Post: #1
Title: خـلاص فُـوتـي !!
Author: هاشم أحمد خلف الله
Date: 02-27-2010, 05:23 PM
خلاص فُتي هناك بعيد
ومن عيني فارقتي
زاد جواي لهيب الشوق
اريت لو جيتي قربتي
وشُفتي حالي اصبح كيف
و دموع عيني ليك تحكي
عن سُهداً يصارع الليل
وعن قلباً صريع متكي
عن أيام غشاها جفاف
حتى النيل حِزن يبكي
عليك الناس دوام تسأل
وانتي بعيدة لا طليتي لا بنتي
يرضيك إني ابقى كسيح !!
وكنت معاك زمان بمشي
وكان بيناتنا إلفة وريد
مدد كلماتي ما بكفي
رجيتك زي هلال العيد
وزي طفلاً يتيم منفي
وكنتي هناك مع الأفلاك
شُعاعِك للشمس يهدي
متين ترجع ليالي زمان
والأحزان تفوت تمشي
ونتقابل كما الأحباب
وريدك مني ما تخبيء
ولو الدنيا ضاقت بيك
تعالي قريب ولي احكي
احكي لي عن فنك
وكم من لوحة لونتي
احكي لي عن همِك
بشيلو معاك ما تدسي
احكي وقولي ما تنسي
اريت لو كنتي مني قريب
تشفي قليب عليل منسي
|
Post: #2
Title: Re: خـلاص فُـوتـي !!
Author: ismeil abbas
Date: 02-27-2010, 05:47 PM
Parent: #1
Quote: ولو الدنيا ضاقت بيك
تعالي قريب ولي احكي
احكي لي عن فنك
|
يا سلام على الحكى القريب..وهمس ألأحبه..
ده فن عجيب...
|
Post: #3
Title: Re: خـلاص فُـوتـي !!
Author: محمد الجيلى
Date: 02-27-2010, 06:10 PM
Parent: #2
Quote: و دموع عيني ليك تحكي
عن سُهداً يصارع الليل
وعن قلباً صريع متكي
عن أيام غشاها جفاف
حتى النيل حِزن يبكي
عليك الناس دوام تسأل
وانتي بعيدة لا طليتي لا بنتي |
المُبدع هاشم
حروف مُترعة بالجمال ممزوجة بحزنٍ مخلص
مودتي
|
Post: #4
Title: Re: خـلاص فُـوتـي !!
Author: سمية الحسن طلحة
Date: 02-27-2010, 11:12 PM
Parent: #3
لوحة جميلة لاتقبل التجزئة
فهي متكاملة بصدق إحساسك
...
تهنئة صادقة بحلول ذكرى المولد
كل عام وأنت بخير ياهاشم .
|
Post: #5
Title: Re: خـلاص فُـوتـي !!
Author: Hayat Hussien
Date: 02-28-2010, 04:38 AM
Parent: #4
يا سلام إبداع تمام التمام
تحياتي وإعجابي اخي هاشم
|
Post: #6
Title: Re: خـلاص فُـوتـي !!
Author: العوض المسلمي
Date: 02-28-2010, 04:47 AM
Parent: #5
لاني احس الصدق بكلماتك
ولان بوح الدواخل لايكذب
ولانك مملؤ حبا واحساسا بالجمال
فكلما تابعت ما تكتب اقول ان الدنيا لسه بخير ...
_____________________________________________-
هل من امراة تستحق هذا الاخلاص ؟؟
|
Post: #9
Title: Re: خـلاص فُـوتـي !!
Author: هاشم أحمد خلف الله
Date: 02-28-2010, 09:17 PM
Parent: #3
Quote: المُبدع هاشم
حروف مُترعة بالجمال ممزوجة بحزنٍ مخلص
مودتي |
شاعرنا الجميل محمد الجيلي
حضورك يسعدني ويشرفني يا وجيه
|
Post: #7
Title: Re: خـلاص فُـتـي !!
Author: هاشم أحمد خلف الله
Date: 02-28-2010, 02:06 PM
Parent: #2
Quote: يا سلام على الحكى القريب..وهمس ألأحبه..
ده فن عجيب.. |
وده شعور رهيب ورائع يا سمعه يا وجيه
لو تعرف معنى الأشواق وكيف أنا ليك بشتاق
يديك الف عافية وصحة
|
Post: #8
Title: Re: خـلاص فُـتـي !!
Author: مجدي عبدالرحيم فضل
Date: 02-28-2010, 02:32 PM
Parent: #7
حبيبنا هاشم
شكرا لك وأنت تسمعني هذا الشدو الجميل
أمضاء مرور
التعديل لسقوط حرف كي بوردياً
،،،،أبوقصي،،،،
|
|