Post: #1
Title: khaleel
Author: اساسي
Date: 02-20-2010, 10:25 AM
Parent: #0
من الاعضاء القلائل جدا في هذا المنبر الذين يمتلكون خاصية نادرة جدا وهي امكانية افتراع بوست جديد ( يوميا) بموضوع مختلف
|
Post: #2
Title: Re: khaleel
Author: اساسي
Date: 02-20-2010, 10:26 AM
Parent: #1
ككاتب ما عنده التكتح لا لغة لا ادب لا شعر , الا انه يمتلك خاصية اخري نادرة وهو الخيال الخصب
|
Post: #3
Title: Re: khaleel
Author: اساسي
Date: 02-20-2010, 10:27 AM
Parent: #2
كما وانه شخص مرح وصاحب نكتة حاضرة وتعليقات ذكية
|
Post: #4
Title: Re: khaleel
Author: اساسي
Date: 02-20-2010, 10:29 AM
Parent: #3
في فترة من الفترات خبا نجمه حتي ظننا انه سيأفل تلك الايام كان يكتب كثيرا عن الجنس الاخر ونون النسوة الا انه عاد سريعا وتدارك الامر واستعاد اراضيه
|
Post: #5
Title: Re: khaleel
Author: اساسي
Date: 02-20-2010, 10:31 AM
Parent: #4
في مفارعاته الرياضية هو هلالي متزن وميوله الهلالية معقوله الا انه بوستاته الرياضية دائما ما تكون صاخبة وفيها رؤي مستقبلية
|
Post: #6
Title: Re: khaleel
Author: اساسي
Date: 02-20-2010, 10:32 AM
Parent: #5
احيانا ياتي بكتابة ( تمٌحن)
|
Post: #7
Title: Re: khaleel
Author: اساسي
Date: 02-20-2010, 10:33 AM
Parent: #6
لم اعرفه جيدا الا بعد ان تعرفت علي الصديق احمد التجاني
|
Post: #8
Title: Re: khaleel
Author: khaleel
Date: 02-20-2010, 10:38 AM
Parent: #7
| Quote: ككاتب ما عنده التكتح لا لغة لا ادب لا شعر , الا انه يمتلك خاصية اخري نادرة وهو الخيال الخصب |
اساسي يا حبيبو
نحاول هذه الايام القراءة واستعمال كلام كبار كبار
حتي نخرج من زمرة ابو الريش
|
Post: #9
Title: Re: khaleel
Author: بدر الدين الأمير
Date: 02-20-2010, 10:49 AM
Parent: #8
| Quote: حتي نخرج من زمرة ابو الريش |
خليل الجمال
كدي اول حاجة اخرج من زمرة كيكي
اساسى انت عينك في كيكي
|
Post: #10
Title: Re: khaleel
Author: صلاح ليون
Date: 02-20-2010, 11:26 AM
Parent: #9
| Quote: لم اعرفه جيدا الا بعد ان تعرفت علي الصديق احمد التجاني |
ولن تعرفه جيدا إلا بعد ان تقابله شخصيا
|
Post: #16
Title: Re: khaleel
Author: اساسي
Date: 02-20-2010, 12:33 PM
Parent: #10
| Quote: ولن تعرفه جيدا إلا بعد ان تقابله شخصيا |
اقابل الرسول يا ليون
خليل منو البقابله ؟ من واقع حكاوي ود التجاني الزول دا كارثة احسن تزازي من بعيد لي بعيد
|
Post: #11
Title: Re: khaleel
Author: Amira Elsheikh
Date: 02-20-2010, 11:27 AM
Parent: #9
انا لله,,,,
مابقدر اجيب الكوتيشن,,,,
سلام يااساسي,,,
|
Post: #12
Title: Re: khaleel
Author: Rawia
Date: 02-20-2010, 11:42 AM
Parent: #11
كنت مكجناهو عدييييل
وبدون مبالغة بوست اليوم الحار دخلتو مرة واحدة بس
ومابدخل ليهو في اي حتة ولابقرا ليهو أي مداخلة
بس الحالة دي قبل ما أمشي الدوحة إتغيرت شوية
ولما لاقيتو في الدوحة
لاقيت إنسان محترم راقي ومهذب جدا
خليل من الناس (الفعلن) بحترمهم وعندو مكانة عندي
وفخورة بمعرفته
|
Post: #13
Title: Re: khaleel
Author: محمد عبد الماجد الصايم
Date: 02-20-2010, 11:54 AM
Parent: #12
بكجّنو .. أي والله!! في حالة واحدة
بس .. في بوستات مباريات الهلال!
زي محمد عادل المهمش بالضبط كــدا!
بجيني إحساس لو خليل فتح بوست المباراة
حننضرب حننضرب .. غايتو اتكيّفت يوم حلف
قال الهلال لو ما شال البطولة بمش المريخ!
دي المباراة الوحيدة الأتمنيت الهلال يتغلب فيها!!
باقي الأيام تمام التمام
وبمتّعكـ في الون تو!!
|
Post: #19
Title: Re: khaleel
Author: اساسي
Date: 02-20-2010, 12:39 PM
Parent: #13
جبت التايهة يا كاروشة الجزار
| Quote: وبمتّعكـ في الون تو!! |
ودي كنت داير اشير ليها لو البوست صبر لي لكن كويس انك التقطتها ودي حرفنة تحسب ليك غير مشهور بها انت
|
Post: #18
Title: Re: khaleel
Author: اساسي
Date: 02-20-2010, 12:36 PM
Parent: #12
Quote: لاقيت إنسان محترم راقي ومهذب جدا
خليل من الناس (الفعلن) بحترمهم وعندو مكانة عندي
وفخورة بمعرفته |
بختك يا ابو الخل
راوية العباسي بتكسر ليك تلج
ما فاضل ليك بعد كدا الا تحج وتطلب الله
|
Post: #17
Title: Re: khaleel
Author: اساسي
Date: 02-20-2010, 12:35 PM
Parent: #11
| Quote: مابقدر اجيب الكوتيشن,,,, |
وعليكم السلام اميرة الشيخ
امنعي الشمار
شفتينا كيف قاعدين نقرا وما بنقوت حاجة
|
Post: #15
Title: Re: khaleel
Author: اساسي
Date: 02-20-2010, 12:32 PM
Parent: #9
| Quote: اساسى انت عينك في كيكي |
يا بدر الدين الامير
كيكي داك براهو حكاية , انا طالبه قصة لاسع ما تماها وعمل لي رايح
عشان كدا ما عنده اوسكار عندي الا لمن يتمها
بعدين بوستات كيكي بتجيب لينا ملاسي والبندر و انحنا بلا طاقة او نزعة دواسية
ـــــــ
بالمناسبة في اخر تصنيف لي لكتاب 2009 منحتك اوسكار لذاك العام
اسع قلعتو منك , عشان بديت السنة دي بي مكنة خفيفة وفيها دخنة
|
Post: #14
Title: Re: khaleel
Author: اساسي
Date: 02-20-2010, 12:28 PM
Parent: #8
Quote: اساسي يا حبيبو
نحاول هذه الايام القراءة واستعمال كلام كبار كبار
حتي نخرج من زمرة ابو الريش |
ياخي خليك رزين وتقيل وشرك بالبوست دا للناس الحتكسر ليك تلج ,
القاك اول واحد يجيني طاير وفاكي الزراير
غايتو الخفة الكتلت ام تفة دي ما شفتها الا في الوليد يوسف وفيك الان
علي العموم موضوع انه كتابتك تتحسن في المدي المنظور دا موش لو كتبت كبار كبار؟ لو نزلت (طشاتة) ما بينفع
خليك في دربك سادر والعوجة ما بتجيك
|
Post: #20
Title: Re: khaleel
Author: احمد التجانى احمد
Date: 02-20-2010, 12:53 PM
Parent: #14
| Quote: الا انه يمتلك خاصية اخري نادرة وهو الخيال الخصب |
يازول انت داير تقول خليل دة فالكاو عديل كدة وتجى تلصقها فينى
لكن قبل الخاصية دى الزول دة بيمتلك موروث ثقافى شعبى لايقل عن ما يملكه
الطيب ود ضحوية و احمد الفرجونى
|
Post: #21
Title: Re: khaleel
Author: اساسي
Date: 02-20-2010, 12:58 PM
Quote: يازول انت داير تقول خليل دة فالكاو عديل كدة وتجى تلصقها فينى
|
دا شنو يا احمد التجاني كسير التلج البرااااحة دي , ( ذبحتنا) وليد وليد , تجي تقول لي كلمتين علي الطاير وتعمل فيها رايح
غايتو احمد الله يا خليل انه احمد التجاني دا ما باله طويل زي ناس عادل عبد العاطي و النور كبر والناس البوستاتهم بالمتر ديلك
كان اغدق في الكلام عنك حتي جف مداده , يبدو ان الرجل يودك اكثر مما تتخيل
Quote: لكن قبل الخاصية دى الزول دة بيمتلك موروث ثقافى شعبى لايقل عن ما يملكه
عبد الله ود ضحوية او احمد الفرجونى |
موروث شعبي , انا عارفه من اول يوم قريت ليهو انه زول اهالي ساكت
بعد مداخلة احمد التجاني دي ا كيكي بتمنى انه يوم شكرك البوردي ما يجي
ما ظنيت يومئذٍ احمد التجاني حيتكلم عن حاجة غير ( لقافتك السايبرية )
|
Post: #22
Title: Re: khaleel
Author: حمور زيادة
Date: 02-20-2010, 01:06 PM
Parent: #21
خليل من الناس الانا بحرص اقرا ليهم دايما ..
زول ممتع شديد.
و اساسي جاب التايهة فيو .. انو خليل ممكن كل يوم يفتح بوست بموضوع جديد و كما شيّق.
للأسف لم احظى بشرف التعرف عليه .. التقيته سريعا على باب راكوبة سلوى في قندهار و تصافحنا على عجل و مضى.
|
Post: #23
Title: Re: khaleel
Author: اساسي
Date: 02-20-2010, 01:09 PM
Parent: #22
Quote: خليل من الناس الانا بحرص اقرا ليهم دايما ..
زول ممتع شديد. |
والله يا خليل انا لو محلك مداخلة الاديب حمور دي اطبعها واعملها حجاب والبسها , ونسخة تانية تمنها تطبعها في فنلتك الكحلية عشان اي زول يقراها
|
Post: #29
Title: Re: khaleel
Author: احمد التجانى احمد
Date: 02-20-2010, 01:30 PM
Parent: #23
Quote: كان اغدق في الكلام عنك حتي جف مداده , يبدو ان الرجل يودك اكثر مما تتخيل
|
والله ياحبيب متابعة المنبر وقت الشغل دى دايرة حرفنة مابعرفو ليها الا النحارير بس
|
Post: #26
Title: Re: khaleel
Author: حاتم يوسف العبيد
Date: 02-20-2010, 01:16 PM
Parent: #22
أساسي .. سلام ..
عن الخليل ..
أجمل بوستاته كانت في اليوم الحار ...
بالجدإستمتعت جداً بكتاباته "الشبه سيرة ذاتية "....
... خليل ... من نيوجرسي ...
__
|
Post: #27
Title: Re: khaleel
Author: اساسي
Date: 02-20-2010, 01:21 PM
Parent: #26
Quote: عن الخليل ..
أجمل بوستاته كانت في اليوم الحار ...
بالجدإستمتعت جداً بكتاباته "الشبه سيرة ذاتية ".... |
وعليكم السلام حاتم
ابو الخليل زول انتاجه المنبري غزير , قراته له الكتير في اليوم الحار ووقفكم في اطلال الهندسة وبكائياتكم علي ايامكم الغابرة
وبوستاته كانت دائما عامرة بالاخوان والكتابة الرشيقة الظريفة والمجادعات الملعوبة
|
Post: #24
Title: Re: khaleel
Author: محمد البشرى الخضر
Date: 02-20-2010, 01:12 PM
| Quote: غايتو الخفة الكتلت ام تفة دي ما شفتها الا في الوليد يوسف وفيك الان |
الوليد يوسف تطير عيشتو
ياخوانا ما عندو عضوية هنا , ولاّ ما بقدر على الحبيان على أربع
التحية لخلّي وكتاباته الممتعة
سلامات أساسي
|
Post: #25
Title: Re: khaleel
Author: اساسي
Date: 02-20-2010, 01:14 PM
Parent: #24
Quote: الوليد يوسف تطير عيشتو
ياخوانا ما عندو عضوية هنا , ولاّ ما بقدر على الحبيان على أربع
التحية لخلّي وكتاباته الممتعة
سلامات أساسي |
امين لي بتاعة الوليد
والتحية ليك في عودتك مجنحاً مسكينا مدحورا
بقيت كلما اقرا ليك مداخلة بتحنني
|
Post: #28
Title: Re: khaleel
Author: محمد البشرى الخضر
Date: 02-20-2010, 01:24 PM
Parent: #25
"إقنورد" لحكاية العودة المسكينة المدحورة
و "إختشي" لقصى تحنني
وقوم لف زيادة مني ساكت
|
Post: #30
Title: Re: khaleel
Author: اساسي
Date: 02-20-2010, 01:32 PM
Parent: #28
Quote: "إقنورد" لحكاية العودة المسكينة المدحورة
و "إختشي" لقصى تحنني
وقوم لف زيادة مني ساكت |
كل هذا لا يغير شيئا
فحسين ملاسي اعتزل مناكفتك
|
Post: #31
Title: Re: khaleel
Author: محمد البشرى الخضر
Date: 02-20-2010, 01:37 PM
Parent: #30
| Quote: فحسين ملاسي اعتزل مناكفتك |
طيب الحمد لله
راجع الإن بوكس
|
Post: #32
Title: Re: khaleel
Author: اساسي
Date: 02-20-2010, 01:39 PM
Parent: #31
وهذا اوضح مثال علي قصقصة مشاعرك , اصبحت تستعين بالجوال علي ما لا تقوى علي كتابته في المنابر
يا حليلك ثقافة بادت ثم بادت تاني
|
Post: #33
Title: Re: khaleel
Author: محمد البشرى الخضر
Date: 02-20-2010, 01:42 PM
Parent: #32
يعني أكتبها هنا كيف بس
|
Post: #34
Title: Re: khaleel
Author: معتصم الطاهر
Date: 02-20-2010, 01:42 PM
Parent: #28
أساسى
سلامات
سبب مداخلتى معرفتى بخليل .. و كلمة أخيرة فى حقك من زول جميل ..
أولا :- خليل رجل علامة فى مهنته ..
ثاتيا :- قلبو أبيض .. ونيتو صافية ..
ثالثا :- له قدرة تنطيمية عالبة و منظم وواقعي فى العمل النقابى و السياسى ..
رابعا :- له أمكانات تحليلية ..فى الرايضة و مسائل أخرى ..
و محترم
كلمة أخيرة فى حقك
: قال المرحوم معتصم( صفر) ذات ونسة مع نادوس( نقلتها لك حين التقيتا :- ) .. ليت أساسي يكثر من الكتابة فى الأدب و تحليلاته السياسية ..
|
Post: #35
Title: Re: khaleel
Author: اساسي
Date: 02-20-2010, 01:49 PM
Parent: #34
العزيز معتصم الطاهر
بالتاكيد عندما ياتي كلام ممن هم مثلك والذين نثق في احكامهم ونبصم عليها مغمضين نتاكد من حسن حكمنا علي خليل موضوع البوست ,
وهذه شهادة منك حق لخليل ان يعلقها علي صدره فرحا فخورا
فانا كما تعلم احترم قراءاتك جدا واحكامك
كلمة اخي الراحل رقم صفر لا طاقة لي بها فهي مسؤلية اخشي تحملها , سوى ان صديقنا الراحل معتصم كان يرانا بعين طبعه الجميل
|
Post: #37
Title: Re: khaleel
Author: abuguta
Date: 02-20-2010, 02:11 PM
Parent: #35
اساسى
طبعا استغليت بوستى بتاع البرادو وصاحبت احمد التيجانى
خليل الزول دا ما يخمك,,,البوست دا مفخخ
بالله عليك ياخليل ,,احلف على الهلال يشيل الابطال
خلينا نشوف اساسى دا بمشى وين
,,,
اساسى البوست الجائى اكتب عنى ,,,,
وارسل لى الinvoice
|
Post: #41
Title: Re: khaleel
Author: اساسي
Date: 02-20-2010, 02:58 PM
Parent: #37
والله يا ابو قوتة انت بتاع اشاعات
اها البرادو حردتها من اليوم داك وراكب الايام دي حداشر خ
بالمناسبة الفترة الاخيرة دي انت بقيت زول معايش ودخولك المنبر الا في المناسبات السعيدة
بقيت زيك وزي ناس السمايات ما تلقاهم الا في بوست المجاملات
زمان كنت ممكن اكتب عنك بمزاج
لكن الان الا اجيب سيرة مطعم في غبيرة حتي تجينا طاير
وين اشعارك الزمان ديك ياخ
|
Post: #38
Title: Re: khaleel
Author: Maawya Hussein
Date: 02-20-2010, 02:19 PM
Parent: #35
|
Post: #45
Title: Re: khaleel
Author: اساسي
Date: 02-20-2010, 03:15 PM
Parent: #38
معاوية حسين يا مغرض , والله خليل مكانه الطبيعي والطليعي في المريخ الا انه ضل الطريق , عزائنا الوحيد في انه زول كج وقاعد للهلال
|
Post: #36
Title: Re: khaleel
Author: عبدالكريم الامين احمد
Date: 02-20-2010, 02:04 PM
Parent: #34
هلا يااساسي
وابو خليل ياخي الشهادة فيهو مجروحة هو وابو صلعة الرعديد القدامك ده..
فالاولاد ديل اناعرفتهم زمااان ياخي .. وكانو شلة في داخلية فلسطين في اوضة شهيرة اسمها (اوضة اولاد مدني)...خليل ماكان معاهم في البداية ولكن التحق بهم موخرا عقب خلعته من احد المجانين ذات ليل دامس
وهرب من غرفته في الطابق الارضي ...ولو رايت في ذلك اليوم ليلا فتا طالعا في سلم وشايل مرتبو وحايم بيها فهو خليل الشهير بابو القوق...
ذكاء خارق ونباهة عيال حنتوب... ثم نحافة ابناء الجامعة في ذلك الزمان..
هلالابي حتي الثمالة وذاكرته الجمالية في الكورة ملانة بباصات لكندورة وتثبيتة لكورة بالصدر من منقستو عقب شوووووتة قوووية من عدنان درجال في مباراة شهيرة تالق فيها الهلال بقيادة منقا القادم لتوه من النيل...
عاشق كبير للدهشة والبوح الجاي من الجمال الانساني...
علاقات اجتماعية ممتوجة بين كل طبقات الطلاب...
قد تجده في المين رود خالطا والدهشة بعينه او تجده في البركس بتلك الجلابية الشهيرة يقارع عباس شبشة احاديث موغلة في حكاوي الريف السوداني وشخوصه الرائعين....
يقتله زيدان وله ذكريات تموت من الضحك في حضرة صديقا له اسمه برنابة..
قسطنطين الذي اصبح صديقه في الاسافير كان ومنذ زمان سابق معه شخص اخر يسميه خليل (الالوسي)..
وكما هو قسطا هنا يتنباء بكور الهلال كان الالوسي هو المرشد والمستطلع الذي يتنباء بنتائج السمستر
والملاحق للمخضرمين والمخضرمات....
ساجيك لافي يا اساسي عشان انضم شوية عن الاسفير عند خليل ومكيانيزم البوست عند ابو خليل
وكيف البوست بقوم فووووووو زي الطيارة...وحنشوف برضو ابو خليل بشتغل البوست بتاعو كيف...
وكن بالف خير وفليكن ود التجاني بالف ارجاف تجاه اللقافة لوووووول
|
Post: #39
Title: Re: khaleel
Author: haroon diyab
Date: 02-20-2010, 02:37 PM
Parent: #36
سماني ياكبيرنا
اجمل مافي خليل ما اورده ود الصايم
يكج الهلال يفرتك فهمو......!!!!!
بس انت اديهو طرف البوست وزح بعيد .
وليد القرود رجل جميل
لا امله ابدا.....ابدا
خاصة اذا كان معه كيكي التفكيكي
في حفلة وقاعدين يغنو مع بعض.....
( تسمع بالمعيدي خيرا من ان تراه )
لك وله التحايا اطنان
|
Post: #43
Title: Re: khaleel
Author: على محمد على بشير
Date: 02-20-2010, 03:01 PM
Parent: #39
الجميل فى خليل يا ساسى
انو محبوب من المريخاب قبل الهلال
لانو زول محترم وواعى وبيعرف يخاطب الاخرين
انا شخصيا متمنى اقابل خليل
|
Post: #40
Title: Re: khaleel
Author: Omar Bob
Date: 02-20-2010, 02:46 PM
Parent: #36
سلام يا اساسي
انا زي وزي بقيه خلق الله بغيب عن تصفح المنبر في فترات قد تقصر وقد تطول لكن في كل مره اعود اول حاجه بفتش علي خرمجة صاحبنا وليد القرود وبعداك بفتش المواضيع التانيه
| Quote: في مفارعاته الرياضية هو هلالي متزن وميوله الهلالية معقوله |
والله لو حضرت معاه مباره من مباريات الهلال وشفت الرجفه العليهو ما كان كتبت الكلام ده
________________________________________________________
الله يرضي عليك ود البشري ده ارخيه شويه الزول ده شغال بسياسه النفس الطويل لاستعادة لياقته المنبريه
تقعد تزازيه كده يقوم يتهور ومن ثم يعود للفيس بوك مأسوفاعليه
|
Post: #42
Title: Re: khaleel
Author: abuguta
Date: 02-20-2010, 03:01 PM
Parent: #40
نبارك ليكم هنا
فوز المريخ على اسود الجبال
الشوط الاول 2/صفر,,,,
ياصديقى انا زمان زول راتب بوزعوا وخلاص
اسى بقيت باثر فى البورصة
وقديما قالو سيد المال ما ببراى السفهاء
|
Post: #44
Title: Re: khaleel
Author: الشامي الحبر عبدالوهاب
Date: 02-20-2010, 03:04 PM
Parent: #40
خليل وتؤامه كيكي هما نكهة هذا المنبر
وبوستاتهما سرعان ما تطير بسرعة الصاروخ
تاكيد لشعبيتهما وتجاوب مع اسلوبهما الخفيف
معليش البوست عن خليل لكن لا يمكن فصله عن كيكي
الا بجراحة نادرة
|
Post: #46
Title: Re: khaleel
Author: اساسي
Date: 02-20-2010, 03:19 PM
Parent: #36
| Quote: عاشق كبير للدهشة والبوح الجاي من الجمال الانساني... |
دا شنو يا كيكي ياخ , انا اقنطر ليك صاحبك عشان ترشو تقول لي عاشق كبير وبوح وجمال ؟ والله دا البقولوا عليهو البوح التساب زاتو مع اني من يوم اتكتبت في المنبر دا ما فارزها قاصدين بيها شنو ؟
لكن لقيتك وفي للاصدقاء يا كيكي , بعدين تعال يا ود التجاني شوف الاصدقاء لمن يتداعوا في قصعة اصدقائهم برصو شنو ؟
تقول لي زول اهالي ساكت وشعبي
قصة المرتبة والرحول دي قاعطة من احمد التجاني راسين وحجر جراك عشان يحكيها الا انه سلمني ليها كاش ولايف
ياخي صاحبنا عشرة كوتشينة رحلته , انا ما عارف لو قيم بتاع شطرنج كان عمل ليهو شنو
نتوقع مرورك الكريم يا كيكي فالكثير من القصص والخفايا لا تفك شفرتها الا بقاموسك عن ابو الخل
|
Post: #47
Title: Re: khaleel
Author: كمال سالم
Date: 02-20-2010, 03:36 PM
Parent: #46
شكرا ليك يا أساسى وأنت تنصف ( خلى )
فالرجل فاكهة الدوحه وإنسانها الجميل
بــس عيبو الكبير إنو هلالابى !
|
Post: #48
Title: Re: khaleel
Author: محمد عبدالرحمن
Date: 02-20-2010, 03:38 PM
Parent: #47
ياسلااام على خليل...
ملك السهل الممتنع دون منازع ....
|
Post: #49
Title: Re: khaleel
Author: keiga2000
Date: 02-20-2010, 04:57 PM
Parent: #48
عيبو الوحيد انو رشاشــه
التحية لك خليل واساسي وودالصائم وكل الجميلين
ابومصطفى
|
Post: #50
Title: Re: khaleel
Author: داليا الكباشى
Date: 02-20-2010, 05:54 PM
Parent: #49
خلــــي ياخ !!
-----
بس انت أؤؤلو كده يا اس اس وهو حايفهم على طول (وش ود الصايم)
|
Post: #51
Title: Re: khaleel
Author: عبدالكريم الامين احمد
Date: 02-20-2010, 07:26 PM
Parent: #50
هلا يا اساسي
Quote: شنو يا كيكي ياخ , انا اقنطر ليك صاحبك عشان ترشو تقول لي عاشق كبير وبوح وجمال ؟ والله دا البقولوا عليهو البوح التساب زاتو مع اني من يوم اتكتبت في المنبر دا ما فارزها قاصدين بيها شنو ؟
لكن لقيتك وفي للاصدقاء يا كيكي , بعدين تعال يا ود التجاني شوف الاصدقاء لمن يتداعوا في قصعة اصدقائهم برصو شنو ؟ ي
تقول لي زول اهالي ساكت وشعبي |
هلا يا اساسي الاساسي والبوح الجاي من الدهشة تعبير بتاع اخوان لمفردة (باكمبا) الشهيرة..
والمعني واضح..
اكثر شي مدهش في اسفير خليل هو قعدته العجيبة قدام الكمبيوتر وهو يكتب في البوست او بعمل مداخلة..
دي برااها يا اساسي فبها لقطة ممكن الزول يدق فيها جرس ويكسب فيها زي مليون كلك اسفيري كده...
البوست عند الزول المسخوت ده بقوم زي الطيارة..
خمسة او ستة مداخلات توششششششش توووووووش... بجدع فيها روؤس المواضيع الداير ينضم فيها
وبياخد ليهو لبدة ثم يعود ويعمل وكما يقول (خجتين كده) للبوست حتي يمسك نار...!!!
-اها لمن البوست عند ابو خليل يمسك نار كده الدراما الاسفيرية بتحبك.. ...!!!
اجمل البوستات التي كتبها خليل هو بوست اليوم الحار الما بندار وده حكي لي احد الاصدقاء في البلاد البعيدة بانهم كانو يطبعون المداخلات في هذا البوست وبتلمو بيها كللللللهم في احدي المستشفيات بامريكا عندما كان يعاودن احد المرضي بصورة جماعية وكل واحد فيهم بجي طابع نسختو من اليوم الحار
وهااا ك ياقرقرة ومتعة خلفها ابو خليل في سربعة عجيبة جدا...
..
ماعارف احمد التجاني حكي ليك قصة خليل مع الكوز في حفلة الجابري ولا لا,...؟؟
لو ما حكاها اكيد بكون زول ابو صلعة حاقد عليك وداسي منك حكاية ممكن تضحكك زي مليون يوم ويوم كده..
ولسع في دروب ابو خليل مادين السفر..
ابو خليل الملولو اوكما قال ابودرق صحبي..
ابودرق ده كان زول صحبي ومابعرف خليل واها لمن مرة خليل زارنا في احد كراكير الدوحة وكنا انا وابن درق ساكنين سوا
ابو درق كل يوم بسالني وباصرار
يا كريم ياخي وين صحبك الملولو دااااااك
|
Post: #52
Title: Re: khaleel
Author: سيف الدولة كامل
Date: 02-20-2010, 07:40 PM
Parent: #50
أساسي ,,, سلامات يا صفوة .
خليل رجل خلوق وظريف ويكفي انه هلالابي وبث .
و الله أنت برضو يا أساسي كلك ذوق وعرفتك بعد ما .....
مودتي
|
Post: #53
Title: Re: khaleel
Author: حامد محمد حامد
Date: 02-20-2010, 08:43 PM
Parent: #52
ما بعرفه شخصيا
ولكنه يبدوا صادقا
بالمناسبة كل خليل فهو خليل
|
Post: #54
Title: Re: khaleel
Author: Elawad
Date: 02-21-2010, 05:30 AM
Parent: #53
شكرا ليك يا أساسي... ياخي خليل دا من أجمل الناس و أنقاهم قلبا و كان بدون منازع نجم كلية الهندسة... النكتة و التعليق الساخر بطلعوا منه بكل سهولة زي النفس (ما شاء الله). مواقفو كتيرة لكن في موقف كدا أصلو ما بنساهو... يوم كدا كان في واحد كوميدي مستضفينه في واحدة من حدائق الهندسة و طبعا الناس منتظرين الراجل ينكت و صاحبك داير يفكها فينا و بدا يتكلم عن الضحك و فلسفة الضحك بس ما تم دقيقة كدا خليل بأسلوبه داك قال (نفس كلام المرة الفاتت) ما عارف الناس التانيين لكن أنا كلام خليل ضحكني أكتر من نكت الزول دا.
|
Post: #55
Title: Re: khaleel
Author: أمين محمد سليمان
Date: 02-21-2010, 05:46 AM
Parent: #54
| Quote: شكرا ليك يا أساسي... ياخي خليل دا من أجمل الناس و أنقاهم قلبا و كان بدون منازع نجم كلية الهندسة... النكتة و التعليق الساخر بطلعوا منه بكل سهولة زي النفس (ما شاء الله). |
والله يا العوض كلامك صاح :
مره لقيتو في المين رود جاي من هندسه و كنت عارف إنهم ممتحنين ، قلت ليه يا خليل (الامتحان كيف ) ؟ قال لي (والله لو صححتو أمي ما أنجح !!!)
و لولا إعلاني الحداد علي الطريفي لذكرت أكتر من طرفه لخليل !!
|
Post: #56
Title: Re: khaleel
Author: احمد التجانى احمد
Date: 02-21-2010, 06:28 AM
Parent: #55
| Quote: و لولا إعلاني الحداد علي الطريفي لذكرت أكتر من طرفه لخليل !! |
امين سلامات
ان شاء الله خير ياخ
بس ماتقول لى الزول دة اترحل للفيس بوك
|
Post: #57
Title: Re: khaleel
Author: أمين محمد سليمان
Date: 02-21-2010, 06:33 AM
Parent: #56
Quote: امين سلامات
ان شاء الله خير ياخ
بس ماتقول لى الزول دة اترحل للفيس بوك |
و العزاء هنا يا باشمهندس :
لكن (الطريفي) لا بواكي له .........!!!
|
Post: #58
Title: Re: khaleel
Author: احمد التجانى احمد
Date: 02-21-2010, 07:01 AM
Parent: #56
والله يا اساسى ابوخليل دة شهادتنا فيه مدشدشة عديل كدة وكمان حامل لواء اللقافة
بالبورد مابقصر من رفد واثراء البوست بماتيسر له من مفردات كسير التلج وطبعا من
غير ذكر اول حرف من اسمه فهو مؤكد معروف للجميع (كيكى) فلذلك سوف اورد بعض مما
اذكره من اقوال خليل عن نفسه مزيج من المدح والذم وكبادرة حسنة واستحقاق صداقة
امد الله فى عمرها سوف اتناول المقولات التى امتدح فيها نفسه وكما قلت لكم الرجل كان
اكثرنا اطلاعا وثقافة يحفظ كثير من الشعر الشعبى والغنائى ويسرد الكثير من طرائف
الفنانين الشعبيين وظرفاء القرى والمدن واليكم احد ابيات الشعر الذى دايما مايشبه
به حاله
هين تستخفه بسمة الطفل
قوي يصارع الأجيالا
من رائعة ادريس جماع
|
Post: #59
Title: Re: khaleel
Author: عفاف الصادق بابكر
Date: 02-21-2010, 07:15 AM
Parent: #58
يا سلام عليك يا اساسي .. يعجبني التنقيب في اماكن الجمال ..
خليل .. ذو حس فني راقي حسب تداخلى معاهو في حوشنا ..
ومن الناس البتمنى اشوفهم واقارعهم الحجة .. ويكفى حب الهلال فيهو ..
تسلمو كلكم على بعضكم
|
Post: #60
Title: Re: khaleel
Author: احمد التجانى احمد
Date: 02-21-2010, 07:17 AM
Parent: #58
وكذلك تكبيرا لكومه ولتاثير ثقافة شعر الجعليين عليه
دايما ما كان يكسر التلج لنفسه بهذا البيت
لواى سلسلن قاهرن بلا تحنيس
دراج غافلن و قتين يجنه جريس
احى على قلبه بعد ابليس
وتاكيدا لمقولة العارف بالله السمانى الاساسى عن خصوبة خيال ابوالقوق
فالرجل كان دايما يصور لنا بخياله عن اللقاء الذى اجراه معه مراسل
مجلة فرانس فوتبول بعد تالقه فى بطولة الاندية الافريقية التى نالها
فريقه الهلال بفضل الاهداف التى قام بتسجيلها هو ومن ثم تهافتت كبريات
الاندية الاوربية عليه - طبعا الكلام دة بتقال وهو يجلس جلسته الشهيرة
وسط سريره العلوى بداخلية كردفان
|
Post: #61
Title: Re: khaleel
Author: Siham Elmugammar
Date: 02-21-2010, 08:47 AM
Parent: #60
الاخ اساسى والله بوستاتك مقروءه عندى
ولكن هذا البوست غير موفق بالمره
والله انى اربأ بك من الاستجابه لتطلعات
خليل او قل ابو القوق او ود القرود
وفى روايه مندسة وليد
_________________________________
ود القرود:
كان انت نسيت انا ما نسسسسسيييييت
ومن غير الباقى :):):)
|
Post: #62
Title: Re: khaleel
Author: احمد التجانى احمد
Date: 02-21-2010, 09:16 AM
Parent: #61
Quote: ود القرود:
كان انت نسيت انا ما نسسسسسيييييت
ومن غير الباقى :):):) |
بت المجمر كيف حالك والعيال وابوهم
ياخ المسامح كريم
وكلنا ماناسسسسيين
|
Post: #63
Title: Re: khaleel
Author: عبدالكريم الامين احمد
Date: 02-21-2010, 09:30 AM
Parent: #62
ابو صلعة شايفك شايل ابريقك وبارك في البوست ده..!!
ومادام بارك عليك الرسول ابرك وبمزاج اصلي لي كم سنة كده شايل امر قبض اسفيري وكايسك بيهو..!!
ضنين ياخي انت يا احمد تجاني فعهدي بك بانك لاتقل عن ابو خليل معرفة بكراكير الوعي الشعبي وسيرة الثقوفات والخبورات المدهشة الجاية من نبض البلد..!!(انعل ابو الثلج المفخخ زاااتو)
يا اساسي بالله جيب وااحد (قيد) وخلينا نربط احمد التجاني من صلعتو دي في البوست ده وخلونا نونسو....!!!
|
Post: #64
Title: Re: khaleel
Author: احمد التجانى احمد
Date: 02-21-2010, 09:44 AM
Parent: #63
Quote: ابو صلعة شايفك شايل ابريقك وبارك في البوست ده..!!
|
يا حامل لواء اللقافة المنبرية
هو ابريقى دة هامل ساييى كدة ؟
هو خليل ولا شيرين اصلو؟
|
|