Post: #1 Title: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-03-2010, 10:33 PM Parent: #0
الحقيقة لله فتحت بوست الزميلة المِنبرِيّة نجلاء سيد أحمد قرفنا تخاطب الشعب السودانى من داخل سوق بحرى سوق الخضار ...من الحضور صور وفيديو ولي شلاقتي شدّت سمعي جُملة عابِرة في نهاية الشريط الأول لكِنّها لم تكُن عادِيّة بالنسبة لي فقمت بإنزال الملف وحولته إلى ملف صوتي و قمت بعمل (زيادة صوت) في مكان الجُملة التي استرعت إنتباهي و الحقيقة هي جُمْلة ما عادِيّة لمن يقولا ليك زول و إنت بِتتكلّم جادي في موضوع ما هي تعني أشياء كثيرة تعني إنو إنت زول ما جادي في طرحك تعني إستهجان السامِع لك تعني شكّه في صحّة ما يتفوّه به ناطقه تعني أشياء كثيييييييييييييييرة .... إتخيّل نفسك في مكان ما تخطُب وسط جمعٍ من الناس و فجأة زول يقول ليك: هوي يا زول هووووووووي
يعني شِنو؟ نواصِل ...
Post: #2 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: عاطف مكاوى Date: 03-03-2010, 10:38 PM Parent: #1
يا علاء
للأسف حالتك تحنن هذه الأيام .
Post: #3 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-03-2010, 10:40 PM Parent: #1
أعلاه هو اليوتيوب الذي أوردته الأخت نجلاء سيد أحمد في الدقيقة 2:50 وردت العبارة التي شدّت إنتباهي و سمعي بعد أن قال : (حزب المؤتمر الوطني حزب فاسد كيف حزب فاسد لأنو قعد يستغِل حقّنا نحن و أموال الشعب السوداني ...) فقاطعه أحدهم: هوي يا زول هوي
نواصِل ..
Post: #4 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-03-2010, 10:47 PM Parent: #3
أها يا عاطِف مكّاوي في الدقيقة 2:50 وردت العبارة المذكورة و دي صورة لذبذبات الصوت توضِّح مكان (زيادة الصوت) الخاص بالجُملة الإستنكارِيّة من الجمهور للمُتحدِّث.
و الجاي دة مقطع من الشريط الصوتي يُوضِّح الجُملة التي قيلت و نسفت كلامكم عن إنو الناس بِتستمِع ليكم
دة غير الفيديو المُصوّر اللي وضّح بجلاء إنو في ناس كتيرة جات ماشة فيكم مووووووووووووووووووووورت فتِح شديد الباقين وِقفوا مُستغربين و لمن وضح الكلام قالوا ليكم الجُملة إيّاها
Post: #5 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: محمد هشام Date: 03-03-2010, 10:53 PM Parent: #4
Quote: (حزب المؤتمر الوطني حزب فاسد كيف حزب فاسد لأنو قعد يستغِل حقّنا نحن و أموال الشعب السوداني ...) فقاطعه أحدهم: هوي يا زول هوي
ولمثل هذا المواطن يجب ان تزيد المخاطبات
Post: #6 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: عاطف مكاوى Date: 03-03-2010, 10:53 PM Parent: #4
والله العظيم يا علاء مصدقك من غير ما أسمعها
لكن ماذا تعني ؟
التحية لشباب (قرفنا).... الشباب الذين كانوا (رضعا) عندما جاءت هذه الانقاذ
أو قل كان بعضهم أطفالا......
شفت ابداعات الشعب السوداني دى كيف؟
Post: #7 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-03-2010, 11:07 PM Parent: #6
تعني الكثير يا مكّاوي
بعدين إبداعات شِنو دي يا أخوي البتقول عنّها دي قُلت ليك هسي دي أنا القِدّامك دة كمواطِن عادي كان مشيت أمدح ساي وسط سوق الخدار الناس حتِتلمّ فيني تقول لي إبداع واللهِ باكِر أورِّيك بيان بالعمل أشيل لي طار و أمشي جمب الجامِع الكبير و أجيب لي زول يصوِّرني و أنا بدوبي و شوف كِمِّيّة الناس الحنصوِّركم ليك واقفين مُتحلِّقين حول أخوك المدّاح تقول لي إبداعات؟ كدي شوف الإبداعات دي كانت الليلة في استاد أركويت مُش تقول لي خمستاشر شافِع مع كم فضولي و عابِر سبيل لمن لِقى الموضوع عاضِّي فجّ الناس و إتخارج و بجيب ليك مِثال لو داير يوتيوباتك دي
شوف الإبداع كويِّس
Post: #8 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: موسي عيسي Date: 03-03-2010, 11:11 PM Parent: #6
التحية لشباب مجموعة قرفنا و اشد من ازرهم و الله لاول مره اسمع ما يقولون
فهم حقيقة اصحاب رسالة و التي كان من الاوجب ان توصل للمواطن المغلوب عن طريق
الاحزاب المعارضة و لكن يا شباب قرفنا انا اصلي قرفان من زمان اليوم اقف لكم
محي و مؤيد و مشجع لما تقومون به من عمل فالي الامام حتى ينجلي الظلم الماحق
باهلنا من جراء حكومة النصب والدجل .
و انشاء الله سوف نصل اليكم داعمين بالكلمة و بالدفع المعنوي والمادي انشاء الله
فالي الامام و لا تلينوا و لا تياسو
Post: #9 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-03-2010, 11:19 PM Parent: #8
الله أكبر .. الله أكبر
صجي كلام الترابي قال شويييييييييييية يبقوا شيعة
Post: #10 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-04-2010, 07:05 AM Parent: #9
صباح الخير على الناس القرفانة
Post: #11 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: رؤوف جميل Date: 03-04-2010, 07:32 AM Parent: #10
]الباقين وِقفوا مُستغربين
طبعا عمل جديد ويخلى الناس مستغربة
ولكن تذكر ان هؤلاء عندما استلم العميد البشير
السلطة بليل لم يولدوا بعد
اجمل الاطفال قادمون0000قصيدة كتبت فى السبعينات
وصدقت نبؤتها والان امامك هولاء الاطفال
وقد شبوا
انظر الى عيونهم انها اشد بريقا
الرجاء القصيدة كاملة لاخونا فى الوطن علاء
عسى ان يحس شوية بالام هذا الشعب
Post: #12 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: بشير أحمد Date: 03-04-2010, 07:40 AM Parent: #11
الزول البحلقم ده مافي زول ساي كده يديهو
جٌغمة موية بي ملح ؛ناس برررد ما مروا جنبو
حسو إنقرش والله .
كامل تضامني معاهو .
Post: #13 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-04-2010, 07:48 AM Parent: #12
مُش كان على الأقل يا رؤوف جميل يستأذنوا من بِتاع المايكرفون العمل ليهم غاغة دة يا يديهم المكرفون شان يسمِّعوا الناس يا يوقِّف المكرفون شان ما يعمل ليهم تشويش لكن دة معناهو إنّهم ما بقدروا يطلبوا شيء زي دة ليييييييييييييييييييييه؟ بعدين شِنو مستغربين لأنو جديد عليهم مِن متين الكلام في السياسة جديد على السوداني البتيكلّم سياسة في الحافلة و البص و قِدّام بِتاع التُمباك و في عِرِس و في دافنة و في المُستشفى ياخي السوداني أشهر مخاليق الله تحدُّثاً في السياسة الإستغراب كان في إنو الناس ديل في وادي و ناسكم في وادي تااااااااااااااني
دكتور بشير مرحب بيك و تمعّن باللهِ
Post: #14 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: عبدالحافظ سعد الطيب Date: 03-04-2010, 08:08 AM Parent: #13
علاء الدين يوسف علي محمد
طول بالك ياخ
الناس لو ماجونا في محلنا نحنا بنمشي ليهم في محلهم
بقت عليك حكاية
نكوريك ليكم ما تجوا نجيكم تكوركوا
يعني هسي لما مشيت صورته أففتاح حملة سليمان حامد
في بداية الفعالية طبعاً لأنك ما جبته صور سليمان حامد وهو بتكلم
كان عادي جداً تقول نفس الكلمة ( هوي يا زول هوي )
وأهو أنته مؤيد للمؤتمر الوطني في شخص الرئيس وكنت موجود
داخل الفعالية ( فعالية ضد المؤتمر الوطني ) نادينا فيها الناس نحنا
فما بالك لما نحنا نمشي للناس في المواقف والأسواق
هوي يازول هي
نحنا ماقلنا مافي مؤيدين للمؤتمر موجودين ولن نستهين بهم
والمعركة مستمرة وحتماً سننتصر
زي ما في بعض الناس أعتبروا ليك صور حملة سليمان حامد
حركة ذكية حقو تعترف بأنو خروج شباب قرفنا للمواقف والأسواق برضو ضربة معلم
والغريق قدام
كدي شوف الناس الجات ماشة
Quote: مووووووووووووووووووووورت .
دي كبف
Post: #19 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-04-2010, 08:22 AM Parent: #14
يا خطيب يبدو إنّك ما قِدرت تفهمني كدي شوف الناس الجِبتهم في الصورة ديل مكتِّفين يدّيهم و يكشِّفوا المفروض إنو لو الخطاب حماسي الناس دي تدوِّر من محلّها دة و هاك يا كواريك و جوطة و تظاهُر لكن ديل عايزين يشوفوا مِحن الزمان في الناس الطلّعوا عينّا بيجوا بطُرق مًلتوية تثير الشفقة و الرثاء يعملوا فيها ناصحين ليتمكّنوا من جديد الناس الواقفة دي ماااااااااااااا ناسكم ديل ناس فِرجة و فضول ساي و الدليل الهدوء الذي يرتسِم على وجوهُم جيب لي صور للشعب يتفاعل معاكم و ينطِّط إنشاء الله في مكانو خليهو يطلع معاك مُظاهرة إنتو بتهزّروا ولاّ شِنو؟ قايللنا ما شُفنا أركان نِقاش و مُظاهرات و خُطب سياسية هي دي خُطبة سياسيِة ولاّ خُطبة بِت لي ولد الناس قاعدة فيها في الكراسي و مُنتظرة صحن الكوكتيل و العضّة و الفنّان
فعليك الله ما تغشوا روحكم ساي بعدين كدي عليك الله تعال نمشي أنا و إنت الليلة ميدان جاكسون و نقيف فجأةً في النُص و نقعُد نكورِك و نهتُف شوف الناس دي تِتلمّ فينا كيف يكشِّفوا بس لكن ردود أفعال سالِبة زي ما متوقِّعين؟ مين البليد المُمكِن يهدم العجزتوا إنتو عن بناؤه و جوا بنوهو الناس القلوبهم على البلد؟ مين؟ الناس فتّحت و عايزة تمشي لي قدام بس لي ورا تاني ماف و إنتو للأسف بترجِّعوا لي ورا ورا شديييييييييييييييييييييييد
Post: #15 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علي الكرار هاشم Date: 03-04-2010, 08:09 AM Parent: #13
الاخ علاء نهارك سعيد
كنت مفتكر انو مجموعة ( قرفنا) مجموعة ناضجة وممكن يكون ليها تأثير بصراحة طلعوا ( ما عندهم سالفه) علي رأي السعوديين يكفي انو الشاب دا ينبح والناس تشتري في الملوخيه
تحياتي
Post: #16 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-04-2010, 08:12 AM Parent: #15
Quote: لاخ علاء نهارك سعيد
كنت مفتكر انو مجموعة ( قرفنا) مجموعة ناضجة وممكن يكون ليها تأثير بصراحة طلعوا ( ما عندهم سالفه) علي رأي السعوديين يكفي انو الشاب دا ينبح والناس تشتري في الملوخيه
تحياتي
الكرّار سلامات و مكرفون الجِزارة شغّاااااااااااااااااااااال و الناس بتجي شاقّاهم ليك مِن النُص و البقيف يقيف يعاين شِوية و يِنملِص
Post: #17 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: ود الباوقة Date: 03-04-2010, 08:17 AM Parent: #16
Quote: كنت مفتكر انو مجموعة ( قرفنا) مجموعة ناضجة وممكن يكون ليها تأثير بصراحة طلعوا ( ما عندهم سالفه) علي رأي السعوديين يكفي انو الشاب دا ينبح والناس تشتري في الملوخيه
وساعتها سستحول مجموعة قرفنا
الى مجموعة تملخنا 00
Post: #18 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: السيد المسلمي Date: 03-04-2010, 08:19 AM Parent: #13
شغل السوق دا داير ناس مفتحة زي عمك دا .. ناس تجيد لغة العامة من الناس .. مش زي الود البتكلم عن الأيدولجيات والمطبات .. والإستفتاء .. !! ياخي زولكم دا لو إتكلم في جامعة إحتمال الطلاب مايفهموهو .. ناهيك إنك بتكلم في سوق خضار شعبي !!!
Post: #20 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: عبدالحافظ سعد الطيب Date: 03-04-2010, 08:45 AM Parent: #18
Quote: يا خطيب يبدو إنّك ما قِدرت تفهمني
أظنك قاصد ياحبيب
كتر خيرك برضو علي الكلمة الطيبة
والله ياحبيب فاهمك شديد
شوف أمين الخولي قال شنو
Quote: تعد الفكرة ، حيناً ما ، كافرة تحرم وتحارب ، ثم تصبح - مع الزمن –
مذهباً ، بل عقيدة وإصلاحاً ، تخطو بة الحياة خطوة إلي الأمام .
واحدة من الحاجات الفهمتها أنك عاوز تنفس موضوع شباب قرفنا ده
طبعاً من حقك كخصم موجود علي الساحة
بس الهدف ده بتناقض مع طرحك المبزول في البورد كواحد حقاني
ولا تبخسو الناس اشياءهم
الهدف من الخروج للمواقف والأسواق واضح لا لبس فيه
وبكرة نشوف
مع كل التقدير
Post: #22 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-04-2010, 09:03 AM Parent: #20
غايتو ما عارفك فِهمت شنو من كلامي دة و يبدو إنّك أخدّت في خاطرك مِنُّو و يعلم الله لم أُحمِّله غير المحمل الذي ورد فيه السياق العام له
Post: #23 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: عبدالحافظ سعد الطيب Date: 03-04-2010, 09:08 AM Parent: #22
Quote: غايتو ما عارفك فِهمت شنو من كلامي دة و يبدو إنّك أخدّت في خاطرك مِنُّو و يعلم الله لم أُحمِّله غير المحمل الذي ورد فيه السياق العام له
ولا يهمك ياباشا
ليس بيننا سوى الإختلاف بإحترام
Post: #21 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: حمزاوي Date: 03-04-2010, 08:53 AM Parent: #18
هوي يا زول هووووووووي بنحبك
شئ طبيعي ان يكون في السوق من هو مؤتمر وطني ومن هو قرفنا وأكييييييييييد هناك استهجان من أي طرف للمتحدث الذي يهاجم الآخر
يعني ببساطة كدي يا صحبي القديم علاء الدين الذي سيعود للمريخ العظيم لم تكتشف شئ بل شئ عادي وعادي وذي الزبادي كمان
Post: #24 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: omer osman Date: 03-04-2010, 09:11 AM Parent: #21
حقيقة تعاطفت جداً مع الشاب البتكلم باسم قرفنا لان اغلب المارين او الواقفين نظراتهم
تدل على انهم يتعاملون معه باعتباره (مانصيح) ............
قرفنا استنتاخ فاشل لتجربة (كفاية) المصرية التى اثبتت فشلها الذريع في احداث اثر ملموس
في كل العالم لاتغير الاوضاع الا الاحزاب المكتملة البنيان وليس مجموعة من الهواة او الناس
الزهجانين .......... الامر الاخر المواطن السوداني جرب كل هذه الاحزاب وفشلت الواحد تلو الاخر
تجربة المؤتمر الوطني ليست كاملة لكنها قدمت الكثير جدا للوطن والمواطنين لذا تجد انها الاوفر
حظاً لكسب ثقة الناخب السوداني ..........
Post: #25 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: ابو يسرا Date: 03-04-2010, 09:14 AM Parent: #21
هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد)
يا علاء اول شى الزول القال الكلام دا ما ناس .. ولا هم قالوها زى فرقة عقد الجلاد
ثم ثانيا (هوى يا زول هوى) دليل عافية برضو .. نحترم رأى هذا ال(ناس) وعلى المؤتمر الوطنى احترام رأى الآخر
Post: #27 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-04-2010, 09:24 AM Parent: #25
مرحبتين أبا يُسرا و بذات الفهم كمان المجموعة القرفانة لا تُمثِّل إلاّ رأيها هي فقط و الدليل صوركم و فيدوهاتكم ذااااااااااااااااااتة و الناس الفاتحة ليكم
Post: #26 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-04-2010, 09:22 AM Parent: #21
حبيبنا الما بسيبنا سلامات يا حمزاوي و مشتاقون هي نان لكن هو استهجان نُصاح
Post: #28 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-04-2010, 09:31 AM Parent: #26
بعدين ياخ طرحكم جبااااااااااااان و عاجِز زي الزول البجي لناس الحِلّة ويقيف قِدّام سور الحِلّة القوي العالي و الذي يحميهم من السيول و الفيضانات و الوحوش الضارِية ويقول ليهم أنا عايزكم تساعدوني في هدم هذا السور لأنُّو أنا قرفان مِنُّو هِنا السؤال البديهي: بديلك شِنو ؟ و حتبني لينا بي شنو ؟ و متين ؟ و كيف؟ يعني إنت برنامِج ما عِندك جاي تهدِم برامِج الآخرين؟ ولاّ عِندكم برنامج خفي و نحن ما عارفين؟
Post: #29 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: معاوية عوض الكريم Date: 03-04-2010, 09:55 AM Parent: #28
.
Post: #30 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-04-2010, 11:30 AM Parent: #18
Quote: شغل السوق دا داير ناس مفتحة زي عمك دا .. ناس تجيد لغة العامة من الناس .. مش زي الود البتكلم عن الأيدولجيات والمطبات .. والإستفتاء .. !! ياخي زولكم دا لو إتكلم في جامعة إحتمال الطلاب مايفهموهو .. ناهيك إنك بتكلم في سوق خضار شعبي !!!
أبو السيد سلامات ما قُلناالناس دي قِصّتها عاااااااااضة
Post: #31 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: بدر الدين اسحاق احمد Date: 03-04-2010, 02:36 PM Parent: #30
يا هندســة .. نحــن عارفيـــن
( الاليــة وتأسيسهــا )
( المشــرف عليها منو )
( القرار طلع متيــن )
( الاجتماع تم ويـــن )
نكتفــى لســلامــة المصــدر
Quote: ولاّ عِندكم برنامج خفي و نحن ما عارفين؟
Post: #32 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-04-2010, 06:24 PM Parent: #31
أفهم مِن الكلام دة يا بدر الدين إنو في جِهة تمتطي هؤلاء الشباب المخدوعين و تُسيِّرهم لأجِندتها الخاصة !!!! وضح و عُلِم
Post: #33 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: Nazar Yousif Date: 03-04-2010, 08:52 PM Parent: #32
الأخ علاء الدين يوسف سؤال قديم جدا ..هل أنت من مناصرى الانقاذ ؟ بتعبير آخر هل أصبحت من مناصرى مرشح الرئاسة المشير معاش عمر حسن أحمد البشير وحزبه ؟ اجابتك مهمة جدا سواء كانت بالنفى أو التأكيد .
Post: #34 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: محمد أبوالعزائم أبوالريش Date: 03-04-2010, 10:16 PM Parent: #33
هووي يا زول هووي .....
يا نحل ....
صراحة مستغرب لتحليلك لكلمة الراجل ده ..... وهاك تحليلي:
ممكن يكون قالها بينبّهو لتبعات الشئ البيسوي فيهو ده.
والتنبيه في محلو، بدليل إنهم فقدوا حريتهم لما عملوا نفس الشئ في الخرطوم وقبضوهم.
هووي يا زول هووي ... كلمة بيقولها أي زول في أي مقام، حتى لو كان قالها لي واحد عفصو في رجلو أثناء ما كان بيسمع كلام الشاب ده
Post: #35 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: Nazar Yousif Date: 03-04-2010, 10:29 PM Parent: #34
Post: #36 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-04-2010, 10:42 PM Parent: #34
Quote: هووي يا زول هووي .....
يا نحل ....
صراحة مستغرب لتحليلك لكلمة الراجل ده ..... وهاك تحليلي:
ممكن يكون قالها بينبّهو لتبعات الشئ البيسوي فيهو ده.
والتنبيه في محلو، بدليل إنهم فقدوا حريتهم لما عملوا نفس الشئ في الخرطوم وقبضوهم.
هووي يا زول هووي ... كلمة بيقولها أي زول في أي مقام، حتى لو كان قالها لي واحد عفصو في رجلو أثناء ما كان بيسمع كلام الشاب ده
تحليل غير منطقي و غير مقبول يا أبو الريش
Post: #37 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: نجلاء سيد أحمد Date: 03-04-2010, 10:57 PM Parent: #36
Post: #38 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-05-2010, 12:37 PM Parent: #37
شُكراً نجلاء على اليوتيوب الذي يُثبِت ضُعف هذه المجموعة المًسماة (قِرفوا)
Post: #39 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: بشير أحمد Date: 03-05-2010, 12:41 PM
جمعة مباركة ياعلاء.
والله الليلة البورد خريف أبو السعن صِرفة وجرادة ؛
الواحد جاي من صلاة الجمعة وتوشك علي البورد ؛القي ليك المناضلين علالهم قايم ؛
اخدنا فرّة كده وتم اخماد كل الغبار في علبو.
Post: #42 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-05-2010, 05:48 PM Parent: #39
Post: #40 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: JAD Date: 03-05-2010, 12:49 PM Parent: #30
Quote: أبو السيد سلامات ما قُلناالناس دي قِصّتها عاااااااااضة
دي عااااااااضة وحالجة وقارشة بلي كمان ..
لو ناس السوق عرفوهم من الحزب الشيوعي كان جدعوهم بالطماطم التالفة ..
تحياتي أخي علاء الدين ..
Post: #41 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: قرشـــو Date: 03-05-2010, 05:15 PM Parent: #40
الاخ علاء الدين
الفين سلام
ياخوى نحن والله بره الشبكة
دحين قرفنا ده حزب سياسى جديد ولا شنو؟؟؟؟
اسمه مش كده زى الحزب المصري الكان قبل سنة كده تقريبا؟
ياخى الناس دى ما تجيب حاجات جديدة مالها بتقلد فى الناس ؟؟؟
Post: #44 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-05-2010, 05:53 PM Parent: #41
حبيبنا قرشو سلامات يا راقي ياها ذاااااااااااااتة تقليد أعمى لحركة كِفاية المصرِيّة للأسف الشِيوعي أصبح لا يستطيع الإبتكار يا يجيك من داخل جُلباب الحركة الشعبِيّة يا يمتطي صُهوة شباب مخدوع
Post: #43 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-05-2010, 05:51 PM Parent: #40
من جبنهم يا جاد ما بقدروا يقول نحن شيوعِيّة لاحظ الإنصرافية الناس عنّهم و مايكروفونات الجزارة الشغّالة بالصوت العالي زووووووووووول جايب ليهم خبر مافي
Post: #45 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: Salwa Seyam Date: 03-05-2010, 06:18 PM Parent: #43
Quote: هووي يا زول هووي .....
اسع بجو بقبضوك .. طيب يا علاء اقتنعنا بكلامك وانو الشعب السودانى كله ضد المجموعة دى وانها ليست ذات تأثير .. اذا لماذا الاعتقالات ؟؟
Post: #46 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-05-2010, 06:29 PM Parent: #45
تحريض على التظاهُر و إثارة الشغب و خلق بلبلة في وقت يتّجه الناس فيه للتحوُّل الديموقراطي دي مواد قاطِعة أنا من راسي دة تتناسب تماماً مع ما يقومون به من كلام فارغ في إنتخابات جاية مكشوفة ستشهد مُتابعة لصيقة من جهات كثيرة مُنتظرة ولو هفوة فيها شان يقولوا مُزوّرة لو مافي إنتخابات جاية معليش الإنتخابات جاية الجقلبة في شِنو؟
Post: #47 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: امبدويات Date: 03-05-2010, 07:25 PM Parent: #46
ماهو العجيب فى أن يعترض واحد او عشرات أو قول مليون نفر، هذا شئ طبيعى ومامستبعد يكون وسط الناس العادين واحد من كلاب الامن ولكلاب الامن اوامر عديدها، فصيل مهمته ينبح مثل الكلب نتحترم ماعرضته و تعتقد انه انجاز. لكن اتمنى ان تخبرنا كم كانت مديونية السودان قبل الليلة السوداء 30 يونيو 1989 حدثنى عن التعليم من الابتدائى الى العالى ؟ هل اى فرد يستطيع ان يتعلم على حساب الدولة؟ قارن المدارس ماكانت عليه فى ذلك الزمن؟ اذا تكلمت عن الجامعات هل تعتقد هذه الجامعات الكرتونية ، ذات مردود خدمى فى التعليم مع ملاحظة انها تعليم خاص؟ العلاج والمستشفيات حدث ولاحرج !! الدفاع الاجوف والكذب والنفاق شيمة هتيفة وامنجية الامن وعصابة الفساد،؟ اذا كنتم تعرفون الله لكنتم تبراتم من هذا العفن الفاشستى، ولايحمى ويدافع عنهم الا انسان منبت
Post: #48 Title: Re: هذا هو ما قاله ناس سوق خدار بحري للجماعة القِرفو (مع الإعتذار للزميلة نجلاء سيدأحمد) Author: علاء الدين يوسف علي محمد Date: 03-05-2010, 07:46 PM Parent: #47
قد يكون هذا الفتى الذي كان يصيح مخدوعاً مُنقاداً لكن لابد من إغلاق الطريق أمام بعض القِردة و الكدروكات (الخنازير يعني) خنازير العمالة و الإرتزاق المأجورين بائعي ضميرهم و أعراضهم بأثمان بخسة و رخيصة رخصتهم فهل فهِمت؟
