Post: #1
Title: نغمة "طفل سوداني ضائع" في مضامير سباقات الخيول بدبي إلى متى؟ صور
Author: جلال جبريل
Date: 02-23-2010, 07:43 AM
معظم السودانيين في الإمارات مدمنون لحضور سباقات الخيل في .
ويعتقد الناس أن لنا صلة جيدة بهذا النوع من الرياضة، ماعارف الكلام دا جابوهو من وين
مشاهدة ومتعة أم من أجل جني الأموال والجوائز؟
وأقصد بالأموال ملء إستمارات الترشيحات وليست الطريقة المحرمة الأخرى.
نرجح كفة البحث عن المال
بما أن لكل شخص الحق في ملء إستمارة ترشيحات واحدة فإن
الغالبية من الحضور تكون أسر كاملة وبصحبة أطفال وموسم السباقات شتوي
والواحد يضربو السقط ويشوف ليهو كورنر وينوم، كل يوم والتاني نسمع
نغمة طفل سوداني ضائع....
|
Post: #2
Title: Re: نغمة "طفل سوداني ضائع" في مضامير سباقات الخيول بدبي إلى متى؟ صور
Author: حافظ كنجال
Date: 02-23-2010, 08:00 AM
Parent: #1
يا ابوي ده مافي الامارات بس
في الخليج كلوا
قدر ماتمشي مول ولا ملاهي
لازم من فترة لتاني تسمع ليك
يوجد طفل سوداني ضايع
عليك الله الماضايع منو هسه بس مالاقين لينا
زول يزيعنا
مرات عندنا شفع مفتحين عاجباهم حكاية يزيعوا اسمهم في المكرفون
بيجي براهو للاذاعة الداخلية للمول مثلا يقول ليهم
انا اسمي حمادة ضايع من اهلي القاعدين هناااك
|
Post: #3
Title: Re: نغمة "طفل سوداني ضائع" في مضامير سباقات الخيول بدبي إلى متى؟ صور
Author: جلال جبريل
Date: 02-23-2010, 08:09 AM
Parent: #2
| Quote: قدر ماتمشي مول ولا ملاهي |
أخونا كنجال
المول والملاهي مكان من الطبيعي جدا ً تلاقي فيهو
الأطفال بس الماطبيعي تلاقي أطفال في مضمار
سباق بعد ساعة متأخرة من الليل رايحين
قصدي دا ما محلهن ياحافظ
|
Post: #4
Title: Re: نغمة "طفل سوداني ضائع" في مضامير سباقات الخيول بدبي إلى متى؟ صور
Author: جلال جبريل
Date: 02-23-2010, 08:12 AM
Parent: #3
روقو شوية ونجيب ليكن الصور
بس نعالجا شان مايجي واحد ناطي يقول
أنا هنا ليه
|
Post: #5
Title: Re: نغمة "طفل سوداني ضائع" في مضامير سباقات الخيول بدبي إلى متى؟ صور
Author: جلال جبريل
Date: 02-23-2010, 08:24 AM
Parent: #4
الغريب في الموضوع تلقى الواحد من وقتا كضاب مدور يشتري في
الجرايد والمجلات وشغال ترشيحات
الحصان دا السنة الفاتت فاز ودا بقى تعبان ، تقول الحصان
بيقول الناس الجو في السقط الشديد دا ماأخيب ضنهن.
|
|