التقرنيبة لغة ارتريه اثيوبيه ..تتحدث بها قومية تغراى في اثيوبيا ..والاقاليم المتاخمة لها في ارتريا ..سراى ..اكلقزاى ..حماسين ..
Post: #3 Title: Re: ياخي اغنية مبالغة خلاص Author: mansur ali Date: 02-21-2010, 11:28 PM Parent: #2
Quote: التقرنيبة لغة ارتريه اثيوبيه ..تتحدث بها قومية تغراى في اثيوبيا ..والاقاليم المتاخمة لها في ارتريا ..سراى ..اكلقزاى ..حماسين ..
مرحبابو يا ود القاضي ....للاسف الكلام المقتبس فوق دا كان زمان فى المخيلة التاريخية، أما الأن ديل فى كل مكان يا فائز من أقصى مكان فى الشرق إلى غاية قرصة . طفشو الناس من الاماكن وملؤها بمثل هذا الغناء السمج . أو كما قال : ياويلهم مني وويلي من أبي
Quote: مرحبابو يا ود القاضي ....للاسف الكلام المقتبس فوق دا كان زمان فى المخيلة التاريخية، أما الأن ديل فى كل مكان يا فائز من أقصى مكان فى الشرق إلى غاية قرصة . طفشو الناس من الاماكن وملؤها بمثل هذا الغناء السمج . أو كما قال : ياويلهم مني وويلي من أبي
منصور ..سلامات .. اكوب وسلوم ...
مايملوها كيف اذا اصحابها سابوها وهجروها يامنصور ؟!!..اهلنا البجا الارتريين (تقري ، حدارب ، ثم اضف اليهم البلين ) في بركة والقاش والساحل حتى اواسط ارتريا(كرن) تركوا ارتريا واصبحوا جزءاً من النسيج البيجاوي في شرق السودان ..وبذات الفهم التقرنيه ملوا الفراغ الذي احدثته الهجرة الجماعية الى السودان ....التقرنيه والتقرى وغيرها من القوميات الارتريه يمثلون ارتريا ...ويحق لهم التحرك والعيش في اى شبر فيها كحق طبيعي ..وقصة دى منطقتنا وديل مسيحيين وملوا البلد مابتخدم ارتريا ولا المنطقة والعالم تجاوز هذه المفاهيم يامنصور ..فهؤلاء التقري الذين يعيشون في الغرب الارتري والشرق السودانى هم في الاصل قبائل عربية قدمت من الجزيرة العربية مباشرة- كما ينسبون انفسهم - وبعضهم قدم من عمق الهضبة الاثيوبيه كمسيحين واصبحوا الآن جزء من قوميات المنطقة ودخلوا الاسلام واكتسبوا لغة المنطقة (حدارب ، تقري ) يعني في النهاية هم ذاتهم وفدوا اليها من مناطقة اخرى داخلية وخارجيه ولا يختلفون عن التقرنيه..... ثم ماتنسي ان التقري والتقرنيه هما فرعين من فروع اللغة الجئزية(الحبشية ) ... يعني مافي فرق بينهم..فالاصل اللغوى واحد .. والدين لايلغى هذا الاصل ..
شكراً لمرورك والاضافة وفرصة سعيدة ياو لدنا ..
Post: #5 Title: Re: ياخي اغنية مبالغة خلاص Author: mansur ali Date: 02-22-2010, 00:13 AM Parent: #4
مرحبا يا فايز حكاية الهجرة دي ما جات بصورة عفوية كدا. من أجل الدقة طبعا، ممكن أديك وقائع موضوعية تؤكد مزاعمي - مثل سياسات حرق الارض عبر (الطير سراويت - والناس دي منو بالمناسبة) تجسدت فى مذابح حرقيقو وعونا وعد إبرهيم وغيرها أدت إلى إجبارهم إلى اللجؤ. هذا هو السياق يافايز. أما بعد الاستقلال فالشواهد ياعزيزي على قفى من يشيل . كرست الحكومة سياسة تسهدف توطين جماعات بعينها( هل هم أحفادالكوماندوس) وفى اراضي نفس اللاجئين. فى نفس الوقت وضعت جملة من العوائق تجاه عودة أصحاب الاراضي . دا يقول ليه شنو يا فايز، ما إستيطان عديل؟ أها ديرهم يمشو وين؟
غيتو لو كنا في ارض النوبة في الشمال ولا في دارفور اوالجنوب كان فقدنا الاحساس بهذه الاغاني ..فتداخل الانتماء يوحد الحس الفني...الايقاعات دي ده تنظم نبضات القلب وتحرك كريات الدم الكبروتيه ...
واحد مغترب في السعودية اخواتو رسلو ليهو شريط عرس كان في الحلة المهم اتفرج في الشريط عجبتو بنت من الكانن حاضرات الحفلة رسل لي اخواته، قال ليهم بس لقيتها دي يا ه البنت الدايرها تكون ام اولادي الام ، الاخوات، الاهل اسبوع مافي نجضو الامور العريس اخد اجازة اسبوع من الكفيل بتاعو بعد تحانيس عشان يمشي يعرس ويرجع. المهم مشي في الاسبوع دا عرس وبقي راجع اها العروس مشت مع المودعين للمطار ، فجاءة انهارت بكي وجعير. العريس استغرب واندهش قعد يفكر ويعاين ليها وهي تشيل وتجعر قال ليها هي يا بت الناس هوي هو دي معرفة بتين دي.
Quote: مرحبا يا فايز حكاية الهجرة دي ما جات بصورة عفوية كدا. من أجل الدقة طبعا، ممكن أديك وقائع موضوعية تؤكد مزاعمي - مثل سياسات حرق الارض عبر (الطير سراويت - والناس دي منو بالمناسبة) تجسدت فى مذابح حرقيقو وعونا وعد إبرهيم وغيرها أدت إلى إجبارهم إلى اللجؤ. هذا هو السياق يافايز. أما بعد الاستقلال فالشواهد ياعزيزي على قفى من يشيل . كرست الحكومة سياسة تسهدف توطين جماعات بعينها( هل هم أحفادالكوماندوس) وفى اراضي نفس اللاجئين. فى نفس الوقت وضعت جملة من العوائق تجاه عودة أصحاب الاراضي . دا يقول ليه شنو يا فايز، ما إستيطان عديل؟ أها ديرهم يمشو وين؟
نحن الآن نتحرك بين ارتريا والسودان كقبائل حدودية لها ارض انقسمت بين الجغرافيتين ..والكثيرون منا يمتلك اراضي زراعية ومراعى في ارتريا او العكس في السودان ..والحركة سهلة بحكم ايمانناً بأن هذه الارض هي ارضنا بغض النظر عن الجغرافية التى تتبع لها سياسياً ..وبذات الفهم اخي منصور التقرنيه لهم الحق في التحرك والتملك داخل اراضيهم الارتريه ..الحق الذي يعطينا ان نكون سودانين وارتريين في نفس الوقت لمجرد الارض الواحدة يعطي هؤلاء الحق في يمتلكوا الارض داخل وطنهم الواحد .. المذابح التى ذكرتها نفذتها اثيوبيه ولم تنفذها قوميات ارتريه .. والدليل ان الثورة الارتريه منذ قيامها شاركت فيها كل القوميات الارتريه حتى التقرنيه ..وعلى العكس التقرى رغم انهم كانوا مؤسسين للثورة الا انهم انكفأوا للقبليه والعروبية واصبحوا اكثر من جبهة داخل الميدان مما أخر الانتصار الى ثلاثين عاماً ..التقرنية جزء من النضال الارتري ..وماتمارسه الجبهة الشعبيه من تشريد وتهجير لمعارضيها يقابله توطين في السودان وده بتفق معاك فيه ...وده بيحصل حتى في الحدود مع اثيوبيا نفسها ..
Post: #11 Title: Re: ياخي اغنية مبالغة خلاص Author: mansur ali Date: 02-22-2010, 00:43 AM Parent: #9
Quote: المذابح التى ذكرتها نفذتها اثيوبيه ولم تنفذها قوميات ارتريه .. والدليل ان الثورة الارتريه منذ قيامها شاركت فيها كل القوميات الارتريه حتى التقرنيه ..
دا كلام مجاني جدا يا فايز ،إما إنك غير مطلع أو إنك تحاول بمثالية مجحفة تجاوز الحقائق. دليل على براءتهم شنو يا زول ؟ يا زول الكوماندوس ديل منو ما هم النفذو المجازر ، وهم القالو الانضمام إلى أثيوبيا الأم؟
يا جماعة أعفونا من هذه المثالية الجارحة!
Post: #13 Title: Re: ياخي اغنية مبالغة خلاص Author: mansur ali Date: 02-22-2010, 00:53 AM Parent: #11
أهلا يا راني .... ولايهمك مافى زعل ولا حاجة قريبنا دا زايد عيار المثالية بتاعه شوية ،عشان كدا قلنا تنحاور معاه.
Post: #15 Title: Re: ياخي اغنية مبالغة خلاص Author: سيف الدولة كامل Date: 02-22-2010, 01:02 AM Parent: #13
وكل اغانينا علي لسانهم ,,, الحضارة واحدة وهم أقرب الناس لينا,,,, شكرا فايز
سيف الدولة حبابك ..وحباب الجابك ..
انا من العاشقين لاغاني التقري والتقرنيه والامحرنيه ...يازول انا تجيني حالة بتاعة زار عديل كده وكت اسمع ايقاع الكبرو ده ... عندي ولدى - حمودى - عمر سنيتن .. الود ده وكت اشغل ليه واحدة من الاغنيات دي بقوم يحرك جسمه..الشغلة دي مافي العضم ... الشغلة دي في الدم ...هسي منصور يغالط ويقول في البول ههههههههه
Quote: دا كلام مجاني جدا يا فايز ،إما إنك غير مطلع أو إنك تحاول بمثالية مجحفة تجاوز الحقائق. دليل على براءتهم شنو يا زول ؟ يا زول الكوماندوس ديل منو ما هم النفذو المجازر ، وهم القالو الانضمام إلى أثيوبيا الأم؟
يا جماعة أعفونا من هذه المثالية الجارحة!
منصور طول بالك ..يمكن تقنعني ..اولاَ انا لم ابرئ احد فقط اتكلم عن حقهم في العيش في أى مكان في الجغرافية الارترية ..
يامنصور الدولة هي مجموعة اثنيات اوعرقيات او مجموعات بشريه جمعتهم جغرافية واحدة وماقبل ذلك كانوا سلطنات وممالك وادارات اهليه تمثل كل واحدة دولة في صيغتها الاولي البدائية .. وبعد تكوين الدول اصبحت هذه المجموعات البشرية باختلاف مسمياتها وسلطاتها تحت مسمي الدولة .. تشاركت الكلأ والماء والمرعى والارض هذا التشارك هو الذي كفل لها التحرك بحرية ...
هسي لوسألتك عن اصلك حاتقولي انا من قبيلة كدا والتى بالتأكيد حاتكون من اصول عربية ... وكدا حاتصطدم برأيك الحايطلعك بره جغرافية ارتريا والسودان وافريقيا كمان ...ماتخلط السياسية بالاعراق يامنصور ..
حالات الكماندوس هي كحالة شمال السودان الذي حارب الجنوب فهل يلغي هذا القتال سودانية العرب الشماليين ؟!! وهل يوجد كماندوس او طير سراويت الآن يامنصور ؟!!!
ودي المقيم ...
Post: #17 Title: Re: ياخي اغنية مبالغة خلاص Author: mansur ali Date: 02-22-2010, 01:14 AM Parent: #14
كويس يا فايز تمام سؤالى لك يا فايز إذا كانت هناك أخطاء فى الماضي الا تعتقد إنو يجب تصحيحها؟ الحكومة القائمة بدل ما تقوم بمعالجة هذه الاخطاء قامت بإتحاذ تدابير جديدة من شأنها إقصاء مجموعات كثيرة(ليس التقري فقط بالمناسبة) من كل الدوائر الحيوية،ليس ذلك فحسب بل قامت بتوطين مجموعات جديدة فى اراضي البعض( حصل هذا فى مناطق العفر والكوناما والتقري والجبر الخ) . يا صاحبي دي وطنية شنو ، يقتلوك فيها ويشردوك فيها ، ويستحوذو فيها على أراضيك ؟ بعد دا بردو نجي نغــني ليهم ؟
Post: #18 Title: Re: ياخي اغنية مبالغة خلاص Author: سيف الدولة كامل Date: 02-22-2010, 01:26 AM Parent: #17
صدقت والله يا فايز,,,, أنا عندي مكتبة فيديو قيمة لهولاء القوم.. شوف زميلنا عبد الناصر الخطيب
رجل مبدع وضليع في تراث هولاء النخبة من شعب شرق افريقيا. يا أخوي حبهم ما بندس وبيبادلونا نفس الشعور.
نحن كابناء شرق خلاف بقية السودان نحس بانتماءهم لنا وانتماءنا لهم ... ويمكن بتشوف اسواقنا مليئة بهذه الاغاني واماكن المرطبات تحديداً ..وانا شخصياً ياهارون مكتر منهم ومقلل من اى حاجة تجيب السكر وترفع الضغط ..
الرشاشات ربنا مرقهم مرقة تيدروس من بطن امه ...هههههه
Quote: صدقت والله يا فايز,,,, أنا عندي مكتبة فيديو قيمة لهولاء القوم.. شوف زميلنا عبد الناصر الخطيب
رجل مبدع وضليع في تراث هولاء النخبة من شعب شرق افريقيا. .
حبيبنا سيف الدولة ...
دول القرن الافريقي بما فيها السودان تمثل تاريخ وبعد ثقافى واحد ..لايستطيع احد ان يفصل هذه الانتماءات الثقافيه الواحدة والتاريخ المشترك كابناء لكوش العظمي التى كانت تمثل هذه الجغرافيات كما يقول صديقي بشاشا اعاده الله الينا ..
Quote: يا أخوي حبهم ما بندس وبيبادلونا نفس الشعور
يازول حب ساى نحن منهم وفيهم نحبهم ولو من طرف واحد هههههههه
Quote: كويس يا فايز تمام سؤالى لك يا فايز إذا كانت هناك أخطاء فى الماضي الا تعتقد إنو يجب تصحيحها؟ الحكومة القائمة بدل ما تقوم بمعالجة هذه الاخطاء قامت بإتحاذ تدابير جديدة من شأنها إقصاء مجموعات كثيرة(ليس التقري فقط بالمناسبة) من كل الدوائر الحيوية،ليس ذلك فحسب بل قامت بتوطين مجموعات جديدة فى اراضي البعض( حصل هذا فى مناطق العفر والكوناما والتقري والجبر الخ) .
نعم هناك مجموعة ارترية من التقرنيه كانت تطالب بالانضمام الى اثيوبيا واماالغالبية العظمى منهم فقاتلت حتى تكون ارتريا دولة قائمة بذاتها... وده موجود عندنا في السودان فهناك جنوبيون يؤمنون بوحدة السودان وناضلوا من اجل سودان واحد تتساوى فيه الحقوق والواجبات ، واخرون مازالوا ينادون بالانفصال وهذا حق تكفله القوانين الدولية ..واما ماتمارسه الجبهة الشعبيه من سياسات الاقصاء والابعاد مورس ايضاً ضد التقرنيه ولم يقتصر على القوميات الاخرى بل طال الجميع وهذا يطابق مع ماتفعله حكومة الانقاذ ...
لو رجعنا للقوميات الارترية التسعة :
التقرنية : اغلبيه مسيحيه مع وجود الجبرته كمسلمين . التقرى : مسلمون العفر : مسلمون . الساهو : مسملون الكناما : خليط من المسلمين والوثنيين وقلة مسيحيه . الباريا(النارا) : مسلمون الرشايدة : مسلمون الحدارب : مسملون . البلين : مسلمون مع قلة مسيحيه
لو نظرنا للقوميات المسلمة نجد انها تمتلك اراضي كبيرة جداً مقارنة بقومية التقرنية فهى تمتلك ارض صغيرة لذلك من الطبيعى ان تكون سياسات الدولة الارتريه توطين البعض منهم خارج موطنهم الصغير ودمجهم في مناطق تعد موطن لقوميات مسلمة هجرها اصحابها الى اخرى هي ارض لهم خارج الجغرافية الارتريه ناهيك داخلها . يامنصور انت بتدى لقوميات حق التنقل والسكن خارج حدود الجغرافية السياسيه لمجرد الامتداد البشرى اليها... وتحرمه على التقرنية الذين يتنقلون داخل الجغرافية الواحدة؟!!!
Quote: يا صاحبي دي وطنية شنو ، يقتلوك فيها ويشردوك فيها ، ويستحوذو فيها على أراضيك ؟ بعد دا بردو نجي نغــني ليهم ؟
معاها رقصة ام لفة يامنصور وربطة النصلا حول الخصر ....
Quote: يا صاحبي دي وطنية شنو ، يقتلوك فيها ويشردوك فيها ، ويستحوذو فيها على أراضيك ؟ بعد دا بردو نجي نغــني ليهم ؟
الحبيب منصور مشتاقين طبعاً الفظائع التي ارتبكت في أريتريا لايمكن تناسيها بسهولة ... ولايمكن لنظام ظالم أن يعوض هؤلاء المعذبين هذه الخسائر الفادحة .. ولكن الحديث عن الفن يختلف عن الحديث في السياسة .. كل المظالم التي اتى بها هؤلاء لايغمط فنهم الجميل حقه ... ولا يكاد الشخص السوداني أن يفرق بين التقرنية والتقري والأمهرنجا ولا ان يتبين كلمات كل لغة ولكنه يتمايل طرباً مع كل أغنية .. أنها مسألة منفصلة عن السياسة كلياً مثلها مثل شيوع الأغاني السودانية في جوبا ... وتشاد وأفريقيا الوسطى .. ومعظم هؤلاء الفنانين الذين يطربون لهم الأفارقة هم بحساب السياسة جلابة طبعا ، ولايمكن أن يجمعهم جامع بحسب المعتقد السياسي أو العرقي على حد زعم الجانبين .. عشان كدة ما تلوم ود القاضي ولا الناس في حبها للفن التقرنجي الذي هو بمعزل عن الأداء السياسي الإجرامي والفظائع التي يرتكبها المنتمين لهذه الفئة