
(نُخَب) واطيانا بي نعالا
ملت (إضنينا) أقوالا
وبرضو الحاله بطاله
وحات المولي يا عالَم
ما عشمان سوي حاجتين:
أول حاجه نتفكّ
من الفي الغابه منفكّه
وما سائلين
من أحوالنا
من اطفالنا
ومن التموين
أول حاجه نتفكّ
من الحتّونَا زي فكّّه
من الباعونا (للتمكين)
من الزرعونا جوه الطين
من الما راعو فينا الدين
أول حاجه نتفكّ
وتاني الباقي
الله بعين.

مسنوح الكلام دا بتجيبو من وين ؟

عندك س ...........لي؟

Quote: مسنوح الكلام دا بتجيبو من وين ؟ عندك س ...........لي؟

شيقا يازين:

من جراب الحاوي المليان بلاوي.

الس.....لي الما بجيبو شنو والمغايس شغاله فينا شمال ويمين.؟


تسلم يا مسنوح

Quote: بشوف في زحمة الخرطوم سماح إنسان حِدا بحري ومعلّق قلبو بي امدرمان

Quote: برغم مرارة الأوجاع صبر صبراً كما أيوب ركز شامخ طويل الباع برغم الحاضر المقلوب وموت الفرحه في الأحداق

Quote: أول حاجه نتفكّ وتاني الباقي الله بعين.

وتاني الباقي الله إعين

أبوحوة تسلم حروفكـ حرف حرف


تحاياي

ابو حوه
تسلم ياغالي على هذا الابداع
وكتر لينا منو بالله

يديك العافيه علي هذه المتعه

Quote: يديك العافيه علي هذه المتعه

نعيم يا طاقة عافية وشباك شجن.


كل الشكر يا نعيم

Quote: ابو حوه تسلم ياغالي على هذا الابداع وكتر لينا منو بالله

حكمة الله يا وليد إنو الوجع فينا مستشري جداً
فكلما نفتح كوة للأمل ينسرب الحزن دون (نقره) أو (نحنه).

تسلم يا وليد..


حكمتو بالغة

------
الضل ما قصّر من الطموح.

Quote: وتاني الباقي الله إعين أبوحوة تسلم حروفكـ حرف حرف تحاياي

محمد ياجيلي:

أتمني أن تداهمنا شمس الغد النضير..
ويا تري كم هم الذين مثل أبونا هذا؟
وكم هم الذين أسوء منه حالاً؟

ربك بعين يا جيلي


حروفنا تغريك سلامها..

متشكرين

Quote: بشوف في زحمة الخرطوم سماح إنسان حِدا بحري ومعلّق قلبو بي امدرمان دُغش داقِش لظي الأسواق أكيد في بالو كوم (دلميت) خدار البيت وباقة الزيت فواتير الجن اللخبيت ديون التاجر (العِكليت) وباقي الرصّه والعولاق قصادو الشُفّع القُصّر عصافيراً جفاها الريش فراق أم زين حرق قلبو يعافر في حلال العيش يدارق بالصبر غلبو وماضي الزكري في المُعلاق شقاوة زول فقد خِلو حراق الروح هوا يقِلو يفِنو في آخر الأصقاع برغم مرارة الأوجاع صبر صبراً كما أيوب ركز شامخ طويل الباع برغم الحاضر المقلوب وموت الفرحه في الأحداق وإن قلت البال مالبال باللخمه معبا قد طال الليل قد طال إن طال ببقالو مسبّه كم ليلاً مشي يدبّي في نهاراً يقلي الحبه قد باع مايملك عِدِم الحبه لو حاجاتهُم يوم تتلبي ساق للسوق (البَهَم) التبّ وكوم (حِِملاناً) ليهن ربّي سته (بَطَطَن) ليهُن حبّ إلا القدر الشاين خبّ شال الوالده بعيداً خبّا سب وتبّ تبّ وسبّ السوق الكبّ زيت فوق لهباً شبّ يا هبابه أديهُن هبّه إنتي ضميرك ودّر وغبّي ديل يتامي وشوف ومحبه وحاتكم يا عباد الله يكابس من حَمَار الله عشان أرزاقو ما انذلّ ينوم مهموم بهم بلدو خبارو بدِس رغيف ولدو يقوم في حلقو خنجر هم يعافر العبره تندلّ يصاقِر لي روادي الجن إمكن كواريكًن تَصِن وإمكن ترخص الغله ويروح مجروح مفارقه الجِتّه حيل الروح فلا قِدرت (نصايبو) تروح ولا غرقت سفينة نوح يتمتم في دعاه يقول: متين ننحلّّ يالله ؟ ويرجع في عقَاب اليوم وجع فوق قلبو كوم مردوم (مغس) من قسوةَ الحالة ومن أسيادنا وانجالا صبرنا نكابد أفعالا غصب خلونا عتّاله عشان يتعدلو نرتَاله (نُخَب) واطيانا بي نعالا ملت (إضنينا) أقوالا وبرضو الحاله بطاله وحات المولي يا عالَم ما عشمان سوي حاجتين: أول حاجه نتفكّ من الفي الغابه منفكّه وما سائلين من أحوالنا من اطفالنا ومن التموين أول حاجه نتفكّ من الحتّونَا زي فكّّه من الباعونا (للتمكين) من الزرعونا جوه الطين من الما راعو فينا الدين أول حاجه نتفكّ وتاني الباقي الله بعين.

ابو حوه
نضميك دا عجبني
وبدور اهديهو لناس بوست ( جمال بحري )

Quote: ابو حوه نضميك دا عجبني وبدور اهديهو لناس بوست ( جمال بحري )

شيل ساكت ولا تشاور يا وليد

بحري طراوه يا مان

منو الزي بحري


.....


بشوف
في زحمة الخرطوم
سماح إنسان
حِدا بحري
ومعلّق قلبو
بي امدرمان

.