Post: #5 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: خالد عبد الله محمود Date: 02-21-2010, 02:29 PM Parent: #4
والله الهلال تعبان يا شفت و ما بننكرها ... أتعودنا على أن نقدم النقد البناء للهلال و لا نطبل له في جميع الأحوال كما يفعل الآخرون ..
الهلال تعبان جداً و المريخ أسوأ منو لكن بس أنتو مكابرين ساكت
Post: #8 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 04:16 PM Parent: #5
Quote: الهلال تعبان جداً و المريخ أسوأ منو لكن بس أنتو مكابرين ساكت
احتمال كبير
لكن انا بقول الكلام ده قياسا على كورة امبارح
انت حضرت كورة المريخ امبارح ولا سااااااااااااكت قلت كده
؟؟
Post: #6 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 04:10 PM Parent: #4
يا هو زاتو يا فيصل
Post: #7 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: صبري طه Date: 02-21-2010, 04:13 PM Parent: #6
الهلال قاعد يجرّب في الخطط وفي التشكيلة ...
لحدي موعد بلعكم .........
ولك ودي ،،،
Post: #9 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 04:20 PM Parent: #7
بجرب في الخطة والتشكيلة في مباراة رسمية في الدوري العام ؟؟؟؟؟
عين العقل
ما علينا
مشكلة الطرفين حا تحلوها بياتو خطة
Post: #10 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: khaleel Date: 02-21-2010, 04:24 PM Parent: #9
وليد
الهلال حتي الان يعيش في جلباب هيثم مصطفي
والاطراف ايضا لم تحل مشكلتها
Post: #12 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 04:31 PM Parent: #10
فعلا يا خليل
مشلة الهلال في الاطراف كبيرة
كانت لفترة طويلة في الطرف الشمال واصبحت مؤخرا في الطرفين
ولا يوجد صانع لعب في الهلال
المريخ افضل حالا رمم فريقة خاصة مشكلته في الدفاع وصانع اللعب
لكن بكل اسف مشكلته الكبيره في الحراسة ما زالت كما هي
غايتو المريخ حا يجهجه الهلال في شهر سته مع انو المعز متدهور شديد
Post: #11 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: moaz elsir Date: 02-21-2010, 04:29 PM Parent: #9
يا وليد الهلال لسه فية مواسير ( مساوي ، اسامة التعاون ، احمد عادل ، والماسورة الجدية بشه ) وكان رجع لينا الماسورة الكبيرة امولادي. اللهم اللطف بجماهير الهلال وابعد عنهم الضغط والسكري ...
Post: #13 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 04:35 PM Parent: #11
فعلا يا معز السر الهلال مشاكله كتيره
بشة اقل قامة من الهلال احمد عادل برضو ما شبه الهلال
اسامه التعاون خلاس الزول ده ما حا يقدر يلعب تاني في الهلال
مساوي ما متفق معاك فيه
المدرب وظفو غلط
Post: #15 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: moaz elsir Date: 02-21-2010, 04:47 PM Parent: #13
Quote: مساوي ما متفق معاك فيه
يا خي ده اكبر ماسورة فى الهلال و كورته حبه وما فى مستوي الهلال. امبارح استحم بالكورة عديل واتسبب فى ضرب جزء ، والقون الجابوا برضو بيده ، في كورة الخمسة الشهيرة مع الفريق الكنغولي هو برضو اتسبب فى غلب الهلال. فى الدفاع بلنتيهو جاهز. فى النص ما بعرف يطلع باص واحد صاح. فى الهجوم يفتقد للمهارة اللازمة.
معــــــــــــــــــــــــــاذ
Post: #17 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 04:52 PM Parent: #15
ابدا يا معاز
مساوي لاعب مجهود وخطط ما لاعب مهارات
افضل خانه يلعب فيها وسط يمين
Post: #14 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: على محمد على بشير Date: 02-21-2010, 04:40 PM Parent: #11
Quote: الوسط كله عنقاله ومع السياسة الجديده الهلال بعد 5 مباريات ما حا يكون عنده لاعب وسط متمر خصوصا علاء الدين وعمر بخيت
سياسة شنو الجديده يا وليد انتا برضو بتاكل من الكلام دا
ماياهو نفس هلال السنه الفاتت واصحاب الياقات السوداء هم نفسهم ونفس قصة الخرطوم والنيل الحصاحيصا والميرغنى كسلا حقة السنه الفاتت ومن كل فريق الهلال طلع بى تلاته نقاط
واهو شوفة عينك السنه دى بدت بتلاته نقاط غير مستحقه ومن اول مباراه فى الدورى
Post: #16 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 04:47 PM Parent: #14
كدي يا علي خلينا نفرض حسن النية كم كورة لي قدام وبس بعد داك بنفهم بصورة واضحة
Post: #18 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: moaz elsir Date: 02-21-2010, 04:55 PM Parent: #16
Quote: مساوي لاعب مجهود وخطط ما لاعب مهارات
يا خي برد قلبي وقول لي ده ما عندو علاقة بالكورة لكن الظروف خدمته ولعب فى الهلال.
Post: #20 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 05:04 PM Parent: #18
Quote: يا خي برد قلبي وقول لي ده ما عندو علاقة بالكورة لكن الظروف خدمته ولعب فى الهلال.
ما اقدر يا حبيبنا اقول كده والا اكون كضاب
مساوي لاعب خططي جيد لياقته الفطرية عالية اخلاقه في الميدان منضبته - مع انه امس كلان خلاف كده- مشكلته وزنه بزيد فجأة ووكت يحصل ده كورته بتقل لانها معتمده اساسا على المجهود البدني الوافر والسرعة لكن بنزل الوزن الزايد عنده بنفس السرعة حقت زيادته
مثال لمساوي زي ما قلت ليك
مانقستو الزمان داك وحمد الجريف في المريخ
Post: #23 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: moaz elsir Date: 02-21-2010, 05:18 PM Parent: #20
Quote: مساوي لاعب خططي جيد
خلاص سجلوه فى المريخ وريحونا
Post: #24 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 05:21 PM Parent: #23
Quote: خلاص سجلوه فى المريخ وريحونا
المريخ ما محتاجه
عندنا في خانته قلق بشبهوا في كل شي لكنه يمتاز عنه ببعض المهارة والتهديف من الخارج ويتماج مساوي عن قلق ببنيه بدنية اقوى واستخدامه لراسه داخل الخط بصورة جيده
Post: #19 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Sayed Bekab Date: 02-21-2010, 04:56 PM Parent: #16
صحيح الفريق ممزق و قاعد فى السهلة و التحية لجزيرة الفيل علي الاداء الراقي و لو ما كان الحكم جامل الهلال فى الطرد و ضربة الجزاء كان النتيجة العادلة هي ٣/٣ .... لكن يا ولي جماعتنا ديل ما نفسهم اتقطع جري للميدان لمن البص اتعطل ههههه الله يخلي لينا الامجاد و ناس الركشة كان تكون النيتجة ٢ صفر لعدم الحضور
التحية لجبره علي الاداء و التكتيك العالي لفريقه ذو الامكانيات الضعيفة مقارنة بامكانيات الهلال المادية
Post: #22 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 05:12 PM Parent: #19
مرحب سيد
بصراحة
جزيرة الفيل ضعيف جدا ... لو كان جزيرة الفيل مستواه ممتاز لخسر الهلال
Post: #21 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-21-2010, 05:05 PM Parent: #16
سلامات يا وليد.
* أداء متواضع للهلال في أولى المباريات.
* ضعف ظاهر في خط الدفاع بأكمله (منذ دورة بني ياس).
* غايتو ننتظر مباريات آفريكا سبورت ونحكم، لأنو الهلال أمبارح لو كان غلب 6/0 ما معناها إنو جاهز وقادر على تجاوز الفريق العاجي.
* من زاوية المشاهدة التلفزيونية، هناك ضربة جزاء صحيحة لجزيرة الفيل لم يحتسبها الحكم، لكنه لو كان احتسبها لظلم الهلال، لأن المهاجم كان متسللا! شاهد هذه الصورة، ولاحظ مكان المهاجم مقارنة بلاعبي الهلال لحظة تمرير زميله للكرة:
Post: #25 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 05:26 PM Parent: #21
مرحب احمد الريح
التسلل احتماله وارد
لكن ضربة الجزاء ظاهرة واكيده
هدف مساوي برضو فيه شكك
لكن دي كلها اشياء بتحصل وتعودنا عليها من الحكم السوداني
اضعف من في بطولة الدوري الممتاز هو التحكيم
لو لاحظت للحكم بتاع الهلال امبارح لياقته ميحي وما بتحرك وحاكم الكورة من دايرة السنتر
Post: #26 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: عبداللطيف خليل محمد على Date: 02-21-2010, 05:28 PM Parent: #21
يا وليد .. سلامات ..
لو سمحت ركز لينا جهدك بهناك .. في الدعاية و لم الأصوات و حشد الجماهير .. نحن دايرنك في الكبيرة ..
Post: #28 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 05:34 PM
عبد اللطيف
يديك العافية ياخ
دعواتكم وامانيكم الطيبة ياها الحا توفقنا لو حصل توفيق
Post: #27 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: خالد عبد الله محمود Date: 02-21-2010, 05:34 PM Parent: #21
بالمناسبة رغم النقل التلفزيوني السئ لكن أتضح أن رجال الخطوط لا يعرفون معني أن يكون اللاعب متسلل !! حكم الراية أحتسب تسلل على عمر بخيت بينما كان ثلاثة من لاعبي جزيرة الفيل خلفه بالإضافة للحارس !!!
* حكمكـ على مساوي سليم يا شفت و دي مشكلة اللاعب التكتيكي أنو بيكون غير محبوب جماهيرياً و العجيب أن الجمهور يحب اللاعب الأستعراضي زي أمبيلي رغم أنو ما بيخدم الفريق في حاجة .. مكاليلي أتظلم في ريال مدريد بنفس السبب ده والي الآن الريال ما قادر يتماسك
لكن أنا لو لقيت الزول الخلي أسامة التعاون الي الآن في كشف الهلال بعضيهو في نص راسو ؟؟؟!!! ياخ ده ما عندو أي علاقة بكرة القدم و كان من الأفضل ترك الخانة فااااااارغة
Post: #29 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 05:39 PM Parent: #27
حكامنا تعبانين يا خالد
ومساوي جيد
بالنسبة لي التعاون الولد ده بدا كويس لكن طموحة اكبر من امكانياته ففضح نفسه
لو كان رضى بامكانياته ولعب على الاساس ده كان بمشي لي قدام
الزول ده فيه شبه من الثعلب لكن الثعلب حافظ كراسه لا بزيد عليه ولا بنقص منو
Post: #30 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: منزر احمد بابكر Date: 02-21-2010, 07:29 PM Parent: #21
الاخوه/ وليد ... احمد الريح لكم التحية
لا توجد حالة تسلل وضربة الجزاء موجودة لعرقلة لاعب جزيرة الفيل وكان يجب ان تحسب.
راجعوا الصور ... الخط الاحمر ، وضع لاعب الهلال ، وضع لاعب جزيرة الفيل
Post: #31 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-21-2010, 07:48 PM Parent: #30
Quote: لا توجد حالة تسلل وضربة الجزاء موجودة لعرقلة لاعب جزيرة الفيل وكان يجب ان تحسب.
سلامات يا منذر.
صورك يا زميلي العزيز متأخرة (جداً). عليك بمراجعة الصورة (أعلاه) والتي توضح المشهد لحظة خروج الكرة من قدم لاعب جزيرة الفيل لزميله المهاجم، وهناك فيديو مرفق أيضاً.
قلت إن صورك متأخرة (جداً) لأنها توضح المشهد (بعد) تمرير الكرة، وبعد أن أخذ مهاجم الجزيرة خطوة للوراء للابتعاد عن التسلل، وبعد أن عاد مدافع الهلال (البيهناك) باتجاه مرماه.
Post: #32 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 07:57 PM Parent: #31
احمد الريح حتى صورتك انت ما بتوضح التسلل
لاعب جزيرة الفيل ومدافع الهلال البعيد في خط واحد
والخط الواحد حسب ما تقول يحسب لصالح المهاجم او ورونا كده بعد التعديلات الجديد وبعد ما رجعوا التسلل تاني بعد ما كان سحبو واخروه حتى خط التمنتاشر سنة 1991
Post: #33 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-21-2010, 08:04 PM Parent: #32
Quote: حتى صورتك انت ما بتوضح التسلل
لاعب جزيرة الفيل ومدافع الهلال البعيد في خط واحد
هذه هي الصورة يا وليد، ولا أعلم كيف تبيِّن (هذه الصورة) أن مهاجم الجزيرة ومدافع الهلال البعيد في خط واحد!
يمكنك مشاهدة الفيديو المرفق، وتثبيت المشهد في لحظة تمرير الكرة.
Post: #34 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 08:15 PM Parent: #33
اللاعب العليع المربعات الحمراء والسهم الاحمر ده
حق هلال كادكلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Post: #35 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 08:22 PM Parent: #30
منزر حبابك
التسلل فعلا مشكوك في امره حتى عند الضربة كما تفضل احمد الريح في شكك
Post: #36 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-21-2010, 08:40 PM Parent: #35
يا احمد الريح
بعد مراجعة كلامك صاح الزول كان سارق
Post: #37 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-22-2010, 10:31 AM Parent: #36
قاعد في السهلة
Post: #38 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: فيصل نوبي Date: 02-22-2010, 10:39 AM Parent: #37
عليكـ الله يا وليد وريني راجعت كلام أحمد الريح وين الأقنعكـ ده ! الصورة واااااضحه .
Post: #39 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-22-2010, 10:44 AM Parent: #38
ياتو صورة
حقت البلنتي الابو يعدوه ولا القون الجبتوه بالبلنتي
هسع الصورة واضحة اها قون مساوي ما كان واضح
Post: #40 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: عمر الفاروق Date: 02-22-2010, 11:19 AM Parent: #37
وليد يا مبارك : تاااااني جبت سيرة الهلال وسيرة الكورة ؟ اها النقول ليك الكلام يا وليد وكالعادة جيب كراسك وربع يدينك وأقعد لي هنوووووك .. الهلال ما كان كعب ..جزيرة الفيل الكانت كويسة .. الهلال لعب مباراة مقنعة جداً بس نحن عندنا مشكلة إنو مفروض أي فريق يلعب مع هلال مريخ مفروض ياخد خمسة ويتخارج.. مفروض يجي يلعب مدافع عشان يتغلب 3 .. أي فريق لعب ضد هلال مريخ مباراة هجومية مفتوحة كان بيصل شباك الهلال والمريخ وراجع كلللل سيناريوهات الدوري الممتاز .. أي نعم بيخسر في النهاية بس بيكون حقق المراد بي الوصول لي مرمى القمة .. تعالوا وروني الهلال كان كعب وين ؟ في الدفاع مش؟ كونو الدفاع كعب ما معناها الهلال كعب .. شايفك طلعت لينا بي مكنة اطراف الهلال وللأسف الناس صدقوك بس يا وليد لو بتركز وبتعاين كويس كان لاحظت إنو امادو الطرف الشمال ده من ما دخل لحدي ما الكورة إنتهت عكس ليهو أكتر من عشرة كور عرضية كلها معكوسة بي الطريقة المثالية ودي حاجة بيفتقدا الهلال من موسمين .. لو لاحظت كنت لاحظت إنو اطراف الهلال رجعت تتحرك في الخط هجوم ودفاع .. مشكلة الهلال وضحت تمااااما في فشل سيف مساوي إنو يلعب في عمق الدفاع ودي التجربة التنية يفشل فيها سيف بعد مازيمبي.. بالنسبة للمباراة الأولى عموما في كل دوريات العالم نظرية علمية معروفة حاول حقق الفوز والفوز بس وما تهتم بي الاداء والظهور الحقيقي لأنو في اسباب نفسية اكتر من اي شي تاني بيتحكم في مجريات المباراة .. اكبر مكاسب المباراة تاكيد وعي جمهور الهلال وتأكيد برودة اعصاب لاعبي الهلال والعودة للاجواء تحت اي ظروف.. لأول مرة نشوف جمهور القمة بدون كوراك وبدون سخط وهو واثق في فريقو .. ولأول مرة نشوف فريق بيلعب بي تركيز عالي بدون جري واستعجال لإدراك الفوز على فريق يصغره خبرة وتريب و و و.. الهلال بالنسبة لي عمر الفاروق 100% كبداية في الدوري الممتاز ..
تخريمة : ياخ اكتب عن المريخ والله كان لاعب برضو وما تقول لي ما شوفتها لانو بتكون شوفت كورة اثيوبيا
Post: #41 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-22-2010, 11:28 AM Parent: #40
يا عمر الفاروق معقولة
يوم كامل انا مشرك ليك بالبوست ده من امبارح
اشيل وارفع فوقة بسبب ومن غير سبب
عشان تجي تقول كلام الطير والباقير بتاعك بتاع كل مرة ده
Quote: الهلال ما كان كعب ..جزيرة الفيل الكانت كويسة ..
بس كدي وريني كيف عليك الله كيف انو جزيرة الفيل كانت كويسة
جابو فيها 3 اقوان كلها غلطات من مدافعينها جبت قون سلفة بلنتي غلط من مساوي
يعني الكورة خشو فيها خمسة اقوان بلادة مدافعين واقوان
وتقول لي الجزية كانت كويسة
هسع القون التالت حق الهلال لو المدافع العمل الفاول ده بعرف كورة دي كورة بعملوا فيها فاول
عليك الله يا عمر ارحم نفسك
Quote: الهلال لعب مباراة مقنعة جداً بس نحن عندنا مشكلة إنو مفروض أي فريق يلعب مع هلال مريخ مفروض ياخد خمسة ويتخارج.. مفروض يجي يلعب مدافع عشان يتغلب 3 ..
؟؟؟؟؟؟؟؟؟؟؟؟؟؟؟ الهلال لعب مباراة مقنعة كيف لعب مباراة مقنعة واقوانه كلها ما ملعوبة اتنين من ضربات ثابته والتالت رجعها المدافع غلط
Quote: ياخ اكتب عن المريخ والله كان لاعب برضو وما تقول لي ما شوفتها لانو بتكون شوفت كورة اثيوبيا
انت شفتها ؟
Post: #42 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-22-2010, 11:31 AM Parent: #41
قلت لي دفاع الهلال بس الكان كعب
طيب وريني هجوم الهلال عمل شنو خصوصا كاريكا
وريني لعينة الوسط سنعوا ياتو كورة خطرة
هاهاهاههاهاهاهاها
غالتو اللعب الكويس البتتكون قاصده
الكعب حق مهند طاهر القدانا بيه وشلالاليت علاء الدين يوسف وكنشاساته وقبيض عمر بخيت للفنايل
كورة دفاعها مقدود ووسطة ما مرق ولا باص قون وهجومها خلاف قون سادومبا اللوحة ما خلق اي فرصة والفرص الجاتو سلفقة وداها الليك خصوصا كاريكا
تقول لي كويس
Post: #43 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Maawya Hussein Date: 02-22-2010, 12:26 PM Parent: #42
ولو دا حال المريخ في التمهيدي حدكم دوري الـ 32 يا وليد ..شوف الفريق الاثيوبي ضيع كم فرصه في الدقائق الاخيره !!وبالمناسبه اعلام المريخ ما اتعظ من طبزات الموسم الماضي بتسببه في خروج الفريق من كل المناسبات صفر اليدين وايهام الجمهور بخزعبلات وكتابات انصرافيه وتشيجع اللاعبين علي البلطجه داخل الميدان ..فبعد مباراة المريخ وهلال كادوقلي (المذاعه) اوهم اعلام المريخ الجميع بان هناك ظلم وتربص للمريخ بطرد لاعبيه وبعد عرض المباراة امس في النيل الازرق اتضح ان علي الاتحاد العام اضافه عقوبه علي اللاعبين ايداهور ووارغو والجهاز الاداري المرافق للمريخ بعد البطلجه والعنتريه المارسوها مع الحكم ...
ولو الاعلام بدا كدا النهايه حا تكون اسرع من موسم 2009
Post: #44 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-22-2010, 12:33 PM Parent: #43
Quote: اوهم اعلام المريخ الجميع بان هناك ظلم وتربص للمريخ بطرد لاعبيه وبعد عرض المباراة امس في النيل الازرق اتضح ان علي الاتحاد العام اضافه عقوبه علي اللاعبين ايداهور ووارغو والجهاز الاداري المرافق للمريخ بعد البطلجه والعنتريه المارسوها مع الحكم ...
طيب قوانين الاتحاد دي ما طبقوها في معز وكت ضرب الزول المنفرد ليه ؟
ايداهور انظرد لانو اعتدي علي لاعب بدون كوره ..والطرد تم بايعاز من رجل الخط القريبه من الحاله ...وراغو ما مفروض ينتظر الانذار التاني ومفروض ينطرد مع ايداهور لانو احتج علي الحكم بصوره غير اخلاقيه في طرد ايداهور ..الانذار التاني جا لانو مثل علي الحكم داخل منطقه الجزاء ودي بتستحق الكرت الاصفر ...لو فتشت المنتدي دا كلو ما حا تلقي واحد هلالابي قال مساوي انظرد مظلوم او دافع عن مساوي رغم انو الانذار التاني كان في حاله كلام مع الحكم (مافي زول بيقدر يحكم) لكن مافي زول هنا قال الحكم ظلم الهلال بطرد لاعب ولا في واحد من الاداره دخل الميدان ولا طلع بيان استنكار .حاله المعز بيجيبا ليك بي الصور واحكم براك هل هي بلنتي ولا لا وحتي لو بلنتي المعز بيسحق الانذار والطرد ولا لا
Post: #46 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-22-2010, 01:14 PM Parent: #45
وانت شفتو وين اعتدى على اللاعب اوع تقول لي في عرض النيل الازرق الامس
Quote: الانذار التاني جا لانو مثل علي الحكم داخل منطقه الجزاء ودي بتستحق الكرت الاصفر
يا راجل عيب عليك
وارقو اللحظة ديك كان معاه 3 لاعبين عاملين كماشة عليه انت بتعرف قانون كورة اتني يدخل مع لاعب في لحظة واحد تعتبر فاول
Quote: حاله المعز بيجيبا ليك بي الصور واحكم براك هل هي بلنتي ولا لا وحتي لو بلنتي المعز بيسحق الانذار والطرد ولا لا
جيبا
وجيب معاك قون الهلال التاني برضو
Post: #47 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Maawya Hussein Date: 02-22-2010, 01:16 PM Parent: #45
دي الحاله
واللاعب هنا اتخطي المعز
وهنا عمل فيها حريف
هنا قريبه اكتر
لاحظ اندفاع او زلقه المعز مع وقعه اللاعب
Post: #48 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-22-2010, 01:18 PM Parent: #47
لالالالا
ارفعها فديو
وانا بريك بتين ضربه
موش تفطفط لي الصور
Post: #49 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-22-2010, 01:20 PM Parent: #48
وجيب لي بتاعت وارقو القلت فيها مستهبل
بعدين لو الزول ده كان مستهبل ما ادوه كرت زي وارقو ليه
Post: #50 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Maawya Hussein Date: 02-22-2010, 01:24 PM Parent: #47
شوف حركه اتجاه كراع المعز كانت علي الكوره ولا علي كراع مهاجم الجزيره
هدف مساوي للاسف النقل التلفزيوني كان بي كاميرا واحده مافي زول بيقدر يحكم علي الهدف الا من داخل الاستاد ومن جهه معينه ..
Post: #51 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-22-2010, 01:28 PM Parent: #50
يا معاوية انت رفعت فوق 3 لقطات والرابعة مكبرة
اللقطة واحد دي خليها
انا عاوز التفاصيل بين اللقطة 2 واللقطة 3
البلنتي بين الاتنين ديل
Post: #52 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Maawya Hussein Date: 02-22-2010, 01:30 PM Parent: #50
الفيديو قاعد فوق يا وليد جابو ليك احمد الريح امبارح ..ما عندي تسجيل لي كوره المريخ لللاسف لكن ممكن تجيب اللقطات دي من منتداكم لو عندك اشتراك هناك ..وجيب معاك البلنتي بتاع المريخ الاحرز منو الهدف التالت
Post: #53 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-22-2010, 01:40 PM Parent: #52
ما عندي اشتراك
والبنتي مافي ما كان ظاهر وحالة طرد ايداهور بضو
لكن الكانت ظاهرة فعلا ضرب النفطي بالركبة على الوجه
Post: #54 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-23-2010, 01:40 PM Parent: #53
المشكلة يا وليد -وكل الزملاء المشاركين- إننا في بلد لا يتعامل مع أخطاء الحكام إلا على أساس أنها أخطاء مقصودة، حتى الحكام الأجانب الذين أداروا مباريات القمة لم يسلموا من الاتهام بالانحياز!
وطبعاً ده بالإضافة إلى إنو تصوير المباريات عندنا لا يجعل من تقييم الحالات المثيرة للجدل أمراً سهلا.
هدف سيف مساوي الثاني في جزيرة الفيل حكم عليه الكثيرون بأنه جاء بيد مساوي، وأعتقد أن سبب هذا الحُكم هو احتجاج لاعبي الجزيرة، رغم أن زاويتي التصوير لا تؤكدان أنه لمس الكرة بيده، والأرجح -عندي- هو أنها لعبها بصدره.
لو كنت تقصد هذا المشهد، هل هو ركلة جزاء أم مخالفة غير مباشرة؟
Post: #57 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-23-2010, 02:30 PM Parent: #54
برضو كلامك صاح بعدم الوضوع لكني برجح انه ضربها بيده
Post: #58 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-23-2010, 02:41 PM Parent: #57
(برجّح) دي أبداً ما مشكلة يا وليد، المشكلة في من (يؤكد) أمراً غير واضح، وديل -للأسف- كتار جداً.
غايتو طريقة تناول الأمور الرياضية عندنا محتاجة معالجة جذرية، لأنو الحاصل ده لا عندو علاقة بالصحافة والإعلام لا من قريب لا من بعيد.
Post: #59 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: abuguta Date: 02-23-2010, 02:55 PM Parent: #58
فقط سيسجل التاريخ ان الهلال كسب المباراة
فى انتظار اى تعادل للمريخ مع الامل
حتى يفوز بالكاس بفارق 7 نقاط
لوووووووووووووووووووووول
Post: #60 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-23-2010, 03:07 PM Parent: #59
يا شباب أنا عاوز أتراجع من فكرة إنو مهاجم الجزيرة كان متسلل، والسبب هو الصورة أدناه، والتي قمت فيها برسم خطين افتراضيين متوازيين، الأول لإكمال خط ال18 بناءاً على زاوية التصوير، والثاني موازٍ له.
ولو كلامي ده صاح، يبقى مدافع الهلال البعيد كان أقرب لمرماه من مهاجم الجزيرة، والدليل على كده -كمان- غياب حكم الراية عن هذا المشهد وهو المفروض -نظرياً- يكون مع المدافع الأخير (صاح ولا أنا غلطان؟).
دي مفروض تكون الطريقة الصحيحة للتقييم، ولا رايكم شنو؟
Post: #61 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-23-2010, 03:14 PM Parent: #60
ابدا يا احمد الريح
نفس الخط ده الخلاني امس اتراجع من كلامي واقول انه كان متسلل
ليه
لو كانت الكاميرا المنها اللقطة في وسط الملعب كان بكون خط الوهمي صحيح لكن الكاميرا في النص البخص الهلال عليه بصبح خط الوهمي غير صحيح
وعشان كده انا انا اتراجعت يا نوبي وقع ليك
Post: #62 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: على محمد على بشير Date: 02-23-2010, 05:31 PM Parent: #61
Quote: لالالالا
ارفعها فديو
وانا بريك بتين ضربه
Post: #63 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-23-2010, 06:16 PM Parent: #62
________________
_________________
الزول سارق ومافي بلنتي
Post: #64 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: معتصم ود الجمام Date: 02-23-2010, 06:18 PM Parent: #62
عندي ملاحظة ما عندها علاقة بصحة قرار الحكم او لا
في الفيديو شوفوا كل لاعبي الهلال الفي المشهد لحظة الحدث رفعوا اياديهم بشكل رافض .... ليه
Post: #65 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: على محمد على بشير Date: 02-23-2010, 06:33 PM Parent: #64
Quote: الزول سارق ومافي بلنتي
والله يا الشفت دى حركه جبانه منك افتش ليك السايبر كلو اجيب ليك الفيديو تجى تقول الزول سارق ومافى بلنتى
ــــــــــــــــــــــــــ
غايتو تراجى ما غلطانه عليك اصلو
Post: #67 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-23-2010, 06:45 PM Parent: #65
يا على اسوي شنو
الجماعة ديل غالتيين
Post: #66 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-23-2010, 06:38 PM Parent: #64
دي رقصة جديدة يا ود الجمام
Post: #68 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-24-2010, 00:55 AM Parent: #66
Quote: لو كانت الكاميرا المنها اللقطة في وسط الملعب كان بكون خط الوهمي صحيح لكن الكاميرا في النص البخص الهلال عليه بصبح خط الوهمي غير صحيح
المؤكد يا وليد هو أن هذه الحالة صعبة جداً، وده دليل (آخر) على صعوبة مهمة الحكم، فهو مطلوب منه قرار سريع وحازم وصحيح، ونحن هنا بالإعادة والتثبيت والصور والفيديو ورسم الخطوط ما قادرين نتفق!
عموماً، إنت المريخابي قلت مهاجم الجزيرة متسلل، وأنا الهلالابي قلت إنو ما متسلل، وده موقف نادر، حقّو يدونا عليهو جائزة نوبل في السلام
Post: #69 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-24-2010, 00:59 AM Parent: #68
سلامات يا علي بشير
ما رأيك في المخالفة التي ارتُكبت مع عمر بخيت (داخل منطقة الجزاء) واحتسبها الحكم مخالفة خارج منطقة الجزاء؟
لو ثبت أن الإعاقة كانت داخل منطقة الجزاء، فهل يستحق الهلال ركلة جزاء أم مخالفة غير مباشرة؟
Post: #70 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: معتز مقبول Date: 02-24-2010, 01:26 AM Parent: #69
خلاس يا حبيب(الشفت)انت بس زح شويه كده
و خلي ال في السهله دييل يجو جنبك كده
امكن ينفعوا
بتقدر علي كده............................
تحياتي
Post: #72 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: على محمد على بشير Date: 02-24-2010, 06:47 AM Parent: #70
Quote: لو ثبت أن الإعاقة كانت داخل منطقة الجزاء، فهل يستحق الهلال ركلة جزاء أم مخالفة غير مباشرة؟
احمد الريح
تحياتى
المخالفه بى شكلها دا تعتبر حره غير مباشره يعنى لو بره التمنتاشر والا جوه التمنتاشر فى الحالتين حره غير مباشره
ولو داير رايى اكتر انا لو كنت فى محل الحكم ما كنت اح احتسب اى مخالفه ضد مدافع الجزيره لانو المدافع حاول انو يبعد الكوره وعمر بخيت جاء مندفع ودخل بى ضهرو ومسك راسو يعنى عمر متعمد انو ياخد فاول
ودا ما بينفى انو مدافع الجزيره غبى لدرجة قف وهو نفس اللاعب الذى لعب الكوره قصيره لسادومبا والتى جاء منها الهدف الاول
Post: #74 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-24-2010, 07:15 AM Parent: #70
مرحب معتز
هم جايين جاين
تشربوا ما تروا
Post: #71 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-24-2010, 06:43 AM Parent: #68
احمد الريح ما صعب على الحكم ولا حاجة
لو الحكم في المستوي فينيا وبدنيا وكذلك رجال الخطوط الموضوع اكتر من سال
لكن لان رجال خطوطنا وحكامنا تعبانين فنيا وبدنيا
عاين للصورة دي
وريني وين بتاع الراية المفروض انه يكون في خط مستقيم مع اخر لاعب عشان ياخد الاوف ما ظاهر في الصورة تماما
Post: #73 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-24-2010, 07:05 AM Parent: #71
يا احمد الريح
ضربة الجزاء هي ضربة حرة مباشرة
المخالفة غير المباشرة لا تحتسب ضربة جزاء ابدا
حتى لو كانت جوة السته
Post: #75 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: على محمد على بشير Date: 02-24-2010, 02:32 PM Parent: #71
Quote: عاين للصورة دي
وريني وين بتاع الراية المفروض انه يكون في خط مستقيم مع اخر لاعب عشان ياخد الاوف ما ظاهر في الصورة تماما
يا ولى
رجل الرايه بقى يجرى نص الميدان بس وفى هذه اللقطه رجل الرايه فى تصف ملعب الهلال اليمين والتانى فى نصف ملعب الجزيره يسارا
Post: #76 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: على محمد على بشير Date: 02-24-2010, 02:57 PM Parent: #75
Quote: يا احمد الريح
ضربة الجزاء هي ضربة حرة مباشرة
المخالفة غير المباشرة لا تحتسب ضربة جزاء ابدا
حتى لو كانت جوة السته
لا يا ولى ركلة الجزاء غير حــره ولكنها مباشره وهذا يعنى ان ركلة الجزاء يجب ان تلعب للامام ولا يحق للاعب ان يلعبها للخلف
ومثلها ركلة المرمى ركلة الزاويه الركنيه
لا يحق للاعب ان ينفزها للخلف , اذن هى ركلات مباشره ولكنها ليست حرهوجاء فى الماده ( 14 ) ركلة الجزاء ... الاجراءات
* اللاعب الذى ينفذ ركلة الجزاء يجب ان يركل الكره للامام
Post: #77 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-25-2010, 02:37 AM Parent: #76
Quote: المخالفه بى شكلها دا تعتبر حره غير مباشره يعنى لو بره التمنتاشر والا جوه التمنتاشر فى الحالتين حره غير مباشره
ولو داير رايى اكتر انا لو كنت فى محل الحكم ما كنت اح احتسب اى مخالفه ضد مدافع الجزيره لانو المدافع حاول انو يبعد الكوره وعمر بخيت جاء مندفع ودخل بى ضهرو ومسك راسو يعنى عمر متعمد انو ياخد فاول
ودا ما بينفى انو مدافع الجزيره غبى لدرجة قف
سلامات يا أبو علوة
هذا ما كنت أظنه، وكنت أود التأكد. الركلة الحرة غير المباشرة تُمنح إذا تداخل اللاعب بطريقة خطِرة، وغني عن القول أن رفع الرِجل إلى مستوى رأس اللاعب المنافس أمر فيه خطورة بائنة، حتى لو كان القصد إبعاد الكرة.
خبرة عمر بخيت كان يمكن لها أن تمنح الهلال ركلة جزاء مستحقة وفي وقت حاسم من المباراة إذا هَوَت قدمُ مدافع الجزيرة على عمر بخيت بدلاً عن الكرة. ولا أنا غلطان؟
حالة مماثلة: ركلة جزاء ارتكبها سعيد السعودي مع سيف مساوي في نهائي الممتاز 2007. سعيد كان يقصد إبعاد الكرة، لكن قدمُه هَوَت على مساوي بدلاً عن الكرة، فكانت ركلة الجزاء مستحقة.
(المشهد في الدقيقة 1 و 30 ثانية تقريبا)
Post: #78 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-25-2010, 04:01 AM Parent: #77
Quote: وريني وين بتاع الراية المفروض انه يكون في خط مستقيم مع اخر لاعب عشان ياخد الاوف ما ظاهر في الصورة تماما
ما هي المشكلة في الخط (المستقيم) ده يا وليد، عشان كده الموضوع ده صعب بالنسبة لينا نحن برضو.
وعموماً أخطاء الحكام موجودة في كل مكان وعلى كل المستويات، بس المشكلة إنو في السودان خطأ الحكم... مقصود، ولا على كيفو!
Post: #80 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-25-2010, 04:53 AM Parent: #78
Quote: السودان خطأ الحكم... مقصود، ولا على كيفو!
عندما يكون الخطاء مكرر دائما يترك مجال واسع للتكهن والشك في النوايا
اخطاء الحكام الكثيره والتي لم تعالج لفترة طويلةتتكون لواحد من سببين
اما عدم الكفاءة او القصد
Post: #83 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: على محمد على بشير Date: 02-25-2010, 10:43 AM Parent: #77
Quote: سلامات يا أبو علوة
هذا ما كنت أظنه، وكنت أود التأكد. الركلة الحرة غير المباشرة تُمنح إذا تداخل اللاعب بطريقة خطِرة، وغني عن القول أن رفع الرِجل إلى مستوى رأس اللاعب المنافس أمر فيه خطورة بائنة، حتى لو كان القصد إبعاد الكرة.
خبرة عمر بخيت كان يمكن لها أن تمنح الهلال ركلة جزاء مستحقة وفي وقت حاسم من المباراة إذا هَوَت قدمُ مدافع الجزيرة على عمر بخيت بدلاً عن الكرة. ولا أنا غلطان؟
تعرف يا احمد
مشكلة حكامنا الكبرى ليست هى معرفة القانون او عدم الالمام به ولكن مشكلتهم الاساسيه هى ضعف اللياقه البدنيه فيجب عند ارتكاب اى مخالفه اثناء سير المباراه ان يكون الحكم اقرب الى الحدث من غيره حتى يتخز القرار الصحيح ولكن حكامنا ولا حرج عندما تحدث المخالفه بيكونوا بعيدين جدا من مكان الحدث ولذلك دائما تاتى قراراتهم ارتجاليه وفى احيان كتيره تاتى قراراتهم غير صحيحه اضف الى ذلك كما اشار وليد رجال الخطوط وقفتهم دائما بتكون غير صحيحه وبرضو لعدم الوقفه الصحيحه بتاتى اشاراتهم غير صحيحه
والمشكله التانيه التى يواجهها الحكام هى خوفهم من الاعلام والجمهور لذلك تاتى دائما قراراتهم فى حالة موازنه لارضاء الاعلام والجمهور يعنى تفتكر الحكم ابوشنب كان غالبو يحتسب ضربة الجزاء فى اخر المباراه لصالح جزيرة الفيل ؟ طبعا هو خاف من مآلات اتخاز مثل هذا القرار فى مثل هذا الوقت والذى كان يعنى ضياع نقطتين من الهلال فى اول مباراه دوريه , وجزيرة الفيل لانو ما عندها اله اعلاميه فستكون اخف وطأه , يعنى نحنا جمهور نادييى القمه لينا دور فى انخفاض مستوى الحكام فى السودان اما هدف سيف مساوى فمن الصعب على الحكم او المساعد نقضه لانو حتى بالتصوير التلفزيونى الحله لم تكن واضحه شديد لاتخاز قرار بشأنها خاصه وانو مساوى حينما احرز الهدف كان وسط زحمه من لاعبى الفريفين
تتزكر هدف مصر فى مرمى الكاميرون والذى لم يتعدى خط المرمى واشار رجل الرايه للحكم واحتسب الحكم الهدف من فراغ تكرر هذا المشهد قبل ايام فى مباراة المريخ الوديه امام فلايق الخرطوم ولم تتعدى الكره مرمى المريخ واحتسب الحكم هدف للخرطوم تلاته
Post: #79 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-25-2010, 04:48 AM Parent: #75
Quote: رجل الرايه بقى يجرى نص الميدان بس وفى هذه اللقطه رجل الرايه فى تصف ملعب الهلال اليمين والتانى فى نصف ملعب الجزيره يسارا
مرحب على الصورة الرفقة في النصف الذي يخص الهلال فقط اي في مدي ومجال تحرك حامل الراية الاول
ومفروض انه يكون في خط مستقيم موازي لاخر مدافع هلالي عشان يقدر يعرف لو في لاعب من جزيرة الفي متقدم عليه ويعرف يجيب السارق
Post: #81 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: على محمد على بشير Date: 02-25-2010, 09:32 AM Parent: #79
Quote: مرحب على الصورة الرفقة في النصف الذي يخص الهلال فقط اي في مدي ومجال تحرك حامل الراية الاول
ومفروض انه يكون في خط مستقيم موازي لاخر مدافع هلالي عشان يقدر يعرف لو في لاعب من جزيرة الفي متقدم عليه ويعرف يجيب السارق
كلامك منطقى جدا يا وليد بس لا الصوره ولا الفيديو قدرت تجيب رجل الخط ولو كان فى تصوير بكاميرا من الناحيه التانيه كانت جابت رجل الرايه وكان عرفنا هو واقف وين
بس عموما رجل الرايه شاف انو مافى تسلل معناها هو كان واقف صاح بدليل انو لم يؤشر للحكم بالتسلل
Post: #82 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: وليد محمد المبارك Date: 02-25-2010, 10:02 AM Parent: #81
يا حبيبنا
Quote: بس عموما رجل الرايه شاف انو مافى تسلل معناها هو كان واقف صاح بدليل انو لم يؤشر للحكم بالتسلل
حكاية انو في سارق ولا مافي دي اثبتناها ليك فوق ما دايره غلاط بعدين كان واقف صاح وين ؟
جمب الراية ولا وين ؟الزول ده ما ظهر في الكادر ابدا
Post: #84 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-25-2010, 02:15 PM Parent: #82
Quote: بس عموما رجل الرايه شاف انو مافى تسلل معناها هو كان واقف صاح بدليل انو لم يؤشر للحكم بالتسلل
يعني يا على ممكن نقول إنو رجل الراية شاف إنو المعز ما عرقل مهاجم الجزيرة عشان كده ما رفع الراية للحكم عشان يحسب ركلة جزاء لجزيرة الفيل؟
إذا الحكم ما احتسب ركلة الجزاء، ليه رجل الخط ما رفع الراية لتنبيه الحكم؟ ولو الحكم منحاز للهلال، ليه ما احتسب ركلة جزاء في حالة عمر بخيت؟ وليه طرد مساوي؟ رغم إنو مافي زول عارف مساوي قال شنو وكان ممكن يعمل نايم عادي. وليه احتسب ركلة جزاء تعادلية لجزيرة الفيل رغم إنو برضو كان ممكن يعمل نايم أو يقول إنو لمسة اليد غير متعمدة؟!
Post: #85 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: على محمد على بشير Date: 02-25-2010, 02:45 PM Parent: #84
Quote: يعني يا على ممكن نقول إنو رجل الراية شاف إنو المعز ما عرقل مهاجم الجزيرة عشان كده ما رفع الراية للحكم عشان يحسب ركلة جزاء لجزيرة الفيل؟
فى حالة ضربة الجزاء الغير محتسبه للجزيره يا احمد رجل الرايه كانت زاوية رؤيته افضل من الحكم وطالما انه لم يرفع الرايه للحكم بأن هناك ضربة جزاء فيعنى ذلك بأن تقديره بأن الحاله ليس فيها ضربة جزاء او عمل فيها رايح وقال للحكم اكل نارك
Quote: الحكم منحاز للهلال، ليه ما احتسب ركلة جزاء في حالة عمر بخيت؟
حالة عمر بخيت واضحه زى الشمس والحكم اخد الحاله وما كان ممكن يحتسب ركلة جزاء الا لو كان مجنون
Quote: وليه طرد مساوي؟ رغم إنو مافي زول عارف مساوي قال شنو وكان ممكن يعمل نايم عادي
اكيد مساوى عك عك شديد يا احمد وتحت سمع لاعبى الفريقين والاكيد اكتر بيكون احرج الحكم واداهو فرصه انو يغض الطرف والحكايه دى اشبه بحالة امير دامر لمن طرده الحكم فى مباراة المورده لو بتتزكر
ولو كان هيثم مصطفى موجود يا احمد لما تجرأ مساوى على الحكم وهيثم كلاعب خبره ومخضرم كان قال نفس الكلام القالو مساوى بس بعيد عن سمع باقى اللاعبين والحكم ماكان عمل شئ ياخ الحكام ديل بيسمعوا بلاوى من لاعبى القمه بس قاعدين يعملوا فيها رايحين
Quote: وليه احتسب ركلة جزاء تعادلية لجزيرة الفيل رغم إنو برضو كان ممكن يعمل نايم أو يقول إنو لمسة اليد غير متعمدة؟!
كانت ظاهره شديد يا احمد وصعب جدا انو يتغاضى عنها
Post: #86 Title: Re: ان كان هذا هو الهلال الذي شاهداناه امس ... فده فريق قاعد في السهلة Author: Ahmed Alrayah Date: 02-25-2010, 03:43 PM Parent: #85
يعني يا علي لقيت عـذر للحكم في كل الحالات الكان ممكن يجامل فيها بالهلال
على العموم، أخطاء الحكام تظل أخطاء غير مقصودة حتى يثبت بالدليل القاطع أنها مقصودة، والاتهام بالانحياز موجود في معظم الدول العربية (مصر والسعودية خير مثال).
استفادة الفرق من أخطاء الحكام ليس ذنبها، حتى يثبت بالدليل القاطع تواطؤ الحكم معها. خير مثال على خطأ تحكيمي (بالغ الأثر): هدف تيري هنري في مرمى آيرلندا الذي صعدت به فرنسا لكأس العالم.
