ايداهور ملك الأهداف الصاروخية الجميلة .. هدفه بالأمس في سان جورج ((الباكوورد)) وهدفه من ضربة رأسية ساحقة في زيسكو الزامبي ((لم يحتسب) وهدفه من قذيفة مدوية في النجم الساحلي دي مفروض يختوها نماذج تدرس .. دقيقة بس أرفع الفيديو لليوتيوب وأجيبو ليك
Quote: كثير فى الدفاع والحراسة ...الفريق وراء (معلم الله ) ... ياخليل قون ايداهور سمح مافى كلام ....
محمد عبدالرحمن
بس يطلع لينا الترجي ويكون ما قصر تب
Post: #11 Title: Re: بصراحة قوون ايداهور حلو Author: محمد سنى دفع الله Date: 02-28-2010, 08:50 AM Parent: #9
الف مبروك هدف جميل ياجماعة الصبر نحن لسه في بداية المشوار وده الاعداد الحقيقي دابو بداا الف مبروك للمريخ ونتلاقى قدام في النهائي
Post: #12 Title: Re: بصراحة قوون ايداهور حلو Author: عبدالكريم الامين احمد Date: 02-28-2010, 09:12 AM Parent: #11
هلا يا ابو خليل.. واصيل يا تفيدة..!! وفعلا القوون القدامي ده بعجب وبكيف فالكورة الحلو كورة حتي ولو كانت من ارجل مريخية ايداهورية رعديدة لوووووول.. الكورة دي كونها ملعوبة كورنر ده اول موشر بفقل ليها المساحات والتعامل مع كورة الكورنر في الغالب دايرة (هيت) كضربة ثانية ما بعد لعبة الكورنر ولكن في حالة هذا القون حصل التحضير من الباص الملعوب فيما بعد الكورنر لايداهور المتواجد في منطقة كوارث امام المرمي.. واللاعب البقدر يجيب قووون زي ده من حتة زي دي وسط تفقيل لعب من كل الفريق الخصم لهو والله لاعب ماهر.. كونه صنع مساحات كونه ركز وحدد الجملة التهديفية التي يريد ان يصوب بها الكورة ناحية المرمي وكونه يختار الباكورد في حوار (الملي سكند) ما بين المهاجم ومقدراته...
انا دايما ياخلي بستعمرني القون البجي باكورد لذا لاتزال ذاكرتي الكروية التي تغبشت تذكر في الاثر كومي وقونه الشهير رغم اختلاف المسافات وتذكر قون تاريخي للاعب الافريقي في الدوري القطري (اكوا).. اقوان يعلم الله باكورد كلها اربعة لسسسسسساتك فووووووووق
خليل قريبي مسكاقمي شكراً يا زول يا رائع فعلاً هدف رائع وان شاء الله القادم أحلى
Post: #16 Title: Re: بصراحة قوون ايداهور حلو Author: على محمد على بشير Date: 02-28-2010, 09:39 AM
شكرا خلى يا زواقه وشكرا لكل محبى اللعبه الحلوه
امس الحبوش يا خلى زرونا زرة كلب فى الطاحونه واتخارجنا منهم بكرامة البليله الله يلعن شداد ياخ , الناس كلها تجى للمنافسات الافريقيه جاهزه الا نحنا فى السودان نجى للمنافسات الافريقيه بدون مباريات محليه سان جورج دا امس لاعب حوالى الستاشر مباراه فى الدورى الاثيوبى ونحنا مباراه واحده مع هلال الجبال الحمام الميت يعنى لعبنا مع سان جورج مباريتين افريقيتين بمباراه دوريه واحده لاغير
بالنسبه للهدف يا خلى شوف الصوره دى واحسب عدد لاعبى سان جورج واحسب عدد لاعبى المريخ عشان تعرف حلاوة القون دا من غير طريقة التنفيذ شوف 10 من لاعبى سان جورج جوه التمنتاشر وبرضو المريخ وصل من تلاته لمسات فقط , النفطى للسعودى , السعودى لايداهور , ايداهور للشبكه
Post: #18 Title: Re: بصراحة قوون ايداهور حلو Author: محمد عبدالرحمن Date: 02-28-2010, 10:53 AM Parent: #17
يا هارون والله صحى وصيفاب ...القصة دى يادوب تمهيدى ... البشوف فرحتك يقول وصلت النهائى ..تمهيدى ومع فريق اثيوبى علما بان الفرق الاثيوبية كانت متوقفة عن البطولات الافريقية ليها كم سنة ...دا غير انو اصلا اثيوبيا دى من الله خلقنا ماسمعنا ليها بكوره ... فبالله روق ...
ناس طارق مختار ديل الله يسالنى مابشبهو المجموعات.... والله يكضب الشينة ...
Post: #19 Title: Re: بصراحة قوون ايداهور حلو Author: الفاضل يسن عثمان Date: 02-28-2010, 11:10 AM Parent: #18
محمدعبد الرحمن:
Quote: سنة ...دا غير انو اصلا اثيوبيا دى من الله خلقنا ماسمعنا ليها بكوره ... فبالله روق ...
تعرف محتاج لمذاكرة في تاريخ الاحصاء الرياضي الافريقي،بس ابعد من صحف قوون والمشاهد والكابتن. وياحبذا لو رجعت لتاسيس الاتحاد الافريقي واول رئيس له.
مودتي
Post: #20 Title: Re: بصراحة قوون ايداهور حلو Author: عبدالكريم الامين احمد Date: 02-28-2010, 11:15 AM Parent: #18
تعرف يا ابو خليل عندي خالي اسمو حسن اسماعيل هلالابي علي السكين والمريخ ده لو جاب كاس العالم بكون ما مقتنع بالحكاية دي ومستعد يمسح بالكاس ده الواطة ويطلعو كلام فارغ وبدون قيمة... ابو علي ده عندو تسريبات بالاعجاب بالاقوان المريخية لكن لو قتلتو ما بقولها ليك قدام زول مريخابي وبالذات عندو شلة مريخاب زيو كده بغلغلهم غلغلة شديدة .. التسريبات دي ببرني بيها انا مع تحذيرات شديدة اللهجة... مرة حضرنا كورة هلال مريخ في استاد المريخ وبعدين (زيكو) جاب قووون بطريقة مدهشة من كورة معكوسة من عبدى السلام حميدة.. اها قعد يقول لي بينك وبينك (زيكو ده لعاب ياخي وقونو سممممممح) وفجاة جانا واااحد مريخابي .. ليوقف ابو علي الاسترستال.. ..... بصراحة اقوان المريخاب بعد مرات سممممممحة الا مشكارها قاسسسسسسسسي بالذات اقوااان فيصل العجب (دي انا انضرب رصاص ولا اشكرها...فالاعجاب كتامي وبسسسسسسس)
Quote: بصراحة اقوان المريخاب بعد مرات سممممممحة الا مشكارها قاسسسسسسسسي بالذات اقوااان فيصل العجب (دي انا انضرب رصاص ولا اشكرها...فالاعجاب كتامي وبسسسسسسس)
يا سلام يا كيكي
فعلا عجبكو احرز هدف جميل في مرمي الهضاب الزيمبابوي
Post: #23 Title: Re: بصراحة قوون ايداهور حلو Author: معاوية محمد الحسن Date: 02-28-2010, 11:42 AM Parent: #22
شكرا ياخليل وكيكي ففيكم روح الصفوة
ورايكم شنو فى قون الكعب بتاع السعودى ..شخصياً ذكرني بهدفه فى مرمي الوكرة
Quote: انت عارف من شده حلاوه القون , لمن غلبني انوم ...!!
دلوش
فرحانة بيك كل النجوم
Post: #25 Title: Re: بصراحة قوون ايداهور حلو Author: عبدالكريم الامين احمد Date: 02-28-2010, 11:47 AM Parent: #24
Quote: ورايكم شنو فى قون الكعب بتاع السعودى
القون سمح وفنان يا معاوية.. وفيهو شغل بتاع مادجير كده... لكني القون حصلت ليهو دفرة من لاعب الفريق الخصم ... والسعودي في روحو فنان وياريت تخلوهو يمشي مكانه الطبيعي بهناك حيث الدهشة والتيوة العلي اصولها محل ناس البرنس
خليل (خلي العيش حرام ما دام ارى الموت يحل مابين الطريف فوق للرميش الكحيل ) خليل اسمك بذكرني هذا البيت وتعال اقول ليك هدف ايداهور جميل واستعمل فيهو عنصر السرعة والمباغتة لان اي تأخير كان سوف يكون فاول عبد الحميد السعودي هدفة هو الاجمل يعني ماممكن تقول بالحظ لان حسب متابعتي لهذا الشاب له حاسة تهديف جميلة وهذا الهدف مكرر مع الوكرة وامس مع الفريق الاثيوبي وسبق شاهدت له هدف بنفس الشاكله اهداف جــــميلة والكورة حزينة
وهو كذلك وطبعا عبد الحميد صغير السن وللان لم يكتسب الثقة بنفسة وغير ذلك حركتة في الميدان من غير هوية وعشوائية وتجده يركض وكانه يلعب مع ناس كابتن ماجد كما تعلم للمهاجم مهام محدده حتى الجري يجب ان يكون بحساب وهذه كلها لاتجدها عند اي لاعب سوداني
Post: #30 Title: Re: بصراحة قوون ايداهور حلو Author: معاوية محمد الحسن Date: 02-28-2010, 12:26 PM Parent: #28
Quote: وياريت تخلوهو يمشي مكانه الطبيعي بهناك حيث الدهشة
صديقى كيكي ...حرام عليك ياخي نحن فى بوست جميل ومدهش زى ده ومستمتعين بالسعودى وايداهو واحلى الاهداف العلى الطائر والبى الكعب تقوم تذكرنا خليفة واسامة المتعاون ده كلام ياباشمهندس ولا قصدك تخرب بوست خليل الجميل ده يعنى
Post: #35 Title: Re: بصراحة قوون ايداهور حلو Author: مرتضى احمد عبد القادر Date: 03-01-2010, 00:46 AM Parent: #34
سلامات يا خليل مبروك التاهل للمريخ وعقبال الفاينل
Quote: اجمل قون اشوفو منذ سنة 2000
جابو الضباح ايداهور امبارح في سان جورج
القون سمح بس برضو عشان أقدر أستوعب انو أجمل هدف شفتو من 2000 اختار واحد من الخيارات 1- انك ما شاهدته كرة قدم خالص من سنة 2000 2- إنك ما شاهدته هدف خالص من سنة 2000
Post: #36 Title: Re: بصراحة قوون ايداهور حلو Author: مرتضى احمد عبد القادر Date: 03-06-2010, 11:43 PM Parent: #35
يالله يا إيداهور ... قد صنعت بأهدافك فرحة المريخاب كثيرا لكن موتك أدمى قلوب السودانين جميعا
Post: #37 Title: Re: بصراحة قوون ايداهور حلو Author: محمد عبد الماجد الصايم Date: 03-07-2010, 06:33 AM Parent: #36
Post: #39 Title: Re: بصراحة قوون ايداهور حلو Author: معاوية محمد الحسن Date: 03-07-2010, 01:23 PM Parent: #38
اه ياخليل واه واه تانى ياخليل لقد تحدثنا فى الهدف قبل ايام وماكنا ندري انه سيكون اخر اهدافه فعلاً ياخليل ان الهدف من حلاوته كان هدف مودع وسيقى هذا الهدف شاهدا على موهبته وفتونته وعنفوانه يافجعتنا فيك يا ايداهور من سيضبح الشباك بعدك ياايداهور نسال اللة ان يصبر زوجتك وابنائك وجميع امة المريخ
Quote: اللاعبون النيجيريون يتحدثون عن الراحل ويتجمعون في السفارة اليوم مالك: إيداهو كان أخي الأكبر.. دعمني عندما حضرت إلى السودان ووقف إلى جانبنا جميعاً
نتجمع باستمرار وكان فاكهة التجمعات بمداعباته
تجمع اللاعبون النيجيريون مساء أمس عقب انتشار خبر رحيل إيداهو وخيم الحزن على النيجيريين المحترفين في الدوري الممتاز وقرر اللاعبون أن يتجمعوا اليوم في السفارة النيجيرية ليتقبلوا العزاء ومتابعة تشريح الجثمان وتسليمه إلى ذويه. وذكر مالك مدافع فريق الخرطوم أنهم سيفتقدون إيداهو كثيراً، وقال: بالنسبة لنا كان بمثابة الأخ الأكبر يقف إلى جانبنا ويدعمنا ويشجعنا ويعمل على حل مشاكلنا نلتقي باستمرار ودائما يكون إيداهو فاكهة التجمعات بروح الدعابة التي يمتاز بها وإضفائه أجواء من المرح على التجمعات، وأضاف: عندما حضرت إلى السودان شجعني ووقف إلى جانبي ودعمني وكذلك فعل كلتشي الشيء ذاته معنا وأيضاً كلتشي بالنسبة لنا أخ، تجمعنا عقب سماع النبأ اليوم (أمس) والجميع في حالة من الحزن على رحيل أخ وصديق، بالتأكيد سنفتقد إيداهو كثيراً.
باسدين: افتقدنا أخاً عزيزاً
قال باسدين اللاعب النيجيري المحترف في صفوف الخرطوم: افتقدنا أخا عزيزا، وأضاف: قبل أن يكون إيداهو لاعب كرة قدم وزميلا لنا فإنه صديق وأخ نعتز بصداقته ونقدره ونحترمه.. لا أعرف كيف سنتصرف عندما لا نجده، أمّا هذه الليلة (أمس) فستكون صعبة جدا علينا ولكننا سنحاول أن نتماسك ونتمنى أن ننجح في ذلك على الرغم من أن فقد ايداهو قاس علينا.
ويليام آدمز لاعب أهلي الخرطوم: هذا أصعب موقف أتعرض له بالسودان
ذكر ويليام آدمز لاعب أهلي الخرطوم أن رحيل إيداهو أصعب موقف تعرض له في السودان، وقال: بالتأكيد أنا حزين جدا لرحيل إيداهو لأنه كان شخصا عزيزا علي وقريباً على نفسي.
صنداي لاعب المقرن: الموت غيب أفضل لاعب في السودان
ذكر صنداي اللاعب النيجيري المحترف في صفوف المقرن درجة ثانية أن ايداهو كان أفضل لاعب في السودان وقال: إنه صديق لنا جميعاً وكرة القدم في السودان ستخسر الكثير بفقده، وأضاف: إيداهو ساندنا ووقف إلى جانبنا وسنفتقده كثيرا.
أومي لاعب أهلي دنقلا: لن نستطيع نسيانه
ذكر صنداي أومي لاعب أهلي دنقلا النيجيري أنهم لن يستطيعوا أن ينسوا إيداهو، وقال: كان لاعبا جيدا جدا وشخصاً مهذباً وخلوقاً، سمعت الخبر في البداية ولم أصدقه وبعد ذلك تأكدت أنه صحيح، لا أعتقد أننا سننساه لأنه شخص لا يمكن أن ننساه بسهولة.
حاتم مينا قائد الرومان: لاعب استثنائي
أوضح حاتم مينا قائد فريق اتحاد مدني أن إيداهو كان لاعبا استثنائيا، وقال: كان لاعبا ممتازا داخل الملعب يعمل لمصلحة فريقه ويسعى إلى أن يحقق فريقه الفوز ويلعب بحماس كبير وغيرة على الشعار ولذلك أحبته جماهير المريخ وحتى لاعبو الفرق المنافسة يحترمونه لأنه يهتم بفريقه ويعمل من أجل وضعه في المقدمة ويركز على الكرة ولا يستهدف المنافسين ودائما تكون تدخلاته شرعية، وأوضح أن رحيله سيترك فراغا في فريق المريخ.