Post: #1
Title: الــزول الذي.... حِـــرد اهلــــو!
Author: سجيمان
Date: 02-23-2010, 10:38 AM
Parent: #0
لزول لما يكون في زول ما داير يتلوَّم معاهو .. والزول دا غائب مِنّو يقول الغائب عذرو معاهو.. لكن أن بقى مكجِّن زول وغاب مِنّو طوالي يشتغل ليهو ويطلِّعو زول ما فيهو فائدة وزول سجمان ساكت... برنامج في قناة النيل اللزرق إسمو "ألو مرحبا" فيهو فقرة قاعدة تكوس للناس الودرانين وضَهَبانين من أهلهم.. لكن والله ما داخل لي راسي زول كبير وواعي وضهبان في زمن الاتصالات وبارك الله في الخواجات السهّلو لينا التواصل.....الفقرة ناجحة ما فيها نضم ... وناس كتار جمعو بسببها ..... علا يا جماعة الخير في ناس زايغين عديل كدي... وما دايرين يرجعو ولا دايرين سيرة أهلهم... لسبب عارفنِّو هم وحمدو في بطنو..... -هالو -ألو مرحبا معاك ألو مرحبا أسمعي يا بت الناس ... أنا آدم ود كتّر خيرو.. أهلي في أُم طرقن عُراض.... أنا مرقت من أهلي من سنة خمسة وتمانين وتاني ماني راجع ماني راجع..... النحدِّسك... عايني جاي.. أوَّلك بالتبادي بعتا البقيرة .. وقلت داير أعرِّس.. مشيت دُرتا أُم بلّه بت خالي العوض.... قالو ليّ أُم بلّه دايرا ودَّ اعمها... خليتا قلت الحالة واحدة ومافي فرق بيني وبين ودَّ اعمها.. مشيت دُرتا كلتوم بت أُمحمد ود عجبنا... أُمي وقفت ألفاً أحمر ... قالت ليَّ البت كعبة وممحوقة ومُبذِّرة.. داك الليلة قالت لقتها عاجنه ليها تلاتة بيضات الّلات جنا جداد ومُجلبِطة بيهن وشيها كايسة للسماحة... وحلفت أُمي قالت وليدات أخوها يبكو من الجوع والبويضات دي خاتِنّهِن لفطورهم مسَكتهِن هي وفقشتِن في كورية وجلبطت بيهِن وشيها...وبعدين قدما كعب و حظّها زي الزِفت.. يوم ولدوها ماتت حبوبتا التاية... ويوم سمايتا ماتت ستّنا مرة الّلمين... ويوم طِهارتها ماتت حبوبتا أُم أبوها ... إن بقيت داير تكتُلني أنا عرِّسا....خليتا مشيت دُرتا أُم زين بت عمِّي طه برضو أُمي قالت ليَّ البت شرفانة وجِنّها أكِل وطبعها شين وقت تجي تشرب أيِّ شي قاعدة تمد لسانا... داك الليلة شربت لها قزازة الّت بستي كولا قومي مِدّي لسانك واللسان يدخل في خشم القزازة والقزازة تلصق فيها عِلا ودوها الخرتوم وحلفو قالو لِك عشرة دكاترة يقومو ويقعدو حِتّين يا الله مرقو اللسان من القزازة ... برضو خليتا.. مشيت درتا التاية بت حسبو... برضو أُمي أبت .. قالت البت ديمة مرضانة والمِراريا ما عندها شَغَلة غيرا.. تشِدَّها المِراريا وتنزِل منّها تنزِل المِراريا يشِدّها التيفويد.... ينزِل التيفويد يمسكها أبو اللغود...السنة كلها في الحال دا... ألو .. إنتي سامعاني ؟غايتو يا زولة فكّرتا كدي وقلت أنا أسافر ...وما يخبروني وين... أنا حسّي في الِلبيض .. والله يَخبرو بكاني عِلا أطير وامشي بلدن طيرو عجمي وامرقها في السوكي....
|
Post: #2
Title: Re: الــزول الذي.... حِـــرد اهلــــو!
Author: طارق جبريل
Date: 02-23-2010, 11:02 AM
Parent: #1
يا دكتور كيفنك
|
Post: #3
Title: Re: الــزول الذي.... حِـــرد اهلــــو!
Author: سجيمان
Date: 02-23-2010, 04:41 PM
Parent: #1
اهلا دكتور طارق
وينك يا راجل يا كلس
|
Post: #4
Title: Re: الــزول الذي.... حِـــرد اهلــــو!
Author: د.نجاة محمود
Date: 02-23-2010, 04:48 PM
Parent: #3
لووووووووووول
بالجد نص الناس الطافشة دي طافشة بسبب العرس
المنبر دا من يوم قلت عايزة امسك الصبين اعرس ليهم
اختفو فد مرة وقطعو الخبر والحس..
اسع غباشي دا ليهو كم زمون ما ظهر..
العجب سعد الدين
|
Post: #8
Title: Re: الــزول الذي.... حِـــرد اهلــــو!
Author: سجيمان
Date: 02-24-2010, 06:59 PM
Parent: #4
بت اعمي الدكتورة نجاة
بالصح سعد الدين دا وينو؟؟..... انت طاريه لو العرس لي شنو؟
|
Post: #5
Title: Re: الــزول الذي.... حِـــرد اهلــــو!
Author: سجيمان
Date: 02-24-2010, 08:37 AM
Parent: #1
فوق برضو
|
Post: #6
Title: Re: الــزول الذي.... حِـــرد اهلــــو!
Author: عبدالناصر معتصم
Date: 02-24-2010, 08:48 AM
Parent: #5
لفوق يا حبيبنا ,,,,,,
|
Post: #7
Title: Re: الــزول الذي.... حِـــرد اهلــــو!
Author: Hisham Ibrahim
Date: 02-24-2010, 12:13 PM
Parent: #6
يا د.
البرنامج دا كان يسموهو
حُبي الشديد ليكـــ ** وعـمرك ما عرفت هواي !!
لأنو الناس البتتخارج دي كان بتحب أهـلها ديل ما كان خلوهم يفتشوا عليهم بي القنوات !!
ـــــــــــــــــــــ
سامبُل كدا :-
قريبنا فارق البلد 18 سنه عشان حاجه زي كلامك دا بالضبط ، وجانا راجع أباطو والنجم !!
ـــــــــــــــــــــ
تقديري ،،،
هشام
|
Post: #10
Title: Re: الــزول الذي.... حِـــرد اهلــــو!
Author: سجيمان
Date: 02-25-2010, 04:54 PM
Parent: #7
هشام ....
كويبس زولكم رجع .....وجاب اباطو معاهو
|
Post: #9
Title: Re: الــزول الذي.... حِـــرد اهلــــو!
Author: سجيمان
Date: 02-25-2010, 08:24 AM
Parent: #6
شكرا شكرا شكرا
عبد الناصر
|
Post: #11
Title: Re: الــزول الذي.... حِـــرد اهلــــو!
Author: سجيمان
Date: 03-03-2010, 11:18 AM
Parent: #6
فوق
|
Post: #12
Title: Re: الــزول الذي.... حِـــرد اهلــــو!
Author: سجيمان
Date: 03-04-2010, 08:17 AM
Parent: #1
فوق
|
Post: #13
Title: Re: الــزول الذي.... حِـــرد اهلــــو!
Author: هويدا شرف الدين
Date: 03-04-2010, 10:26 AM
Parent: #12
تسجيل حضور ومتابعه لشخصك الرائع
|
Post: #14
Title: Re: الــزول الذي.... حِـــرد اهلــــو!
Author: emad altaib
Date: 03-04-2010, 10:39 AM
Parent: #13
ـــ
| Quote: داك الليلة شربت لها قزازة الّت بستي كولا قومي مِدّي لسانك واللسان يدخل في خشم القزازة والقزازة تلصق فيها عِلا ودوها الخرتوم وحلفو قالو لِك عشرة دكاترة يقومو ويقعدو حِتّين يا الله مرقو اللسان من القزازة ... |
ههههههههههه
ديل دكاترة شنو ديل وجهل ناس الحله دي أصلو ما حصل
10 دكاترة فوق لسان كابس في قزازة ببسي وكان حقت عرقي بيجوها كم دكتور ؟
حسّع كان ودوها لي فكي الحله ماكان فكة كربت لسانها بي عصايتو بس
والله حقيقة الجهل مصيبة كبيرة وجهل أهل السودان لي يوم الليلة قاعد.
|
Post: #15
Title: Re: الــزول الذي.... حِـــرد اهلــــو!
Author: سجيمان
Date: 03-04-2010, 07:20 PM
Parent: #13
تسلمي يا هويدا
|
Post: #16
Title: Re: الــزول الذي.... حِـــرد اهلــــو!
Author: المر
Date: 03-06-2010, 01:21 PM
Parent: #12
فوق
|
Post: #17
Title: Re: الــزول الذي.... حِـــرد اهلــــو!
Author: saif massad ali
Date: 03-06-2010, 03:44 PM
Parent: #16
قلت لي طفشو في شان العرس
|
|