Post: #1
Title: بنك الخرطوم ...كروت شحن ساااي الكلام دة مابجي
Author: عمر عشاري
Date: 02-22-2010, 02:55 PM
|
Post: #2
Title: Re: بنك الخرطوم ...كروت شحن ساااي الكلام دة مابجي
Author: عمر عشاري
Date: 02-22-2010, 02:57 PM
Parent: #1
كنت قد طلبت من الأصحاب التوجه لمطعم أمواج في دعوة غداء حتى الإشباع ففي ذلك اليوم كنت على موعد مع صرف أرباحي السنوية من وديعة كنت قد أودعتها بنك الخرطوم
|
Post: #3
Title: Re: بنك الخرطوم ...كروت شحن ساااي الكلام دة مابجي
Author: عمر عشاري
Date: 02-22-2010, 03:04 PM
Parent: #2
المهم وصلت البنك في نهاية يوم عملي المعتاد ووقفت أمام الموظفة المعنية وفي بالي أن أقوم بصرف أرباحي المعتبرة ...
مرفق كما هو واضح كشف حساب لمايزيد عن عام كامل كانت الأموال الموضحة أعلاه موجودة لدى البنك 14 شهر إلتزمت فيها بأن لايقل رصيدي عن ال 5مليون مقابل أرباح معقولة كما جاء على لسان موظف البنك الذي أقنعني بالفكرة
|
Post: #4
Title: Re: بنك الخرطوم ...كروت شحن ساااي الكلام دة مابجي
Author: عمر عشاري
Date: 02-22-2010, 03:11 PM
Parent: #3
المفاجأة كانت أن أرباحي من مبلغ وصل في بعض الشهور ل 30 مليون وخلال 14 شهر بالكمال والتمام هي ( 475 ج )
الأمر الذي جعلني أفكر كيف يستثمر هذا البنك أموال الناس ؟
وودت لو أتيحت لي الفرصة في بداية المدة أن أنصحهم بأن يشتروا بأموالي كروتا للشحن ثم يمضي بها السريحة في شارع المك نمر لكان الوضع أفضل بكثير
|
Post: #5
Title: Re: بنك الخرطوم ...كروت شحن ساااي الكلام دة مابجي
Author: عمر عشاري
Date: 02-22-2010, 03:18 PM
Parent: #4
حقيقة لاعلاقة لي بالمصارف وكيفية إدارة أموال الودايع ...ولكني علمت أن هامش الأرباح في حال الإستثمار في كروت الشحن قد يصل في بعض الأحيان لعشرة في المائةمن شركة زين مثلا
وبعملية حسابية بسيطة يكون شراء كروت شحن بقيمة عشرة مليون ولشهر واحد ( خليك من 14 شهر ) تصل أرباح هذا الشراء ثم البيع إلي مليون جنيه
وحسب تضريباتي كزول ماضليع في التجارة إنو أرباح قروشي في شهر مفروض تكون مليون...ولا كيف ياجماعة ؟
أنتظر آراء الناس العندهم خبرة في مجال البنوك في تصحيح المفاهيم دي
لأنو أرباح 475 ج دي تعبااانة أديييل كدة
|
Post: #6
Title: Re: بنك الخرطوم ...كروت شحن ساااي الكلام دة مابجي
Author: عمر عشاري
Date: 02-22-2010, 03:26 PM
Parent: #5
المهم ياجماعة أنا هسة ماشي على أمواج بعد محاولاتي الفاشلة في الفترة الماضية إقناع الشباب بضآلة الأرباح
وبما إنو الراجل بمسكوهو من لسانو
فأنا أحتسب مصيبتي أعلاه ...على أن تكون فرصة أن يبصرنا الخبراء عن كيفية إدارة البنوك للإستثمارات
وهل البنوك برة برضو تعبانة كدة ؟
يعني نستفيد مما حصل في شي مفيد لو مافي قروش يكون في معلومات على الأقل
كما لايفوتني أن أبعث بإشفاقي الشديد إلى إدارة الإستثمار في البنك والتي يبدو أن محل الإتصالات الذي بطرف حلتنا يفكر بطريقة أكثر عملية في إدارة أمواله منها ...وبجيكم راجع بعد القضاء على هذه الأرباح المسكينة في وجبة دجاج واحدة
|
Post: #8
Title: Re: بنك الخرطوم ...كروت شحن ساااي الكلام دة مابجي
Author: طارق أحمد عثمان
Date: 02-22-2010, 04:06 PM
Parent: #7
أخونا عمر عشاري تحياتي
أولا: ما شاء الله على حسابك وحركته ورصيده المتبقي
تاني حاجة: الحساب الجاري في البنوك ليس له فوائد ومما يبدو فإن حسابك حساب جاري
وحساب الوديعة (حسب معرفتي المتواضعة) يختلف عن الحساب الجاري ولا يدمج معه.
تالت حاجة: المرة الجاية ما تنسانا من صالح العزومات في أمواج...
|
Post: #9
Title: Re: بنك الخرطوم ...كروت شحن ساااي الكلام دة مابجي
Author: WAD ELGAALI#4
Date: 02-22-2010, 05:29 PM
Parent: #8
يازول احمد الله انها ما راحت ياخى انا ختيت عندهم تسعه الف دولار لمن رجعت بعد سنه الفروض تكون مرابحه لقيت قروشى تسعين دولار يالله ويامين رجعولى قروشى بعد سنة واربعه شهور وبعدا بالواسطه وحلفتا تانى ما ادخل لى بنك عندى ود خالى شغال فى السوق قلع منى سفرتى الاخيره دى شهر تسعه الفين وتمانيه حوالى اطناشر الف دولار وانا داخل على صالة المغادره كنت مرجعم معاى قبلى اسبوعين ادى الوالده طمنتاشر الف لحدى هسى راسى مليان عملا كيف يا زول نصيحتى ليك اختى البنوك واقع سوق الله اكبر دا وتعال لومنى بعداك لكن بس اعمل حسابك ماتقعلك فى تمساح
المهم يازول القروش كفن الغداء ول قلبتوهو انقلش بوكت
|
Post: #10
Title: Re: بنك الخرطوم ...كروت شحن ساااي الكلام دة مابجي
Author: بكري عباس علي
Date: 02-22-2010, 08:52 PM
Parent: #9
الاخ عمر
تحياتي
كما ذكر لك الاخ بان الحساب الجاري ليست له فوائد والفوائد هي لحسابات الودائع فقط ولكن ماذا تقصد بمبلغ 475 جديد ولا قديم ؟
|
Post: #11
Title: Re: بنك الخرطوم ...كروت شحن ساااي الكلام دة مابجي
Author: عمر عشاري
Date: 02-23-2010, 06:27 AM
Parent: #10
Quote: الاخ عمر
تحياتي
كما ذكر لك الاخ بان الحساب الجاري ليست له فوائد والفوائد هي لحسابات الودائع فقط ولكن ماذا تقصد بمبلغ 475 جديد ولا قديم ؟ |
يابكري سلامات
الحساب الأنا قاصدو دة حساب هجين بين الوديعة والحساب الجاري وفيهو أرباح
فكرتو إنك ممكن تتصرف في الحساب بس ماتنزل من 5 مليون ( قديم )
وأنا حسابي مانزل للمبلغ دة إلا مرة واحدة بس
وطبعا الأرباح بالقديم
ياخ أنا متأكد إنو الناس ديل ماراكبين عدلهم
|
Post: #12
Title: Re: بنك الخرطوم ...كروت شحن ساااي الكلام دة مابجي
Author: حسين نوباتيا
Date: 02-23-2010, 07:11 AM
Parent: #11
Quote:
المفاجأة كانت أن أرباحي من مبلغ وصل في بعض الشهور ل 30 مليون وخلال 14 شهر بالكمال والتمام هي ( 475 ج )
|
الاخ عمر سلام..
هذه الخاصية ( تقلب الارباح )غير متوفرة في حساب الودائع الثابتة certificate of deposits ولا الحسابات الجارية او التوفير checking or saving accounts
بل في حسابات الاستثمار وهناك انواع عديدة من حسابات الاستثمار تحت مسميات عديدة - والعتب هنا على الشخص الذي اشار عليك بفتح هذا الحساب المعين دون شرح كافي
لماهية هذا الحساب -
كما ذكرت ان حسابات الاستثمار عديدة ولكن بشكل عام يمكن تقسيمها للاتي:-
- استثمار عالي الخطورة - وهذا قد يدر عليك ارباح عالية و في نفس الوقت قد تفقد راس المال
- استثمار متوسط الخطورة - وهذا قد يمكنك من جني ارباح معقولة لكن يمكن ان تخسر الارباح مع بقاء راس المال في امان
استثمار محافط- وهذا عادة فيه ارباح ضعيفة ولكن لا خوف على الارباح او راس المال
اذا اوردت معلومات اضافية عن نوعية الحساب وطريقة عمله يمكننا افادتك بشكل اكبر -
تحياتي..
|
|