Post: #1
Title: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: عمر الفاروق
Date: 03-01-2010, 04:16 AM
في كورة امبارح بين الأمل العطبراوي وأتراكو الرواندي وصلت المباراة لركلات الترجيح بعد فوز الأمل 2-صفر وهي نفس النتيجة الخسر بيها ولحدي هنا الكلام كويس..
المباراة كانت منقولة بصوت محمد فضل الله (ياهو إسمو؟) والراجل شغال يكورك ويبرطم كعادة معظم المعلقين السودانيين شي دارجي وشي فصحى وشي وشويات واغلاط في المخارج اتعودنا عليها وده كللللللو ما مشكلة ..
الكارثة كانت اثناء تنفيذ الضربات الترجيحية وبعد ما وصلت لي الضربة التاسعة تقريباً واتحفنا كبير المعلقين في السودان بي معلومة غريبة وقال إنو إذا وصلت الى الضربة الحداشر واتعادل الفريقين فسينفذ الضربات التالية لاعبو الإحتياطي في الفريقين !!!!!
صراحة ما عارف هل هو قانون جديد أم هو قانون قديم غير مفعل وقلنا فوق كل ذي علم عليم وقلت امكن الزول جادي ومتابع لتعديلات الفيفا ومشيتا ليهو في انتظار الضربة الحداشر وكلنا بيعرف إنو الحكم حا يخلي اللاعبين يعيدو تسديد الضربات وقد كان لا احتياطي لا يحزنون!!
الكارثة الأكبر إنو معلقنا قدس الله سره جانا بي إفتاء جديد تاني يؤكد إنو الزول ده مشجع دوافير الحلة فبعد ما وصلت الضربات لي 13 ضربة قال إنو بعد ده حا تكون ضربة بي ضربة ولمن جا لاعب اتراكو للضربة رقم 13 زولنا قال ياااارب اللاعب يضييع دي ولاعب الامل يجيبا عشان نتأهل !!!
اها لمن اللاعب ضييعا زولنا انتظر لاعب الامل يجي عشان يجيبا ونتأهل لكن اتخلع لمن شاف لاعبين الامل جرو على الحارس والجمهور البسيييط ده اقتحم الملعب ووقتها بس فهم إنو الأمل تأهل والبيضييع معناها الكورة إنتهت ..
ياخ دي فضييييحة ما بعدها فضييحة والله ..
ده كلو كووم وطنقعتنا لمن هلال مريخ يسافروا برة والصحفيين بتوعنا يجو يكتبو ليك المباراة كانت في ملعب سئ!!!!!
ما حصل شوفت لي ملعب في افريقيا اسوأ من ملاعبنا السودانية خصوصا ملعب امبارح ده وإن حاول العطبراويين تخطيطه وشخبطته وكأن جمال الملعب في حش النجيلة اشكال اشكال وهو كلو حفر لا المهاجم ولا الحارس بيقدر يسيطر على كورتو!!!
نرجع للأهم في الموضوع والثناء على الأمل العطبراوي اللي لعب مباراة أفضل مليون مرة من مباراة المريخ وقدم اللاعبين مستوى رفيع في الجانب المهاري وخزلهم سوء ارضية الملعب..
ويبقا السؤال ليييي الأمل العطبراوي مثلاً لا ينافس الهلال والمريخ في الدوري الممتاز ويطارد ولو بفارق قليل من النقاط .. أمل امبارح ده مفروض يكون بيفوز في كل مباريات الممتاز لكنها ثقافة اللاعب السوداني !!!!!
تخريمة :
المعلق قال الكورة 2- صفر دون مقابل لأتراكو !!!
|
Post: #2
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: Ameer Elfatih
Date: 03-01-2010, 04:29 AM
Parent: #1
| Quote: اها لمن اللاعب ضييعا زولنا انتظر لاعب الامل يجي عشان يجيبا ونتأهل لكن اتخلع لمن شاف لاعبين الامل جرو على الحارس والجمهور البسيييط ده اقتحم الملعب |
|
Post: #3
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: عمر الفاروق
Date: 03-01-2010, 04:35 AM
Parent: #2
عارف يا أمير قصتو دي زي شنو؟
زي الزول الكيشة البيكون بيلعب معاكم حريق وتقوم ترمي ليهو كرت يقوم يشيلو عشان ينزل ويبدا يغطي في الأغطية يمين وشمال وفجأة كده يقول ليك :
هيي انا فتحتا .. 
المعلق امباح قال :
هيييي نحن إتأهلنا
|
Post: #4
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: Omar Bob
Date: 03-01-2010, 04:56 AM
Parent: #3
سلامات يا عمر الفاروق
تعرف وانا بسمع في المذيع امس وبردد في نفس كلامك ده يا ربي القوانين اتغيرت ولا بطولة الكونفدراليه دي عندها قوانين بديله؟
المشكله انو لمن عرف غلطوا في موضوع الاحتياطي باليسدد ضربات الجزاء مشي الموضوع عادي ... لا اعتذار لا تصحيح معلومه لا اي حاجه
فيما يخص المباره انا شفت الشوط التاني الامل كما قلت ادي مباره كبيره وكان يجب ان يحسم النتيجه باكثر من ثلاث اهداف ولم يكن محتاج اصلا انو يصل لضربات الجزاء
الكلام ده فقط فيما رايته في الشوط التاني .. لكن انا بعزي الموضوع لقله الخبره اكثر من سوء الملعب (رغم اتفاقي انو الملعب اسواء من السوء) لانو ناس الامل متعوديين عليهو
|
Post: #9
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: إدريس محمد إبراهيم
Date: 03-01-2010, 05:06 AM
Parent: #4
الأخ / عمر الفاروق ..
تحية واحتراماً ...
| Quote: المشكله انو لمن عرف غلطوا في موضوع الاحتياطي باليسدد ضربات الجزاء مشي الموضوع عادي ... لا اعتذار لا تصحيح معلومه لا اي حاجه |
الأخ / عمر بوب ...
تحية التقدير والمودة ...
ليس دفاعاً عن المعلق، ولكن إحقاقاً للحق فقد قام المعلق بتصحيح هذه المعلومة مقراً بذلك بأنه قد أخطأ .. وقد سمعت ذلك منه بوضوح ، أقول ذلك حتى نكون منصفين في انتقادنا .. والله من وراء القصد ...
مع خالص تحياتي وتقديري ؛؛
|
Post: #5
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: محمد عبد الماجد الصايم
Date: 03-01-2010, 04:57 AM
Parent: #3
صدّق أنا أسمع كلامو دا وأضحكـ .. الغريبة ناس تكبير وتهليل ديل!
بعدين شلبي دا شلّ أفكارنا ياخ!
دا حارس شنو المرض دا!
تهليييييييييل
|
Post: #11
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: عبدالله السفاح
Date: 03-01-2010, 05:12 AM
Parent: #5
مبرووووووك للأمل التاهل
وحقيقة ظهور مخجل لمعلقنا
حتى صوت شراب الموية وقرطعتها ظاااااهر
|
Post: #6
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: سامى عبد الوهاب مكى
Date: 03-01-2010, 05:00 AM
Parent: #3
أي واحد يقرأ كلامك دا يقول أستاد الهلال (ملعب الإمارات)
بالمناسبة يا شباب عمر دا هلالابي ماتشوفوا فصاحتوا في أستادات الناس تقولوا مريخابي
|
Post: #7
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: نيازي مصطفى
Date: 03-01-2010, 05:02 AM
Parent: #3
والله الامل عطبرة ده بقليل من الاهتمام ما يسأل لا في هلال ولا حتى المريخ ..
لكن حكاية شعارات دجل المؤتمر الوطني بعد المباراة دي شنو ..
الف مبروك للسودان واهل عطبرة واتمنى على اثر
تأهل الامل ان يهتم اتحادها واتحاد السودان العام بتأهيل استاد عطبرة
الفاروق ان شاء الله نحضر حفلة حمودتك بحمد الريح
|
Post: #8
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: هشام المجمر
Date: 03-01-2010, 05:06 AM
Parent: #7
تكبير و تهلليل واستغلال مقرف لفوز الامل بعطبرة
محن والله
شئ مؤسف
لكن لابد من ان نقول مبروك للأمل والى الجحيم كيزان عطبرة
|
Post: #10
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: نيازي مصطفى
Date: 03-01-2010, 05:10 AM
Parent: #8
نسيت اقول .. معلقك الوهم دا قال حارس اتراكو ذكرنا حراسنا العمالقة بريمة والهادي سليم
|
Post: #12
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: عبدالله كع
Date: 03-01-2010, 05:29 AM
Parent: #10
| Quote: ولمن جا لاعب اتراكو للضربة رقم 13 زولنا قال ياااارب اللاعب يضييع دي ولاعب الامل يجيبا عشان نتأهل !!! |
لا نفقه شي !! ومعلق بايخ
بس - براحه براحه يا فاروق علي الامل علشان ما يدفق
|
Post: #14
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: عبدالرحيم أبراهيم العبيد
Date: 03-01-2010, 05:36 AM
Parent: #10
الاخ/هشام
التحايا
في البدايه نبارك للامل عطبره التأهل
يا حليل أيام زمان
الناس توزع ليك الملعب بالمربعات
وخبراء في قوانين كرة القدم
كورسات وتأهيل المعلقين
الله يجازي الكان السبب
ودمتم بالف خير وعافيه
|
Post: #13
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: Al Sunda
Date: 03-01-2010, 05:29 AM
Parent: #7
عمر الفاروق
ايه رايك تجيب مهاجم الأمل اللي اسمه داود للهلال
الزول دا ضيع زي 5 أهداف
لكن بيصل للمرمي بسرعة شديدة وبسهولة عجيبة
الزول دا لو عنده شوية حظ
كان .............
مبروك للامل
|
Post: #16
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: الصادق صديق سلمان
Date: 03-01-2010, 05:55 AM
Parent: #13
عمر الفاروق
لك التحية
الأمل لعب مباراة ولا في الأحلام واثلج صدري وأفرحني بشدة كما أفرح كل السودانيين.
الأمل يرجى منه الكثير جداً إنشاء الله في هذه البطولة, فقط الاستقرار هو المطلوب
الآن في خبر عن استقالة مدرب نادي الأمل محمد الطيب,
انا اعتقد أن هذا المدرب من احسن المدربين الوطنيين لو لم يكن
أكفأهم واعتقد أنه جدير بتدريب الفريق القومي السوداني (ولا رايك شنو يا عمر).
الصادق
|
Post: #15
Title: Re: معلق مباراة الأمل وأتراكو فضيحة والملعب فضيحة بينما الأمل كان الأمل ..مبرووك!!
Author: السيد أحمد إبراهيم
Date: 03-01-2010, 05:41 AM
Parent: #1
| Quote: قال ياااارب اللاعب يضييع دي ولاعب الامل يجيبا عشان نتأهل !!! |
هو ياريت لو قالها كده . . ده قال
إذا لاعب أتراكو ضيع الكورة دي لازم لاعب الأمل يجيب قون ( حتين ) نتأهل
وأردفها بقوله لازم نتكلم بالدراجي عشان نوضح أو كما قال
غايتو لو ناس التلفزيون ديل عندهم ( مهنية ) الزول ده ما أظن نسمع صوته تاني
|
|