Post: #1
Title: ح.ح.ملاسي رائدا للأدب السياسي الجديد.
Author: سيف النصر محي الدين محمد أحمد
Date: 02-27-2010, 03:56 PM
كتب الرجل في احد بوستاته- بوست عن لافتة واقعة او وسخانة او حاجة بالشكل ده- كتب:
Quote: بدوري أهدي سحب اللافتة من قبل السلطات المختصة – أياً كانت –
لكل من تهكم على توجيه "المظلمة" لمقام السيد رئيس الجمهورية. |
|
Post: #2
Title: Re: ح.ح.ملاسي رائدا للأدب السياسي الجديد.
Author: سيف النصر محي الدين محمد أحمد
Date: 02-27-2010, 03:58 PM
Parent: #1
ثم عاد مجددا و كتب:
Quote: ربما كانت كذلك .. إلا أن خشيتهم و اضطرارهم لسحب للافتة بعد نحو 24 ساعة
من توجيه "المظلمة" لمقام السيد رئيس الجمهورية؛ بعد أن ظلت هكذا لعدة أشهر؛
رفع من سقف الآمال و التوقعات. |
لاحظ معي هذه العبارات "مظلمة" و مقام رئيس الجمهورية".
حتى اعضاء المؤتمر الوطني المعروفين لا يستخدمون مثل هذه العبارات عندما يذكرون رئيس الجمهورية ، فتجدهم يقولون "الأخ الرئيس" او "السيد الرئيس" عندما يكون المقام مقام رسميات و لياقات بروتكولية و هم في ذلك لا يختلفون عن بقية السودانيين في تعاملهم مع ذوي المناصب و اهل السلطة ببساطة بعيدا عن التكلف و اللغة الانبطاحية.
|
Post: #3
Title: Re: ح.ح.ملاسي رائدا للأدب السياسي الجديد.
Author: سيف النصر محي الدين محمد أحمد
Date: 02-27-2010, 04:00 PM
Parent: #2
بعد شوية ممكن يقول ليك سيدي و مولاي رئيس الجمهورية حفظه الله.
|
Post: #4
Title: Re: ح.ح.ملاسي رائدا للأدب السياسي الجديد.
Author: عبدالوهاب علي الحاج
Date: 02-27-2010, 04:08 PM
Parent: #3
دا بنبري
_____
وكامل الدعم والمساندة يادكتور
|
Post: #5
Title: Re: ح.ح.ملاسي رائدا للأدب السياسي الجديد.
Author: عبداللطيف حسن علي
Date: 02-27-2010, 04:09 PM
Parent: #3
سيف النصر ، انت زول محنك وعميق .
ماكنت فاكرك محتاج للثابته دي
| Quote: حتى اعضاء المؤتمر الوطني المعروفين لا يستخدمون مثل هذه العبارات عندما يذكرون رئيس الجمهورية |
نحترم الكيزان الذين عاشوا اصعب ايام التنظيم ، مش الناس اللقوها باردة ...
ناس دعوني اعيش ..الكيزان الاصليين تركوا الجمل بما حمل لاصحاب الحاجات والتصاديق والعطاءات ..
|
Post: #7
Title: Re: ح.ح.ملاسي رائدا للأدب السياسي الجديد.
Author: Ahmed musa
Date: 02-27-2010, 04:15 PM
Parent: #5
(لغبائي) أنا فهمت كلمة (مقام الرئيس) في سياق مختلف ...
شفت كيف (غبائي) ده يا دكتور ...؟؟؟؟
بجنبة كدة (حسين ملاسي) فعلاً رائد أدب سياسي ...!!!!
|
Post: #6
Title: Re: ح.ح.ملاسي رائدا للأدب السياسي الجديد.
Author: سيف النصر محي الدين محمد أحمد
Date: 02-27-2010, 04:14 PM
Parent: #3
او ممكن اذا قابلو "فيس تو فيس" يقول ليهو :طال عمرك.
|
Post: #8
Title: Re: ح.ح.ملاسي رائدا للأدب السياسي الجديد.
Author: سيف النصر محي الدين محمد أحمد
Date: 02-27-2010, 04:57 PM
Parent: #6
بيتك و مطرحك يا وهبة.
بس ادعي معاي انو بكري ما يعمل فيهو زي العملو في اخوه بتاع اول امس.
|
Post: #9
Title: Re: ح.ح.ملاسي رائدا للأدب السياسي الجديد.
Author: سيف النصر محي الدين محمد أحمد
Date: 02-27-2010, 05:12 PM
Parent: #8
Quote: نحترم الكيزان الذين عاشوا اصعب ايام التنظيم ، مش الناس اللقوها باردة ...
ناس دعوني اعيش ..الكيزان الاصليين تركوا الجمل بما حمل لاصحاب الحاجات والتصاديق والعطاءات .. |
سلامات يا عبد اللطيف
الكوز لما يتعامل مع البشير فهو بيتعامل مع زميلو في التنظيم مع احتفاظو بما تفرضه التراتبية الحزبية ، اما الدخلاء من المنبهرين بالسلطة و الطامعين في عطفها فامرهم مختلف .
|
Post: #10
Title: Re: ح.ح.ملاسي رائدا للأدب السياسي الجديد.
Author: سيف النصر محي الدين محمد أحمد
Date: 02-27-2010, 05:33 PM
Parent: #9
Quote: (لغبائي) أنا فهمت كلمة (مقام الرئيس) في سياق مختلف ...
شفت كيف (غبائي) ده يا دكتور ...؟؟؟؟ |
سلامات يا احمد موسى
تعدد السياقات وارد بتعدد وجهات النظر. البوست المقصود عنوانه كان "لعناية السيد رئيس الجمهورية" يعني مافي مقام و الذي منو ، الجابها داخل البوست شنو ؟
بعدين ممكن الواحد يبلع حاجة زي مقام رئاسة الجمهورية مثلا كمؤسسة او جهة اعتبارية ،لكن مقام رئيس الجمهورية دي زيها و زي جناب الوالي و صاحب السمو و كده .
حكاية الغباء المكتوبة بالبنط العريض دي انا بصراحة ما فهمتها او ما فهمت المقصود منها ربما لأني افضل دائما الكلام المباشر فانا ما شاعر زي "مقام سيادتكم.
اما عن ريادة المدعو فهذا حق نعمل معك على تثبيته.
|
Post: #11
Title: Re: ح.ح.ملاسي رائدا للأدب السياسي الجديد.
Author: سيف النصر محي الدين محمد أحمد
Date: 02-27-2010, 07:16 PM
Parent: #10
في ذمتكم هسه الفرق بين عمر محمود خالد و عمر البشير شنو؟؟
ليه حسب الله يتدخل في خصوصيات دكتور عمر محمود و يعلق على صبغة شعره و يعمل نايم من صبغة عمر البشير ؟
هل عشان حكاية المقام دي ام لاسباب اخرى؟؟
حسب الله يرى أن لصبغة الشعر مكانة جوهرية في تقييمه للاشخاص و تقديره لهم و ما "فتئ" يردد كلما ذكر مبدع او اديب : ده شنو كمان ..ده بيصبغ شعرو!
لكن صبغة شعر الرئيس يعاين ليها من بعيد لبعيد و لا يستصحبها"يا عملات الكيزان" في تقييمه لمقام السيد رئيس الجمهورية...مش حاجة غريبة؟
|
Post: #12
Title: Re: ح.ح.ملاسي رائدا للأدب السياسي الجديد.
Author: عبداللطيف حسن علي
Date: 02-27-2010, 11:00 PM
Parent: #11
| Quote: لكن صبغة شعر الرئيس يعاين ليها من بعيد لبعيد و لا يستصحبها"يا عملات الكيزان" في تقييمه لمقام السيد رئيس الجمهورية...مش حاجة غريبة؟ |
الجمل ما بشوف عوجة رقبتو ، لكن حسب الله دا عامل رايح ولا علي كيفوا ....
ـــــــــــــــــــــــــــــــــــــــــــــــــــــــــــــــــــ
مهما تكن للمرء من خصلة ظن انه اخفاها علي الناس تُعلمِ
|
Post: #13
Title: Re: ح.ح.ملاسي رائدا للأدب السياسي الجديد.
Author: ibrahim alnimma
Date: 02-27-2010, 11:46 PM
Parent: #12
دكتور سيف تحياتي:
تعرف هناك البعض الذي يستطيع ان يتكيف مع كل الشموليات فهو يحلق ذقنه لنميري السبعينات ، ثم يطلقها في نميري 83 ثم يسترسل في اطالتها في انقاذ التسعينات ، ولما يجد ان الموضوع لا يحتاج ، يحفها ثم يطق العنان للشارب لزوم التعايش مع ثقافة النار ولعت وهييييييييييع ، ، مرة واحد من الكيزان الحقيقين قال لي والله نحن تعبانين من الجماعة المتسلقين ديل مرات مابعرفو معني السياسة حقتنا وبدخلونا في حيص بيص
يعني مرات الواحد الناس كلها عارفاو مابصلي اصلو ولو من باب التعمية لكن تلقاه متصدر هتافات الانقاذ من قبيل هي لله هي لله 000وكمان مالدنيا قد عملنا ونحن عارفنه انه اصلاً ماعندو اي عمل لغير الدنيا 000فقلت له مش انتو زاتكم كدة؟؟؟فرد ايوة لكن علي الاقل الناس عندها احساس انو نحن ممكن نكون صادقين ، بس هو امره مكشوف خالص 0000
|
Post: #14
Title: Re: ح.ح.ملاسي رائدا للأدب السياسي الجديد.
Author: عبداللطيف حسن علي
Date: 02-28-2010, 05:31 PM
Parent: #13
|
Post: #15
Title: Re: ح.ح.ملاسي رائدا للأدب السياسي الجديد.
Author: عبداللطيف حسن علي
Date: 02-28-2010, 05:36 PM
Parent: #14
ابراهيم النعمة وسيف النصر
البوست عاجبني لله ساكت كدة!
| Quote: يعني مرات الواحد الناس كلها عارفاو مابصلي اصلو ولو من باب التعمية لكن تلقاه متصدر هتافات الانقاذ من قبيل هي لله هي لله 000وكمان مالدنيا قد عملنا ونحن عارفنه انه اصلاً ماعندو اي عمل لغير الدنيا 000فقلت له مش انتو زاتكم كدة؟؟؟فرد ايوة لكن علي الاقل الناس عندها احساس انو نحن ممكن نكون صادقين ، بس هو امره مكشوف خالص 0000 |
هي لله هي لله
|
Post: #16
Title: Re: ح.ح.ملاسي رائدا للأدب السياسي الجديد.
Author: سيف النصر محي الدين محمد أحمد
Date: 03-01-2010, 00:33 AM
Parent: #15
Quote:
تعرف هناك البعض الذي يستطيع ان يتكيف مع كل الشموليات فهو يحلق ذقنه لنميري السبعينات ، ثم يطلقها في نميري 83 ثم يسترسل في اطالتها في انقاذ التسعينات ، ولما يجد ان الموضوع لا يحتاج ، يحفها ثم يطق العنان للشارب لزوم التعايش مع ثقافة النار ولعت وهييييييييييع |
سلامات يا ابراهيم
وصفك 100% .
|
Post: #17
Title: Re: ح.ح.ملاسي رائدا للأدب السياسي الجديد.
Author: MAHJOOP ALI
Date: 03-01-2010, 00:53 AM
Parent: #16
| Quote: اما عن ريادة المدعو فهذا حق نعمل معك على تثبيته. |
والله ياسيف بالغته فوكه...
ادب سياسي عديل كده؟
ولايمكن تقصد المعني العامي ل (ادب) ؟
|
|