يا طير الودى .. نزَّاح تسابق الشـارده

___
بادي محمد الطيب 1937-2007

16 فبرائر 2007


ثلاث سنوات علي رحيلكـ يا سيد الغُنا و يا آخر المطربين

يا طير الوِدي نزَّاح تسابق الشاردة
بتجوب الفضا وتثكل ثكيل الفارده
نياتك سلام ما حارة عينك بارده
ميال للطبيعة والهبيبة البارده

أنيس الرياض ما بتخفى عنك شارده
ويكيِّف غريدك زي دموع الحارده
جفّال من حبايبك وما بتشيقك عارده
والنيل بيك تآنس والصحاري الجارده

قول لي ما وراءك يا عصام بالواحدة
عاطفتك كريمة وبالخبير ما جاحدة
لا زال النخيل في توتي مادي الشاحده
وشمبات لسه ترفل في نعيمة وجاحده

كنانة آمون مشغولة قايدة وشايدة
من ولدانه بي تلك القصور الشايدة
هديك الفلايك وديك (لوتس) و(عاندة)
وداك عاشق مدلل وديك حبيبة معاندة

ناس الأم حنان وإن مني متعوا الرايده
ما حسبو لي أنا وما أظنوا فيَ الفايده
زينتي وشينني عاد إياها فوقن عايده
والأيام ظروف صايدة وتكون ما صايده

__
أشعار خليل افندي فرح

ياخدر

دخلت هنا, اسلم على -سيد الغنا- نيابة عن الوالد






وتعظيم سلام لخليل أفندى فرح , نيابة عنى



وسلامو كبير

up


ربنا يرحموا فعلاً سيد الحقيبة

ندي
لك و لعمنا عثمان من التحيات اجملها
و خليل افندي فرح قطعا يرد بأحسن منها .. تلك عادة لم يقطعها و إرث سابقة فيه كثيرين و بزهم فيه, هل إستمعت لـ :
قالوا ما سمعنا إنقطع خبرو .. يا حليلهم طشوا ما إنخبروا
واحدة فيهن قالت إنجبروا .. فقر ابونا و خدمة النبرو
خليل لا يقطع عادة يا صديقة .. فكوني بخير

مرور للإستراحة ....

الله عليك يا ود يا ابو المفهومية ..
الله على دلعك للغنا الماهل ..
الله على أبوي الشيخ طه .

ياخي ما احلى الغنا عندك ..
ما أحلاك يا ود التوم ياخي ..
ما أحلى نقيدك و عزيلك و مزاجك اب جنحين .

الله يسعدك ياخي بركة اللانام لا أكل الطعام .

طروق كيقنك ابوي
يا الحبيب القلب ما فضل فيهو شي للحسرة
وحاتك كمل ضُمة ضُمة
رحم الله بادي

يا طارق الاغنية التى كانت تطربنى اليوم ابكتنى

فى الثلاث سنوات الماضية كنت اتجنب الاستماع الى بادى

حتى لا يظهر ضعفى

اول امس ابكتنى اخته عائشه فى برنامج تلفزيونى فى ذكرى وفاته

واليوم انت بهذه الاغنية

وقبلها والد الشهيد بحديثه المؤثر

مالكم علينا ياخدر الحكومة تبكينا بقتل الابرياء

وانت بذكرى الاحباء

لكن ما احلى البكاء عندك

وما امر الدموع عندهم

لقد اصبحت كالطفل ابكى لابسط الاشياء

فكيف لذكرى رجل احببته فى الله وعشقت فنه

مودتى

ما احلى الغنا عندك
خدر
هل تعلم في ناس ادمنو
سماع اغنياتك وتركو
ماكانو يسمعو
كن بخير ...
وللقامة بادي الف رحمه عليه
في سكونه الابدي

Quote: ما حسبو لي أنا وما أظنوا فيَ الفايده زينتي وشينني عاد إياها فوقن عايده والأيام ظروف صايدة وتكون ما صايده

والأيام ظروف

يا خدر .
عاين عاين
فى أغنية ياقائد الأسطول .
وكت يصل المقطع البقول :
كم من أسير مغلول ... ما لاقى لحظة حنان
يرى وعدك المحلول ... زى حجة الوسنان
والكان سكونو تلول ... ما بدلن بجنان
..
يا خدر الأغنية دى تغنى بها سرور وعبيد الطيب وعبدالعزيز داؤد وبابكر الزكار
والدنيا كلها قامت وقعدت فى ترديد الأغنية الا بادى فى المقطع ده يا خدر اكتر
واحد PEAUTIFUL .
وكمان وكت يصل النهاية ويقول مثلت فينا فصول .. ما بتدرس النسيان ..
الله يرحمك .

شكرا ياخدر
رحم الله البروف بادي رحمة واسعة واسكنه فسيح الجنان، بقدر ما شذب وجداننا القلق.

محبتي

عثمان يا ابن عمي
وصف ياخي و صف و قول
فوق الفنان ده
الله يرحمو و يحسن اليه




الفاتح ميرغني
ااااااااااااامين يارب
و يسكنو فيح الجنان مع الصديقين
بقدر ما اظربنا و شذب وجداننا

احمد القرشي
يشهد الله كأنك بتحكي عني برضو
\ياخي بقينا نبكي لاسهل الاسباب
ده شنو الهم النحن فيهو ده
غربة ولا شجن ولا حزن ولا حاضر مقيت ؟
ربك يفرجها ياخي .. فترنا



باسط يا فنان
اشتهيت طلتك و شكرا علي الكلمات الجميلات
ربنا يجبر خاترك و خاتر المعاك

و يسعدك يا ود التوم
شفت ابوك ده بقعدو كيف !؟
و العجب خليل افندي .. نوبي يكتب و يلحن بإيقاع
عربي مُبين ..إنا لله (يا قولك)



يا طروق
سلامتك من الحزن و الحسرة
تعرف في تذكارهم حياة لينا
شفتهم بدونا الحياة و هم اموات كيف ؟
ربنا يرحم موتانا

حبيبها
يشهد الله قعدتك في البوست بتفرح
ادعوا لي شيخك بادي




احمد موسي
استريح قد ما تقدر يا صاحب
و اطلب الرحمة لي شيخك بادي

Quote: أنيس الرياض ما بتخفى عنك شارده ويكيِّف غريدك زي دموع الحارده جفّال من حبايبك وما بتشيقك عارده والنيل بيك تآنس والصحاري الجارده

سلام : خدر

Quote: ناس الأم حنان وإن مني متعوا الرايده ما حسبو لي أنا وما أظنوا فيَ الفايده زينتي وشينني عاد إياها فوقن عايده والأيام ظروف صايدة وتكون ما صايده

رحم الله المبدع الكبير بادي وأسكنه فسيح جناته

خدر سلامات


بوست

الزول ده يا خدر
كان يجن ويشرد بعيد فى أغنية أنة المجروح .
زول مليان سماحة وعشق عجيب .
اسمعو .
أسمعو وكت يردد البيتيت حقات .
للحب زناد فى الجوف ... زى الزناد مقدوح
منو الجبابرة تلين ... لى صوت بلابل الدوح
بين نغمة الاشواق ... ومحاسن الممدوح
الأغنية سجلت بصوت الفنان عبدالعزيز داؤد . وعبدالعزيز داؤد قال يحبها عند بادى
بادى يا خدر بيديها لون يخليه ترقش .
بادى فنان .
وهو ماهو ظاهرة فنية وبس . بادى مؤسسة متعددة المواهب .. الله يرحمو .

رحم الله الراحلين خليل فرح وبادي محمد الطيب .. وأحسن إليهما ..


أغنية جميلة امتزجت فيها أحاسيس الحزن والضرب ..


يديك العافية أخي خدر ..


جاد

دكتور يوسف
الجندرية

شفتوا الشعر الوصفي العميق ده
و الاداء المدهش طبعا لبادي

ربنا يتولاهم جميعا و نحن بي جاههم

رحم الله بادي رحمة واسعه وفتح الله عليك يا خدر

*
*

خدر سلامي و تحياتي .................. دهـ تقليب مواجع وألم شديد .
لم نستطع رفع الفراش وخايفين يستمر معانا حتي يوم الدين .
الاثنين 15 فبراير 2010 م كان الذكرى الثالثه لرحيل البروف بادى .
أمس بدار فلاح الأربعاء 17/فبراير/2010م كانت هناك سهرة خاصة
نظمت تخليداً وتذكيراً بالمبدع المسكون . (عرفت بعد تلفون مع الأستاذ يوسف محمد أحمد محمد الطيب) .

لكم ودي ،،،،،،

على الرغم من انه من الجزيرة المروية
لكننا نعرفه ابنا للعباسية
منذ ان تفتحت اعيننا وجدناه امامنا فى البيت والحلة
مغنيا وانسانا اجتماعيا
يجئ بيوت الاحزان كما يجئ الى الافراح مغنيا
كان صديقا لخالى فخرى بابكر سلامة
كلما طاف بالحى جاء الى البيت رفقته
يجلسان وكنت ثالثتهما
يغنيان فى رسوخ وكنت استمع فحفظت ماشاء الله لى من اغنياته
كنت اعجب بشكل خاص باغنية الخنساء
حيث شقيقتى الصغرى كان اسمها الخنساء
لكن مكمن اعجابى انه يقول "الا يا سلمى يرضيك "؟
وكان يرضينى لحظة ان يجئ كلاهما من دار الرياضة امدرمان ويطلبا الى ان "اعمل شاى "
فبادى كان "ما بشرب خمر يسكر "لكنى لا اعرف مقدار محبته للملاح الاخدر ...!
فلم احظ باكله فى بيتنا سوى كباية الشاى تلك
حتى فى الحفلات يجئ ناحيتى هامسا "بت اختى سوى لى كباية شاى من يدك "
هكذا اذن كنا فى عداد الخال وابنة اخته
يا له يا خدر من رجل متواضع رغم كل فنه لكنه كما كل السودانيين "الصح "
فى مرة قال له عميرى وكان يسجل فى حلقة لصديقنا عوض بابكر "حقيبة الفن "
ـاسمع يابادى حاغنى ليك بالرق
ضحك بادى وقال
ـ يا عبد العزيز القصة ما ساهلة
ومعروف ان عميرى لم يكن يعرف حتى كيف يعزف العود
المهم انه "اخد الرق وغنى ميل وعرض كتر امراضى بالرق "واغنية ازعم انها للكاشف
رحم الله الخال بادى فهو خالى لانه صديق خالى وصديق خالك خالك

اللهم ارحمنا جميعا يا نيازي

وينك يا مبدعنا
دائما تفتش لي في البغلغل روحي تجيب حاجات تجنني
وتذكرنا جمال الغنا وتذكرنا جيل المبدعين
====
له الرحمه

يا حبيب،
لا زلت متأملا عبارة الامي (قاع سجينِ) التي تحكي حال شعبنا الحين
قصدي تلك العبارة الواردة في قصيدة (الإسماع و الإشجاء)
ضمن مختاراتك الأخيرة

.. خليل يستشهد تصويرا و تاريخا ب (لوتس) و (عايدة)
و كان قد اكرمنا زمان مصر ذاك، بحضور (اوبرا عايدة) في مسرح الطليعة، ضمن اعمال
جماعة اليسار الناشد إعادة إنتاج و فهم مصر الفرعونية على خط التحليل و إعادة التركيب الفني - الميلودرامي

ليك السلام ما ترنم شادي او رطان .. ليك السلام ما غنى مفارق الاوطان
بالله ادرجها ضمن مختاراتك القادمة، تنتشى انت، و يرضى عنك على المك في قبره
و نسعد نحن و نطرب و نفرح

البعرفوا الوفاء ما ندر



لحين ميسرة .

عظمة علي عظمة..
بادي و عركي.....
.ما اجملها و اعمقها من لحظة......



تحياتي و احترامي
يا فنان..
للراحل بادي.. الرحمة و المغفرة..

_
الصورة من قوقل

لك الرحمة شيخنا بادي

يا ما لعبت بي قلوبنا (القرديه).


خدر مالك علينا يااااخ

عذرا يا اصدقاء علي الانقطاع
بعيد عنكم انفلونزاء و التهاب صدري حاد

ساعود كان اتسهلت
البوست بوستكم و رحم الله حاج طة الفنان الانسان

خدر
شنو ؟؟؟
انشاءالله المانع خير ؟
حالك ؟
وحال الأسرة ؟
وحال مدرجات ال K L M .
د / أحمد القرشى قال بادى ساق الفيات كيف كيف ما تعرف . كلام فنانيين .
يا سلام .
وسمعت قالوا يوم مات بادى . بروفسور على شمو بكى . صوت بادى يا خدر مافى
منو .. زى الاصوات دى قالوا بتجى فى الدنيا كل ألف سنة .
سبحان المعبود .

سلامتكـ يا خدر
ما تشوف شر

احمد القرشي
يشهد الله كأنك بتحكي عني برضو
\ياخي بقينا نبكي لاسهل الاسباب
ده شنو الهم النحن فيهو ده
غربة ولا شجن ولا حزن ولا حاضر مقيت ؟
ربك يفرجها ياخي .. فترنا

الحساسية بتزيد وبتقشر القليب وتخلية رهيييييف

رحم الله بادي الذي اطربنا واشجانا

رحم الله بادي الذي ربط لنا جسر التلاقي بينا ماضينا وحاضرنا

رحم الله بادي الذي حفظ لنا تراثنا الفني الاصيل بصوته والعذب وادائه الرفيع

ربنا يتقبلة قبولا حسنا ويجعل مثواه الفردوس

شكرا الفنان خدر وجايك يوم الجمعة انشاءالله

يا جماعة الله يشهد يومي بيمر علي
تفكيري بادي ويومي بسمع صوتو
زول بيوزن مليون نفر .


البوست ده لازم يكون فوق
لحين ميسرة .
كم نظرته في دار العبر
نظرة اللحياة اختبر .

الله الله يا شيخ طه .
ولو بحجبو الامر الصدر
ما بيحجبو دمعي الانحدر
وكل شئ إن صفاء او كدر
في ايادي القضاء والقدر .

غنية و آداء بشيه يوم الجمعة الساعة 12 بعد الفطور و قبل الصلاة


حتي اعود و عذرا للإنشغال