Post: #1
Title: ستة اشهر عقوبة تخطي الإشارة الحمراء
Author: محمد إبراهيم علي
Date: 02-26-2010, 11:43 AM
Parent: #0
Quote: قالت الإدارة العامة للمرور إن عقوبة تخطي الإشارة الضوئية، السجن ستة أشهر لمخاطرها على سلامة المواطنين وممتلكاتهم وبإعتبارها سلوكاً غير مسؤول قد يفضي للموت.
وأكد اللواء تاج الدين وديدي مدير الإدارة العامة للمرور ان الخطة التي نفذتها شرطة مرور ولاية الخرطوم لإنسياب حركة المرور بوسط الخرطوم حققت أهدافها في حركة السير والمرور بالولاية.
وقال وديدي بإذاعة ساهرون أمس، إنه تم وضع ضوابط لنقل الملكية والتسجيل للمركبات، كما تم إستحداث رخص قيادة لذوي الإحتياجات الخاصة، وأوضح ان قانون المرور الجديد عمل على تحديد مدة سريان رخصة القيادة من سنتين الى ثلاث سنوات، والمخالفات للراجلين الذين يتجاوزون قواعد السير بالطريق تعد جريمة تصل عقوبتها إلى ستة أشهر. |
المصدر الراي العام 26/2/2010
|
Post: #2
Title: Re: ستة اشهر عقوبة تخطي الإشارة الحمراء
Author: محمد إبراهيم علي
Date: 02-26-2010, 11:45 AM
Parent: #1
اتمني تشديد العقوبة في حالة التسبب باصابات جسيمة او مميتة الى مستوي القتل الجنائي
|
Post: #3
Title: Re: ستة اشهر عقوبة تخطي الإشارة الحمراء
Author: اسامه خليفه
Date: 02-26-2010, 11:58 AM
Parent: #2
ودابراهيم .. سلام
ذكرتني نكته عن السعودين ..
اتصل عسكري المرور علي الدوريه: يوجد حادث في الطريق..
فرد عليه: غلطان الاجنبي ..
قال له: الاتنين اجانب ..
فقال: غلطان المصري ..
..
فالسودان غير الاجانب بها الخواص من ..
مؤتمر وطني
مجلس وطني
امن
شرطه
دفاع شعبي
منظمات ما انزل الله به من سلطان ..وغير ناس الدمغات....
لا اتوقع ان تكون هنالك عداله في تطبيق القوانين المروريه بالسودان..
-------------------------
ودابراهيم ليك كم سنه من السودان ؟
|
Post: #4
Title: Re: ستة اشهر عقوبة تخطي الإشارة الحمراء
Author: محمد إبراهيم علي
Date: 02-26-2010, 12:17 PM
Parent: #3
سلام يا اسامة وتحياتي للاسرة
طبعا لا يخلو السودان من اصحاب الحصانات والامتيازات ولكن لننظر الى النصف الممتلئ من الكوب وجود مثل هذا القانون لو ردع 50% من المتهورين فهو حفاظ على حيوات غالية تضيع بسبب التهور وعدم المسؤولية
ــــــــــ
اذهب الي السودان سنويا وان كنت لا افضل القيادة في الخرطوم فهي عذاب متصل ولكن اجد نفسي في بعض الاحيان مضطرا لركوب الصعب وقيادة سيارة وسط وحوش الطريق من امجاد وركشات ودفارات وغيرها
راي هذا بنيته على ما اراه هنا في السعودية من حوادث مميتة بسبب تجاوز الاشارة ولكني اتذكر حوادث مثل هذه في الخرطوم وخصوصا في رمضان ساعة الافطار والناس تسابق الزمن للفطور فيتخطون الاشارة ويقودون بتهور محاولين اللحاق بالاذان في البيت وتجد بعضهم امضى عامه او شهره او اقلها اسبوعه في المستشفي او في اسوأ الحالات مسخ العيد على اهله او اهل الضحية
|
Post: #5
Title: Re: ستة اشهر عقوبة تخطي الإشارة الحمراء
Author: الشفيع وراق عبد الرحمن
Date: 02-26-2010, 01:09 PM
Parent: #3
ود خليفة
مداخلتك شترا ، لكن نكتتك حلوة
كيفك يا ود ابراهيم؟
الحوادث الكبيرة المسببة للاذى قليلة داخل الخرطوم مقارنة بالرياض وباقي المدن العربية وأظن السبب هو ما ذكرته من ناس الركشات والامجاد والزحمة الشديدة
من ما اطلع لامن ارجع ما بخت نمرة اربعة
|
Post: #6
Title: Re: ستة اشهر عقوبة تخطي الإشارة الحمراء
Author: اسامه خليفه
Date: 02-26-2010, 01:15 PM
Parent: #5
Quote: ود خليفة
مداخلتك شترا ، لكن نكتتك حلوة
|
الشفيع تقصد بالشتراه لانها ضربت علي صلب الحقيقه ..
في السودان الذي نعرفه جميعا وللاسف محسوبيه الي ابعد مما تتخيل وخاصة المرور ..
تبديل حرف باخر..
|
Post: #7
Title: Re: ستة اشهر عقوبة تخطي الإشارة الحمراء
Author: الوليد محمد الامين
Date: 02-26-2010, 02:29 PM
Parent: #6
الأخ الكريم محمد ابراهيم
للأسف دا ما ح يحل المشكلة ،
المحسوبية والواسطة كما ذكر احد الاخوة هنا مشكلة اكبر ،
تاني حاجة عساكر المرور ديل في غالبهم قاعدين للاتاوات او الغرامات ،
كل يوم باجي بكبري المك نمر ، اللفة من الكبري للشمال لشارع النيل ممنوعة لانها بتوقف الحركة ،
يوميا في واحد والا اتنين باشوفهم بيعملوا الحركة دي والعساكر قاعدين وما بيسألوهم ،
لما ذاتي بقيت احس نفسي عوير لانو بامشي مسافة طويلة كان ممكن اختصرا زيهم ،
في كل التقاطعات اذا واحد قطع الاشارة العسكري لا يحرك ساكنا !
وسط الخرطوم الشوارع محددة باتجاه واحد زول شغال بالقصة دي مافي والعسكري وااااقف !
يوميا وانا شغال في شارع السيد عبد الرحمن باطلع القي عربيتي مقفولة من واحد واقف غلط - يوميا دي هنا ما للمبالغة- ،
والعساكر برضو واقفين ،
طيب ، مرة ضربت ناس الحركة قال لي غايتو في ونش جنب معمل ستاك شوف لو لقيتو !!!
مشيت شفتو قال لي ياخ الشوارع مقفلة ! هسه لما نصل عربيتك بكون الزول مشي !
قبل زي 3 أسابيع كده في الخميس كان في زحمة غريبة وكان في عساكر حركة كتار بيحاولو يحلو الزحمة ، سألت واحد منهم : الحاصل شنو ؟
قال لي والله نحن زاتنا مستغربين وما عارفين !
|
Post: #8
Title: Re: ستة اشهر عقوبة تخطي الإشارة الحمراء
Author: rani
Date: 02-26-2010, 03:13 PM
Parent: #7
| Quote: والمخالفات للراجلين الذين يتجاوزون قواعد السير بالطريق تعد جريمة تصل عقوبتها إلى ستة أشهر. |
يتطلب هذا بناء المذيد من السجون.. حتي يتمكنو حل اشكالية ازدحام السجون.
كدي خلو الراجلين في حالهم.. في الوقت الراهن وركزو في الاشارة الحمراء..
وفي الاشارات ذات نفسها
يعني يا مدير المرور ما مكن تعمل ليك اشارة تفتح 30 ثانية وتقفل 3 دقائق ونصف، اقرب مثال اشارة القسم الجنوبي البتودي علي كبري الحرية وابو حمامة
ياخي دي اشارة طمام.. المصيبة الاشارة دي قدام قسم الشرطة ومكتب المرور... شوف عينك العربات تقطع في الاشارة الحمراء وعساكر السجم قاعدين تحت الضللا
ياكلو في التسالي وكانو مافي شي حاصل..
وليه بس يتحركو كان هم ذاتهم بيعملو كدا..
وكمان اكتر حاجة تجيب "العنكربود" العساكر المدنهم سيارة النجدة.. الواحد تلقي مشغل النجدة وسائق بسرعة مليون.. عشان يصل بتاعت الشاي ويوقف العربية مدورة والنجدة مدورة
ويصنقر ليهو في البنبر عشان يشرب ليهو كباية شاي... وبالمجاني كمان..
يا مان دي بلد الله يكون في عونها ساكت..
شكراً اخ محمد ايراهيم لافراد البوست
ودي
راني السماني
|
Post: #9
Title: Re: ستة اشهر عقوبة تخطي الإشارة الحمراء
Author: rani
Date: 02-26-2010, 03:18 PM
Parent: #8
العنكربود بالمناسبة مرض لم يتم اكتشافه بعد يصيب الجهاز " الشمخروني"
|
Post: #10
Title: Re: ستة اشهر عقوبة تخطي الإشارة الحمراء
Author: محمد إبراهيم علي
Date: 02-26-2010, 03:19 PM
Parent: #7
شكرا لجميع من مر هنا
الشفيع : اسامة ده صاحبي يشتر على كيفو 
طبعا انت ما ممكن تنفي وجود اصحاب الامتيازات والحصانات ودي بالذات موجودة بنصوص القانون لو عاوزه نجيبا ليك
د. الوليد: طبعا انت مش زينا نحن القاعدين برة ديل ايدك في النار وربنا يحفظك وكل السايقين والراجلين
فعلا الخرطوم القيادة فيها عشوائية جدا وعساكر المرور ليس لهم هم الا تحصيل الاموال ولكن بفترض انو شرطة المرور دي لما عملت القانون مفترض تكون عملتو بعد احصاءات لعدد الحوادث والاصابات الناتجة عن تخطي الاشارات
انا بس بنظر على للموضوع على اعتبار تطور نوعي وبتمني انو ما يكون موضوع لجنة وضع قوانين وحوافز لاعضاء اللجنة بس اقصد يعني يطبق وترى نتائجه على الارض
ايضا اتمنى ان تضاف مادة للتخطي المتهور في الطرق السريعة وتحول الى جريمة جنائيية مع حفظ الحق المدني للضحايا
|
Post: #11
Title: Re: ستة اشهر عقوبة تخطي الإشارة الحمراء
Author: rani
Date: 02-26-2010, 03:28 PM
Parent: #10
Quote:
انا بس بنظر على للموضوع على اعتبار تطور نوعي وبتمني انو ما يكون موضوع لجنة وضع قوانين وحوافز لاعضاء اللجنة بس اقصد يعني يطبق وترى نتائجه على الارض
|
تطور نوعي وين ياسيدي
دا حيرفع نسبة فرص الزبالات "الرشاوي" لافراد شرطة المرور..
الشغلة حتبقي 600 جنيه ولا ستة شهور سجن
تختار بدفع حق الدواء ومصاريف الاطفال ولا الدخول السجن كي تتملى قمل ومرض.. وتجوع اسرتك.. واحتمال تفقدا..
العاقل يختار!!
|
Post: #12
Title: Re: ستة اشهر عقوبة تخطي الإشارة الحمراء
Author: isam elzein
Date: 02-26-2010, 03:51 PM
Parent: #11
اليصلحوا الشوارع فى الاول
وبعدين :
ما هو حكم من يهبط فى بيت بكاء بطياره هيليكوبتر ؟
|
Post: #13
Title: Re: ستة اشهر عقوبة تخطي الإشارة الحمراء
Author: rani
Date: 02-26-2010, 03:55 PM
Parent: #12
| Quote: ما هو حكم من يهبط فى بيت بكاء بطياره هيليكوبتر ؟ |
لا يحدث الا في السودان..
|
Post: #14
Title: Re: ستة اشهر عقوبة تخطي الإشارة الحمراء
Author: صالح عبده
Date: 02-26-2010, 03:59 PM
Parent: #12
انا ماعارف ليه بتاع المرور كان بقول
لي عايز حق الفطور؟؟؟؟؟؟؟؟؟؟؟؟؟؟
|
Post: #15
Title: Re: ستة اشهر عقوبة تخطي الإشارة الحمراء
Author: صالح عبده
Date: 02-26-2010, 03:59 PM
Parent: #12
انا ماعارف ليه بتاع المرور كان بقول
لي عايز حق الفطور؟؟؟؟؟؟؟؟؟؟؟؟؟؟
|
Post: #16
Title: Re: ستة اشهر عقوبة تخطي الإشارة الحمراء
Author: صالح عبده
Date: 02-26-2010, 03:59 PM
Parent: #12
انا ماعارف ليه بتاع المرور كان بقول
لي عايز حق الفطور؟؟؟؟؟؟؟؟؟؟؟؟؟؟
|
Post: #17
Title: Re: ستة اشهر عقوبة تخطي الإشارة الحمراء
Author: rani
Date: 02-26-2010, 05:53 PM
Parent: #16
Quote:
انا ماعارف ليه بتاع المرور كان بقول
لي عايز حق الفطور؟؟؟؟؟؟؟؟؟؟؟؟؟؟ |
تفتكر يا عبده بتاع المرور دا لو اديتو حق الفطور الليلة، وفي المرة الجاية لقاك قاطع اشارة حمراء.. حيقطعك البحر؟
|
Post: #18
Title: Re: ستة اشهر عقوبة تخطي الإشارة الحمراء
Author: الشفيع وراق عبد الرحمن
Date: 02-26-2010, 05:55 PM
Parent: #16
| Quote: الشفيع : اسامة ده صاحبي يشتر على كيفو |
يعني عشان البوست تبعك ، طيب خليهو يشتر ، بعدين يبقى اسامة الأشتر ،اسامة بن لادن ، أسامة....
| Quote: طبعا انت ما ممكن تنفي وجود اصحاب الامتيازات والحصانات ودي بالذات موجودة بنصوص القانون لو عاوزه نجيبا ليك |
طالما امتيازات مقننة ، المشكلة وين
----------------------------
معقول يا ود ابراهيم في امتيازات في القانون لقطع الاشارة ، شكلها جاكات منك ساي
|
Post: #19
Title: Re: ستة اشهر عقوبة تخطي الإشارة الحمراء
Author: حسن محمود
Date: 02-26-2010, 07:34 PM
Parent: #18
الاخ/ محمد ابراهيم .. عاطر التحايا
• قطع الاشارة عقوبته سجن 6 شهور
• مخالفات الراجلين عقوبتها تصل الى سجن 6 شهور
• سريان رخصة القيادة 3 سنوات .
اية حكاية السجن .. الطلعت جديدة .. معقول ناس المرور
خلاص شبعوا من العقوبات المالية؟
عقوبات غريبة ومبالغ فيها..ما اعتقد لها مثيل ..
الحسنة الوحيدة زيادة مدة الرخصة الى 3 سنوات ، كنت اتمنى
ان تكون 5 سنوات ..
ما هي مخالفات الراجلين لقواعد المرور ؟ ادونا مثال ..
|
Post: #20
Title: Re: ستة اشهر عقوبة تخطي الإشارة الحمراء
Author: محمد إبراهيم علي
Date: 02-26-2010, 09:32 PM
Parent: #19
راني
شكلك مورماك اشارة القسم الجنوبي دي وفاقعين مرارتك عساكر النجدة ديل
صدقني القانون ده لو ردع بتاعين الامجاد ديل بس بكون قدم خدمة وحافظ على حياة انسان وحتى الواحد فيهم لو رقع (دي اسم رندوك للرشوة) ليهو عسكري فالرقعة بتكون كبيرة لانو دي 6 شهور سجن فالمرة الجاية حيتعظ وما يقطعها
اما العساكر فنسال الله ان يصيبهم هذا العنكربود في جهازهم الشمخروني ويبوظو ليهم كلو
نجي لموضوع الراجلين ديل فدي بصراحة ناس المرور كتروا فيها المحلبية بحكاية 6 شهور ودي اظنهم شفوها من دبي لانها مطبقة هناك بس هناك غرامةبس ما في سجن (من يعتقد اني مخطئ فليصححني)
لكن هناك شوراع مثل شارع الجامعة (قدام باب النشاط) يوجد كبري مشاة ولكن لا تجد الا القليل الذي يستعمله وتقع الحوادث وتضيع زهرات كان يمكن ان تستفيد منها البلد طلبة وطالبات في عمر الورد فلو من دلوقت ما اتعلمو النظام حيطلعو زينا باعتبار انا واخوي الشفيع ده فات فينا الفوات انت ما بعرفك يمكن لسه فيك رقشة
|
Post: #21
Title: Re: ستة اشهر عقوبة تخطي الإشارة الحمراء
Author: محمد إبراهيم علي
Date: 02-26-2010, 09:33 PM
Parent: #19
| Quote: معقول يا ود ابراهيم في امتيازات في القانون لقطع الاشارة ، شكلها جاكات منك ساي |
الشفيع لما يتكلم القانون او يمنح حصانة لاحد لا يحدد حصانة من مساءلته لمخالفته شيئا معينا وانما يمنحه حصانة من القبض والمحاكمة مالم يوافق مثلا رئيس الجمهورية في حالة نواب الرئيس والوزراء الاتحاديين وهكذا دواليك لغاية اصغر وزير ولائي او معتمد محلية
اتمنى انك تكون فهمت انا قاصد شنو بالحصانات
ـــــــــــ
فيما يخص صديقي اسامة فمداخلته في صميم الموضوع وهو موضوع الحصانات المبهولة في قارعة الطريق
|
Post: #22
Title: Re: ستة اشهر عقوبة تخطي الإشارة الحمراء
Author: محمد إبراهيم علي
Date: 02-26-2010, 09:41 PM
Parent: #21
| Quote: ما هي مخالفات الراجلين لقواعد المرور ؟ ادونا مثال .. |
نديك امثلة يا ابو علي
1 - عبور الطريق في غير المحل المخصص لعبور المشاة وده ممكن يكون في بعض الشوراع ذات الحركة السريع مما يشكل خطرا على قاطع الطريق نفسه والسيارات مما يتسبب في حوادث (ممكن ترجع للمثال الانا ضربتو لراني السماني)
2- بكون لاقوك الناس التقول الواحد فيهم مركب نمرة اعني بكون ماشي في نص الشارع ولا هاميه تحاول تتجاوزه تلقى روحك في مواجهة دفار ولا مجروس جيش تجي راجع محلك تلقي بتاع ركشة دخل فيهو وعينك ما تشوف الا النور
بس الموضوع بتاع الراجلين ده في السودان تطبيقه غير عملي يمكن يطبق في بعض الشوارع المجهزة بكباري للمشاة وكمان حكاية يسجنوك دي بالغو فيها شوية يعني ممكن غرامة تردع
|
Post: #23
Title: Re: ستة اشهر عقوبة تخطي الإشارة الحمراء
Author: حسن محمود
Date: 02-26-2010, 10:55 PM
Parent: #22
| Quote: - عبور الطريق في غير المحل المخصص لعبور المشاة وده ممكن يكون في بعض الشوراع ذات الحركة السريع مما يشكل خطرا على قاطع الطريق نفسه والسيارات مما يتسبب في حوادث |
نفترض راجل كبير في السن جا الخرطوم للعلاج او لاي غرض مهم
و عبر الشارع في غير المكان المخصص لجهله بالقانون؟
يقضي نص سنه من عمره المتبقي في السجن ؟؟ غير منطقي؟
وفي الاخر تشترى اشهر السجن بالقروش ؟
|
Post: #24
Title: Re: ستة اشهر عقوبة تخطي الإشارة الحمراء
Author: محمد إبراهيم علي
Date: 02-27-2010, 05:41 AM
Parent: #23
| Quote: و عبر الشارع في غير المكان المخصص لجهله بالقانون؟ |
انت عارف يا ابو علي في مبدا قانوني بيقول (الجهل بالقانون لا يعفي من العقوبة)
يفترض طبعا تكون في ارشادات وتوعية وفترة انتقالية في بلد نسبة الامية فيه اكثر من 70%
|
Post: #25
Title: Re: ستة اشهر عقوبة تخطي الإشارة الحمراء
Author: محمد عبد الماجد الصايم
Date: 02-27-2010, 05:53 AM
Parent: #24
ياااا عمكـ .. صباح الخير!
وخليكـ جااادي شوية ياخ!
هي وينا الإشارات زاتو؟؟
النجيضة: المشكلة مش في القانون
المشكلة الحينفذ القانون منو؟
بتاعين الأتاوات الإجبارية القانصين الشوارع
ويسمون مجازا شرطة المرور؟
|
Post: #26
Title: Re: ستة اشهر عقوبة تخطي الإشارة الحمراء
Author: محمد إبراهيم علي
Date: 02-27-2010, 06:23 AM
Parent: #25
| Quote: بتاعين الأتاوات الإجبارية القانصين الشوارع |
اهلا بالضحايا (طبعا المغتربين البمشو السودان الشقيق يجدعوا صيد سمين لاخوانا القابضين على زناد الصفافير)
بعدين يا خي ما تشوه صورة البلد لو ما في اشارات اسي يا خي ممكن يعملوها لينا ايام الانتخابات دي ويرجعوا يشيلوها بعد الانتخابات تاني فلازم قانون عشان يغطي مسالة التركيب والشيل دي امال الناس تغنى ليك من وين
تعرف زمان عندنا سواق معانا في الشركة لما يجيب الشاحنة بتاعتو الورشة للصيانة في نور صغير بالجنبة كدة مسميهو عشا العساكر بقول ده ما يصلحوهو فطبعا العسكري اول ما يوقفو بالليل بسالو ليك النور دي ليه ما شغال فيرد بسخريته المعهودة (لو اشتغل انت حتتعشى بشنو)
نتكلم بالجد
عايزهم يمشو في الموضوع ده لغاية مرحلة التخطي المتهور في الطرق السريعة (شارع مدني الخرطوم مثلا) ويتحول لجرم جنائي كفاية موت وبهدلة ياخي الواحد لو طلع من الخرطوم ووصل الجزيرة سالم حقو يضبح كرامة طوالي
|
Post: #34
Title: Re: ستة اشهر عقوبة تخطي الإشارة الحمراء
Author: tmbis
Date: 02-28-2010, 07:44 AM
Parent: #12
| Quote: ما هو حكم من يهبط فى بيت بكاء بطياره هيليكوبتر؟ |
.. وغنت مالك ومالو هبط ليك في راسك إنت ..؟
بعدين شايفك بتطلت المداخلات اياها .. بتاعت الدم والاسهال .. وبقيت المفردات ..
إنت راس الصوط بتاعي بتاع المرة الفاتت وصلك ..؟
ما تكبر اللفة شديد ... الايامات دي كل يوم بدخل قاعد اعمل ليك بحث .. عايزين نشوف مويتك شنو .. واعمل حسابك وفتح عينينك إن متحرك في مياه اقليمية ما حقتك .. احتمال كبير جدا تغطس وتشرب وتشرق ..
سلامات يا سيد البوست ..
|
Post: #27
Title: Re: ستة اشهر عقوبة تخطي الإشارة الحمراء
Author: عبدالله الشقليني
Date: 02-27-2010, 11:29 AM
Parent: #2
Quote:
كتب : محمد إبراهيم علي :
اتمني تشديد العقوبة في حالة التسبب باصابات جسيمة او مميتة الى مستوي القتل الجنائي |
تحية طيبة أخي : محمد إبراهيم علي
في بلدٍ نشهد المتسببين في الحوادث ليست لديهم رخص ولا لسياراتهم رخص أو تأمين ،
فماذا تفعل الدولة بهم يا تُرى !!!؟؟؟
أما تشديد العقوبة إلى مستوى القتل الجنائي ،
فأراه تجاوزاً لفقه القانون .
تقبل اختلافي على أنه وجه آخر للمحبة .
شكري وتقديري لك .
*
|
Post: #28
Title: Re: ستة اشهر عقوبة تخطي الإشارة الحمراء
Author: الوليد محمد الامين
Date: 02-27-2010, 12:13 PM
Parent: #27
والله يا ود الصايم دي ياها النجيضة :
Quote: النجيضة: المشكلة مش في القانون
المشكلة الحينفذ القانون منو؟
بتاعين الأتاوات الإجبارية القانصين الشوارع
ويسمون مجازا شرطة المرور؟ |
بالاضافة لاشارة راني دي
Quote: يعني يا مدير المرور ما مكن تعمل ليك اشارة تفتح 30 ثانية وتقفل 3 دقائق ونصف، اقرب مثال اشارة القسم الجنوبي البتودي علي كبري الحرية وابو حمامة
ياخي دي اشارة طمام.. المصيبة الاشارة دي قدام قسم الشرطة ومكتب المرور... شوف عينك العربات تقطع في الاشارة الحمراء وعساكر السجم قاعدين تحت الضللا
ياكلو في التسالي وكانو مافي شي حاصل..
وليه بس يتحركو كان هم ذاتهم بيعملو كدا..
|
ما تنسي الاشارة بتاعة لفة الجريف وبتاعة المريديان : العساكر بيوقفوا الاتوماتيك ويشغلوها مانيوال علي كيفهم ، مرات 5 او 6 دقايق انت تكون في الاحمر !!!!
|
Post: #29
Title: Re: ستة اشهر عقوبة تخطي الإشارة الحمراء
Author: محمد إبراهيم علي
Date: 02-27-2010, 05:33 PM
مرحبا بك استاذ الشقليني
نختلف في الراي بمحبة وكرامة ومقامك محفوظ لدينا ومن اختلاف الاراء نتعلم
| Quote: في بلدٍ نشهد المتسببين في الحوادث ليست لديهم رخص ولا لسياراتهم رخص أو تأمين |
اهو انت جبت لينا التايهة يعني لو زول ما عندو رخصة ولا تأمين لضاع حق الضحية اما لو تم تحويلها لتهمة جنائية فسيدفع المستهتر الثمن غاليا وسيكون رادع لغيره
|
Post: #30
Title: Re: ستة اشهر عقوبة تخطي الإشارة الحمراء
Author: محمد إبراهيم علي
Date: 02-27-2010, 05:42 PM
Parent: #29
د.الوليد
ملاحظتك دي طبعا في محلها تماما فبعد تعملوا حسابكم المسألة بقى فيها سجن
حكاية زمن الاشارات دا مفروض لو في تحكم مركزي ممكن يتحل بسهولة على حسب زحمة الشارع
على حسب علمي في البحرين يعتبر قطع الاشارة الحمراء والتسبب بحادث قضية جنائية يعني لو تسبب في الموت يحاكم بتهمة القتل شبه العمد
|
Post: #32
Title: Re: ستة اشهر عقوبة تخطي الإشارة الحمراء
Author: ياسر إدريس حسن
Date: 02-27-2010, 08:38 PM
Parent: #31
سلام الاخ محمد ابراهيم.
والله كاراكتير.........مبالغة ......مبالغة.......شكراْ
|
Post: #33
Title: Re: ستة اشهر عقوبة تخطي الإشارة الحمراء
Author: Balla Musa
Date: 02-28-2010, 06:51 AM
Parent: #32
محمد إبراهيم على
سلام ياسيدى
مثل هذه القوانين تعكس العشوائية فى كل مانتخذه فى خطوات لمعالجة أمر ما فى بلادنا..
مثلا لو فى دراسة صحيحة حايكون واضح كم عدد الذين يتخطون الإشارة الحمراء فى السنة..
أفترض العدد ٦ ألف فى السنة فى العاصمة, بمتوسط ٣ ألف كل ٦ شهور..
ونفترض أن القانون تم تطبيقه بنزاهة
محتاج توفر ٣ ألف خانة فى سجون العاصمة ولمدة ٦ أشهر.
وتوفر ٩ ألف وجبة يوميا لمدة ٦ أشهر
وتكون مستعد لآن توفر ٣ ألف شخص يحلو محل المسجونين فى مواقع عملهم لتضمن استمرار عجلة الإنتاج..
وهنا شوف الحكومة بتخسر كم ( هذا بافتراض أن الحكومة مسئولة عن المواطن طليق أو مسجون)
بالمقابل:
أفرض وضعت غرامة ٥٠٠ جنيه مضروبة فى ٣ ألف كل ٦ شهور
واجمع المبالغ دى ووظفها فى توسعة الطرق مثلا أعمل طريق دائرى يربط المدن التلاتة عن طريق الكبارى الطرفية وتصلح الطرق الداخلية ووضع إشارات فيها سنسر يوقت عمل الإشارة حسب زحمة الشارع وتضع كمرات لمراقبة ذلك مع مراقبة عسكرى المرور نفسه (للتقليل من موضوع الرشوة)..
الحاجات دى مكلفة لكن لو الحكومة نظرت ليها نظرة استثمارية بتلقاها بتجيب حقها وتزيد.
|
Post: #35
Title: Re: ستة اشهر عقوبة تخطي الإشارة الحمراء
Author: حسن محمود
Date: 02-28-2010, 10:20 AM
Parent: #33
فعلا عقوبة السجن محتاجة الى اعادة نظر ودراسة لانها
غير عملية وصعبة التطبيق ..
هل تمثل مخالفة قطع الاشارة نسبة كبيرة من الحوادث والاصابات
مقارنة مع المخالفات المرورية الاخرى؟
|
|
