Post: #1
Title: محمد حسن سالم حميدوفنان الطمبور يعقوب تاج السر فى حديقة دحل الحمام بالدوحة يوم الجمعة20 فبراير
Author: wadalzain
Date: 02-17-2010, 10:37 AM
Parent: #0
المكان : حديقة دحل الحمام
الزمان : الجمعة الساعة السابعة مساءا 19 فبراير 2010
يلتقى عشاق الشعر الجميل وعشاق الطرب الاصيل مع الشاعر محمد الحسن سالم حميد وفنان الطمبور يعقوب تاج السر الذان يشرفان الدوحة هذه الايام
بهذا تدعوكم المجموعة السودانية ورابطة المرأة والروابط المهنية فى اطار الاحتفالات بالاستقلال المجيد لحضور هذا اللقاء المميز بين اثنين من عمالقة الشعر والطرب .
لقد تم الاعلان مسبقا عن الليلة الشعرية لتقام فى مركز شباب الدوحة يوم الخميس ولكن نسبة لأن جميع المهتمين قد ابدوا ملاحظتهم على ضيق المكان الذى لا يمكن ان يسع عشاق الشعر الجميل فقد تم استبدال المكان وتغيير الزمان بأن تكون الليلة فى حديقة دحل الحمام يوم الجمعة الساعة السابعة مساءا خاصة وأنه سوف يشاركنا فنان الطمبور يعقوب تاج السر الذى بالتأكيد سوف يسلطن الحضور بالطرب .
لذلك نعتذر عن الازعاج
من اغاني الفنان يعقوب :
شق جسم الليل عويلا وضمت الآهات ذليله
حواء ياناس ياحليلا وتانى ياناس ياحليلا
ماسكة كف التوب تخيط والدموع تنزل هيلا
كان متاقى الباب وخايفة من ابوها يشوف حويلا
العليها هو ماهو هين كيف تهون روحو العليلا
كان يقولها حواء مالك العذاب كيفن مشالك
حواء لا زيدى العليكى فوق كتيفى انا شايلو فالك
فى وتيدات المذلة بكرة بنفكن حبالك
حواء ماهمينى حالى الا صح هامينى حالك,,,
حواء حواء وباقى نضمو تحبسو العبرة التقيلة,,,
:
اصلوا من ولدوها ضمة حواء مافرت خشيمها
وردت شفتيها يمة
حواء كان احلاما حمة كان تشوف الدنيا غمة
ماهي ياناس غير ابوها مافي زولا بيها هما
ماهي ما ولدوها اصلا ماهي حية ويوما تما
حواء برد الدنيا والله اكبر من غطاها
حواء كان بامكانا تسرق بس ضمير الخير حماها
حواء عاشت في الماسي وكان بتصحي علي سداها
زاد ازاها وزاد شقاها يوم ابوها الراجا ودع روحو دقت فوق رحيلا
حواء عاشت في الماسي والماسي بقت حقيقة
قالت داير تشرب مالقت ولاحتي ريقا
ما لقت غير هم مقسم يبقي في الايام رفيقا
حواء قالت دايرة تاكل لو لقتلها لقمة نية
قالوا ليها ان دايرة تاكلى اكلى فى خاطرك شوية
اضحكيلوم وابسوميلم تلقى بدل القمة مية
حواء قالت دايرة تشرب مالقت ولا حتى ريقا
قالوا ليها الدايرة تشرب تبقى للايام رفيقة
حواء قالت دايرة تلبس حشمة ماشرطا" قيافة "
قالوا ليها الدايرة تلبس الا تمرق توب عفافا
حواء قالت دايرة تغمد لو حلم بالفرحة طافا
قالوا ليها الدايرة تغمد الا في صدر السخافا
بين ايدينا عشت المعزة ما خلاص بعدت مسافة
حتى قدر الموت اباها مش حرام الموت يعافا
سوت الشاى للعطالة ماجنت غير الرزالة
حامت الحلال تغسل شالوا ناس الحله حالا
مديت الايد للعماية ختو في ايدها لا لا
ختت الالم وراها لاقت الاوهام قبالا,,
قنبت في ضل مصقر سارحة تلتق فى نعالا
وفى ضجيج عجلة زمانا ما نست لمحة جمالا
ما لقت غير انو ترحل لي مدائن الهم ذليلة
حواء ماتت لمن ماتت امها وكانت طفيلة
حواء ماتت لما ابوها روحو دقت فوق رحيلا
حواء ماتت الف مرة,,, لما سلبوها الفضيلة ,,,
|
Post: #2
Title: Re: محمد حسن سالم حميدوفنان الطمبور يعقوب تاج السر فى حديقة دحل الحمام بالدوحة يوم الجمعة20 فبر
Author: عبدالأله زمراوي
Date: 02-17-2010, 11:54 AM
Parent: #1
ود الزين
الرجل الزين...
ليلة تستحق الحضور المبكر...
يكفي أن تستمع لحميد وهو يأخذك لعوالمه
الساحرة والأثيرة ومع الطمبور نعيدُ بعضاً
من ذكريات الجروف والنيل والنخيل والدميرة...
حضورٌ بإذن الله...
|
|