لمسة وفاء للأخ / ناذر محمد الخليفة

Post: #1
Title: لمسة وفاء للأخ / ناذر محمد الخليفة
Author: عمار زكي
Date: 03-07-2010, 10:18 AM
Parent: #0

في جلسة ضمتني وبعض الأهل من جزيرة توتي جاءت سيرة الأخ الكريم ناذر محمد الخليفة وكنت قد إستخرجت من مكتبته بسودانيز أونلاين كل ما كتبه عن جزيرتنا توتي واتفق الجميع على أن هذا الرجل يستحق منا كل التقدير على وقفته المقدرة في الدفاع عن جزيرتنا وإفراده حيزا كبيرا لها في مكتبته العامرة دوما بإذن الله وبإسم الأهل في توتي يسعدني أخي ناذر أن أنقل لك تحيات وتقدير الأهل بتوتي وتقديرهم لوقفتك الشهمة معهم سائلين الله أن يجعل ذلك في ميزان حسناتك ولن ننسى لك هذه الوقفة بإذن الله

ولعلها فرصة سانحة لك أخي ناذر بأن تتقدم لشراء قطعة أرض بتوتي فنحن نرحب بك بيننا وستجد تهاونا في السعر الذي سيعرض عليك فلا تضيع الفرصة ..

كل كل التحايا والمودة الصادقة

عن أهالي توتي
عنهم : عمار زكي

Post: #2
Title: Re: لمسة وفاء للأخ / ناذر محمد الخليفة
Author: شكرى سليمان ماطوس
Date: 03-07-2010, 10:29 AM
Parent: #1

الكريم/ ناذر، يستاهل كل خير
و أهل توتى ناس يحفظون الجميل

التحية للطرفين
و تحية خاصة للكريم / عمار زكى

-----------
ناذر: سجل قطعة الأرض و تكون ما أقل من 800 متر ناصية
و عندك واحد مشترى جااااهـــــز موية و نــــــــــور

ش

Post: #3
Title: Re: لمسة وفاء للأخ / ناذر محمد الخليفة
Author: عمار زكي
Date: 03-07-2010, 10:54 AM
Parent: #2

شكري لك شكري ثم شكري لك شكري
مرورك أسعدنا

أما دعوتك للأخ ناذر بتسجيل الأرض 800 متر ناصية يعني أنك تتكلم عن مبلغ 400 مليون جنيه بالقديم أي 400 ألف بالجديد .. ولعلمك نحن في توتي عندما نبيع الأرض لشخص نشترط عليه عدم بيعها إلا بمعرفتنا لأن الهدف ليس هو البيع من أجل البيع ولكن نحن نسعى لضم شخصيات أمثال الأخ ناذر محمد الخليفة ليكون من أهالي توتي له ما لهم وعليه ما عليهم ولذا لا يحاسب بسعر السوق للأرض

وبسبب مرورك الكريم على البوست فإننا نوجه لك الدعوة أيضا أخي شكري لإمتلاك أرض في توتي بعد أن ترسل لنا سيرتك الذاتية وليس بالضرورة أن تكون مدعمة بالمستندات فنحن نثق في أمثالك من الذين يعرفون أقدار الرجال أمثال الأخ ناذر محمد الخليفة ...

ولعلها فرصة أيضا لنحيي الأخ ثروت سوار الدهب الذي سخر قلمه من أجل الدفاع عن توتي أيضا والوعد موصول له لإمتلاك أرض بالسعر التشجيعي

لك كل الود والتحايا أخي شكري وخليك على الخط

Post: #4
Title: Re: لمسة وفاء للأخ / ناذر محمد الخليفة
Author: عمار زكي
Date: 03-07-2010, 11:21 AM
Parent: #3

UP

Post: #5
Title: Re: لمسة وفاء للأخ / ناذر محمد الخليفة
Author: مزمل خيرى
Date: 03-07-2010, 11:44 AM
Parent: #4

عمار زكى
فعلا ناذر يستحق التقدير ، وشكرا للمبادرة الجميلة .

____
ياريت لو رسلت لى سعر القطع السكنية فى الخاص

Post: #6
Title: Re: لمسة وفاء للأخ / ناذر محمد الخليفة
Author: Al Sunda
Date: 03-07-2010, 12:02 PM
Parent: #5

Quote: فعلا ناذر يستحق التقدير ، وشكرا للمبادرة الجميلة .

هو رجل مثابر
يقدم الدعم والمساندة والنصحية
وبالفعل يستحق الشكر والتقدير

Post: #7
Title: Re: لمسة وفاء للأخ / ناذر محمد الخليفة
Author: ناذر محمد الخليفة
Date: 03-08-2010, 07:11 PM
Parent: #6

سلام أستاذ عمار وكل المتداخلين ..

يبدو أن زياراتي المتقطعة لهذا المنبر قد حجبت عني رؤية هذا البوست في وقته وقد أرسله لي أحد أصدقائي في الإيميل ..

أشكرك أستاذ عمار زكي على هذا الشعور الطيب الذي أبديته تجاهي كما أشكر أيضا كل أهالي ومحبي توتي على مشاعرهم النبيلة وأقول أنني كتبت ما كتبت من اجل المصلحة العامة لأهل توتي جميعا كي ينعموا بحياة أفضل وتخطيط يسود كل الجزيرة لتسموا فوق مصاف الجذر السياحية العالمية ولا زلت أكرر أن الفرصة مواتية أمامهم للمساومة ووإقتناص الفًرص المتاحة للمساومة على مستقبل الجزيرة ، فقد تم إنجاز كوبري واحد ولا زال هناك كبريين أخرين يربطان توتي بأمدرمان وبحري ..

اما عن قطعة الارض والسكن بتوتي فذلك غاية ما أبغاه ولعلك تذكر أستاذ عمار أنني ذكرت لك في البوست السابق أن مسقط رأسي يعود أساسا لجزيرة الشبيلية في ولاية نهر النيل والتي غرقت تماما إبان فيضانات 86 وهجرها سكانها للضفة الاخرى ولم يتبق إلا الزرع والانعام وبعض من حنين وذكريات ، ولعل هذا هو منبع حبي للجذر وإستعدادي للدفاع عنها ومكتسباتها ..
الشكر لكم مرة أخرى على هذا العرض والذي أقبله مبدئيا وسأعمل لوضع المشروع على الأرض إنشاء الله ..

سأعود للرد على البقية لهم الشكر ..

Post: #8
Title: Re: لمسة وفاء للأخ / ناذر محمد الخليفة
Author: عبداللطيف خليل محمد على
Date: 03-08-2010, 07:43 PM
Parent: #7

ناذر ..

الحمد لله على السلامة ..

Post: #12
Title: Re: لمسة وفاء للأخ / ناذر محمد الخليفة
Author: عمار زكي
Date: 03-09-2010, 08:09 AM
Parent: #8

الأخ عبداللطيف .. شكرا على المرور والحمدلله أننا كنا سببا في عودة الأخ ناذر ونردد معك حمدا لله على السلامة .. لك تحياتي وأرجو أن تتواصل معنا.

Post: #10
Title: Re: لمسة وفاء للأخ / ناذر محمد الخليفة
Author: عمار زكي
Date: 03-09-2010, 08:00 AM
Parent: #7

شكرا لك أخي ناذر وكما ترى فإن جميع المتداخلين أثنوا عليك ووقفوا معنا في تقديم لمسة الوفاء لك والتي تستحقها بحق وحقيقة

آمل أن يرى مشروعك لإمتلاك أرض بتوتي النور قريبا ولكن نصيحتي لك بأن تسرع فالفطع محدودة والجزيرة كما تعلم ليس لها إمتداد .. وبالمناسبة إتضح أن كل الزوبعة التي مرت قبل فترة كان الغرض منها الدعاية الإنتخابيةويبدو أن ملف توتي نفسه مؤجل لما بعد الإنتخابات

آمل أن نستمر في التواصل
ولك شكري وتقديري
عمار

Post: #11
Title: Re: لمسة وفاء للأخ / ناذر محمد الخليفة
Author: عمار زكي
Date: 03-09-2010, 08:04 AM
Parent: #6

الأخ العزيز ِAl Sunda
لك كل الشكر والتقدير على ضم صوتك لنا لتقديم لمسة وفاء للأخ ناذر وما شايفك طلبت قطعة أرض في توتي العرض مفتوح لك بسبب مشاركتك لنا فما رأيك؟؟؟

Post: #13
Title: Re: لمسة وفاء للأخ / ناذر محمد الخليفة
Author: الطيب شيقوق
Date: 03-09-2010, 09:02 AM
Parent: #11

Quote: شكري لك شكري ثم شكري لك شكري

مالك مع الشكرية يا العشاء اب لبن

التحية عبرك للاخ ناذر الخليفة وكل اهلنا التوتيين او التوايتة

Post: #15
Title: Re: لمسة وفاء للأخ / ناذر محمد الخليفة
Author: عمار زكي
Date: 03-09-2010, 10:22 AM
Parent: #13

Quote: Quote: شكري لك شكري ثم شكري لك شكري

مالك مع الشكرية يا العشاء اب لبن

التحية عبرك للاخ ناذر الخليفة وكل اهلنا التوتيين او التوايتة

سلامات يا شيخ الشكرية أصلا دا كان شرك عشان نجر معانا الشكرية كلهم يجونا بي جاي والجعليين بي جاي نحن دايرين الشكرية يسكنوا معانا في توتي بجوار المحس يلا شد حيلك أنت مؤهل للحصول على قطعة أرض مجانية بشروطها المعروفة لديك .. أهل توتي صفتهم هي التواتة للعلم وشكرا على المرور

Post: #9
Title: Re: لمسة وفاء للأخ / ناذر محمد الخليفة
Author: عمار زكي
Date: 03-09-2010, 07:51 AM
Parent: #5

شكراً لك أخي مزمل خيري على المرور أم بشأن طلبك أسعار القطع السكنية في الخاص كما قلت:

Quote: ياريت لو رسلت لى سعر القطع السكنية فى الخاص

سعر القطعة الناصية على شارع الكبري الرئيسي 600 ألف جنيه قديم للوافدين و 500 ألف جنيه قديم لمن لهم صلة بتوتي من خارج توتي و 450 ألف جنيه قديم للأصدقاء المقربين لاحد المواطنين من توتي و 430 ألف جنيه قديم لعموم المحس لصلة الدم القديمة بأهالي توتي و 410 ألف جنيه قديم لأبناء توتي في الشتات أي من يعيشون خارج توتي و 400 ألف جنيه للسكان الأصليين المقيمين في توتي منذ ميلادهم ويشترك معهم في هذا السعر المتزوجون من بنات توتي والمهاجرين من أقاليم السودان وسكنوا في توتي وتمتعوا بحسن السير والسلوك ولم يرتكبوا جريمة تخل بالشرف والأخلاق

هناك قطع مجانية يمكن الحصول عليها وفق شروط خاصة لا يمكن الإفصاح عنها على الملأ وفي حالة الرغبة في الحصول على قطعة مجانية فيمكن تزويدكم بشروطها الخاصة.

لك كل الود والإحترام والتقدير وشكرا مرة أخرى على المرور.

____
íÇÑíÊ áæ ÑÓáÊ áì ÓÚÑ ÇáÞØÚ ÇáÓßäíÉ Ýì ÇáÎÇÕ

Post: #14
Title: Re: لمسة وفاء للأخ / ناذر محمد الخليفة
Author: Elmosley
Date: 03-09-2010, 09:07 AM
Parent: #1

يستاهل كل خير الانسان الجميل

Post: #16
Title: Re: لمسة وفاء للأخ / ناذر محمد الخليفة
Author: عمار زكي
Date: 03-09-2010, 10:35 AM
Parent: #14

Quote: يستاهل كل خير الانسان الجميل

لا يقول الخير إلا من كانت نفسه مملؤة بالخير ولا يعرف الجمال إلا من كانت نفسه جميلة فمن كان بغير جمال لا يرى في الوجود شيئا جميلا

لقد أسعدتنا مداخلتك البليغة أخي الموصلى ودمت معنا في هذا الوفاء الجميل لهذا الإنسان الجميل وذلك ينم عن جمال تختزنه في داخلك فلك الشكر والتحية والتقدير

Post: #17
Title: Re: لمسة وفاء للأخ / ناذر محمد الخليفة
Author: ناذر محمد الخليفة
Date: 03-09-2010, 06:47 PM
Parent: #16

سلام شكري ..

Quote: الكريم/ ناذر، يستاهل كل خير
و أهل توتى ناس يحفظون الجميل

التحية للطرفين
و تحية خاصة للكريم / عمار زكى

-----------
ناذر: سجل قطعة الأرض و تكون ما أقل من 800 متر ناصية
و عندك واحد مشترى جااااهـــــز موية و نــــــــــور

يا مان وكت أنا إشتريت في توتي البيخليني أبيع الارض تاني شنو ؟!

غايتو أرض في توتي لقينا .. فاضل بس لنش ظريف كدة وكدة وزاد وجدي ...

Post: #19
Title: Re: لمسة وفاء للأخ / ناذر محمد الخليفة
Author: حبيب نورة
Date: 03-09-2010, 06:49 PM

Post: #18
Title: Re: لمسة وفاء للأخ / ناذر محمد الخليفة
Author: ناذر محمد الخليفة
Date: 03-09-2010, 06:49 PM
Parent: #16

شكرا ليك يا مزمل يا راقي ..

Quote: عمار زكى
فعلا ناذر يستحق التقدير ، وشكرا للمبادرة الجميلة .

أها قبل ما نرحل توتي ورينا خدمات الإنترنيت فيها كيف عشان ما أشن عليكم هجوم نيلي من هناك ..

Post: #24
Title: Re: لمسة وفاء للأخ / ناذر محمد الخليفة
Author: Hassan Makkawi
Date: 03-09-2010, 07:04 PM
Parent: #18

كتب الأخ الفاضل عمار زكى:

Quote: في جلسة ضمتني وبعض الأهل من جزيرة توتي جاءت سيرة الأخ الكريم ناذر محمد الخليفة وكنت قد إستخرجت من مكتبته بسودانيز أونلاين كل ما كتبه عن جزيرتنا توتي واتفق الجميع على أن هذا الرجل يستحق منا كل التقدير على وقفته المقدرة في الدفاع عن جزيرتنا وإفراده حيزا كبيرا لها في مكتبته العامرة دوما بإذن الله وبإسم الأهل في توتي يسعدني أخي ناذر أن أنقل لك تحيات وتقدير الأهل بتوتي وتقديرهم لوقفتك الشهمة معهم سائلين الله أن يجعل ذلك في ميزان حسناتك ولن ننسى لك هذه الوقفة بإذن الله

ثم أضاف:

Quote:
ولعلها فرصة سانحة لك أخي ناذر بأن تتقدم لشراء قطعة أرض بتوتي

صراحة يا أخى عمار لو كنت مكانكم لمنحت الأخ ناذر الخليفة الأرض بدون مقابل....

إحترامى الكامل

Post: #26
Title: Re: لمسة وفاء للأخ / ناذر محمد الخليفة
Author: عمار زكي
Date: 03-10-2010, 05:15 AM
Parent: #24

قال الأخ حسن مكاوي

Quote: صراحة يا أخى عمار لو كنت مكانكم لمنحت الأخ ناذر الخليفة الأرض بدون مقابل....

يا أخ حسن والله ناذر يستحق القطعة بدون مقابل لكن ما باليد حيلة لأن هناك قطع توزع مجانا لكن بشرط وحيد لا يمكن نشره هنا خوفا على أرواح المتقدمين للحصول على تلك القطع المجانية ولذلك بيني وبينك عندما يصبح الأخ ناذر داخل توتي في أمن وأمان ربما يمنح القطعة المجان في حالة وفائه بشرطها وإذا كنت راغب في معرفة الشرط فأرجو تزويدي بعنوانك الإلكتروني لإرسال الشرط لك .. شكر لك عل المرور

Post: #20
Title: Re: لمسة وفاء للأخ / ناذر محمد الخليفة
Author: ناذر محمد الخليفة
Date: 03-09-2010, 06:51 PM
Parent: #16

السندة ..

Quote: هو رجل مثابر
يقدم الدعم والمساندة والنصحية
وبالفعل يستحق الشكر والتقدير

تسلم يا ملك ..وسعدت بمقابلتكم ومعرفتكم والتعامل معكم ..

وعملت لينا شنو في المشروع إنت وصاحبك ؟!!

Post: #21
Title: Re: لمسة وفاء للأخ / ناذر محمد الخليفة
Author: ناذر محمد الخليفة
Date: 03-09-2010, 06:52 PM
Parent: #16

الله يسلمك يا عبد اللطيف ..

Quote:
ناذر ..

الحمد لله على السلامة ..

ظروف الترحال المستمر والعمل المتواصل تجعلني أغيب أحيانا عن المنبر ..

تسلم

Post: #22
Title: Re: لمسة وفاء للأخ / ناذر محمد الخليفة
Author: ناذر محمد الخليفة
Date: 03-09-2010, 06:53 PM
Parent: #16

سلام ود شيقوق ..

Quote: التحية عبرك للاخ ناذر الخليفة وكل اهلنا التوتيين او التوايتة

مرة أخرى جبر الله كسركم في فقيدكم الذي هو فقيدنا جميعا معشر خريجي الهند ..

تسلم ..

Post: #23
Title: Re: لمسة وفاء للأخ / ناذر محمد الخليفة
Author: ناذر محمد الخليفة
Date: 03-09-2010, 06:55 PM
Parent: #16

أستاذنا الموصلي ..

Quote: يستاهل كل خير الانسان الجميل

مرة أخرى جبر الله كسركم في فقيدكم ..

تسلم كتير ..

Post: #25
Title: Re: لمسة وفاء للأخ / ناذر محمد الخليفة
Author: معاذ حسن
Date: 03-09-2010, 07:04 PM
Parent: #23

يا عمار ولدنا راجع نهر النيل
تدفعوا كم خلو رجل؟

يا ناذر نمنحك قطعة ارض عشرة هكتارات تفتح على الصحراء مباشرة
وفيها من دهب كمان .

Post: #27
Title: Re: لمسة وفاء للأخ / ناذر محمد الخليفة
Author: الطيب شيقوق
Date: 03-10-2010, 05:24 AM
Parent: #25

ود زكي

Quote: سلامات يا شيخ الشكرية أصلا دا كان شرك عشان نجر معانا الشكرية كلهم يجونا بي جاي والجعليين بي جاي نحن دايرين الشكرية يسكنوا معانا في توتي بجوار المحس يلا شد حيلك أنت مؤهل للحصول على قطعة أرض مجانية بشروطها المعروفة لديك .. أهل توتي صفتهم هي التواتة للعلم وشكرا على المرور

بس اختوا البطاحين بعدموكم طافي النار يا ابا أمحمد

نحن ما عايزين لينا ارض نبني فيها نحن عايزين برسيم توتي المندي نص النهار

Quote: أهل توتي صفتهم هي التواتة

والتوتيا جاية منكم ولا من شبه القارة الهندية؟

Post: #28
Title: Re: لمسة وفاء للأخ / ناذر محمد الخليفة
Author: الطيب شيقوق
Date: 03-10-2010, 05:26 AM
Parent: #27

ناذر ود الخليفة

Quote: مرة أخرى جبر الله كسركم في فقيدكم الذي هو فقيدنا جميعا معشر خريجي الهند

شكرا يا ناذر - هذا امر الله

انا لله وانا اليه راجعون

Post: #29
Title: Re: لمسة وفاء للأخ / ناذر محمد الخليفة
Author: عبدالرحيم أبراهيم العبيد
Date: 03-10-2010, 06:43 AM
Parent: #28

عمار زكى
فعلا ناذر يستحق التقدير
وشكرا للمبادرة الجميلة
مع تحياتي لكم ولاهلنا الطيبين بتوتي
غايتو فرحتنا بالنسبه لاسعار الاراضي
غايتو نحن في شريحة 430
لكن ليك علي من بكره أمشي أزور ليكم
ضريح أبوي الشيخ ادريس في العيلفون
واليحصل يحصل
دمتم بالف خير وعافيه

Post: #30
Title: Re: لمسة وفاء للأخ / ناذر محمد الخليفة
Author: العوض المسلمي
Date: 03-10-2010, 08:32 AM
Parent: #29

ناذر مثال للوطني الصادق الذي لايهادن في قول كلمة الحق ..
والشكر لاهل توتي اخي عمار فلا يعرف اقدار الرجال الا الرجال ..

Post: #32
Title: Re: لمسة وفاء للأخ / ناذر محمد الخليفة
Author: عمار زكي
Date: 03-10-2010, 10:42 AM
Parent: #30

Quote: ناذر مثال للوطني الصادق الذي لايهادن في قول كلمة الحق ..
والشكر لاهل توتي اخي عمار فلا يعرف اقدار الرجال الا الرجال ..

الأخ العوض المسلمي .. لك التحية والود والإحترام وشكرا على المرور والتعليق الجميل أيها الرجل الذي يعرف أقدار الرجال دمت في حفظ الله ورعايته

Post: #31
Title: Re: لمسة وفاء للأخ / ناذر محمد الخليفة
Author: عمار زكي
Date: 03-10-2010, 10:27 AM
Parent: #29

Quote: لكن ليك علي من بكره أمشي أزور ليكم
ضريح أبوي الشيخ ادريس في العيلفون
واليحصل يحصل

يا ود إبراهيم العبيد مدام ماشي عديل لضريح أبوك الشيخ إدريس إنت تواتي تب وتستطيع الحصول على الأرض لا مليم ولا تعريفة .. إنت ما دخلت الحوش عديل أنا أمي الشباك بت ود الشيخ إدريس حفيد أبوك الشيخ إدريس في العيلفون .. ألف مرحب ببك

Post: #33
Title: Re: لمسة وفاء للأخ / ناذر محمد الخليفة
Author: عبدالرحيم أبراهيم العبيد
Date: 03-10-2010, 12:04 PM
Parent: #31

شكرا يا قريبي علي الكلمات الطيبه
أمنياتي أن يجمعنا الله
ويديم المحبه والاخوه بيننا
مع تحياتنا لجميع أهلنا بتوتي
ودمتم بالف خير وعافيه

Post: #34
Title: Re: لمسة وفاء للأخ / ناذر محمد الخليفة
Author: ناذر محمد الخليفة
Date: 03-10-2010, 07:21 PM
Parent: #33

سلام حسن مكاوي ..

يا خوي إنت قايل أستاذ عمار ذكي دا والي الخرطوم ولا مدير الاراضي !

هههههههه

تسلم

Post: #35
Title: Re: لمسة وفاء للأخ / ناذر محمد الخليفة
Author: عزيز
Date: 03-10-2010, 10:03 PM
Parent: #34

أستاذي الجميل عمار

لك الحب والشوق ولأسرتك الحبيبة

ومرحب بالأخ ناذر كتواتي اصيل..

نحن البعيش بيناتنا ببقى مننا وياناذر ما أحلى جلسات الإستماع والإستمتاع بجناين توتي وأمسيات توتي!!

نفتقد توتي وتلكم الأوقات الرقيقة التي نشأنا وترعرعنا في كنفها..

سبقتك للسكن بتوتي الفنانة سمية حسن

محبتى كاملة

Post: #36
Title: Re: لمسة وفاء للأخ / ناذر محمد الخليفة
Author: Hassan Makkawi
Date: 03-11-2010, 05:45 AM
Parent: #35

Quote: وإذا كنت راغب في معرفة الشرط فأرجو تزويدي بعنوانك الإلكتروني لإرسال الشرط لك

بالحيل ياحبيب

[email protected]

Post: #37
Title: Re: لمسة وفاء للأخ / ناذر محمد الخليفة
Author: محمد الأمين موسى
Date: 03-11-2010, 06:01 AM
Parent: #36

Quote: اما عن قطعة الارض والسكن بتوتي فذلك غاية ما أبغاه

يا ناذر أنا صاحبك مش؟ بالله كلم أخونا عمار قول ليهو الزول دا من الوفد المرافق أو قول ليهو دا ضابط الإيقاع بتاع الفرقة! وخلينا نطل على النيلين ونشوف قصتهما شنو.
إذا اعتبرتني من الفرقة، فادفع ثمن القطعتين وبنتحاسب بعدين من العدادات!

Post: #38
Title: Re: لمسة وفاء للأخ / ناذر محمد الخليفة
Author: Tabaldina
Date: 03-11-2010, 07:26 AM
Parent: #37

..
.
Quote: ولعلها فرصة سانحة لك أخي ناذر بأن تتقدم لشراء قطعة أرض بتوتي فنحن نرحب بك بيننا

ياخى ما تدوها ليهو مجانا ..

----------

بختك واره معاك ..
اها انا رسلت ليك 5 اشخاص بخصوص
البناء .. الكومشن بتاعى ما فيهو مجاملة
ا

Post: #39
Title: Re: لمسة وفاء للأخ / ناذر محمد الخليفة
Author: وائل فحل
Date: 03-11-2010, 09:56 AM
Parent: #38

..

Post: #40
Title: Re: لمسة وفاء للأخ / ناذر محمد الخليفة
Author: إبراهيم عبد الحليم
Date: 03-11-2010, 01:19 PM
Parent: #39

اخ عمار تحية حارة

فعلا ناذر راجل يستاهل الف خير

بس سؤال مالكم ياناس توتى بقيتوا تخلو توتى لتسكنوا برى ههههه بداء بفنانكم حمد الريح الخ
بعدين اسعار اراضيكم دى مالها داقينها فى السما كدى؟

ابراهيم عبد الحليم

Post: #41
Title: Re: لمسة وفاء للأخ / ناذر محمد الخليفة
Author: إبراهيم عبد الحليم
Date: 03-11-2010, 01:28 PM
Parent: #40

اسخن ليكم البوست شويه

جلسة توتي - الفنان الجيلي عبد الماجد1

يظهر فيها الصديق د. صديق عمر صديق مدير معهد بروفيسور عبدالله الطيب. عاطر التحايا له لوسمحتم

الفنان الجيلى عبد الماجد غنى عن التعريف

جلسة توتي - الفنان الجيلي عبد الماجد1

<object width="500" height="405"><param name="movie" value="http://www.youtube.com/v/QY8-8tJl3lY&hl=de_DE&fs=1&colo...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/QY8-8tJl3lY&hl=de_DE&fs=1&colo...999999&border=1"; type="application/x-shockwave-flash" allowscriptaccess="always" allowfullscreen="true" width="500" height="405"></embed></object>

Post: #42
Title: Re: لمسة وفاء للأخ / ناذر محمد الخليفة
Author: ناذر محمد الخليفة
Date: 03-12-2010, 09:41 AM
Parent: #41

العريس معاذ

كيفك يا بطل ..

وأخونا معاوية الوكيل كان في السودان وقابلتو مقابلة سريعة لكن مثمرة ..

Quote: يا عمار ولدنا راجع نهر النيل
تدفعوا كم خلو رجل؟

يا ناذر نمنحك قطعة ارض عشرة هكتارات تفتح على الصحراء مباشرة
وفيها من دهب كمان .

يا أخوي أهلنا في نهر النيل وبالذات ناس المحمية خلوها خلا وسكنوا الشقيلاب ..!

Post: #43
Title: Re: لمسة وفاء للأخ / ناذر محمد الخليفة
Author: عمار زكي
Date: 03-13-2010, 06:58 AM
Parent: #42

جاييييييييييييييييييك بعد قليل مع تحياتي

Post: #44
Title: Re: لمسة وفاء للأخ / ناذر محمد الخليفة
Author: AnwarKing
Date: 03-13-2010, 07:10 AM
Parent: #43

Quote: فعلا ناذر يستحق التقدير ، وشكرا للمبادرة الجميلة .

Post: #45
Title: Re: لمسة وفاء للأخ / ناذر محمد الخليفة
Author: nazar hussien
Date: 03-13-2010, 07:32 AM
Parent: #44

يا عمار زكي

من ناحية وفاء فأخوك كلب بس
وداير لي محل في توتي اقج فيه
الجبادة بس...
بس قدر ما يشيلني ويشيل السنارة