Post: #1
Title: حسادة وغيرة منك يا......امريكا
Author: حامد محمد حامد
Date: 02-26-2010, 11:01 AM
ليه كدة تعذبوا الرجل الطيب دة
بس عجبنى والله .....فقد تجاوبت الاسواق مع ادلائه بشهادته امام مجلس النواب الامريكى
بس نقول شنو ....غيرة وحسادة
|
Post: #2
Title: Re: حسادة وغيرة منك يا......امريكا
Author: smart_ana2001
Date: 02-26-2010, 11:24 AM
Parent: #1
Akio Toyoda شخصيا....
اولا اندهشت جدا لما قريت الاسم و لقيت انه Toyoda و ليس Toyota
بحت فى الموضوع لقيت ان الاسرة اصلا اسمها بالدال. لكن جدهم الكبير غيره لانه كتبى الاسم بالتاء اسهل (باليابانى) ( حروف اقل ) و اضن ان الحروف تمنية و رقم تمنيه يجلب الحظ فى الثقافة اليابانية او احتمال يكون عاوز بس يفصل بين حياة الاسرة الخاصة و الشركة ..ما عارفه.
اول ما ظهرت حكاية مشاكل العربات سمعت فى الراديو ان اليابنيين شايفين ان الزول ده ما اعتز باخلاص ...قمت سالت صحبتى اليابانية.....قلت ليها يعنى يا اليابانيين لازم الزول ينتحر عشان تقولوا بالجد ندمان و بيعتزر. ضحكت و قال ان اليبانى اذا عمل حاجه غلط بيجيب الفضيحة لاهله و لنفسه. لما ينتحر الفضيحة بتبقى ليه بس و الناس بترجع تحترم اهله.
و قالت صديقتى اليابنية فى موضوع العربات دى الموضوع ما محتاج انتحار .... اعتزار باخلاص كفاية . حتى استقالة ما مفروض يستقيل و لا حتى فى زو متوقعوا يستقيل.
على العموم الراجل الشركة شركة جدو ...يستقيل ليه؟؟؟
اكتر حاجه عجبتنى ان التايوتا ..فى يوم التحقيق مع المدير - جابوا كل وكلاء التايوتا فى امريكا وقفوهم فى الشارع و معاهم ممثلين لعمال المصانع ال 35 الف فى امريكا. بس عشان يزكروا الكونكرس ..ان فى الاف بتاكل عيش من شغل التايوتا فى امريكا
|
Post: #3
Title: Re: حسادة وغيرة منك يا......امريكا
Author: حامد محمد حامد
Date: 02-26-2010, 05:23 PM
Parent: #2
سمارت ...كيف حالك ما شاء الله مواكبة كل الاحداث ربنا يديك الصحة والعلم ...طبعا اليابانيين عارفين يمسكوهم من الايد اللى بتوجعهم وكمان فى نفس اللحظة خايفين من قرارات تعسفية لان الشركة خسرت الملايين من جراء Re call اللى حصل للعربات فى امريكا ولكن يشعر البعض ان هناك نوعا من الغيرة من جانب الأميركيين لان «تويوتا موتور كورب» أزاحت امبراطورية صناعة السيارات الأميركية «جنرال موتورز» عن عرش الصناعة العالمية كأكبر منتج للسيارات في العالم سنة 2008 بعد عقود من تربع الشركات الأميركية على العرش. وفي عام 2009 أصبحت «تويوتا» ثاني أكثر شركات السيارات شعبية في الولايات المتحدة.
واللافت انه حتى السياسيون الأميركيون الذين يهاجمون «تويوتا» الآن اعترفوا بانهم تحولوا الى ركوب سيارات تويوتا بدلا من السيارات الأميركية.
|
Post: #4
Title: Re: حسادة وغيرة منك يا......امريكا
Author: تبارك شيخ الدين جبريل
Date: 02-26-2010, 05:36 PM
Parent: #3
كنت عايز اعرف طبيعة تغطية الإعلام الأمريكى لى اتفاق الدوحة ...
محل ما أمشى القى اخبار هذا الـ "فيزبا" ....
وطبعاً الأمريكان هنا بيتعاملوا مع الزول المقرّش زى الزول الكويس ...
سلّوا روحنا ...
... المهم ....
|
Post: #5
Title: Re: حسادة وغيرة منك يا......امريكا
Author: Abdelmuhsin Said
Date: 02-26-2010, 05:44 PM
Parent: #3
Quote:
هناك نوعا من الغيرة من جانب الأميركيين لان «تويوتا موتور كورب» أزاحت امبراطورية صناعة السيارات الأميركية
|
ابو حميد سلامات هم فاكرين نفسهم بقدرو يغطسو حجر تايوتا عشان يرفعو اسهم GM مع العلم انه الشركات الامريكيا راقده رز وماكله هواء عشان كده ما عندهم حل غير يحرقو اوراق تايوتا وهوندا والحكايه ماشه وما حا تنتهى على الشركتين ديل . بس الحاجه المكيفانى نحن هنا فى السودان وباقى الدول العربيه ما شغالين بالكلام دا كثير ودا مش معناهو انه مافى مشكله لا ابدا هي موجوده بس الاعلام مديها كوزين زياده ( واذا فتحته القنوات الامريكيا تحلف تقول ثانى ما تركب سياره يابانيه .
|
Post: #6
Title: Re: حسادة وغيرة منك يا......امريكا
Author: Abdelmuhsin Said
Date: 02-26-2010, 05:51 PM
Parent: #5
Quote:
بس الحاجه المكيفانى نحن هنا فى السودان وباقى الدول العربيه ما شغالين بالكلام دا كثير
|
مع العلم اعلى مبيعات للشركات اليابانيه فى امريكا
|
Post: #7
Title: Re: حسادة وغيرة منك يا......امريكا
Author: Abdelmuhsin Said
Date: 02-26-2010, 06:20 PM
Parent: #6
Quote:
سمارت ...كيف حالك ما شاء الله مواكبة كل الاحداث ربنا يديك الصحة والعلم
|
وانت شوفته حاجه العجب كمان نمن تجيب النيل الازرق تتم الناقصه
 (يا بت اتبخري ما يسحروك لينا . تعرفى يا اسمارت المثل البقول " العز الما بضوقوه معاك أهلك .. شن طعمه ؟
دا نفس الكلام الانطبق على ناسكم ديل
|
Post: #8
Title: Re: حسادة وغيرة منك يا......امريكا
Author: حامد محمد حامد
Date: 02-26-2010, 08:19 PM
Parent: #7
| Quote: نحن هنا فى السودان وباقى الدول العربيه ما شغالين بالكلام دا |
الاخ عبد المحسن تحياتى
طبعا فى السودان العربات معظمها مفوتة فرامل وقصة المطالبات وشركات التامين والمحامين شغالة لسع باخوى واخوك فالشغلة ما فارقة تب
وعلى حسب علمى العيوب التى اكتشفت هى فقط للعربات المنتجة فى تايوتا امريكاوالغريبة ما عارفين ليه العيب دة ظهر رغم التجارب العديدة التى تسبق نزول اى موديل.
طبعا عمنا تايودا دة لو ما مشى واستجوبوه الامريكان كان تايوتا دقت الدلجة وطيها المنافسين لسع قاعدين يشمشروا ناس نيسان ومازدا بس يلقوها عند الغافل.
التحية للاخت سمارت مرة اخرى وهى فعلا كما ذكرت دائما مواكبة
|
Post: #9
Title: Re: حسادة وغيرة منك يا......امريكا
Author: عبدالله احيمر
Date: 02-26-2010, 08:42 PM
Parent: #8
واللافت انه حتى السياسيون الأميركيون الذين يهاجمون «تويوتا» الآن اعترفوا بانهم تحولوا الى ركوب سيارات تويوتا بدلا من السيارات الأميركية
الأخ حامـد
لك الســلام
ديـل ناس غبيانين ســاكت بس
|
Post: #10
Title: Re: حسادة وغيرة منك يا......امريكا
Author: Deng
Date: 02-26-2010, 09:08 PM
Parent: #9
الحاجة اللي فاتت عليكم هي أن أمريكا تعرف كيف تحفظ حقوقها وحقوق مواطنيها أمام أعتى الشركات العالمية.
وموضوع الجودة والسلامة ده ما فيهوا أي لعب . قبل أسبوع كنت بتفرج في السي ن ن . عرضوا تحقيق عن مشكلة سيارات التايوتا . ولقد كان الملخص يتحدث عن أن المشكلة في سيارات التايوتا ليست بمشكلة ميكانيكية بل هي مشكلة الكترونية ، وحل هذه المشكلة سوف يأخذ زمن طويل .
It is great to drive American car these days.
|
Post: #11
Title: Re: حسادة وغيرة منك يا......امريكا
Author: حامد محمد حامد
Date: 02-27-2010, 10:17 AM
Parent: #10
Quote: الأخ حامـد
لك الســلام
ديـل ناس غبيانين ســاكت بس |
بس نقول شنو يا عبد الله
بالمناسبة منتظرينك فى بوست د. امبدة بغادى وانت عامل طناش ( رياضة ذهنية)
شكرا على المرور
|
Post: #12
Title: Re: حسادة وغيرة منك يا......امريكا
Author: حامد محمد حامد
Date: 02-27-2010, 10:21 AM
Parent: #11
| Quote: وموضوع الجودة والسلامة ده ما فيهوا أي لعب |
الاخ دينق فعلا انهم لا يفاصلون فى موضوع الجودة والسلامة وهذا شى جميل ولكن .....الامر لا يخلوا من السياسةفى موضوع تايوتا الراهن او هكذا فسر البعض
كن بخير
|
Post: #13
Title: Re: حسادة وغيرة منك يا......امريكا
Author: smart_ana2001
Date: 03-01-2010, 07:57 AM
Parent: #12
سلامات يا جماعة .....القاعد فى التلفزيون عشان سماع الاخبار دى (بعيد عن السامعين ) بس من عدم الشغلة.
الذ حاجه ان فى اعضاء كتار انسحبوا من التحقيق مع التيوتا و السبب بسيط جدا ..ناس التيوتا بيصرفوا قروش كتيره جدا على السياسين فى امريكا.
و على العموم ما اطن ان الامريكات ح يعصروا على التيوتا شديد..حتى لو كان زعلانيين عشان العربات اليبانية احسن من الامريكيه ..لان كون ان التيوتا مشغله اكتر ن 35 الف امريكى (ده غير الوكلاء) فده ما هين. و على العموم الموضوع ما كان تبلى من الامركان على التيوتا ..العربات فعلا فيها مشكلة.
فى تلاته مشاكل...
المشكلة الاولى فى البريس و هى عربات بتشتغل بالكهرباء و بالبنزبين. و المشكلة ان الفرامل ما بتشتغل فى اللحظة اللى بدوس عليها فى ظروف معينه ..اظن ان العربية تكون فى نفس اللحظة بتغير من الكهرباء للبنزين. و المشكلة طلعت مشكلة صغيرة فى الكود (برنامج بتاع كومبوتر) و هسى اتحلت.
المكشلة التانية هلى اللى اتكلم عنها دينق و هى ان ان دواس البنزين فجاءة بيسعر جدا و العربيه بترفض تقيف او تهدى السرعة . ناس التيوتا قالوا المشكلة مكنيكية. الناس قالوا لا المشكلة كهربية .حاليا حلو تلتين المشكلة ..بقى تلت... التوتا قالت ما عارفه السبب ..لكن اكيد ما كهربى.
يقال انه فى مشكلة تالته فى الدركسون بتاع الكورلا.
| Quote: It is great to drive American car these days |
بتعتمد ان بتتكلم عن اى عربات ..الفورد هى الوحيده اللى معقوله او OK to drive. قبل فترة سقت فورد فيوشن....كانت مكسب لكن الكامرى برضو اسمح.
|
Post: #14
Title: Re: حسادة وغيرة منك يا......امريكا
Author: حامد محمد حامد
Date: 03-02-2010, 04:30 PM
Parent: #13
Quote: الكامرى برضو اسمح.
|
سلام يا سمارت
العربية التايوتية الوحيدة اللى ما حبيتها الكامرى وبالذات الموديلات الجديدة منها ( من غير اسباب فنية)
|
Post: #15
Title: Re: حسادة وغيرة منك يا......امريكا
Author: smart_ana2001
Date: 03-02-2010, 05:25 PM
Parent: #14
ليه يا اخى? الكامرى دى بالنسبة لسعرها فهى عربية شرحه و برحه ( وهواها بحرى) بالجد العربية واسعه جدا على سدان
|
Post: #16
Title: Re: حسادة وغيرة منك يا......امريكا
Author: حامد محمد حامد
Date: 03-02-2010, 07:29 PM
Parent: #15
هى كذلك .....
|
|