Post: #1
Title: بورداب القاهرة فتكم بعافيىة....يا اجدع ناس
Author: مطر قادم
Date: 02-26-2010, 00:00 AM
Parent: #0
لاسباب تتعلق بي قررت العودة مسرعا الي بلدي بلد الخير والطيبة وانتم تقرأون كتابي هذا اكون انا في رحاب الوطن
وودعت عمدتكم وعميدكم قاسم المهداوي ذهبت اليه في اجمل اسكندرية في العالم وقضيت ثلاث ايام لاتنسي
واشكر رحابتكم وايامكم وسنلتقي ان لم يكن هنا ....فهناك اوهناك
|
Post: #2
Title: Re: بورداب القاهرة فتكم بعافيىة....يا اجدع ناس
Author: مطر قادم
Date: 02-26-2010, 00:31 AM
Parent: #1
اميمة الفرجوني بهاء عيسي حبيب نوره حمورزياده اسماء الحسيني ناصر المحسي وسفيان نابري وايمن وماجدمعالي وامنة مختار وراوية ود.نبراس وعبد العظيم حمدناالله واخرون بسامحون ذاكرتي
كنتم نعم الاخوة والعشرة طابت ايامكم وسافتقدكم وحالما تسمح الظروف اكون بينكم وكل الود ودام الفضل
|
Post: #3
Title: Re: بورداب القاهرة فتكم بعافيىة....يا اجدع ناس
Author: عبد الحكيم نصر
Date: 02-26-2010, 00:39 AM
Parent: #2
يا زول ما بدري...
صاحبتك السلامة ايها الشخص الرائع في حلك وترحالك
بالتوفيق اينما كنت..
|
Post: #4
Title: Re: بورداب القاهرة فتكم بعافيىة....يا اجدع ناس
Author: معتصم مصطفي الجبلابي
Date: 02-26-2010, 01:01 AM
Parent: #3
لقد فقدت القاهرة ركيزة اساسية من ركائزها
والبشري لبورداب الخرطوم او بورداب الجهة المقصودة
في السودان....
بالتوفيق
|
Post: #5
Title: Re: بورداب القاهرة فتكم بعافيىة....يا اجدع ناس
Author: اسماء الحسينى
Date: 02-26-2010, 01:09 AM
Parent: #4
مطر ....أخى الحبيب
لماذا سافرت هكذا فجأة ...يارب تكون أمورك كلها تمام
سأفتقدك كثيرا كثيرا ....أيها الاخ والصديق الرائع
ياريت تطمئنا عليك ...وربنا يكتب ليك السلامة والتوفيق
آمين يارب العالمين
|
Post: #7
Title: Re: بورداب القاهرة فتكم بعافيىة....يا اجدع ناس
Author: اسماء الحسينى
Date: 02-26-2010, 01:13 AM
Parent: #5
اخى العزيز مطر
نسيت أقول لك حاجة
انت أجدع وأجمل واحد فينا
|
Post: #9
Title: Re: بورداب القاهرة فتكم بعافيىة....يا اجدع ناس
Author: مطر قادم
Date: 02-26-2010, 02:00 AM
Parent: #5
الاستاذة الشريفة اسماء الحسيني
تحياتي ومودتي وتقديري
سفري املته تعليمات مشددة من اطفالي وهم زغب الحواصل
ثم يطيب لي ان امتدح جهودك التي نعرفها واتفقت معك عليها وهي العمل علي توثيق عري ووشائج اهل وادي النيل
عبر كل الجهات العاملة في هكذا امر ومنها اسرة وادي النيل وغيرها وعاشت العلاقات السودانية المصرية بصفاء
قلوب اهلها الاجلاء
وساكون واحد منكم اسعي بينكم بما يتاح للتقدم للامام
شكرا الاستاذه اسماء لكلماتك عني والتي ارجو ان اتمثل ولو بعضها شكرا اختي العزيزة وساحمل اخبارك لاصدقاءك في
الضفة الاخري لوادي النيل السر السيد ومحمد عكاشة وعمر الحاج وخليفة الشيخ البرعي
لوسمحت ظروف العمل بزيارة للسودان نكون سعداء بك في بلدك
|
Post: #8
Title: Re: بورداب القاهرة فتكم بعافيىة....يا اجدع ناس
Author: مطر قادم
Date: 02-26-2010, 01:36 AM
Parent: #4
العزيزمعتصم
اشكر حضورك وتعليقك
انا بنضم لاخوتي بورداب الخرطوم وقندهار جاكي بلاء
وجبل اولياء برضو
|
Post: #6
Title: Re: بورداب القاهرة فتكم بعافيىة....يا اجدع ناس
Author: مطر قادم
Date: 02-26-2010, 01:11 AM
Parent: #3
عبد الحكيم العزيز
انا عارف بكري ابوبكر بيقرأ البوست ده
فتعال نحرشوا يدي صاحبك العضوية بسرعة هو زول بيستاهلها اكترمني ومنك
اها يابكري انت وصاحب حكيم وانا ننتظر عضويته وعبد الحكيم سيرسل اليك ايميله
هو في السوق العربي لمن تجي يابكور بعرفك بيه
شكرا حكيم لكل حاجه
|
Post: #10
Title: Re: بورداب القاهرة فتكم بعافيىة....يا اجدع ناس
Author: عبد الحكيم نصر
Date: 02-26-2010, 02:00 AM
Parent: #6
مطر
ايها الراحل الي تراب وطني
سمعت ان القاهرة قد فتحت فيها مزاريب السماء
ربما قد تكون حزينة فبكت بامطارها وهي تودع
مطر السودان..
بكري صاحبك عامل تقيل علي صاحبنا شوية رغم انه
كتب ليهو كتير..المهم نحن ما زلنا قيد الانتظار
الذي لا نأمل ان يطول..
لك الود
|
Post: #11
Title: Re: بورداب القاهرة فتكم بعافيىة....يا اجدع ناس
Author: مطر قادم
Date: 02-26-2010, 10:49 AM
Parent: #10
ياحكيم نزل ايميله هنا لبكري لاجراء اللازم
غالبا سيبعث له بكلمة المرور انا متفائل
شكرا بكري لانك ستمنح العضوية لواحد يستحقها
|
Post: #12
Title: Re: بورداب القاهرة فتكم بعافيىة....يا اجدع ناس
Author: عبد الحكيم نصر
Date: 02-26-2010, 02:23 PM
Parent: #11
شكرا مطر علي التفاعل مع عضوية صديقي
ومادام انت متفائل با بكري حيسمح ليهو
بالشرف
اسمه نورالدين محمد عثمان
الايميل
[email protected]
وفي انتظار بكري
فنورالدين هو انشط كاتب في المنتديات النوبية
|
Post: #13
Title: Re: بورداب القاهرة فتكم بعافيىة....يا اجدع ناس
Author: محمد ادم الحسن
Date: 02-28-2010, 04:29 AM
Parent: #2
تجمع لم تفرق
بين الناس تساوي
نارك مابتحرق
مابتشد تلاوي
ما بتحب تفرق
من جيبك تداوي
يامطر عز الحريق كما تسميك سلمي الشيخ سلامة
إذن لهو رحيل جديد منتظر ياصديق
وهو رحيل مر من أجل الرحيل ، المهم فيه أن تظل تتحرك وتلتهب في الدرب نحو الجوهر.
تري هل يرهف الرحيل حاسة الدهشة عندك؟
وأنت تقطع النزهة المصطنعة عائداً إلي زمنك متأبطاً حقيبة مليئة بالكتب القديمة المبهرة من (سور الأزبكية) ، وبالخيبات الصغيرة أيضاً.
لقد غادرت مهيض الجناح ، ممتلئ القلب والذاكرة بأحبائك الذين يتساقطون ويمضون بلا رجعة
كنت تحلم بمدينة تستقبلك بمهرجان للأزهار ، ولكن الخرطوم ستستقبلك بالوسواس الخناس
والقلب المدجج بالحنين إليك لايكفي وحده للأسف لمواجهة بعد المسافات
مطر من أكثر الناس بشاشة ولطفاً وصدقاً ، يبسط مرفأه ويحتويك وينسيك جراحك وآلامك.
إنت إنسان جميل... .يامطر
لك مني في هذا الزمن الصعب ذاكرة طيبة ، بالله والوطن والآخرون ، ويبقي لك كل الإعزاز وعظيم المودة العميق.
وسلم علي البنيات.
|
Post: #14
Title: Re: بورداب القاهرة فتكم بعافيىة....يا اجدع ناس
Author: قاسم المهداوى
Date: 02-28-2010, 04:37 AM
Parent: #13
يا عمك
المطرة
المطرة
ما نعانى من التجوال حتى سيدى جابر المحطة
وبس
تحياتى لعكش وعمر وتانقون .. حتى نلتق
( وللكمنجات الما نشاز )
قاسم
|
Post: #15
Title: Re: بورداب القاهرة فتكم بعافيىة....يا اجدع ناس
Author: أسامة عبد الجليل
Date: 02-28-2010, 06:02 AM
Parent: #14
وإن شاء الله بعودتك تعود للوطن عافيته
يا صديقي .
سلام وتحايا وأشواق قدرك يا مطر.
|
Post: #16
Title: Re: بورداب القاهرة فتكم بعافيىة....يا اجدع ناس
Author: osama elkhawad
Date: 02-28-2010, 06:13 AM
Parent: #15
صديقنا قادم
نتمنى لك وطنا بحجم استنارتك
المشاء
|
Post: #17
Title: Re: بورداب القاهرة فتكم بعافيىة....يا اجدع ناس
Author: محمد سنى دفع الله
Date: 02-28-2010, 07:32 AM
Parent: #16
تفتح لك ابواب الخير والنجاح
محل ما تقبل
يا عمدة الفرقان
واخو الحبان
ليك التحية
افتحوا الابواب
مطر قادم
|
Post: #18
Title: Re: بورداب القاهرة فتكم بعافيىة....يا اجدع ناس
Author: حسن محمود
Date: 02-28-2010, 08:41 PM
Parent: #17
Quote: مطر من أكثر الناس بشاشة ولطفاً وصدقاً ، يبسط مرفأه ويحتويك وينسيك جراحك وآلامك.
إنت إنسان جميل... .يامطر
|
رغم اني لم اسعد بلقاء الاخ/ مطر قادم .. ولكن من صورته على البروفايل
ومداخلاته ومشاركاته المنبرية ..احسست فيه الطيبة والتهذيب والالفة وحب الخير
للاخرين..
وكلمات معارفة واصدقائه المبثوثة على هذا البوست خير دليل على
صدق احساسى وشعوري تجاهه .
خالص التحايا والود ..لأخي مطر الخير القادم ..الى الخرطوم.
|
Post: #19
Title: Re: بورداب القاهرة فتكم بعافيىة....يا اجدع ناس
Author: Omayma Alfargony
Date: 02-28-2010, 09:03 PM
Parent: #18
ونعم الاخوة
الهادي الرزين
الخلوق
الظريف الحكاي...فعلا بركة المطر,,وخير المطر..
اخي مطر قادم...
تحياتي ليك وللبنيات,,,
وستفتقدك القاهرة..وبوردابها.
وتحياتنا للبلد...
وسنلتقي في ساعة فرح وخير ان شاء الله...
ربنا يوفقك اخي مطر ويديك قدر نيتك,,الصافية زي الحليب,
ودي وتقديري.
:).
|
Post: #20
Title: Re: بورداب القاهرة فتكم بعافيىة....يا اجدع ناس
Author: عبّاس الوسيلة عبّاس
Date: 02-28-2010, 09:18 PM
Parent: #19
عودا حميدا يا مطر عز الشباب
مكسب للأصدقاء في الخرطوم. كل الود والأشواق
|
Post: #21
Title: Re: بورداب القاهرة فتكم بعافيىة....يا اجدع ناس
Author: عبده حماد ابراهيم
Date: 02-28-2010, 10:22 PM
Parent: #20
مطر قادم...هوالانسان الذي ترتاح حين تتحدث اليه...
وتشتاق الي لقائه قبل أن تفارقه...انسان صبور..مساير للعصر
ويستطيع أن يلقي الضوء في كل مكان...كم اِني افتقدك ايها الحكيم
...رغم تهميشك الواضح لناس وسط البلد..
|
Post: #22
Title: Re: بورداب القاهرة فتكم بعافيىة....يا اجدع ناس
Author: Manal Mohamed Ali
Date: 03-01-2010, 01:32 AM
Parent: #21
بورداب الخرطوم والقاهرة شغالين تبادل زيارات ..مسويين الدرب ساساقا
امريكا دي ماااالا؟؟؟ عيبوها لي..ما دايرن تجووها ليه يعني ؟؟؟
________-
تحياتي للبنيات وامهم
|
Post: #23
Title: Re: بورداب القاهرة فتكم بعافيىة....يا اجدع ناس
Author: محمد ادم الحسن
Date: 03-01-2010, 01:49 AM
Parent: #13
يداري الدمعة بالصنقيع...
آخر عهدي بيه !!
|
Post: #24
Title: Re: بورداب القاهرة فتكم بعافيىة....يا اجدع ناس
Author: محمد عكاشة
Date: 03-01-2010, 07:21 AM
Parent: #23
وين عمر الحاج وتانقون لحفلات الاستقبال
يامطر حبابك مليون
راجنك فى المطار
|
Post: #25
Title: Re: بورداب القاهرة فتكم بعافيىة....يا اجدع ناس
Author: قاسم المهداوى
Date: 03-01-2010, 07:35 AM
Parent: #24
يا عكش
بالامس التقيت عمر الحاج (على الحاج) كما يقول صديقنا ميكال
وابلغته بموعد حضور مطر اليكم
وحفل الاستقبال ( فى بيت تانقون يا عمك)
ولا كــــيف
قاسم
|
Post: #26
Title: Re: بورداب القاهرة فتكم بعافيىة....يا اجدع ناس
Author: omar alhag
Date: 03-01-2010, 07:44 AM
Parent: #24
ياســــــــــــــــــــــــــــــــــلام
يامحمد ادم
علي رشاقة الحروف
والصور من الزمن الجميل لشباب هم اجمل لازمان قادمات ....
مطر قادم علي العين والراس ....
يا عكش .. وسنقيم إحتفال يليق بقادم الينا يدعي مطر ...
وتاكد ياعكش عند انتصاف الليل.. اذا شميت ريحة الدعاش ولا (الهوا ضربك) فتاكد ان مطر بصحبتنا..
نتجاذب معه الحكي (اللماع) والحديث (اللاسع) عن فترة غياب طالت .. انها قناي المودة .. وكاسات الموانسة.. لا نستحي ان نتعاطها علنا بصحبة من نحب ....
ويا
ود
الحسن
شوق
ومودة
... وعتاب ...
|
Post: #27
Title: Re: بورداب القاهرة فتكم بعافيىة....يا اجدع ناس
Author: محمد ادم الحسن
Date: 03-01-2010, 12:18 PM
Parent: #26
Quote: ويا
ود
الحسن
شوق
ومودة
... وعتاب ... |
عمر الحاج ياود عم الرئيس إنت الزيك منو؟
والله ليك وحشة وشكلها اللمة دي ه ترمي الضب من الحيطة، لكن سلام خاص لتانقون
وأجدع لي تلفونك في الماسنجر عشان نزيل العتاب.
|
Post: #28
Title: Re: بورداب القاهرة فتكم بعافيىة....يا اجدع ناس
Author: omar alhag
Date: 03-01-2010, 12:36 PM
Parent: #27
يا شاب
انت في مصر ولا هولندا
ولو في هولندا ........... خليك قريب من السفاره
ورقك معانا والتصديق جاهز ...........
ولو في مصر
حرم .. قاردن سيتي تتقدل فيها براك .........
مهدواي قال هو في الاسكندرية ............ يعني .. حجز القنصليه من هسي ...
ياخ والله مشتــــــــــــــــــــاقين شديد
|
Post: #29
Title: Re: بورداب القاهرة فتكم بعافيىة....يا اجدع ناس
Author: مطر قادم
Date: 03-03-2010, 04:36 PM
Parent: #28
انا في الخرطوم الان اشكر جمهور اصدقائي في الاقاصي البعيدة وفي الوطن
حين كتبت البوست لوداع بورداب القاهرة كحركة اجتماعية ولم اكن اعلم انه
اتي بفيض من ضروب الكتابة التي كادت ان تشبه الرثاء من فرط ودها وتقديرها المبثوث بصدق
من اصدقاء يعزون كثيرا علي وقد أريتموني من الصداقة وجهها الكريم
بيد ان شهادة الاصدقاء مجروحة لايعتد بها ظاهريا كما جرت العادة
لكنها لاتخلو من عطر فاخم يضخم تلافيف الروح والقلب
اصدقائي كل ماكتبتموه عني اواجهه بالشكر والصمت
ودام الفضل
|
Post: #30
Title: Re: بورداب القاهرة فتكم بعافيىة....يا اجدع ناس
Author: حامد محمد حامد
Date: 03-03-2010, 11:12 PM
Parent: #29
حمد الله بالسلامة على ارض الوطن ونراك وانت موفور الصحة وربما نلتقى فى يوم ما فى مكان ما وان تعذر فانت فى البال
كن بخير
|
Post: #31
Title: Re: بورداب القاهرة فتكم بعافيىة....يا اجدع ناس
Author: ايهاب الطيب بله
Date: 03-06-2010, 09:27 AM
Parent: #30
الف حمدلله علي السلامة
الف مرحب يادفعة
عاوزين نشوفك
|
Post: #32
Title: Re: بورداب القاهرة فتكم بعافيىة....يا اجدع ناس
Author: قاسم المهداوى
Date: 03-06-2010, 09:35 AM
Parent: #31
يا ابو الامطار
سلااام ومشتاقون
مساء الخميس وعند حلول النخبوية اتصلت عليكم
تيلفون تانقون خارج الخدمة
وتيلفون عمر الحاج مغلق ( بالضبة والمفتاح )
وتيلفون عكش لا يود الا وان يكون مشغول طوال الليل
الحاصل شنو يا عمك ... كدا فهمنى
قاسم المهداوى
|
Post: #33
Title: Re: بورداب القاهرة فتكم بعافيىة....يا اجدع ناس
Author: baha eassa
Date: 03-06-2010, 10:10 AM
يامطر والله عملت فرغ كبير في القاهرة .. في رجعة ولامهائي؟
المهم جايين الخرطوم قريب ادينا تلفونك هناك .. ..
|
|