هي فضل فيها سلطة و اللا ثروة ؟؟

قال الناطق بإسم العدل و المساواة أنهم وقعوا اليوم إتفاقا إطاريا و تبقى الإتفاق الشامل لقسمة السلطة و الثروة و الترتيبات الأمنية ..

ـــ
تووو ليت .. يا شباب ..

و في الإنتظار مجموعتي طرابلس و أديس ..


ديل برضو عايزين يتفاوضوا و يتقسموا ..


يا جماعة الحاجة دي ما حتكفي ..

و أخشى أن يحرد السيد / مني أركو مناوي ..

و يخرج من القصر إلى الجبل ..


أما عبد الواحد .. فهو في كل الأحوال لن يرضى بالخروج من باريس ..

كدي بالأول بارك للناس ديل السلام ووقف الحرب
وثانيا العنده حق في سلطة ولا ثروة اليشيلوه


زمان لمن إستولي البشير علي السلطة كان بيقول هو السودان فضل فيهو شنو مغري عشان يسرقوه
ووحاتك بعد كل هذا السنين ورغم كل ذلك النفاق والكذب، ومن السودان البائس الفقير تدلدلت لغد االبشير وعشيرته وتضخمت حساباته وحسابات شركاته وأخوانه وأزواجه

فما تخاف

ما زال هناك كثير من الخير في باطن الأرض وخارجها، بس أدوا البلد شوية أمان وشوية حرية عشان الناس تعرف تخلق الثروة وتتقاسمها

نصر سلام

البشير استخدم اسلوب القوة للانفراد بالحكم وقال ما بتفاهم مع اي جهة والعاوزنا يقالعنا بالقوة ... قبل ما يقول الكلام دا كان السودان كله وحده متماسكة ومافي تظلم بالقوة الا في جنوب السودان اشتدت مسالة الجنوب واجبر البشير على التفاوض لقى الجماعة الما زرعو مع الله لكن قربو يقلعو ... وبمبدا القوة الانتهجو البشير ظهرت الشرق وبعدها دارفور والان وحده السودان في كف عفريت ولا يزال البشير يرقص ولا هاميهو !!!

ياخي دا لو حمار سايق قطيع ما كان بيصل للمستوى دا من ميتة القلب البني ادم دا خلقو من ياتو طينة ؟
بلد اطرافها محتلة وبنيها يقتتلون بالسلاح حتى داخل العاصمة !! والطالب يقتل زميلته والطبيب زميله والابن متهم بقتل اباه

والشوراع مليئة باللقطاء ولولا الفاقة لما حدث الانحراف الاخلاقي ...

وبعد دا كلو لا يزال البشير يبشر بالسلام ؟!!
ولماذا صنع الحرب اولا حتى يبشرنا بالسلام ؟؟

هل كان من الضروري سفك كل هذه الدماء حتى يعلم البشير ان السلام افضل من الحرب ؟؟!!

حسبنا الله ونعم الوكيل عليه وعلى كل عصابته

في السليم يا محمد حسن

Quote: ولماذا صنع الحرب اولا حتى يبشرنا بالسلام ؟؟

سالم خليل و لحس كل أحلامه ..

سالم خليل و كان كل همه أن يقتسم ما تبقى من فتات موائد السلطة ..

خليل في الأصل لم يكن صاحب قضية كان مجرد كارت ..

لذلك كما خرج عاد ..