ونسة....... في المقابر

ين جو مع الجنازة وقعدو بعيد ... في الواطا .. واحد مصنقر وخاتي ايديهو بيناتو والتاني شايل ليهو مجموعة حصايات ويجدع في شاهد قبر قدامو مرة يختاهو ومرة يصيبو وهو يسمع للزول الجنبو "الله يرحمك يا شيخ الخدر...لكن زول كبير وقديم وعمرو اكتر من تمانين سنة.....رقد في المستشفى ومرق منو اكتر من خمسطاشر مرة في السنة الاخيرة.... مرة رقد ببروستاتا وحبس بول... ومرة وقع وكسر مخروقتو... وتاني لمت فيهو حمى ما عرفو سببا شنو؟.. وباقي الرقدات كلها صدمة سكري منها الرقدة الاخيرة الما قام منها دي.... عذب وليداتو ..كل يومين خامنو وجارين على المستشفى... الصرفوهو عليهو في سنينو الاخيرة دي..هو ما صرفو عليهم عمرو كلو...هو مسكين ما كان عندو شي .... لكن ريحوهو وليداتو ديل في سنينو الاخيرة.... خرّف.... بقى بعد مرات يقوم نص الليل ويقعد يغني بي طول حسو:- الدخان والدلكة خلن عقلي لِكة ويمسك عصايتو ويحاول يعرض الا يجي واحد من وليداتو يمسكو ويقعدو ويقول لو يابا ابشر ابشر بالخير وهو يقعد يبشر معاهو.. المرة الكسر فيها "مخروقتو" كان بيغني وقام يعرض عتر لو الابريق تحتو واتشنقل ووقع علي كراعو ... غير الغنية دي ما عندو شي.... وبعد مرات يقعد يكورك لي نسوانو الاربعة..... مع انو الاربعة ماتن.. لكن هو مصّر يكورك لهن.... وخصوصا مرتو الصغيرة الاسمها حليمة ... ولو ما جاوبن عليهو... يقوم علي حيلو ويقعد يكوس لي عكازو ... داير يمسكن يدقهن... يكورك لي حليمة" حليمة شديتي الحمارة؟" .. داير حليمة تشد ليهو الحمارة وتركّب السرج فوقها.. علما بان الحمارة زاتا ماتت مع النسوان.... اصلو كان مبسوط من الحمارة دي زي بسطتو من حليمة ....اخر مرة رقد في المستشفى انشبك في ممرضة وقال دي حليمة ... وقدر ما حاولو يقنعوهو انها دي ما حليمة اصلو ما صدق... ومرة دايرين يحمموهو حلف الا تتحمو الممرضة القايلا حليمة دي...لكن ما بعرفهم بعدين سوو شنو؟... الله يرحمو كان رجل طيب وعديل .... بس كان شبكة ... ان انشبك فيك يحلك منو رب العالمين.... اسمع؟.... انت عصام عمل شنو في الشيك؟.... مواعيدو فاتت ليها شهر حسي و ما عمل حاجة؟....غايتو انا بديهو يومين وبعد داك بفتح فيهو بلاغ!....قلت ليك بالله شفت امبارح الكورة دي كانت حارة كيف؟ ... لكن المصرين لعبو والله!.....انت يا عبدالله؟... صحي عماد عرسو اخر الشهر دا؟.... لكن عماد دا داير يعرس بي شنو؟... ما عندو اي حاجة؟.... غايتو الا يسوي ليهو مغرم والاخوان يساعدوهو!...,, انت الزول داااااك مش حسام؟ الزول دا اصلي ما بريدو .. غياظ خلاس!.... عاين ليهو عامل كيف ... عاجباهو روحو...... اها كب الجماعة دفنو يلاكا"

كان الموت خلاك... الكُبثر ما بيخليك

لا فوق

كب

قادر الله

اصلو الموت دا مافي زول بيدور

فوق

Quote: كان الموت خلاك... الكُبثر ما بيخليك

آود عمي كيفنك
ليك وحشة ياخي...

بالجد كان الموت خلاك الكبر ما بخليك


مرحب بيك دشليون الله لا خبى حسيسك

...
.
سلام يا دوك
اول بالتبادى خطك الصغار بالاحمر دا ما واضح
راعى عامل السن والسكرى ..
اها دى فووووق

Quote: اتنين جو مع الجنازة وقعدو بعيد ... في الواطا .. واحد مصنقر وخاتي ايديهو بيناتو والتاني شايل ليهو مجموعة حصايات ويجدع في شاهد قبر قدامو مرة يختاهو ومرة يصيبو وهو يسمع للزول الجنبو "الله يرحمك يا شيخ الخدر...لكن زول كبير وقديم وعمرو اكتر من تمانين سنة.....رقد في المستشفى ومرق منو اكتر من خمسطاشر مرة في السنة الاخيرة.... مرة رقد ببروستاتا وحبس بول... ومرة وقع وكسر مخروقتو... وتاني لمت فيهو حمى ما عرفو سببا شنو؟.. وباقي الرقدات كلها صدمة سكري منها الرقدة الاخيرة الما قام منها دي.... عذب وليداتو ..كل يومين خامنو وجارين على المستشفى... الصرفوهو عليهو في سنينو الاخيرة دي..هو ما صرفو عليهم عمرو كلو...هو مسكين ما كان عندو شي .... لكن ريحوهو وليداتو ديل في سنينو الاخيرة.... خرّف.... بقى بعد مرات يقوم نص الليل ويقعد يغني بي طول حسو:- الدخان والدلكة خلن عقلي لِكة ويمسك عصايتو ويحاول يعرض الا يجي واحد من وليداتو يمسكو ويقعدو ويقول لو يابا ابشر ابشر بالخير وهو يقعد يبشر معاهو.. المرة الكسر فيها "مخروقتو" كان بيغني وقام يعرض عتر لو الابريق تحتو واتشنقل ووقع علي كراعو ... غير الغنية دي ما عندو شي.... وبعد مرات يقعد يكورك لي نسوانو الاربعة..... مع انو الاربعة ماتن.. لكن هو مصّر يكورك لهن.... وخصوصا مرتو الصغيرة الاسمها حليمة ... ولو ما جاوبن عليهو... يقوم علي حيلو ويقعد يكوس لي عكازو ... داير يمسكن يدقهن... يكورك لي حليمة" حليمة شديتي الحمارة؟" .. داير حليمة تشد ليهو الحمارة وتركّب السرج فوقها.. علما بان الحمارة زاتا ماتت مع النسوان.... اصلو كان مبسوط من الحمارة دي زي بسطتو من حليمة ....اخر مرة رقد في المستشفى انشبك في ممرضة وقال دي حليمة ... وقدر ما حاولو يقنعوهو انها دي ما حليمة اصلو ما صدق... ومرة دايرين يحمموهو حلف الا تتحمو الممرضة القايلا حليمة دي...لكن ما بعرفهم بعدين سوو شنو؟... الله يرحمو كان رجل طيب وعديل .... بس كان شبكة ... ان انشبك فيك يحلك منو رب العالمين.... اسمع؟.... انت عصام عمل شنو في الشيك؟.... مواعيدو فاتت ليها شهر حسي و ما عمل حاجة؟....غايتو انا بديهو يومين وبعد داك بفتح فيهو بلاغ!....قلت ليك بالله شفت امبارح الكورة دي كانت حارة كيف؟ ... لكن المصرين لعبو والله!.....انت يا عبدالله؟... صحي عماد عرسو اخر الشهر دا؟.... لكن عماد دا داير يعرس بي شنو؟... ما عندو اي حاجة؟.... غايتو الا يسوي ليهو مغرم والاخوان يساعدوهو!...,, انت الزول داااااك مش حسام؟ الزول دا اصلي ما بريدو .. غياظ خلاس!.... عاين ليهو عامل كيف ... عاجباهو روحو...... اها كب الجماعة دفنو يلاكا"

نرجع للموضوع...
صراحة ظاهرة غير كريمة من المواطن السودانى
فبدلا ان يأتى لسترة الميت والترحم على الموتى
الاخرين برفع الاكف له بالفاتحة وهم فى حوجة لها ..
وبدلا من كسب الاجر على الاقل بمد يده بطوبه او جردل ماء
نجدهم كما قلت يقفون بعيدا ويناقشون .. مشاكل الحياة وهمومها
والمؤسف مواقف الميت المحزنة والمضحكة السيئة والطيبة
بدلا عن الدعاء له بالمغفرة والرحمه ..

--------

لقد اصبحنا لا نتذكر الموت حتى وان كنا بالمقابر
وعلى بعد امتار من ود اللحد ..
نسال الله ان يقوى ايماننا واسلامنا..

شكراً ..
قضية تستحق لفت النظر؛

فوق

حباب لت اعمي الدكتورة

المرا البي عشرة رجال

شكرا طلال

انا بقصد الكبُر .. وانا خايف منهن الاتنين! باقي لك الاتنين ما بخلننا؟

..
.
ياخى ما ترد على موضوعك الطرحتو دا
شنو فوق
وشكرا ..

دى قضية ولا ونسه ؟؟
قرقر قرقر

--------
بالطريقة دى ما حتاخد القيد بالخبرة
الا بالامتحان ..

هههههههه

تبللدينا

اصبر لي شوية

انا مشلهّت

Quote: تبللدينا اصبر لي شوية انا مشلهّت

ههههههههههههههههههه

التسوي بيدك يغلب اجاويدك..

القال ليك منو شور البوستات في المنبر زي البضاعة البايري؟؟

..
.
مش كدا بالله يا سارا ...
يكتب الموضوع ويقول انا مشلهت
اساسا دا اسلوبو انا عارفو ..
بحاول اعصر عليهو

---------

النيو لوكـ كدا

اسوي شنو يا سارة.؟.. الشلاقة الودرت اشاقة

.....

Quote: انا بقصد الكبُر .. وانا خايف منهن الاتنين! باقي لك الاتنين ما بخلننا؟

الكُبر ما مشكلة يا سجيمان يا أخوى

كعب عدم الشُّكُر .

صاحبن لى مسخوط كدا أكان زعل من زول

يشبكو ليك :" يبقن عليك كُبُر و عدم شُكُر "


بمناسبة الونسة فى المقابر:


برضو كويس طالما لسه فى ناس يتمشى الدافنة

أنا خايف يجينا يوم ، الواحد إلا يجهِّز مطمورتو براهو

من بدرى ، و يكريلو جماعة من ضو على الدفن و بالمرَّة

يشوفلوا ناساً تبكيهو و تحزن عليهو .










ما دايم عِِلّلا الدايم..

وحِّدووووووه .






......

الوليد عمر

Quote: يشوفلوا ناساً تبكيهو و تحزن عليهو .

والله الزول بعد يموت .. ما بتفرق معاهو .. انشا الله يسو حفلة

<font face="Tahoma" size="5" color=red>
فوق من اجل مقابر الانتخابات