لمن أفرتحهم مصافحة البشير لخليل بالدوحة !؟

الساعة 11 بتوقيت الخرطوم

حضن متبادل وحميمية تشبه السلام وتغيظ العدى

من يتحفنا بالصورة لاكتمال الفرحة

إذن فأنت توجه الحديث لنا يأخ آدم خاطر

نحن من فرح لمصافحة البشير وخليل

ونحن من فرح لمصافحة قرنق والبشير

ونحن من سنفرح بان لا تراق قطرة دم سودانى لاى سبب كان

ما اتعس الحروب اخى آدم ، وما اسوأ ما تخلفه ، علاوة على الارواح البريئة التى تزهق ، فإن الثمن غال بل غال جدً

نسأل الله ان يجنب بلادنا الحروب وان يجعلنا ننعم بالسلام والوفاق، وان نجلس على طاولة المفاوضات لحل اى خلاف

لاكثر من نصف قرن وسودننا يستنزف بالحروب من الجنوب للغرب للشرق ، وما هى المحصلة ، مزيد من الاتخلف عن ركب الدول

مزيدا من التشرد والجهل دفعناه نحن وسيدفعه ابناؤنا

نسأل الله ان يجعل كلمتنا سواء وان يصلح حال بلادنا

فاهلا ومرحبا بالسلام فى كل ربوع السودان

وآمل ان تفرح انت معنا يأخ آدم فالحرب دمااااار فى كل شىء

مع مودتى . . .

أخى عادل سلامى ومودتى
أشكر لك عباراتك
لا شك أننى أشد الناس فرحا ولابد أنك تطالع كتاباتى وموقفى من الحرب مسنود لأكثر من 7 أعوام ولكن العنوان
قصدت منه أن نعرف تجار الحرب وسماسرتها ، حتى نعرى هذه الأدمغة ويا ريت لو سمعت لحديث عبد الواحد الليلة
لك تقديرى

شكرا الاخ / عادل سهــل .. كفيتنــى ..

Quote: إذن فأنت توجه الحديث لنا يأخ آدم خاطر نحن من فرح لمصافحة البشير وخليل ونحن من فرح لمصافحة قرنق والبشير ونحن من سنفرح بان لا تراق قطرة دم سودانى لاى سبب كان ما اتعس الحروب اخى آدم ، وما اسوأ ما تخلفه ، علاوة على الارواح البريئة التى تزهق ، فإن الثمن غال بل غال جدً نسأل الله ان يجنب بلادنا الحروب وان يجعلنا ننعم بالسلام والوفاق، وان نجلس على طاولة المفاوضات لحل اى خلاف لاكثر من نصف قرن وسودننا يستنزف بالحروب من الجنوب للغرب للشرق ، وما هى المحصلة ، مزيد من الاتخلف عن ركب الدول مزيدا من التشرد والجهل دفعناه نحن وسيدفعه ابناؤنا نسأل الله ان يجعل كلمتنا سواء وان يصلح حال بلادنا فاهلا ومرحبا بالسلام فى كل ربوع السودان وآمل ان تفرح انت معنا يأخ آدم فالحرب دمااااار فى كل شىء مع مودتى . . .

أخى بدر الدين
سلامى ومودتى
وانت أيضا فرحتك ستكون مضاعفة لأنك من أهل الهم والوجعة وتدرك ماذا تمثل عودة خليل لسربه
تقديرى

مزيدا من الاتفاقيات وحقن الدماء

الأخ/ آدم خاطر

تحياتي

Quote: : إذن فأنت توجه الحديث لنا يأخ آدم خاطر

الأخ/ الفاضل سهل تفضل لإجابة سؤالكم نيابة عنا وعن كثر ممن تعنيهم الإشارة، وحقيقة الفرحة ليست

لمصافحة الرجلين وإنما بسبب المتوقع بعد المصافحة وهو السلام... سلام دارفور بعد حرب نعتناها بالحرب

القذرة، لكونها حريق مفتعل ... يمكن أن تختلف الأراء في هذا ولكن عدالة قضية دارفور لا مزايدة فيها

وإنما المزايدة والإفتعال في حل القضية عن طريق الحرب التي دمرت الموجود والشحيح أصلا علاوة على تدمير

النسيج الإجتماعي الذي كان يمثل بقية الخير المأمول.

عموما فرحنا من أجل السلام لنتفرغ لنلملم جراحاتنا ونرتق ما تهتك من قيمنا أثناء الحرب، ونكسر حواجز

الجمود والفقر للسنوات الخالية. ونسأل المولى عز وجل أن يتمم الأمر بخير وعلى خير.

الخ حماد
سلام
برضو كلام طيب ومعبر

يا خاطر يا أخوي

والله ما عارفين نفرح والا نحــزن والا نتحمل أسانا ذاتو !!!

الإحباط بقى في دمنا جاري

نيفاشا ما جنا منها غير مزيد من التحارب والقتل والتشرذم

وسلام الشرق يشكو منو ناس الشرق

وسلام أركو مناوي ما سوى للغرب حاجه ! وكل زول عاوز يتافقو براهو !

جلدنا بقى تخين ما عارفين وين اليصــلح البلد ووين البيضـرها !

والبلد من السلامات الكتيرة دي ما تحس بيها حا تعمر والا تعمر !

معذورين كان قلنا كلام زي دا !!

والسلام بقينا نشوفوا ما للوطن لناس مُعينه بتستفيد منو ! وبتستفيد منو شنو ما عارفين !!



المواطن البسيط ما لاقي ليهو طعم سلام في حياتو ! رغم كترتها وتنازُلاتها !

السلام دا بيعني حاجات كتيره ،، ما قاعد تصلنا منها حاجه !





عشان كدا خلينا نحنا نتفرج بس والله يصلح حال البلد بي ناس يشيلوها

واهلها في حدقات العيون ويضوقونا ويضوقوها طعم السلام ،،



( إحباط شديد مش كدا ؟)


مودتي ،،



هشام

أخى هشام
مودتى
هذه هى أقدار البلاد فى ظل المواج المتلاطمة التى تجتاحها عبر بوابة الحروب
وأى باب نطرقه ويأتى منه اتفاق فهى طاقة جحيم أغلقت حتى يصار الى حوار الداخل
وتلك قضية تنتظر وقتها حتى يعم السلام ويستدام ، فلنقل خيرا ونفرح بهذه الخطوة
مع تقديرى

سويت لي مداخله مشت وين ؟؟





هشام

وانا كمان ختني مع الفارحين يا خاطر وشديد كمان

أخى الشفيع
سلام
هنيئا ك بالفرحة ولتكن قريبا فرحة أهل السودان جميعا ودارفور بنحو خاص

احبتي من الحضور الكريم

شعب دارفور من اكرم واطيب واجمل شعوب الدنيا... شعب يستحق قياده تقوده الي امان دائم الي عافية كاملة الي تعليم متقدم الي رفاهية تحقق كل امال واحلام اهلها ..لكم ولهم ..هنيئا السلام والامان

أخى تلوس
سلام وشكرا على المداخلة وفرحة دائمة انشاء الله