Post: #1
Title: 'إنت ليه ما بتمسك ايدي واحنا طالعين سوا؟'
Author: عادل عوض بلال
Date: 02-16-2010, 07:53 AM
مجكسين
'إنت ليه ما بتمسك ايدي واحنا طالعين سوا؟'
'لأ طبعاً يا روحي... أفرضي زول من اهلك شافنا؟ ولا واحد من أهلي؟ على الاقل كِده بنقدر نزوغ من الزرزره, لكن إن شاء الله يا حبيبتي باكر آخدك وامسك إيدك قدام الدنيا كلها '.
..................................
مخطوبين
'إنت ليه ما بتمسك ايدي واحنا طالعين سوا؟'
'علشان ما داير زول يعلّق علينا ويقول الجماعة ما مصدقين انهم مخطوبين...
وبعدين
بصراحة كده أنا ما برضى أي زول يتكلم على حبيبتي...
..................................
متزوجين
'إنت ليه ما بتمسك ايدي واحنا طالعين سوا؟'
'يا حبيبتي إحنا ما مراهقين عشان نقعد نمسك إيدين بعض في الشارع وكده!!....
إحنا اتنين
متزوجين ومحترمين وعندنا بيتنا نسوّي فيهو اللي عاوزينه'..
..................................
متزوجين وعندهم عيال
'إنت ليه ما بتمسك ايدي واحنا طالعين سوا؟'
'يعني امسك إيدك انتي ولا امسك إيد الشافع ولا اشيل الأكياس دي كلها، ولاّ شنو يعني؟!'
مُصيبة شنو الوقعنا فيها دي يا ربي؟؟؟
..................................
بعد 25 سنه من الكفاح المُسلـّح
'إنت ليه ما بتمسك ايدي واحنا طالعين سوا؟'
'إيد شنو دي اللي بمسكها هسه بعد العُمُر ده! إنتي دايره راجل بـِتـّك يقول علينا كبرنا وخرّفنا؟!
يا وليّه أكبَري عليك الله
فمارأي الأخوة فيما سبق ذكره هل تمثل كل الأزواج السودانيين أم بعضهم؟
|
Post: #2
Title: Re: 'إنت ليه ما بتمسك ايدي واحنا طالعين سوا؟'
Author: داليا حافظ
Date: 02-16-2010, 05:58 PM
Parent: #1
عادل عوض
مساء الخير
| Quote: هل تمثل كل الأزواج السودانيين أم بعضهم؟ |
كتير منهم ..لكن والله شايفة تغيرات كتيرة حصلت للجيل الجديد ..وعموما البعض بكونوا خارج بلدهم أكثر تحررا ، يعني ممكن يمسك يد زوجتوا عادي وهم
في القاهرة مثلا ..لكن لمن أرجع السودان بتحفظ ..في الغالب في ناس ما بحبوا ينتقدوا في محيطهم حتى لو كان عندو المبررات والحق ...أو خوفا من
وصفهم بانهم بتاعين حركات ..أو متخوجنين .. بس الأكيد أنو المشهد إتغير لحد ما..
.......................
لكن الزوجة حقوا ما تسال كتير لو الموضوع ده مأزما ..تكنكش براها في أيدو..لوووول
|
Post: #3
Title: Re: 'إنت ليه ما بتمسك ايدي واحنا طالعين سوا؟'
Author: حسن محمود
Date: 02-16-2010, 09:14 PM
Parent: #2
Quote:
متزوجين
'إنت ليه ما بتمسك ايدي واحنا طالعين سوا؟' |
عادل عوض .. خالص الود
عادي بتحصل.. وهم بقطعوا شارع الزلط.
|
|