أفتوني يا هلالاب المنبر فقد ضغط محمد عمر الفاروق على زر ال....!!

الهلالابي على فريق الفطرة هلال الملايين محمد عمر ومن أول يوم لي ولادته قررنا انا وهو نعمل شفرات محددة بناء عليها بقدر اعرف ليكم الهلال وضعو شنو ..
بديناها مع أول يوم ولادة بي تيستا صغيرة كده عبارة عن فتح ااو قفل اصابع اليد الواحدة (اليمين) للهلال (الشمال) للمريخ وكان بحمد الله الاستاذ مودي من اصحاب اليمين ..
في الشهر الأول بدينا معاهو النضمي وتووشك السؤال أها يا محمد الهلال بيفوز كم ؟ ويومها حرك يدينو الإتنين وبتذكر تمااماً الكورة إنتهت تعادل في أول لقاء هلال مريخ ومن دييك بديت اعودو إنو يدو الشمال دي حقت الشيطان تاني يحاول ما يحركا ..
مشينا لي قدام حبة ولمن بدا اللغلغة (دي غير اللغاليغ) وبقا يبرطم بي كلام خارم بارم إخترنا انا وهو واحدة من كلماتو البيطنطن بيها لتكون شفرة مباريات الهلال فكانت كلمة (كتنغ) وهي كلمة لا انا لا هو ما أظن نكون عارفين معناها لكن محمد بيستخدما لمن مزاجو يكون رايق فقررت اسألو لمن الهلال يكون لاعب أقول ليهو أها يا محمد الهلال الليلة كيف؟
فلو قال لي (كتنغ) معناها الهلال الليلة ميية الميية ولو كمان عمل نايم و قعد يتلفت ويعمل لي رايح فحينها باكلا في حناني ..
واصلنا على المنوال ده فترة من الزمن كانت حبااااابا بين الكتنغ واليد اليمين مع بعض الهناك (مازيمبي مثالاً) إلى ان وصلنا لي اخر تقليعة كانت عبارة عن أصبع لاسبابة في النخرة معناها الهلال غااالب غااالب ..
أها مع بداية الدوري الممتاز ده وقرب بداية إنطلاقة الهلال الإفريقية قررت تجديد تعاويذ محمد عمر بي طريقة أكثر إبتكار وتاتي نتائج دقيقة مفهومة واضحة وغير قابلة للتأويل ..
أها قمت امبارح سوقتو ليكم على العربية وتوووشك للمسجل بتاع العربية لأنو بي بي بساطة مسجل العربية فيهو مفاتيح مرقمة من واحد لحدي ستة ..
وديتو هنا وقلت أسألو أها يا محمد الهلال السنة دي كيف ؟
ووضعت نسبة قصاد كل رقم فلو ضغط واحد فالهلال منتهي ولو ضغط إتنين فالهلال تعبان واو ضغط تلاتة فالهلال يا قول السعوديين هاااا (دي معاها حركة اليدين بتاعت غايتو ديك) ..
اما لو ضغط الرقم اربعة فالهلال فوق الوسط وخمسة الهلال كويس شديد واخر شي الرقم ستة ودي معناها الهلال ناااار منقد وكاس افريقيا حقنا حقنا..
اها نرجع لي موضوعنا الأساسي وإنو حالياً محمد في مواجهة المسجل والشريط شغاااال وطوالي سألتو ليكم :
اها يا محمد الهلال كيييييييييييييف؟؟؟
قووووووووووم يا محمد شيييل أصبعك السبابة وطواااااااالي امشي لي زر ال Mute (أظن ترجمتها كتم الصوت) وطااااااااخ أديها ضغطت طوييييييييييييلة !!!!!!!!!!!!!
ياخ انا لمن جسمي إتكهرب !!!
اها والله النصيييحة كده الزر ده أصلو ما كان في الحسبان وما كنت خاتي ليهو إحتمال أو تفسير فإحترت في أمري وشلت الأستاذ محمد وقفلت العربية وانا أفكر :
ماذا تعني ال Mute ؟؟

فافتوني أخواني هلالاب المنبر ..أكرر هلالاب المنبر لأني عااارف المريخاب حا يجو يدونا تفاسير قاطعنها من كنكوجهم ..

تخريمة :
أسة عليييك الله يا محمد يا ولدي عييب لي رقم 6 دي ؟؟؟

قلت لي ميوت
ميوت عديل
اللهم اجعلو خير
ميوووت
اللهم اجعلوا خير
واخذ يرددها لحدي ما يسوقو محمد مرة ثانية للعربية صباح اليوم الباكر
ويدوس من الازرار ما يعيد الطمأنينة الى قلوبنا
ميوووت

Quote: اها والله النصيييحة كده الزر ده أصلو ما كان في الحسبان وما كنت خاتي ليهو إحتمال أو تفسير فإحترت في أمري وشلت الأستاذ محمد وقفلت العربية وانا أفكر : ماذا تعني ال Mute ؟؟

ولدنا محمد اراد ان يرسل اشارة بان الهلال في خطر نظرا للمشاكل الادارية وليست الفنية

ويحذر من ال mute

والموت والخروج المبكر

ميووووت ياها الليق ياعمر بعد كدة اعصر علي الموردة..
تحياتي وربنا يخلي ليك محمد

Mute تعني أن الهلال سيعاني من الفراغ الإداري برحيل الأرباب و الفراغ الفني برحيل كامبوس والله أعلم ..




أسمع : ولدكـ ده ما بشتغل إنتخابات ؟؟

يا ود الفاروق..
الميوت تعني بالواضح والفاضح كمان، إنت وخليل تسكتو خالص وتخلو التخمين والتخمير بتاعكم ده..
__
عشان ما تشمتو فينا الأعادي..

ياابو كنكوج انت....!!!!

زماااااااااان لامن باركنا

الولد ده قلنا ليك مابشبهك.....!!!!

الولد طالع صفوة زي خيلانه....كاااااااااااكـ

وحاتك الليلة الصفوة يفوز الا ارسل

ليهو الهدية .

سيب الزول في حالة

ابهات اخر زمن ....!!!!

المهم.....

يعني لاخيرا في وليداتي

ولانعيما في ولاد اختي

كدي شوف جنس المغصة دي....!!!!!

ولادة الندم

وده القلنا يبرد

بطن ابوهو....!!!!

ربنا يكضب الشينة يا عمر ....

وده شعور الطفل احمد طارق كان
زمان لمن اقول ليهو هلال فوق > طوالى ومباشرة مع بسمه يرفع يده الى اعلى
اها ليهو اسبوع كده مطنشنى طناش عدوك > لمن دخلتنى الرجفة و الزغللول

اما لدن كلامها تانى,,,,

لسع رابطة ليها كلمة عمها عمران هسسسسسسسسسسس

كل ما اسالها فى الكرة تقول لى هسسسسسسسس

هلال هسسسسسسسسسس
جلسى هسسسسسسسسسس
بورتا هسسسسسسسسسس
برشلونا هسسسسسسسسس


لما اجل للاخرين

اسى ميلان,,,هيما
ارسنال ,,,ديما
المريخ,,, سيما

مع انه امها لسع ما قادر تغير كلمة سيما من خشم البنت

انطقت سيما الا المريخ راح فيها
الليلة بجيب ليها علبة كاملة من فصيلة سيما
لكن الناس ديل لو طلعو من اسى بفضو لينا

التحيات لمحمد الهلالى

Quote: ماذا تعني ال Mute ؟؟

طريقتك دى ماحبابه.....

تحياتى لمحمد صاحبى ....لك التحية وللأسرة...

معناها الحقوا ناديكم من ناس المؤتمر الوطني
دايرين يكاوشوا عليه
اصلو محمد دا ذي ما انت عارف من قطاع الشمال

Quote: قووووووووووم يا محمد شيييل أصبعك السبابة وطواااااااالي امشي لي زر ال Mute (أظن ترجمتها كتم الصوت) وطااااااااخ أديها ضغطت طوييييييييييييلة !!!!!!!!!!!!!

قرقرقرقرقرقرقرقرقر

كلام محمد واضح يا عمر يا اخوى
انتا طالب الفتوى لى شنو يعنى ؟

هلالكم السنه دى مستحمى قرقرقرقرقرقر

تمبس وداليا قلت ليهم الفاروق دا خلاص جنتر .. ما صدقونى

السني يا ود دفع الله :
ياخ إنت زااااتك مش كنت عامل ميووت من المنبر؟
بالله ورينا فكيتو كيف عشان نوصف لي محمد ..
حرمك المصون حشرتني معاها من باب انا والكاشف أخوي
يا زول ما تحردني عليك الله انا ما مؤاخذ حسب إفادات كتيير من اعضاء المنبر نصيرات المرأة وكده ..
الميوووووت يا عبووود ..

Quote: ولدنا محمد اراد ان يرسل اشارة بان الهلال في خطر نظرا للمشاكل الادارية وليست الفنية

واله يا خليل دي ما إشارة دي أظنها حزمة ضوئية ..
الهلال فنياً على أفضل ما يرام ..
الله يهدي النفوس بس..


عبد الرحمن :
لالالا الهلال ده زي الغول لو عيونو مفتحة معناها نايم ولو عيونو مغمضة معناها صاااحي..


خالد يا محمود :
والله ما شايلين مقرر الإنتخابات ده لكن ممكن نعلموا ليكم شغل نقل الكفالات والاستقدام ..

انا والكاشف اخوي
هو صاحبك براه قال ابوكنكوج ده طلعنا من انو الفن بوحد
اها الليلة جيت انت تقولني اني قولت انا والكاشف اخوي
يا زول انا ولا حشرتك ولا حاجة يراه صاحبك خرد المنتبر عشانك وعشاني
لكن عرفت ليهو كيف ارجعوا ( راجع بوست ـ احلام مسجونة)
قلت لي محمد داس زر ـ ميوت ـ
الليلة والليلة،، ده معناهو الهلال حياخدعلى كنكوجو
الله يستر !!!
ـــــــــ

دي معناها أديها صّنة الهلال بيظهر قدام بإذن الله