حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)

Post: #1
Title: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-23-2010, 08:06 AM

حافظ ...

عشان بحب كتابتك شديد..

ودايرة اتونس معاك اسفيريا...

وافرتك قش الحزن المعشش فيني دة...

Post: #2
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-23-2010, 08:11 AM
Parent: #1

قبل كدة حابة اقول...

اني اخيراااااااا اكتشفت اني ما عارفة نفسي...

لمن القاك...

ـــــــــــــــــــــــــــــــ

لو كنتا بعرف ليك درب ايميل كان لميت بوستي دة علي لكن حالة الحزن لمن تجي ما بقدر اعمل كنترول علي روحي,,,

Post: #3
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-23-2010, 08:19 AM
Parent: #2

سمعتا مقولة..

انو في بعض الاحيان بنحتاج نغسل عيونا بالدموع عشان نقدر نشوف الحياة تاني بطريقة اوضح من الاول,,,

Post: #4
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-23-2010, 08:21 AM
Parent: #3

انا غسلتهم لمن حيشكوني لي رب العالمين,,,

اظن ما فضلت لي الا مرحلة(الظهرة)...

ههههههههههههههههههههههه
بقت علي قصة حزنان وواعي...

Post: #5
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-23-2010, 08:27 AM
Parent: #4

السارة..
قولي عوووووك
نديك الايميل و التلفون كمان...
وتعال يا حافظ يا جنقو يا ......... تم الباقي براك!!
تعال قبل ما اشتكيك لي القديسة كريستينا...

___
سارة سلام و الاخبار
عللك و الناس كلهم بخير

Post: #6
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-23-2010, 08:49 AM
Parent: #5

هواري
ما تحرمني من ونستهم الاتنين
لاني الاتنين بحب كتابتهم

Post: #7
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-23-2010, 09:55 AM
Parent: #6

سرور يا خي والله مشتاقين ...
لكن بيني و بينك يا سارة اتلمي الليله بالذات التعيس علي خايب الرجا
غايتو انا التعيس بس خليت ليكم خايب الرجاء دي كرامة و سلامة تتقسموها انتي و هواري و شبكة دي ذاتها
بس بجيكم بعد شوية نتم باقي أحزانا و دموعنا.... أصلاً انا اليومين دي ربة عملي الحجرية( مديرة الهناء) ... مديرة الهناء دي اليومين دي خاتنا في رأسها و هي ما عارف في رأسي في شنو؟

يلا باخد لي منها تاني زوغة كدا و بجي منكشح بجاي

Post: #8
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: ياسر بيناوي
Date: 02-23-2010, 09:58 AM
Parent: #7

الواحد عندو باقي بكية مفضلة من بالليل
قلنا نجي نتمها هنا

سارة وحافظ وكل الفرد سلام

خالص الود

Post: #9
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ كنجال
Date: 02-23-2010, 10:49 AM
Parent: #8

Quote: انو في بعض الاحيان بنحتاج نغسل عيونا بالدموع عشان نقدر نشوف الحياة تاني بطريقة اوضح من الاول

سارة...
انتي متاكدة انك سمعتي.... ولا جابو ليك
كان سمعتي محتاجة تنظفي اضانك ...اسمعي ... يااااني
وكان جابو ليك....
اغسلى الحزن بالفرحه...
وخلي عيونك مفتحة يافردة
الغميض ده الببكي....

اها نسيت انتي قاصدة ...
حافظ ابراهيم ....
ماحافظ كنجال.....

انا الشلاقة العلي شنو...

Post: #10
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-23-2010, 11:21 AM
Parent: #9

Quote: اها نسيت انتي قاصدة ...
حافظ ابراهيم ....
ماحافظ كنجال.....

حافظ كنجال سلام إنت عارف في المتوسطة كنا في الفصل نحنا اتنين اسمنا حافظ
و أي زول عندو اسم ابو براهو ... جانا أستاذ جديد و شكلوا مهبوش شوية
(طرينا ما نادينا) أها الاستاذ دي اول ما بدينا حفلة التعارف انا و حافظ التاني
كنا قعدين بالجوار قام قلينا (إنتو أخوان)

سارة جاييك ما تقول المديرة اتفككت

Post: #11
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-23-2010, 11:25 AM
Parent: #9

سرور ابكي و الله و حكاية
أبكي ساي و رمش ما يعتر ليك و لو فضلت ليك شوية دموع بالله رسليها لكن بعد تنتهي من كل أوجاعك .... الدموع لو ما كفت ناس البيت حرمت علي الجيران.... بالله باقي الدموع (مش في حاجةاسمها باقي الدموع الفي عني)... المهم باقي الدموع البتفضل ليك عليك النبي تحوليها بجاي.... و جايكي صادي رادي نشيل باقي دموعنا و شنو كدا ما عارف

Post: #12
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-23-2010, 11:46 AM
Parent: #11

الان هنا أو سرور مره أخري .... الكلام دا ملطوش من عنوان لاحد روايات عبدالرحمن منيف ... لكن ما علينا ... ما الطش كانت لطشت اصلي انا لطشت شنو و بعدين اليومين دي انا حزين علي حيدر الزين ربنا يرفعوا و بكري يرجعي ليهو باس ويردو .... إنت عارفة يا سارة انا وقت اكون واصل الحد بعمل واحدة من اتنين... اما أشرب من موية البلاعة (بقصة موية البلاعة دي.... ابنة أحد اصدقائي مره حبوبتها جاتهم زيارة في البيت , الحبوبة دي قالت يا ماريل جيبي لي موية ...
ماريل: اجيب ليك موية بلاعة و لا موية ساي ؟...
الحبوبة: يا ماريل بلاعة شنو جيبي لي موية
ماريل: حبوبة انتي ما بتعرفي موية البلاعة .... موية البلاعة دي بشربوها بابا و عمو حافظ بالليل لكن انا و ماما بنشرب موية ساي)
و من اليوم داك يا سارة بقيني نسمي مويتنا موية البلاعة ..... المهم يا سرور انا وقت اكون واصل حالتك دي و امس كنت واصلها بعد زيارة خاطفة لعمي موسي والد أخر شهدائنا .... بعد الزيارة دي جيت واصل الحد اها المرة دي قلت انا ما داير موية بلاعة و البديل في الحالة دي دايماً بكون صلاة ... انشاء الله ركعتين خارج التوقيت الرسمي ... صليت ركعتين بالتمام و الكمال و لكن النافع الله و الحال في حالو ... المهم في النهاية إقتنعت انو شيطاني كبير.....

جايك يا سرور و تكوني خلتي لي معاكي حبة دموع

Post: #13
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-23-2010, 11:52 AM
Parent: #12

Quote: إقتنعت انو شيطاني كبير.....

هسي أنا قلته حاجة!!!!!!!!!!!!

Post: #14
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: نجلاء سيد أحمد
Date: 02-23-2010, 12:04 PM
Parent: #12

سارة وحافظ والضيوف الكرام تحياتى بحجم الاحزان التى فى دواخلنا وتحايا بقدر الافراح الواعدة بفجر قادم

العزيزة سارةاتصل عليا حافظ او مسكل لى وتحدث عن انو اول يوم قدر يبكى لزمن طويل بعد ما زار عم موسى والد الشهيد محمد الله يرحمه والدموع مرات كتيرة بتغسل الاحزان اتمنى ان تنتهى احزان الجميع

واعزرينى دخلت شمال بس اول مافتحت النيت كان البوست بتاعك وش

Post: #15
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-23-2010, 12:04 PM
Parent: #12

انا غايتو لما تقوم علي
موية البلاعة ما بتحلني
لكن البتحلني صلاة الليل

جربوها
ومع زيادة الزهجة البتجي من وقت لوقت اقروا سورة يوسف

دا عن تجربة

Post: #16
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-23-2010, 12:16 PM
Parent: #15

هواري حاشا من القوالة لكن يا صديقي الجميل بنتم الباقي تلفونات (فأحذر يا هواري تلفونات منتصف الليل و الأصدقاء القتلة)

اتفضلي يا نجلاء و البيت بيتك.... و يا شبكة عليك الله تسوي لنجلاء دي شاي أخضر لانو بفكها (يعني بفك الحزن يا هواري عشان انت من الذين يحرفون الكلم)... بس يا نجلاء سارة دي طلعت علي البحر قالت تشم ليها شوية هوا و تجي ... غايتو جنس دا ما شفنا يعني زول عندو بيت بكاء و يتحاوم ....

يا شبكة و الله جيتني في محلي يا خي انا سورة يوسف دي بحبها حب و العجب وقت أسمعها بتلاوة واحد من الشيوخ ما متذكر أسمه.... لكن للضمان كدا الليله بقرأ سورة الواقعة لانو الفلس حاصل....

بالله سلموا لي علي مهيرة

Post: #17
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: Baha Elhadi
Date: 02-23-2010, 12:25 PM
Parent: #16

سارة :
أبكي يمة ابكي كل أحزاننا زخلي لي حبة دميعة شوية
باقي دموعنا جفت
مش مصطفى قدس الله سره قال:
بكيت حتى جفت الدموع
وركعت حتى ملني الركوع؟
أها الباقي بعد كدا موية العدة ولا موية حبال يا حافظ ما بتفكو
وأنت عارف
ما توري هواري
أها ابقى عشرة على مويتك فرب قوم ما عندهم موية شربوا موية جيرانهم
اضمن مويتك احسن ليك
والبكا ما بحل قضية أو كما قالت
بهاء
هواري انتو قلبتو البكا نهار ؟
حليلك يا طارق وشلته

Post: #18
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-23-2010, 12:32 PM
Parent: #17

Quote: وقت أسمعها بتلاوة واحد من الشيوخ ما متذكر أسمه....

قلته لي واحد من شنو؟؟؟
وكمان ياتو سورة؟؟؟و الشيخ اسمه منو؟؟

(انت باقي لي البوست بتاع الفيس بوووك اتقلب لي حقيقة...!!!!!!!!)

___
حافظ ان زعلان منك.؟؟
وحزنان كمان.... شفته كيف

شبكة\نجلاء \بهاء....تحياتي و احترامي.........

Post: #19
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-23-2010, 12:34 PM
Parent: #18

Quote: هواري انتو قلبتو البكا نهار ؟
حليلك يا طارق وشلته

يا بهاء
شلة سمار الليل و ناس البكاء وقاعدين
الا البورد الايام الفاتت كان كلو عزاء
لكن صاحبك ود جبرين.....فاتحو لي بيت بكاء شان حلاوة مولد...

Post: #20
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-23-2010, 12:58 PM
Parent: #19

بهاء الدين أبو شلوخاً مقاومة للرمد و أمراض الطفولة الغير مكتشفة بعد ... كيفك يا حنين
برضو انت في حائط مبكي سارة العظيم دا بس غايتو ربك يهون و أختف رجلك علي السودان قبل
شهر اربعة إحتمال تلقي ليك شقيقة من دار أبوك

هواري
Quote: قلته لي واحد من شنو؟؟؟
وكمان ياتو سورة؟؟؟و الشيخ اسمه منو؟؟

يا هواري واحد بتلي بتلي (يعني بقرأ قرأن) قر القطب الشمالي ... زول بقرأ قرأن و صوتوا جميل و الاجمل بقرأ في سورة سيدنا يوسف .... طبعاً الحاجات دي انت ما بتعرفها بس الجهل ظلام و العلم مرات أيضا بكون ظلام (مش حبوبتي بتقول القلم ما بزيل بلم)

Quote: حافظ ان زعلان منك.؟؟
وحزنان كمان.... شفته كيف

زعلان مالك يا هواري كفي الله الشر و جيرانه ... الليله انا بديك كول طويل منتصف الليل ...
---------------
البيت محروس و ستو تكوس
فوق الي حين عودة ست البيت

Post: #21
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-23-2010, 01:10 PM
Parent: #20

Quote: يا هواري واحد بتلي بتلي (يعني بقرأ قرأن) قر القطب الشمالي ... زول بقرأ قرأن و صوتوا جميل و الاجمل بقرأ في سورة سيدنا يوسف

سبحان الله...
غايتو...الله يكضب الشينة...وهسي الكلام ده, شن لماهو مع (موية البلاعات)...اياها؟؟؟
غايتو ما بنقدر نقول شئ...عمنا حسين امام جامع و كده..
يعني بتكون مرة مرتين سمعته الكلام ده..
غايتو حكم؟؟؟

Post: #22
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: ALZOLZATOO
Date: 02-23-2010, 01:12 PM
Parent: #20

ياسارة ماكل الناس عايشين سواء

حافظ الجميل ده بالله ابتسمي ليهو عشان حبيب روحي الريحتو بلاعة ده يخش في المود شوية الفترة الفاتت دي كلها كانت احزان احزان حركي اللعب شوية ورجعيهوا البورد برائحة الموية الساي

مشتاقين ياحافظ

ياشبكة قلتي لي بتقري سورة يوسف شكلك كده بتاعة شمار وبتحبي تقطعي بصل لووووووووولز

زاتوووو

Post: #23
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-23-2010, 01:33 PM
Parent: #22

Quote: غايتو ما بنقدر نقول شئ...عمنا حسين امام جامع و كده..

يا هواري انت قال ليك انا قمت كدا و الله كنت هدي و رضي لحد ما مباريتكم انتو كأصحاب سوء
انت عارف يا مان أخوك معلم في الخطب , أخر مشية لي البلد صادفت خميس كما كل المشيات خميسية
المهم ظبطت للحاج خطبة و منها رمضان.... و الله قربت أصوم قبال رمضان لمن قريت خطبتي..
أظرف حاجة شباب الحلة بعرفوا انا جيت من خطبة عمك ... لانو خطبه المألوفة بائسسسسسسسسة انا ذاتي متحير ان الناس عندهم أخلاق يسمعوها كيف ؟
المهم موضوع الخطب دي بجيها يوم في بوست لو الله مد في العمر و كفانا شر الأحزان

Quote: ياشبكة قلتي لي بتقري سورة يوسف شكلك كده بتاعة شمار وبتحبي تقطعي بصل لووووووووولز

لكن يا زاتو دي اتقطعت فيها لكن عجبتني لشبكة دي ... كيفك يا زاتو و الله مشتاقين

Post: #24
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-23-2010, 01:38 PM
Parent: #22

يا اصحاب

ازيكم كلكم,,
وكتر خيركم علي الطلة,.,

ويا حافظ..

نجهتني يا اخوي سااااي,,, اي نعم حوامة بوستات لكن المرة دي كنتا براءة..ناااااااايمة وكتلتا الهم بالنوم وادمدمتا..
بس خليت حسابي فاتح...

عارفبن يا ناس هنا..
مرات بتجيني حالة ما بقدر افرز بين الاسافير وبين غيرا...بفرغ الفيني طوالي ..ودة غلط عشان الناس الهنا ما كلها بتفهم ان الزول مرات بيحتاج يفضفض بي لعلعة(يعني يفكر مع البشر دي بي صوت عالي)..عشان كدة فرملني لو لقيتني كسحتا في الكلام..(اماني بتعرف حالتي دي) لكن حاول افهمني فضفض بدلي راجل ومرفوع منك القلم...بس بدون شراب موية بلاعة..

البركة فيكم وفينا يا نجلاء وحافظ في الشهيد..الدنيا معفنة..معفنة شديد

راجعة انخمد انوم جاتني صحية واللاب توب قدامي..لمن تقدر علي مديرتك يا حافظ تلقاني قدرت علي النوم..

Post: #26
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-23-2010, 01:44 PM
Parent: #24

نسيت اقول...

يعني حلك لي عشان اروق عجاجة الحزن القايمة علي دي ..اديها رشة موية بلاعة وبعد داك كنسة ومنها الدنيا تحلي؟؟؟

نصيحة السواد والرماد..
يا زول اختك خلقة فاطة سطر..

Post: #25
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: مهيرة
Date: 02-23-2010, 01:43 PM
Parent: #22

Quote: و أختف رجلك علي السودان قبل
شهر اربعة إحتمال تلقي ليك شقيقة من دار أبوك

الله يسلمك ياحافظ ولدى،

قلت لى دار ابوى خربانة خربانة!!

خربانة ام بنايا قش

ناولينى المناديل ديلاك ياسارة بتى

تحياتى

Post: #27
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-23-2010, 01:47 PM
Parent: #25

Quote: ناولينى المناديل ديلاك ياسارة بتى

النبي فيك ما تبكي..
بترتاحي لكن صداعو حار..

طيرتو مني االنوم البحبو زي عيوني..

Post: #28
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-23-2010, 01:52 PM
Parent: #25

Quote: الله يسلمك ياحافظ ولدى،

قلت لى دار ابوى خربانة خربانة!!

خربانة ام بنايا قش

مهيرة يا عقد الجلاد سلام حزين ... دار ابوي و دار ابوك و دار ابو سارة زاتو و دار ابو الكل
خربانة و ساكنتها العنقاء بس ربنا يجيب العواقب سليمة ... يا بت عمي يا بت ملوك النيل يا مهيرة عمك برسل ليك دموع الدم و الإحترام

الضو بكي
بكي ما بكي
بكاهو حس الطايرات
بكاهو قدرتو تنتهي
بكاهو يرجي المعجزات يا مهيرة....

سارة ما تقولي ناسيك (أنساك كيف أقدر انا) شفتي جنس الكلام دا ... بس جاييك لكن دون موية بلاعة او تأشيرة

Post: #29
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-23-2010, 01:54 PM
Parent: #28

تعال..

بس بكامل قواك العقلية..

ما تجيب لينا الكلام :) :)

Post: #30
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-23-2010, 02:00 PM
Parent: #29

Quote: تعال..

بس بكامل قواك العقلية..

ما تجيب لينا الكلام :) :)

انت عارفة يا سارة قوتي العقلية دي اصلاً فصلاً مشكوك في أمرها ...
و بعدين ما تنسي نحنا الجنون تابعنا ورثة و ناس الحلة الطيبين بقولوا اننا
مجانين من القراية أما الخبثاء بيقولوا ان بيتنا ساكنوا بسم الله*

--------------------------------
*(بسم الله دي إسم الدلع للجن طبعاً)

Post: #31
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: د.نجاة محمود
Date: 02-23-2010, 02:15 PM
Parent: #30

Quote: انو في بعض الاحيان بنحتاج نغسل عيونا بالدموع عشان نقدر نشوف الحياة تاني بطريقة اوضح من الاول

يااااااااااااه يا القرصانة
انت وحافظ مع بعض في ونسة اسفيرية؟

هل يمكن ان يكون في حاجة اجمل من كدا

محبتي الدائمة لكما

ياريت حيدر الزين يرجع يا حافظ

Post: #33
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-23-2010, 04:45 PM
Parent: #22

زاتوووووووووو
Quote: ياشبكة قلتي لي بتقري سورة يوسف شكلك كده بتاعة شمار وبتحبي تقطعي بصل لووووووووولز

البصل تبددا بيهو والباقي بجي براهو

دي وصفة سجرية لما تخنقك العبرة

Post: #32
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-23-2010, 04:39 PM
Parent: #16

حافظ

Quote: يا شبكة و الله جيتني في محلي يا خي انا سورة يوسف دي بحبها حب و العجب وقت أسمعها بتلاوة واحد من الشيوخ ما متذكر أسمه.... لكن للضمان كدا الليله بقرأ سورة الواقعة لانو الفلس حاصل....

سورة يوسف دي فيها من الدروس والعبر ما يكفي
لكن شوف لينا اسم الشيخ منو

Post: #34
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: Amany Elamin
Date: 02-23-2010, 05:34 PM
Parent: #32

ساره صحبتي ..
كيف يهون عليك تفتحي بوست فيهو باب حزن مشرع وما تلكزيني عشان أجي أبكي معاكم ؟

وجع القلب واصل حده معاي ياحبيبه,
وزي بوستك ده بيجيني في جرح وانتي ست العارفين ..

مبسوطه من انه البوست للزول الملك حافظ حسن ابراهيم ..
اللي ما قريت اسمه يعلن حضوره في لمة لبورداب الخرطوم حتي قررت الذهاب أملا في لقياه,
مع ذلك لم تشأ الأقدار بعد أن نلتقي ..

لكن ياساره وحافظ البورد ما باقي لي أكتب فيهو كلمه في غياب حيدر الزين,
غيابك سايب فراغ كبير ياحيدر, وصدقني ماهاين علي أدخل البورد وانت مافيهو يا أخوي ..

بجيكم برواقه للأحزان ..
يعني هي حتفارقنا تمشي وين؟

استغفر الله العظيم :(

Post: #35
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: محمد الطيب يوسف
Date: 02-23-2010, 06:56 PM
Parent: #34

ياناس الخرطوم 2 الحقونا بي طلة
فإن صعبت فتلفون
أما المسكول ما معانا

سارة والله نفسي أجاملك لكن الصراحة أنا مبسوط بسطة جد

حافظ ما تجي ناطي لي تقولي الباسطك شنو

سمح

Post: #36
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-23-2010, 07:27 PM
Parent: #35

جاء الليل اللي بجيب لي الناس النواح والارق وكترة التفكير

الله يسهل عليكم وعلينا

Post: #37
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-23-2010, 07:29 PM
Parent: #36

ما تفوتوني بالبكاء

اجيب مناديل واجي

Post: #38
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-23-2010, 10:34 PM
Parent: #37

د. نجاة
شبكة
الهواري
ياسر بيناوي
حافظ كنجال
نجلاء
بهاء الهادي
الزول زااااتو
مهيرة
اماني(بي لكزة)
محمد الطيب

ما يجيكم احساس انو سارة علي دي بتاعت نكد..

لكن..
الحزن حالة عامة بتمر علينا كلنا..بحب افضفض واكتب واقول انا حزنانة لمن تجيني حالة الحزن ..دي من انجع الطرق عندي البتريحني وتتخفف من العلي ..

الدكاترة النفسيين بيقولوا انو التعبير عن الحزن امر اساسي للوصول لحالة نفسية متوازنة..

ـــــــــــــــــــــــــ
العلي شنو يا ربي؟

Post: #39
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-23-2010, 10:44 PM
Parent: #38

يا حافظ..

من اقسي التجارب انك تفقد زول عزيز..
اكيد حتجيك حالة حزن حتستمر لوقت ما هين..
الوقت دة طولوا ولا قصروا بيعتمد علي درجة علاقتك بيهو..
وبرضو الطريقة المات بيها بتأثر..
ما بقدر اواسيك في فقد الشهيد لانو مافي شئ بيتقال ممكن يغير في الواقع..لكن اصبر واكيد عارف حتمر بي زمن طويل عشان
تتعافي من حالة الحسن الجاتك علي حين غفلة..
انا لمن اكون في حالة دي بقول..
الحزن دة يا غلبني يا اغلبو..(فصاحة لسان ساي)..ودائما بيكون هو الغالب ممكن لضعف فيني وممكن عشان ما متمرنة كويس وروحي ضعيفة محتاجة لتمارين حياة اكتر واكتر..لكن بنصحك انتا وبقول ليك يا حافظ اغلب حزنك ..ربي ليك عضلات بتاعت معنويات وادي الحزن بنية فرح..

وتعال بعد داك اديني بنية بنية وشلاليت سعادة (بعض من عندكم)..

Post: #40
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-23-2010, 10:51 PM
Parent: #39

عارفة انو الحزن حالة شخصية جدا..

لكن زي ما قلتا دي طريقتي البخفف بيها الجواي..

انا ما عندي اصحاب علي فكرة ..ودة الشئ الممكن تستغربوا ليه جدا..لانو طريقة تعاملي في البورد بتوحي اني زولة اجتماعية جدا..كنتا ايام الجامعة لانها فترة بتفرض علي الزول انو يكون اجتماعي لحد ما..
لكن مشكلتي قلة اجتماعياتي سببا عدم الثقة في الآخر...

Post: #41
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 04:17 AM
Parent: #40

Post: #42
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: أسامة الفضل
Date: 02-24-2010, 04:26 AM
Parent: #41

السارة بت على

وينك يا خي منقطعة النظير .

و لا صرف النظر عن المساكين ..............................

خالص الود

Post: #43
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 04:26 AM
Parent: #41

يا حافظ..

مرات الصباح بتجيني حالة بتاع بين صاحية ونعسانة..واقعد اخطط اني حاقوم اضرب لي ناس الشغل واقول ليهم عيانة وابدأ اخطط (وانا واعية وصاحية لكن لسه عيوني مغمضة) اخطط اني ازور اخوي وامشي نأكل سمك وبعد داك امشي لي اختي اتمي نومتي هناك واقضي باقي الزمن مع ود اختي البريدو بصورة خراااااافية ,,, وخلاص اقول اقوم اجهز نفسي واشوف درب التلفون وين عشان اتصل علي استاذ احمد اقول ليه ما جاية..

افتح عيوني.,..

القي نفسي في غرفة غريبة علي..

وهواء غريب علي...

وبعيددددددددددددة مسافة اميال..
وبيني وبين اخواني وود اختي بحار وصحاري وغابات وعوالم..
تجيني حالة الحزن وكتمة نفس ما بقدر ما بقدر ما بقدر اوصفا ..
ما بقدر...
واصحي علي واقعي..

دي حالة احلام اليقظة بتاعتي,..
والله يا حافظ ما بكون نايمة بكون صااااااحية..لكن عيوني مغمضة..
ويا ريت قاسم المهداوي يقرأ كلامي دة عشان يعرف بنات برة الغربة مارضاهم كيف..
ــــــــــــــــــــــــــــــــــــــ
ما تقول لي الجابرك شنو علي البعد!!!

Post: #44
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 04:28 AM
Parent: #43

اسامة ازيك...

الايامات دي يا اسامة الحالة قايمة علي..

وغالبا حالقي اختي قطعت النت من البيت عشان ما اواصل الانبهال دة...

صحوا لي حافظ يا جدعان قولو ليه سارة بتتبهدل

Post: #45
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 04:39 AM
Parent: #44

ويا حافظ ما تآخذني علي بساطة الكلام (وعدم تماسكو) ما بيهمني وانا بفضفض استخدام مفردات توحي بعمق الكتابة بقدر ما بيهمني اني احكي الجواي عشان اتنفس شوية من كتمتي الحكيت ليك عنها ودي هدف كتابتي الدايراهو.. كتابة تساعدني علي راحة البال..

يعني ... ما بيهمني طلعت كيف ناقصة حرف زايدة شولة بيقدر ما بيهمني نتيجتا وتأثيرها علي..ولمن ابدأ ما بتتخيل كمية الراحة البتجيني بي كلوجتا دي..

اعرفوا يا اصحاب انو هدف البوست دة ما عندي تقييم الباقين ليه..
لا..
الهدف اني افضفض ...
وانوم..

Post: #46
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-24-2010, 06:16 AM
Parent: #45

يا اهلنا..
يا صحــــــــــــاب وصاحبات
البوست ده.اودي فيه يمين و شمال من أول مداخلة لي,عشان ابعدو من حالة معينة,ويا سارة برغم عنوانك ,برضو حاولت انو اصرف البوست بعيد..
لكـــــــــــــن؟؟
هنا وقفت و ما قدرت تاني...
Quote: من اقسي التجارب انك تفقد زول عزيز..
اكيد حتجيك حالة حزن حتستمر لوقت ما هين..
الوقت دة طولوا ولا قصروا بيعتمد علي درجة علاقتك بيهو..
وبرضو الطريقة المات بيها بتأثر..

وقفت هنا!!!!
انا فقدت تلاتة من اعز اعز اصدقائي, في فترة 10 سنوات فقط !!!!
كل ما احاول افيق من صدمة فقد الاول,تجدد الاحزان من تاني ..وتالت!!!
الحزن يا سارة,ليس بحالة عندي... و لا هو بلحظات معدودات و تمر-- ولكنه صار ملازما لي,ساكنا جواي,هو نقسي و انا هو
قد يداهمك الحزن مرة.....وتتسألين عن كيفية الابتسام؟؟
ولكنه عندي بالسنوات الطوال و الايام...
توافقت معه و صار اّليفي,تعودت علي طعمه,وتذوقت حنظله واختنقت بعبرته................ انه الحزن!!

خلوني أمرق من هنا..
قبل اسود صفحات البوست حزنا وبكاء..

Post: #47
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 06:30 AM
Parent: #46

الهواري...

الله يرحم اصحابك..

طيب انا اقول شنو الفقدتا صحباتي الحيين..!!

Post: #48
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-24-2010, 07:24 AM
Parent: #47

انا صحيت لكن والله صحيت بورشة ( ضربوا الصباح دا قالوا لي في ورشة تجي)
ينعل ابو الورش لابو السكة الحديد ذاتو ... لكن بمشي بديهم كلمتين كدا و بجيكم راجع

سارة علي الشهيد محمد موسي شهيد الكل زي ما قال عمي موسي و زي ما المني حتي دون سابقة معرفة حقيقية بالتأكيد الم كل الناس

يا فرد جاي بعد شوية بعد الصداع و الورشة ديل يفكوا ... غايتو بشرب لي هسي في قهوة مرة
و القهوة المرة دي علمني ليها هواري قاتله الله و حفظه

Post: #49
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-24-2010, 07:43 AM
Parent: #48

رجوع حيدر الزين مطلب شعبي يا نجاة و أماني ...
بعدين قولي لبكري حيدر الزين دا قلبو أبيض زي قميصي دا
( لكن انا الليله لابس قميص مخطط بأسود كيف معاك يا حيدر)

Quote: مبسوطه من انه البوست للزول الملك حافظ حسن ابراهيم ..
اللي ما قريت اسمه يعلن حضوره في لمة لبورداب الخرطوم حتي قررت الذهاب أملا في لقياه,
مع ذلك لم تشأ الأقدار بعد أن نلتقي ..

أماني الأمين والله انا بريدك لله و الرسول كدا ... و يعلم الله أخر لمة بورداب كنت جاي لكن صادفت
اربعينة صديقنا و سافرنا الروصيرص ( مدثر الياس كنا ساكنين مع بعض في الغرفة 11 المناهل)...
قادرة تتخيلي شنو زول تكوني ساكنة معاهو في غرفة واحدة و في داخلية الوسط جامعة الخرطوم في أسوا السنين ( التسعينات أجارك الله) ....المهم دا كان المانع و القدم ليهو رافع يا بت عمي و الجايات أكتر من الرايحات و انشاء الله نتلم في السمح ( والله الدعوة الاخيرة دي من أمي رأساً)

Post: #50
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-24-2010, 07:47 AM
Parent: #48

Quote: حافظ ما تجي ناطي لي تقولي الباسطك شنو

انشاء الله كل أيامك باسطة يا حلوي ( طبعاً افت ليكم محمد الطيب دا ...
زول بحب الباسطة و الكنافة)

أها ما عندي سكة أجيك اليومين دي لكن خليني أخمن الإنبساطة يا ربي يكونو ناس أسوية و غفران و أمهن وصلوا الخرطوم ... غايتو دي الحاجة الوحيدة الممكن تبسطك .... و لو في حاجة تانية أعمل مس كول

Post: #51
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-24-2010, 08:01 AM
Parent: #50

اول مرة اشوف لي بكا في سكة حديد

سارة
احر من موت الاعزاء فقدان الاعزاء الحيين

Post: #52
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-24-2010, 08:01 AM
Parent: #51

هواري

الله يرحم اصحابك ويدخلهم الجنة يارب

Post: #53
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-24-2010, 08:10 AM
Parent: #52

شبكة و سارة

شكرا علي الدعوات الطيبات
ورحمهم الله رحمة واسعة...

حـــــــــافظ...

يعني بقت في الاخر مردودة علي انا...
قهوة من غير سكر...يا سلام ياخي....اصلو ما تنفعك قول امين
ياخي ما ترسل شوية (بن سوداني)....

اخونا الطريفي حيدر الزين...
والله مشتاقين ياخي..

Post: #54
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: شول اشوانق دينق
Date: 02-24-2010, 08:27 AM
Parent: #53

سلامات يا فرد

Post: #55
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 08:52 AM
Parent: #54

شبكة
صباحاتك خير..
امسكي لينا في شول دة ولو ما جعر هنا ما تفكي...

اماني..

الدنيا دي ما حاحس اني عايشة فيها ومبسوطة الا لمن امرق برة جلدي واشوف لي جلد تاني..عارفاك ما فهمتيني لكن ما عارفة اوصلا ليك كيف؟؟

بمعني تاني اتخارج من حاجة اسمها سارة وادخل لي في شخصية تانية من اول وجديد..

Post: #56
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-24-2010, 09:05 AM
Parent: #55

Quote: بمعني تاني اتخارج من حاجة اسمها سارة وادخل لي في شخصية تانية من اول وجديد..

عليك النبي يا سارة لو لقيتي طريقة المخارجة من الجلد دي قوليها لينا كلنا دايرين نتخارج انتي قايلا نفسك براك انه الخروج العظيم يا سرور ....

-------------------------
اها يا هواري الان انا في بيرك و برضو قهوة مرة
( تعيش القهوة المرة و من ولاها) بمناسبة تعيش دي اليومين ديل في السودان
في كترة إعاشة و سقوط ما عارف يعيش فلان سيد الشجرة و يسقط فرتكان سيد النجمة and vice versa
المهم كويس بعد عشرين سنة بقت في إعاشة و سقوط زمان كان إعاشة بس لناس التوالي

Post: #58
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-24-2010, 09:11 AM
Parent: #56

Quote: [من اقسي التجارب انك تفقد زول عزيز..
اكيد حتجيك حالة حزن حتستمر لوقت ما هين..
الوقت دة طولوا ولا قصروا بيعتمد علي درجة علاقتك بيهو..
وبرضو الطريقة المات بيها بتأثر..

سوف ابكي هنا الي حين إشعار أخر

غلبني كتر علي
اليومين دي في غنية ذي دي طالعة في الكفر هنا يا سارة و ضيوفها... غنية طلقي ساي لا معروف ليها شاعر لا ملحن...... المهم فيها ربة جد و انا حافظ المقطع الأول بس منها البيقول (غلبني كتر علي) و علي ما أعتقد ما أظن في مقاطع تانية (الله يقطع طارينا)
المهم غلبني و كتر علي ... حتي في قوانين الاحتمالات و الإحصاء السخيفة دا ما مفروض يحصل في ظرف سنة 3 من أجمل أصدقاءك يموتوا ( يتفنن الموت و الاسباب مختلفة)...
في يوم 8-2-2009 رحل شهاب الأمين دون أن يرف له جفن ... اتونسنا لحد الساعة حداشر غنينا و فرحنا ... طلع و عمل حادث حركة و بكل بساطة أتوفي و من اليوم داك بقي إسمه المرحوم .....

عماد الأمين ( علي فكرة عماد و شهاب الأمين ما أخوان لكن أخواني انا) .... عماد الأمين كان سنيري في الجامعة و الحياة و هو الزول الفتح عيوني علي علم جديد إسمه Health informatics و بقيت فيهو خطر لدرجة الناس يعزموني اجي انضم ليهم في القشر دا .... عماد يوم 16-6-2009 في الجنينة دون سابق إنذار ... كان بدرس في محاضرة فجأة يقع و يوصلوه المستشفي و الدكتور يقول ليهم الزول دا اتوفي ليهو 10 دقائق (شفتوا البساطة دي كيف)....
ما إتحلينا من حزنا علي عماد و شهاب يوم 5 -1-2010 رحل مدثر الياس بعد صراع مع السرطان لم يستمر أكثر من 3 أشهر ... أي مدثر دا كلنا عارفينو حيموت لكن ما بالسرعة دي كمان اقلها ممكن يقعد 3 سنة كدا .... المهم حالته ساءت فجأة كدا و أتوفي ... 3 في سنة مش كتيرة شوية؟
في أخر تلفون مع هواري و حيدر الزين قلت لاي واحد منهم علي إنفراد يا شباب انا ما داير معاكم صحبة ما لاني خايف عليكم تموتوا لكن خايف علي نفسي من حزن جديد (شفتي الانتهازي الواعي دا كيف).... خطتي الجاية في الحياة أجفف علاقاتي القديمة مع اصحابي و أعمل وحدات جديدة لكن علي خفييييييييييييييييييييييف....
يا خي ما بقدر علي قصة دا مات كلو يوم دي

صندلو الدقو يا يمة
في راسا ما درو* يا يمة
جرجروا و كتلو يا يمة
كتيلا** ما لقوا يا يمة
دا حال شهيدنا الأخير محمد موسي
--------------------------
*درو دي انا ذاتي ما عارف معناها شنو بالعربي لكن جاية من ضريرة علي ما أعتقد
**كتيلا: و تعني قاتله بلهجة بعض القبائل الكردودارفورية (كردفان – دارفور دي شديدة صح)

Post: #66
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-24-2010, 10:22 AM
Parent: #58

حافظ

حزنك بفقد الاصحاب لا يحتمل
الله يصبرك

Post: #57
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: Faris Mohamed
Date: 02-24-2010, 09:09 AM
Parent: #55

سارة المغتربة

والغربة أفسي نضال

ياريتك ترجعي بلدك وتعيشي مع ناسك ..

---------------------------------------------------------
ماعيز أزيدك لكن زي ماقال حبيبنا الصادق الرضي

الحزن فينا كائن يمشي على ساقين

Post: #59
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-24-2010, 09:17 AM
Parent: #57

Quote: اول مرة اشوف لي بكا في سكة حديد

يا شبكة البكاء دا في كل مكان و كل زمان يعني موبتيل ... فحيث أدرككم البكاء فأبكوا

Post: #60
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 10:02 AM
Parent: #59

يا حافظ

جرحك لسه خام ومخيف كمان فالاحسن والافضل انو الجماعة ديل يبعدو منك وانا ذاتي اقفل البوست دة واشوف لي زول اغيرك انده ليه,,,

بهظر,,

الشئ المرا عليك دة فوق الاحتمال..تجربتك مع فقد الحبايب ربعا ما مريت بيها..انا لا قدر الله لا قدر الله فقدتا عزيز,,ثق تماما اني حاحصلو في ساعتو,,قلبي ماااااا بيحمل النوع دة من الفراق..

الحكمة في الموت شنو؟؟
ما نحيا في وقت واحد ونموت في وقت واحد ويا قلب ما دخلك وجع؟؟

ــــــــــــــــــــــــــــــــــــــــــــــــــــ
بقت عليك قصة الهواري لمن قال هو والحزن بقوا اصحاب

Post: #61
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-24-2010, 10:03 AM
Parent: #59

Quote: حتي في قوانين الاحتمالات و الإحصاء السخيفة دا ما مفروض يحصل في ظرف سنة 3 من أجمل أصدقاءك يموتوا ( يتفنن الموت و الاسباب مختلفة)...

راجــــــــــــــــــع أعلاه:
الي مداخلتي...عدد الاصحاب ...(حليل الراحو)..
تللك القهوة خالية السكر...والمعبد الهندي...
وشوية و شويات...

انت في شنو بالظبط بيناتنا ياحافظ؟؟؟
نفس الخوف..ليس من الموت
ولكن من الفقد....................

Post: #62
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 10:09 AM
Parent: #61

فارس,,,,

اسمك دة بدون اي مقدمات رجع بي لي فترة بعيدة شديدة...

ياخ دة فلاش باك ماكن شديد..

ايام الثورة
والحارات
وامتحانات سنة سادسة
ومطعم عبود
وفسحة المولد
ولعب الحجلة

و...

وماشة انوم
تصبحوا علي فرح

Post: #65
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-24-2010, 10:20 AM
Parent: #59

حافظ

Quote: يا شبكة البكاء دا في كل مكان و كل زمان يعني موبتيل ... فحيث أدرككم البكاء فأبكوا

بركة الما بقى سوداني الما بشتغل الا في جهاز سوداني ولي تمشي اقرب محل سوداني عشان تفك شفرتو

Post: #64
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-24-2010, 10:16 AM
Parent: #55

سارة

Quote: شبكة
صباحاتك خير..
امسكي لينا في شول دة ولو ما جعر هنا ما تفكي...

ما توصي حريص ياسارة
ابكي بكاك ساكت وانتي مطمئنة

Post: #63
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-24-2010, 10:14 AM
Parent: #54

شول

Quote: سلامات يا فرد

شنو سلامات يافرد

ماشي وين انت؟؟؟

دخول الحمام ما زي خروجه يابابا

Post: #67
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-24-2010, 10:23 AM
Parent: #63

Quote: وماشة انوم
تصبحوا علي فرح

ماشي تنوم تفتحي ليك بيت بكي قدر دا و بقلب ميت ماشة تنومي.... عليكم النبي شوف عدم الخجلة دي
الليله للصباح.... يلا ثكلي يا شبكة و المناديل علينا و علينا الصقرية* كمان....

-----------------------
* الصقرية رقصة الموت غايتو عندنا لكن ناس ود الباوقة برقصوها بلا موت مع الريس
نومي يا سرور و انشاء الله نوم العافية

Post: #68
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 10:28 AM
Parent: #67

Quote: يلا ثكلي يا شبكة و المناديل علينا و علينا الصقرية* كمان....

مش كان احسن تخليني انوم..بالنعاس قريتا القصرية..

قلتا الحق حافظ مشا الشغل شارب موية البلاعة..

وبلاعة علي قصرية البوست دة بقا جايب ريحة مش ولا بد..

شوفوا ليكم معطر كلام حلووو..بخوا لينا منو كم حرف يفرح بدل ريحة الحزن الطقت فينا دي ,,,

Post: #69
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-24-2010, 11:41 AM
Parent: #68

Quote: جرحك لسه خام ومخيف كمان فالاحسن والافضل انو الجماعة ديل يبعدو منك وانا ذاتي اقفل البوست دة واشوف لي زول اغيرك انده ليه,,,
بهظر,,

يا زولة ما تظهري لا حاجة.... الخواف ربي عيالو
و لو عاملة فيها ميرم تاجا كدا هسي برسل ليك صاقعة تنشف حجرك....
بمناسبة الصاقعة دي في واحدة من قري كردفان المطر ما جاء في الزمن المحدد بعدين الناس قاموا
بكل الحيل المحلية عشان تجي مطره (عملوا كرامة, صلاة استسقاء و لكن النافع الله)
اخر حاجة قاموا استعانوا بخبير اجنبي في الامطار
الخبير الاجنبي دا كان استاذ المدرسة الإبتدائية ...
المهم اتفق معاهم علي عتوت و مبلغ محدد...
عمك الخبير الأجنبي دا مشي بالقروش اشتري العرقي و بعدين ضبحوا العتوت ...
قاعدين ياكلوا و يشربوا كويس فجأة كدا جات مطرة ما حصلت كسرت ليك القطاطي و كل ممتلكات الفقراء ... في عمك في الحلة طيب جاء جاري لمييز الاساتذه و بتصايح يا شيخنا يا شيخنا
ما توقف لينا المطرة ... أها الخبير الاجنبي دا ما داير الزول يجي عشان يكشف وهمتو
بس شخط ليك في الزول دا: يا زول تمشي من هنا و لا افك فيك صاقعة تنشف حجرك ....

هسي يا سارة تفكي دربي و لا ارسل ليك صاقعة تنشف حجرك

Post: #70
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: Baha Elhadi
Date: 02-24-2010, 03:20 PM
Parent: #69

سارة ، حافظ ، هواري:
ياخ حزنكم مر
ماداير معاكم ولا شيء
ياخ قلنا ندخل نفك الغربة الكدرومية دي ولا جاناوية دي
تزيدوها علينا؟
نعمل شنو يعني ما نصاحبكم؟
يا حافظ تعرف حكاية الخوف دي مالياني لي زمن
تخاف تفقد صديق
ولا الصديق يفقدك ودي ساهلة انت بتكون اتوكلت وتخليهو يشوف ربه وحزنو وين
المهم : حافظ ياخ ما داير معاك انت كج
وأكج منك هواري
كتلتو اصحابكم وقعدتو
انا مات لي واحد بالسرطان لسع المكوة مدورة في مكانو ما زحت
الله يرحمك يا نعمان فارس
االأنكى وأمر يا حافظ انك تفقد زول حي حي مليان حياة وتفقدو
غلطة منك ولا منو ما مهم المهم الفقد حصل وخلاص تاني مافي غير تنكفي على الحيطة وتبكي وتصدع
وعيونك يبقو حمررررررررررررررر وهو ولا هماهو فيك
شفت كيف المغسة والوجع
ينتح كل ما تشوفو او تسمع حاجة عنه

وتشوفو وتسمعو
كأنه ميت
مافي احر منها
ياخ فكونا من الحزن الضارب دا
سارة يجازي محنك
واحد شارب موية بلاعة مقبولة منو وبفكها بقهوة مرة
صاحبو حاسدو عليها
انت مالك؟ شليقة ياخ الشلاقة بتجيب العاقة
سارة الحزن سردبي ليهو والله لو واصلتي كدا بتجدعي حجارة وكدا ما كويس عشان نظافة الشارع
بهاء

Post: #71
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: فتحية شامي
Date: 02-24-2010, 04:15 PM
Parent: #70

سارة اللذيذه وحافظ النبيل

هذا البوست الذى ربما يحمل الدموع والعبرات
لكننى احسه من اجمل البوستات
تعرفى ياساره تعجبنى كتابتك لأنها تلقائيه قريبه للقلب
يعنى بالجد الواحد يحس باحساسك
من دون تقعير وتشظي وما عارفة شنو
....
قلتي انتي حزنانة وواعية .. والله حافظ دا هو الحزنان وواعي
يوم وفاة شهاب الله يرحمو اللي الانا كنت بعتبرو ولد من اولادي واخو نادرين بتي..
حبيت اهدي حافظ واصبرو فقلت ليه يا حافظ قول اللهم اجرني في مصيبتي واخلف لي خيرا منها
فقال لي يجرني its ok لكن خير منها دي i doubt
عليك الله لاقاك زول حزنان وواعي كدا
وكمان باللغات
راجعالك تاني .. وشايلة معاي حكاوي وحكاوي عن حافظ

Post: #72
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حبيب نورة
Date: 02-24-2010, 04:33 PM
Parent: #71

حافظ يا حفيظ
و الكرعين المشتهاياهن شوارع الداون تاون
والذي منو!

حاجات تانية حامياني وعاملة لي خمّة نفس!
بالمناسبة
فكها عشان تجيك!

سرورة
ومنتصف شمس ليلٍ كنا سمّارهُ حين شوق

بالمناسبة
ما عندي أيي فكرة عن نوع النضمي العايز أكشحوا ليكم هنا

لكن أول حاجة وقعت في شراك العنوان
والإسم
و يمكن ست الإسم !

وقلت أجي أديكم وصفة سريعة كدة
عشان تقرقِروا لما يكابسكم الحزن
أنا غايتو بشيل كورة الشراب حقتي
وبمارس الدافوري في شوراع الروح ....
وبلبس الفنيلة نمرة عشرة عشان أثبت ليكم إني منقّطا!
ما بشتغل بي أيي فاولات
وبخت الكورة واطـة
وبلعب بي مبدأ السلامة من غير تطفيش
لكن في تضييع للزمن بي طريقة مشروعة وحضرية ( دي علي وزن الحضري )

المهم !
ماشاء الله تبارك الله شيخ الدين جبرين

مشتهي الونسة بصراحة كدة
وبالطريقة دي الواحد ح يركب أول طيارة جاية البلد
انشاء الله يقعد في كنبة شكرن!

بجيكم صاد لو ربنا طول في عمر الخستكة

Post: #73
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حبيب نورة
Date: 02-24-2010, 04:34 PM
Parent: #72

مافي زول يسعلني من الذي منو ؟؟
Quote: والذي منو

Post: #75
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 06:55 PM
Parent: #71

فتحية شامي..

الحمد لله..
انا ماكلة شاربة شددديدة مافيني علة,,
ما فقدت اعز الناس لي..
بس,,,

ما عارفة مالي,,في شئ كبير فاقداهو وبي سببو مافي اي طعم للحاجات

فاقدة راحة البال...
(عشان ما يجوني الجماعة اياهم يقولوا لي فاقدة حنان ههههه)
Quote: راجعالك تاني .. وشايلة معاي حكاوي وحكاوي عن حافظ

تعالي راجعة وفتي لينا الحزنان الما واعي دة

Post: #74
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 06:49 PM
Parent: #70

Quote: سارة الحزن سردبي ليهو والله لو واصلتي كدا بتجدعي حجارة وكدا ما كويس عشان نظافة الشارع

سردبتا ليه يا بهاء..

لمن بقيت اقبح من احدب نوتردام..

وبعد دة الشئ ما داير يوقف لبيع وكبعي ...

الا ابقي صاحب لي زي ما عملواالناس الكج الفوق ديل(هواري وحافظ)..

Post: #76
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-24-2010, 07:00 PM
Parent: #74

Quote: مشتهي الونسة بصراحة كدة
وبالطريقة دي الواحد ح يركب أول طيارة جاية البلد
انشاء الله يقعد في كنبة شكرن!

وانا ذااااااتي يا حبيب نورة..رايحة لي ونسة..

تعال احجز ليك مكان في خطوطنا الاسفيرية دي..

ومكانك درجة اولي,,

ـــــــــــــــــــــــــــــــــــــــــــ
والذي منو...

Post: #77
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 08:37 AM
Parent: #76

كدا أشرب قهوة خالتي رحمة المرة دي و أجيكم راجع ....

Post: #78
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-25-2010, 09:19 AM
Parent: #77

صباحكم خير..

يا نسيم الصبا النجدي..

قصتي مع روائع الكابلي قصة,,

لمن اسمعو بتنطبق علي قولة سكران بدون خمرة..

بشوف الدنيا دي جميلة خلاص,,وحقتي براااااي..

وبتجيني هستريا سعادة..

وزخم فرح خرافي,,

ـــــــــــــــــــــــــــ
بريدك ريدة يا الكابلي

Post: #80
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-25-2010, 09:43 AM
Parent: #78

الكابلي..؟؟؟

صوتو بيخليني اتلما علي روحي الطاشة مني..

وبعد التلاقي ..من شدة الطرب تاني افقدا..

صوتو بيلطف وبيخفف الجواي..

بيعمل العمايل..
بحس باني فاقدة حاجة وبحن لي حاجة ما عندي,,
وممكن تكون اصلا ما موجودة..

ما بقدر اوصف حبي لموسيقى الكابلي..

Post: #81
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 09:45 AM
Parent: #78

Quote: المهم : حافظ ياخ ما داير معاك انت كج
وأكج منك هواري
كتلتو اصحابكم وقعدتو

الكج ربا عيالو يا بهاء.... أنت عارف يا بهاء سارة حتكون ندمت و سفت التراب
علي بيت البكاء الفتحتو دا ... هي قايلا الناس ديل حيجوا يقول البركة فيكم و
و الجايات اكتر من الرايحات و ما تبقي من حنك بيش ... لكن ناس هواري ديل بدأو
الأخر ثكيل و ترميد تقيل ... غايتو يا سرور نوع بوستات زي دي الناس بمشوا لبكري
بالدرب التحت و يقوم يحذفها ... لكن والله لو حذفه انا حافتح تاني براااي
هو نحنا لاقين نبكي يا خي... يعني لو رفعت السباتة يا سارة و طرتينا والله نمشي
بيوتنا و نفرش جديد صاح يا هواري و شبكة و هو الفراش شنو ما كفتيرة شاي .. شايها
معتق و مسحة حزن

Post: #83
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 09:49 AM
Parent: #78

فتحية شامي المرأة النبيلة سلامي اليك بس يا فتحية بنخاف من طبيق الاحزان

حبيب نورة و حبيب الكل
Quote: مشتهي الونسة بصراحة كدة
وبالطريقة دي الواحد ح يركب أول طيارة جاية البلد
انشاء الله يقعد في كنبة شكرن!

والله مشتهين الونسة معاك لكن بنخاف من ابو فرار عليك ... أنتو عارفين حبيب نورا
دا صحبي في السر و ما أظن أعلن عنه قريب عارفين ليه؟ نقطة سطر جديد

سرور صبحاتك جميلة
Quote: لمن اسمعو بتنطبق علي قولة سكران بدون خمرة..

بس دي كيف فسريها لينا؟
سكر بدون خمرة زي دا ما ادونا ليه
----------------------------------
انتو الليله وين هواري

Post: #79
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-25-2010, 09:37 AM
Parent: #77

Quote: كدا أشرب قهوة خالتي رحمة المرة دي و أجيكم راجع ....

تاني يا حافظ؟؟؟
تانـــــــــــــــــــــي!!!!!!

بالمناسبة ,علاقة القهوة بالحزن شنو؟
ليه يعني...وهل العصير ,رمز للفرح....(كضبا كاضب)....
ياخي كنا لما نجي من (الدافنة) بدونا عصير طوالي. و مباشرة...
وبعد دالك يدورو شاي و قهوة و موية و قراية جرائد و قطيعة......
تلاقي الزول بشيل الفاتحة و مدنكل السفة.........يعني قمة الاستمتاع و اللذة!!!
ما عارف مستمتع بي شنو؟؟
بالسفة..؟؟
ولا عشان عندهم بكاء..والناس ملمومة في البيت؟؟
ولا شان الزول المـــــــات زاته؟؟
في حد عارف؟؟

__
يا بهــــــــــــــــاء
اتلميت مع (الكج) الكبير الاسمو حافظ ده!
ولقيت التشابه...التماثل...ياخي حتي في عدد موت الاصحاب...
ياخي في (كج) اكتر من كده؟؟
ما أظن.!!!
وقال ايه....ما عايز معاك..خايف افقدك و بقيت اخاف من موت الصحاب...
ياخي ما أمــــــوت...
اتنت قايلني خايف من الموت...
هو بالله في موت اكتر من ده...
ما ياهو هسي انا ميت وعائش...
انت عارف اكتر حاجة انا متمني اشوفها شنو؟؟
وبالجد ...
عايز اشوف بيت البكاء بتاعي..
الفـــــــــــراش..
ايوه ياخ..
بيت البكاء.. و اكون بتفرج في الصيوان...
ودموع التماسيح النازلة من ناس المجاملات...
سكلبة الحريم و بكاهن المن غير دموع...
عايز اعرف الناس علي حقيقتها...
منو البحبني و منو الاستراح لي موتي...ومنو الحمد ربه,شأن الكج ده ودع..خلاص
يعلم الله عافي ليهم كلهم..
الا بس ..بدور اعرف
زمني القضيتو مع الناس...كان بي فائدة و لا راح سمبهار ســـــــــــــــاي..
ياخي ...اقول ليك حاجة...!!!!!
مافي داعي..
لانو ما ح استفيد شئ.
ويبقي الحال علي ماهو عليه...

بجيكم راجع...
لو مـــــــــــــــــا .... مت

Post: #82
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-25-2010, 09:47 AM
Parent: #79

الهواري ياخ ما تهظر,,

عليك الله اقيف هنا..

ما دايرين معاك ياخ

Post: #84
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-25-2010, 09:56 AM
Parent: #82

بحكي مع صديقة..

جبنا سيرة الموت ..
قلتا ليها اتخيلي انا ما خايفة من الموت ولحظة طلوع الروح؟؟

ندمتني علي قولة كلامي..(هي طبعا تبع ناس التهجد والصلاة بكرم فياض) ,,

شبكتني ليك سجمي دة شنو الكلام دة؟؟ امشي اتوضي وصلي البيقول الكلام دة الدنيا ماخداه من الاخرة
كيف يعني ما خايفة من لحظة خروج الروح..؟؟
الرسول كان خايف منها..؟؟
ومن يوما عشان الرسول (ص) كان خايف منها انا حاولت اتعلم اخاف من ساعة خروج الروح,,

وفشلت فشلا ذريعة,,,حافظ ذريعة دي ما تشتت انتباهك ههههههههههه

هسه صحبتي دي لو كانت صبرت وخلتني اتمي كلامي مش كان احسن بدل تشب لي في حلقي؟؟

ـــــــــــــــــــــــــــــــــــ
صحبتي ايام السودان,,هسه ما عندي صحبات

Post: #86
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-25-2010, 10:06 AM
Parent: #82

Quote: الهواري ياخ ما تهظر,,

السارة...
كيفنك يا صديقة....عساك بخير..
هظار شنو؟؟
والله لا هظار و لا شئ...
الله وحده عالم بي أمنيتي دي....

اها اسمعيني...
كنت بتكلم مع \صديقة عزيزة قبل كم سنة كده...
لاقيتها كالعادة واثناء شراب الشــــــــاي...قلته ليها تعرفي
انا أمس حلمت بي حلم غريب و جميل في اّن واحد ..؟؟
حلمته لي بأني ح اموت لما عمري يصل عمر(.....), يعني بعد 4 سنوات
وفي الحلم شفته العزاء و بيت البكاء بتاعي...
البنية نطت من قدامي و قالت لي ده حلم شنو ؟؟
ياخي انت نصيح؟؟
ليها ايوه...نصيح و لا عاقل الحمد لله...ولا شارب اي موية (بلاعة) زي ما بقول حافظ..
وكنت بتكلم معاها مبســـــــــــــــــوط جدا و متكيف خالص!!
اها ...
وهسي بدخول السنة دي...تكون دي السنة الرابعة......
يعني....في غضون التسعة شهور الجايات....
اهو منتظرين...
عسي ربنا يفرجها و يتحقق الحلم......

______
حافظ انا قاعد...
بس انت ما شايفني...

Post: #85
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-25-2010, 10:00 AM
Parent: #79

اقعدوا كلكم جيبوا في سيرة الموت لما يجي

ياخي شوفوا ليكم حاجة تانية ابكوا عليها

يعني من قل الببكي في الدنيا دي

Post: #87
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 10:09 AM
Parent: #85

بوستك يا سارة دا أمس وصلني الحد .... مشيت البيت الساعة 4 و نص كمان الكهرباء قاطعة و السخانة أجاركم الله ... بباقي بطارية اللابتوب شغلت باك استريت بوي و عارفين كانت الغنية شنو
you are my fire
المهم غنية منهم و قرفة مني انتهت البطارية و الكهرباء ما جات ....المهم مشيت البحر القريب من بيتنا ... لبست ما خف من الثياب بنطلون قديم كدا و الله كنت داير البس ردا لكن خفت علي النسيج الإجتماعي حق البلد يقوم يتهتك و لا تجيهو داهية من ردائي دا .. عشان كدا صرفت فكرة الرداء , تي شيرت بدون علامة أو أشارة , طاقية و سفنجة .... مشيت البحر و بين و بين الموج خطوات ... اطقع بالحجار في البحر, الشفع بلعبوا فرحانين , حبيب و حبيبة يمتلكون كل الدنيا .... الأهم شميت كثير من الهواء المخلوط بدخان السجائر و تاؤهات العشاق....أجمل حاجة تلفوني الشوم دا رن.... عاينت للرقم لقيتو واحد مما تبقي من أصدقاء رديت عليهو يا مهيد انا الليله ما داير أرد .....
ضحكنا و رجعت الي البيت كداري و انا ادندن بصوتي القبيح باحد أغاني فيروز
انا و شادي لعبنا سوا
يا خي ميتين شادي تااااااااااااااااااااني
------------------------
هواري شكلك ود حلال اول ما الزول اتذكرك جيت

Post: #88
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 10:13 AM
Parent: #87

Quote: وهسي بدخول السنة دي...تكون دي السنة الرابعة......
يعني....في غضون التسعة شهور الجايات....
اهو منتظرين...
عسي ربنا يفرجها و يتحقق الحلم......

سارا هواري دا انا لا شفتو و لا بعرفوا أمس بس قلت أصاحبوا حاولت اتصل عليهو
تلفونو ما جمع و يا دار ما دخلك شر.... هواري عليك دينك فكنا من السيرة دي

Post: #91
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 10:19 AM
Parent: #88

والله يا هواري أمس جيرانا عندهم ربه في السماء

Post: #90
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-25-2010, 10:18 AM
Parent: #87

شبكة وحافظ

بلاي كلموا الهواري دة قولو ليه البيحلم بالموت معناها عمرو طويل باذن الله..

التراب شكلي حاسفوا بسبب الهواري ..

عملتا لي وجع صباع..
مش بكاك دة...؟؟ بصورو ليك فيديو وبعملو ليك سي دي اتفرجوا فيهو انت وعتيد ورقيب..
انتا موت موتك وما تشيل هم..

ــــــــــــــــــــــــــــــ
سغيل

Post: #89
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-25-2010, 10:17 AM
Parent: #85

Quote: يعني من قل الببكي في الدنيا دي

شبكة يا صديقة..
تحياتي و احترامي...

ولا من كترة البضحك فيها....

___بالمناسبة يا شبكة..
ده ما تشاؤم.يعني بالعكس انا ما متشائم, او شايف الدنيا مسودة قدامي
لالا..ياخي
الحزن ده,بقي صاحبي الجميل و النبيل,العمرو ما خدعني و لا غشاني...دائما صادق و دوما حقاني..
عشان كده..اتحاببنا و اتصالحنا مع بعض..
بلاقيه في الليل..و بسهر معاه..
بخليك تنظر للحياة....بعين الحياد, و الزهد...
مع الحزن مافي مجال ...للتكبر و الخيلاء..التكلف
بقي همي و قضيتي و ............احتواني

Post: #92
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-25-2010, 10:26 AM
Parent: #89

سارة...و..حافظ
سلامات يا صحاب...عوافي

معليش للنكد السببته ليكم..
بس اهو الواحد يفضفض معاكم و يقول بكل صدق جزء من الجواه..
ان مغصتكم و وجعت قلبكم
ممكن احذف المداخلات ..
لكن ما ح اوعدكم انو ما انقلها لي بوست تاني...واقعد اهضرب فيه براي..

Post: #93
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-25-2010, 10:28 AM
Parent: #89

يا حافظ بمناسبة ربتكم دي النقول ليك..

انا بحب الرقيص زي عيوني,,

ورقااااصة وعندي لونيتي الخاصة هههههههههههه

هسه منتظرة الصيف بي فارغ الصبر عشان ماشة اتعلم السالسا

Post: #94
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 10:28 AM
Parent: #89

يا هواري أهم حاجة تسخر من الحزن ... و لو ما عارف تعال لي زيارة و الله
عندنا ناس بيت مجانين يدوك كورس حول كيفية السخرية من الاحزان و بتعبير مخالف
كيفية تسخير الاحزان لأفراح قادمة ( شفتا جنس الجنونو دا)....

في 2000 عندنا ود خالتنا أتوفي و راجل لحد معقول و طيب بس الشهادة لله ما صحبي
لا حاجة ... المهم انا و أخوي الصغير بعد الوفاة بتلاتة يوم كدا كنا بنتونس و بعدين
المرحوم دا صاحب أخوي دا .... عشان أطلعوا من الحزن قلت ليهو:
يا طه هسي المرحوم دا بيكون قاعد يعمل في شنو؟
طه: الوقت دا بتكون في زرزة تقيلة؟
انا: وقت دا بيكون سألوهو عن عمرك فيما أفنيت صح؟
طه: انت عارف حيقول ليهم شنو؟
حيقول ليهم علي ما أعتقد ( علي ما أعتقد دي كانت إفتتاحية ابن الخال هذا لأي
حوار) .... علي ما أعتقد قضيتو ............

يا هواري بلا موت بلا لخمة

Post: #95
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 10:36 AM
Parent: #94

Quote: معليش للنكد السببته ليكم..
بس اهو الواحد يفضفض معاكم و يقول بكل صدق جزء من الجواه..
ان مغصتكم و وجعت قلبكم
ممكن احذف المداخلات ..
لكن ما ح اوعدكم انو ما انقلها لي بوست تاني...واقعد اهضرب فيه براي..

هواري بطل حركات و الله تحذف المداخلات دي حيكون لينا معاك شأن تاني و نحنا النكد فايتنا
وين ....

--------------------------
يا سارة جاييك لموضوع الرقيص دا

Post: #96
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 10:59 AM
Parent: #95

Quote: هسه منتظرة الصيف بي فارغ الصبر عشان ماشة اتعلم السالسا

الله لينا نحنا المدفونين بالحياة و الله السالسا دي الا نشوفها في الافلام
و بالمناسبة دي الليله حامشي البيت احضر فيلم اسمه Take the lead هو فيهو
سالسة نصاح ....

طبعاً يا سارة انا ما بقاوم الرقيص علي الأطلاق ووقت الصغير شوية أي حفلة
عزموني او لا بمش بمشي اي حفلة بس الا ما اسمع بيها بس عشان أحتوا و أجي...لكن
مع الكبر و النسيج الإجتماعي القاعد علي الهبشة دا الموضوع بقي شوية صعب ...
لكن عندي لابتوب مليانة ربات انسي بس .... كتير جدا بشغل غنية و احتوا براي ذي
الكلب و أتخمد انوم

Post: #97
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-25-2010, 11:08 AM
Parent: #96

Quote: طبعاً يا سارة انا ما بقاوم الرقيص علي الأطلاق ووقت الصغير شوية أي حفلة
عزموني او لا بمش بمشي اي حفلة بس الا ما اسمع بيها بس عشان أحتوا و أجي

شنو؟؟
رقيص... وحت!!
ياخي ما تقول غيرهـــــــــــــا

يمين انت كرعينك الاتين (يسار)....
قال رقيص قـــــــــــال..

___السارة....وليه يعني السالسا الا في الصيف؟؟

(مافي فنان جاي قريب علي حلتكم..شان نجي ناطين ياخي.....)

Post: #98
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 11:25 AM
Parent: #97

والله يا هواري انا أي حاجة ممكن أكون اشتر فيها الا الحت و أسال مني بهاء الدين
ابو شلوخ دا....(غلبني كتر علي) ... والله دي فيها حت

Post: #99
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: Baha Elhadi
Date: 02-25-2010, 12:20 PM
Parent: #98

حافظ
كويس شهدتني على حاجة كويسة
بس مرات كددا بتكون مرندل لمان اجيك
ياخ بكون جاي ابكي واكب الجواي كلو
لمان القاك مطوطو في السرير بحن عليك من الجايبو معاي ( هواري والله بكون جايب معاي كمين حزن وبث)
سارة ياخ خلاص الميت مات وهواري دا خلوه يموت براهو
خلاص انتي هسع وصلتي حتة كويسة ما ترجعي منها
خليك في السالسا دي لمان ترقدي رز أو كما قال
ياخ خلاص ربوها
فكو الحزن مش الناس لمان يحدو بفكو الحد؟
خلاص الليلة يوم رفع الفراش

ياخ انا مالي بيكم والجابني شنو؟
مش كفاية الواحد مطوطح ليهو في حاجة كدا زي الشكلوتة وكل خمس دقائق ترجف
بس النصيحة يا سارة هم شداد شدة الحرامي السرق اللبن من شاي اللبن

ياخ زلازل وجليد وبرد
وغربةةةةةةةةةةةةةةةةةة حارةةةةةةةةة ومقرفة
وكمان حافظ وهواري
لا يفتح الله
شبكة مالكم بتشركي وتحاحي؟
بهاء ذات حزن فك زمان
والله مافي احسن من ميتة القلب
افتح ليها وخليك ميتان بس
الأيام دي بقرأ لأحلام مستغانمي قدس الله سرها
والله لو في طريقة ارفعو ليكم هنا
فتشو عن كتابها ( النسيان)
والله فيهو يا سارة وصفات
هسع تنطي من سريرك وتكوني شديدة ولضديدة

Post: #100
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-25-2010, 12:27 PM
Parent: #98

ارقصو..
وحتوه ..حت..
فماهو الا تعبير عن ...موسيقي داخل كل منا
وقيل ايضا...
الرقص..هو التعبير الحركي للحزن ايضا.....(هواري )
ارقصو ..جبجبو...ودندو
فو الله ..
انه تنفيس عن ما بالدواخل..

وأأأأأأأه يا الاهيف....

Post: #101
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 12:45 PM
Parent: #100

سارة, شبكة, بهاء, هواري والكل
شفتو كيف الموت و الحت متباريات ... بدأ موت و أنتهي حت .... حتوا يا اخوانا و ايه الدنيا غير حتة ناس في خير.... بعدين الموت للحول و العرس للدور*.....

Quote: وأأأأأأأه يا الاهيف....

سجمي يا هواري انت مسجون من زمن الأهيف؟

تخريمة:
ضرب لي زول هسي المهم لما فيني شتائم ما تتكتب هنا ... المهم قعدت أضحك ....
شك في الأمر قال لي بدوي و لا منو؟
قلت ليهو والله زمان كان إسمي بدوي لكن غيرتو هسي
واصل شاتيمه وقفل الخط
يا خي السودان بلد الخير و الهبالة

------------------------------
* دا مثل أمي المفضل و دايماً مراقتا وقت تكون ما دايرة تمشي ليها لمحل عزاء

Post: #102
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-25-2010, 12:55 PM
Parent: #101

Quote: يا خي السودان بلد الخير و الهبالة

شرقتني ياحـــــــــــــافظ .الله يجازي محنك...
هههههههههههه

_______
الاهيف دي ,شرك لي زول....

Post: #103
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: Baha Elhadi
Date: 02-25-2010, 12:59 PM
Parent: #102

هواري :
الشرك هبر

Post: #104
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 01:03 PM
Parent: #102

Quote: الاهيف دي ,شرك لي زول....

غايتو يا هواري في زول قابض في الشرك دا هسي انا في المسنجر بحلحل فيهو

تعال انت كنت قاصد بهاء الدين و لا دا شرك لشرك ساي

Post: #105
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: Baha Elhadi
Date: 02-25-2010, 01:06 PM
Parent: #104

حافظ وهواري:
ما تمرقو من الموضع وتجلو لسارة موضوعها ساي
الزول القاصدو هواري بجي ناطي براهو هسع خليهو ياحافظ
النومة بتريحو

Post: #106
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-25-2010, 01:15 PM
Parent: #105

Quote: الشرك هبر

أمسك..
الزول وصل.......

_____
شفته يا حافظ...

Post: #107
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-25-2010, 01:19 PM
Parent: #106

Quote: تعال انت كنت قاصد بهاء الدين و لا دا شرك لشرك ساي

ياهو زاتو...
سيد الاســــــــــــــــم

بهاء الباهي..
تعال ساي و ما تزوق
دبرستنا و حزننا انا و الكاشف اخوي(حافظ)...
ما تشتغل بيها..
اصلنا ناس كج
واصل ...عليك الله و ماتنقطع

Post: #109
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-25-2010, 01:27 PM
Parent: #107

مكرر

Post: #108
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 01:26 PM
Parent: #106

البوست دا بقي جهوي بقي اولاد صعيد ساي*

---------------------------
*ناس النهب المسلح لاقو ليك جماعة نزلوهم أها في أعمامك تلاتة زي ناس هواري و بهاء و حافظ
ما نزلوا ... قام الشفت بتاع النهب سألهم:
و أنتو مالكم ما نزلتوا؟
قالوا ليهو نحن اولاد عمكم....
قال ليهم في النهب دايرين تعلمو لنا عنصرية انزلوا نزل فيكم المربعن

Post: #110
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: Baha Elhadi
Date: 02-25-2010, 01:32 PM
Parent: #108

هواري دا شيتن قديم
سجمك يا سارة
مش فتلو عديل قلبو عديل

Quote: يا أيتها المجبولة من طينة فؤاد أترع بك

يا أيتها الهيفاء خلاصة أزمان العشق
ها قد أطل زمانك
وشهدت انفجاراتك
ياغالية ،
يا ذات السمت الملوكي ،
يا عصارات رحيق تاريخ عُّتق وعُّتق
وكانت خلاصته العابقة : أنتِ
يا ...... من عشقها
يفري العيون ومآقي السهر النبيل تلقاءها
دوما ليلي :
بك...
ومعك..
سهر في تاريخك الشامخ
تمزجين أشيائي
بكل عنفوان أنوثتك
ورجاحتك
وعفافك المصون المخبأ لي في
أزمانك التاليات القادمات
أسهر وأُناغيك
وأُناجيك
طيفا رقيقا
أبثه لاعج الصدر
وما ملك العشق
( الليل هوّد)...
وطيفك يزحم الخاطر
كوني قلبا وغصنا
لعصفور دوري يغازل في نافذتك
(شاعر تروبادور ):
يعزف أنشودة العشق
تحت نافذتك
والغيم و
المطر زخات منهمرة من نافذة
مشرعة في ليل
ضل قمره
وسطع نجم
فريد متوحد
زخات وزخات متتالية
والهيفاء في نافذتها
تضع اصبعا رقيقا على فمها الشيق
وخفر الدنيا كله تجمع
هنا صحا القلب من غيه
انتبه
وعزف لحنه
حنينا يسربل الروح ولا ينفك
أتداعى
أتداعى
انهمك
في بحلقة الفضاء العريض
والنجم يلمع
ويتوارى
ثم .........
فلنحكِ عن هيفاواتنا

Post: #111
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-25-2010, 01:41 PM
Parent: #110

يا أخوانا دي حالة دي بيت البكاء بقدرة قادر بقي بيت عرس لا أربعين يوم و لا يحزنون

Post: #112
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-25-2010, 01:44 PM
Parent: #111

حافظ و بهاء..يا اولادالصعيد....
انا متخارج..
ولي عودة في الامسيات...

Post: #113
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-26-2010, 01:56 AM
Parent: #112

أين ...السارة؟؟
.........................
........

____
حردتي البوست, ولا شنو؟؟

Post: #114
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-26-2010, 03:31 AM
Parent: #113

ما حردتو يا الهواري..

اختك دي الايام دي في حالة اللا تفكير..
يعني لا بطقع لا بجيب الحجار,,
مخي دة فاااااضي وعندي حالة خواء..

زمااان التفكير دة كان اسهل حاجة عندي..
التفت بي جاي القي مليون فكرة وتفكير كبسوا في رأسي..
بس كنتافي بعض الاحيان بلاقي مشكلة في تنفيذ الافكار لواقع ملموس..
لكن في النهاية كنتا اقلاها بفكر
هسه وحاتك بقيت متبلدة جنس تبلد..
برنامجي كلو كالآتي:-
سارة اكلت
سارة شربت
سارة نامت
سارة قامت

وبس..

Post: #115
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-26-2010, 03:41 AM
Parent: #114

عارفة السبب,,

دخل الما بيتداوى علي قول امي..
الكبر..

لو كان الكبر رجلا لكنت اديتو شاكوش مااااااكن..
كبر العمر في حد ذاته ما المشكلة لانو محمدنا كلنا ..سمعتا ليك بي زول عاش لمن (عتت)؟؟
لكن مشكلتي كيف احافظ علي شباب روحي وعمري جاكي؟؟
جاتني تجاعيد في قلبي..

شيخوخة القلب حارة خلاص..
كمان لمن تجي عليها ميتة القلب بتم الناقص..

Post: #116
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-26-2010, 07:53 AM
Parent: #115

Quote: خلاص الليلة يوم رفع الفراش

عشلن خاطرك الغالي: نعلن رفع الفراش..
ولكن البكاء لي حولو بجيب زولو.....(مثل سوداني مجنون جن)

Quote: ياخ زلازل وجليد وبرد
وغربةةةةةةةةةةةةةةةةةة حارةةةةةةةةة ومقرفة
وكمان حافظ وهواري

اتلمو عليك اكبر (كج) في الدنيا...
كمان دنيا ليل...و غربة...........ومطر
الزلال ده...
ما حبابه...
بكسر الزول و بعوقو وبعمل تشوهات..
واحنا برانا مافاضين..

Quote: الأيام دي بقرأ لأحلام مستغانمي قدس الله سرها
والله لو في طريقة ارفعو ليكم هنا
فتشو عن كتابها ( النسيان)

ياخي ما ترفع الكتاب ,هنا خلينا نحاول
نحــــــــــــــــــــــــاول
ننسي...اكان نقدر.....

(الذكري المنسية)........النور الجيلاني يرثي صاحبه...

Post: #117
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-26-2010, 07:57 AM
Parent: #116

Quote: جاتني تجاعيد في قلبي..
[/QUOTE

هي فقط من الروتين
والسير كما القطار...
عليك بالتغير....
.يا السارة...
التجديد واجب وطني.....

Post: #119
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-26-2010, 08:02 AM
Parent: #117

Quote: التجديد واجب وطني.....

كلامك صح,,

التجعيد واجب وطني..

Post: #118
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 02-26-2010, 08:00 AM
Parent: #116

Quote: سجمك يا سارة
مش فتلو عديل قلبو عديل

بهاء

اقول شنو عاد؟؟؟

التسوي بايدك..

ــــــــــــــــــــــ
ادعوا لي اصبح علي فرح..فتكم بعافية

Post: #120
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-26-2010, 08:47 AM
Parent: #118

Quote: *ناس النهب المسلح لاقو ليك جماعة نزلوهم أها في أعمامك تلاتة زي ناس هواري و بهاء و حافظ
ما نزلوا ... قام الشفت بتاع النهب سألهم:
و أنتو مالكم ما نزلتوا؟
قالوا ليهو نحن اولاد عمكم....
قال ليهم في النهب دايرين تعلمو لنا عنصرية انزلوا نزل فيكم المربعن

iههههههههههههههههههههههههههههههههههه
ياخي انت تحفة, قبيل قاعد في (ستار بكس) كالعادة و معاي الصديق\مكي ابراهيم مكي
ياخي قاعد يضحك و يقرر و بطوووووووووول صوته...
قال لي ياخي القصة دي,نستني كل الحزن الفي البوست ده...

_____
انا خايف يكون ناس النهب (المصلح)...يكونو لمو فيك انت زاتك.....

Post: #121
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-26-2010, 09:36 AM
Parent: #120

ازيكم
انا اخليكم من مرحوم لمرحوم ومن حزن لبكاء

اجي القاكم في الصيف والسالسا

ومشي بحر

وهواري لسة حزين في محلو

وجاء بهاء يمنح بالغربة والزلازل

الغربة هينة في حالتكم دي يابهاء كعبة الزلازل دي

ماشة كويس في القراية لقيت الموضوع بقى رقيص وحت وربة وناس كانت مركونة من زمن الاهيف

هواري لازماك نفضة جامدة انت عشان تواكب واصل لغاية راجل المرة واقيف

بعد داك شوية شوية بوصلك لي اضربني بمسدسك

وبكدا تكون دخلت فورمة الغناء السوداني الجديدة

سارة
حاسة بيك تماما وبي خواء الراس
لما اصل مرات لحالة زي دي
فعلا بكون زي الزول الدايش والماعارف اصلا هو عايش ليه

لكنها ايام وبتعدي مني وبرجع لي توازني
والحالة دي لما اكون في السودان ما بحس بيها

تفتكري انها مرتبطة بالغربة او الحزن على فراق احباب احياء فسي البلد

ياجماعة

افرحوا عسى ولعل يكون فاتحة خير على بلدنا وننسى ما بنا من هموم واحزان

Post: #122
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-26-2010, 09:59 AM
Parent: #121

السارة.....
تصبحين علي وطن..!!!
وطن بعيد و جميل و زاهي...
فيه ميدان المولد والنوبة و حلقات الذكر...
الله الله الله لله..
الدروايش بالوانهم الزاهية...
والنساء يزغردن و يهمن حبا في الحبيب المصطفي...
طبول و ذكر و دعـــــــــــــاء
وهي سر الليالي.....
هنالك يا سارة..
حيث البساطة عنوان, والسلام عناق,والشوق دمــــــــوع
حيث ينتحب الرجال و تبتل لحاهم ,عند بكاء النساء المبلمات القاعدات في ركن قصي,يشهدن مدح النبي (ص)
رايات وشارات..وعرضة
انشاد و غرق في الذكر...ودوران
حيث البنات الصغيرات و حلمهن بعروس المولد
احصنة الحلوي الحمراء ...
ننوم و في ايدينا حلاوة المولد...وفي الفد نرفعها اعلي (الفضية)...كتماثيل البجراوية
ولا ندي بأن النمل يعرف الطريق اليها جيدا....!!!
المراجيح و الزفة...
احلمي و عودي...
تذكري...
فقد تزيلين ما علق بالقلب من كدر
فقد كانت النفوس صافية...والحياة زاهية.....

حي قيوم..حي قيوم
وصلاة صلاة
ياربي صلاة صلاة علي النبي.......

اهديك الكابلي...
والمجذوب...في الملحمة الرائعة..(ليلة المولد)......

Post: #123
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-26-2010, 10:05 AM
Parent: #122

شبكة....
انا هين ,لكن بهـــــــــــاء
جاب ليه زلازل كمان..
اما حافظ...الكاشف اخوي...
فدعيه والبحر القديم.....
يشكو أمره ...للبحر ويغسل بعضا من التعب
فالحياة في بلدي..
صارت..تحترف التعب

Post: #124
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-26-2010, 12:50 PM
Parent: #123

...
..
.

Post: #125
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-27-2010, 06:08 AM
Parent: #124

http://tharwat-hemat.blogspot.com/2010/02/blog-post_5653.html

______
كبيتو الزوغة...
ولا القصد شنو؟؟

Post: #126
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-27-2010, 07:03 AM
Parent: #125

يا صبحاتكم يا سارة (علي فكرة بتعرفي زولة إسمها سارة الضارة), شبكة , هواري , بهاء و كل من مر من هنا .....

يا سارة جربتي تغيبي عن الحياة 48 ساعة الا من تلفونات هواري؟

بس دا الحصل علي .... يوم الخميس وصلت البيت قبل الشمس تغيب و ما طلعت الا الليله لا أكل لا مشغلة ..
أخر تلفون كان من هواري و بعدين قفلت التلفون و أنخمت نمتا .... تنوم تهضرب تقوم صاحي جاري .....
غايتو النوم دا أجمل إقتراح بعد القهوة المرة و الاصدقاء اللعنة
كدي اكمل قهوتي المرة دي و بجي راجع

Post: #128
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-27-2010, 07:53 AM
Parent: #122

يهاء
هواري
سارة
حافظ

المولد كان اهم في يوم في حياتي زمان
لانو من يقرب المولد بنمشي عند ناس جدي بعمل حلاوة مولد في البيت والعرايس والجدادة ..واشكال الحلاوة
تمهيدا ليبيعها في المولد

وانا بحجز من هنا العروسة العايزاها
ونمشي المولد مع ابوي على ايام

وفي الفسحة الكبيرة ديك وكل طريقة تمدح بطريقتها
ونجي اليوم التاني ونشوف نفس المنظر والناس كلها مبسوطة الكبير والصغير

ودائما في منظر طفل ببكي جنب محل بيع الحلاوة
لانو عايز حاجة معينة وهي مافي او اصبر يجيبوها ليك
والبت تبكي عايزة العروسة الكبيرة او زي عروسة فلانة

ونرجع البيت وكل زول شايل حلاوتو في يدو

وبكرة في المدرسة الغلاط عروستي اكبر وحقتى احلى وخلاص تعالي لي في البيت اوريك حقتى

عشان تعرفي انها اكبر من حقتك

وتنتهي ايام الاحتفال بمولد اعظم خلق الله بفرحة للكل
الكبير والصغير

ياربي الناس اليومين ديل في السودان ما زالوا بهتموا بحضور المولد ولي هو تراب وغبار ساي على قولة مغتربة سابقة

انا غايتو ضمنت حلاوة المولد وصلتني لكن ما فيها عروسة

لكن اخير من العدم

Post: #127
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-27-2010, 07:38 AM
Parent: #116

هواري

Quote: (الذكري المنسية)........النور الجيلاني يرثي صاحبه...

الصحيح هو شقيق النور الجيلاني (شاعر) يرثي صاحبه

Post: #129
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-27-2010, 07:57 AM
Parent: #127

Quote: ماشة كويس في القراية لقيت الموضوع بقى رقيص وحت وربة وناس كانت مركونة من زمن الاهيف

هواري لازماك نفضة جامدة انت عشان تواكب واصل لغاية راجل المرة واقيف

بعد داك شوية شوية بوصلك لي اضربني بمسدسك

وبكدا تكون دخلت فورمة الغناء السوداني الجديدة

يا شبكة هواري دا بسببوا انت مالك*... يا خي انتي لحد هسي في زمن أضربني بمسدسك ما سمعتي بغلبني كتر علي...
ماشة معاك باسطة .... و يا بنات حواء و عييييييييييييييك يا شبكة .... انت عارفة هواري و سارة ديل وقت يجوا السودان انا متكفل بيهم اسبوع في سجن خاص يكون نظام ريهابتشن لحد ما يخشوا في الفورما الغنائية الجديدة....

--------------------
* يا شبكة حالتك دي ذكرتني 3 مغتربين في السعودية في واحد كل يوم يحكي ليهم نفس النكات ,,, الاتنين اتبروا من النكات المكررة قاموا شخطوا فيهو ... يا خي انت ما عندك غير نكاتك القديم دي يا خي ما ممكن كل يوم نفس النكات .... قام قال ليهم يا اخي انا اجيب ليكم نكات جديدة من وين ما انا قاعد معاكم هنا.... هسي يا شبكة بالله ما تنظري في موضوع الغناء السوداني دا لانو داير ليه زولا محكر هنا زي حالتنا دي و الله يقطع طاري حالتنا و حلتنا ذاتو

Post: #132
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-27-2010, 08:58 AM
Parent: #129

حافظ

Quote: بغلبني كتر علي...

لو ما سمعت الاغنية دي بصوت القادم بقوة نعوم

يبقى نص عمرك ضايع وكمان لو شفتها لايف عجبي

سارة وهواري
ديل فايتهم كتير خلاص

سجن الاسبوع دا ما تعملوا ليهم تحضيري في القاهرة قبل الوصول للخرطوم
بيكون افيد
عشان لما يصلوا الخرطوم يكونوا في حبة مواكبة وتعايش مع السرعة الحاصلة في كل شي

Post: #130
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حافظ حسن ابراهيم
Date: 02-27-2010, 08:05 AM
Parent: #127

Quote: دخل الما بيتداوى علي قول امي..
الكبر..

والله يا سارة كلام امك محمدنا كلنا و شكلوا انا بقي علي ... انت عارفة يا سارة انا عرفت الموضوع دا قبل إسبوعين ... مشيت الجامعة زيارة لبت أختي لانها الخميس و الجمعة ما جات البيت ... المهم لقيت معاها زميلها.....أثناء ما قاعدين كدا جاء صاحبهم تاني شكلوا شوية مهبوش قام قال ليهو يا فلان جيب سجارة.... يا خي الود دا اضاير مضايرة كدا ما عادية...
انا حسيت اني كبرت لحد ما الناس يخجلوا من شراب السجاير قدامي دي حالة دي؟

Post: #131
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: هواري نمر
Date: 02-27-2010, 08:15 AM
Parent: #130

Quote: انا حسيت اني كبرت لحد ما الناس يخجلوا من شراب السجاير قدامي دي حالة دي؟

,وانت عامل فيها جاهل صغير مفرور

Post: #133
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: Baha Elhadi
Date: 02-27-2010, 04:42 PM
Parent: #131

خلاص بقيتو تفكو في آخركم؟
بالله دي حالة عمو يخجلو من شراب السجارة قدامو؟
واطاتك أصبحت
ياخ ناس سارة وشبكة ونحن
ناس صغار ما قدركم
غايتو أنا اتبريت منكم ظاهر وباطن
كتلاين أصحاب
وآخرها كبر سن
يفتح الله
مادايرين

Post: #134
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: SHIBKA
Date: 02-27-2010, 08:35 PM
Parent: #133

بهاء

استغفر واقعد شوية مع عمك حافظ دا

Post: #135
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 03-01-2010, 06:15 AM
Parent: #134

دقائق,,,

راجعة ليكم ويدي ملانة..

ــــــــــــــــــــــــــــــــــــــــــــــــــــــ
ملانة معنويات من حيث لا ادري..

Post: #136
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 03-01-2010, 07:26 AM
Parent: #135

Post: #137
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: محمد عبد الماجد الصايم
Date: 03-01-2010, 07:32 AM
Parent: #136

الحمد لله!

Post: #138
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 03-01-2010, 07:40 AM
Parent: #137

من كدا,,,

وجدا..

Post: #139
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: حبيب نورة
Date: 03-02-2010, 11:36 PM
Parent: #100

سلام

جيتكم كداري ونفسي قايم

لقيت عندكم جمّة

بين قوسين (جمبة)
بين تلاتة أقواس ( جنة)

وما بين جمّة نفسي في جمبة جنانكم

جن أحمر عديل كدة!

برجع ليكم وجواي أعراض زول جِنينة !!

Post: #140
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 03-03-2010, 00:28 AM
Parent: #139

يا حبيب نورة تعال انجما واتجنن,,

عارف,..
انا بريد الناس الحنينيييييين..
وقعادك دة قعاد زول حنين خلاص..

Post: #141
Title: Re: حافظ حسن ابراهيم..كيف لي ان ابتسم عندما يداهمني الحزن؟؟ (ونسة اسفيرية)
Author: سارة علي
Date: 03-13-2010, 05:09 PM
Parent: #140

يا حافظ؟