Post: #1
Title: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 11:16 AM
حذرني صديقي قمر بوبا فلم استبين النصح إلا بعدما خربت مالطا
______
اعمل Scanning للفاتورة وبجيكم راجع لتقبل العزاء والمواساة
|
Post: #2
Title: Re: .★ إحذروا زين كونكت .. فقد حدث معي هذا !! ★.
Author: محمد عمر الفكي
Date: 02-22-2010, 11:19 AM
Parent: #1
حاضر يا عمك
قبل ما تجيب الفاتورة يعني تاني ما نخش من زين كونكت دي؟
|
Post: #3
Title: Re: .★ إحذروا زين كونكت .. فقد حدث معي هذا !! ★.
Author: محمد عبد الماجد الصايم
Date: 02-22-2010, 11:21 AM
Parent: #2
أنا ذاتي قلت ليكـ .. خُم وصُر!
شغال ترش في الناس يمين وشمال!
أهــو جاكـ الرش القـدر لابتوبكـ!
|
Post: #5
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 11:30 AM
Parent: #3
| Quote: شغال ترش في الناس يمين وشمال! |
ياوود الصايم
انا الآن خاشي من جهاز شركة سوداني
ناس زين اتلوموا معاي لوم شديد
هل لمعارضي الكيبورد والاخ حسن موسى وملاسي يد في هذه المؤامرة
____
لا لإسكات صوت الاغلبية الصامتة
عنهم/ عمكم وهبة
|
Post: #57
Title: Re: .★ إحذروا زين كونكت .. فقد حدث معي هذا !! ★.
Author: على تاج الدين على
Date: 02-22-2010, 08:54 PM
Parent: #5
Quote: ميزانيات كبيرة مرصودة لامنجية المنابر وبنود صرف خرافيه.
خدمات انترنت مجانية علي مدار ال 24 ساعة
الامنجيه لن يبدو اطلاقا كمناصرين بشكل واضح للمؤتمر الوطني
بل ممكن عادي يبتكروا وسائل مختلفه,ان يسوقوا انفسهم كناس بتوع مزيكا ومزاج
الخ الخ
او ناس ونسات عاديه او بيتوع شمارات و 000000...المهم يصرفوا الناس عن المواضيع الجاده
و دائما ما يحاول الشاويش امن اسفيري من ان يحرف مسار البوست بافتعال قضية جانبية او اساءة شخصية لصاحب البوست |
عبد الوهاب ...ازيك...هههههههههههه
|
Post: #6
Title: Re: .★ إحذروا زين كونكت .. فقد حدث معي هذا !! ★.
Author: منتصرمحمد زكى
Date: 02-22-2010, 11:32 AM
Parent: #3
في شنو ياجماعة ؟
أنا شغال بي زين كونكت .. قبل كده حذرتونا من سوداني
وهسع زين والدور علي MTN وكنار .. نشتغل بالأقمار الاصطناعية ولا نرجع للتلغراف ........ تحياتي للجميع
|
Post: #34
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 02:58 PM
Parent: #6
Quote: أنا شغال بي زين كونكت .. قبل كده حذرتونا من سوداني
وهسع زين والدور علي MTN وكنار .. نشتغل بالأقمار الاصطناعية ولا نرجع للتلغراف ........ تحياتي للجميع |
منتصر ياحبيب
حذرناك من سوداني وهسه بنحذرك من زين
وتتواصل التحذيرات حتى يكون في جهة أمينة تحمي المستهلك
وحسبنا الله ونعم الوكيل
|
Post: #8
Title: Re: .★ إحذروا زين كونكت .. فقد حدث معي هذا !! ★.
Author: GamarBoBa
Date: 02-22-2010, 11:40 AM
Parent: #3
يا وهبة الناس ديل بعد البوست بتاعي داك عملوا معاي عملية كعبة جدا
قطعوا لي الخدمة وانا دافع الفاتورة من اول امس بالليل لحدي الليلة الصباح
وسجلت المكالمات بيني وبينهم وهم معترفين انهم عطلوا شغلي وأكلو حقي
وضربت لمحامي
نحن ناس شكوي عديل ...محكمة
لعناية الإخـــــــوة : زين كونكت ،سامسونق موبايل، سوداني ون
المحامي ذاتو اتكيف ..النشوف نهاية الاستهتار شابكني مشكلة عامة مشكلة عامة
|
Post: #19
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 12:32 PM
Parent: #8
Quote: يا وهبة الناس ديل بعد البوست بتاعي داك عملوا معاي عملية كعبة جدا
قطعوا لي الخدمة وانا دافع الفاتورة من اول امس بالليل لحدي الليلة الصباح
وسجلت المكالمات بيني وبينهم وهم معترفين انهم عطلوا شغلي وأكلو حقي
وضربت لمحامي |
يابوبا ياحبيب
والله دي مهزلة ما بعدها مهزلة
كيف يعني يقطعوا منك الخدمة ؟!!!
ياخ الانسان السوداني دا ماعندو اي قيمة
حتى ناس الشركات الاجنبية بقوا ما بحترمونا ... مش كفاية الحكومة !!!
الناس ديل امس قطعوا الخدمة بتاعتي .
اعمل الاسكاننق وبجي احكي ليك القصة بتاعتي
وهذا فضلا عن شبكتهم الزي الزفت
جيناهم هاربين من رمضاء شركة سوداني قاموا دخلونا فرن عديل
_____
كامل الدعم والمساندة في قضيتك
|
Post: #21
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 12:55 PM
Parent: #2
| Quote: قبل ما تجيب الفاتورة يعني تاني ما نخش من زين كونكت دي؟ |
ودالفكي
انت احسن حاجة تجي تجرب براك
بعدما تلف على الشركات كللللهم
انا خايفك تاخد موقف من الانترنت نفسو 
|
Post: #9
Title: Re: .★ إحذروا زين كونكت .. فقد حدث معي هذا !! ★.
Author: سارة كرودى
Date: 02-22-2010, 11:47 AM
Parent: #4
يا حــــاج كان ما جاتك قدر ده يكون ناس زين اتلومو
على قول ود الصايم ترش ساى ال 24 ساعة ....
بسلفك حقى ( ورش لى كم نفر)
|
Post: #11
Title: Re: .★ إحذروا زين كونكت .. فقد حدث معي هذا !! ★.
Author: ابراهيم الصغير
Date: 02-22-2010, 11:49 AM
Parent: #9
مالا كنار دي..؟؟
عيبوها لي ..
|
Post: #35
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 03:03 PM
Parent: #11
Quote: مالا كنار دي..؟؟
عيبوها لي .. |
عزيزي إبراهيم الصغير
التحايا والود
كنار ؟!! اهو ماشين عليها
وانا اتخيل احسن لينا ذاتو
لانو لو خرمجو ممكن الواحد
يلفها ليك مع تبلدينا دا وباشمهندس هالة حسن
كل يوم الواحد يفتح ليهم بوست
اما ناس زين المعانا في البورد ديل
كلهم جنابوهات اللهم احفظنا 
|
Post: #12
Title: Re: .★ إحذروا زين كونكت .. فقد حدث معي هذا !! ★.
Author: وليد محمد المبارك
Date: 02-22-2010, 11:52 AM
Parent: #9
والله يا سارة
العاوز ينكتك
يكتب حرف الزين في العنوان ساكت
بتجيه ناطة
والزول التاني داك لو اشتقنا ليه
نفتح بوست بعنوانه شُرطة
يجينا طافش
هاهاهاهاهاهااهاهاهاهاهاها
غايتو نمطيين جنس نمطيه
|
Post: #14
Title: Re: .★ إحذروا زين كونكت .. فقد حدث معي هذا !! ★.
Author: سارة كرودى
Date: 02-22-2010, 11:59 AM
Parent: #12
... دى مانمطية ده اسمو ولاءءءءء
شفته كيف ..
( اطلع منها ياشفت وله ادعى عليك يشيلو عدتك
|
Post: #10
Title: Re: .★ إحذروا زين كونكت .. فقد حدث معي هذا !! ★.
Author: ابراهيم الرشيد عبدالرحمن وراق
Date: 02-22-2010, 11:47 AM
Parent: #4
الاخ وهبة
شفقتنا والله ياراجل انا يادوب بديت معاهم من قبل اسبوع, ورينا
الحاصل عشان نشوف لينا صرفة قوام وما نترشة زى ما قال ود الصايم
تحياتى
|
Post: #13
Title: Re: .★ إحذروا زين كونكت .. فقد حدث معي هذا !! ★.
Author: Mustafa Mahmoud
Date: 02-22-2010, 11:56 AM
Parent: #10
أعضاء المنبر الأمنجية
• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين!
• مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال.
• لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ.
• كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم.
• بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ.
• ما يقوم به هؤلاء لا يقل إجراماً وخطورة عما يقوم به النظام داخل البلاد.
• هم العدو فاحذرهم
|
Post: #15
Title: Re: .★ إحذروا زين كونكت .. فقد حدث معي هذا !! ★.
Author: وليد محمد المبارك
Date: 02-22-2010, 11:59 AM
Parent: #13
يا وهبة ما تاخز مصطفى ده
الايام دي البحر عندهم بكون طالع
|
Post: #17
Title: Re: .★ إحذروا زين كونكت .. فقد حدث معي هذا !! ★.
Author: GamarBoBa
Date: 02-22-2010, 12:23 PM
Parent: #15
يا مصطفي محمود
الامنجي منو؟..
|
Post: #22
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 01:00 PM
Parent: #15
Quote: يا وهبة ما تاخز مصطفى ده
الايام دي البحر عندهم بكون طالع |
ياشفت
عمك دا لتاختو دي انا بطلعها ليو من راسو
بحرو يحمر بحرو يصفر ... ياخ لو شفت شكلو في الصور
بالجد بتعذرو .. مسكين خلي يونس نفسو
المثل بيقول ليك الـ .... في ذمة الواعي
_____
النقاط املاها حسب خبرتك ههههههه
|
Post: #16
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 12:23 PM
Parent: #10
| Quote: الحاصل عشان نشوف لينا صرفة قوام وما نترشة زى ما قال ود الصايم |
ياجنابو ابراهيم
لوما كنت من مشتركي باقة الداونلود المفتوح مية المية بختوها ليك
انا قمربوبا حذرني لكن ما اشتغلت بكلامو والحصل حصل لكن تاني ما بتبقى علي
|
Post: #18
Title: Re: .★ إحذروا زين كونكت .. فقد حدث معي هذا !! ★.
Author: GamarBoBa
Date: 02-22-2010, 12:29 PM
Parent: #16
Quote: لوما كنت من مشتركي باقة الداونلود المفتوح مية المية بختوها ليك
|
يا وهبة انا المناظر العملوها لي عملوها في الفلات ريت ....هم كدة ولا كدة بختوها ليك
|
Post: #20
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 12:45 PM
Parent: #18
Quote: يا حــــاج كان ما جاتك قدر ده يكون ناس زين اتلومو
على قول ود الصايم ترش ساى ال 24 ساعة ....
بسلفك حقى ( ورش لى كم نفر) |
ياجنابو سارة
نحن مشكلتنا مع ناس زين الغواصات الزيكم ديل
انت ومزمل خيري هههههههههه
لو عملت لي اشتراك مجاني والله ابقى من ايدك دي لايدك دي
ارش ليك جنابو ذاتو
______
اللهم عليك باصدقائي اما اعدائي انا كفيل بهم
|
Post: #23
Title: Re: .★ إحذروا زين كونكت .. فقد حدث معي هذا !! ★.
Author: Tabaldina
Date: 02-22-2010, 01:05 PM
Parent: #20
..
.
Quote: مالا كنار دي..؟؟
عيبوها لي .. |
--------
اما نصحناكم ما صدقتونا
رش لى سارة كرودى زاتها
وما تنسي مزمل خيرى
بس جنابو مننا ..
|
Post: #24
Title: Re: .★ إحذروا زين كونكت .. فقد حدث معي هذا !! ★.
Author: د.امام الصديق عبد المعطى
Date: 02-22-2010, 01:13 PM
Parent: #23
.....................
وهبة
ايام الاستنفار والجهاد ... ناس الدفاع الشعبى مشوا لواحد حلفاوى للاشتراك فى الاستنفار
... فاعتذر لهم بحجة عياله .... والى من سيتركهم ؟؟؟؟؟؟؟؟؟
فرد عليه موفد الدفاع بان خليهم على الله ...... وما بتجيهم عوجة
فكان رد الحلفاوى (( يا اخى انا وهو ما قادرين ..... كمان عاوزنى اخليه براه)) ::::::::::::::::::::::::::::::
انت يا وهبة الجماعة ديل خليهم على ربهم فقط
|
Post: #25
Title: Re: .★ إحذروا زين كونكت .. فقد حدث معي هذا !! ★.
Author: د.امام الصديق عبد المعطى
Date: 02-22-2010, 01:14 PM
Parent: #23
.....................
وهبة
ايام الاستنفار والجهاد ... ناس الدفاع الشعبى مشوا لواحد حلفاوى للاشتراك فى الاستنفار
... فاعتذر لهم بحجة عياله .... والى من سيتركهم ؟؟؟؟؟؟؟؟؟
فرد عليه موفد الدفاع بان خليهم على الله ...... وما بتجيهم عوجة
فكان رد الحلفاوى (( يا اخى انا وهو ما قادرين ..... كمان عاوزنى اخليه براه)) ::::::::::::::::::::::::::::::
انت يا وهبة الجماعة ديل خليهم على ربهم فقط
|
Post: #37
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 03:14 PM
Parent: #25
| Quote: انت يا وهبة الجماعة ديل خليهم على ربهم فقط |
ياد.إمام الصديق
كيفنك
كان علي انا بخليهم سااااي
قول هم اليخلوني لربي
دقايق بس انزل صورة الفاتورة
ليكم ولعناية الجماعة بتاعين الميزانيات المفتوحة
|
Post: #36
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 03:09 PM
Parent: #23
Quote: اما نصحناكم ما صدقتونا
رش لى سارة كرودى زاتها
وما تنسي مزمل خيرى
بس جنابو مننا .. |
ياتبلدينا ما اهو ماشين عليكم
سارة كرودي دي ما بقدر ارشها لأنو
ممكن ترسل اشتراك مجاني والعشم لسه في
مزمل خيري بعد صلعتو دي يرشو ليهو شنو كمان
اما جنابو المننا ربنا يسلط عليهو هشام هباني
او مصطفى محمود لمن يتكلم براو عشان تاني ما يناسب ناس زين
كااااااااااااااااكـ
|
Post: #26
Title: Re: .★ إحذروا زين كونكت .. فقد حدث معي هذا !! ★.
Author: أبوعبيدة محمد الأمين
Date: 02-22-2010, 01:20 PM
Parent: #20
الأستاذ عبدالوهاب على الحاج
السلام عليكم ورحمة الله وبركاته
ماعرفنا الحاصل لحدي الآن لكن كل شركات الإتصال في السودان تعمل وفق مصلحتها
فقط ولا إعتراض على ذلك ولكنها لاتضع للعميل أي إعتبار وذلك لغياب الرقابة الرسمية
عليها من قبل الدولة ممثلة في الهيئة القومية للإتصالات.
الليلة جبتها من الآخر
Quote: نحن مشكلتنا مع ناس زين الغواصات الزيكم ديل
انت ومزمل خيري هههههههههه |
والله حبيبنا مزمل خيري ده أنا كنت فاكر إنه زول حقاني
أتاريهو طلع من جماعة زين
عاجل الى شركة زين للإتصالات - السودان : لدي مشكلة كبيرة ولاتحتمل تأخير
|
Post: #27
Title: Re: .★ إحذروا زين كونكت .. فقد حدث معي هذا !! ★.
Author: سارة كرودى
Date: 02-22-2010, 01:29 PM
Parent: #26
Quote: ياجنابو سارة
نحن مشكلتنا مع ناس زين الغواصات الزيكم ديل
انت ومزمل خيري هههههههههه
لو عملت لي اشتراك مجاني والله ابقى من ايدك دي لايدك دي
ارش ليك جنابو ذاتو
|
اها جعوليه منى اشتراك مجان ومفتوح ...
اللسته برسله ليك بمسج ( بس ماتنط )
وقول واحد .... .........
|
Post: #28
Title: Re: .★ إحذروا زين كونكت .. فقد حدث معي هذا !! ★.
Author: GamarBoBa
Date: 02-22-2010, 01:43 PM
Parent: #27
Quote: اها جعوليه منى اشتراك مجان ومفتوح ...
|
اها بتركز يا وهبة ولا بتقوم جاري للاوفر ده؟
|
Post: #29
Title: Re: .★ إحذروا زين كونكت .. فقد حدث معي هذا !! ★.
Author: صلاح أبودية
Date: 02-22-2010, 01:56 PM
Parent: #28
عارف يا وهبة !
أجمل حاجة فى البوست بتاعك ده شنو؟
بعد ما تفتح البوست نجومك دى بتبقى حمراااااء !!!
|
Post: #30
Title: Re: .★ إحذروا زين كونكت .. فقد حدث معي هذا !! ★.
Author: omer osman
Date: 02-22-2010, 02:18 PM
Parent: #29
Quote: ياجنابو سارة
نحن مشكلتنا مع ناس زين الغواصات الزيكم ديل
انت ومزمل خيري هههههههههه
لو عملت لي اشتراك مجاني والله ابقى من ايدك دي لايدك دي
ارش ليك جنابو ذاتو
|
زين كونكت قرب يرفدني ......
من يومه بقينا ناس كنار .... زي الورد
|
Post: #31
Title: Re: .★ إحذروا زين كونكت .. فقد حدث معي هذا !! ★.
Author: حمور زيادة
Date: 02-22-2010, 02:29 PM
Parent: #30
يا وهبة ياخ اكل و قش ايدك و احمد ربك.
لو شفت العذاب الفيو نحن هنا.
|
Post: #55
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 08:08 PM
Parent: #31
Quote: يا وهبة ياخ اكل و قش ايدك و احمد ربك.
لو شفت العذاب الفيو نحن هنا. |
يعني ياحمور داير تقنعني
انو نظامنا هنا احسن من نظام المصريين
استحالة طبعا !!
|
Post: #32
Title: Re: .★ إحذروا زين كونكت .. فقد حدث معي هذا !! ★.
Author: ممدوح أبارو
Date: 02-22-2010, 02:37 PM
Parent: #30
بوبا يا امنجي
اختشي
  
|
Post: #33
Title: Re: .★ إحذروا زين كونكت .. فقد حدث معي هذا !! ★.
Author: خالد سند
Date: 02-22-2010, 02:57 PM
Parent: #32
ياخال الجاتك في زينك سامحتك
اعمل حساب العده
ههههه ككككااااااااكككك
|
Post: #41
Title: Re: .★ إحذروا زين كونكت .. فقد حدث معي هذا !! ★.
Author: على محمد على بشير
Date: 02-22-2010, 03:34 PM
Parent: #33
والله يا وهبه بقيت زى ابو الريش
قاعدين منتظرنك تجيب لينا صورة الفاتوره عشان نفهم حاجه
خليتنا وقلبت البوست ونسه
ـــــــــــــــــــــــ
والله دكتور مصطفى اصلو ما غلطان عليك
كاااااااااااااااك
|
Post: #54
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 08:05 PM
Parent: #29
Quote: عارف يا وهبة !
أجمل حاجة فى البوست بتاعك ده شنو؟
بعد ما تفتح البوست نجومك دى بتبقى حمراااااء !!! |
يا ابودية
انت منو القاليك اي حاجة حمرا كويسة
عندك المريخ مثلا
|
Post: #39
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 03:22 PM
Parent: #28
| Quote: اها بتركز يا وهبة ولا بتقوم جاري للاوفر ده؟ |
يابوبا
والله بتنا سارة دي ما بقدر احرجا
كسر الخواطر ما كويس لو هي جادة
|
Post: #38
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 03:18 PM
Parent: #26
Quote: ماعرفنا الحاصل لحدي الآن لكن كل شركات الإتصال في السودان تعمل وفق مصلحتها
فقط ولا إعتراض على ذلك ولكنها لاتضع للعميل أي إعتبار وذلك لغياب الرقابة الرسمية
عليها من قبل الدولة ممثلة في الهيئة القومية للإتصالات. |
حبيبنا أبوعبيدة محمد الأمين
كيفنك اخوي
شركات الاتصال فعلا لا تضع اي اعتبار للعميل
ومرات بيدوك احساس انك شحات.. ولو انو ناس زين افضل حالا
من باقي الشركات في الاهتمام بالعميل
او قل افضل السيئين
الحاصل بشرحو بعد ما ارد على السادة الضيوق
مودتي
|
Post: #40
Title: Re: .★ إحذروا زين كونكت .. فقد حدث معي هذا !! ★.
Author: Tabaldina
Date: 02-22-2010, 03:23 PM
Parent: #38
..
.
Quote: زين كونكت قرب يرفدني ......
من يومه بقينا ناس كنار .... زي الورد |
قرقر قرقر قرقر
--------
اجمل حاجة الواحد يكون بيته زين
ويحلق بره زى الكنار فوق الورد
|
Post: #42
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 04:02 PM
Parent: #40
طيب ياحبايب
زي ما قلت قبل كدا اني استجرت بنار زين هربا من هجيرة ناس سوداني المهم انا بدفع الفاتورة بتاعتي كل شهرين مع بعض بتطلع حوالي 90 جنيه بنقطعها من قوت عيالنا من اجل الواحد يجي يصاقركم والعيال برضو يتنوروا .. اها الليلة من الصباح قادتني قدماي لمكتب شركة زين ببحري الذي هو بميدان عقرب وطالبت بالفاتورة وبنفض في جيبي وجهزت الـ 100 ومنتظر الباقي .
الموظفة مدت لي الفاتورة لمن اتخلعت ياربي دي فاتورتي براي ولا بتاعة كل الامنجية بالمنبر ,,
تصدقوا 714 + 100 جنيه لمدة شهرين فقط والكنت بدفع قصادها حوالي 90 جنيه فقط ... الموظفة قالت لي انت يوم 19/2 انت نزلت ملف وكانت قيمتو 199 جنيه علما بانو يوم الجمعة الشبكة كانت ما شغالة في بحري خالص .. وللامانة كانت بتشتغل وتقطع ونفترض كانت شغالة تش وانا عملت داونلود معقولة تحصل 199 جنيه ... حتى لو انا لو عملت داونلود لهشام هباني ظااااطو بالتكسي بتاعو .
ويوم السبت 20/2 من الصباح انا كنت مع المسلمي في العزاء وجيت منو مشينا قندهار وكل البورداب شاهدين على الكلام دا .. وجيت من قندهار نمت نومة طويلة على غير العادة وصحيت لقيت الشبكة قاطعة ولمن تشتغل بتكون معسمة لمن تزهجك خليت النت وقعدت كملت باقي شغلي اها بعد دا كللللو قالوا انت استهلكت 222 جنيه في اليوم دا .
علماً بأنو إتفاق الشركة معاي وقف الخدمة إذا تجاوزت الفاتورة مبلع الـ 100 جنيه
اها يا اخواننا دبروني ماذا افعل ؟
|
Post: #43
Title: Re: .★ إحذروا زين كونكت .. فقد حدث معي هذا !! ★.
Author: معاوية عوض الكريم
Date: 02-22-2010, 04:44 PM
Parent: #42
بيكون دا الصمرقع بتاعك دا 
تصدّق ؟
|
Post: #44
Title: Re: .★ إحذروا زين كونكت .. فقد حدث معي هذا !! ★.
Author: على محمد على بشير
Date: 02-22-2010, 04:48 PM
Parent: #42
يا وهبه
اقول ليك حاجه !
دى سرقه عينى عينك
عليك الاستعانه بمحامى يتفاهم مع الاداره القانونيه للشركه
لانو دفوعاتك قويه
وانصحك بكبسور صاحبك !
|
Post: #45
Title: Re: .★ إحذروا زين كونكت .. فقد حدث معي هذا !! ★.
Author: Balla Musa
Date: 02-22-2010, 06:06 PM
Parent: #44
ياوهبة
أول حاجة تأكد أنو مافى زول من العيال عمل حاجة من وراك ( أصلو ود الفار حفار).
وثانيا إذا لقيت الموقف سليم إن شاء الله زين تلبسا علم الحركة الشعبية.
|
Post: #46
Title: Re: .★ إحذروا زين كونكت .. فقد حدث معي هذا !! ★.
Author: على محمد على بشير
Date: 02-22-2010, 06:22 PM
Parent: #45
Quote: أول حاجة تأكد أنو مافى زول من العيال عمل حاجة من وراك ( أصلو ود الفار حفار).
|
تقصد شنو بى كلامك دا يادكتور
يعنى عيال وهبه ديل زى ابوهم , بيرشوا من طرف ساكت
اكان كدا
وهبه دا لا نناسبو لا نخليهو يناسبنا قرقرقرقرقر
|
Post: #47
Title: Re: .★ إحذروا زين كونكت .. فقد حدث معي هذا !! ★.
Author: Balla Musa
Date: 02-22-2010, 06:27 PM
Parent: #46
| Quote: يعنى عيال وهبه ديل زى ابوهم , بيرشوا من طرف ساكت |
ياعلى
إحتمال بجهزوا الداونلود ووهبة برش.
|
Post: #49
Title: Re: .★ إحذروا زين كونكت .. فقد حدث معي هذا !! ★.
Author: ابراهيم الصغير
Date: 02-22-2010, 06:43 PM
Parent: #47
والله ديل كتروها عدييييييل ...
سوداني ما عندهم بلاوي زي دي بس سرعتهم تسل الروح ..
|
Post: #48
Title: Re: .★ إحذروا زين كونكت .. فقد حدث معي هذا !! ★.
Author: Nazik Eltayeb
Date: 02-22-2010, 06:41 PM
Parent: #46
Quote: وهبة الناس ديل بعد البوست بتاعي داك عملوا معاي عملية كعبة جدا
قطعوا لي الخدمة وانا دافع الفاتورة من اول امس بالليل لحدي الليلة الصباح
وسجلت المكالمات بيني وبينهم وهم معترفين انهم عطلوا شغلي وأكلو حقي
وضربت لمحامي
نحن ناس شكوي عديل ...محكمة
لعناية الإخـــــــوة : زين كونكت ،سامسونق موبايل، سوداني ون
المحامي ذاتو اتكيف ..النشوف نهاية الاستهتار شابكني مشكلة عامة مشكلة عامة |
تحياتي استاذ عبد الوهاب و شكرا لفتح البوست
خدمة زين كونكت مقطوعة مني رغم اني دافعة الفاتورة ... اعتقدت انو الجهاز متعطل شلتو و مشيت ليهم قالو في عطل و منتظرين يتم اصلاحه
زمان فتحنا بوست عن شركات الاتصالات في السودان و قلنا هي ما أهل للثق و شنينا حملة على كنار ...كنار خدمته اتحسنت و اصبحت ارخص و اوضح
يلا نشن هجمة على زين عشان كمان تحسن خدماتها
------------
ياربي يكونوا الجماعة بتاعين زين الكويت دايرين يلحقونا البيعة بتاعة الشركة الهندية بس بعد تحقيق اخر ربحية كبيرة
|
Post: #52
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 07:40 PM
Parent: #48
Quote: ... اعتقدت انو الجهاز متعطل شلتو و مشيت ليهم قالو في عطل و منتظرين يتم اصلاحه
زمان فتحنا بوست عن شركات الاتصالات في السودان و قلنا هي ما أهل للثق و شنينا حملة على كنار ...كنار خدمته اتحسنت و اصبحت ارخص و اوضح
يلا نشن هجمة على زين عشان كمان تحسن خدماتها |
تحياتي استاذة نازك
شركة زين شركة كبيرة وشئ مؤسف انو يكون دا العلاج
انا كنت بعتقد انو الشركات الكبيرة دي بتمارس نوع
من الرقابة الذاتية على السلعة او الخدمة التي تقدمها
لكن طالما نحن حكومتنا بتخلينا في السهلة كدا ساي دون حماية للمستهلك او المواطن
بنتوقع اكتر من كدا والحي بشوف
|
Post: #56
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 08:23 PM
Parent: #46
Quote: تقصد شنو بى كلامك دا يادكتور
يعنى عيال وهبه ديل زى ابوهم , بيرشوا من طرف ساكت
اكان كدا
وهبه دا لا نناسبو لا نخليهو يناسبنا قرقرقرقرقر |
لا لا والله الشفع هادين جدا
وبعدين انت يناسبو ليك شنو
عامل بتك الصغيرة دي
دي مش ياها الكنت خاتيها في النجمة زمان ؟
_____
ربنا يحفظهم كلهم
|
Post: #51
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 07:14 PM
Parent: #45
| Quote: أول حاجة تأكد أنو مافى زول من العيال عمل حاجة من وراك ( أصلو ود الفار حفار). |
ياد.بلة
عيالي ناس منضبطين شديد والحمد لله
والايامات دي هم ذاتم مافاضين
ومشغولين بالامتحانات انا متاكد انهم ما شغلوهو
ناس زين ديل مفروض يعترفوا ان السيستم بتاعم اخطأ
ويرجعوا لي خدمتي
أنا يستحيل ادفع الـ 714 جنيه دي لو ودوني جوانتنامو
|
Post: #50
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 07:04 PM
Parent: #44
Quote: بيكون دا الصمرقع بتاعك دا
تصدّق ؟ |
كبسوووور اختشي
ياعلي بشير Quote: عليك الاستعانه بمحامى يتفاهم مع الاداره القانونيه للشركه
لانو دفوعاتك قويه
وانصحك بكبسور صاحبك ! |
والله انا لازول محاكم لا جوطة
لكن اذا استدعى الامر مافي ما يمنع
وكبسور مافاضي لي مع الانتخابات دي
|
Post: #53
Title: Re: .★ إحذروا زين كونكت .. فقد حدث معي هذا !! ★.
Author: د.امام الصديق عبد المعطى
Date: 02-22-2010, 07:50 PM
Parent: #50
>>>>>>>>>>>>
وهبة
انت ما قريت الصراف الالى عمل فينى شنو قبل كدا ؟؟؟؟؟؟؟؟؟؟؟؟؟؟
طلبت اسحب 1000 جنيه سودانى .... سلمنى فقط 20 جنيه وسحب من الرصيد 1000 حنيه كاملة
ونام على الباقى ..... وما صلح غلطه الا بعد تحانيس
الصراف الالى .... هل يمكن ان يسرق فلوسك ويرعبك ... (حدث...يوم ) فى شارع القصر
|
Post: #58
Title: Re: .★ إحذروا زين كونكت .. فقد حدث معي هذا !! ★.
Author: السيد المسلمي
Date: 02-22-2010, 09:24 PM
Parent: #53
| Quote: أنا يستحيل ادفع الـ 714 جنيه دي لو ودوني جوانتنامو |
وهبة ألعن الشيطان وأدفع فاتورتك بالله ..
إنت شغال ترش وتنزل وتلعب في الصور فاكرو ببلاش ؟؟!!
وبعدين إنت قايل جوانتنامو دي فيها ليك رحمة ؟؟!
والله يلم فيك دينق هناك يزعمطك جنس زعمطة لامن تعرف الله حق !
ــــ
بالمناسبة تلفونك مشغول طوالي ..
طمنا عليك ياخ
|
Post: #59
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 09:31 PM
Parent: #58
Quote: بالمناسبة تلفونك مشغول طوالي ..
طمنا عليك ياخ |
يا ابوالسيد
وطيب انا شغال نت بشنو ؟
قبيل استعجلت وما انتظرت منير
|
Post: #60
Title: Re: .★ إحذروا زين كونكت .. فقد حدث معي هذا !! ★.
Author: GamarBoBa
Date: 02-22-2010, 09:34 PM
Parent: #53
بالله جابوا ليك 714 جنيه ؟؟
طيب يا وهبة هل من الممكن الحقارة تصل للمواطن الدرجة دي؟
الفلات ريت 123 جنيه في الشهر
يعني انت داون لوود محدود وصلت السقف بتاع الفلات ريت المفروض يوقفوا ليك في 123 جنيه
شوف الغش..يقول ليك 5 قيقا بـ 58 جنيه واي قيقا اضافية تاني 30 جنيه يعني المفروض اخلاقيا ما يحاسبوك بعد تفوت 123 جنيه
قوووول يا وهبة انو المواطن دقس وبيستاهل واي حاجة
714 انقص منها 58 حقت الداونلود المحدود
باقي ليك 656 اللهي تقريبا 22 قيقا
انساك من الـ5 قيقا
شفت الـ 22 قيقا دي لو زين كونكت ده بتخته في الصينية وتاكله ولا بتخته حجر في الشيشة المفروض ما يصل السعة دي
يعني يا معلم انت استهلاكك الشهري 27 قيقا دي بمعدل قريب من 1 قيقا في اليوم لما تزيد ليها الخمسة قيقا الاساسية
دة لو شلت الكونكت وركبته في الحنفية وجريت منها لجيرانك ما بحصل
الناس دي مجنونة خلي بالك
اصلو لو الواحد حيدفع 714 لفاتورة انترنت كونكشن ما يمش يسكن في برشلونة مقابل الكمب نو البودينا بحر الشجرة شنو يعني
|
Post: #61
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 10:22 PM
Parent: #60
| Quote: بالله جابوا ليك 714 جنيه ؟؟ |
يابوبا عليك النبي شفت محن الناس ديل ؟
لا والموظفة قالت لي شنو تعرف
لما قلت ليها عايز اقابل المدير ؟
ادفع وبعدين احتج No way لازم تدفع ..نو واي دي قالتها هي بالانجليزي
ياخ الناس ديل غلطانين مافي كلام ولمن عصرت عليهم بحنك سنين قالوا لي كدي خلاص شيل الفاتورة دي وامشي نحن بعد شوية حنتصل بيك
عييييك ليوم الليلة زول هببوا لي مافي ..
انا ماداير معاهم تاني بس يشيلو جهازهم ويدوني قروشي الدفعتها قصاد الجهاز...
ياخ المواطنين ديل مهريين هري قول نحن الظروف خدمتنا وبنكتب هنا
وقادرين نوصل صوتنا ..
المواطن العادي مابقدر يوصل احتجاجو لا بالاذاعة ولا في الصحف ..
وناس الصحف بخافوا عديل من ناس زين وشركات الاتصال عموما
عشان الاعلانات وكدا ..
غايتو نقول حسبنا الله ونعم الوكيل
|
Post: #63
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-22-2010, 10:37 PM
Parent: #61
حسب ما ورد في الفاتورة بتاعة شركة زين
لحساب العبد الفقير إلى مولاه عبدالوهاب علي الحاج الحسن
استهلاكي في يوم السبت 20/2 كان 222 جنيه
اول ما فتحت النت كان حوالي الساعة التاسعة الا ربع ليلا
وكان دا شكل الانترفيس بتاع الخدمة
لاحظ عزيزي القارئ للآتي :
بعد عشرة دقائق وخمسين ثانية
وهو في الحالة Connected
الـ Download = صفر ك ب/ث
والـ Upload = صفر ك ب/ث
بس اقنعوني ياناس زين الـ 222 جنيه جات كيف ومن وين ؟
حسبي الله ونعم الوكيل
|
Post: #62
Title: Re: .★ إحذروا زين كونكت .. فقد حدث معي هذا !! ★.
Author: أمين محمد سليمان
Date: 02-22-2010, 10:26 PM
Parent: #60
وهبه و قمر بوبا
بالله خلو الجرسه و ادفعو للناس دي قروشها !!
أول مره أشوف لي ناس تشيل البضاعه و ما تدفع ودايره تمشي تشتكي في المحكمه !!
------
بعدين يا وهبه وين الميزانيات الكبيره المرصوده ليكم ، إنتو بتلعبو علينا ولا شنو ؟!!!!!
|
Post: #65
Title: Re: .★ إحذروا زين كونكت .. فقد حدث معي هذا !! ★.
Author: عمر صديق
Date: 02-22-2010, 10:52 PM
Parent: #62
وهبة وانت الصادق
انا اصبحت مستجيرا من رمضاء سوداني الي نار زين كونكت
|
Post: #70
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-23-2010, 08:04 AM
Parent: #62
Quote: وهبه و قمر بوبا
بالله خلو الجرسه و ادفعو للناس دي قروشها !!
أول مره أشوف لي ناس تشيل البضاعه و ما تدفع ودايره تمشي تشتكي في المحكمه !! |
امين خال حمور
خليني انا المستهبل دا اللسة مادفعت دا
ياخ قمربوبا دافع الفاتورة كاملة
وبرضو قطعوا منو الخدمة | Quote: بعدين يا وهبه وين الميزانيات الكبيره المرصوده ليكم ، إنتو بتلعبو علينا ولا شنو ؟!!!!! |
الميزانيات المرصودة دي مافيها فاتورة النت .
بس بنطالب اليومين دي ببدل رش
|
Post: #64
Title: Re: .★ إحذروا زين كونكت .. فقد حدث معي هذا !! ★.
Author: مزمل خيرى
Date: 02-22-2010, 10:42 PM
Parent: #20
وهبـة
Quote: انت ومزمل خيري هههههههههه
|
التجاهل
التجاهل
التجاهل
____
|
Post: #66
Title: Re: .★ إحذروا زين كونكت .. فقد حدث معي هذا !! ★.
Author: GamarBoBa
Date: 02-22-2010, 11:11 PM
Parent: #64
يا امين بالله من سكات تتضامن معانا بس
من ناحية الدفع نحن دافعين ياخي
انا دافع وبقطعوا لي
وهبة ده والله لو دفع جنيه للناس دي الا يكون جنا وفقد محنة
تعرف اليوم الدفعوه فيه 222 جنيه ياخي الا يكون شغال ناقل مباراة برشلونة للشعب السوداني من لابتوبه
معقولة ياخ!
وحمور يقول لينا اكلوا وقشوا خشمكم ساي
انتو الاتنين ما اتيتم لحوار اصلا
|
Post: #67
Title: Re: .★ إحذروا زين كونكت .. فقد حدث معي هذا !! ★.
Author: محمد عبد الماجد الصايم
Date: 02-23-2010, 06:38 AM
Parent: #66
ما كان أخير ليكـ الـ 30 بتاعت منير؟!
|
Post: #68
Title: Re: .★ إحذروا زين كونكت .. فقد حدث معي هذا !! ★.
Author: على محمد على بشير
Date: 02-23-2010, 07:01 AM
Parent: #67
| Quote: بعدين يا وهبه وين الميزانيات الكبيره المرصوده ليكم ، إنتو بتلعبو علينا ولا شنو ؟!!!!! |
قرقرقرقرقرقرقرقر
فعلا يا امين
مفروض وهبه يحول الفاتوره دى للاداره
واصلا قالوا محمد عطا ايدو لينه وماناشف زى قوش
قرقرقرقرقرقرقر
|
Post: #69
Title: Re: .★ إحذروا زين كونكت .. فقد حدث معي هذا !! ★.
Author: سارة كرودى
Date: 02-23-2010, 07:08 AM
Parent: #67
Quote:
والله بتنا سارة دي ما بقدر احرجا
كسر الخواطر ما كويس لو هي جادة |
ياحــــــاج ...
انا جاااااده وعند وعدى
بشرط ترش بلا رحمة ( ... ..... ..... واهم حاجة ترفق المستندات مع اى رشه
مش الداونلود مفتوح
|
Post: #73
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-23-2010, 12:35 PM
Parent: #69
Quote: ياحــــــاج ...
انا جاااااده وعند وعدى |
جنابو سارة
اتفقنا رسلي الجهاز
ومعاهو اللستة
|
Post: #71
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-23-2010, 08:07 AM
Parent: #64
Quote: التجاهل
التجاهل
التجاهل |
مزمل خيري الغواصة
اتجاهل سمح
انا ذاتي بتجاهلكم في الـ 714 جنيه
يعني انت وسارة الشهر الجاي مواهيكم ناقصة
|
Post: #72
Title: Re: .★ إحذروا زين كونكت .. فقد حدث معي هذا !! ★.
Author: حذيفه ابراهيم الكباشي
Date: 02-23-2010, 08:30 AM
Parent: #71
يا وهبة.. بمناسبة الرش دا..
اذا الواحد عملك (اوت سورس كنتراكتر) بترش ليهو الزول قوال ولا بالمتر؟
..
|
Post: #74
Title: Re: .★ إحذروا زين كونكت .. فقد حدث معي هذا !! ★.
Author: Hassan Makkawi
Date: 02-23-2010, 01:28 PM
Parent: #72
Quote: ياحــــــاج ...
انا جاااااده وعند وعدى
|
ياجماعة وهبة دة مامشى الحج....
مشى عُمرة وبس...
|
Post: #75
Title: Re: .★ إحذروا زين كونكت .. فقد حدث معي هذا !! ★.
Author: عبدالوهاب علي الحاج
Date: 02-23-2010, 01:46 PM
Parent: #74
| Quote: اذا الواحد عملك (اوت سورس كنتراكتر) بترش ليهو الزول قوال ولا بالمتر؟ |
ياحذيقة في وفي
يعني حسب نوعية المرشوش
كان فرفر ومسك يدك مسافة زي دا بنقاول عليهو
ولو لقيتم كوتة كدا زي نوعية هباني ديل بالمتر
ومرات بنعمل تخفيضات
|
|