تغفل من بوستك عشرة دقايق تلقا المتهافتون دفشوه ليك للصفحة الثالثة (يوجد ضحك وبعده استغفار)

لا حوله....

حكاية ما معقوله ...


لمن فكرت أشوف لى واحد طلبه واحرسسه البوستات دى

يعنى يسرح بيها وكده


ويقوم يرفعا كل ما تنزل وبعدين ممكن


احاسبه باليومية .......


نواصل


....

ياجماعة المكابساه لزوما شنو .... .. والدفسيبه لييييه

الساعة تسعه مساءا ... ناس السودان هايجين ومعاهم كمان ناس الخليج بهناك

ونقول خلاص أجل الموضوع عشان تكتب برواقه بعد نص الليل : زى السطلنجية

قوم ايه : ناس امريكا و كندا تلقاهم صحو يادوب ويجوك طايرين

أظن الواحد قبل ما يتسوك ذاتو بعمل ليه بوست

ويرفعه بى اب بى يدو الشمال وهو بلبس فى قميصو


نواصل تانى

انا لله وانا اليه راجعون

المهم يا زول

يقوموا الجماعة الهايشين يدفشوا ليك كلامك فى دقايق

وتقعد تفتش فى بوستاتك ساعات

عشان بس تكمل كلامك

و لامن عيونك تدمع وما تلقاهو


حتى الان رايح منى بوستين و ثلاثة مداخلات

ما اظن كملتى فيهم كلامى : عييييييك

الا كان القى طريقه أفتشهم بالراحححه

فى الاجازة الشهر الجاى


وتااانى بواصل : ما بدينا نفهم اللعب

ومشكلتى انى كنت وحتى قبل ساعات قليلة

كنت زول خجول وبتاع ايثيكس

بستحى ارفع بستاتى بى اب و فوق وما شابه

أو أختلق لى معركة من غير معترك

وكمان ما بعرف اقطع الكلام حته حتة عشان اكتر الردود

وبفتكر ده نوع من الغش التجارى

تماما مثل بيع القرنبيط بالبيض على انه سمك بلطى


آآآى بواصل : فى حاجة ؟

....

بالراحة يا جماعة وقولوا بسم الله وختوا الرحمن فى قلوبكم


وناس البوستات البطاحات زى ناس الزقازيق وناس الشعبية


بالله أفرزوا عيشتكم ...ما ادوكم حيشان حقتكم براكم


أها تانى المكابساه فى شنو .....


نواااااااصل

وهذا نداء الى ذوى القلوب الرحيمة

بالله البلقى بوستاتى الرايحات يرفعن مرة واحدة

عشان نقدر نوصف الشفتو : كان رقتوا


واحد غايتو اخدر ولابس نضارة .........



ينتهى البث هنا واترككم مع اخونا الشايقى وحرامى الملايات

بكل أسف لا اعرف اسم هذا الشاعر الساخر الموهوب

فهل يفيدنا احدكم......


.....

مرة أخرى ينتهى البث من المخزن الورانى

وندعوكم لقراءة هذ ا الذكر


ولا تنسوا الاستغفار لأنه قالوا الشيطان ممكن

يدخل بطنك عديل اثناء الضحك والقهقهه



سبحانك اللهم وبحمدك نستغفرك ربنا ونتوب اليك

.....

.....

احرص اخي الكريم أختى الكريمة على ان تقول/ى هذا الذكر لو مرة واحدة في اليوم


لأن أجره اضعاف ما نتصور ، فكأنك جلست تذكر الله الليل مع النهار !!


واحرص عند قولك لهذا الذكر ان تتدبره وتتمعن فيه ..


عَنْ أَبِي أُمَامَةَ، قَالَ:


رَآنِي النَّبِيُّ صَلَّى اللَّهُ عَلَيْهِ وَسَلَّمَ وَأَنَا أُحَرِّكُ شَفَتَيَّ، فَقَالَ: "مَا تَقُولُ يَا أَبَا أُمَامَةَ؟


"قُلْتُ: أَذْكُرُ اللَّهَ، قَالَ (ص) :

"أَفَلا أَدُلُّكَ عَلَى مَا هُوَ أَكْثَرُ مِنْ ذِكْرِكَ اللَّهَ اللَّيْلَ مَعَ النَّهَارِ؟


تَقُولُ:

الْحَمْدُ لِلَّهِ عَدَدَ مَا خَلَقَ، وَالْحَمْدُ لِلَّهِ مِلْءَ مَا خَلَقَ، وَالْحَمْدُ لِلَّهِ عَدَدَ مَا فِي السَّمَاوَاتِ وَمَا فِي الأَرْضِ،

وَالْحَمْدُ لِلَّهِ عَدَدَ مَا أَحْصَى كِتَابُهُ، وَالْحَمْدُ لِلَّهِ مِلْءَ مَا أَحْصَى كِتَابُهُ، وَالْحَمْدُ لِلَّهِ عَدَدَ كُلِّ شَيْءٍ،


وَالْحَمْدُ لِلَّهِ مِلْءَ كُلِّ شَيْءٍ، وَتُسَبِّحُ اللَّهَ مِثْلَهُنَّ"، ثُمَّ قَالَ (ص) :"تُعَلِّمُهُنَّ عَقِبَكَ مِنْ بَعْدَكَ"


. أخرجه النسائى (6/50 ، رقم 9994) ، وابن خزيمة (1/371 ، رقم 754)
، والطبرانى (8/238 ، رقم 7930) وصححه الألباني (صحيح الجامع، رقم: 2615).



هذا الحديث الجميل للأسف هو كنز من كنوز السنة النبوية المنسية هذه الأيام،

ففي هذه الكلمات القليلة تضيف إلى ميزان حسناتك عددا لا يحصيه إلا الله تعالى من الحسنات.


وفي الحديث الحثّ على أن يعلّم المسلم هذه الكلمات لأولاده من بعده أو يعلِّمهن غيره فكل من يقولهن


بعده فله مثل أجورهم ولا ينقص من أجورهم شيء.


اللهم ارزقنا منازل الشهداء والفردوس الاعلى من الجنة آمين

سبحان الله وبحمده عدد خلقه ورضا نفسه وزنة عرشه ومداد كلماته.


وبارك اللهم فيكم يا احباب



......

......

عَنْ أَبِي أُمَامَةَ، قَالَ:


رَآنِي النَّبِيُّ صَلَّى اللَّهُ عَلَيْهِ وَسَلَّمَ وَأَنَا أُحَرِّكُ شَفَتَيَّ، فَقَالَ: "مَا تَقُولُ يَا أَبَا أُمَامَةَ؟


"قُلْتُ: أَذْكُرُ اللَّهَ، قَالَ (ص) :

"أَفَلا أَدُلُّكَ عَلَى مَا هُوَ أَكْثَرُ مِنْ ذِكْرِكَ اللَّهَ اللَّيْلَ مَعَ النَّهَارِ؟


تَقُولُ:

الْحَمْدُ لِلَّهِ عَدَدَ مَا خَلَقَ، وَالْحَمْدُ لِلَّهِ مِلْءَ مَا خَلَقَ، وَالْحَمْدُ لِلَّهِ عَدَدَ مَا فِي السَّمَاوَاتِ وَمَا فِي الأَرْضِ،

وَالْحَمْدُ لِلَّهِ عَدَدَ مَا أَحْصَى كِتَابُهُ، وَالْحَمْدُ لِلَّهِ مِلْءَ مَا أَحْصَى كِتَابُهُ، وَالْحَمْدُ لِلَّهِ عَدَدَ كُلِّ شَيْءٍ،


وَالْحَمْدُ لِلَّهِ مِلْءَ كُلِّ شَيْءٍ، وَتُسَبِّحُ اللَّهَ مِثْلَهُنَّ"، ثُمَّ قَالَ (ص) :"تُعَلِّمُهُنَّ عَقِبَكَ مِنْ بَعْدَكَ"

تشكر يا د. أبو بكر

أخى أبو بكر شداد

Quote: ياجماعة المكابساه لزوما شنو .... .. والدفسيبه لييييه الساعة تسعه مساءا ... ناس السودان هايجين ومعاهم كمان ناس الخليج بهناك ونقول خلاص أجل الموضوع عشان تكتب برواقه بعد نص الليل : زى السطلنجية قوم ايه : ناس امريكا و كندا تلقاهم صحو يادوب ويجوك طايرين أظن الواحد قبل ما يتسوك ذاتو بعمل ليه بوست ويرفعه بى اب بى يدو الشمال وهو بلبس فى قميصو

والله ضحكتنا وقطعت قلبنا....أدخل الله الفرح فى حياتك....
والعجب كان جاك دفار أخى العزيز هشام هبانى....إحتمال تلقى بوستك فى الإرشيف...
كان الله فى عونك أخى أبوبكر,,,

Quote: يقوموا الجماعة الهايشين يدفشوا ليك كلامك فى دقايق وتقعد تفتش فى بوستاتك ساعات عشان بس تكمل كلامك و لامن عيونك تدمع وما تلقاهو حتى الان رايح منى بوستين و ثلاثة مداخلات

هم البرالمة ديل بقوا يجوا داااافرين كدة مالهم ؟
يا زول كدي قول بسم الله ، البرالمة دايما ببدأو بي بوستات من شاكلة هل من مرحب ولا مداخلة مسكيييينة
كدة في بوست تهنئة و حاجات زي كدة

Quote: والعجب كان جاك دفار أخى العزيز هشام هبانى..إحتمال تلقى بوستك فى الإرشيف...

الليلة ووووب ( علي قول طيبة الذكر الاميرة بت الشيخ )
تحياتنا يا برلوم يا شفت

الغالين :

فيصل حبيب الله

د.يوسف

أسامه خلف الله

والتيوتر هبه الماحى


شكرا لأريحية الدعم والمساندة

وبجيكم راجع بعدين ان شاء الله

بعد فورة الظهرية دى ما تهدأ

الأخت الفاضلة هبة الماحى

سلامى

Quote: تحياتنا يا برلوم يا شفت [/QUOT تغفل من المنبر دقائق وترجع وناس يسموك برلوك.....جكمتك يا رب

---

Post: #16 Title: Re: تغفل من بوستك عشرة دقايق تلقا المتهافتون دفشوه ليك للصفحة الثالثة (يوجد ضحك وبعده استغفار) Author: رغيم عثمان رغيم الحسن Date: 03-02-2010, 02:18 PM Parent: #15 *************** مرحبتين ابوبكر لكن احسن طريقة تصل بيها لي مداخلاتك بى سرعة انك تكتب اسمك فى ايقونة البحث اسفل الصفحة فى الحتة بتاعت ال user name

---

Post: #17 Title: Re: تغفل من بوستك عشرة دقايق تلقا المتهافتون دفشوه ليك للصفحة الثالثة (يوجد ضحك وبعده استغفار) Author: PLAYER Date: 03-02-2010, 04:12 PM Parent: #16 Quote: لمن فكرت أشوف لى واحد طلبه واحرسسه البوستات دى بالأضافة لك ...عاوز لك ثلاثة طلب ....واحد في الخليج عشان توقيت أسيا, وواحد في أروبا والاخير في أمريكا او كندا........... اوعك تعتمد لناس السودان لانوا أعذارهم كثيرة زي الكهربا قاطعة والانترنت واقفة والموية مافي والمواصلات صعبة..... حكمة اليوم لا خير في صداقات ومعارف البورد اذا لم يرفعوا لك بوستاتك

---

Post: #18 Title: Re: تغفل من بوستك عشرة دقايق تلقا المتهافتون دفشوه ليك للصفحة الثالثة (يوجد ضحك وبعده استغفار) Author: عبدالمجيد المقابل Date: 03-02-2010, 05:14 PM Parent: #17 ابوبكر سلام داير بوستيك يكون في الصفحة الاولي طوالي لازم يكون العنوان فيهو اسم ود الصائم الجماعة يشوفو اسم ودالصائم يجو جاريين جري الزول دا نجم النجوم مع تحياتي لود الصائم

---

Post: #19 Title: Re: تغفل من بوستك عشرة دقايق تلقا المتهافتون دفشوه ليك للصفحة الثالثة (يوجد ضحك وبعده استغفار) Author: محمد عبد الماجد الصايم Date: 03-03-2010, 07:03 AM Parent: #18 يا عمكـ .. غايتو المرّة دي لحقناهو ليكـ من جمب الخــور!

---

Post: #20 Title: Re: تغفل من بوستك عشرة دقايق تلقا المتهافتون دفشوه ليك للصفحة الثالثة (يوجد ضحك وبعده استغفار) Author: Abobakr Shadad Date: 03-03-2010, 10:33 PM Parent: #19 ما ضحكتنا ياودالصايم : وحسى انا جايب مقطوع الطارى ده من جنب الخور لقيتو ليك حوله شرامه بأسنان حداد وملامح مكفهرررره (كعيون ميدوزا تحجر كل قلب بالضغينة وكأنما نذر تبشر أهل بابل بالحريق ....) المهم لحقتوا ليك فى آخر لحظه..وهى الاخيره لى معاه بلاير أيها الحكيم: نعم : لاخير فيها ان لم تثمر بعضا من الدعم اللوجستى أحيانا ويا مجيد وأنت الذى أتى بعدى ما ضر ابو سنه لو يسدى نصحاغاليا لابو سنتين وود الصايم هو الكود وشيخ الطريقة:علم وشكرا ليك رغيم على المرور والترحيب فهذا كما ترى من بوستات الاستراحة والمرح وهو خارج المعادلات البروتكولية ويصفه البعض بالمخزن الجانبى ويذكرنى بالدفشيات (وهى ابداعات دفع الله والشيخ حينما يجتمعان معا) ويا أسامة خلف الله آمين ياحبيب ولك مثل دعوتك الرائعة انشاء الله والتحية لك ياهبه التيوتر على النصائح الغالية ومنكم نستفيد ونقول د. يوسف كما قال اهلنا معرفة الرجال كنز به نفرح ونتشرف وأختم بشكرى وفرحتى بكم جميعا و لى قدام بتلاقى

---

Post: #21 Title: Re: تغفل من بوستك عشرة دقايق تلقا المتهافتون دفشوه ليك للصفحة الثالثة (يوجد ضحك وبعده استغفار) Author: Abobakr Shadad Date: 03-15-2010, 10:59 PM Parent: #20 لقد تم رفع هذا البوست من مستقره السحيق اتوماتيكيا باستخدام رافعة البوستات الجديدة (بوستلفت) من انتاج انتروود. تخلص وللأبد من اب و فوق والاتصال بصديق .. فقط دعها تعمل بوسلفت تضمن لك الصدارة و الصفحة الاولى و (صدر المحافل ) بوسلفت أيضا تقوم بتنسيق الالوان والخطوط واضافة الروابط وتحمل الفيديو مباشرة من يوتيوب ... وبهذا تتخلص وللأبد من الاحباط المصاحب للبوستات الضاربة ... اغتنيها اليوم ...اتصل الآن ..خصم خاص لمدة محدوده أرفع بوستك ...وريح بالك : وداعا للاحباط من انتروود يوجد لدينا أيضا فلايات وضفارات وأجهزة رجيم وحبال اتصل الآن

---

Post: #22 Title: Re: تغفل من بوستك عشرة دقايق تلقا المتهافتون دفشوه ليك للصفحة الثالثة (يوجد ضحك وبعده استغفار) Author: الفاتح ميرغني Date: 03-16-2010, 08:19 AM Parent: #21 Quote: لقد تم رفع هذا البوست من مستقره السحيق اتوماتيكيا باستخدام رافعة البوستات الجديدة (بوستلفت) من انتاج انتروود. تخلص وللأبد من اب و فوق والاتصال بصديق .. فقط دعها تعمل بوسلفت تضمن لك الصدارة و الصفحة الاولى و (صدر المحافل ) بوسلفت أيضا تقوم بتنسيق الالوان والخطوط واضافة الروابط وتحمل الفيديو مباشرة من يوتيوب ... وبهذا تتخلص وللأبد من الاحباط المصاحب للبوستات الضاربة ... اغتنيها اليوم ...اتصل الآن ..خصم خاص لمدة محدوده أرفع بوستك ...وريح بالك : وداعا للاحباط من انتروود يوجد لدينا أيضا فلايات وضفارات وأجهزة رجيم وحبال اتصل الآن Quote: اتصل الآن وين رقم التلفون؟ بوست رشيق منعش فوار سلام يا دكترة

---

Post: #23 Title: Re: تغفل من بوستك عشرة دقايق تلقا المتهافتون دفشوه ليك للصفحة الثالثة (يوجد ضحك وبعده استغفار) Author: كمال سالم Date: 03-16-2010, 01:19 PM Parent: #22 والمشكله الكبيره هى صبية الإنقاذ المالين المنبر اليومين ديل ( طبعا محرشين ) تلقاهم من صباحة الله شغالين رفع فى بوستات هايفه وفارغه , وده كلو عشان البوستات الجاده تحتل تحت . عايزين لينا تقنيه جديده لرفع البوستات ,, كدى يا ود الصائم إتحرك لينا جاى جاى ,, يمكن يكون فى ريموت بيشتغل وإنت نائم أو سائق .

---

Post: #24 Title: Re: تغفل من بوستك عشرة دقايق تلقا المتهافتون دفشوه ليك للصفحة الثالثة (يوجد ضحك وبعده استغفار) Author: Abobakr Shadad Date: 03-18-2010, 09:30 PM Parent: #23 (تم رفع هذا البوست اتوماتيكيابواسطةرافعة البوستات الجديدة (بوستلفت) من انتاج انتروود) مرحبا يالفاتح وليك واحد جهاز هدية من الشركة المعلنة عشان ناس طوكيو يعرفوا حاجة. .... كمال سالم الجهاز مجرب وبشتغل أثناء النوم والسواقة لكن مرات بركن وممكن يفوتك الارشفة وما أظن تحتاج رموت .. تعرف الهوا كله جاييك من ناس الآى فون ديل ...