Post: #5 Title: Re: عشان ما تتعولقوا فينى !! Author: معاوية محمد الحسن Date: 03-02-2010, 05:04 AM Parent: #4
دينا تحياتي لكن شنو المابخليها تعيش قدر ده ..لا ملاريا لا سكرى لا تسمم فى غرفة الولادة دى القدرها فى السودان بقو بترول هسع
Post: #6 Title: Re: عشان ما تتعولقوا فينى !! Author: د.نجاة محمود Date: 03-02-2010, 05:04 AM Parent: #4
دي حتلحس مديدة القيامة تاني حتكون الملكةم مع جن جينق سو لغاية ما يجي رئيس اسمو بيرفوت سسكهانا وترجع الارض لملاكها الاصلين هذه الملكة حتكون شاهدة على القرون
Post: #7 Title: Re: عشان ما تتعولقوا فينى !! Author: abdulhalim altilib Date: 03-02-2010, 05:06 AM Parent: #4
شكراً أختي دينا على الصور التاريخية دي بس تعالي .. نكتيها من وين ؟!
و .. يعني احتمال بكره القريبة دي نشوف صورة الملكة اليزابيث مع عرمان ؟! أم سيكون عزرائيل أقرب إليها منه ؟!
نعيش ونشوف يا دينا .
مودتي ،
( ليمو )
Post: #10 Title: Re: عشان ما تتعولقوا فينى !! Author: الزوول Date: 03-02-2010, 05:21 AM Parent: #7
السلام عليكم ... غايتو فيها حلات (شاهد على العصر)
أو على الأقل (أسماء في حياتنا)
.....
Post: #11 Title: Re: عشان ما تتعولقوا فينى !! Author: دينا خالد Date: 03-02-2010, 05:35 AM Parent: #7
يا معاوية !
Quote: دى القدرها فى السودان بقو بترول هسع
لووووووب .. صدقت والله دا لو ما بدلوا بيهم العده .
سناء (الاخت غير الشقيقة) . اتعولقى اتعوقى ..
يا ليمو عارف القصة فى التسلسل بتاع رؤساء امريكا دا .
د. نجاة اهااااا قمتو تنازعوهم فى ارضهم جنكم ارض وحقتى وحقتك وحرب .. الناس بالهم راااايق سيد الارض ذاتها لو شافها بكون عايز يديهم واحدة تانية .. القصة مش الارض بتاعة منو ؟ القصة بعملوا فيها شنو .. هسه ناسك القلتيهم ديل لو قاعدين فيها كانت الاعانات والاغاثات ما تديك الدرب .. ياخ ناس العم سام عاااااالم جميل .
عمران يا عمرو طيب انت ما تفوتها لى ياخ .. بتكون مبسوط وانا يتفرق دمى بين القبايل ؟؟؟ اصبر وضمت اصابع يدها اليسرى !
Post: #12 Title: Re: عشان ما تتعولقوا فينى !! Author: دينا خالد Date: 03-02-2010, 05:51 AM Parent: #11
Quote: غايتو فيها حلات (شاهد على العصر)
أو على الأقل (أسماء في حياتنا)
الزول !! خلااااص داير تقرض المراة وتوديها التوج؟ الله يكفيها شركم .. اسماء شنو هى كان شغالة بى زول كانت لى هسه بتتصور ؟؟ لكن غايتو العصر ما فضلت فيهو فضلة هى بتعيش وانتو عليكم الحكى .. لوووووب
لكن شفتو كارتر دا من يومو عجوز كيف ؟؟ غايتو جابو فى التلفزيون يومداك وهو بقول فرحان ،، خلاص انا اتفقت مع البشير انو سيسمح بالمسيرات والتجمعات فى الحملة الانتخابية بعد اخذ الاذن اللازم .. لووووول الراجل ضاربو الزهايمر .. ايام ريغان دا قالوا كان فى اغاثات تقيلة فى السودان سببها شنو مابعرف المهم قالوا لما يربطوا ليهم الجنريتر فى المعسكر مسمينو ( جنى ريغان) ! لوووب يقول لى يا ود شغل لينا جنا ريغان دا .. واااااو
Post: #13 Title: Re: عشان ما تتعولقوا فينى !! Author: Ahmed Yousif Abu Harira Date: 03-02-2010, 06:01 AM Parent: #12
Quote: دى القدرها فى السودان بقو بترول هسع
أها انجهوها !
Post: #14 Title: Re: عشان ما تتعولقوا فينى !! Author: دينا خالد Date: 03-02-2010, 06:10 AM Parent: #12
مااا اصلو الزمن غلاااااب ..
ـــــــــــــــ كل جيل يجى يلقى الجيل القبلو بحبها فيحبها اكثر انتو ما عارفين انو الحب دا بعااااادى ؟؟
Post: #15 Title: Re: عشان ما تتعولقوا فينى !! Author: جعفر محي الدين Date: 03-02-2010, 06:21 AM Parent: #14
Quote: ايام ريغان دا قالوا كان فى اغاثات تقيلة فى السودان سببها شنو مابعرف المهم قالوا لما يربطوا ليهم الجنريتر فى المعسكر مسمينو ( جنى ريغان) ! لوووب يقول لى يا ود شغل لينا جنا ريغان دا .. واااااو
لكن يا دينا طلعتِ صغمبوتية ما حضرت عيش ريغان أجارك الله السودان الكبير دا والشاقيهو النيل وروافده الطاشر ضربتوا مجاعة عدوك زمن جدك النميري الله يرحمه
Post: #16 Title: Re: عشان ما تتعولقوا فينى !! Author: tmbis Date: 03-02-2010, 06:24 AM Parent: #14
تفتكري انها بتشبهك ..؟
Post: #17 Title: Re: عشان ما تتعولقوا فينى !! Author: على محمد على بشير Date: 03-02-2010, 06:42 AM Parent: #16
المفروض يا دينا
عمر الجزلى يسافر ليها ويعمل معاها حلقه من اسماء فى حياتنا !!
Post: #18 Title: Re: عشان ما تتعولقوا فينى !! Author: عبد اللطيف بكري أحمد Date: 03-02-2010, 06:44 AM Parent: #16
بتنا دينا خالد سلام،،
طبعا الصور دي كان المغزى الوحيد من جمعها هو (شنطة اليد)،،
هي في كل العصور : نفس الشنطة،،
مع كائن من كان : نفس الشنطة،،
مع البنك ، مع الروز ، مع الأحمر ، مع البنفسج : نفس الشنطة!!
==
المعنيات حريمنا : وليس رؤسانا أطال الله أعمارهم،،
===
Post: #19 Title: Re: عشان ما تتعولقوا فينى !! Author: الجندرية Date: 03-02-2010, 06:48 AM Parent: #18
كــر كان الموت ما خلاك الكبر ما بخليك
Post: #22 Title: Re: عشان ما تتعولقوا فينى !! Author: العوض المسلمي Date: 03-02-2010, 07:04 AM Parent: #19
يا دينا نحن كان مرقنا من الموت السريع ما بنمرق من كرمشة الوش ..
Post: #23 Title: Re: عشان ما تتعولقوا فينى !! Author: عمر الفاروق Date: 03-02-2010, 07:36 AM Parent: #22
اها يا دينا يا بت خالد الزولة دي الله يديها العافية لو سكينا صورها مع الرؤوساء فهم على التوالي: - الأزهري - النميري - هاشم العطا (ما متأكد بتكون لحقت اخدت معاهو صورة ولا لأ) - سوار الذهب - الصادق المهدي - عمر البشير (ده غالباً حا يتصور مع بنات بنات اولادا )
متع الله حوا الطقطاقة بالصحة والعافية ..
تخريمة : غايتو الشحرورة صباح حددتا معاها ..شاهد عيان قال شاف الشحرورة حايمة جمب الدايات ,,
Post: #20 Title: Re: عشان ما تتعولقوا فينى !! Author: doma Date: 03-02-2010, 06:50 AM Parent: #18
Quote: د. نجاة اهااااا قمتو تنازعوهم فى ارضهم جنكم ارض وحقتى وحقتك وحرب .. الناس بالهم راااايق سيد الارض ذاتها لو شافها بكون عايز يديهم واحدة تانية .. القصة مش الارض بتاعة منو ؟ القصة بعملوا فيها شنو .. هسه ناسك القلتيهم ديل لو قاعدين فيها كانت الاعانات والاغاثات ما تديك الدرب .. ياخ ناس العم سام عاااااالم جميل .
يديك العافيه يا دندنا يا الكلك نور لووووووووووول بتختيها ليهم تخ كدا الجماعه ديل
Post: #21 Title: Re: عشان ما تتعولقوا فينى !! Author: أيمن الطيب Date: 03-02-2010, 07:02 AM Parent: #16
سلام يا دينا,,
تاريخ يمشى على قدمين سيدة أولى بمعنى الكلمة..
*خلو الحاجة فى حالا الله يديها الصحة وطولة العمر,,,
Post: #24 Title: Re: عشان ما تتعولقوا فينى !! Author: Deng Date: 03-02-2010, 02:44 PM Parent: #21
دينا .
هذه الصور توضح لنا مدى تخلف الدول الذي تسيطر عليها الدكتاتوريات ، ومدى تقدم دولة مثل أمريكا . حتى بريطانيا تخلفت كثيرا مؤخرا .
Post: #25 Title: Re: عشان ما تتعولقوا فينى !! Author: دينا خالد Date: 03-02-2010, 03:20 PM Parent: #24
الجندرية .. ياختى دا اريتو كبرى وكبرك ذى ما قال ليك عبد اللطيف شفتى الشنطة دى كيف . والعجب يا ع اللطيف من جوووه .. عيييييك
ايمن الطيب !! شوف عينك دى ؟ مشت الحج ؟ ما بعيد المعاها دا العاهل السعودى ولا عاهل تانى ؟ وغنى ليها ياحاجة سوى لينا .. ياحاجه ادونا فندككم ندق ونديكم !
الجميلة دوومة رايك شنو فى الحاجه دى ؟ لكن الالمانيات ديل من 40 سنه وشهن بيلعن قفاهن صاح ؟ ياخ الانجليز بحبو المراة دى كيف عشان خشمها وعندها .. هسه دى لو واحده ولا واحد بى قدسيتها دى عندنا كان ساطوا الواطة وكرهونا العيشة .. وكل يوم نقوم من الصباح نداعيهم !!
تمبس يا تمبس
كلمممممتك بشبه منو ,, لكن عارف يا تمبس الزول لو قاعد لى فى تلاجة ذى دى كان شكلك بكون لسسسه ذى صورتك لما كنت صغيرونى ديك .. هسه ما شايف تراجى تخم فى التلج وقاعده ذى لما مشت هناك الحبه ما جاتها ! ابقو مارقين من القهبونه دى ..
إنت في كوين اليزابيث ولا فينا نحن ذاتنا... والله أنا شخصيا متذكر لغاية كارتر... غايتو بعد دا الله يدينا حسن الخاتمة. بعدين أثبتي إنه البورد دا ماشي بالواسطة (ما حاسدك والله)... لكن كلامك دا لو قالو زول تاني كان في ناس كدا خلو ريحته طير طير:
Quote: هسه اتخبلوا لو كان امها زوجوها يونس ود الدكيم .. كان ماتت زماااان فى دارفور وخلصنا .
Post: #27 Title: Re: عشان ما تتعولقوا فينى !! Author: عمر عبد الله فضل المولى Date: 03-02-2010, 03:41 PM Parent: #26
التحية و الاحترام للامير المجاهد الشهيد يونس ود الدكيم ولامثاله تنحني الهامات اجلال وتقديرا
المضارفة المرة دي غير المضارقة ماعندها حاجة ودا سبب الصحة(اللهم زيد وبارك ) قالو من كتر المضارفة الاكل في الصينية قدامها تقول ليهم خلاس شيلوا في التلاجة لي بكرة بتاكل الفرخة على كم يوم
والعجب القروش جلدة بس
__________ دينا بوستك زيك كدا بس
Post: #31 Title: Re: عشان ما تتعولقوا فينى !! Author: عاطف عمر Date: 03-02-2010, 06:30 PM Parent: #1
تااااني ....؟؟؟ قمنا ...؟؟ ........ ....... _____
كانت شقيقتي الكبرى في طريقها للمنزل تحمل بعض هموم الدنيا في رأسها قابلها أحد جيراننا من أصدقاء والدي ( رحمهم الله ) فلم تنتبه له ولم تسلم عليه ناداها مستنكراً " تعالي يا بت عمر مالك ما بتسلمي على ... سمعتي عنو شنو كعب بخليك تفوتي فيني كدا ؟؟؟ " شعرت بخطئها الكبير وحاولت الإستدراك " أبداً والله يا عم ( .. ) إنت خيرنا وبركتنا . والله أمس القريييييبة دي أنا كنت بقول لأبوى نفسي أجيك وأقعد معاك وأتونس معاك ... " لم يتركها تواصل " إنتي يا بتي لاقيتني لحم وعضم سلام الله ما سلمتيهو على . تقولي لى كنت جاياك ؟؟؟ "
Post: #36 Title: Re: عشان ما تتعولقوا فينى !! Author: دينا خالد Date: 03-03-2010, 05:19 AM Parent: #31
عاطف عمر الحرااااد ما تتعولق فينا ايوة كدا كل مرة تعال اكتب فى البوست دا حاجه جميلة .. وزيد بهجتنا بس دا المطلوب .. انت زاجل كنز وجرابك فيه كتير وبنفطك عشان تجى راجع ..
العوض لقيت واسطتى تعبانة ؟؟ ما يقدروا يتكلموا لانه دا الفرق الواضح بين انك يكتب ليك تعيش فى العالم الاول او الثالث عشر ياخ دى جبانه هايصة واتخن تخين ممكن يموت سمبلة ..
عادل عثمان مشتاقين والله !! لسه بردكم داك ذى ما هو ؟ ياخ انتو قاعدين فى دييب فريزر هسه انتو قاعدين فى لندن دى 20 سنه يوم شفتوها دقو ليها الاسد ولا (اللبوة) النتر ؟؟ ولا مرقت قالت ليكم امريكا تحت جزمتى ؟
رايوة يا حبيبة ! قلتى لى جلده ؟ ياخ دى بتكون ما شافت ليها قروش لى هسه ح تعمل بيها شنو ؟؟ قدر ظروفك دا بجيبو الراجل يركبو ليها عندها عندها حصان كدا بجر ليها عربيتها يوديها محل ما عايزة ولا مواصلات ولا يحزنون !
Post: #32 Title: Re: عشان ما تتعولقوا فينى !! Author: Adil Osman Date: 03-02-2010, 08:17 PM Parent: #1
دندون ما ملاحظة التناسب العكسى مع الرؤساء البتقابلهم؟ بريطانيا تشيخ وأمريكا تتشبب
وانتى زى ما انتى
Post: #33 Title: Re: عشان ما تتعولقوا فينى !! Author: كمال سالم Date: 03-03-2010, 00:38 AM Parent: #32
حاشاك من العولاق ,, لكن الله يستر ,, الحاجه دى زى البتنعى فيها .
رسلت ليك القميص مع أبو ساندرا ,,
Post: #34 Title: Re: عشان ما تتعولقوا فينى !! Author: SAIF MUstafa Date: 03-03-2010, 03:27 AM Parent: #33
Quote: هسه اتخبلوا لو كان امها زوجوها يونس ود الدكيم .. كان ماتت زماااان فى دارفور وخلصنا .
تلميحات عنصرية بغيضة....وبتشبهك .. وتشبه أستخفافك.. عدم الأخلاق وعرفناه... لا تاريخ ...ولا حساب ياكافى البلاء؟؟؟؟
Post: #35 Title: Re: عشان ما تتعولقوا فينى !! Author: HAYDER GASIM Date: 03-03-2010, 04:37 AM Parent: #34
دينا ... تسلمي,
لقيت نفسي خاشي مع التلتوار, لكن شكلها حا تطلع سليمة.
... الزمن براااهو ... بعولق.
يا حليلنا منها.
... وإديك العافية
Post: #37 Title: Re: عشان ما تتعولقوا فينى !! Author: نيازي مصطفى Date: 03-03-2010, 05:33 AM Parent: #35
Quote: التحية و الاحترام للامير المجاهد الشهيد يونس ود الدكيم ولامثاله تنحني الهامات اجلال وتقديرا
ولخليفة المهدي الامام اسمى آيات الاعتزاز ..
Post: #38 Title: Re: عشان ما تتعولقوا فينى !! Author: دينا خالد Date: 03-03-2010, 05:39 AM Parent: #35
بلة يا بلة تااانى الرقم جلة ...
ياخ هسه انت لو ما كنت عايش برة كان عمرك الافتراضى انتهى زماااان .. فرق بين ان تعيش فى كنف الممالك والرفاه وبين انك تكون مهمل فى بلاد المجاعة والحرب والفقر والخوف ..
كمال صاحبى !!
Quote: رسلت ليك القميص مع أبو ساندرا ,,
هسه دى اسمها رسلتو ؟؟؟ دى اسمها القميص راح فى حق الله .. بتعرف الدين الهالك .. والمقطوع منه النصيب ؟ ونحو ذلك
حيدرنا .. وينك انت الطال غيابك ..
تلتوار شنو كمان اقددل يا بوى فى الزلط .. شباب ورياضة لسه قدامك طريق .. كان داير جيب معاك عبد الله ذاتو مش لا بسين طواقى ؟؟ خلاس اقدلوا
الخليل .. خريف خريفين بى القديم ولا بالجديد ؟؟ او بى حقاتنا ولا حقاتهم ؟؟ تسلم يا سيدى .
Post: #40 Title: Re: عشان ما تتعولقوا فينى !! Author: الحاج حمد الحاج Date: 03-03-2010, 05:53 AM Parent: #38
علي محمد علي بشير
Quote: المفروض يا دينا
عمر الجزلى يسافر ليها ويعمل معاها حلقه من اسماء فى حياتنا !!
يا جماعة ما تشوفوا لينا زول يعمل مع عمر الجزلي دا أسماء في حياتنا كان يتخارج!!
Post: #39 Title: Re: عشان ما تتعولقوا فينى !! Author: tmbis Date: 03-03-2010, 05:48 AM Parent: #35
Quote: رسلت ليك القميص مع أبو ساندرا ,,
.. كان تكتبو وصل أمانة يا كيمــو .. إنت اختراع البريد السريع دا خلقو لي شنـو..؟ اقوليك حاجة ..؟ كان ترسلو ليها في ايميل .. بس عشان يصل بي سرعة ما عشان حاجة تاني ..
المهم القميص دا بعد يجي راجع .. رسلو لي انا دا ..
Post: #41 Title: Re: عشان ما تتعولقوا فينى !! Author: دينا خالد Date: 03-03-2010, 06:11 AM Parent: #39
لوووول يا الحاج دى اسمها عثرات فى حياتنا .. كبب فى حياتنا .. قلل فى حياتنا نقاط سوداء او نحو ذلك .
نمبس يا تمبس
قلت ::: المهم القميص دا بعد يجي راجع .. رسلو لي انا دا ..
اقتباسى خسسر ..
كان كدا انت ما بتعرف ابو ساندرا ..
ياخ احتمال انا اكون موجوده واشيلو اكتر بى مليون مره من احتمال انو يجى راجع دى .. عشان كدا فى الحالتين شوف ليك قميص غيرو ..
Post: #42 Title: Re: عشان ما تتعولقوا فينى !! Author: tmbis Date: 03-03-2010, 06:44 AM Parent: #41
الشئ العارفو يا مـاما دينا .. إنو ابو ساندرا ذمتو لستك .. في شيوعي بيوصل ليهو قميص بالساهل كدا ..؟ قولي وصلو ليك يا ختاهو ليك عند بتاع البقالة البيفتح على ايدك اليمين (قصاد حليوة) وإنت داخله بي عربيتك من الالماني بي جاي .. قولي جيتي شلتيو .. اهـا ح تلبسيهو .. وووووين ..؟ قولي لبستيهو .. ح تطقميهو مع شنـووو ..؟ لا بتلبسو قمصان ولا عندكم ليهم حيل .. بس تقطعو رزق الناس ساااي كدا ..
Post: #43 Title: Re: عشان ما تتعولقوا فينى !! Author: Adil Osman Date: 03-03-2010, 10:00 AM Parent: #1
دندون الملكة بغنوا ليها فى النشيد الملكى (God Save the Queen) ما معناه (اشغل اعدائى بانفسهم وشتت شملهم وانصرنى على القوم الظالمين) شوفى الكلام بالانقليزى
2. O Lord our God arise Scatter her enemies And make them fall Confound their politics Frustrate their knavish tricks On Thee our hopes we fix God save us all
Post: #44 Title: Re: عشان ما تتعولقوا فينى !! Author: دينا خالد Date: 03-04-2010, 01:48 AM Parent: #43
عادل عثمان ! قلت لى دى ما تعادل الاسد النتر او خوجل يا رئيس كلنا خوجلاب ؟
تمبس !
Quote: الشئ العارفو يا مـاما دينا ..
يا بابا تمبس .. يطقم راسك دا .. انت لسه ما عرفت بطقمو بى شنو ؟؟ يعنى انت (حاجه) وصافة ؟ طقاااامة ما تشوفنى كدا .. دى على وزن طقطاقة وح ترجع تقول لى
انتى على ( حق ) .. و( هميمة ) لا تخافى لومة لائم .. و ( ماما ) دينا .. ولما اتونسنا فى (حليوة ) . وارجعى ) للارشيف ( وهكذا ..
ــــــــــــــــــ عارف زمان فى واحد مصصصر فى الخاص انو انا تمبس بس دا ما سجل حاجة !
Post: #45 Title: Re: عشان ما تتعولقوا فينى !! Author: Hala Hassan Date: 03-04-2010, 06:03 AM Parent: #44
أها نجهتوها؟؟؟؟
غايتو يا دينا، ما مضحكنى إلا تشارلز،، شكلوا ح يبيع للورثة،،،
ديانا فهمتها بدرى و أتصرفت،،،،
ـــــــــــــــ
Quote: كل جيل يجى يلقى الجيل القبلو بحبها فيحبها اكثر انتو ما عارفين انو الحب دا بعااااادى ؟؟
Post: #46 Title: Re: عشان ما تتعولقوا فينى !! Author: tmbis Date: 03-06-2010, 06:25 AM Parent: #44
Quote: انتى على ( حق ) .. و( هميمة ) لا تخافى لومة لائم .. و ( ماما ) دينا .. ولما اتونسنا فى (حليوة ) . وارجعى ) للارشيف ( وهكذا ..
.. إتونسنا في حليوووة ..؟؟ إنت جادة ..؟ هميمــة ... إنت جادة ..؟ (حـــق) إنت جادة .. أنا غايتو وصلت معاك لحدت محطة تحية كاريوكـا .. وبدلناها بي شيريهـان .. ولو زعلتي من ماما دينا دي .. ما عندك مشكلة .. ممكن اسميك (هنـد) صبري .. إنت زعلتي واللا شنـو..؟ بعدين يا دينا سااي كدا إنت دمك خفيف .. وزكيـة جدا .. وسياسية محنكة .. والناس كلها بتحبك .. وانا القدامك دا برضو بحبك شنو الكلام الشين دا .. هميمة .. وحق .. وحليوة وبتاع ..؟! إنت خرفتي واللا شنـو ..؟ أنا كنت بمشي حليوة .. قاعد اللا قي ناس خالد ماسا .. وناس تهاني .. وناس الالماني .. لكن ما حصليش الشرف .. واتونسنا .. والله كان اخسر فيك جردل بتاع لقيمات .. وجردل شاي لبن .. انا بشرب سادة طبعا .. دا بس لو كان عزمتيني .. تشبكيني اتونسنا في حليوة .. دي رجاله منك واللا قايلاني زي صاحبك داك القال من هي دينا خالد وفاتح ليك بوست ابتزاز هوووي خلي عندك اخلاق رياضية .. إنت زولة كبيرة وسمحة ودمك خفيف .. وسياسية انا جني وجن الكضب .. والتقوييل شفتي كيف ..؟ تطقمي بي شوال .. تطقمي بي ستارة .. بي ظروفك .. لكن تجي تفكيها هنا دا وفيني .. لا دي واسعة شوية .. هميمة شنو وارشيف شنو..؟ إنت فاكرة نفسك رودا مردا واللا شنـو..؟
Post: #47 Title: Re: عشان ما تتعولقوا فينى !! Author: منصوري Date: 03-06-2010, 08:22 AM Parent: #46
دينا قبل كدة هذه الصورة ترمز للديمقراطية والخط الواحد الواضح في السياسة بين بريطانيا وأمريكا.يعني دولة النظرة الواحدة للحياة والعالم.. استمرارية وديمومة وتداول الخدمة المدنية الواحدة عبر سلسلة هؤلاء الرؤساء.. في خط واحد... هسه لو فتشتي الشبكة كلها ودار الوثائق السودانية.. هل تقدري تجيبي صورة مرأة زي دي سودانية.. سلمت على الرؤساء السودانيين من الإستقلال بهذه الصورة؟ نحن مرة غرب ومرة شرق ومرة كدة ومرة كدة ومرة رؤساء ما بيسلموا على النساء ذاتو ومرة تهميش للمرأة ومرة قتل للمرأة...
قولي لبستيهو .. ح تطقميهو مع شنـووو ..؟