صحيفة الدار توالى السقوط ( ملعون ابو الصحافة )

انعل ابو الصحافة

البصق والشتم مكرمة لا تستحقها ان كانت تصنع ما تصنع (الدار ) والتى نشرت اليوم صورا يجب الا تنشر للفقيد ايداهور بعد (وفاته ) وبشكل اثار استياء عاما ، الاستاذ احمد البلال الطيب هذه الصحيفة لم ترعى حرمة رجل ميت له اهل واسرة واصدقاء ومحبين ، هل ترى سيرضى ود البلال ان تنشر له صورة وهو ميت لا قدر الله ، وما يؤلمنى ان الزميل عبدالرازق الحارث رئيس التحرير رجل متصوف ونشهد له بالتدين ورغم هذا وافق على نشر الصور .
انعل ابوالصحافة

Quote: هل ترى سيرضى ود البلال ان تنشر له صورة وهو ميت

احمد البلال دا ماعنده مشكلة

طالما المسألة فيها فلوس ممكن يخليهم ينشرو

صورتو وهو ميت 00

ود الباوقة

Quote: احمد البلال دا ماعنده مشكلة طالما المسألة فيها فلوس ممكن يخليهم ينشرو صورتو وهو ميت 00

بالله....!
احيانا مع الحقيقة
غريبة..!
بس ما تنسى احمد البلال دا على علاقة جيدة مع البشير
اها قولك شنو




_________________________
الجمعية الوطنية لاعادة حقوق الاخ بقال فرع مملكة لاوس

الكلام فى العدد الصادر اليوم ، تعمدا فيما يبدو لنشر صورة سابقة بالامس

الغريب ان الصحيفة اتت بالمصور بحجة ان اعتداء وقع عليه بعد التصوير ،

تحياتي محمد حامد
ليست جريدة الدار وحدها فقد بدأ انتهاك حرمة الراحل
من سقوطه المروع في الميدان
ثم تناول بعض الزملاء المآساة بأغراض يعف اللسان عن ذكرها
كل الاحداث مكملة لبعض
ليس الخبر الأول لجريدة الدار
لإنتهاك حرمة الأموات فقد سبقتها هنات وهنات
اللهم اصلح حالنا

Quote: انعل ابو الصحافة البصق والشتم مكرمة لا تستحقها ان كانت تصنع ما تصنع (الدار ) والتى نشرت اليوم صورا يجب الا تنشر للفقيد ايداهور بعد (وفاته ) وبشكل اثار استياء عاما ، الاستاذ احمد البلال الطيب هذه الصحيفة لم ترعى حرمة رجل ميت له اهل واسرة واصدقاء ومحبين ، هل ترى سيرضى ود البلال ان تنشر له صورة وهو ميت لا قدر الله ، وما يؤلمنى ان الزميل عبدالرازق الحارث رئيس التحرير رجل متصوف ونشهد له بالتدين ورغم هذا وافق على نشر الصور . انعل ابوالصحافة

Quote: انعل ابو الصحافة

الأخ محمد حامد جمعه
نشاطركم رأيكم في جريدة الدار ... قف!
لكن الصحافه دي
ياخوي أفرز .... ياتو (مربع) فيها بي تلعنو ... قف!
نحن غايتو ساكنين فيها في مربع 22
مايقوم يصيبنا رزاز (نعلكم) ساي...قف!


البركه فينا وفيكم في وفاة الخلوق إيداهور

محمد حامد جمعة
تحياتي
الحمدلله آخر مرة اشتريت جريدة بغرض القراءة كانت قبل أربعة اعوام ووقتهاكنت اقرأ الايام وكت مرتضي الغالي الصحافة ايام الحاج وعادل الباز الرأي العام ودي كانت عشان الوظائف


العقلية السودانية في قراءة الصحف هي الركض وراء الآكشن وللأسف ياها العقلية القدر البلال يستغلها ويبيع بيها والدليل انو الصحف العندها المهنية مثل الايام في تدهور وجريدة قذرة زي الدار مبيعات فوق مستوي التصور.


المستغرب ليه يا محمد حامد جمعة -اتصور- انك عندك عمود راتب في احدي الصحف اليومية لماذا تناولت الموضوع في الاسفير ولم تتناوله في اي صحيفة سيارة لانه التناول بختلف تماما بين هنا وهناك.






__
نتمني من الله انو ما يجي واحد شيلق يعمل ليها اسكان و يرفع الصورة في الاسفير

Quote: احمد البلال دا ماعنده مشكلة طالما المسألة فيها فلوس ممكن يخليهم ينشرو

عيال البلال ربائب الانقاذ، لاعقى احذية العسكر.


جمعة رجعونا محل انقذتونا. المصيبة هناك برضو بنلقى حسن خوجلى
و صحافة الجبهة الاسلامية ايام الديمقراطية. صحافة مبتذلة للاخر

انتو أحمد البلال ده ياهو الشيوعي المعروف ولا غيرو ؟؟؟
سؤال لأخونا ود الباوفة بس
الشفيع

محمد حامد سلامات يازول
وين مختفي لا حس لا خبر

حمد الله على السلامة
تتخيل عمري ما اشتريت جريدة الدار دي و
ولا بقراها

محمد حامد جمعة

سلاماااااااااات ياراجل وين انت واخبارك شنو ؟؟

جريدة العاصمة وقفت لشنو ؟؟ وقالوا لي بقيت مدير تحرير في الرائد ادينا معاك عمود في الاسبوع ثلاث مرات

وبعدين الله بسالك من حقي ( اوفوا بالعهد اذا عاهدتم ان العهد كان مسؤلا ) ولا لسع نهاية الشهر ماجاء لهسع
بعد ان مضي اربع اشهر

تخريمة :-

قصدت اكتب الكلام اعلاه في بوستك هناعشان تقراهو واكيد فاهم ما اقصد ,, لانه التلفون ورسائل التلفون ما جابت نتيجة
ولا حتجيب

الصحافة في زمن الكيزان،،،، اها ماوقفتوها ليه ما الجرائد السياسية اكان كتبت اي حاجة دافية تجو جارين
وداعا ايداهور

سلمت يداك ياود الجمعة ,,

,,, واريتك باقي العلل التى امرضت السودان يكون لك منها نفس الموقف,,

يا أستاذ جمعة


ما هو الفرق بينك وبين صحيفة الدار؟

ألم تروج أنت للفحش وساقط القول والخوض فى الأعراض وتنبسط له

وتفتح له بوست مخصوص وتحتفى به؟؟؟!!!!!

أجب على أسئلتنا........ والغريق قدّام!

كتب اخونا ود الباوقة :

Quote: احمد البلال دا ماعنده مشكلة طالما المسألة فيها فلوس ممكن يخليهم ينشرو صورتو وهو ميت 00

وشر البلية ما يُضحك هاهاهاهاهاهاهاهاهاهاها...


صحيــــفة الدار ... خراب الديار ...


زماااااااااااااااان قلنا الكلام دا بس زول بيسمع مافي .




..........................................حجر.

Quote: وبعدين الله بسالك من حقي ( اوفوا بالعهد اذا عاهدتم ان العهد كان مسؤلا ) ولا لسع نهاية الشهر ماجاء لهسع بعد ان مضي اربع اشهر تخريمة :- قصدت اكتب الكلام اعلاه في بوستك هناعشان تقراهو واكيد فاهم ما اقصد ,, لانه التلفون ورسائل التلفون ما جابت نتيجة ولا حتجيب

يا سعادتك بالله ادو بقال ده قروشو !!

صديقنا الأمين م سليمان
ومنه مشكوراً ليد الصحفي م ح ج..
الكل يشتكي من دار البلال، هذه الصحيفة التي تترصد عورات الناس وتتاجر بها في سوق العورات، والكل بائع ومشتري، يا لبؤسهم أجمعين. أما كان أحرى بالصحفي م ح ج، الذي يمتلك صحيفة قد تكون في متناول قراء الدار، بان يقدم نقده هناك، حيث معارك التنوير عبر الصحافة الورقية الأكثر إنتشاراً والأفعّل أثراً؟
___
بئس القاريء، الذي يتلذذ بمطالعة عورات الناس..

تضامني مع زميلنا العزيز ابراهيم بقال
اعطوا الاجير حقه يا سعادتو
اربعه شهور ؟ معقول؟

Quote: تضامني مع زميلنا العزيز ابراهيم بقال اعطوا الاجير حقه يا سعادتو اربعه شهور ؟ معقول؟

مذيد من التضامن ومعاً من اجل استراد حقوقي ليس من محمد حامد جمعة بل من صحيفة العاصمة

Quote: صديقنا الأمين م سليمان ومنه مشكوراً ليد الصحفي م ح ج..

والله يا أب تفه (سابقا) لقد جئت شيئا فريا !!
عينك لسعادتو أهو داك فاتح البوست تقول لي الاخ أمين و منه إلي م ح ج ؟
أنا في البوست ده لاسباب شخصيه بحته !!
بقال ده يا ياسر كان ما ادوه قروشو بقلب عليهم و ببقي معارضه تاني ، و كان قلب عليهم وبقي معارضه تاني بجي (يبلنا) كلنا ، و أنا والله (البل ) بقيت ما بقدر عليه !!!









-------
يا سعادتك : بالتي هي أحسن ادو الراجل ده قروشو !

Quote: بقال ده يا ياسر كان ما ادوه قروشو بقلب عليهم و ببقي معارضه تاني ، و كان قلب عليهم وبقي معارضه تاني بجي (يبلنا) كلنا ، و أنا والله (البل ) بقيت ما بقدر عليه !!!

Quote: يا سعادتك : بالتي هي أحسن ادو الراجل ده قروشو !

لو ما جات بالتي هي احسن بالبل بيجي

Quote: يا سعادتك بالله ادو بقال ده قروشو !!

ياريت

Quote: محمد حامد جمعة سلاماااااااااات ياراجل وين انت واخبارك شنو ؟؟ جريدة العاصمة وقفت لشنو ؟؟ وقالوا لي بقيت مدير تحرير في الرائد ادينا معاك عمود في الاسبوع ثلاث مرات وبعدين الله بسالك من حقي ( اوفوا بالعهد اذا عاهدتم ان العهد كان مسؤلا ) ولا لسع نهاية الشهر ماجاء لهسع بعد ان مضي اربع اشهر تخريمة :- قصدت اكتب الكلام اعلاه في بوستك هناعشان تقراهو واكيد فاهم ما اقصد ,, لانه التلفون ورسائل التلفون ما جابت نتيجة ولا حتجيب

المحترم ابراهيم بقال
انت ارسلت مواد لصحيفة (العاصمة ) من باب التعاون ، مواد ممتازة وتغطيات متميزة ، وقلت لك ان هناك حوافز لهذا التعاون ، وهذا الحديث حتى يفهم فى هذا السياق وبهذا الوضوح ، والذى حدث ان لا قروش المتعاونين ولا الذين يتم التعاقد معهم صرفت بل وتوقفت الصحيفة ، وهذا الذى حدث
بالنسبة للرائد ... لا توجد مساحة لاعمدة ، او تعاون اخشى ان التزم لك وتنشر موادك ولاسباب ترتبط بالشئون المالية والادارية لا تصرف حافزك فتاتى تلحقنا امات طه ببوست لا ايدنا لا كراعنا ...عليه اسف ( بالنسبة لحافز تعاونك فيما سبق فاليوم الذى تتم فيه تصفية حقوق الناس سياتيك حافزك مثل عشرات الصحافيين المنتظرين مثلك ومثلى )

Quote: المحترم ابراهيم بقال انت ارسلت مواد لصحيفة (العاصمة ) من باب التعاون ، مواد ممتازة وتغطيات متميزة ، وقلت لك ان هناك حوافز لهذا التعاون ، وهذا الحديث حتى يفهم فى هذا السياق وبهذا الوضوح ، والذى حدث ان لا قروش المتعاونين ولا الذين يتم التعاقد معهم صرفت بل وتوقفت الصحيفة ، وهذا الذى حدث بالنسبة للرائد ... لا توجد مساحة لاعمدة ، او تعاون اخشى ان التزم لك وتنشر موادك ولاسباب ترتبط بالشئون المالية والادارية لا تصرف حافزك فتاتى تلحقنا امات طه ببوست لا ايدنا لا كراعنا ...عليه اسف ( بالنسبة لحافز تعاونك فيما سبق فاليوم الذى تتم فيه تصفية حقوق الناس سياتيك حافزك مثل عشرات الصحافيين المنتظرين مثلك ومثلى )

تشكر الاخ محمد حامد

علي هذا الرد المحترم والله لم اكن اقصد تغيير محتوي البوست من خلال مشاركتي ولكن الحاصل انو جماهيري
في المنبر هم الذين صعدوا هذا الامر وكونوا لجان وطالبوا بحقوقي وليهم حق ولي حق
نتابع معك الي ان يأتي اليوم الذي ترد فيه حقوق جميع الناس

Quote: المستغرب ليه يا محمد حامد جمعة -اتصور- انك عندك عمود راتب في احدي الصحف اليومية لماذا تناولت الموضوع في الاسفير ولم تتناوله في اي صحيفة سيارة لانه التناول بختلف تماما بين هنا وهناك.

شكراً يا قمرنا، قرأت بداية البوست وكتب مداخلتي على ضوء ذلك، فوجدتك -بعد مطالعة البوست مرة ثانية- كتبت ما كتبته -أنا- بعدك..

ياسر و قمرنا الحاقد !!
بالله ما تحرفو لينا البوست ده عن موضوعو !!
البوست ده موضوعو قروش بقال الاكلوها ناس سعادتو ديل ، عندكم كلام عن الموضوع ده : أهلا و سهلا ، ما عندكم : بالله إتخارجو لينا من هنا و امشو افتحو ليكم بوست تاني !!








-----------
اللجنه العليا لإسترجاع قروش بقال المنهوبه !
ع/ الأديب و القاص الأستاذ أمين محمد سليمان

أمين سلامات

حركة بقال دي سبقو فيها عضو البورد عمار م ادم مع محجوب عروة .. كان عاوز من الصحيفة قروش
وجاء ندوة كان محجوب متحدث فيها ومعاهاهو الحاج وراق والندوة تقريبا عن الديموقراطية
قام عمار عمل مداخلة ورماها لي محجوب لووب ..انتا ما تتكلم لامن تديني قروشي
...
وزاد الطين بلة انو الحاج وراق في نهاية توصيات الندوة قال نوصي محجوب انو يسلم عمار حقو
والعهدة على عمار شخصيا من لسانو انو تاني يوم استلم حقو من الصباح ..

يا ود الضو،
عمار طلع مفتح، وبقال ذاتو، صدقني بكرة م ح ج من الصباح يركب موترو ويودي لي بقال قريشاتو صُرة في خيط..
___
أمين انت دحين أنا ما داير منك شي؟

بقال اطبع البوست دا وتوجه الي اقرب سفارة انشاء الله سفارة الشيك ورواندا :->

يا سعادتوا ادو بقال دا حقوا LOOOOOOOOOOL

ويا بقال ادينا حاجة.....

عشان نكلم امين اتلح سعادتو لحدي قروشك ما تجيك

مبدئيا حقنا 20% ينفع ولا لا???





________________________________________


ثم:

ندين انتهاك حرمات الموتي ,,,,,,,,,,,,,,,

ياسر طيفور
إيهاب الطيب
شكرا علي المرور و التضامن .










---------
معا حتي إسترجاع أخر ( تعريفه ) من قروش بقال !
---------
اللجنه العليا !

Quote: بقال اطبع البوست دا وتوجه الي اقرب سفارة انشاء الله سفارة الشيك ورواندا

يا أبو عبده ، بقال ما يطبع أي شي : اللجنه العليا هي الحا تطبع و تنشر و تعلق الغسيل و تنشفو حتي أخر تعريفه !











---------
لحدي السبت الجاي إن شاء الله ، لو بقال ما إستلم قروشو ، اللجنه حا تعلن (إسبوع إسترجاع قروش بقال ) : بوستات ، معارض ، ندوات و حفل ختامي !
--------
أنا جادي والله !!

,,,

Quote: ,,, واريتك باقي العلل التى امرضت السودان يكون لك منها نفس الموقف

غايتو بقيتو صعبين بالجد!

أقول قولي هذا وقد عجبتني حركة عمار دي!
مع إدانة شديدة اللهجة لجريدة الدار!

والله جريدة الدار أو في الحقيقة جريدة (الداء)!
جريدة من أجل الإثارة يمكن أن تتجاوز كلّ شيء!
وسأحكي نموذجاً حكاه لي مصدر موثوق عن بطل القصة مباشرةّ!
وبطل القصة كان أول الشهادة السودانية في أحد الأعوام!
سعى محرر الدار إلى اللقاء بهذا النابغة وإجراء حوار صحفي معه!
وفي سبيل ذلك توجه إلى بيته الكائن بالمساكن الشعبية "تعويضات الصبابي"!
وأجرى معه الحوار!
ولكن المؤسف والمؤلم الذي زرع في صدر ذلك الفتى حرقةً هو:
أن الصحيفة صدرت في اليوم التالي، وعنوانها الرئيسي يقول:
(أول الشهادة السودانية يقتحم مكاتب جريدة الدار)!!!

معاً حتى يستلم بقال حقه كاملاً، وعلى دائر الملين..
يا بقال ما تنسى الفوائد 4.9% عن كل شهر..
___
وكل من له حقوق ضائعة لم يستردها من صاحب البوست، عليه بإرسال رسالة مفصلة تحتوي على الإسم الكامل والمبلغ، وطبيعة التوظيف، والفترة الزمنية.. الطلبات التي ليس عليها "دمغة إسفير وشيل حال"، لا ينظر في أمرها..

يا سعادتوا ادو بقال دا حقوا

Quote: معاً حتى يستلم بقال حقه كاملاً، وعلى دائر الملين..

يا محمد حامد جمعة...
نشهد ليك بإدانة أكل أموال الناس بالباطل عند إدانتك لتبرع البشير بملايين الدولارات للمنتخب المصري...
مالك أسع؟
ولّا المحلي حلال؟!

Quote: معاً حتى يستلم بقال حقه كاملاً، وعلى دائر الملين.. يا بقال ما تنسى الفوائد 4.9% عن كل شهر..

تستلم فائدتك عبر اللجنة العليا

المادة الأولى من المرسوم الدستوري الأول لسنة 1989 ، نصت على مايلي :

1 - ثورة الإنقاذ الوطني هي التعبير عن الشرعية السياسية والدستورية والممثلة للإرادة العامة للشعب في جمهورية السودان .

ونصت المادة الأولى من المرسوم الدستوري الثاني على ما يلي :

1 - تُحل جميع الأحزاب و التشكيلات السياسية ، ويُحظر تكوينها ونشاطها ، وتُصادر ممتلكاتها لصالح الدولة .

2 - تُحل جميع النقابات و الاتحادات المُنشأة بأي قانون و يسري ذلك حتى يصدر امر بإعادة تكوينها .

ونصت المادة الرابعة من المرسوم اعلاه على الآتي :

4 - تُلغى تراخيص كل المؤسسات و الإصدارات الصحفية و الاعلامية غير الحكومية ، وذلك حتى يصدر ترخيص من جهة مُختصة .


يبدو لي ان صحيفة الدار ما هي إلا إفراز للواقع الذي خلقته النصوص اعلاه .

هي وصويحباتها صفحات يجب أن تطوى من سجل الصحافة السودانية
فهي صفحات تروج للجرائم والإنحطاط الأخلاقي من حيث تدري ولا تدري
يا مجلس الصحافة والمطبوعات
ياوزير الإعلام
يا أصحاب الشأن العام
نأمل أن توقفوا هذا الهدام

منذ زمن بعيد هذا ديدن صحيفة الدار
اين مجلس الصحافة

ديشااااااك

هو الزول ما ينوم ليكم

....

بقال كامل تضامننا معك في حقك الاكلوه والتلفونات الما بتجيب نتيجة والبوست الحجيب نتيجة ده؟؟

انت بتكتب وين يا بقال عشان الزول يشتري الجريدة كدة ؟

يا ياسر طيفور تسلم ياخي اشكرك علي الاتفاق في الفكرة ....فزي ما قلنا كان يكتب في ورق ويشوف النتائج

....

يا أمين
ياخي انتو نحن لما نمش علي النوم بتجوا تعملوا حركات في البوستات ...عليه نعمل زمن مشترك لانو البتسوا فيه ده انقلاب عسكري في البوستات
فكيت المنتخب المصري وتوت عنخ آمون ومسكت في مخصصات بقال؟؟
لعلمك بقال ذكي وبركب هيلوكبتر ولا هيكلوبتر ما بعرف ولا يحتاج لاي لجنة عليا ولا يحزنون
خليك في توت بتاعك

لا حولا

دا شنو يا جماعة خربتوا البوست حق الراجل

ما كنت فاكر عندي جماهير قدر دا ,, لو كنت عارف كان اترشحت

لكن هو قروشي ما ادوني بدوني اصوات

Quote: ..انتا ما تتكلم لامن تديني قروشي ...

الوش الضاحك ابي يركب معاي

Quote: بقال كامل تضامننا معك في حقك الاكلوه والتلفونات الما بتجيب نتيجة والبوست الحجيب نتيجة ده؟؟

شكرا علي تضامنك

Quote: معا حتي إسترجاع أخر ( تعريفه ) من قروش بقال ! --------- اللجنه العليا !

Quote: يا سعادتوا ادو بقال دا حقوا LOOOOOOOOOOL ويا بقال ادينا حاجة..... عشان نكلم امين اتلح سعادتو لحدي قروشك ما تجيك مبدئيا حقنا 20% ينفع ولا لا???

50% بس حقي اليطلع

Quote: حركة بقال دي سبقو فيها عضو البورد عمار م ادم مع محجوب عروة .. كان عاوز من الصحيفة قروش وجاء ندوة كان محجوب متحدث فيها ومعاهاهو الحاج وراق والندوة تقريبا عن الديموقراطية قام عمار عمل مداخلة ورماها لي محجوب لووب ..انتا ما تتكلم لامن تديني قروشي ... وزاد الطين بلة انو الحاج وراق في نهاية توصيات الندوة قال نوصي محجوب انو يسلم عمار حقووالعهدة على عمار شخصيا من لسانو انو تاني يوم استلم حقو من الصباح

هسي نحن عايز توصية بأن البوست دا قبل ما يصل للصفحة التانية استلم حقي

Quote: اللجنه العليا لإسترجاع قروش بقال المنهوبه ! ع/ الأديب و القاص الأستاذ أمين محمد سليمان

لك كامل التفويض والصلاحيات

Quote: يا أستاذ جمعة ما هو الفرق بينك وبين صحيفة الدار؟ ألم تروج أنت للفحش وساقط القول والخوض فى الأعراض وتنبسط له وتفتح له بوست مخصوص وتحتفى به؟؟؟!!!!! أجب على أسئلتنا........ والغريق قدّام!

محمد حامد جمعة يواصل مسلسل السقوط !

من الوقوف مع الباطل إلى أكل أموال الناس بالباطل!!!

الأستاذ محمد حامد جمعة

انا أوردت حقيقة يعرفها القاصى والدانى فى القوات المسلحة وهى أن مدير جهاز الأمن السابق المدعو حسن ضحوى كان بالطائرة

التى كانت تقل وفد مفاوضات السلام لمدينة بانتيو وكان على متنها المرحومين أبو قصيصة وأحمد الرضى جابر والهالك كمال على مختار

والمدعو حسن ضحوى . غادرت الطائرة الخرطوم بركابها المذكورين وفى ملكال نزل منها المدعو حسن ضحوى وقامت الطائرة بالبقية حيث

انفجرت بعدها بقليل فى سماء بانتيو وتناثرت أشلاء على مرأى ومسمع المستقبلين فى بانتيو. أشيع أولا أن الطائرة أصيبت بصاروخ!!!!

وعندما علموا بان الصاروخ لا يفتت الطائرة رجعوا وقالوا أن الطائرة أحترقت وكونوا لجنة تحقيق وذهبت اللجنة ولم تجد أية قطعة من

الطائرة وانتهى الأمر. اما الشركة المصنعة للطائرة فقالت أن الأحتمال أن تكون هنالك قنبلة أنفجرت داخل الطائرة!!!!!

الحقيقة التى لا يمكن إغفالها هى :

لماذا غادر مدير جهاز الأمن المدعو حسن ضحوى الطائرة فى ملكال؟؟؟؟ أجابوا لكى يخلى مكانه فى الطائرة لوالي أعالى النيل!!!!!

ولماذا حضر فى الأساس من الخرطوم؟؟ وهل والى أعالى النيل أهم للمفاوضات من مدير جهاز الأمن؟ ولماذا لم يخلفوا العميد كمال على مختار ؟؟؟

المرحومان أبو قصيصة وأحمد الرضى كانا يقومان بالتفاوض مع المتمردين بتعليمات وموافقة حسن الترابي. ولم تكن المافيا القابضة على الحكم

الآن تريد السلام فى ذلك الوقت !!! وكمال على مختار رغم مساوئه فقد كان الآقرب لعمر البشير ولضباط القوات المسلحة وله تأثير كبير على البشير

بحكم الزمالة الطويلة فى القوات المحمولة جواً وقد تبين له أن الجبهجية المتنفذين يودون ضعضعة القوات المسلحة وشغل الجيش بالجنوب!!!

لماذا؟؟؟؟؟؟؟؟؟؟؟؟؟؟؟؟؟؟؟؟؟؟

لأنهم كانوا يخططون منذ ذلك الوقت لضرب الشيخ والأنفراد بالحكم وملذاته ولتحقيق ذلك يجب التخلص من كل الشباب والطلاب حيران الشيخ

ومن كل الشباب المسلم الذى كان يعتقد أنها لله حتى لا يقفوا حجر عثرة فى طريقهم ولذلك يجب إطالة أمد الحرب حتى يحترق كل هؤلاء !!!!!

وبالفعل تم لهم ما أرادوا بإرسال الآلاف من الطلاب المغيبة والغسولة عقولهم بالجهاد المزعوم حتى أفنوهم جميعاً ودان لهم الحكم بملذاته

وتزوجوا بأرامل الشهداء وأخريات مما لذّ وطاب مثنى وثلاث ورباع!!!!!

انا لم أذكر كل هذا الكلام فى مقالى بل ذكرت بأن المدعو حسن ضحوى تخلف من الطائرة المشئومة وأن الطائرة قدانفجرت بفعل فاعل!!

قام المدعو حسن ضحوى بتدبيج مقال نشره فى هذا الموقع بواسطة السيد بكرى أبوبكر. لم يترك المقال خصلة رديئة إلا ورمانى بها

تصريحا وتلميحا حتى أمتد لأسرتى ولم يترك حتى أطفالى الذين ذكر بأنهم سيتربون على الرذيلة فى بلاد الأمريكان.

بعد يوم من نشر مقال الدعى المأفون حسن ضحوى قام السيد الأسلامى محمد حامد جمعة بالترويج لمقال الفحش والضلال بفتح بوست

بعنوان : ( يا ود الريح سعادتو حسن ضحوى درشك درش ) مما اعتبرناه ترويجا للفحشاء والرذيلة فتجاهلنا الرد على المدعو محمد حامد جمعة

والذى لم تكن لى معه سابق معرفة سوى مايشاع عنه من أنه أحد منسوبى جهاز الأمن الذين شاركوا فى التعذيب ولذلك لم أتداخل معه فى أي حديث بهذا

المنبر أو خلافه سلباً او إيجابا.....

قمت أنا بالرد على المدعو حسن عثمان ضحوى فى هذا الموقع ردا شافيا كافيأ فلم يكلف الأسلامى محمد جمعة نفسه ولو بالتعليق على المقال

فقط وليس ببوست كالذى افترعه سابقا للترويج للفاحش من القول وإنتهاك العروض !!

ولم يجرؤ كاتب المقال حسن ضحوى بالرد والتعليق على المقال الذى جعله أضحوكة لدى ضباط القوات المسلحة حتى صار يطلب الوساطة لعدم المواصلة فى

الكتابة فتوقفنا .

لقد ظللت أطالب الإسلامى المؤمن محمد جمعة بأن يعلق على مقالى أو أن يعتذر فى بوست عن مأ أصابنى وأسرتى وأطفالى مما كتبه فى بوسته من ترويج

لبوست المدعو ضحوى وبالتالى من الترويج للفحش والرزيلة والزج بالعروض فى الخلافات السياسية وذلك بحكم عمله كصحافى مطلوب منه توضيح الحقيقة

لا طمسها ومطلوب منه العمل بمبادئ الصحافة النبيلة..

إننى حينما أكتب عن حسن ضحوى أو خلافه من المجرمين إنما أكتب من منطلق ما أصابنى شخصياً من ظلم وما جرى لى من تعذيب يجعل الولدان شيبا على

يدى هذا الضحوى وزبانيته بجهاز الأمن ومن يده فى النار ليس كمن يده فى الماء.

أنا ياأيها الإسلامى جمعة أعمل بقول الله تعالى فيما اعطانيه من رخصة بقوله جلّ وعلا :(لا يحب الله الجهر بالسوء إلاّ من ظلم).

ولذلك أيها المسلم محمد حامد جمعة أعلم أنه إذا لم تتنازل عن غرورك ودفاعك عن الباطل بإعتذار علنى عن بوستك الشائه المروج لفاحش القول

والرذيلة وإنتهاك العروض فسأظل وراءك وسيظل كذلك إبنى وبناتى الذين روّجت ببوستك السابق ذكره لمقال المأجور حسن ضحوى بأنتهاك حرماتهم

ولذلك نحن نطارد بوستاتك وإن كان لديك ما يشيننا أو من أن ينقص من مكانتنا فدونك هذا المنبر الرحب ونحن نتقبل كل نقد بانى برحابة صدر.

ولكن ثق كذلك بأننا حتى نرى إعتذارك ستظل أيادينا مرفوعة إلى الذى لا يغفل ولا ينام بالدعاء عليك فى كل طرفة ولمحة حتى يقضى الله امراً كان

مفعولا............ ونعم القادر الله .

يعني اللجنه العليا ليها يومين مجتمعه و شي ملصقات و شي دعايات و شي بوستات ، يومين لا أكل لا شراب لا نضمي غير في موضوع قروشك ده ، و تطلع متعاون ؟!!
متعاون يا بقال ؟
متعاون ؟
إن شاء بس تكون إتعاونته معاهم علي البر و التقوي ، لانو أنا و اب تفه (سابقا ) إن شاء الكريم حا نتعاون عليك بالإثم و العدوان في البوست ده !!
متعاون ؟
إنا لله !!






----------
اللجنه العليا سابقا
جماهير بقال (الغاضبه) حاليا !
عنهم /أمين محمد سليمان
----------
متعاون يا بقال ؟