حاجات محيــــــــراني في اطار الدوحة

خارج الاطار
مظاهر الفرح و الانبساط و البهجة و السرور و الانشراح و السعادة واضحة على وجوه وفد الحكومة
بينما تحس بالوجوم في وجوه ناس الحركات.

دا عرس شنو دا؟ واحد مبسوط لى الاخر و التاني زي الغصبوه غصب. يا خوفي من يوم باكر،
ناس تلف صينية زي مناوي قاعد يلف بالكرسي الهزاز ... يبكي ... لا جيشا ابقى و لا اهلا ارضى.

ابوجا كانت مع الفيصل الاقوى و الدوحة - الان - يقال انها مع الفيصل الاقوى


ما اصعب كسر العصى مجتمعة ولكن بتفريقها يسهل تليينها ثم كسرها.


وغدا لناظره قريب.

الاتحاد الافريقي كان ضمانا للمرحومة طيبة الذكر ابوجا.
الغريبة لم يترحم عليها احد.
وما قالوا لينا هل اهل المرحومة حيكونوا في حداد مفتوح وام سينتهى الوجود بانتهاء مراسم توقيع الدوحة.

من هو الضامن للدوحة؟ اوع يكون حسن النوايا و الثقة العمياء.

قد يقول قائل دكتور خليل ليس مناوي


..

ولكن الانقاذ هي الانقاذ و الكيزان هم الكيزان.

الاطار:

كل الكلام القريتو وسمعتو عن اتفاق انجمينا / الدوحة بتكلم عن تقاسم ثروة و سلطة و تكوين حزب و تعويضات


يعني (مشكلة البلد) في الحاجات الاتفقوا يناقشوها عشان يلقوا ليها حل.

البشير قادي اضانا 6 سنوات و زيادة .... مشكلة دارفور جمل سائب.



طيب وين الجمل السائب في اطار انجمينا الدوحة العجيب دا؟؟؟

مش كان ممكن لاثبات ان قضية دارفور هي قضية جمل ان يضعوا فقرة تحدد مسئولية الدولة في رعاية
الابل و كافة الحيوانات ( بلاش من البني ادم). وان الحركة مستعدة لحماية المزارع الواقعة على
مسار العرب الرحل. او اي كلام يدخل الرأس ان المشكلة في دارفور مشكلة جمل وبث.

لحل اي مشكلة، الناس بتبحث عن سببها و تقتله نقاشا. وبذلك يكون السبب هو البند الرئيسي في خطوات حل المشكلة.

وين الجمل في هذه الدوحة؟؟

ما هي التدابير التي ستتخذ عشان تاني بعد سنتين ثلاثة ما يقوم جمل اخر يولع لينا باقي دارفور؟

ممكن اخوانا في كردفان يستفيدوا من تجربة جملنا بتأديب جمالهم و ابقارهم وبخاصة اهلنا المسيرية
في الحدود مع جمهورية السودان الجديد و يتفادوا ما حاق بنا. و ما يكونوا اضافر كديس لحرب بين الجارتين.
انا خايف بقرة من ابقار المسيرية يتعرض ليها ثور من ثيران الجنوب وينال منها،
فنصبح امام فضيحة لا يغسلها سوى الدم. طبعا علماء السلطان جاهزون بفتوى :( من مات دون عرض بقرته فهو شهيد).

اغتصاب الثور جنوبي لبقرة شمالية سبب كافي للموت وطبعا الخرطوم ما حتقصر في حكاية المديدة حرقتني
و رمى الحطب في النار..

لحدي حسه بسأل الجمل وين في الانشاء اللي اتكتبت دي؟؟؟

زول واحد تحياتي وتجلياتك

ضامن شنو يا زول ؟ الضامن الله


الاتفاق القدامهم ملغي طبعاً
الغريبة بحذروا ما يقوم أي اتفاق من وراهم!!!

قال أحمد شوقي:
لا أمس من عمر الزمان ولا غد
جمع الزمان فكان يوم لقاك