اغنية ابو جهينة

Post: #1
Title: اغنية ابو جهينة
Author: اساسي
Date: 02-20-2010, 01:06 PM

كلما سمعت هذه الاغنية لعقد الجلاد الا وتذكرت عضو المنبر الاخ جلال ابو جهينة

لا ادري ما هي العلاقة بينهما ؟

بالله يا ابو جهينة شايف في علاقة ؟

http://www.sudani.ws/s-data02/egdelgalad/atbra.mp3

Post: #2
Title: Re: اغنية ابو جهينة
Author: اساسي
Date: 02-20-2010, 01:11 PM
Parent: #1

الهجرة الي عطبرة

المقطع النوبي في وسط الاغنية

الاغتراب والدردرة

اظنها كلها اشياء قرأتها في كتاباتك

Post: #3
Title: Re: اغنية ابو جهينة
Author: ابو جهينة
Date: 02-20-2010, 02:44 PM
Parent: #2

يا سلام يا السماني ياخي
فعلا أساسي إنت هنا
الأغنية بالفعل تصوير ديجيتالي لحال الدردرة و الغربة و أتبرا في الزمن الغابر

شكرا أساسي

يا ريت تنزل الأغنية لأني ما عرفت ليها طريقة هنا

Post: #4
Title: Re: اغنية ابو جهينة
Author: مجدي عبدالرحيم فضل
Date: 02-20-2010, 02:53 PM
Parent: #3

Post: #9
Title: Re: اغنية ابو جهينة
Author: ابو جهينة
Date: 02-20-2010, 05:04 PM
Parent: #4

أبا قصى العزيز
تحايا كبيرة
و الشكر آلاف على إيراد الأغنية
تحياتي للأسرة

Post: #5
Title: Re: اغنية ابو جهينة
Author: اساسي
Date: 02-20-2010, 02:54 PM
Parent: #3

العزيز جلال

تحية وسلام

اول حاجة اسف علي الاقحام المباشر , لكن لي كم يوم عندي شريط عقد الجلاد والاغنية دي فيهو كلما اسمعها اربطها بيك

الاغنية في الرابط اعلاه ودي كلماتها

من قمت من بيتنا ومشيت

بطاقتي صورة مصغرة

شايل معاي شنطة صفيح

حزمة هموم

ولدا متين بقي للسفر

والاغتراب والدردرة

كان الزمان لسة رضى

والناس ظروفها مقدرة

وانا في القطار اصغر صبي

امال تفيض متفجرة

لما القطار صفر وقف

بهرتني صورة عطبرة

دي محطة الوطن الكبير

كانت تضج متحضرة

ونزلت ماشي على الرصيف

اغبش هدومي مغبرة

الهجرة من زمناً قديم

زي ساقية فينا مدورة

عيلة ابوي عبد الرحيم

من حلفا جات متهجرة

اديلة او والله رن فجلي
بلد نفاي اموقا كجلي
نورين موقو كن جواب كفاي
دقيتني نفص كورين لوجي

نفس القطارات والسكك

يوم مقبلة ويوم مدبرة

كان عمري 12 سنة

شايل التقيلة مبكرة

رحال بدون زاد لا متاع

كان لي كتاب ومفكرة

لميت شتات بعض الحروف

وقرايتي تبدو مكسرة

Post: #6
Title: Re: اغنية ابو جهينة
Author: اساسي
Date: 02-20-2010, 02:55 PM
Parent: #5

شكرا يا مجدي يا استاذ ما عدماناك اديت البوست كدا بعده الحقيقي

Post: #7
Title: Re: اغنية ابو جهينة
Author: ابو جهينة
Date: 02-20-2010, 03:07 PM
Parent: #6

تعرف يا أساسي

الأبيات دي :

من قمت من بيتنا ومشيت

بطاقتي صورة مصغرة

شايل معاي شنطة صفيح

حزمة هموم

ولدا متين بقي للسفر

والاغتراب والدردرة

هي ترجمة حقيقية لكل حِقَب إغترابي جوة السودان و برة السودان في مراحلها المختلفة
إشتغلت مدرس شمالا بوادي حلفا بعد الهجرة بثلاث سنوات
ثم جنوبا بأرض المحس
ثم حلفا الجديدة
و كلها تنقلات أرجع منها متلهفا إلى أتبرا الحبيبة
ثم الإغتراب الكبير في أمريكا ثم أوروبا
ثم أخيرا السعودية
دردرة ما بعدها دردرة
و لله في خلقه شئون .. ( و لشئون المغتربين فينا شئون دنيوية )

دمتم

Post: #8
Title: Re: اغنية ابو جهينة
Author: abubakr
Date: 02-20-2010, 03:09 PM
Parent: #6

شكرا اساسي .. وسط كدر للعقل والوجدان جعلتني استمع لسرد جميل لبعض ملامح زمن عاشه جيلي والذي اتي بعدي والذي سبقني ..