Post: #1
Title: عطبرة تحدَث عن رجال كالأسود الضارية
Author: عبدالعزيز الفاضلابى
Date: 02-28-2010, 08:46 PM
Parent: #0
برجع ليكم بعد ما أفيق من النشوة
مبروك لعطبرة ,, مبروك للسودان
|
Post: #2
Title: Re: عطبرة تحدَث عن رجال كالأسود الضارية
Author: motaz
Date: 02-28-2010, 08:51 PM
Parent: #1
قصة تصدي الحارس شلبي للترجيحية الأخيرة
مبروك للأمل
مبروك للسودان
مبروك لعطبرة
ومزيدا من الانتصارات
|
Post: #3
Title: Re: عطبرة تحدَث عن رجال كالأسود الضارية
Author: احلام وهبي
Date: 02-28-2010, 09:59 PM
Parent: #2
مبروك للامل
مبروك عطبرة الجميلة
|
Post: #5
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 02-28-2010, 11:24 PM
Parent: #3
الأعزاء
احلام
معتز
الف مليون مبروك لينا ولعطبرة الجميلة بلد الحبايب
الروح القتالية والرجولة التى أدى بها فهود الأمل هى التى تقودنا من نصر الى نصر باذن الله
شكرا كتير على المرور
|
Post: #4
Title: Re: عطبرة تحدَث عن رجال كالأسود الضارية
Author: حسن حماد محمد
Date: 02-28-2010, 11:21 PM
Parent: #1
الفاضلابى سلامات
فعلاً الأمل فريق واعد يستحق التقدير
لكن ياخى ضربات الجزاء بوظت أعصابنا عديل كده
مبروك للسودان وخاصة لعطبرة
ومبروك للأخ المصرى حاج حمد
وأكيد الليلة حانسمعوا يترنم بالعطبراوى
ايييييييييييييييييييييييييها الناسسسسسسسسسسسسسس نحن من نفر عمروا الأرض حيثما رحلوا
مبروك والمزيد من الانتصارات للأمل
|
Post: #6
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 02-28-2010, 11:33 PM
Parent: #4
الحبيب أبو على
الله يبارك فيك
المصرى كان يحضر معى المباراة فى البيت
وكان كلما تكون ضربة جزاء للأمل يخرج من الأوضة حتى اناديه
بعد ضربة النصر انفجر باكيا
اتصلت علينا زوجته وهى كما تعلم عطبراوية وكانت تبكى هى الأخرى
زوجتى عبَرت بزغروده عن الهدف الثانى
بنتى تبيان قالت لنا:
ما الذى يجعل فرحتكم خاصة هذه المرة
فسردت عليها قصة الأمل ومسيرة المثابرة التى سار عليها منذ سنين طويلة ومازال
وقصة مدينة عطبرة وخرجنا بدروس كثيرة ومفيدة
الأمل اسم على مسمى
الأمل الرائد الذى لايكذب أهله
تسلم يا أبو على
|
Post: #7
Title: Re: عطبرة تحدَث عن رجال كالأسود الضارية
Author: معاوية المدير
Date: 03-01-2010, 00:40 AM
Parent: #6
مبروك أهلنا ناس اتبرا،
مبروك الحبيب عبد العزيز الفاضلآبي،
مبروك لكلٍ من:
اللبودي
عوض حمدان
التربال
السر زغبير
جوهرة
عوض الشوش
كورينا
أبو الريش
حاج إسحق
وكل الذين شاركوا في
دفع عجلة الأصفراني للأمام.
مزيد من التقدم والعطاء...
|
Post: #8
Title: Re: عطبرة تحدَث عن رجال كالأسود الضارية
Author: الملك
Date: 03-01-2010, 00:50 AM
Parent: #7
مبروكــ...
والف مبروكـــ
|
Post: #9
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-01-2010, 01:12 AM
Parent: #8
ودالمدير ,, يانفحة عطبراوية تسافر فى النسيج الحى
مبروك لينا الأداء الرجولى والثبات والقتال حتى اللحظة الأخيرة
شباب ما شاء الله ,, عزيمة لاتلين ,, وهدوء اعصاب لاتجده عند كبار المحترفين
ونسافر فى قائمة الشرف التى صنعت الأمل:
السخى
جوهر
شمبات
صلاح الصافى كوة
كورينا
والمشجع الوفى الضو رحمه الله
وقائمة الشرف تطول
|
Post: #10
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-01-2010, 01:26 AM
Parent: #9
Quote: مبروكــ...
والف مبروكـــ |
الف مليون مبروك يا الملك
عطبرة يعوزها المال لكن لاتعوزها العزيمة
نفكر نحن ابناء عطبرة فى امريكا الشمالية وكندا فى دعم مسيرة أمل عطبرة فى الدورى الممتاز لهذا العام ودعم مسيرته فى الكنفدرالية
نتمنى أن ترى الفكرة النور قريبا
وهذه مناسبة لدعم الفكرة بالأقتراحات والباب مفتوح لكل السودانيين بالداخل والخارج
والعشم موفور فى اراءكم المضيئة
تسلم ياملك
|
Post: #11
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-01-2010, 01:32 AM
Parent: #10
مبروك لمولانا جمال سعيد
مولانا كمال على
|
Post: #12
Title: Re: عطبرة تحدَث عن رجال كالأسود الضارية
Author: Abdelrahim Mansour
Date: 03-01-2010, 02:31 AM
Parent: #11
الأخ الحبيب: عبدالعزيز الفاضلابى
سلامات
ألف ألف ألف مبروك للسودان و ألف ألف مبروك لعطبرة و ألف مبروك للأمل
و ألتباريك موصولة لكل أهل عطبرة و خاصة الأخ العزيز جدا: المصري حاج حمد، و قول ليهو جهز الليقيمات و الشاي أنحنا جاين نبارك فى الويكند.
و مزيدا من الانتصارات و النجاح
*
**
|
Post: #13
Title: Re: عطبرة تحدَث عن رجال كالأسود الضارية
Author: Abdelrahim Mansour
Date: 03-01-2010, 02:41 AM
Parent: #12
*
**
|
Post: #14
Title: Re: عطبرة تحدَث عن رجال كالأسود الضارية
Author: أشرف محمد الباقر
Date: 03-01-2010, 10:39 PM
Parent: #13
.....
الأخ العزيز جداً عبدالعزيز الفاضلابى:
التحية والإجلال لعطبرة الجميلة والأبية بجميل أفعالِ أهلها وكرمهم وعزة أنفسهم وبتاريخها النضالى الناصع إذ تنتفض من ثباتها وفهودها يفترسون الروانديين شرما إفتراس. ونعم فرحنا حد التأثر فسالت دموع الفرح شلالات ونحن نرى ونتعلم من أهلنا فى عطبرة حب الوطن دون مساحيق والزود عن إسمه فى كل الأزمان وكل المضامير السياسية والإجتماعية والرياضية. وليس فى الأمرِ عجب فعطبرة بلد الحديد والنار وهى فى نفس الوقت بلد الجمال والثقافة والفن وبلد العظيم حسن خليفة العطبراوى .
أعطانا فتية أمل السودان دروساً مجانية فى حب الشعار ونكران الذات وقبل ذلك كله تعلمنا من أهلنا ذوى الأصل الكريم فى عطبرة كيف يكون التشجيع الداوى والمستمر شحذاً لهممٍ فرسانهم قبل وبعد النزال. لقد لعب أعزائنا لاعبى أمل السودان بكل قوة وجسارة وحرفنة وأطربونا بأدائهم الرفيع والراقى فكان الفرح بتطويع المستديرة وجنونها لما هو خير للكرة السودانية. فشكراً كثيراً أعزائى بإعطائنا الأمل والعزيمة بمستقبل طيب لكرة القدم فى السودان إن وجد الدعم و التأهيل من قبل الدولة والمجتمع كافة.
كل التهانى والتبريكات القلبية للسودان ولعطبرة الجميلة بكل أحيائها العريقة احياء عطبرة( الإمتداد الشرقي ، الشمالي ، المربعات ، الموردة ، الداخلة ، حي المطار ، الحصايا ، حي السوق ، الطليح ، الدرجة ، السكة ..... هذا الفوز الكبير والمستحق على أتراكو الرواندى وفعلاً ياغريب يلا لى بلدك....
ومعاً من أجل دعم أمل ومستقبل السودان فى مشوارهم الإفريقى.
وتحية ود وفرح غامر و تهنئة خاصة للأعزاء جداً عبد العزيز الفاضلابى والمصرى حاج حمد وأسرهم الكريمة بفوز أمل السودان وبنقول ليهم ألف ألف مليون تريليون مبروك وعقبال الكأس إنشاء الله وربنا يجعل كل مقبل أيامكم سعادة وفرح...
وأختتم بالابيات التالية:
نسائم عطبرة الحلوة تهدينا و ترسينا**** نقابل فيها ناس طيبين فراقم كان مبكينا
والكلام كمل....
أشرف الباقر
...
|
Post: #15
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-03-2010, 01:16 AM
ود الباقر مساءك سعيد
مع الأمل الكلام ذى شجون
علاَ ياخوى يا أشرف النصيبة الختَاها أخونا منصور فى مداخلته التانية دى لخبتت لى الكمبيوتر وقعدت اعافر نامن البوست غتس فى الصفحة التالته
لكن الحمدلله مداخلتك دى فيها البركة قلَعت بيه تانى,
ياخى كلامك السمح ده من زوقك ونيابة عن عطبرة وضواحيها واتبراويها نقول ليك شكرا شكرا الى مالانهاية .
عطبرة تحدَث عن رجال كالأسود الضارية
حاسبوا التكَاسة وسجَلوا نمر الوطنية العالية
فى ليلة النصر كان الحماس ومهيرة كانت حاضرة
ماظن الروانديين أن الشمال يزخر بالأسود الكاسرة
يتبع.....
|
Post: #16
Title: Re: عطبرة تحدَث عن رجال كالأسود الضارية
Author: سيف الدولة كامل
Date: 03-03-2010, 01:22 AM
Parent: #15
حبيبنا \أستاذ الفاضلابي,,, الف مبروك للامل ومليون مبروك لعطبره الحديد والنار.
فعلا فتيه كالاسود الضارية ... أدخلوا البهجة والفرحة في قلب كل حادب علي مصلحة
الرياضة في السودان .. نتمني للامل التوفيق في المباريات القادمة.
|
Post: #17
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-03-2010, 01:38 AM
Parent: #15
Quote: ألف ألف ألف مبروك للسودان و ألف ألف مبروك لعطبرة و ألف مبروك للأمل
|
الحبيب منصور
مبروك لنا جميعا ,, ومن نصر الى نصر بأذن الله
ياخ للأسف أغنية العطبراوى دى حاولتها كتير لكن عصلجت معى أكتر من عصلجة الروانديين مع الأمل
دحين ياخى شوف لينا حل ,, البوست ده نحن دايرينو يظل حيا الى حين أن يتحقق الأمل
ويقينى أن فتية الأمل وادارته لو ساروا بنفس الحماس والأعداد الجيَد والثقة بالنفس فلن يكون الكأس عصى المنال على عطبرة
وأخنلف مع الذين لايطمحون فى أن يحقق الأمل الكأس باعتبار أن هذه أول مشاركة له
فقديما قيل وجَه سهامك نحو النجوم عسى أن تصيب الثريَا
واذا كانت النفوس كبارا تعبت فى مرادها الأجسام
فلتتعب الأجسام لتحقق المراد.
تحية خاصة نزفها للكوتش محمد الطيب
ونأمل ان نراه يقود نا الى منصات التتويج باذن الله.
|
Post: #18
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-03-2010, 01:49 AM
Parent: #17
ودالكامل .. نعالَك طيب آخوى
والله انت راجل يركة ,, وبتباخت بيك
أنا من لاقيتك فى عشاء أخونا على الحسن
عرفت الأمل حا يحاسب التكاسة ديل
تشكر ياحبيب على المشاعر الجميلة
|
Post: #19
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-03-2010, 02:38 PM
Parent: #18
فوق
|
Post: #20
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-04-2010, 05:16 PM
Parent: #19
يا امل عطبرة
برضو الإنتصار فى الدورى الممتاز لا يقل اهمية عن المنافسة افريقيا لو كنتم تعلمون.
ماتبقوا دايرين تعيشوا على مباراة اتراكو زى الأحزاب اللى عايشة على حكاية انها حققت الإستقلال ونامت على كده.
الكلام ده غير مقبول.
مباراتان فى الدورى الممتاز والحصيلة 0
|
Post: #21
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-04-2010, 06:25 PM
Parent: #20
والله ياناس الأمل بقيتوا لينا زى سفرجت , والنسويهو معاكن غلبنا.
زى سفرجت كيف?
نحن مريخاب والهوى القديم عشناه مع الأمل وتنفسناه مع نسايم عطبرة الحلوة.
اها انتوا فى الممتاز السنة دى اتغلبتوا مرتين على التوالى وفى المرة التالته حاتقابلوا المريخ وطبعا حاتعكلتو معاه لأنو ماممكن تنغلبو تلاته مرات على التوالى وأخف الضررين تعادل ,, اها نحن نسوى شنو ? صاحب بالين كضاب ,, غايتو الا نقول :
اللهم هذا قسمى فى ما تملك ,, اللهم لاتلمنى فيما تملك ولا املك .
والسبب اللى بخلينا نخاف من حكاية التعادل دى :
الضايق لسعة الدبيب (اتـ ش....د) يخاف من مجر الحبل.
انا والله بى أضانى دى وبى عينى البياكلن الدود ديل, سمعت وشاهدت فى الفضائية السودانية قبل كم سنة كده واحد من الحكام ,, نسيت اسمو. عملوا معاه لقاء وذكر فى ذلك اللقاء عن اسباب دخوله مجال التحكيم: ان واحد من اداريي الهلال جابهم وقال ليهم: يا خوانا المريخ قاعد يفوز علينا بالحكام
ونحن ماعندنا حكام عشان كده لازم تبقوا حكام. (وانا مابفسر وانتو ماتقصروا)
غايتو ياناس الأمل دايرين تطرشونا الفرحة.
بس ظروفكن دى ماتبقى الإ لمان دايرين تلعبوا مع المريخ.
اها انا زى الزول الواحد فى اولاده كتل اخوه.
نسو شنو?
الله غالب.
|
Post: #22
Title: Re: عطبرة تحدَث عن رجال كالأسود الضارية
Author: خالد علي محجوب المنسي
Date: 03-04-2010, 06:38 PM
Parent: #21
نسايم عطبرة الحلوة
تهدينا وترسينا
نقابل فيها ناس طيبين
ألف مبروك للأمل وأملنا معلق بك يا أمل
شوية أهتمام ويبقى أحسن من هلال مريخ
ولي فوق وكسر قاعدة فرق القمة
|
Post: #23
Title: Re: عطبرة تحدَث عن رجال كالأسود الضارية
Author: ياسر بيناوي
Date: 03-04-2010, 06:43 PM
Parent: #22
الف مبروك لينا كلنا يافاضلابي
حقيقة ما قدرت من اليوم داك ادخل عشان اعبر عن فرحتي
طبعا المباراة انا حضرتها في مسطبة الامل وما ادراك ما مسطبة الامل
والقربة الف احمر
بجيك بي روااااااقة
خالص الود
|
Post: #24
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-04-2010, 09:23 PM
Parent: #23
| Quote: ولي فوق وكسر قاعدة فرق القمة |
Quote: والقربة الف احمر
بجيك بي روااااااقة |
اخرجت الأرض اثقالها
فى مداخلتين ورا بعض يجونى المنسى وبيناوى مهنئين
دى ما زى المدرب لمان يدفع بعنصرين دفعة واحدة.
جيتكم لينا دى زى الأمل جاب الكاس
ابشروا بالخير ولاد العم.
|
Post: #25
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-04-2010, 09:56 PM
Parent: #24
شكرا ياعبدالرحيم النشيد اشتغل
لاعدمناك
|
Post: #27
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-05-2010, 04:31 PM
Parent: #26
| Quote: يا فاضلابي-اتبراوي-سنجاوي.... |
صباحك نور وأمل يانمر
عطبرة وسنجة مدن لاتمحى من الذاكرة
سنجة ,, الإتحاد ,, الشبيبة ,, النيل ,, القلعة ,, الوحدة ,, الهلال ,, المريخ ,, مينا,, النهضة. سنجة الجمال.
تشكر ياحبيب ,, والتهانى والتحايا موصولة للنجم ودالصافى.
|
Post: #28
Title: Re: عطبرة تحدَث عن رجال كالأسود الضارية
Author: Abdelrahim Mansour
Date: 03-06-2010, 00:53 AM
Parent: #27
* **
|
Post: #29
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-22-2010, 03:45 AM
Parent: #28
فعلها الفهود للمرة الثانية
الف مبروك ياولاد
|
Post: #30
Title: Re: عطبرة تحدَث عن رجال كالأسود الضارية
Author: محمد أحمد الريح
Date: 03-22-2010, 03:56 AM
Parent: #29
اجمل التهانى وإلى الأمام
|
Post: #31
Title: Re: عطبرة تحدَث عن رجال كالأسود الضارية
Author: عبدالعزيز الفاضلابى
Date: 03-22-2010, 06:08 PM
Parent: #30
مبروك للرياضة السودانية
تسلم ياودالريح
|
Post: #32
Title: Re: عطبرة تحدَث عن رجال كالأسود الضارية
Author: الطيب شيقوق
Date: 03-22-2010, 06:32 PM
Parent: #30
ما عندى شغل بالرياضة ات عارفني
جاي اسلم عليك سااااااااااااى يا العشاء
|
|