دروكبا الشيوعي

ديدير دروجبا المشهور بـ (دروكبا) لاعب ساحل العاج ونجمها وكابتن فريقها والمحترف بفريق تشيلسي الانجليزي في نهائيات كأس افريقيا الاخيرة بانجولا مثله ومثل بقية المحترفين الافارقة في الدوري الاوربي لم يقدموا اي مجهود يذكر مع فرق بلدانهم الوطنية وكان ان جاء ادائهم باهتا ممسوخا انهزموا من كافة الفرق الضعيفة والمتوسطة في المستوى
بعد انتهاء كاس افريقيا وعودتهم الي انديتهم الاوربية التي يلعبون لها , تغير حالهم تماما وكانهم ليسوا الاشباح التي لعبت في كاس افريقيا اصبحوا يجدون طرقهم الي الشباك التي صاموا عنها طوال الكاس الافريقي .
في احدي المباريات الاخيرة لفريق تشيلسي كان ان قدم دوركبا اداء جيدا بعكس ما كان عليه مع منتخب بلاده , كنا نشاهد المباراة انا والصديق احمد التجاني , سألته عن مستوى هذا اللاعب الان ومستواه قبل ايام مع فريق بلاده , لم يتلفت ود التجاني واجابني : تعرف ناس دوركبا ديل عاملين زي عضوية الحزب الشيوعي , الحزب منزل ليهم نقد لانتخابات الرئاسة وكلهم واقفين مع ياسر عرمان . ثنيت علي حديثه واضفت انه من شعيراته العاملن دي عرفتوا شيوعي

أساسي الظلامي إزيك

هاهاهاهاهاهاهاهااهاهاهاهاها

اخوي ابو الحسين

حمد لله علي السلامة , ياخي المرة الاخيرة دي قنعنا منك خير شر
لكن والله بركة بالشوفة الديار نورت

غايتو مفروض نديك اليوبيل الذهبي للايقاف من المنبر العام

أهلا أبو محمد إنت عايز الجد و الله أنا زاتي قنعت(زي ما قال هناي داك)

الديار منورة بي ناسها الطيبين

إنت عارف المرة الفاتت 36 ساعة و على قول ود الصائم العدة شالوها و دا رقم مفروض إتسجل في موسوعة جينيس

و صاحبك أبو صلعة عمل فيني عملية ما حلوة أداني باسوورد لو مشيت بيها لي إوكامبو حا إصدر بيها مذكرة عاجلة

Quote: تعرف ناس دوركبا ديل عاملين زي عضوية الحزب الشيوعي , الحزب منزل ليهم نقد لانتخابات الرئاسة وكلهم واقفين مع ياسر عرمان

أحمد التجاني دا رباطابي ؟؟؟؟

يازول حمد علي السلامة وبركة الرجعت , ياخي اخد محمد الخضر بشري قدوة بعد الايقاف جا راجع مجنح ومسكيييين , وحالتو تحنن , واموره سالكه الان

احمد التجاني دا رباطابي وربع

Quote: ياخي اخد محمد الخضر بشري قدوة بعد الايقاف جا راجع مجنح ومسكيييين , وحالتو تحنن , واموره سالكه الان

مالي يا أساسي أنا عملت حاجة ؟؟؟


أنا عارف حا إكون عندي 6 شهور حسن سير و سلوك

أستاذ!!

دا برضو شيوعي يا ياسين

ــــــ
اتفضل ادلو بدلوك يا بني

Quote: أحمد التجاني دا رباطابي ؟؟؟؟

ابوحسين
نورت يا اخوى والعب براحة عشان مانفقدك
الانتماء للرباطاب شرف لا ادعيه

يا اساسى دروجبا ممكن يكون معزور احتمال يكون حسبها صاح ح يكون باقى كم من عمره فى الملاعب
فالاولى المحافظة عليه واستثماره جيدا بمايضمن له دخلا يعينه فى مقبل الايام وكما هو معروف عن
اغلبية اللاعبين انهم اعطوا وقتهم لكرة القدم على حساب التعليم او المواهب الاخرى ما عدا القلة
التى تنجح فى متشعبات كرة القدم الاخرى كالتدريب والتعليق الرياضى او السمسرة فى اللاعبين وهذه
تتطلب مهارات خاصة قلة فقط تمكنوا من الجمع بينها والحرفنة الكروية واعتقد ان دروجبا ليس منهم
وذلك وضح لى من متابعتى لعدد من المقابلات الاعلامية التى اجريت معه فلذلك ارى مبررا قويا لدروجبا
فى عدم بذله الجهد المطلوب لرفع راية فريقه الوطنى مخافة ان يتربص به احد الحاقدين الافارقة بفاول
ينهى به مسيرته الكروية او ممكن دروجبا يكون عائلا لعدد من الاسر الفقيرة فى نواحى ابيدجان توسلوا
له ان لايتهور فى الكاس الافريقية البائسة ويضيع نفسه ويضيعهم وهناك فى انتظاره العديد من المعجبين
والمعجبات من بنات وابناء ضاحية تشيلسى وماى فير
لكن مايحيرنى فى الرفاق انه ظروفهم غير مشابهة لدروجبا - عامل السن غير مهم فى الانتماء الحزبى
والمخاشنة واللعب العنيف ضد الاحزاب اليسارية ناس الامن بطلوه
حكاية دعمهم لعرمان لحد مامقبولة باعتبار انه ترافق معاهم سابقا فى الحزب الام وباعتبار التجربة
النضالية حقته والتى تستوجب ان يدعمها كل الثوار للاحتفاء بها فى حالة الفوز وتصديرها كنموذج
غير مسبوق ليقتدى بها كل الثوار ولكن ان يتركوا امر دعم مرشح حزبهم الاساسى وتصويره كاتمام عدد
لا يذيد ولا ينقص فهذا ما استعصى على فهمه

خلونا نحصل السماية دى,,,

باقى ليك الدنيا ويك اند واخر شهر ,,يعنى الشركات الحالفة فى حمد
زى تايوتا يتنزل الراتب اخر الدوام,,,


دحين وين الجلابية والعمة والمركوب,,,

قالو ابو حسين طلعوه من الحبس ,,مبرووووووووك يا بو حسين

نجى للنجيضة

صدقنى ياساسى لو البشير رجع رئيس تانى وداد ذاتها بتكجنو
ياخى كفاه,,والله كفاه
تسلم

سلام يا اساسي

تعرف عشان تفهم الشيوعيين؛ لازم تقرأ فرويد ونظريته عن الطوطم والتابو ..

اها باختصار الطوطم دا هو حيوان الشعوب البدائية كانت مقتنعة اتو عندها معاهو اصل واحد؛ وغالبا ما يكون حيوان مفترس او ضار .. يعني دب ؛ ضبع؛ عقرب الخ .. اها الحيوان الضار دا يكون بيطلع دينهم؛ وهم ما يقدروا يقتلوهو لتقديرهم ليهو ؛ ممكن يأكل اولادهم ويدمر بيوتهم وهم لسه له ساجدين .. يعني زي السيد نقد؛ يحطم في الحزب الشيوعي وجايب ليهو الفضائح؛ وهم له ساجدين .

لكن الانسان ولو كان بدائي - او شيوعي- هو برضو انسان؛ ورغم الاوهام عن طوطمو تلقاهو برضو بيعرف مصلحتو .. لكن عبدة الطوطم والشيوعيين ما بيقدروا يصلوا لمصلحتهم بالواضح؛ ويقولوا للدب البياكلهم او نقد الحيوديهم التوج اتفضل من غير مطرود؛ يقوموا يتوسلوا للمصلحة بالاستهبال والزوغان: في حالة الطوطميين يقوموا يلبسوا جلد الحيوان او يعلقوا مخالبه او اجزاء منه فيهم - يعني الواحد فيهم عامل نفسو دب او ضبع هو ذاتو وكأنو دا بيحلو - او باللجوء لعرمان في حالة الشيوعيين؛ تلقى الواحد فيهم عامل رايح من نقد وبيشجع عرمان؛ دون ان يقول بالواضح والمفتشر انه ضد الطوطم نقد .

والظاهر لياقتك رجعت تاني يا اساسي ..