شكرا تمبس تقديرك ...الخاص لبورداب الرياض ...ما كان العشم!!!

احتفل بالامس بوداب الرياض
بزملائهم واخوانهم العرسان
وكان الحضور بهي وتنظيم اكثر من رائع
وحفل ابداع وطرب وهجيج وعرضة وصقرية الى
الخيوط الاولى من الصباح ...رغم الدوامات وذو الكفل
وكان كل شيئ جميل ....
ولم يعكر صفو هذه اليلة سوي
عدم حضور المحتفى به تمبس
لم يحضر ولم يعتذر ولم يكلف نفسه حتى الرد علي التلفونات

حضر جميع المحتفى بهم ...ما عدا تمبس؟؟؟

ما هكذا تقدير الاخوان والاخوات !!!

شكرا للعرسان
معاذ حسن وزوجته
شكرا خالدعبدالله وزوجتة
على الحضور الانيق البهي
شكرا حميده رغم الحضور المتأخر
شكرا داش رغم التأخير
شكرا صديق الموج رغم الحضور المتأخر
وعدم حضور اخلاص وزوجها

شكرا لتقديركم لأخوانكم
شكرا بورداب الرياض واللجنة الموقره
على المجهود السخي
واخص بالشكر الاخوان
اسماعيل عباس فأنت صاحب الفضل بعد الله
في ظهور هذا الاحتفال بالشكل البديع الرائع
شكرا الشفيف معتصم دفع الله متابع ومهتم بالتفاصيل رغم المرض
شكرا وزير الري ومعاونيه قمت بالمهمة علي اكمل وجه(يقصر الملح)
شكرا د0محمد الحسن مجهود سخي وحضور انيق
شكرا الارباب خالد سعيد
شكرا احمد العمار
شكرا يوسف السماني
شكرا ود الباوقه
وكل الشكر للريس ابوجهينه صاحب الابتسامه الانيقه والوجه البشوش
شكرا كل الحضور الجميل

صورتكـ إلا تدفع فيها بعد ده وكت ( لستتكـ المخستكه ) دي ناقصة
ياخي محمد عمران الليل كلو ينطط

صاحبي الشايقي
عمران حسن والاسرة
دائما حضوركم ذو الق خاص
في كل كبيرة وصغيرة ليها علاقة بالبورداب
اول الحضور ومحمد صاحبي المريخابي
كالنحلة في خدمة اعمامة البورداب
ربنا يحفظوا ويخليهوا لينا 000تحيات واحترامات للمدام

بالمناسبة
انا اليومين ديل عزابي000يعني عادي ممكن اجي اتغدى قراصه عندكم

أخى الحبيب طارق...

ليلة من الليالى الحلوة تزينت بوجود ألأخوان البورداب والبوردابيات.....وألأحتفاء بالأخوان وزوجاتهم....وكان ممكن ان تزداد بهحة بوجود تمبس..لولا ظروفه ....

Quote: شكرا للعرسان معاذ حسن وزوجته شكرا خالدعبدالله وزوجتة على الحضور الانيق البهي

بيهم تم الفرح وزاد.....ربنا يهنىء جميع العرسان....

كل الحضور من البورداب كانوا نجوم...

وخاصة زميلى عيسى أبوعيسى وزوجته....لهم الشكر منى لحضورهم ألأنيق..

إفتقدنا ناس كثر..................ومنهم الحبيب ...سعادة المستشار سيف بخيت لسفره للخرطوم..وأيمن دياب فى العمرة وحضور عملية أحد أقربائه..وأتصلوا وأعتذروا..

لكل الحضور الجميل التحية والتقدير وألأحترام......

شكرا يا تبلدينا علي التنبيه

من الحق ان نسال الملام في هذه الحالة ونسمع منه

واتمني ان يكون طارق نقد قد اتصل علي تمبس قبل انزال هذا البوست ويعرف عذره ان وجد

اتمني ان يجمع الله شملكم ويبعد عنكم الشقة

الاخ العزيز اساسي
بالرغم من الغياب الا انه كان يوم جميل بحضور باقي العرسان

ونحن اتضرتنا الظروف لعمل اليوم الاربعاء بدلا من الخميس
لظروف برامج الرياض الضاغطة
وبرضو كان في بروداب من القصيم والشرقية
يودوا الحضور لكن يوم الاربعاء حرمهم

لكن توبة تاني من يوم الاربع

تشرفونا اي يوم لمعاودة حبيبنا عماد وربنا يمتعة بالصحه والعافية
وسوف نعمل ليكم احتفاء خاص
انتوا ناس مقامكم كبير عندنا

يديكم العافية

Quote: بالمناسبة انا اليومين ديل عزابي000يعني عادي ممكن اجي اتغدى قراصه عندكم

وياحبذا لو عرجت علينا لتناول وجبة

عشاء خفيفة ( فطير بي لبن وكدا)

Quote: وياحبذا لو عرجت علينا لتناول وجبة عشاء خفيفة ( فطير بي لبن وكدا)

سمك مروي كمل ؟؟؟؟

Quote: سمك مروي كمل ؟؟؟؟

طارق ممنوع من السمك لانو عنو حساسية 00

وكذلك من البيض المصبوب

ادريس كنت نجم الحفل دون منازع00

لكن اخونا حيمورة قرب يفوتك في اللفة

تحياتي لكما ولكل الحضور الكريم 00

اسماعيل وراق استلمت الورقة المرسلة ؟؟


مودتي 00

الحبيب ود الباوقه
دي بمناسبة اسماعيل وراق

Quote: طارق ممنوع من السمك لانو عنو حساسية 00 وكذلك من البيض المصبوب

انا والله من يوم صاحبت المحرب
بقيت زول لحم 000وكبدة ابل بس

Quote: ادريس كنت نجم الحفل دون منازع00 لكن اخونا حيمورة قرب يفوتك في اللفة

والله متعتني وضحكته من قلبي
نحن مراقبين ادريس 000
علاء الدين حيمورة طلع تسلل!!!!

يديك العافية

..
.
يا اساسي ..
مش ممكن نقول الغايب عزو معاهو..
ونتفاهم معاه فى التلفون بدل شيلالحال دا ..
وحتى الحضور ماسكين ليهم الزمن بالدقيقة ..!!؟
ياخى البلد ديك حادث فى طريق خريص ممكن يجوط البرنامج


----------

بقيتو شيالين حال يا ناس الرياض ..
حليل زمنها وزمن الخال ود القاسم ..

حبيبنا الزول الجميل
اسماعيل عباس

السوداني الوحيد الذي يحترم المواعيد

Quote: لكل الحضور الجميل التحية والتقدير وألأحترام......

وشكرا خاص للفرقه الفنية
بقيادة الموهوب ادم مسيري
والموهوب عازف الساكس وليد
وعازف الايقاع الامخضرم بدري

والفنايين الرائعين
شكر وتقدير خاص للمبدع
خلف الله الشيخ

وصديق البورداب
ياسر الحلفايا

والبوردابي الرائع
ايهاب نميري

Quote: بقيتو شيالين حال يا ناس الرياض .. حليل زمنها وزمن الخال ود القاسم ..

الخال ود قاسم ده ما قاعد معااكم وينو ظهورو وسطكم ...
تبلدينا يا صديقي ..تمبس ليهو ظروف منعتو ، وطارق نقد صديق للكل هنا وده عتاب أخوان ( بس لايف ) وما ليهو علاقة بشيلان حال ..


أساسي الدباب :
أمرق يمرق جلدكـ

Quote: احتفل بالامس بوداب الرياض بزملائهم واخوانهم العرسان وكان الحضور بهي وتنظيم اكثر من رائع وحفل ابداع وطرب وهجيج وعرضة وصقرية الى الخيوط الاولى من الصباح ...رغم الدوامات وذو الكفل وكان كل شيئ جميل

نهني منو يا طارق ونشكر منو .. فقد كان كل الحضور صناعا للجمال في تلك الليلة .



أقول ليك حاجة
علاء حميورة طلع أخطر منك رغم فارق العمر !!!!!!!!!

كان لافتا للنظر تشريف الاخوان الشفيع وراق وعلي الكرارهاشم للحفل الجميل بالحضور..فلهم التحية .

العزيز فتحي الصيق

شكرا على كل الجمال

Quote: أقول ليك حاجة علاء حميورة طلع أخطر منك رغم فارق العمر !!!!!!!!!

علاء حيمورة فاتني خبرة

تحياتي ليك ولي كل الحضور المتميز

خوفى ود الصايم يكون جا وماذكرتوه ...


لانه الزول ده عندى معاه موعد قال لي ماشي الحفلة ...

لو مشيت اتلومت ولو مامشيت اتلومت ياتايتنك ...


الف مبروك للعرسان وجمعكم الله دوماً على خير ..

كل الأمنيات الطيبة للعرسان بحياة زوجية سعيدة


وكل الشكر للبورداب على حفاوتهم،،


وكل العذر لعدم الحضور بسبب التواجد خارج المملكة ، ،

..
.

Quote: الخال ود قاسم ده ما قاعد معااكم وينو ظهورو وسطكم ...

يا عمران يا غالى
يعنى انحنا لمن جينا كان كيان الخرطوم دا كدا
ولا قشو لينا الدرب ..
ما انخرطنا وتأقلمنا.. الخال ودقاسم يمارس الغياب لظروف العمل
ليس لان بورداب الخرطوم متجاهلينه او كما تقول ..

بعدين لمن تامبا عندو ظروف لزوم ( اللايف شنو )
ونحنا جيل طارق نقد ناس 2005 لم نتشرف بمعرفتهم
وما دام اخو اخوان شركة موبايلى والسعودية ديل ما وزعوا
شرائح ليكم ..اسالو الزول يمكن جاهو مغص


---------

برضو توضيح لايف ..
ولكم العتبي ..
تشيلو حالو ولا لا .. نحنا ناس الخرطوم

الحبيب تبلدينا
لك الود وكل الاحترام

Quote: شرائح ليكم ..اسالو الزول يمكن جاهو مغص

اتصلنا عليه ولم يرد
وحضر عبدالله داش وساكن معاه في نفس الشقة
ولم يعتذر 0000
عرفته ليه نحن زعلانيين!!!
وده من عشمنا في تمبس
ومدى العلاقه المتينه التي بيننا!!!

تحياتي

فعلا كانت امسية رائعة جدا بتشريف الاخوة العرسان لها وكان الحضور جميلا وانيقا سوف تحكي الصور عن جمال الحفل ...



خليكم معانا لانو الصور كميات مهولة ....


شكرا لجنة بورداب الرياض وعلى راسها الاخ جلال وكل اعضاء اللجنة التنفيذية ...

شكرا طارق وبالفعل كنا نتمنى وجود الاخ علاء الدين منصور بين الحضور ..

طارق عبداللطيف
الغائب عذرو في جيبو.
حقيقة قلقت لموضوع أخونا علاء.
***
أجمل مافي السهرة
الونسة قبل بداية الحفل.
جلست في زمرة من أحب ,
حيمورة وطارق ميرغني ,
وحدثنا د. محمدالحسن ,
البشاري ووزير المياه علم الهدى.
***
شكري ومباركتي لكل العرسان
وموصولاً لأخواني إسماعيل و مو.
**
يا طارق ناس الكاميرات ديل لسه نايمين ؟؟

خوفى ود الصايم يكون جا وماذكرتوه ...
****
ما شفناهو
لأنو الدنيا ليل
ولابس لينا جلابية سوداء.
غايتو إلا يضحك حتى تعرف محلو!!




التعديل إضافة ياء لـ جلابة...

شكراً جزيلا يا بورداب الرياض على هذه الليلة الجميلة و ربنا يقدرنا على جزاكم ..




* أتمني أن يكون تمبس بخير و الباقي كلو هين يا طارق ..

زميل البورد طارق نقد .. المحترم ..

مع اني اعتقد , بل واجزم تماما ان ما بينكم هو شأن داخلي تماما , الا انه وجب
علي ان اوضح بعض النقاط بشأن غياب تمبس عن مناسبه بورداب الرياض بالامس :

اولا : ما دفعني للكتابه هو ان اليوم الخميس , يوم اجازه في الرياض وعلاء لا يمتلك انترنت كونكشن في البيت ,
في الاحوال العاديه لن يتمكن من مشاهده البوست او الرد عليك , احتمال لوقت معين حتى يزول الظرف الذي يمر به ..

ثانيا : بعض اعضاء بورداب الرياض كانو على علم بالظرف الذي حدث لـ تمبس يوم امس ومنعه من الحضور وكان على
وعد بالحضور في حاله زوال الظرف يوم امس , ليس كمحتفى به وحسب بل كمشارك ومنظم ومعاون لاخوانه كما
فعل وسيفعل وتعود ان يفعل ..

ثالثا: تمبس يمر بظروف قاهره (خير والحمد لله ) منعته من التواجد في حفلكم الجميل يوم امس ولولا ذلك لكان
من اول الحضور , ومع ذلك فهو شاكر وممتن جدا لمشاعركم نحوه ..

رابعـا:لا يخفى عليك اخي طارق ان تمبس لم يقصر طيله فتره وجوده في الرياض في حق احد الزملاء سواء اكان فرحا ام ترحا ..
لذلك لا اعتقد انه سيتعمد عدم المجيء او الاستهتار بمشاعر الاخرين الذين هم اهله وناس بيتو في الغربه ..
بورداب الرياض هم اهلنا وحوبتنا التي نفاخر بها ولا انسى ابدا مدى فرحتهم بنا اثناء مراسم زواجنا ..
لذا يستحيل ابدا ان يكون رد الجميل (انشالله يوم شكركم ما يجي) هو عدم التقدير او اللامبالاه لاناس قل وجودهم في هذا الزمن ..

خامسـا : الا توافق معي انه سيكون من الاسهل جدا لو عاودت الاتصال بي تمبس صباح اليوم ..؟؟
واذا افترضنا انو ما رد عليك تاني , الم تشعر بالقلق انه لربما اصابه مكروه (لاسمح الله ) ..؟؟
الا تتفق معي ان مقابله الوصول الى تمبس في الرياض (هاتفيا, غشوه في البيت , سيرا على الاقدام ...الخ) هو اسهل
بكثير جدا من الوصول اليه اســـــفيـــريـــأ ...؟؟؟؟

احتــرامي وتــقديري ..

Quote: ان تمبس لم يقصر طيله فتره وجوده في الرياض في حق احد الزملاء سواء اكان فرحا ام ترحا .. ..

حقيقة
ولانه يعلم معزتنا له



شكرا داليا

يادكتورة
والله بعـد مرافعتك القويـة دى تمبس ذاااتو مافى داعى يجى تانى
عشـان يوضح الحصل شنو .؟
عندى احساس انك لو كنتى درسـتى حقوق وبقيتى محامية كان يكون مية مية

ياخ دا بوست جيعان بشكل ..

Quote: تمبس يمر بظروف قاهره (خير والحمد لله ) منعته من التواجد في حفلكم الجميل يوم امس ولولا ذلك لكان من اول الحضور , ومع ذلك فهو شاكر وممتن جدا لمشاعركم نحوه ..

شكرا يا دكتورة فقد سبقتيني للتوضيح .
أخونا الغالي علاء يبلغكم التحايا والشكرعلى ما قمتم به ..وحسب ما ذكر لي في اتصالي الهاتفي معه فانه لن يتمكن من الدخول هنا اليوم الخميس ولا غدا الجمعة . وأن موعده معكم يوم السبت ان شاء الله.
مايهم التأكيد عليه أن الأخ علاء في أحسن حال .وأنه لا يحمل لأخوته سوى المودة . وأن ظرفا قاهرا منعه من الحضور .

Quote: كان لافتا للنظر تشريف الاخوان الشفيع وراق وعلي الكرارهاشم للحفل الجميل بالحضور..فلهم التحية

لك التحية فتحي
ما عارف طارق فطانا ليه وكنا اول الحضور


حقيقة كانت ليلة ولا كل الليالي
استمتعنا غاية المتعة


ألذ ما فيها دردشات و ونسات ما قبل الحفل

-------------------------------------------------------------
كان ودنا حقيقة نقابل تمبس ولكن ما محظوظين
أكيد ما منعه الا الشديد القوي
ملحوقة
والجايات كتر


-------------------------------------------------------------
يا خي في ناس حلوة وزي العسل بس ما عارف بتكتب خشن كدهـ ليه؟

Quote: ألذ ما فيها دردشات و ونسات ما قبل الحفل

مش كدا يا الشفيع ..

بالذات جماعة حيمورة ...

كانت جلسة ولا اروع ....

Quote: كان لافتا للنظر تشريف الاخوان الشفيع وراق وعلي الكرارهاشم للحفل الجميل بالحضور..فلهم التحية .

فتحي
شكرا وكلك ذوق
دائما ما تكون هناك ظروف عمل تحول دون الحضور
لكن نتمني أن نكون بين هذه الكوكبة الرائعة دائما
والامسية بحق كانت جدا رائعة
موفقين

نشكر الدكتورة علي مرافعتها


ونضيف :
بأن الاخ داش لديه كونكت .. وعلي مدي 24 ساعة

ومهما كان العذر لايمنع من الرد علي الجوال

مرافعة ضعيفة .. من محامي غير محترف

وزير الري

أو حتي رسالة واحدة بيها نصبر شوية

ان السبت لناظره قريب ... حسن نيه تبرير من فوق 1550 ميل جوي

عجبي !!!!!!!!!!!!!!

Quote: موعده معكم يوم السبت ان شاء الله.

أها
الفورة كم؟

أردم يا عمران أردم


حقوق الطبع والنشر والتوزيع لود الباوقة

صقــرية بطاحين
هدية لي ود الباوقـــــــة

شكرا يا عمران ابداع ولا اروع 00

ان شاء الله عقبال الصقرية الكبيرة يا عمران 0000

Quote: ان شاء الله عقبال الصقرية الكبيرة يا عمران

يعني حسي ده يقولو عليهو شنو ده ؟؟
أهدي ليكـ صقرية وتقول لي عقبال الكبيرة ؟؟
يعني حسي أقول آمين ؟؟
والله تشمها قدحـــة :):):)
دردقتكـ فشنكـ

سلام وتحايا

نتمنى ان يتم الاحتفاء بالوجيه تمبس هو وزوجته بعد قدوم العروس عشان الحفلة تكون مكتملة

وماتنسوا تعزمونا

غير كده ماعندنا حاجة نقوله غير نبارك للحضور

تحياتي

زاتوووو

Quote: شكرا تمبس تقديرك ...الخاص لبورداب الرياض ...ما كان العشم!!!

شكرا لكل الحضور .. ولكل الأخوان الذين منعتني الظروف من عدم مقابلتهم ..
كل الاتكتب هنا في مكان تقديري .. إذا كان هو العشم ولا شئ سواهـ ..
الجميل في الأمر أن التقيت مساء الخميس .. في احتفال الصحفيين بالعديد من الأخوة بورداب الرياض الذين تجمعنا بهم علاقات أكبر من أن .. (تجرح) في هذا الاسفير الخداع ... وأكبر أن يتم التلميح بالاسراع لقتل الآخـر ..
ما كتبه الأخوان هنا من كانو هم على معرفة بظرفي وكانوا على متابعة .. معي .. حق لي أن اكتب لهم هنا.. لاحقاق حق
وما كتبه هنا من الذين اتصلوا علي مساء نفس يوم الحفل .. وما تم الرد لهم .. إلا صباح اليوم التالي وما اخذتهم العجلة والمبادرة إلى العشم المغلف (بابعاد ثلاثية) .. لا ادري ما الغرض منها أو اي عشم أخوي هذا الذي يصتصعب عليك الانتظار ولو اربعة وعشرين ساعة علشان تعرف أخوك دا مات واللا حي ..
وعشمي في الكثير من اخواني واخواتي بورداب الرياض .. الذين التقيت بهم في لقاء الصحفيين ... والذين عاودوا واتصلوا علي من جديد .. لقلق راودهم .. ولأسفي الشديد على عدم حضوري ومقابلة الكثير من الذين اكن لهم مودة خاصة يواصلوني واواصلهم .. احتفي معهم .. في افراحهم واشاركهم احزانهم .. ونتبادل المودة .. ولا نضمر لبعضنا السوء (ولا نقتلهم في الخفاء) .. فما جمعني بهم من وجودي في هذا الكيان بورداب الرياض من العام (2002) اكبر من أن ينسف في بوست مثل هذا .. فعشمي ببورداب الرياض ما زال قايم .. وعشم بورداب الرياض في المحبة التي تجمعنـا ما انقطع برغم كل ما حاق بنا من محاولات نسف منظمة قادها البعض .. ضد بعض .. ومن محاولات طعن في ( شخوص البعض ) بي طرق فردية أو بي طرق منظمة ..
اشكر كل الحضور .. ومباركتي لأخواني العرسان وبيت مال وعيال .. ولو كان قدر لي الحضور .. فكنت سأكون في مكان خدمتهم لا مكان احتفاء بي ..
اكرر عميق اسفي لأخواني الذين .. حضروا ليشاركونا الفرحة وغيابي كان مسار تسؤلهم ..
وميعادنا الكثير من الأفراح .. في مقدم الأيام ..

العزيز تمبس

Quote: الجميل في الأمر أن التقيت مساء الخميس .. في احتفال الصحفيين بالعديد من الأخوة بورداب الرياض الذين تجمعنا بهم علاقات أكبر من أن .. (تجرح) في هذا الاسفير الخداع ... وأكبر أن يتم التلميح بالاسراع لقتل الآخـر .. ما كتبه الأخوان هنا من كانو هم على معرفة بظرفي وكانوا على متابعة .. معي .. حق لي أن اكتب لهم هنا.. لاحقاق حق وما كتبه هنا من الذين اتصلوا علي مساء نفس يوم الحفل .. وما تم الرد لهم .. إلا صباح اليوم التالي وما اخذتهم العجلة والمبادرة إلى العشم المغلف (بابعاد ثلاثية) .. لا ادري ما الغرض منها أو اي عشم أخوي هذا الذي يصتصعب عليك الانتظار ولو اربعة وعشرين ساعة علشان تعرف أخوك دا مات واللا حي .. وعشمي في الكثير من اخواني واخواتي بورداب الرياض .. الذين التقيت بهم في لقاء الصحفيين ... والذين عاودوا واتصلوا علي من جديد .. لقلق راودهم .. ولأسفي الشديد على عدم حضوري ومقابلة الكثير من الذين اكن لهم مودة خاصة يواصلوني واواصلهم .. احتفي معهم .. في افراحهم واشاركهم احزانهم .. ونتبادل المودة .. ولا نضمر لبعضنا السوء (ولا نقتلهم في الخفاء) .. فما جمعني بهم من وجودي في هذا الكيان بورداب الرياض من العام (2002) اكبر من أن ينسف في بوست مثل هذا .. فعشمي ببورداب الرياض ما زال قايم .. وعشم بورداب الرياض في المحبة التي تجمعنـا ما انقطع برغم كل ما حاق بنا من محاولات نسف منظمة قادها البعض .. ضد بعض .. ومن محاولات طعن في ( شخوص البعض ) بي طرق فردية أو بي طرق منظمة ..

رد مؤسف وسوء ظن في تقدير النوايا000

Quote: رد مؤسف وسوء ظن في تقدير النوايا000

شكرا يا طـارق .. لكل أمر ما نوى

والفورة كم !!!

الزميلة الدكتورة داليا الكباشي
لك الود والاحترام
قابلت تمبس يوم الخميس
واوضح لي اسباب تخلفه
والحمد لله هو بخير وتمام التمام
وده المهم
العشم كبير بين الاخوان
والواحد ما بعاتب اي واحد!!!

العزيز طارق نقد ..

Quote: قابلت تمبس يوم الخميس واوضح لي اسباب تخلفه والحمد لله هو بخير وتمام التمام وده المهم العشم كبير بين الاخوان والواحد ما بعاتب اي واحد!!!

.. زي ما قلت ليك يوم الخميس .. كنت بتمنى أنو لو تعاود الاتصال صبحية اليوم التالي .. أو حتى تسال علي قبل التسرع في فتح بوست للاسف اغضب الكثير من الأخوة الذين اتصلوا بي .. وللاسف الكثير من الذين التقيتهم في يوم الصحفيين اظهروا عدم ارتياح لعدم حضوري .. وربما البعض الآن من لم يعرفوني عن قرب يحملون نفس الفكرة .. وكل ذلك بناء على البوست وعنوان البوست .. وما ادري إلى الآن ما السبب في أن تخصني بمثل هذا البوست وعميق العشم كان أن تسال عني أو تنتظر حتى من يأتيك بالخبر اليقين ..
صباح اليوم التلاي وجدت عدة اتصالات من أخوة كانوا في مكان الحفل .. عاودت الاتصال بهم .. ولا يخفي عليك قلقهم علي وعدم حضوري .. لانهم متعودين إنو نتلاقى في الافراح والاتراح ..
أخبرني احدهم بالبوست وعن امتعاضه حتى من عنوان البوست .. وللحقيقة وفي الايام العادية بكون بعيد من الإنترنت كما ذكرت العزيزة داليا كباشي .. حيث اقوم بكل التزاماتي يوم الخميس والجمعة وهي الفرصة الوحيدة التي اوفي فيها التزاماتي وراحتي الكاملة .. ولو كان هناك ظرف متاح لاكتب لك في نفس اليوم لما ترددت .. حتى ابادلك نفس العشم الذي تسرعت فيه فخرج من اطار العشم إلى سهام توجهت لي حتى من الذين احبهم حيث بادروا بناء على البوست بعتاب ولوم.. وخلق فيهم البوست مليون علامة استفهام .. مع علمي التام بأنهم كانوا سيجدون مساحة واسعة لمعرفة ما يدور من حولي ..
التسرع يا طارق في الكثير من الاحيان يفسد حتى الاشياء الجميلة ..

Quote: عدم حضور المحتفى به تمبس لم يحضر ولم يعتذر ولم يكلف نفسه حتى الرد علي التلفونات

.. كان شكل العشم بيكون أجمل .. لو عاودت الاتصال حتى تاني يوم .. أو سالت .. وما تسرعت بمفردة حتى لم يكلف نفسه الرد على التلفونات .. كما تعلم يا طارق في الكثير من الأحيان اقوم بالاتصال عليك .. وما بترد .. وبالكثير من الأخوان .. لسظرف أو سبب لحظي .. لكن بنعاود الاتصال حالما زال الظرف .. سأكلف نفسي مرة أخرى يا طارق حال ظروفي سمحت بذلك .. كما أننا جميعا غير ملزمين بأن نضع نفسنا في مكان (نشرح فيه ظروفنا الخاصة جدا) أو ما يخصنا على هذا السايبر .. حتى نرفع عن نفسنا تهمة العبث بمشاعر الاخرين .. وخذلانهم . فالخذلان في حد ذاته مفردة محبطة .. وأتمنى ألا ينقطع عشم الناس في ولا ينقطع عشمي في أخواني وكل من يبادلوني حب ومودة ..

Quote: لم يحضر ولم يعتذر ولم يكلف نفسه حتى الرد علي التلفونات حضر جميع المحتفى بهم ...ما عدا تمبس؟؟؟ ما هكذا تقدير الاخوان والاخوات !!!

أنا اقدر الأخوان يا طارق .. والأخوان الحق يعرفونني كما عرفتهم أنا ..
في جمعنا هذا ومن قيام هذا الجسم .. احتفلنا بالكثير من الأخوان حتى قبل انضمامك إلى العضوية أو حتى اللجنة .. احتفلنا بمن سافر نهائي .. احتفلنا بمن له ما يتوجب الاحتفال به .. حزنا وعصرنا الفراش مع اعزاء لنـا .. احتفلنا بلا اسباب للاحتفال فقط من أجل ان تستمر أخوتنا .. امتدت افراحنا واحتفالاتنا إلى ابعد نطاق في مدينة الرياض .. وفي كل هذا .. كنت من ضمن اخوتي لا اقصر في كل ما يطلب مني استقطاعا من زمني ومن جهدي في بلد لا تقدر الزمن .. ما تعمدنا حصر فلان الفرتكاني .. أو شلنا ورقنا وكتبنا فيها الجا منو والما جا منو .. ولا وقفنا في الباب نرصد تحركات بعضنا البعض .. بل كنا جسم موحد كل منا يهتم بالآخر .. نقدر ظرف غيرنـا ولا نتسرع في اتهام الآخر بعدم تقديره للاخوان ..
كنت اتمنى ان تكتب عل المانع خير .. لكن أن تكتب هكذا

Quote: حضر جميع المحتفى بهم ...ما عدا تمبس؟؟؟

.. في أول مداخلة في البوست .. وتعود مرة أخرى وتكتب

Quote: شكرا حميده رغم الحضور المتأخر شكرا داش رغم التأخير شكرا صديق الموج رغم الحضور المتأخر وعدم حضور اخلاص وزوجها

.. فهذي واحدة من ضمن المحتفى بهم واسمها تصدر البوست .. للناس ظروف .. حتى الذين حضروا متأخرين .. اعتقد لهم ظروفهم الخاصة .. حتى الذين حضروا وشاركوا وانصرفوا كانت لهم ظروفهم الخاصة ..
أرجو الا تتسرع مرة أخرى يا طارق .. في العجلة دائما الندامة .. ولا تتسرع .. حتى لا يكون حجم الضرر كبير .. ولا تتسرع حتى لا تفسد الاشياء الجميلة .. فما لنا سوى العض بالنواجز على اشيناءنا الجميلة التي تجمعنا مع بعض ..

Quote: فما لنا سوى العض بالنواجز على اشيناءنا الجميلة التي تجمعنا مع بعض ..

دا كلام سليم وصحيح مية في المية

والحمد لله انك قد قابلت الاخ طارق وزال اللبس

الكان حاصل . في النهاية نحن اخوة واصدقاء

جمعتنا الغربة بكل ما فيها من ضغوط عمل واسرة

وغيرها .

ستظل هذه المجموعة باذن الله متواصلة ومرتبطة مع بعضها

في السراء والضراء .

ويجب علينا ان نسد الفرج حتى لا يتسلل الشيطان ليفسد

ما بيننا من علاقات واخوة صادقة باذن الله ..

تامبا لا عليك يا اخي الكريم فانتم وطارق وباقي الاخوة

على العين والرأس وما حدث من الاخ طارق كان من شدة حرصه

على ان تكون بيننا ولكن هذا ما قدره الله ..

لا عليك اخي تمبس فنحن نعرف نقاء معدنك وطيب عشرتك ..

طارق نقد اها الانتخابات خيرا شنو؟

Quote: للناس ظروف .. حتى الذين حضروا متأخرين .. اعتقد لهم ظروفهم الخاصة .. حتى الذين حضروا وشاركوا وانصرفوا كانت لهم ظروفهم الخاصة ..

وحتى أولئك الذين لم يحضروا أيضاً لهم ظروفهم
الخاصة والتي قد لا يعرفها إلا القليلون
أو الذين يفتقدونهم فقط أو يلحظون غيابهم؟!

ومؤكد: الغايب عذرو معاو ، كما يقولون ؟!


مودتي ،



( ليمو )

Quote: نشكر الدكتورة علي مرافعتها ونضيف : بأن الاخ داش لديه كونكت .. وعلي مدي 24 ساعة ومهما كان العذر لايمنع من الرد علي الجوال مرافعة ضعيفة .. من محامي غير محترف وزير الري

..
ادريس خليفة علم الهدى ..
كنت اتمنى ان تكون محضر خير هذا اولا .. وكنت اتمنى ان يكون هو العشم ولا شئ سواهـ ..
أولا أنا لا اعتقد انني احتاج إلى من يترافع عني .. أو كما اشرت .. كل من كتب هنا كتب لعلمه بالظرف المحيط .. وكتب لاتصاله بي المباشر وخير مثال .. الأخ فتحي الصديق الذي تابعني بالهاتف مساء الاحتفالية وتحدثنا صباح الخميس .
العزيزة داليا كباشي ما هي محامية محترفة كما اشرت .. ولكن من معرفتها كتبت من أجل ان تزيل بعض الغشاوة .. ولتحافظ على حد العشم الذي تعرفه متوفر بيننا فمبادلتك لها بالرد بالطريقة دي مكان التقدير منك لاني هنا برد نيابه عنها فقط كرد جميل لي انها حاولت تساهم معاكم كأخوة .. ليس إلا ..
اكرر يا ادريس ما انا في حوجة إلى محامي فاشل كان أم ناجح ... ولا انا في موضع اتهام.. ولما هذه الحدة في الكتابة أهو نفس العشم أعــلاه ..؟

Quote: بأن الاخ داش لديه كونكت .. وعلي مدي 24 ساعة

.. حتى إن كان لدى داش كونكت .. فما دخل ذلك بي ظرفي ..؟ وهل أنا ملزم يا ادريس .. ابطل كل حاجة علشان اقول لي داش بلاي يا داش الكونكت حقك علشان انا لازم اجي ادافع عن نفسي .. لاني متهم .. مسالة انو داش عندو كونكت دي راجع فيها نفسك .. أو راجع داش ذات نفسو .. لمزيدا من الايضاح والتوضيح .. والله دي حاجة عجيبة جدا لكن مسالة الكونكت بتاع داش دا ..

Quote: ومهما كان العذر لايمنع من الرد علي الجوال

.. يا سبحان الله ..
يا ادريس .. المسالة شكلها ما ماشة على عشم اخوان .. دي ماشة مكان تاني ..
انا لما جيت من السودان .. وكعشم اخوان وكزول قريب لي .. لما فقدتك ما اتصلت علي زي ما الأخوان اتصلت علي .. قعدت اتصلت عليك في تلاتة ارقام معاي تخصك .. وكان كل يوم بتصل عليك .. لمدة ما يقارب الاسبوع .. ما بيجيني منك رد .. ولا بترجع لي .. سالت عنك صديق مشترك .. معانا .. قالي الزول دا عندو زحمة شغل .. قلت ليهو الغايب عذرو معاو وأنا عارف انو كان عندك ظروف مرضية على نطاق الأسرة حبيت بس اتطمن ما حاجة تانية فقط عشم اخوان صافي .. رجعت اتصلت عليك تاني .. ورديت علي ووضحت لي انك كنت عيان وفعلا لقيت ارقام تلفوناتي .. هل حصل قلت ليك ياخ ليه ما رديت لي علي التلفونات ...؟ هل حصل قلت ليك عندك كونكت .؟؟ شنو الحركة بتاعت الاتصالات الجات اليومين دي كمان ..؟

Quote: ومهما كان العذر لايمنع من الرد علي الجوال

طيب ما تطبق القاعدة دي علي نفسك .. أو على الاقل كان تتصل إنت علي زي ما اتصل طارق ولو ما اتصل عليك .. ياخ تعال اكتب كلامك دا إنت ما عندك جوال واللا شنـو.؟...

Quote: ان السبت لناظره قريب ... حسن نيه تبرير من فوق 1550 ميل جوي عجبي !!!!!!!!!!!!!!

اهو السبت جا يا ادريس وياني معاك .. عندك شنو بالضبط عايز تقولو في السبت دا .. وما قلتو يوم الخميس والجمعة

Quote: حسن نيه تبرير من فوق 1550 ميل جوي

.. والعبارة دي معناتة شنو بالضبط لاني ما فهمتها .. ياريت تجي توضحه لي .. بالميل الجوي .. يا حوله بالمتر المربع ..

Quote: عجبي !!!!!!!!!!!!!!

متعجب من شنو يا ادريس ..؟ ياريت توضح لي .. لانو لو اتصلت علي تلفوني .. ما اظن ارد ليك لانو عندي ظرف من هنا ولي قدام .. وعلى المدى الطويل ..

اتفضل يا ادريس اهو السبت جا ..

Quote: اتفضل يا ادريس اهو السبت جا ..

.. ياريت يا ادريس تكتب لي قبل الساعة اربعة .. لانو ما عندي بعد الساعة اربعة كونكت .. علشان اقدر ارد ليك بيهو ..

Quote: ما اظن ارد ليك لانو عندي ظرف من هنا ولي قدام .. وعلى المدى الطويل ..

لك مطلق الحرية في خياراتك .. ولن أكلف نفسي عناء الاتصال

Quote: لك مطلق الحرية في خياراتك .. ولن أكلف نفسي عناء الاتصال

.. ولا يهمك يازول .. حسب ظرفك
بس رد لي على الكلام الفوق داك .. عشان اكون على بينة .. لاني محتاج توضيح للكتبتو..
وبالذات (عجبي) والميل الجوي .. لاني بي صراحة والله ما فهمت ..
مسالة الاتصالات دي .. ارميها بي قفاك .. ما تشتغل بيها كتير..

Quote: .. ولا يهمك يازول .. حسب ظرفك بس رد لي على الكلام الفوق داك .. عشان اكون على بينة .. لاني محتاج توضيح للكتبتو.. وبالذات (عجبي) والميل الجوي .. لاني بي صراحة والله ما فهمت .. مسالة الاتصالات دي .. ارميها بي قفاك .. ما تشتغل بيها كتير..

أفهما بالطريقة البتريحك ... يعني حسب النية

Quote: أفهما بالطريقة البتريحك ... يعني حسب النية

.. قفل المحضر في حينها مع تسليم المعروضات والمتعلقات .. عدد واحد شريحة موبايلي .. بداخل جوال نوكيا مجهول الموديل
عدد واحد شريحة اتصالات سعودية مع نوكيا مجهول المصدر ..

حاشية ..
يا للاسف .. ويا للبؤس .. ويا للعشم.. ويا للاتهامات الساي كدا.

Quote: حاشية .. يا للاسف .. ويا للبؤس .. ويا للعشم.. ويا للاتهامات الساي كدا.

لكل أمرئ ما نوي

تمبس وادريس ارجو منكما قفل هذا الموضوع عند هذا الحد ولو في باقي نقاش تموهو
لمان تتقابلوا مش على الهوا وحتى ماتردوا على مداخلتي دي رجاء .خيبوا ظن الشيطان .

أنا قفلتويا وليد من لحظة مداخلتي الفاتت .. حتى قفلت المداخلة في البوست كلو .. ومافوقو نقاش سواء أن كان جوه واللا بره ..
البيكتب كلام هنا مفترض يكون على قدرو ما مفترض يزوغ منو دا العرف المتبع

التمس لأخيكـ سبعين عذرا!!*








ما كنت عاوز أدخل البوست دا
لكن الرجاء الأمـور تتحل بطرق أخرى!
الكلام دا ما حلو!

______
مقولة وليست حديث شريف

تم قفل البوست من قِّبل الإخوان ..
تمبس ..
إدريس ..
طارق ..
ما بينا إلا كل جميل وطيب ..
ستظلون أخوان وسنظل بورداب الرياض على قلب رجل واحد ..
شكراً لتفهمكم ..


الرجاء من الجميع عدم الرد في هذا البوست ..
شكراً مقدماً ..