Post: #1 Title: فنانات من السودان ... 'Perceptions' - Sudanese Women Artists " Author: Khalid Kodi Date: 03-01-2010, 08:05 AM
تجارب تستحق الثناء ....
>
Post: #2 Title: Re: فنانات من السودان ... 'Perceptions' - Sudanese Women Artists " Author: Kostawi Date: 03-01-2010, 08:40 AM Parent: #1
بديييع تجربة جميلة
Post: #3 Title: Re: فنانات من السودان ... 'Perceptions' - Sudanese Women Artists " Author: tmbis Date: 03-01-2010, 09:02 AM Parent: #2
Quote: بديييع تجربة جميلة
.. أرجو ادراج تجربة سلمى العسل .. لمزيد من التجارب ..
Post: #4 Title: Re: فنانات من السودان ... 'Perceptions' - Sudanese Women Artists " Author: احلام وهبي Date: 03-01-2010, 02:57 PM Parent: #3
الخ كودي التحيات التجربة بسيطة لكن ماعارفة هل هي مختصرة ولا الفيلم كده لانو شايفة الفيلم بيستعرض حياة فنانان لكن اختصر تجربتهم زي الفنانة المسرحية الهام بابكر الرشيد وسحر ابراهيم والعازفة على الطبول والرسامة كن ممكن يكون الفيلم اطول من كده لكن مشكور على هذا الفيلم الظربف وايقاعو سريع وجميل احتراماتي
Post: #5 Title: Re: فنانات من السودان ... 'Perceptions' - Sudanese Women Artists " Author: Khalid Kodi Date: 03-02-2010, 05:09 AM Parent: #4
شكرا ياكوستاوى، بالفعل مبدعات..أتمنى لهن مزيدا من النجاح.
تمبس... أعمل حسابك من المبدعين والمبدعات خاصه...
Post: #6 Title: Re: فنانات من السودان ... 'Perceptions' - Sudanese Women Artists " Author: Khalid Kodi Date: 03-02-2010, 05:15 AM Parent: #4
الأخت إحلام وهبى،
تحيه،
فعلا الفيلم الذى وصلنى من الأستاذه "لورا" قصير... ويبدوا انها صورت الكثير من الماده الخام وإختارت هذه المقاطع القصيره... حقيقا لا أعرف من هن الأخوات المبدعات فى الفيلم ، ولكنى أعتقد أنهن فنانات، ومايقمن به عملا عظيم وكما هو واضح فى ظروف غير سهله..
تحياتى، وياريت لو بتعرفى أى منهن أن تكتبى عنها وعن تجربتها هنا...
تحياتى..وأمنياتى لهن بالتوفيق..
Post: #7 Title: Re: فنانات من السودان ... 'Perceptions' - Sudanese Women Artists " Author: tmbis Date: 03-02-2010, 06:53 AM Parent: #6
Quote: تمبس... أعمل حسابك من المبدعين والمبدعات خاصه...
.. يا دافنشي .. والله المبدعات والمبدعين .. بندعمم بي دمنـا .. لما يكون في ابداع حقيقي .. يستحق الدعم .. الجبتهن ديل كلهن والله مبدعات بي حق وحقيقي .. بس مشكلتك بتجيب الابداع زي علب الساردين المغربي .. والسيد كوستاوي .. بجيبو زي علب فول كالفورنيا المدمس بالخلطة المصرية .. اللازم تغسلو حتين تاكلو .. وكان ما غسلتو بيغسلك .. كوستاوي يجيب ليك الفول دا .. وعايز يقنعك إنو باسطـة .. فهمتني .. يا دافنشي ..؟. . والله المبدعات كتيرات كترة في السودان .. الشارع مليان لي حلقومو .. إنت قايل الابداع دا محصور في الغناء .. والمسرح .. والرسم والتشكيل .. والنحت والتصوير ..؟ حظك كويس .. إنت من مواطني الدياسبورا .. عايز اللوان اكليريك ممكن تمد يدك تجيبه من البقالة .. عايز صالة تعرض فوقه .. ممكن كوستاوي يا تراجي يكلمو ليك اوبامـا يفضي ليك صالة حتى في البيت الابيض .. لكن لو بقيت هناك .. كان بطلع بيك مشوار مشوارين .. شان تعرف الابداع الجد جد .. مش زي سلمى العسل بتاعت صاحبك دا .. زول يكون (صوفـن) عديل في الحتة القاعد فيها .. وما ناقش الساعة كم .. يجيب ليك صورة زولة (جبجبت) بيهم في المسرح (ونقطو) ليها بالهارد كرينسي .. ويجي يقوليك غنت في مسرح منو كدا ما عارف .. لمن الخواجات قعدو يبكو .. والله .. في زولة سمعتهات بتغني .. أغنية ( اتغابى فينا العرفة) .. تدي ليك كوستاوي دا .. والعسل بتاعتو دي خمسة صفر .. إنت ذاتك تديك مية صفر..
بلاي أنظر لهؤلاء ..؟!
Post: #8 Title: Re: فنانات من السودان ... 'Perceptions' - Sudanese Women Artists " Author: Khalid Kodi Date: 03-03-2010, 03:11 AM Parent: #7
تمبس احسن ليك بطل الفلسفه..
أنا عاجلا أم آجلا حاألاقى تلفون الرفيقه...وراسمالك "مفراكه" سيرياليه... وبرضو أحسن ليك أبعد من كوستاوى...ممكن "يقطع منك المويه" ... وأنت لاتريد هذا فى هذا الوقت . ..
مع تحياتى وأمنياتى بالتوفيق لكل الفنانين والفنانات و من طرف أيا كان!!! شايف كيف؟
فيلا بطل تنظير فى البوست ... عندك فنانات خلينا نشوف ، ونحكم برانا !
Post: #9 Title: Re: فنانات من السودان ... 'Perceptions' - Sudanese Women Artists " Author: tmbis Date: 03-03-2010, 07:17 AM Parent: #8
Quote: فيلا بطل تنظير فى البوست ... عندك فنانات خلينا نشوف ، ونحكم برانا !
والله يا دافنشي خذلتني الكاميرا .. كاميرا الفيديو ما شلتها .. والكاميرا الفوتوغرافية .. نسيته .. إنت عايزني اصور ليك بي كاميرا بتشتغل بي فيلم والكرت يجيك طالع من تحت تقوم تنفضو شان ينشف ويتحمض .. قايلني كوستاوي إنت ..؟ تعرف يا دافنشي .. إنتو حاصرين الابداع في زاوية واحده .. واغلب ابداعكم البتنقطونا بيهو دا .. لشخصيات نسائية وعاملين لي فيها نصيرين مرأة ونصيرين شمت وبتاع .. معظم المبدعات مع احترامي ليهن .. بتربطكم بيهن علاقات .. صحوبيه .. صاحبة صحوبية .. إلخ .. الفنانه المبدعة فلانه الفرتكانية .. الرسامة المبدعة .. فلانه الفلانية تفتتح معرضها في قاعة شنو كدا ما عارف .. بي واشنطون الكبرى .. النحاته العظيمة تعمل شنو كدا ما عارف جمب برج ايفيل .. الليلة في بيت الفنون الفنانه المسرحية فلانه الفرتكانية .. إلخ الليلة سلمى العسل آخر حفلاته تعالو بدري .. يوم واحد ما شفت لي مبدعة مغمورة من الشارع .. من السوق الشعبي تحت الشمس الحارة بتجضم اشهى لقيمات في الدنيا بي تكنيك عالي جدا .. أو بتاعت كسرة تحت راكوبة حصير تاكل عندها اطعم كسرة في الكون .. يا بتاعت عصيدة دخن وملاح نعيمية هناك في بحري جمب القضائية الدنيا والعالمين متلميين فيها الغني والفقير .. المثقف والبسيط .. المطنقع زيكم كدا والفيلسوف الزيي ..ديل مبدعات في الصنعة برضو هو الابداع دا يا لازم تمثل يا تنحت يا تعزف كلاسيك جيتار ..؟ بتاعت طواقي في نص سوق امدرمان بتلعب بي اصابعينه مع الخيط زي أمهر عازفة بيانو ممكن تكون حضرت ليها كونشيرتو في حلتكم القاعدين فيها دي .. بتاعت (دكـوة) وفول حاجات .. مبتكرة حتى في تحميص الفول حقها وتضرب ليك سلطة دكوة بي طماطم بي كسرة بايته زي الكأنك اكلت ليك خنزير محشي برضو في بلدكم داك .. عند الخواجات طبعا عينا دي شفنا بيها العجب والله يا دافنشي والحمد لي الله .. طبعا ح تجي تاني تشبكني جيب لينا نماذج .. قلنا ليك الكاميرا نسيناها .. اقوليك حاجة .. انا كاميرا ذاتو ما عندي .. رسل لي كاميرا بت ناس من عندك يوم واحد اعمل ليك حاجة كويسة للبشرية تستفيد منها .. بدل ترسل اسلحة دمار شامل للرفيقات .. بعدين كوستاوي دا يا دافنشي .. ناشف من يومو .. موية شنو اليقطعه .. والله تمصرو ما تطلع منو فتيل ريحه مية ملليتر
عاين .. كلامي دا ما نسف لي فكرة المبدعات الفوق ديل سبق وثبت ليهن حقهم ..
Post: #10 Title: Re: فنانات من السودان ... 'Perceptions' - Sudanese Women Artists " Author: tmbis Date: 03-06-2010, 07:29 AM Parent: #9
اين بقية المبدعات يا كودي ..؟ عشان قلنا ليك عايزين كاميرا عملت رايح ؟ غايتو عليك جنس جلدنه ..
Post: #11 Title: Re: فنانات من السودان ... 'Perceptions' - Sudanese Women Artists " Author: وليد محمد المبارك Date: 03-06-2010, 07:55 AM Parent: #10
جميل يا فيل
حقيقي جميل
_____________
Quote: وبرضو أحسن ليك أبعد من كوستاوى...ممكن "يقطع منك المويه" ... وأنت لاتريد هذا فى هذا الوقت . ..
