Post: #1
Title: كشف ملاك اراضي الجزيرة ... والتعويضات
Author: عبدالله ود البوش
Date: 03-01-2010, 02:34 PM
انا امحمد ود أحمد مابفرز الواو الضكر من الياء المعرجة
وجدي قالوا كان عندو عد اسمو عد ابكر وعندو واطاتا كتير خلاس
لكن الدرب راح لي في الموية
اها يا وليداتي العشم فيكن تمسكوني من يدي لحدي ما اصرف حقي وبديكن البرتيتة
.
.
.
اعلاه طلب عمي أمحمد أحمد كتبتو زي ماهو ...... لمن يعلم يدله على كيفية الحصول على حقوقه
|
Post: #2
Title: Re: كشف ملاك اراضي الجزيرة ... والتعويضات
Author: عبدالله ود البوش
Date: 03-01-2010, 02:40 PM
Parent: #1
عمي امحمد احمد ما براه ناس كتار حقهم بضيع
وبلعت الجماعة ببلعو
ديل اصلوا ماعندهم طمام
هو في تمساح بطنو بطم
|
Post: #3
Title: Re: كشف ملاك اراضي الجزيرة ... والتعويضات
Author: عبدالله ود البوش
Date: 03-01-2010, 05:27 PM
Parent: #2
أسع عمي أمحدأحمد دا اقولوه شنو ؟
اقول ليهو كتبت ليك بوست وبلعتو ؟
كبسور ساهي مافي ؟ ادينا اي كشف فيهو اسم عمي أمحدأحمد دا عشان الحق الصرف
|
Post: #4
Title: Re: كشف ملاك اراضي الجزيرة ... والتعويضات
Author: عبدالله ود البوش
Date: 03-01-2010, 05:36 PM
Parent: #3
أتصل علي عمي أمحد أحمد اسع
قلت ليهو شوف يا عمي الجماعة قالوا لي ات زول انصرافي ساهي
قال لي قت شنو؟ الصرف بكرة ؟ خلاس بشيل خرتايتي وبمشي وبرتيتك تلقاها عن عمتك
اها دا انحل منو كيف .
اللضان تقلت تب ... سمعو قدر حوجتو لكن اخير من عمتي حبوبة غريبة
|
Post: #5
Title: Re: كشف ملاك اراضي الجزيرة ... والتعويضات
Author: خالد عبد الله محمود
Date: 03-01-2010, 05:52 PM
Parent: #4
ود البوش
أنا ما من الجزيرة لكن معرس منهم و المدام أهلها الأيامات دي فرحانين و منتظرين الشرتيت ..
حسب علمي أن هناكـ مكتب في الحصاحيصا يبحث في الكمبيوتر و يحدد لك أن كنت تملك أرض أم لا و مساحتها حسب كشوفات أعدها الإنجليز قبل ما يقنعوا من خيراً في البلد دي و عملية البحث دي تكلفكـ ألفين جنية لا غير ..
عمكـ قول ليهو من بكرة تمشي على الحصاحيصا و قرش ما تخليهو للجماعة ديل
|
Post: #6
Title: Re: كشف ملاك اراضي الجزيرة ... والتعويضات
Author: عبدالله ود البوش
Date: 03-01-2010, 05:54 PM
Parent: #4
عمي امحد احمد خت سرجو المكعوج فوق ضهر حمارتو المدبر والدبرة هي الجرح القديم ياحناكيش
دبرة في وا ( اسد ) قال امسكو همار اكوا
والحمارة نست درب المكتب وحرنت تب ... يا حليل المكتب والصرف كان ورق اخدر جدييييييد وتعاريف
تشم فيهن ريحة صكهن فكانت اياديهم الخشن اول من تلامس عملتنا الوطنية فيكاد شق الكف يغتس حجر
ام قرشين الشويطينة ... الفريني كان نط منك كان سويت ليهو ود اب قرعة قوم ارعى تاني ماتلم فيهو
هكذا عمي امحد احمد كان يحلم زي حلم عمتي حبوبة صلاح غريبة ... هو احلم والحمارة حارنة نست درب المكتب ..... زمان كان الحمار اهنق والحمارة شايعة ... اسع شياع ذاتو مافي ... والحمير خلت الهنيق لبلبة التيوس وزمان نست درب المكتب ... وقت ناس الترعة الاولى يرجعو شايلين البصل والموز ودم اللحم ملخبت مع الرغيف ومافي بطن بطم .. البطن مافيها تقنت .. كلوا بمشي .. صحة وعافية ...
ناس الترع المتاخرة ياداب ماشين ... ها ناس الصرف وين ؟ ... في ترعة الدندر يا داب .. الصرافين منجمين وممحوقين ....
عمي امحداحمد خت خرجو فوق سرجو المكعوج من فوق لي الدبرة الحارة ... عرت ... عرت آ سايبة
|
Post: #7
Title: Re: كشف ملاك اراضي الجزيرة ... والتعويضات
Author: عبدالله ود البوش
Date: 03-01-2010, 06:07 PM
Parent: #6
Quote: ود البوش
أنا ما من الجزيرة لكن معرس منهم و المدام أهلها الأيامات دي فرحانين و منتظرين الشرتيت ..
حسب علمي أن هناكـ مكتب في الحصاحيصا يبحث في الكمبيوتر و يحدد لك أن كنت تملك أرض أم لا و مساحتها حسب كشوفات أعدها الإنجليز قبل ما يقنعوا من خيراً في البلد دي و عملية البحث دي تكلفكـ ألفين جنية لا غير ..
عمكـ قول ليهو من بكرة تمشي على الحصاحيصا و قرش ما تخليهو للجماعة ديل |
الاخ خالد
ياخي شكرا جزيلا علي المعلومة القيمة دي
لكن الالفين دي بالجديد ولا القديم ( تفرق كتير طبعا )
لو بالجديد يعني ألف دولار تقريبا
.
.
ياخي انوبك اجر في عمك امحد احد دا لانو بمشي الحصاحيصا بالحمارة المذكورة اعلاه
تأكد من الرسوم والمكتب وين في الحصاحيصا وبرتيتك اجر كبير خلاس ات ماك مغترب في الرياض
|
|