Post: #1
Title: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 04:27 AM
شاهدت الجزء الاخير من الشوط الثانى وضربات الجزاء الترجيحية لمباراة الامل و اتراكو بعطبرة.
لا اريد أن اعلق على الاحداث الرياضية لهذه المباراة ولكن لفت نظرى بشدة اصوات كيزان عطبرة وهمم يجلسومن طبعا بجوار المذيع و يرددون عقب فوز الامل تكبير : الله اكبر تهليل لا اله الا الله.
اصبت بالقرف فلا يمكن أن يكون جلوس هذه المجموعة من اللاخوان بعطبرة بجوار الميكرفون صدفة.
استغلال بشع للأحداث الرياضية لم نشهده قبل الآن.
الجماهير كانت تحتفل على طريقتها المعروفة ولم تهلل و تكبر خلف هؤلاء المؤجورين.
تخريمة
المذيع كان فريد من نوعه اخطاء لا حصر لها وعجز عن المتابعة وفى نفس الوقت الاكثار من غمس الدين فى الرياضة.
|
Post: #2
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 05:01 AM
Parent: #1
كشخص عاش فى عطبرة و عرفها
ألمنى محاولة الكيزان لستخدام منبر التلفزيون لأظهار المدينة و كأنها معقل لهم وهى بعيدة عن ذلك كل البعد.
عمل بائس ودعاية انتخابية رخيصة
|
Post: #3
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 05:16 AM
Parent: #2
المباراة كانت منقولة على الفضائية السودانية على الهواء مباشرة هذه القناة التى تدفع ميزانيتها من الجبايات و من عرق ودم الناس اثبتت انها لايمكن أن تكون محايدة حتى و فى زم الانتخابات
بنحلم مش؟
|
Post: #4
Title: Re: تكبير و تهلليل واستغلال مقرف لفوز الامل بعطبرة
Author: ebrahim_ali
Date: 03-01-2010, 07:44 AM
Parent: #3
مبرووووك للأمل الصعود لدور 32
ومبرووووووك لأهالي عطبرة الأفذاذ هذا الفوز المستحق
ومبرووووووووووك عودة الوعي الديني لمدرجات الرياضة بغض النظر عن اي ميول سياسية
ويكفي عطبرة معلمة المدن معني الكفاح والنضال ولكن يعود اليوم في ثوبه القشيب متدثراً ثوب الكبرياء والعزة والشموخ والنصر للوطن العزيز
الله اكبر ولا نامت أعين الجبناء
|
Post: #5
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 09:07 AM
Parent: #4
| Quote: الله اكبر ولا نامت أعين الجبناء |
ابراهيم على
اى جبناء تقصد؟
وماذا تعنى بعودة الوعى الدينى للمدرجات؟
هل كانت اصلا المدرجات مليئة بذوى اللحى من الكيزان وغيرهم ثم اختفوا وعادو مع الانقاذ؟
المدرجات لم تعرف ابدا يوما غير كرة القدم بغض النظر عن الدين و الجهة
الآن يريد الكيزان ان يستغلوا كرة القدم بعد ان كانو بعيدين عنها و يعتبرونها من اللهو الذى يصرف عن العبادة
او تحسبنا يا ابراهيم على لم نحضر تلك hbيام او ليس لنا ذاكرة
كفى استهبالا
|
Post: #6
Title: Re: تكبير و تهلليل واستغلال مقرف لفوز الامل بعطبرة
Author: abdulhalim altilib
Date: 03-01-2010, 10:38 AM
Parent: #5
أخي العزيز / هشام
تحياتي ،
تابعت المباراة من بدايتها ، وسعدت
جداً بفوز الأمل .. ذلك الفوز الذي جاء
بعد ولادة متعسرة تجاوزت الأربعة عشر
ضربة من ضربات الجزاء ، بعد انتهاء
الزمن الرسمي بفوز الأمل بهدفين نظفين
جعلاه متعادلاً مع خصمه وبالتالي ارتكنوا
لضربات الجزاء الترجيحية ، والتي كنا
خلالها عايشين على أعصابنا خوفاً من خروج
الأمل .. خاصةً بعدما أضاعوا أكثر من 3
أهداف مضمونة ، كانت كفيلة بأن تجعلهم
ينهون المباراة بفوز تاريخي وبعدد وافر من الأهداف ،
لكن التسرع والشفقة جعلتهم يرهنون
مصيرهم بتلك الصورة والتي جعلتنا كل مرة
نفقد الأمل في صعودهم للمرحلة التالية (32) .
بعدين .. حارس مرمى الأمل كان طوال ضربات الجزاء
فقط ينطط ويتحرك يمين وشمال بين القائمين ولم
يفلح إلا مرة واحدة فقط في صد الركلة التي
قفزت بهم لدوري ال 32 .. وتعجبت كثيراً كيف أنه
وفي عدة مرات كان يلمس الكرة بيده أو رجله
ورغم ذلك تدخل المرمى ولا يستطيع صدها للخارج
بل يساعدها في الولوج لمرماه ؟!
أحياناً كثيرة كنت أحدث نفسي وأقول لو أن
هذا الحارس فقط وقف في مكانه ثابتاً لجاءته الكرة
وارتطمت به ورجعت لداخل الملعب ، ولم نكن لنصل
لما مجموعه 14 ضربة جزاء ؟!
وكأنه اليوم العالمي لركلات الترجيح ؟؟!
ألف مبروك لفريق الأمل ولناس عطبرة وللسودان كله
ونرجو أن يوفق الله الكوتش محمد الطيب ، والذي
كان يدرب هنا في الرياض (دوري الصالحية) وأن
ينجحوا في قادم الأيام .. لأن الغريق لسه قدام !
تخريمة : تلك الهتافات لم ألتفت لها كثيراً
لكن الزعلني إقترابهم من أمام عدسة الكاميرا
وكنا لا نرى سوى ضباب صورة فقط ؟! ليتهم
تحركوا بحناجرهم بعيداً عن المايك والعدسة
وخلونا نشوف الكورة بي مزاج رائق وأعصاب
هادئة ؟!
مودتي ،
( ليمو )
|
Post: #7
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 10:59 AM
Parent: #6
شكرا يا ليمو
الهتافات والافعال كلها كانت عبارة عن فوضى مطلقة
معك اقول للامل و اهل عطبرة الف مبروك مرة اخرى ولو عايزين تمشوا فى البطولة دى ابعدو الكيزان الكج منكم
|
Post: #8
Title: Re: تكبير و تهلليل واستغلال مقرف لفوز الامل بعطبرة
Author: علاء الدين يوسف علي محمد
Date: 03-01-2010, 11:04 AM
Parent: #7
Quote: تكبير : الله اكبر تهليل لا اله الا الله.
اصبت بالقرف |
باللهِ ذّكر إسم الله و التهليل به و التكبير له
أصبح قرفاً تشمئز مِنه!!!!!!!!؟
|
Post: #9
Title: Re: تكبير و تهلليل واستغلال مقرف لفوز الامل بعطبرة
Author: بشير أحمد
Date: 03-01-2010, 11:15 AM
Parent: #8
ياهشام ياخوي انت طولت من البلد ولاّشنو؟
ياخوي الناس افكارها تغيرت ؛لو فرقع كفر عربية ساي
في الشارع الواحد يقول الله اكبر ؛
الناس ديل دايرهم يحتفلوا كيف يعني يصفقوا ؟
ولاّ يملو الدنيا صفافير .
مبروك للامل عطبرة
تكبيير
تهليل .
ياحليكم ياهشام ياخوي.
_______________________
تحياتي للعيال.
|
Post: #10
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 11:29 AM
Parent: #9
يا علاء الدين
سلام
Quote: باللهِ ذّكر إسم الله و التهليل به و التكبير له
أصبح قرفاً تشمئز مِنه!!!!!!!!؟ |
انت بصحك؟
ولا عايز تشطر على؟
انت عارف تكبير تهليل هو هتاف حزبى
زى الله اكبر ولله الحمد
للاسف الهتاف هنا ليس لله و انما للانتخابات و امور الدنيا الزائلة
|
Post: #11
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 11:33 AM
Parent: #10
بشير احمد
شكرا للايضاح
لكن للاسف ما ناجح
تكبيير
تهليل .
تظل هتاف الكيزان
كما يظل
الله اكبر ولله الحمد هتاف حزب الامة
سيطرة هذه اللغة يا بشير لا تعنى شيئا و سوف تذهب بذهاب اصحابها ولا شئ دائم فى هذه الدنيا غير وجه الله
|
Post: #12
Title: Re: تكبير و تهلليل واستغلال مقرف لفوز الامل بعطبرة
Author: بدر الدين اسحاق احمد
Date: 03-01-2010, 11:34 AM
Parent: #5
الزول يفرح ويحتفل بما يشاء كيفما يشاء ..
اعتراضــك على ترديد التهليل والتكبير ( غير مبــرر )
| Quote: يرددون عقب فوز الامل تكبير : الله اكبر تهليل لا اله الا الله. |
|
Post: #13
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 11:41 AM
Parent: #12
بدر الدين اسحق
سلام
| Quote: اعتراضــك على ترديد التهليل والتكبير ( غير مبــرر ) |
الغير مبرر هو الصراخ بهتاف حزبى معروف ليسمعه الجميع عبر التلفزيون و كأن الامل و عطبرة هى ملك لكم
عارف يا بدر الدين مشكلتكم انكم اصبحتوا مكشوفين اكتر من اللازم
|
Post: #14
Title: Re: تكبير و تهلليل واستغلال مقرف لفوز الامل بعطبرة
Author: نيازي عبدالله مرحوم احمد
Date: 03-01-2010, 11:45 AM
Parent: #13
انها مجرد انفعالات ومهما حاول الناس خلط السياسه بالرياضه فلن ينجح الامر
يارب يارب يارب ايضا كانت من ضمن الهتافات
وتسلم ياهشام
سؤال بسيط
المره دي مافي صور من اي حته كده لانو بالجد عندك صور بهجه
|
Post: #16
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 11:52 AM
Parent: #14
| Quote: انها مجرد انفعالات ومهما حاول الناس خلط السياسه بالرياضه فلن ينجح الامر |
شكرا نيازى وليتهم يعلمون
الكاميرا موجودة و الصور فى
بس
حسع الواحد نادر ما يتذكر الحاجات السمحة فى ظل القرف الماشى ده
لكن ليك على تشوف قريب صور حلوة
|
Post: #15
Title: Re: تكبير و تهلليل واستغلال مقرف لفوز الامل بعطبرة
Author: Hashim Taha
Date: 03-01-2010, 11:50 AM
Parent: #12
Quote: ونرجو أن يوفق الله الكوتش محمد الطيب ، والذي
كان يدرب هنا في الرياض (دوري الصالحية) |
لمراجعة معلوماتك .. الكوتش محمد الطيب أسس فريق الشهيد بالرابطة الرياضية للسودانيين بالخارج .. و عمل بها قبل أن ينتقل للأحساء مدربا لفريق الحمادة ثم عاد للرياض للرابطة الرياضية للسودانيين بالخارج ... و لم يكن له أي نشاط برابطة الصالحية حتى غادر الرياض.
الله أكبر ... الله أكبر ..ز الله أكبر و لا اله الا الله
هذا التكبير و هذا التهليل أصبح مقرفاً و مؤذيا .. سبحان الله !!!
الحمد لله الذي رسخ جهود التأصيل في بلادي.. الحمد لله
|
Post: #17
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 11:58 AM
Parent: #15
Quote: الله أكبر ... الله أكبر ..ز الله أكبر و لا اله الا الله
هذا التكبير و هذا التهليل أصبح مقرفاً و مؤذيا .. سبحان الله !!!
الحمد لله الذي رسخ جهود التأصيل في بلادي.. الحمد لله |
يا هاشم
سلام
وكأنك لا تقرأ
ارجع لأعلاه لتعرف ان ماذكرته هى هتافات حزبية تخص الدنيا و ترفها الزائف
هل الكيزان الآن من زهاد الناس ؟
المشكلة انو هذا الحزب انكشف و تعرى تماما بعد 30 يونيو 1989م
الذى يعلو فى السودان الآن ليس بجهود التأصيل وانما صوت المأكلة
البيوت القصور و العربات الفارهة المظللة و كنز الاموال بالمليارات
للناس عقول يا هاشم
|
Post: #18
Title: Re: تكبير و تهلليل واستغلال مقرف لفوز الامل بعطبرة
Author: عصام دهب
Date: 03-01-2010, 12:13 PM
Parent: #17
| Quote: ان ماذكرته هى هتافات حزبية تخص الدنيا و ترفها الزائف |
إحتمال يا باشمهندس الناس ديل يكونوا ما كيزان .. و يمكن الله أكبر الزعلتك دي تكون الله أكبر القديمة دييك .. !! الما حقت الكيزان .. عشان كدة حقو تستغفر و تنسى الموضوع دة .. عشان مافي زول يقول ليك الفيك أتعرفت ..
|
Post: #19
Title: Re: تكبير و تهلليل واستغلال مقرف لفوز الامل بعطبرة
Author: Rawia
Date: 03-01-2010, 12:36 PM
Parent: #18
لاحولة ياهشام طه
فاضين ليك؟؟
فاضين ليك الكيزان ولي موضوعك دا عشان تخليهم كلهم ينفضوا الفي إيدهم ويجوا ؟
الاولوية هي الانتخابات
علاء الدين دا شغال تونتي فور سيفن في بوستات الانتحابات تجي تخليهو يضطر يدخل بوست كورة والبلاد تمر بمنعطف خطير
علاء معليش أزعجناك شوف شغلك والتفت للاهم
____________
عندي إقتراح..
تمشي تتوضى وتجيب سبحة ومصلاية وتحرس البوست
وأي زول يجي داخل إنت طوالي تنطق بالشهادتين وتأكد إنك موحد ومؤمن بالله وكتبه ورسله واليوم الاخر
|
Post: #20
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 02:12 PM
Parent: #19
Quote: فاضين ليك الكيزان ولي موضوعك دا عشان تخليهم كلهم ينفضوا الفي إيدهم ويجوا ؟
الاولوية هي الانتخابات
علاء الدين دا شغال تونتي فور سيفن في بوستات الانتحابات تجي تخليهو يضطر يدخل بوست كورة والبلاد تمر بمنعطف خطير
علاء معليش أزعجناك شوف شغلك والتفت للاهم |
'
لكن ياراوية دقستى
الجماعة اتلمو كلهم هنا عشان البوست ده بيكتب عن محاولة استغلال الكورة و الرياضة فى الدعاية الانتخابية
لو كان بوست كورة ما كان هببو لى
لكن عشان بوست بيكشف محاولتهم الدائمة لاستغلال الرياضة و جمهور الرباضة فى العمل الدعائى الانتخابى
القصة دى عندهم توجيه بيها
ما الرئيس بداها من استاد الهلال
وسواها واضحة فى ام بدة وكوبر
|
Post: #21
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 02:17 PM
Parent: #20
عصام دهب
تصدق انا ما خايف من زول يجى يقول لى الفيك اتعرفت لأنو الفينى معروفة
المصيبة انو الفيهم هم معروفة لكل الشعب السودانى
كفاية النكتة المعروفة
" الجماعة ديل جو دخلونا الجامع و دخلو هم السوق"
|
Post: #22
Title: Re: تكبير و تهلليل واستغلال مقرف لفوز الامل بعطبرة
Author: ebrahim_ali
Date: 03-01-2010, 02:24 PM
Parent: #20
Quote: او تحسبنا يا ابراهيم على لم نحضر تلك hbيام او ليس لنا ذاكرة
كفى استهبالا |
يا زول خت الرحمن في قلبك ذاكرة شنو وأيام شنو واستهبال شنو البتتكلم عنو
انتي شكلك عايش في الوهم القديم البلد اتغيرت والناس اتغيرت والانقاذ ما قصرت دخلت ثقافة جديدة بدل التصفيق بعد انتهاء خطاب بتكبير وعند الاجتماعات انتهي عهد السيجار والعصاير يوزع البلح والفول السوداني (نظام قزقزة وكدا) فالحصل كبير كبير كبير وما اعتقد عشرين سنة في الحكم ما تأثر على الشعب السوداني اصبحت ثقافة التكبير والتهليل عادي جدا وشنو يعني لمن زول يكبر ويهلل في موقف ذي دا
وزي ما قالو ليك الجماعة الفوق انك طولت من السودان
|
Post: #23
Title: Re: تكبير و تهلليل واستغلال مقرف لفوز الامل بعطبرة
Author: abdulhalim altilib
Date: 03-01-2010, 02:27 PM
Parent: #20
أخي / هاشم طه
تحياتي
| Quote: لمراجعة معلوماتك .. الكوتش محمد الطيب أسس فريق الشهيد بالرابطة الرياضية للسودانيين بالخارج .. و عمل بها قبل أن ينتقل للأحساء مدربا لفريق الحمادة ثم عاد للرياض للرابطة الرياضية للسودانيين بالخارج ... و لم يكن له أي نشاط برابطة الصالحية حتى غادر الرياض. |
شكراً على تصحيح المعلومة . فلقد
كنت أعرف أنه كان هنا في الرياض
وعندما ظهرت صورته على الشاشة تحدثت
مع أحد الاخوان ممن كان بجواري ونحن نشاهد
المباراة وقلت له ألم يكن هذا الكوتش معنا هنا
في الرياض ؟ لأنني كنت أشاهده كثيراً فقال لي نعم هو
نفسه ، وكان لديه فريق من فرق الصالحية ، ويبدو أنه
اختلط عليه الأمر (ما بين صالحية الريس عبدالمنعم
والرابطة الرياضية للدكتور كرار التهامي) ، وهذا
ما حدا بي لذكرها هنا . وشكراً مرة أخرى على هذا
التصويب ، وهذه المعلومات عن الكوتش ود الطيب ..
ورغم أنني لاعب متقاعد(إن جاز التعبير) ، ولعبت
سابقاً في فريق كوبر ، إلا أنني كنت قليل الحضور
لمشاهدة مباريات الصالحية أو الرابطة الرياضية
(خنشليلة والجرادية والصانع والعود.. الخ) وذلك لظروف العمل .
وندعو الله أن يوفقه وهو يقود فريق الأمل حتى يصل
به لنهائيات البطولة والظفر بالكأس ..
وهذا مطمح آمالنا ، ومنتهى رجاءنا للأمل عطبرة .
مودتي ،
( ليمو )
|
Post: #24
Title: Re: تكبير و تهلليل واستغلال مقرف لفوز الامل بعطبرة
Author: هشام المجمر
Date: 03-01-2010, 02:38 PM
Parent: #23
ابراهيم على
سلام
ملايين من السودانيين من يستخدمون عبارات مختلفة عند الفرح خاصة فى مجال الرياضة
| Quote: وشنو يعني لمن زول يكبر ويهلل في موقف ذي دا |
المشكلة ما فى التهليل
فهم بيهللو و بيعملوا فى البعملو فيهو
المشكلة فى انو المجموعة اختارت مكان ما يجلس المذيع
و كأنها تريد أن تنسب نصر الامل للمؤتمر الوطنى
بالمناسبة المجموعة صوتها عالى ولكنها كانت محدودة
السائد كان صوت فرحة الجماهير العادية
للمرة الالف : تهليل وتكبير ده هتاف الكيزان لحكومتهم وليس له علاقة بجماهير الشعب السودانى
لو كان ده هتاف الشعب السودانى كان ما عندكم مشكلة
اقعدوا فى بيوتكم ومافى داعى للدعاية و العمل الانتخابى
مافى داعى لصرف عشرات المليارات
لموا مالكم عليكم... حتفوزوا و انتو نايمين فى سرايركم
|
|