ناس امريكا عاوزين تشوفوا قناة النيل الازرق?

مساكين يا ناس مريكا عينكم طالعة مع تلفزيون السودان..
رايكم شنو نحاول نقنع (ما عارفه منو) ان يختوا لينا قناة النيل الازرق مع القنوات العربية حتى لو كانت باشتراك براها ذى قناة اقرا و نورسات???
حقيقى انا ما عارفه ممكن نجنن منو بالموضوع ده!
ناس Dish networkاو reach media او ناس الART
اها ....زول يفتينا نضرب لمنو عشان نبريه بالموضوع ده!

Dish network

ساروره
قلتى كده??? خلاص هسي بضرب ليهم و بشوف بيقولوا شنو
لو طلعو فعلا هم المتهمين ....اعلنوا عليهم الحرب لحدى ما يقتنعوا و يختوها لينا

الله يسامحك يا سارة
ح تصدقى انى اتكلمت مع 7 فى خدمات المشركين لدشنتورك
و كل واحد بيحولنى للتانى .اخر واحد شاكلتوا وقفلت السماعة فى وشو
على العموم المعلومة الوحيدة المفيدة اللى طلعت بيها انى ممكن لضرب الرقم ده عشان اقول ليهم انى عاوزه القناة دى

18008949131
الليله ضغطى ارتفع بكره احاول تانى

Quote: الليله ضغطى ارتفع بكره احاول تانى

طيب لو شفتي "النيل الازرق" حيحصل ليك شنو ؟؟ يابتي اطلعي من الموضوع دة ؟؟ الضغط هين لكن BNTV Syndrome is fatal

هههههههههههههههههه
من قولة تيت ضغطك ارتفع..

البشوف حنفشتك يقول بكرة حنشوف النيل الازرق..

هههههههههههههههههههههههه والله انتي عسل

يا اسمارت احلف ليك بشنو عشان تصدقى انا بتفرج قناتى النيل الازرق وشروق الان وفى تورنتو لا دش نيت وورك ولا ا ر ت ولا لمة وازيد مش حا اقول ليكم كيف دا حصل واليوم شاهدت لقاء على النيل الازرق مع الدكتور جعفر شيخ ادريس للناس المتابعة وعلى الهواء

Salam Smart,

i called and they said they will consider it in the future if they receive enough feedback from viewer requesting it.

سمارت أنا سلامات

Quote: يا اسمارت احلف ليك بشنو عشان تصدقى انا بتفرج قناتى النيل الازرق وشروق الان وفى تورنتو لا دش نيت وورك ولا ا ر ت ولا لمة وازيد مش حا اقول ليكم كيف دا حصل واليوم شاهدت لقاء على النيل الازرق مع الدكتور جعفر شيخ ادريس للناس المتابعة وعلى الهواء

ياهشام عليك الله قولينا كيف عشان خلاص نحن محاصرين بين الفضائية السودانية وتلفزيون جنوب السودان والاثنين قمة الملل والتلقيدية

عايزين نشوف النيل الأزرق عسى تكون فيها حاجة تسر الخاطر

يالله بطل حساده وورينا كيف يالحبيب

سبحان الله يا هاشم ..قبل سنتين ما كنت بتعرف ترفع صور فى المنبر
حسى بقيت عفريت بتاع ساتلايت ..
والله انا امنت بيك عديل بعد ده ..
علمنا كيف عملتها ..
كلنا اذان صاغية

ههههههههههه يا النصري قلتا لي صاحبك بقى قرد بتاع ستلايت

لا وكمان شنو قال ما بوريكم

تلقاهو أسي بحضرا في النت في justin.tv

بشمهندس ابوبكر....
BNTV Syndrome دى لذيذه شديد....لكن نعمل شنو ؟؟انت و نجوان اللى دخلتوا نفسى فى النيل الزرق...اغانى و اغانى و اغانى...و احنا نتفرج فيكم تتغالطوا... فرفور غناى و عصام البنا ظريف.
رمضان الجاى لو ما عندى (ان شاء الله ) النيل الازرق ح امشى اصوم فى السودان.


سارة على ..الدنيا كانت اخر يوم و شكلهم الموظفين زهجانيين او ناس امريكا كانوا قفلوا وحولونى خدمات المشركين فى الهند.
و الله اخر واحد اتكلمت معاه ده بيكون (امن بالبطاطس)*
________________________________________________
(امن بالبطاطس) دى ما عندها اى معنى غير ان الزول استغرب.



هاشم نوريت ..سلامات...بصدقك من غير حليفة. لكن انا -للاسف- ما بعمل اى حاجه ما قانونية* . و ما بحب اتفرج بالكومبيوتر (لو كان قصدك من النت). انا عاوزه حاجه اشيل الريموت و اقلب القنوات و لما يعملوا حاجه سخيفة اغير القناة و اقعد اهرج فى ناس التلفزيون و زوقهم و اذا كان قايلننا متخلفين عقليا.
_____________________________________________
* موضوع قانونيى دى ما لانى شريفة فاضل ..لكن انا من انصار الملكية الفكرية و اذا كانوا ببيعوا الخدمة المعينة و انا عاوزاها ..انا مفروض ادفع.
اما اذا كان الموضوع قانونى و من غير نت ..فورينا ..عليك الله

Afraa Sanad ان شاء الله بس تكونى متزكرة النمرة او الجهة اللى ضربتى ليها...
وممكن نعمل ندا من هنا عشان كل الناس المهتمة بالموضوع تضرب.



حسن حماد محمد ..سلامات .
احمد الله ما عندى تلفزيون السودان.

النصرى أمين ...سلامات.

Salam,
I called the number you provided

it is better to call

18882622604


the arabic channels @ disk

ABU DHABI 768
AL ARABIYA 776
AL JAZEERA 761
AL ZIKR 780
ART AMERICA 758
ART MOVIES 759
ART MUSIC 781
AL JAZEERA SPORT 601
BBC ARABIC 606
DUBAI SATELLITE CHANNEL 765
DUBAI SPORTS 659
DREAM 2 769
ESC-1 762
EURONEWS 901
FUTURE TV 764
HEKAYAT 777
LBC 760
MBC 766
NBN 778
NEW TV 779
NILE DRAMA 763

شكرا يا عفراء..تسلمى


خلاص يا جماعة ..بكره.... كلو واحد فيكم كده فى النهارية مع كباية الشاى التانية يرفع التلفون و يضرب للجماعة ديل. و ان شاء الله تتسهل
و مرحبا بالBNTV Syndrome *
__________________________________________
*مفروض نسال بشهمندس ابوبكر عن الاعراض و العلاج.

بكرى ابو بكر شخصيا قال ليكم اضربوا النمرة دى...18882622604


ده كلام واضح ..اى زول من بورداب امريكا ما ح يضرب النمرة بكرى ح يوقفوا من البورد. و حى تبقى عليكم مصيبتين ..ما فى نيل ازرق و لا حتى بورد.
بعد كده الا تمشو تقضو وقت مع اولادكم و تشوفوهم فى سنة كم فى المدارس و بيعملوا فى شنو فى الدنيا*
_____________________________________
* I am just kidding

http://www.dishnetwork.com/customerservice/contactus/live_chat/default.aspx

ان شاء الله بكرة اضرب الرقم ده..

تعرفى يا اسمارت ..الهواء رمى الصحن بتاع الدش قبل 8 شهور ..
اصلى ما صلحتو عشان ما امرض من مشاهدة القناة السودانية..

شكرا بكرى ابوبكر..حاولت الايف شات و جاتنى المسج دى

Quote: Thank you for your interest in chatting with a live representative. Currently no agents are available to answer your chat. Please try again in a few minutes or feel free to Contact Us through one of the following options

و ذى ما قلت ..اليوم IHAVE HAD IT WITH THEM
بكره يمكن الموضوع يكون احسن



النصرى...حالة صعبة شديد. ذى ما قلت ليك احنا ما حتى فكرنا فيه الموضوع ده. و لما امشى لناس عندهم باستغرب جدا من الحاصل.
لكن تقول شنو ..اهو هسى ساكين الموضوع و عاوزين ندفع فيه قروش كمان ...و بكرة تقعدوا تشكو .

Quote: ناس امريكا عاوزين تشوفوا قناة النيل الازرق?

لا ما عاوزين نشوفا

نشوف ألله والرسول
مش كفايه المرض والقرف النحنا فيه

Quote: لا ما عاوزين نشوفا نشوف ألله والرسول مش كفايه المرض والقرف النحنا فيه

مالوا...ان شاء الله كلنا نشوف الله و الرسول ....
و فى الدنيا الفانيه دى نشوف النيل الازرق (بعد ما تصلوا المغرب و تقروا الاوراد)

بعدين قرف شنو يا اخى؟؟؟انا -شخصيا- مبسوطة جدا فى حياتى (الف حمد و الف شكر لله)...و شويه مرض من ناس النيل الازرق بيخليك تحس بباقى نعم الله عليك من صحة و عافية وكده.

قصدت بالمرض والقرف تلك (العواليق) السودانيه المسماة فضائيات

Salam Ya Smart. I just called the chat line, the guy said he will forward my suggestion

سلام يا شباب
والله انا اصلا مقاطع القنوات العربية عموما,بتجيب لي كاروشة وحمي ام برد
اها لو النيل الازرق ...جاية,ممكن ندخل الدش العربي
اها بالله بعدين ادونا خبر معاكم...

شكرا جزيلا د. عيد الله
ان شاء الله بس يهتموا

هوارى نمر....شنو يا اخى ...نديك خبر بس؟؟؟
ايدك معانا...اضرب ليهم ....ينوبك ثواب

Quote: هوارى نمر....شنو يا اخى ...نديك خبر بس؟؟؟ ايدك معانا...اضرب ليهم ....ينوبك ثواب

حاااااضر...
وليك علي اشيل الرقم و اوزعه علي الاصحاب غير الاعضاء هنا
ونهريهم تلفونات و لو في طريقة كمان الايمل..

سلام يا سمارت

فكره حلوه ..ولو قدرنا نتكلم مع اداره قناة النيل الازرق ونناقش معاهم الموضوع بيكون افضل ..فلو في زول عندو تلفون او ايميل يمدنا بيهو .

Quote: حاااااضر... وليك علي اشيل الرقم و اوزعه علي الاصحاب غير الاعضاء هنا ونهريهم تلفونات و لو في طريقة كمان الايمل..

شكرا يا هوارى..
و على قول امى - يديها العافية - (لما اقول ليها حاااضر ) تحضر ما تغيب.




شكرا يا معاوية ...ممكن برضوا نجننن ناس النيل الازرق ..اى زول فى اى حته ...

يا اسمارت ليه سؤ الظن دا يااستاذة قاعد قدام تلفزيونى وبلقب زى ماعايز كان جات الحكومة اقول ليهم اقعدوا اتفرجوا دي النيل الازرق كان دايرين ريضاة دى الجزيرة وكان ما عاجباه دى جزيرة رياضية تانية ودى ابوظبى ودى دريم واحد واتنين ودى الحياة الاولى والتانية وديل كل قنوات النيل حدث ولاحرج ودى قناة الرسالة واقراء وديل القنوات اللبنانية لكل الاحزاب والكنتونات عدا ناس حزب ايران وديل كل القنوات الاخبارية واقلب احمممممممممممممممممد الله وشاااااااااااااااااااااااااااااكر الله انتو خليكم مع دش ابرا واستبببببببببرا من دقديق الدشوش فى نص الليالى ومين قال ليك دقديق الدشوش قانونى الا قانونا بتاع السودان كدى اخليك حسى عشان فى لقاء مع واحد فى النيل الازرق وهو عن الحافظ على الوزن المثالى وبعدين عشان اوجع فشافيشكم الماشاف النيل الازرق ما شاف تلفزيون سودانى مثالى اخخخخخخخخخخخخخخخخخخخخخخخخخى من الفضائية السودانية
وانت يا النصرى دى خوتك تفضحنى مع الجكس احا كان كدا شوف اتصالك مع دش ولا شوف تلفون الريس ياخ انت هسى كمبيوتر قبل سنتين زى كمبيوتر اليوم ناس تارا بايت شوفت كيف المتابعة دى
لكم التحية والمغصة الغياظة

العزيزة smart_ana2001

الظاهر عليك مقرشة وجاكى
Tax return ما عرفة تودية وين
Save it for rainy day

يا smart_ana2001
اناعندى كل القنوات لى اكثر من سنة
وعندى القناة السودانية 5 سنين
لكن ما عندى وقت علشان استمتع بيهم
باللة ورينى بتلاقى وقت وين مع جرى امريكا
بلدناالسمحة
اوعدك بكرة
weekend
ح اتصل
to support you

Quote: لكم التحية والمغصة الغياظة

يا شيخنا ده شنو ?
انا اشك فى ان ده شيخنا هاشم نوريت خاصة بعد تصريحات مصادر مطلعة (النصرى) بان نوريت ما بيفك الخط فى التكنلوجيا
_________________________________
نوريت ما تزعل انا بغيظ فيك لانك بتغيظ فينا

Smart_ana
salam
i had a live chat with one of their sales rep. they do not offer BN TV. check the script
_____

Please wait while we find a Sales Representative to assist you... If your wait time exceeds your expectations, please try again later or contact us at 1-888-347-4881.
Welcome to Dish Network. To better assist you with your buying experience and ensure that we can contact you in case this session gets disconnected, please provide your phone number using this format 999–999–9999.

(01) Roselle** F. W22: Are you still with me?
Adil Osman: hi. i would like to know if you provide Satellite Tv channel from Sudan called Blue Nile TV?
Adil Osman: i hope i'm still with you.
(01) Roselle** F. W22: Yes.
(01) Roselle** F. W22: Are you chatting outside US?
Adil Osman: how to subscribe?
Adil Osman: yes from the UK. but enquiring for people in the US
(01) Roselle** F. W22: Do you have an address in United States?
Adil Osman: i am afraid no. not at the moment.
Adil Osman: any general information about this channel?
(01) Roselle** F. W22: We have verified that you are chatting outside the U.S. I apologize we currently only offer the service in the US. I will be escalating this session to my Supervisor.
Adil Osman: i'm not requesting the service for my self. i'm just enquiring for people in the US. please help me find info.
(01) Roselle** F. W22: Please give me a moment.
Adil Osman: ok. take your time.
(01) Roselle** F. W22: Is this an International channel
Adil Osman: yes.
(01) Roselle** F. W22: From which Country?
Adil Osman: Sudan
(01) Roselle** F. W22: Where is Sudan?
Adil Osman: khartoum
Adil Osman: Sudan is in Africa.
(01) Roselle** F. W22: One moment please.
Adil Osman: ok.
(01) Roselle** F. W22: I apologize but I was not able to find any information for the channel you are looking for.
(01) Roselle** F. W22: We do not offer that channel.
Adil Osman: ok. thanks for your help.
(01) Roselle** F. W22: You're welcome.
(01) Roselle** F. W22: Is there anything else I can help you with today?
Adil Osman: have a nice weekend.
Adil Osman: no, thank you so much.
(01) Roselle** F. W22: You're welcome.
(01) Roselle** F. W22: Thank you for chatting with Dish Network and have a great day!
Thank you for visiting Dish Network. You may now close this window. Your session has ended. You may now close this window.

سلامات العزيزه هدى
ياريت و الله يكون فى tax return .احنا ما جانا tax return من زمن(ما عاوزه اقول كم سنة عشان قلبى ما يوجعنى).السنة دى مطلوبين شئ و شويات . غايتو شهر اربعة زوجى العزيز ح يبيع واحد من الاولاد عشان يدفع الضرائب.
اما عن زمن للتلفزيون فانتى عارفه بلدنا السمحة دى مطابخها فى غرفة المعيشة اليوم كلو بطبخ و اغسل فى العده و اونس الاولاد و بتفرج فى التلفزيون. غيره كده انا براى كمان فوق العاده كده I don't have a life
شكرا على الدعم ....تسلمى

عادل امين شكرا جزيلا يا اخى نردها ليك فى ساعة خير
That’s true they don’t offer the BNTV and that is why we want to bug them. We want them to offer it. So when you call them or chat with them tell them that you know that they don’t offer it, but you know that there are soooo many people that would be interested in it .

Quote: بكرى ابو بكر شخصيا قال ليكم اضربوا النمرة دى...18882622604 ده كلام واضح ..اى زول من بورداب امريكا ما ح يضرب النمرة بكرى ح يوقفوا من البورد. و ح تبقى عليكم مصيبتين ..ما فى نيل ازرق و لا حتى بورد. بعد كده الا تمشو تقضو وقت مع اولادكم و تشوفوهم فى سنة كم فى المدارس و بيعملوا فى شنو فى الدني

سلام يا اسمارت وكيف الحال..

كلو الا الرفد من المنتدي نودي وشناوين!!!!!!!

بعدين الما عندو اولاد اعمل شنو????

ما عندك مشكله يا ستي ح نتصل عليهم ...عسي ولعل رمضان الجاي اكان الله حيانا

نحضر اغاني واغاني بس لازم ادخلو فيها اسرار بابكر واطلعو نادر......

تحياتي,,,,

زول قاعد في usa و يقول ليك قناة الموية
فضحتونا!

سلامات ايهاب شكرا على الدعم
لو ما فى تلفزيون و لا حتى اولاد.. ما عارفه و الله ممكن تعمل شنو
غالبا قروشك ح تكمل اكل فى المطاعم .ده اللى حصل لينا لما قررنا نوقف الكيبول


كوستاوى لو ما كانت المويه اكل عيشك كان عملت شنو ?

ضربت فى النمرة اللى ختاها بكرى ابوبكر. طلعت بتاعة دش نتورك بالعربى. لقيت واحده مصرية قنعتنى تماما...
اظن اننا مفروض نضرب لناس النيل الازرق و نشوف اذا كان عندهم ارسال فى قمر صناعى فى امريكا الشمالية
اها يا جماعة اذا زول شغال فى النيل الازرق ?

و برضوا استمروا اضربوا لناس دشنتورك عسا و لعل

اسمارت
سلامات

Quote: اظن اننا مفروض نضرب لناس النيل الازرق

الحل عند ناس النيل الازرق
حسب القمر الاصطناعى امريكا خارج دائرة البث
الافضل مخاطبة ادارة النيل الازرق
والله اعلم

سلامات Smart والجميع ...

بموجب قانون المقاطعة لا تستطيع الشركات الأمريكية الدخول فى أى أعمال تجارية مع الشركات السودانية ..
لذا يصبح من الأنسب مخاطبة القناة للبث على القمر الصناعى الذى يبث الفضائية السودانية ..

هذا والله أعلم ..

وتحياتى ....

سلامات يا خدر و امير...و الله ما عرفت اعمل شنو ...غلب حمارى


الان انا محتاجه لزول شغال فى النيل الازرق يورينا ممكن نتصل بمنو عشان بس نفهم الحاصل او اللى يمكن يحصل

Quote: الان انا محتاجه لزول شغال فى النيل الازرق يورينا ممكن نتصل بمنو عشان بس نفهم الحاصل او اللى يمكن يحصل

سلامات ومساء الخير
علي ما اعتقد يا اسمارت أنا- عضو البورد محمد عكاشة
هو بشتغل في النيل الازرق...
لكن موش ناس art,عندهم اسهم فيها...
مناصفة مع تلفزيون أو حكومة السودان.....
طيب ليه ما نسالهم...
رايك شنو؟؟

هوارى كلامك صحيح
لكن كمان ناس ART ديل كمان ح يكون التفاهم معاهم اصعب من ناس دشنتورك
اصلا اجيب ليهم نمرة تلفون من وين؟ و اضرب فى اى مكتب؟ فى اى بلد؟

لكن لو فى اى زول عندو ولو فكرة بسيطة عن الاجابة لاى واحد من الاسئلة دى يورينا
حاليا انا فى طريق مسدود ...الحل الوحيد القى نمرة ال اى ار تى اونمرة تلفون قناة النيل الازرق.

سمارت

بعد ما اتم نووووووومتي
واصحي انشاءالله بعد الساعة عشرة ص
واشرب الشاي
واطق حنك
واقنع نفسي استحمى الحمام نصف السنوي
وارجع اشخر تاني
واصحي اشرب الشاي لا تي
ممكن
ممكن

اتصل ليك علي ناس النيل الازرق..


ــــــــــــــــــــــــــــــــــــــــ
بي كآآآآآآآآآآآآآآآآآآآآم؟؟ علي قول الصعايدة

Quote: اتصل ليك علي ناس النيل الازرق..

علييييييييييك الله انا ما بليد
امسكي يا سمارت انا....قوي هنا...
(موظف سابق في النيل الازرق)

يا سارة..
بالله بلا شاي بلا حمام
هسي اتصلي عليهم....وعلي الاقل انت من (ارباب المعاشات)...يعني عندك تعامل خاص.. (:
هههههههههه

ساره ...و من الصباح موديانى البحر و مرجعانى عطشانه و انتى عندك كل مفاتيح اللعبه؟؟؟؟؟؟
بعدين الحمام العليك شنو ؟؟؟ موش استحميتى حماية العيد الكبير؟؟؟؟ خلاص ..كفاية.
عليك الله يا سارة شوفى لينا حل للموضوع ده و ينوبك ثواب...


هوارى...العفو يا اخى انت ما بليد ..ساره هى اللى غتيته!




خلاص كده انا ممكن امشى انوم بمعنويات كويسه

smart_ana
check this out

http://www.lyngsat.com/freetv/Sudan.html

i hope it would help your efforts to "bluenilize" your TV viewing

Quote: اسمارت ليه سؤ الظن دا يااستاذة قاعد قدام تلفزيونى وبلقب زى ماعايز كان جات الحكومة اقول ليهم اقعدوا اتفرجوا دي النيل الازرق كان دايرين ريضاة دى الجزيرة وكان ما عاجباه دى جزيرة رياضية تانية ودى ابوظبى ودى دريم واحد واتنين ودى الحياة الاولى والتانية وديل كل قنوات النيل حدث ولاحرج ودى قناة الرسالة واقراء

سمارت أنا لك كل التحايا

يا هاشم يا خي بطل الحركات
SHOW US THE TRICKS

شكرا يا عادل عثمان ..لكن ما عرفت اشغلها كيف..اى لنك افتحو القى مليون قناة وما فيه حاجه بتشتغل..



يا جماعة شوفوا لى حل!!!!

سمارت أنا

نصيحي لكم لو ما عندكم تأمين صحي قوي لا تقربوا من القنوات السودانية .
ولكن قناة النيل الازرق أقل سواء من من قناة السودان وطبعا نسبة السوء تقل الى أن تصلي الى قناة هارموني فهي القناة الأقل سوء رغم ضعف إمكانياتها .

سلامات يا دينق...يا اخوى قناة السودان الفضائية دى تامين صحى سمح ما بيحلنى ...الا ارحل كندا....حيث العلاج مجانا.
هارمونى دى سامعه بيها فى البورد بس...فى الدنيا (ساى ) ما فى زول جاب لى سيرتها.

اها؟؟؟
اى اخبار كويسه؟؟
شيخنا نورين ..خلاص انا بلعت كلامى الفوق ده....

سمارت أنا
ما تقومين به جيد ...
دش نيتورك dish network لو اتصل بها عدد كبير من السودانيين يسألون عن القناة ... ستضيف القناة للباقة العربية...اذا شعرو بالجدوي الاقتصادية
لو تكرم شخص بترجمة الكلام المفروض يتقال ل dish network customer service و وضع التلفون الذي كتبه بكري ....
و كل يوم 100 طلب للقناة.... سنراها قريبا
و صديقني لو ركزتي علي نسوان أمريكا الموضوع بيمشي كويس...
أصلو رجال أمريكا ديل مقطوع منهم العشم

محمد شمس الدين
شكرا جزيلا على الفكرة الجميلة
خلاص انا ح اكتب الكلام بالانجليزى و اعمل حملة فى الاوساط النسائية. مع انى عارفه ان الرجال هم اللى بيحبوا التلفزيونات. شفت ليك قبل كده واحده ماسكه الرموت و زوجها قاعد يتفرج ساى... ما معقول

سلام اسمارت
الاشتراك لقناة النيل الازرق والجزيرة وغيرها من القنوات متوفر لدينا
هنا فى كندا (وغالبا امريكا برضو).. الشركة المنفذه اوربية ..
قيمة الاشتراك الشهرى 29.99$ وربما كانت هناك رسوم لتركيب
الجهاز الذى يشبه ال reciever مع انترنت high speed ..
يقول صديقى انه مشترك معهم منذ اكثر من سنة وان الصورة والصوت جيدة جدا ولا فرق بينها
والساتلايت العادى ..

ساقوم بنشر التفاصيل والعناوين حالما تتوفر لدى ...

فى امريكا متوفرة القنوات العربية من دش نتورك و دى الباقة (ذى ما بيقولوا) ال عندى فيها الجزيرة و مكسب فى رمضان
كوم كاست (شركة كبل) عندهم _ حسب معلوماتى من ٥ سنوات_ قناة واحده و اشتراكها ب ١٢ دولار فى الشهر
بس خبرك ده كويس جدا جدا
راجين المعلومات

الاخت اسمارت
دبايتو
للاسف الجهاز العندنا وكيل الشركة قال لى ما بشتغل فى 'ارميكا' قلت اعملها ليكم مفاجاة واديكم رقم التلفون لكن حظكم المرة دى ماشديد صدقينى ناس تردد كدا وكدا و444 -34 مش عارف ايه ديل ما بجيبو ليك النيل الازرق اصلها محوطة وقارين عليها وبعدين ياناس كان طبقكم دا كان مش وجهتو للقمر الفلانى ولا العلانى ولكن حتى كان كرفستوا نهى نهى مافى قناة النيل الازرق الا ترحلوا لتورنتو مدينة النيل الازرق وقناة الشروق وبكرة زول ذاتها جاية بس اصبروا لينا وانتو خليكم مع التردد ومش عارف ايه
لكن برضو البحث جارى واى خبر غير دقدقة اطباق وتخريب بنايات الخواجات نديكم الخبر كان صبرتم الا لكن الشايفكم ديل صبركم خلص كدى اخليكم فى برنامج جميل فى النيل الازرق فتكم بعافية
ولا نامت اعين النصرى

حسى يا هاشم فى ذمتك تدفع 30 دولار فى الشهر عشان النيل الازرق ؟

ياخى انت زول مروق وقروشك كتيرة خلاص ..

نيل ازرق شنو البدفع فيها تلتيناية فى الشهر..

الكييل بتاعى فيهو 95 قناة بدفع فيهو 40 دولار فى الشهر ..


اى نعم ...عايزين نشوفها
لكن ما desperate للدرجة دى ....


اوع كلامى يحبط ادارة القناة
دايرين نشوف القناة لكن كمان ما للدرجة دى

Quote: اوع كلامى يحبط ادارة القناة دايرين نشوف القناة لكن كمان ما للدرجة دى

مع قناة النيل الأزرق ما حتقدري تفتحي عينيك

هاشم ...
الشركة بتاعت كندا دي اسمها شنو... موقعها علي النت شنو...و بتجيب ياتو قنوات ؟
احتمال يظهر واحد "خفس" يقدر يشغلها لينا في امريكا
...
نحنا ناس dish network عاملين لينا stick up عديل 50 دولار في الشهر....يدخلن عليهم بالساحق و الماحق و البلي المتلاحق

الاخ هاشم
شكرا جزيلا على محاولتك لادخال الثقافة السودانية لبيوتا المستلبة ثقافيا بس قنوات دشنتورك العربية و قنواتهم الامريكية.

النصرى ٣٠ دولار دى رحمة . ذى ما قال ليك محمد شمس الدين ٥٠ لدشنتورك العربى و ٥٠ تانية ( اظن) للدش الامريكى و كم ما عارفه للانترنت و حاجه تانيه كده لتلفون البيت .الموضوع كلو كده قريب ال ١٨٠ دولار
ده غير فاتورة التلفونات للسودان .احسن امشى اقعد هناك احسن .التلفزون ملح و ما فى تلفونات .العاوزه اتكلم معاه بصلو بروحى.

محمد شمس الدين و الله فعلا ناس دش نت ورك مادبيننا


لكن

عندى ليكم خبر كويس قريب ان شاء الله

الأخت سمارت
وبقية المتداخلين

مفروض تشوفو ناس النيل الأزرق شخصيا
ومفروض ناس النيل الأزرق زاتهم يكون عندهم بث على النت
مثل بقية القنوات "الكبيرة" لأنو النيل الأزرق من القنوات الكبيرة

ولا شنو؟

اها الحاصل شنو

smart-ana والإخوة الكرام ...

موقع الشركة الكندية :

http://www.talfazat.com/ar/stbpackage/

يا هاشم نقشنا نومتك و عرفنا برنامجك
ياخي حندكونا حندكونا خليناها في الابتدائي
مع شاهق التحايا

Quote: smart-ana والإخوة الكرام ... موقع الشركة الكندية : http://www.talfazat.com/ar/stbpackage[/QUOTE] بالمناسبه تلفازات ما فيها بلونايل ولا الشروق ولا تلفزيون سنجه