Post: #1 Title: توقعاتكم للأحزاب الحاتاخد سيك فى الإنتخابات... Author: Balla Musa Date: 02-22-2010, 04:46 PM
أنا أتوقع الحزب الليبرالى نمبر ون.
Post: #2 Title: Re: توقعاتكم للأحزاب الحاتاخد سيك فى الإنتخابات... Author: Balla Musa Date: 02-22-2010, 04:48 PM Parent: #1
حق وأفرعها..
Post: #3 Title: Re: توقعاتكم للأحزاب الحاتاخد سيك فى الإنتخابات... Author: Balla Musa Date: 02-22-2010, 04:52 PM Parent: #2
الأثنين حايحصل عليهم الحصل للوطنى الإتحادى سنة ستة وتمانين عندما انشق على محمود حسنين والوسيلة وأبوعاقلة وعلى أبوسن وعلى عثمان وخالد المبارك على الميرغنى.
Post: #4 Title: Re: توقعاتكم للأحزاب الحاتاخد سيك فى الإنتخابات... Author: Balla Musa Date: 02-22-2010, 04:54 PM Parent: #3
المؤتمر السودانى (مؤتمر الطلاب المستقلين سابقا)
Post: #5 Title: Re: توقعاتكم للأحزاب الحاتاخد سيك فى الإنتخابات... Author: Abdel Aati Date: 02-27-2010, 01:04 AM Parent: #1
سلام بله
Quote: توقعاتكم للأحزاب الحاتاخد سيك فى الإنتخابات... أنا أتوقع الحزب الليبرالى نمبر ون.
السؤال أولا : ما هو مفهومك لأخد "سيك" في الانتخابات حتى نتفق معك او نختلف في توقعك ان الحزب الليبرالي (اظنك تقصد الديمقراطي الليبرالي) سيكون الأول منها
Post: #6 Title: Re: توقعاتكم للأحزاب الحاتاخد سيك فى الإنتخابات... Author: أسامة الفضل Date: 02-27-2010, 01:45 AM Parent: #5
حكيمنا سلامات
إنت عارف إنو ده قبول الحكومة - المؤتمر - يعنى جماعتك ديل ما بنلامو إلا على التسمية الصاح بس . الحل الوحيد إذا بحلهم يسموا و يحلفوا بالطلاق بعد داك إلا يلعبوا هم و بعد داك ما في شيئ مضمون.
Post: #7 Title: Re: توقعاتكم للأحزاب الحاتاخد سيك فى الإنتخابات... Author: ضياء الدين ميرغني Date: 02-27-2010, 03:25 AM Parent: #6
لقيتك حريف وست عديييييييييل يا اسامة الفضل لكن فعلا الآتو بتاع الاحزاب دى كلها ما بياكل عيش مع حزب الحكومة طالما كانت السناير فى ايديهم
Post: #8 Title: Re: توقعاتكم للأحزاب الحاتاخد سيك فى الإنتخابات... Author: Balla Musa Date: 02-27-2010, 04:52 AM Parent: #7
Quote: السؤال أولا : ما هو مفهومك لأخد "سيك" في الانتخابات
يعنى ماتاكل ولا يد ياعادل.
Post: #9 Title: Re: توقعاتكم للأحزاب الحاتاخد سيك فى الإنتخابات... Author: محمد عثمان محمد طه Date: 02-27-2010, 05:11 AM Parent: #8
نقد ذاتو وقع ليهو وطوالي علي الرئاسة و اخلي دائرته بالديم
Post: #10 Title: Re: توقعاتكم للأحزاب الحاتاخد سيك فى الإنتخابات... Author: Balla Musa Date: 02-27-2010, 07:32 AM Parent: #9
تعرف يا أسامة الناس ديل كلهم زول قال فيهم باص مافى وكمان فيهم واحدين التسمية قايمة منهم بمربوطة. الزول المسمى مربوطة دا أنا شفت ورقو أبيض وعندو شايب فرمالة وفى بوهية قصيرة..
زميلوا متكيف يسنفك المؤتمر فى قبولو ورفعا عشرة على مربوطة زميلو وهو قاعد ميطى معتمد على بوهية واحدة طويلة وفاقد فيها الآس والدامة.. ناس المؤتمر أخدوا الموضوع بطريقة جادة ولعبوا قبولم وهاك ياقصقصة .. ربك يستر لحدى الآن الجماعة يد ما أكلوها وناس المؤتمر قربوا يفرشوا.
Post: #11 Title: Re: توقعاتكم للأحزاب الحاتاخد سيك فى الإنتخابات... Author: Balla Musa Date: 02-27-2010, 07:46 AM Parent: #10
ضياء الدين ربنا يكتب سلامة الوالد
إنتو القيم دا ماخاشين فيهو؟
Post: #12 Title: Re: توقعاتكم للأحزاب الحاتاخد سيك فى الإنتخابات... Author: Balla Musa Date: 02-27-2010, 08:52 AM Parent: #11
Quote: نقد ذاتو وقع ليهو وطوالي علي الرئاسة و اخلي دائرته بالديم
محمد عثمان
شايب الشيريا دا بالذات ناس الليبرالى جلدوا بالدو وناس حق جلدوا بالتريس المؤتمر لبعم التلاتة بالخمسة. مع إنو الليبرالى وحق لو لعبوا معاه كان حيكون مراقتم.
Post: #13 Title: Re: توقعاتكم للأحزاب الحاتاخد سيك فى الإنتخابات... Author: محمد حيدر المشرف Date: 02-27-2010, 08:52 AM Parent: #11
سيك بمعنى ولا يد واحده .. الاحزاب على قفا من يشيل سيك حامضه بمعنى مقلب كبير .. حياخدها المؤتمر الوطنى وفى قبولو زى ما قال اسامه .. الا أن يفوز بأغلبيه مطلقه .. ولن تكون هناك اغلبيه مطلقه بحساب الخمسه مليون بطاقه بتاعت الحركه الشعبيه يا بله هذا والله أعلم ..
Post: #14 Title: Re: توقعاتكم للأحزاب الحاتاخد سيك فى الإنتخابات... Author: امير مصطفى احمد Date: 02-27-2010, 09:31 AM Parent: #13
الحركة الشعبية حتاخذ سيك حتى لو خرخرت ودكت الورق .
Post: #15 Title: Re: توقعاتكم للأحزاب الحاتاخد سيك فى الإنتخابات... Author: محمد حيدر المشرف Date: 02-27-2010, 09:48 AM Parent: #14
زيد عليهم 40 مقعدا برلمانيا إضافيا للجنوب* كتسويه للاحصاء السكانى المضروب .. كما ورد الآن فى البي بي سي ..
* لا اعلم هل بذلك تصبح مقاعد البرلمان 490 .. ولا أخوك مجلى ؟
Post: #16 Title: Re: توقعاتكم للأحزاب الحاتاخد سيك فى الإنتخابات... Author: Balla Musa Date: 02-27-2010, 10:02 AM Parent: #15
يامشرف
أولا الحمد لله على سلامتك
وثانيا المقصود بالسيك ليس هو سقوط عضو من حزب.. لا..لا المقصود الحزب مايفوز بأى مقعد رئاسة أو برلمان أو ولائى ولا حتى يفوز داخل منزلهم.
الحزب الشيوعى كان ممكن أن يضمن نقد وهو متحكر فى مقعده فى الديم.. والإتحادى كان ممكن يكسب مقعد إضافى لو نزل حاتم السر فى الدوائر الجغرافية.. وحزب الأمة كان ممكن يكسب مقعد إضافى لو الصادق نزل فى الجبلين (خصوصا وهو يحب الجبلين وما بينهما).. عرمان غايتو ليهو الله وعيشة السوق غايتو تانى إلا يتاوق بشبابيك المجلس الوطنى ٠ (خصوصا لو حصل انفصال).. من الشيوعى وانت نازل مابعتبر سيك لكن أيادى ضعيفة.
Post: #17 Title: Re: توقعاتكم للأحزاب الحاتاخد سيك فى الإنتخابات... Author: Balla Musa Date: 02-27-2010, 10:15 AM Parent: #16
Quote: الحركة الشعبية حتاخذ سيك حتى لو خرخرت ودكت الورق .
يا أمير
لو بتقصد فى الرئاسة دى أصلها بوشة الحركة (نظام زوغة للزميل وكدا) . برضو احتمال تكون كشكشة للشايب اب حنة عشان الآس عند الزميل بتاع نيفاشا.
Post: #18 Title: Re: توقعاتكم للأحزاب الحاتاخد سيك فى الإنتخابات... Author: Basheer abusalif Date: 02-27-2010, 11:10 AM Parent: #17
لكن لو تيم واحد بقت فيه (مربوطتين)، و كمان بوهيتين مختلفات واحدة في الشمال و التانية في الجنوب.. قطع شك (بسيكوا) التيم التاني حتي لو كان (قبولوا) أو هو (البيوزع) الورق و ما بيحلوا إلا يفكر يعمل (دك) تاني من جديد!
Post: #24 Title: Re: توقعاتكم للأحزاب الحاتاخد سيك فى الإنتخابات... Author: Abdel Aati Date: 03-01-2010, 00:48 AM Parent: #16
سلام يا بلة
Quote: وثانيا المقصود بالسيك ليس هو سقوط عضو من حزب.. لا..لا المقصود الحزب مايفوز بأى مقعد رئاسة أو برلمان أو ولائى ولا حتى يفوز داخل منزلهم.
طيب كدا فهمت كلامك اصلو انا بليد شوية في الكتشينة وما قاعد العبا
عن الاحزاب التي ذكرتها - حق ؛ الديمقراطي الليبرالي؛ المؤتمر السوداني - فهذه أول انتخابات تخوضها؛ لذلك اذا لم تفز بأي مقعد فيبقى لها شرف المنازلة وانها لم تركن للقديم وخطت بعزيمة واصرار رغبتها في نقل التزامها بضرورة الصراع الديمقرلطي وبالالية الانتخابية كآلية وحيدة للتغييرمن حيز البرامج والنظريات الى حيز العمل المباشر.
اصدقائنا وحلفائنا الاماجد من حزب المؤتمر السوداني لهم الحظ الاوفر في تحقيق نتائج طيبة على مستوى الاصوات؛ ولهم فرصة ممتازة للمنافسة في دائرة النهود حيث ينزل رئيس الحزب الاستاذ ابراهيم الشيخ؛ واتوقع ان يحقق المؤتمر مفآجات جيدة وكل دعمنا لهم .
بالنسبة لحق فهي لم تنزل بكل ثقلها معركة الانتخابات؛ ومرشحتها الاستاذة نعمات ابو بكر هي ضمن القائمة النسوية الموحدة في ولاية الخرطوم والتي تنزل باسم حزب المؤتمر السوداني وتقودها الشقيقة ريهان الريح الشاذلي ؛ وفيها ايضا مرشحتنا المهندسة عبير خالد؛ كما اعلم عن نزول القيادي بحق الاستالذ محمد ابو جودة بالجزيرة .. لهم مني التحية ولي ثقة انهم سيحققون نتائج طيبة .
عن مرشحينا فنحن لم ننزل هذه الانتخابات بكل ثقلنا؛ وذلك لسبب الاساسي وهو التعنت في تسجيل الحزب من طرف النظام؛ ولكن بعض مرشحينا قد نزلوا كمستقلين؛ كما ندعم عددا كبيرا من مرشي القوى الديمقراطية ومن بينهم مرشحين للحركة الشعبية وسانو والوطني الاتحادي والمؤتمر السوداني والتحالف الوطني السوداني الخ؛ وكذلك عددا من المستقلين ؛ وفوز اي من هؤلاء المرشحين ممن ندعمهم يعني اننا لن نطلع سيك ؛ فوق ان مرشحتنا بدائرة كادقلي الاستاذة نور تاور كافي يمكن ان تقلب كل الحسابات؛ وفرص فوزها اكثر من 60%؛ وكذلك مرشحنا لتشريعي ولاية جنوب كردفان عن دائرة المجلد الاستاذ مدثر خميس عضو المكتب التنفيذي للحزب؛ والذي نرى فرصه للفوز كبيرة .
بعدين يا اخي حتى الان ما اعلنا من هو المرشح الذي ندعمه للرئاسة؛ وغالبا لن يطلع سيك ..
Post: #19 Title: Re: توقعاتكم للأحزاب الحاتاخد سيك فى الإنتخابات... Author: ضياء الدين ميرغني Date: 02-27-2010, 12:32 PM Parent: #11
Quote: ضياء الدين ربنا يكتب سلامة الوالد
إنتو القيم دا ماخاشين فيهو؟
اللهم آمين يادكتور بله لا والله ما خاشين نخش فيهو ساي اسم لعبنا نتسفنك ونجى راجعين؟
Post: #20 Title: Re: توقعاتكم للأحزاب الحاتاخد سيك فى الإنتخابات... Author: علاء الدين يوسف علي محمد Date: 02-27-2010, 12:41 PM Parent: #19
دة الأول لأنُّو قاري و مُذاكِر و مجتهِد و لكل مجتهد نصيب
Post: #21 Title: Re: توقعاتكم للأحزاب الحاتاخد سيك فى الإنتخابات... Author: عبد اللطيف السيدح Date: 02-27-2010, 12:43 PM Parent: #19
المؤتمر الوطني لاعبة ومتخيل شايب الأتو حقه ده بمرقه والاتو موزع
الحركة الشعبية سنيرة دامة وحزب الأمة عنده الأس
المؤتمر الوطني يمرر دامة الحركة الشعبية تأكل
يعفصة بالشايب حزب الأمة يخت الأس
غايتو شوف ليكم بهية تاني تخارجكم يا ناس المؤتمر الوطني الأتوه ده يد واحد ما بتلقوها فيه
Post: #23 Title: Re: توقعاتكم للأحزاب الحاتاخد سيك فى الإنتخابات... Author: Balla Musa Date: 02-27-2010, 05:12 PM Parent: #22
مرحب بكل الإخوة المحللين الديكوشتينيين..
غايتو الناس الحرفو البوست عن مسارو رسلنا فيهم شكوى لمفوضية المنبر..
ياجماعة قلنا سيييييييييييييييييك يعنى الحزب لن يستطيع المتاوقة من أى شباك متاح فى الإنتخابات..
Post: #25 Title: Re: توقعاتكم للأحزاب الحاتاخد سيك فى الإنتخابات... Author: Rawia Date: 03-01-2010, 01:21 AM Parent: #23
مــــــــــــــــابتدي حريف
__________ أو الكيشة قدمو
Post: #26 Title: Re: توقعاتكم للأحزاب الحاتاخد سيك فى الإنتخابات... Author: أسامة عبد الجليل Date: 03-01-2010, 01:38 AM Parent: #25
يا دوك سلامات
الأحزاب القلتها دي كلها متوقع تأخد سيك
لكن بتكون (إسنة ورق) زي ما قال ليك ضياء ميرغني
ممكن تضيف ليها الإتحاد الإشتراكي برضو.
Post: #27 Title: Re: توقعاتكم للأحزاب الحاتاخد سيك فى الإنتخابات... Author: طلعت الطيب Date: 03-01-2010, 02:25 AM Parent: #26
الاخ بلة تحياتى الاجابة على سؤالك ترتبط بطرح الاسئلة الصحيحة مثل< ما هو المرجو من الانتخابات لفائدة المواطن العادى؟ حق والليبرالى والمؤتمروغيرها من القوى الجديدة مازال المشوار امامها طويل ونموهما يرتبط بتوفر شروط معينة من اهمها مدى استعدادهم للتوحد فى اطار برنامج حد ادنى يلى ذلك بناء التنظيم بشكل خلاق وهو شىء ممكن حدا وفى هذه الحالة يمكن ان يكون العائد كبير فى انتخابات قادمة نرجع لسؤالنا المهم وفى تقديرى ان الاجابة الصحيحة تكمن فى مدى فعالية السياسات الهادفة الى تفكيك النظام الشمولى ، متى يتم ذلك لا ادرى ولكن المعارضة ممثلة فى تحالف اجزاب جوبا اضاعت فرصة كبيرة عندما لم تشترط الغاء القوانين وكسر احتكار الاعلام .. خاصة فى ظروف يلهث فيها المؤتمر الوطنى لهثا من اجل الشرعية حاصة بعد دارفور والجنائية .. الغاء القوانين المقيدة للحريات (قانون الامن القومى ) وكسر الاحتكار الاعلامى كانت افضل المداخل فى مهمة التفكيك لانها عملية (.........)يلة ومعقدة a long process a head
Post: #28 Title: Re: توقعاتكم للأحزاب الحاتاخد سيك فى الإنتخابات... Author: الخير محمد عوض Date: 03-01-2010, 03:02 AM Parent: #27
السيك زي ما قال ليك اسامة يا بلة حا يكون سيك ورق وموش ورق وبس, ما تنسى القبول عند ناس الشدرة الورق بتاعم قافل ( والموزع ايدو طااااااااعمة)
Post: #29 Title: Re: توقعاتكم للأحزاب الحاتاخد سيك فى الإنتخابات... Author: Balla Musa Date: 03-01-2010, 04:39 AM Parent: #28
