Post: #1
Title: فقراء شيلوا الجلاله لعلي ودزكريا...بمناسبة عودة عشر الي الحرية
Author: حافظ كنجال
Date: 03-02-2010, 09:40 AM
Parent: #0
دارفور دار السلاطين ...
في اي معضلة كان او كارثة يدقوا كيو نداء الاستغاثة
ارث متعارف واذا اشتده الوغي يرقدو الفقراء..
عشان يشيلوا الجلالة لتمجيد السللطان..
عشر يعتبر من سلاطين حركة العدل والمساومة عندما سقط
اسيرا في غزوة امدرمان...بمعيار التسمية المعلنه بالزراع الطويل
حلف الدارفوريين ان لاتكون عقيدة عشر سلم لمشانق الانقاذ
فرقدوا الفقراء...
وشغل ده براكي تشوفي...
|
Post: #2
Title: Re: فقراء شيلوا الجلاله لعلي ودزكريا...بمناسبة عودة عشر الي الحرية
Author: بدر الدين اسحاق احمد
Date: 03-02-2010, 12:13 PM
Parent: #1
اهــا ولا شفنـــه ..
| Quote: وشغل ده براكي تشوفي... |
|
Post: #8
Title: Re: فقراء شيلوا الجلاله لعلي ودزكريا...بمناسبة عودة عشر الي الحرية
Author: حافظ كنجال
Date: 03-06-2010, 09:15 AM
Parent: #2
Quote:
اهــا ولا شفنـــه ..
|
هاااي ترا شغل دي كمان عندو بجاه
عشر يناقش الدكتوراة من داخل المعتقل...
ها ...براكي تشوفي..
|
Post: #3
Title: Re: فقراء شيلوا الجلاله لعلي ودزكريا...بمناسبة عودة عشر الي الحرية
Author: حافظ كنجال
Date: 03-02-2010, 12:24 PM
Parent: #1
جينا من عند الفكي....
قال لينا ارقدو قفا فتحنا الكتاب...
وجارين السبح....
وتاااني برضو شغل ده براكي تشوفي....
|
Post: #4
Title: Re: فقراء شيلوا الجلاله لعلي ودزكريا...بمناسبة عودة عشر الي الحرية
Author: حافظ كنجال
Date: 03-02-2010, 02:49 PM
Parent: #3
Quote: مشاركة حركة العدل والمساواة في السلطة
على كافة مستويات الحكم وفقاً لكيفية يتم
الاتفاق عليها بين الجانبين.
|
جزء من وثيقة الاتفاق...
ماقلنا ليكم ده شغل فقراء
هسع الوليد عشر دادا يفوتوا في ياتو وزارة
براكي تشوفي...
|
Post: #5
Title: Re: فقراء شيلوا الجلاله لعلي ودزكريا...بمناسبة عودة عشر الي الحرية
Author: حافظ كنجال
Date: 03-03-2010, 08:58 AM
Parent: #4
عشر سلطان كارزيمي...
مثقف وواعي يعتبر من اجنحة السلطنة
الدارفورية المنصهرة عبر الاتفاقية المبرومة هناااك....
يعني من داخل غرف الاعدام بالتواصل الروحاني عبر ذخيرته المعرفية..
ببواطن مايمكن جلبه بواسطة الفقراء...
قدر يؤثر في تصرفات خليل بتوقيع الاتفاقية...
عشان حبل دي مايلفى لرقبته....
والمثل واضح ابوك ده ابوك كان عربي كول ابوك...
وشغل ده براكي تشوفي....
|
Post: #6
Title: Re: فقراء شيلوا الجلاله لعلي ودزكريا...بمناسبة عودة عشر الي الحرية
Author: Nasruddin Al Basheer
Date: 03-04-2010, 05:15 AM
Parent: #5
نشيل معاك الجلالة يا حافظ لعلي ود زكريا
ونبارك لعشر الحرية وإطلاق السراح..
عشر راجل ود رجال، أنا متكيّف منو..
ويا ريت يجي دورنا يوم في غزو الخرطوم..
|
Post: #7
Title: Re: فقراء شيلوا الجلاله لعلي ودزكريا...بمناسبة عودة عشر الي الحرية
Author: حافظ كنجال
Date: 03-06-2010, 09:11 AM
Parent: #6
| Quote: لم تذهب حركة العدل و المساواة الى الدوحة من اجل تحقيق عدالة و سلام يعم درافور |
تعرف الحركة جيدا ان الحكومة
همها تجنب الصداع الذي يمكن ان يحدث لها من قبل الحركة
في دارفور في الفترات القادمة ومازالت الانقاذ عبر المؤتمر
الوطني تفكر بشكل جاد الي خداع الدارفوريين بمفهوم سلام زائف
حتى يضمن لها التواجد لسنوات قادمة في السلطة
| Quote: عشر راجل ود رجال، أنا متكيّف منو.. |
الله يديك العافية اخي نصر الدين البشير
حقيقي عشر من اميز رجالات دارفور وبالتحديد في الاطر القادم
المهم مكاسب الاتفاق عشر يعود الي الحرية...
|
Post: #9
Title: Re: فقراء شيلوا الجلاله لعلي ودزكريا...بمناسبة عودة عشر الي الحرية
Author: بدر الدين اسحاق احمد
Date: 03-06-2010, 11:49 AM
الوعــى يا نصر الدين بيتمظــهر بعدة اشكال ابعدهــا عن
الفكر ( البندقيــة ) ...
الخرطوم دى اغزوهـــا عبر صناديق الانتخابات ( وشوف الخرطوم
بعد داك تأتيــك طائعـــة ) .
| Quote: ويا ريت يجي دورنا يوم في غزو الخرطوم.. |
________
اهــا ولا شفنـــا ...
|
Post: #10
Title: Re: فقراء شيلوا الجلاله لعلي ودزكريا...بمناسبة عودة عشر الي الحرية
Author: عبدالباقى الظافر
Date: 03-06-2010, 12:46 PM
Parent: #9
مبروك الدكتوراة العزيز عشر..دكتوراة تستحق الاحتفاء لأنها ولدت فى ظروف خاصة جدا
الظافر
|
Post: #11
Title: Re: فقراء شيلوا الجلاله لعلي ودزكريا...بمناسبة عودة عشر الي الحرية
Author: حافظ كنجال
Date: 03-06-2010, 12:46 PM
Parent: #9
اخوي بدرالدين..
الخرطوم لن ولم تكن هي هدف او رؤية العدل والمساوة
في كل مراحل نضالها والا كانو من ابوجا الاولى جو شاركو
مناوى في الاستشارية الكبرى الذائفة التي يمثلها
دارفور هي المحك..
تاريخا انضمام السلطنة حديثا نسبيا للسودان بشكله المركزي المتاح
غزو الخرطوم الفكري واضح من خلال تمركز عشر داخل المعتقل متحدياالنظام
مناقشا رسالة الدكتوراة
المعروف ان المؤتمر الوطني لن ينزل من تعاليه الا بالضغط
وهذا الهدف المنشود..
عشان نتحول لديمقراطية غير ممنوحة لابد من الحوار بمنطق القوى
وشيل معانا الجلالة بس...
|
Post: #12
Title: Re: فقراء شيلوا الجلاله لعلي ودزكريا...بمناسبة عودة عشر الي الحرية
Author: Nasruddin Al Basheer
Date: 03-06-2010, 03:02 PM
Parent: #9
Quote: الوعــى يا نصر الدين بيتمظــهر بعدة اشكال ابعدهــا عن
الفكر ( البندقيــة ) ...
الخرطوم دى اغزوهـــا عبر صناديق الانتخابات ( وشوف الخرطوم
بعد داك تأتيــك طائعـــة ) .
|
تحياتي يا بدر الدين وعساك بخير
عندما لا تؤمن الحكومة إلا بالبندقية، فلا ضير من اللجوء إليها لانتزاع الحقوق المضيّعة..
أما حكاية صناديق الاقتراع والديمقراطية فدي أكبر أكذوبة إنقاذية.. الإنقاذ التي سطت
بليل على الديمقراطية لا يمكن أن تدعو لها إلا بعد أن تكون قد أعدت سينايورهات التزوير..
كذبتم على الشعب بورقة الشريعة ولكن لما انكشف عنكم الغطاء وبانت عورة مشروعكم الحضاري
الذي قام على الظلم والاختلاس والاغتيال وكل ما هو قذر، اتجهتم لتدعون للاحتكام لصناديق
الاقتراع وأنتم قد أعددتم سلفاً للتزوير..
كيف تسمونها ديمقراطية وأنتم تستخدمون تلفزيون الدولة وأموال الدولة للدعاية الانتخابية
لمرشح المؤتمر الوطني؟
الذي يؤمن بالديمقراطية يا بدر الدين لا يمكن أن يسطو عليها وهو أول من يطبقها على نفسه..
كونوا امناء وعاملوا البشير مثل كبقية المرشحين أو عاملوا بقية المرشحين كالبشير ثم
ادعوا الناس ليحتكموا لصناديق الاقتراع حتى لا تكون كبيعة عمرو بن العاص..
الخرطوم أصبحت عاصمة ملعونة فلماذا تريدون أن تعاملوها كمدينة مقدسة؟
آسف يا حافظ لاقتحام خيطك، فلك العتبى..
|
|