ًَُِإيـــه يا مـــولاي ..

لحن الخميس ..

لناس الليل واخره ..

إيه يامولاي إيه
من حديث أشتهيه وجمال أنت فيه
بغية القلب النزيه
عسعس الليل فناما
واكتسى الوادي ظلاما
إن يكن صمتي رهيبا
ان في صمتي كلاما

وأرى الوجه تجلى
فوقه الشعر تدلى
عجبت عيني لبدر
منك بالليل استظل

فأرددي الكأس إليّ
كسرها غالي عليّ
انها أروت ظمياً
وافياً مادام حيا

اسقني خمر الضياء
نخب حب ودفاء
أنا في عيناك رائى
بعض آيات السماء
إيه يامولاي إيه
من حديث أشتهيه
وجمال أنت فيه
بغية القلب النزيه

وأرى البان تثنى
وله البلبل غنى
فأعلمي يا هند أنّا
نكتم الحب ونغني
إيه يامولاي إيه
من حديث أشتهيه
وجمال أنت فيه
بغية القلب النزيه

دارى البارق حاكى
بارقاً ابكى ملاكا
مابكى الافق ولكن
إذ رأى دمعي تباكى

--
التعديل لاضافة اسم الشاعر محمود أبوبكر
شاعر القصيده الجميله :)

امانى ازيك

لحن جميل والله
بس انتى المسهرك شنو ؟

الغنا في خشم سيدو روعه :



خضر بشير ,,


---
التعديل حسب شرح قيقراوي أدناه :)

علي بشير سلامات ..

أنا متعودة سهر .. "دايمن" :)

بعدين الغنيه دي بصوت نانسي خرافيه, وبصوت سيدها روعه,

اللنك الأول أظنو ما شغال,
جرّب ده:

مافي متطوع يجيب لينا الغنيه دي من هنا:

http://www.sudanelite.com/voices.php?action=show&id=46

بت اللمين
مسـاكـ فـل

Quote: شعر: فضل المولي زنقار ..

تصدقي زنقار دا انا قايلو زول سفيه ساي
بالجد المعلومة دي اول مرة اعرفها.
وغاب عني ان زنقار كان أحد رواد
مجالس الطيب السراج* الادبية

________
* احد الذين ضلوا الزمان من الدولة الأموية
إلى زماننا هذا كان يركب الحصين ويمتشق الحسام
ويأكل القديد والثريد ويتحدث الفصحى
ويقال ان زنقار قبل وفاته كان قد قاطع مجالس الطيب السراج
لأن الأخير قال له - ان صحت الرواية - يوماً :( اطربنا ياعبد السوء)

Quote: لأن الأخير قال له - ان صحت الرواية - يوماً :( اطربنا ياعبد السوء)

ان صدقت الروايه يا عمو
بيكون السراج بالغ

عمو وهبه مساءك ورد ..

البعرفو عن زنقار انه كان بيغني, وغنا جميل جدا ..
بس حكاية شاعر دي ما عارفاها ..
الغنيه دي لقيتها بصوت خضر بشير ومكتوب عليها فضل المولي زنقار,
قمت براي نجرت انه زنقار هنا حيكون الشاعر لووووول

بعدين ياوهبه الغنيه دي مش بالغت؟
شعر خرافي, وصوت خضر بشير بيملي كل الحتت الفاضيه في مخك جووووه,
ولا نانسي والصوت الملائكي!!
هسي ده كلام؟

---
القصه الحكيتها كتلتني بالضحك,
ناس زمان ديل بيحبو يحاكو هارون الرشيد ساي بس لوووووول

علي بشير ..

Merci bien علي اللنك ..

الFirefox Browser عندي بقي بقفل براهو ما عارفه ليه,
تفتكر ياتو لنك في الأوائل العامل المشكله دي عشان نعدّّله؟

اختيار ينم عن ذوق رفيع
اغنية تحمل كامل عناصر الخلود
كلمات
لحن
واداء



وتنقل المتابعين الي خارج اجواء السياسة المحتقنة




تحياتي اماني الامين

ياامانى حتشميتى فينا اليسوى والى ما يسواش بعدين شوفى طريقه لللنك نمر اتنين دا
اما بخصوص السهر فهو غير انو بتعب المخ والجسد برضو بخلى العيون حمراء

وانت زوله لسه بتقرى فانصحك تخلى السهر وتفكى درب ناسى دى بتودرك
لكن ياخى البت دى غنايه بصوره مامحتمله تخليك تتجرس عديل كدا

شكراً يا أماني على الإختيار

خضر بشير - نانسي عجاج

أغنية بين زمنين

وازمان اخرى ماضية
خلت













تحياتي لك و لضيوفك
-----------------------------------
فيما يخص الFirefox
my advice is that u need to update yr Realplayer plug-ins
cuz there are much loaded songs in your post
tht require additional addons to firefox related to realplayer
regards,

سلام للجميع
الأغنية من كلمات الشاعر الكبير محمود ابوبكر
وقد أدخل فيها الفنان خضر بشير أبيات من شعر الأستاذ الكبير عباس العقاد
وهى الأبيات التى تقول
(يا نديم الصبوات . أقبل الليل فهات
هاتها باسم الحبيب . قاتل الله العداة
ذهبى الشعر ساجى الطرف . حلو اللفتات
وحيى لا يحيك . بغير البسمات)
وهذه الأبيات موجودة فى الأغنية ولكنها ليست موجودة فى القصيدة
ومحمود ابوبكر هو شاعر القصيدة المعروفة صه يا كنار وأيضً قصيدة (زاهى فى خدرو)
والحقيقة أن الأغنية كبيرة و(ضخمة) أكبر واضخم من صوت نانسى

ايه يامولاي ايه من كلمات الشاعر الصاغ محمود ابوبكر وهو ايضا شاعر صه ياكنار
وشكرا لهذا البوست الجميل

غايتو ناس الليل تعبوا معاك يا أماني
أنا غايتو بحب الأغنية دي بصوت الراحل خضر بشير ..

جمعة مباركة ..

يا أماني
سلام و مبرووك دخولك معانا في (ناس الليل و البكاء و النخجي)...
سمــــــــــــــــار الليل..
شكرا علي...الكلمات و اللحن و الصوت و الصورة كمان..


وين طارق جبريل و محمج عثمان
الليلة طارق بتشرط من البكاء...

الصديق هواري:

Quote: سلام و مبرووك دخولك معانا في (ناس الليل و البكاء و النخجي)... سمــــــــــــــــار الليل.. شكرا علي...الكلمات و اللحن و الصوت و الصورة كمان..

والله انتو ألطف ناس في البورد ده,
ناس حساسين ومرهفين,
متابعاكم وبتبسط جدا لما محمد عثمان يجيب غنيه من الغنا القديم الجميل,
وتجوا انت وطارق جبريل وبهاء وبقية الشله "تفرشوا" :)
ومرات عماد عبد الله يجي يشيل الفاتحه لووووووووول

لو قبلتوني جاياكم, أنا أصلو محن البورد غلبتني,
ده غير محن الدنيا البره, ناقصين نحن عليك الله محن في الأسافير كمان؟

تسلم ياصديق ,,

الصديق معتصم ..

ازيك و جمعه مباركه ..

Quote: أنا غايتو بحب الأغنية دي بصوت الراحل خضر بشير ..

وأنا كمان,
وعند نانسي برضو حلوه,
أدّتها طابع ناعم ورقيق,

في كل الأحوال الغنيه عاجباني جدا ..

سلامات لعمّوري وأم عمّوري :)

الأخ مطر قادم ..

Quote: ايه يامولاي ايه من كلمات الشاعر الصاغ محمود ابوبكر وهو ايضا شاعر صه ياكنار وشكرا لهذا البوست الجميل

شكرا ليك علي اضافنك,
وعلي تصحيح شاعرالقصيده,

شكرا,,

الأخ محمد فقير :

Quote: لأغنية من كلمات الشاعر الكبير محمود ابوبكر وقد أدخل فيها الفنان خضر بشير أبيات من شعر الأستاذ الكبير عباس العقاد وهى الأبيات التى تقول (يا نديم الصبوات . أقبل الليل فهات هاتها باسم الحبيب . قاتل الله العداة ذهبى الشعر ساجى الطرف . حلو اللفتات وحيى لا يحيك . بغير البسمات) وهذه الأبيات موجودة فى الأغنية ولكنها ليست موجودة فى القصيدة ومحمود ابوبكر هو شاعر القصيدة المعروفة صه يا كنار وأيضً قصيدة (زاهى فى خدرو) والحقيقة أن الأغنية كبيرة و(ضخمة) أكبر واضخم من صوت نانسى

شكرا علي المعلومه الضافيه,
الأغنيه فعلا صعبه جدا خصوصا انه فصحي ,
مع ذلك خضر بشير غنّاها ولا أروع,

مابفهم في النواحي الفنيه للغنا,
لكن حسب سمعي كمتلقي عادي بتطربني جدا عند نانسي برضو :)

مشكور علي التصحيح بالنسبه للشاعر محممود أبوبكر ..
وبعتذر عن الخطأ ..

شكرا ,,

حاتم صديقي..
ازيك وعساك طيب ..

مختفي كالعاده, كله تمام؟

شكرا يا صديق علي الشرح,
امبارح فعلاال Firefox زهجني لدرجة طلعت خليت النت,
ال Message البقولها لي انه محتاجه Additional Plug-ins
اقول ليهو أوكي Install missing plug-ins
يدخل بحمد ويمرق بخوجلي ومايعمل أي حاجه !!

Any advice ???

ود الجعلي:

Quote: ياامانى حتشميتى فينا اليسوى والى ما يسواش بعدين شوفى طريقه لللنك نمر اتنين دا اما بخصوص السهر فهو غير انو بتعب المخ والجسد برضو بخلى العيون حمراء وانت زوله لسه بتقرى فانصحك تخلى السهر وتفكى درب ناسى دى بتودرك لكن ياخى البت دى غنايه بصوره مامحتمله تخليك تتجرس عديل كدا

طبعا فتحت الصفحه بتاعت "أكواد" وجربت كل الفيها برضو ما ظبطت هههههه
بدل الشماته تعال علّمني الحركات دي بيعملوها كيف,
انت قايلني في البورد ده لي مية سنه زيك؟
أنا برلومه ساي والله :)


--
نانسي فنانه جد .. و احساسها بالغنا جميل :)

الأخ الصديق الشامي:

Quote: اختيار ينم عن ذوق رفيع اغنية تحمل كامل عناصر الخلود كلمات لحن واداء وتنقل المتابعين الي خارج اجواء السياسة المحتقنة

وهوالمقصود,
الأجواء المحتقنه دي ما في شئ بيطلّع منها غير غنا جميل وراقي

سعيده جدا بمرورك,
ولك كل التحايا ,,

سلام يا اماني
بقيتي من ناس الليل ؟!
الليل دا بنتهي الساعة كم عندكم ؟
اختيار جميل للغنية و المغنين . . .



------------


شوفي لو قدرتي سمعتي " اجراس المعبد " تحت فيبقى اجي اشرح ليك الطريقة :


Press Play to listen

اها عندي مشوار اطقطقو و نجي نبدأ محو الامية الاسفيرية دا

Quote: والحقيقة أن الأغنية كبيرة و(ضخمة) أكبر واضخم من صوت نانسى

شكرا اماني للاستراحة الرائعة

قيقراوي
ازيك ومشتاقين ..

Quote: سلام يا اماني بقيتي من ناس الليل ؟! الليل دا بنتهي الساعة كم عندكم ؟

شفت اخرتها, بقيت من ناس الليل واخره,
مرّات تلاتات بكون صاااحيه حسبت كل النجوم وبديت من الأوّل تاني لوووول
بمشي أكتب في الاستيتص في الفيس بوك "النوم غالبني" بيجوا حاتم علي وغباشي أصحابي ديل يضحكوا فيني في الاستيتص,
بحرد ليهم الفيس بوك وبرّكز في موضوع عدّ النجوم لووووول
-بيني وبينك بكون بذاكر, اليومين ديل القرايه قايمه بي لوووول-

بالنسبه لموضوع الأميه الاسفيريه,
فمعاك حق, أخطر حركه بعرف أعملها اني أنزّل يوتيوب وأنزّل لنك بتاع Mp3 في شكل Real player
لأنه أسهل كود, الباقي كله ما ظابط معاي :)

علّمني وينوبك ثواب,
خصوصا اني قررت أصاحب ناس طارق جبريل وبقية سمّار الليل الحساسين وبكّايين ..
وديل ناس بتاعين خبره أسفيريه مبالغه, بي أمّيتي دي بيرفدوني لوووول

مستنياك ياصاحب ,

البدري ياهلا ومرحبا ..

رايك مقدر بخصوص نانسي,
خضر بشير بيشتغل في الغنيه شغل خرافي فعلا,
بس نانسي بتغنيها بنكهتهاالخاصه وبرضو حلوه :)



شكرا علي مرورك بالاستراحه,,

قيقراوي شكرا علي أجراس المعبد لأبو داؤود,

حقيقي روعه ..

Quote: أجراس المعبد – كلمات حسين عثمان منصور دقت الأجراس في معبد الحب ونادت ..نادت الأفراح ورقصت خمرة الأحباب في الكأس وراحت تسكر الارواح غني يافرحتي الكبري وغني ولتغني في الليالي حبنا هللي ياضحكتي السكري ومني ولتمني ياضحكتي السكري ومني ولتمني حب قلبي والمني انت يا انشودة الأحلام هني ولتهني حب قلبي والمني أنت ؟؟؟ ياشفاها كلها ضحك وهمس وابتسام يا له صمت حوانا فحوي كل الكلام ايها العشاق دارت كأسكم يوم جئنا نصطلي من ناركم وصدي الناي وضفات الغدير ..... تترنم حمرة في الخد آذاها العبير ...... تتظلم قصة في العين والصمت المثير ...... يتكلم ياندامي إملأوا الكأس ...... أديرواه علي سوف أروي نار قلبي ...... إنه قسم علي إن خمرة في الشفاه ..... إن كأسي شفتي ولتغدوا لحن حبي ...... وأعيدوه علي

Any advice
keep away from firefox and also keep out of the range of tarig jebreen and his associates
otherwise you will end up selling sandawitches in airport rather than becoming

a usefull gradute student

إن يكن صمتي رهيبا
ان في صمتي كلاما

سلام يا اماني

و الله باقي لي ود الجعلي لك من الناصحين المخلصين

Quote: Any advice keep away from firefox and also keep out of the range of tarig jebreen and his associates otherwise you will end up selling sandawitches in airport rather than becoming a usefull gradute student

المهم
الوعد وعد . . و فادي فادي

من الرابط الجبتيهو اطلعي خطوة فوق " أغاني سودانية " ح تظهر ليك الشاشة :

كل المطلوب التركيز عليه هنا " ايقونة " الحفظ

اها كليك رايت و تجيك قائمة منسدلة . . حلوة " منسدلة " دي ياخ عاجباني ليك كيف ؟



اها نركز على Copy Shortcut نكرر ما Copy ( مرهاء ) ساي سمح

اها بتلقيها لصقت معاك . . ما عليك الا تحددي المكان الصحيح لوضع الرابط في الكود المناسب - ود قلتي بتعرفيها مش ؟ - و اديها Ctrl+V :
هكذا : http://www.sudanelite.com/voices.php?action=savevoice&id=46
دا الرابط الصحيح
يلا امشي اعملي الاكسرسايس دا خمس مرات قبل النوم
و الصبح من دغش فاطنة على ابوها محمد تقومي تكرريهو مرتين على الريق
لو استمريتي كدا ح تسمعي كلام سميييييييح كدا . . لما تسرحي و تنسي نفسك ذاااااااااتو !!




و بعد كم سنة كدا لما ناس فادي يجوا الجامعة عليك الله ظبتي ليهم سندوتشات الطعمية الما خمج سمح ؟
كمان اولاد اخوك ياخ . . و لا شنو ؟

و سلامتك


-----------

ياخ بلول كدي ختي الرابط دا مكان محاولتك الاولى . . البوست من نفتحو كدا يجنا بوكس طاير ياخ !

و سمعي كلام