شقتو البقت علي؟.... انا ظانيتني السجن محمدني.." توجد صورة"

بيان الي جماهير الشعب السوداني

في البوصطي الكايس فيهو لي كديستي... لقيت لي صورة كديسة واقعة في الانترنت دا... شلتها وجبتها خنيت النضم دا تحتها:-

Quote: الكديسة بعد ما مشت امريكا وادوها القرين كارد...... عاينو الفلهمة قادر الله اكني انا مشيت امريكا رسلت الصورة لي امها ..امها رسلت لها مسج وقالت لها" ماني عافية منك كان ما مسحت القوقل إرث ...دا من وشيكي"

اها جيت الليلة لقيت الصورة غتست وماها في..مشيت علي الموقع اللقيت الصورة فيهو واقعة ... لقيت ناس الاتصالات في السودان حجبوهو.... كدي انتو اكنكم ااختفو كراعكم لي عند البوصطي اللليل الكديسة... وادو الصورة نقرة.... اها وحات الله دخلتني خوفة.. وقلبي اكلني.. قلت يا ربي تكون الكديسة دي بتبقى لي زول في الحيكومة واللا لي زول مهم ؟.... لكن وحات الله وانشا الله اتقلب فار وتاكلني كدايس الحكومة انا كنت بهظر وانا زول كضااااااااب... من الله خلقني قاعد اكضب... والله ا لكديسة دي حلاتاااااا ومافي شي بتشبها ولا متفلهمة ولا حاجة....وانا زول كعب وما عندي طعم ... وشيوعي وقليل ادب...وحات الله الكديسة اللبتبقى لي ناس الحكومة دي بتشبه كديستي الخالق الناطق....والله متلوم ومتجربن باللوم و ندمان سافي التراب.....اها بقيت مصاقرة التفلزيون واكوس لي صور ناس الحكومة في الجرايد كان القى شبه بس من الكديسة.... لي حسي ما عتر لي زول بيشبها..... علا بس شفت لي فنان بيشبها.. قلت يا ربي يكون الفنان دا عندو زول صاحبو في ناس الاتصالات ديل وحدسو.....؟؟؟؟. لكن الشي البعرفو الفنان دا بيريد البتيخ والكديسة دي بتريد اللبن.. يا ربي تكون قلبت للبتيخ؟... غايتو مخير الله.. الله يمحنك يا دي الكديسة كان محنتيها علي....

ملحوظة
تم التعديل لاني سمعت دق في الباب وقطعتا نضمي ومشيت ستفتا هدومي في الشنطة ..قلت خلاس الجماعة اهل الكديسة جوني....

كاااااااااااااااااااك لكن

سي جي


والمرسي أبو العباس مشتاقين

ياخي انت زول عجيب خلاص

يا الكونت.... انت قايلني خايف؟.... وحات الله ماني خايف......

الأخ سجيمان
تحية طيبة
ياخى انا كنت مفكر بجد اعتزل سودانيزاولاين دى
لكن بعد اكتشفتك يبدو انى حا اصاقر البورد منتظر كلامك الحلو ده
اها ماتبقى زى الشكروه رقد نام وتعمل لينا زى ناس صحيفة الصدى الرياضية
العمود فيها تجيهو بعد شهر تلقاه ياهو زاتو نامن خنبخ.
تحياتى

مرحب بيك يا فاضلابي

وجيتك لي بالدنيا....

فوق

حبيب نورة
انت قايلني كضاب؟

اها دا البكان الكانت فيهو الكديسة...كدي دوسو ..اكان ما تلقى ناس البوليص حارسنو




بعدين اوعك تقول كاااااااك..... حسي يقولو انت قاعد تحاكي في الجداد ويطلع الجداد قريب زول في الحكومة ويبشتنوك معاي...

عشان الناس العندها ضعف نظر مستر سي جي ..

الحمد لله... جيدن جات.... وحات الله البارح دي لي فالليل كانت في الحراسة

اها الكديسة الاتنفخت زي ام الحسين دي .. بتبقى لي منو؟..... عشان داير اقطع فيها

يا زول انتا عندك كديسة في راسك دة؟؟

الشر بره وبعيد وانت ياكا الوحييد اللي بتدينا البسمه

حبيبنا سجيمان ..
شايفك اليومين ديل منور (البوردى) متين طلعت من البيات الشتوى ؟
امابخصوص كديستك يمكن تكون بتسنن وعندها حمى وأسهال وتكون لابدة فى محل غمتى وكدة.
ولاياربى تكون نفسا وانت ماجايب خبر؟

قلقو
حبابك

انا لايمكم لوم شديد
وخوتكم خوة اليابا والتابا
ما بتسعلو من الزول لو في بيات شتوي... واللا كان بايت القوا

حباب حياة

خلاص الكديسة فكوها... باركي لي

مبروك شايفاها اخر روقان في الساونا

اااااي يا حياة.... باقي عرس بت خالتا بعد باكر

ان شاءالله نكون معزومين وكان ما قدرت ما بنزعل رسلو الصور

فوق

سارة عليكي الله ما تحرشي علي ناس الاتصالات تاني

دكتور سى جى سلامات ياخ
اريتك طيب
ياخوى كديستك ما بتكون اتسجنت ولا ناس اتصالات ولا شىء
الا بتكون مشت ترشح رقبتا وجاااارية فى الزحمه تنافس رفاقتا فى الانتخابات الحايمة اليومين دى
كدى يا خوى شد حيلك وامشى شدعا كان تفوز وتريحنا من وجع القلب
قالو كديسة سجيمان ولا القلب المرضان
مثل هندى عتيق
دمت بخير

العزيز سجيمان
تحياتي ،

Quote: وانا زول كضااااااااب... من الله خلقني قاعد اكضب...

خلاص .. صدقناك يا محمود الكذاب ؟!!!؟؟ ..


أو كما قال أحمد مطر في :
(إعترافات كذاب)


بِملءِ رغبتي أنا

ودونَمـا إرهابْ

أعترِفُ الآنَ لكم بأنّني كذَّابْ!

وقَفتُ طول الأشهُرِ المُنصَرِمـةْ

أخْدَعُكُمْ بالجُمَلِ المُنمنَمـةْ

وأَدّعي أنّي على صَـوابْ

وها أنا أبرأُ من ضلالتي

قولوا معي: إ غْفـرْ وَتُبْ

يا ربُّ يا توّابْ.

**

قُلتُ لكُم: إنَّ فَمْي

في أحرُفي مُذابْ

لأنَّ كُلَّ كِلْمَةٍ مدفوعَـةُ الحسابْ

لدى الجِهاتِ الحاكِمـةْ.

أستَغْفرُ اللهَ .. فما أكذَبني!

فكُلُّ ما في الأمرِ أنَّ الأنظِمـةْ

بما أقولُ مغْرَمـهْ

وأنّها قدْ قبّلتني في فَمي

فقَطَّعتْ لي شَفَتي

مِن شِدةِ الإعجابْ!

**

أوْهَمْتُكـمْ بأنَّ بعضَ الأنظِمـةْ

غربيّـةٌ.. لكنّها مُترجَمـهْ

وأنّها لأَتفَهِ الأسبابْ

تأتي على دَبّابَةٍ مُطَهّمَـةْ

فَتنْـشرُ الخَرابْ

وتجعَلُ الأنـامَ كالدّوابْ

وتضرِبُ الحِصارَ حولَ الكَلِمـةْ.

أستَغفرُ اللهَ .. فما أكذَبني!

فَكُلُّها أنظِمَـةٌ شرْعيّةٌ

جـاءَ بهـا انتِخَابْ

وكُلُّها مؤمِنَـةٌ تَحكُمُ بالكتابْ

وكُلُّها تستنكِرُ الإرهـابْ

وكُلّها تحترِمُ الرّأيَ

وليستْ ظالمَهْ

وكُلّهـا

معَ الشعوبِ دائمـاً مُنسَجِمـةْ!

**

قُلتُ لكُمْ: إنَّ الشّعوبَ المُسلِمةْ

رغمَ غِنـاها .. مُعْدمَـهْ

وإنّها بصـوتِها مُكمّـمَهْ

وإنّهـا تسْجُـدُ للأنصـابْ

وإنَّ مَنْ يسرِقُها يملِكُ مبنى المَحكَمةْ

ويملِكُ القُضـاةَ والحُجّـابْ.

أستغفرُ اللّهَ .. فما أكذَبَني!

فهاهيَ الأحزابْ

تبكي لدى أصنامها المُحَطّمـةْ

وهاهوَ الكرّار يَدحوْ البابْ

على يَهودِ الدّونِمَـهْ

وهاهوَ الصِّدّيقُ يمشي زاهِـداً

مُقصّـرَ الثيابْ

وهاهوَ الدِّينُ ِلفَرْطِ يُسْـرِهِ

قَـدْ احتـوى مُسيلَمـهْ

فعـادَ بالفتحِ .. بلا مُقاوَمـهْ

مِن مكّـةَ المُكرّمَـةْ!

**

يا ناسُ لا تُصدّقـوا

فإنّني كذَابْ!




(عاااااااالم جبانااااااااات ؟؟!!) (وجه باسم بشماتة؟!)


مودتي ،




( ليمو )

Quote: فكُلُّ ما في الأمرِ أنَّ الأنظِمـةْ بما أقولُ مغْرَمـهْ وأنّها قدْ قبّلتني في فَمي فقَطَّعتْ لي شَفَتي مِن شِدةِ الإعجابْ!

يا عبد الحليم

عجبني قطيّع الشلاليف دا

ليمو

القصيدة رائعة والله

سوما

كيفنك.؟ ماك طيبة؟

ويا سوما كديستي دي قد رما حاوتها تترشح مابيه كلو كلو
قالت دي انتخاباتن ختيت لهن القدرن
ودي بلدن محمولة وما بقدر عليها